غرائب القصص الوواقعيه .. من ايدكم ..

[منوووووله]

هههههههههههههههههههههههههههههههههههههههههههههههه عجييبه ام اليني لووووووووووووووووووووووووول

تحدث معي بطلاقه

مووست كملي السالفه من ابوج واسدحيها اهنيي ونبي بعد قصص ابووج وباميه وينج والياسمين وام دعيج وام سلمان

وينكم ناطرتكم

 

[ام سليمان 2008]

هاي منووولة ’هااي بنات بقولكم سالفة تذكرتها



يقولكم في واحد شاب اية ماشاء الله عليه من الجمال جنه بنت وهو منيوم صغير يعتبر نفسه بنت ويتصرف تصرفات بنات


المهم الولد هذا كبر وتم على حاله وهم ناس من عوايل معروفة المهم اخوه العود هدده وقاله بعطيك فرصة عشان تتغير


وهذاك ابد يعني هو وايد نعوم وصج لو تشوفينه بنت بكامل انوثتها المهم قاله اخوه انا بطلع وياك ابيك بسالفة ولازم نكون بروحنا طلع وياه وودااااااااااااااااه البر وطلع المسدس وذبحه



ذبح اخوووه وحطه بالدبة وراح سلم نفسه للشرطة وقالهم الجثة معاي بالدبة طبعا اقبضو عليه واسجنوووه بس خففو عقوبته بعدين وهم ناس عايلتهم معروفة





الله يرحمه كسر خاطري كان حده طيب :0bee2e8d89:

 

[om deaj]

يسلم بؤك يا أم سليمان

شالقصص الحلوة

 

[منوووووله]

ام سليمان !! انزين ليش يذبح اخووه في طرق وايده اتخلي يصير ريال مو بالذبح !! اعوذو بالله مشكووره ام سليمان بعد ناطرين
قصصج ..

 

[ام سليمان 2008]

يسلم بؤك يا أم سليمان

شالقصص الحلوة

الله يسلمج بعد اذا تذكرت بقولكم

 

[ام سليمان 2008]

ام سليمان !! انزين ليش يذبح اخووه في طرق وايده اتخلي يصير ريال مو بالذبح !! اعوذو بالله مشكووره ام سليمان بعد ناطرين
قصصج ..

شفتي شلوون هو حاول وايد معاه بس هذاك مو راضي ومثل ماتعرفين هم ناس (بدو) وهالشي وايد صعب عليهم فذبحه




وان شاء الله بس اتذكر بقول عندي واايد قصص بس الذاكرة ماادري شفيها

 

[Health_club]

حبيباتي بقولكم قصة واحد من قرايبنا كان ساكن بفيلجا

الله يرحمه الريال...اول شي اقروا له الفاتحة لانه كان وايد خوش ريال وطيب

هيييييييييييييييييييييييي

المهم

اهوا كان من سكان فيلجا

يقول ذاك اليوم طلعت من عند الربع متاخر بالليل
وانا بالطريج رايح لبيتنا سمعت صوت ياهل
والا ياهل توه مولود وقاطينه اهله

قلت اخيييييييييييييييه ما يندرى ولد منو انت

خل آخذه اربيه مع عياالي

المهم يقول شلته وانا بالطريج حسيت جنه الياهل صار ثقيل وقام يثقل ويثقل ويثقل

يقول عرفت انه مو ياهل طبيعي

المهم يقول رديته بمكانه
وتوني برجع البيت والا اسمع احد وراي يقولي تعال التفت والا حمار صغيرونو وقعد يكلمني جان يقولي كثر ما شلتني بشيلك
يقول انا ولاكلمة صعدت فوق ضهره ووصلني البيت

 

[Health_club]

تذكرت سالفة بنات على ايام الجامعة

كانت معانا واحدة تحب واحد والا غصب تبي تتزوجه

المهم راح حق واحدة فوالة قالت لها جيبي له شي من ملابسه الداخلية وانا ازووجج له

انا سألتها قلت لها اشبتسوين الحين؟؟؟؟

جان تقول هذي سهلة افا عليج 30 دينار حق سيلانيتهم وتكود لي الكبت كله

@@

انا اهني صج بققت عيوني معقولة في ناس تفكر وبسرعة بهالطريقة

الله يهداها بس

 

[ام سليمان 2008]

امبيييييييييي شنو هالناس هو الزواج بالغصب الحمدلله والشكر

 

[منوووووله]

امممممممممممممممممممممممممممممممممم اهم شي صاجه ام سلمان الزواج غصب!!

وسالفة الحمار عجيييبه ناطرتج<< ماتمل امبسطه بالمووضووع

 

[نظـــرات حـــائرة]

أعووووووذ بالله

بـ هالسهولة الوحدة تستهل السحر !!

ياويلها من الله ما تشم ريحة الجنة


يماااا عسى الله لا يبلانا













ولا سالفة الحمار ...تخرع ..شلون أنام

 

[frfr]

واايد عجبني الموضوع
انا عندي سالفه يبس قديمه شوي
كان فيه بنيه خطبوبها وتزوجت واحد حييل ارتاحت معاه ومع اهله وكان عنده 7 خوات وصارو مثل خواتها قعدتها وطلعتها كله معاهم وخلال 5 سنوات زواج ما يابت عيال ولمن وصل عمرها 22 سنه زوجها توفه

بعدها واهي بالعده في فبيت ابوها حمواتها فقدوها فقالو ماكو الا انزوجها اخونا وتصير معانا ونفس الوقت اهي خوش بنت وتنفع حق اخوي واخوهم كان عمره 17 سنه ! يعني اكبر منه اب 5 سنين ويوم قالو حق اخوهم ما رضى طبعا قال انا ابي بنت خالتي وابي اتزوجها المهم حنو عليه لمن قال حق بنت خالته هذي مرت اخوي لازم اخذها بس بعقد عليها وبعد سنه ايي اخطبج ونتزوج البنت قالت اوكي وتزوج مرت اخوه وبعدها اب جم شهر بنت خالته قالت له انا ما ابيك

وظل مع مرت اخوه واهو طوول الوقت يدور له على وحده ثانيه لانه معتبر هل مره تحصيل حاصل وظل معاها وياب منها 3 يهال واهو يدور على وحده وطوول الوقت يقوول ابي اتزوج وابي اتزوج لمن قصو عليه ناس قالوله لقينالك وحده ويوم خذاها واول ما دخل عليها طلعت البنت عميه ما تشووف وظل معاها كل يوم ام البنت اتيي اتنظف البيت وتعدل وتطبخ وتكشخ بنتها وتطلع وايي الريال حق مرته لمن صار بينهم مشاكل وطلقها

ومرت اخوه لحد الحين معاه وصابره وظل يمشي ويقول انا بتزوج وبدور لي على وحده وكله حاط في باله انه زوجته الحين تحصيبل حاصل وانه لحد الحين ما تزوح لين صار عمره 50 سنه وبدها ولده توفه اب مرض الشين منها ما قاام يكلم احد شوي شوي مرض لمن صارله مرض الزهايمر ما قام يعرف احد واللي قايم قيه الحين زوجته اللي كانت مرت اخوه والحين صاره 7 سنين على هل حاله
الله يرحمنا برحمته وبس

 

[$$ صعبة الوصوف $$]

صراحه قصصكم تعور القلــــب

 

[ام سليمان 2008]

صج قصة تعور القلب

 

[NoWay2know]

ماعندكم قصص حلوه،، كلها تعور القلب

 

[NoWay2know]

بنات سمعوا هالسالفة الغريبةت اللي قالتها لي يدتي

تقول ايام اول اكو ريال كبير عنده بنت وحده ومرتة متوفية المهم هالريال كبر و شيب

ايجيلة كل يوم ( كلب) جلب وانتوا بكرامة ايبله اكل بصره

ياخذه منه ويقوله مشكور ويمشي الجلب

يفتح الريال الصرة والا فيها اكل له ولبنته وهاذي حالته كل يوم بليل

والبنت ماتعرف احد بالمدينه ولا لها معارف

المهم عقب اسنين من هالحاله

توفى الابو

ظلت البنت بروحها ذيج الليله تبجي

ياها الجلب و عطاها الصره فرحت البنت قالت اشوه دام انه للحين ايجيب لنا الاكل لانها كانت تحاتي

ظلت جذي كل يوم ايجيب لها الاكل لين ذاك اليوم قالت اهو لما يجيب الاكل يمشي لييييييييين يبتعد ويختفي وين ايروح ؟؟

ومن وين له هالاكل خناتبعه لي ياني باجر بدون لا يحس

اول مره تبعته لقته يدخل حفره و يختفي

ثاني مره قالت بدخل وراه

دخل عقب دشت وراه والا هالجلب مشى صوب حفله وطقطقه قوم وتحول الى ريال مزيون

وادخل الحفله والا العروس لمقعده قعد يمها والا عرسه ويغنون ما اذكر لغنية بس فيها ( احنا بالارض واترابنا زعفران ) معناها احنا بالارض و مستانسين لو انكون فوق الارض جان شنسوي ... هذا معنى الاغنية بس مو ذاكرتها بالضبط

المهم ظلت البنت تحت تصفق و تغني معاهم وبعدين اطلعت فوق وردت عشتها

ثاني يوم ياها الجلب وتكلم قالها انا شفتج ودريت انج تبعتيني ومن اليوم اللي بيني و بينج انتهى
وعقابج بتاخذينه نفخ على ريلها وصارت ريل وحده ريل حمار

قامت البنت تبجي وتصيييييييح حيل لا اكل وهم ريل حمار وين تروح المهم

قامت لقت مزرعه و المزرعه حلوه ولقت حاطين اكل ببساط راحت باقت من الاكل كلت وانخشت

يه راعي المزرعه وهو شيخ شاب صغير
قال من اللي متجرأ وماكل من اكلي يالله هالمره ماني متكلم بحط ابقلبي بس مره ثانية ياويلهم مني

صار اليوم الثاني نفس الشي والثالث لين قال لاا انا لازم انخش واعرف منو ياكل من اكلي كل يوم

وياب الصبي الاكل والشيخ منخش

والا ايشوف ذيج البنت الحلوه اللي شعرها طوييييل وحلو

تطلع تاكل بسرعه وتنحاش هوب والا يمسكها خافت

قالها لج الامان بس قولي قصتج قالت ابوي توفى وماعندي مكان ولا اكل فاكل اكلك وانخش وانام

عقب تزوجها اعجبته بس ما شاف ريلها كله تلبس طويل

ياتها حوافه تمشط شعرهت وتسنعها كل مره تلاحظها ما تمشي و مغطية ريلها ف مرة طيحت المشط صوب البنت عشان ااتيبة وتشوف اشسالفتها ما توقف و مغطية ريلها مسكينة البنت يابت المشط وانكشفت ريلها شافت انها ريل حمار اشهقت و سكتت راحت قالت لام الشيخ لانها ماتبيها تقوله لي ليش اتزوج من الشارع

مع ان البنت كانت سنعه و هادية

عقب عممت الحوافة للناس وام الشيخ انه مرته لها ريل حمار

سمع الشيخ و عصب وقالتله الام و الحوافه اشرايك عشان مانحرجها باجر نحفر حفره كبيرة ونخلي كل البنات ينطون واللي ريلها ريل حمار بتبين

اسمعت البنت وقامت تصيح

شوي والا هالشايب اللي يطق الباب عليها فتحت قا لها عندج اكل عطته اكلها قالته له هاك فلوس اخاف تحتاج ضحك

قال لها انقذتي نفسج تعالي عطيني ريلج ريل لحمار انفخ عليها نفخ ردت طبيعية قال لها هذا انا اللي اول تبعتيني

مره ثانية لا تتبعينه والحين انت صارت ريلج طبيعيه اشكرته ومشى

صار اليوم الثاني

طبعا ام الشيخ اول الحاضرات ( تنطر الشماته )

قامو البنات ينطون يا دورها نطت والا الساق اللي اشزينها والريل مافيها شي

طبعا الشيخ شارط اذا مافي ريولها شي يجحش الحوافه

وطبها جحشوا الحوافه مسكينه

تقول يدتي هالقصص صجية صارت من زمان لانهم عايشين معانا ويخدمون بعض الناس ( فهمتوا منو )

اتمنى تعجبكم

لا منو ؟

 

[NoWay2know]

شالسوالف ؟؟ حدها تخرع وتعور القلب @@

 

[غربــــة اِحساس]

اذا تبون سالفة تضحك مو حيل ترا شوي !

الله يسلمكم وحده معاي بالدوام وسولفت مره عن حماتها

تقول انه حماتها دمها خفيف حيل

ومره كانت صافطه بموقف المعاقين ودخلت السوق ويوم خلصت فراره واهي تمشي بتروح للسياره

شافت شرطي يسجل المخالفة وطبعا شافها تمشي عادي

عاد حضرتها شنو سوت ..
















قامت تعرج هههههههههههههههه

كملت مشيتها واهي تعرج

الشرطي مات من الضحك عليها قالها عشان حركتج رااح اسامحج بس لاتعيدينها

ياحلوهاا تمثيلها هندي

 

[بنوته كيوووت]

لا حول الله ولا قوة الا بالله

 

[حرم الحوت]

لا حول ولا قوة الا بالله
منوله الحين ما أتذكر أي شي ... راجعه ان شاء الله للموضوع