غرائب القصص الوواقعيه .. من ايدكم ..

[Bamya]

لووووووووووووووووووووووووول

والله ما يندرى صج والا جذب بس اهي قدييييمه حيل القصه ومعروووفة

 

[منوووووله]

باميه كل شي جايييز ..



رفيجت امي من مصر كان ابو رفيجتها كله يروح الترعه << المستنقعات عندهم اذا تعرونهاا !!

وكان كله يقعد اهناك ويحب ينيه على قولتهم وكله يروحلهااا ويقعد يكلمهاا .. ولما مات قامت تتحول قطوه


وكله تقعد عند قبره وتمر بيته ويعطونها اكل لانها عارفين انها الينيه الي كان يحبها !!

 

[Bamya]

@@
يممممممممممممه سكنهم مساكنهم

 

[ام سليمان 2008]

سكنهم مساكنهم ناقصة تخرع باخر الليل

 

[om deaj]

السلام عليكم،
منولة>>>حلوة منج ماسكة جيس الحي وناطرة القصص وانا بعد انطر معاج

انا بقولكم قصة عن جارة حماة رفيجتي>>> ياولد عم ابوي حك ظهري خخخخخ
المهم تقول عايلة عربية ريال ومرته وعندهم ولد وبنت يهبلووووووووووووووون جميلين والبنت وايد حلوة ومو صغار بالتعش اعمارهم>>>الكلام على لسان الجارة
تقول هالمرة سمعتها زفت وعيالها كله تطلعهم برة الشقة بس يطلع ابوهم عشان الاخت تستقبل رياييل
تقول تاكدوا لما مرة طالعة من بيتها ولا الباب يتبطل وهي بحضن ريال مفصخة؟؟؟
والامر والادهى انه زوجها يدري عن مرته>>> عفية ريال مافي غارية ولا واحد غيره يذبحها
تقول الجارة ذاك اليوم بالعيد ولا رايحة الخباز وتشوف البنت قاعدة داخل المخبز بحضن الايراني>>>تقول نادتها وطق لي العمارة الي ساكنينها وزفتها تقولها انا قلتلج لا تسمعين كلام احد وليش رحتي عنده وشنو سوالج>>>الجارة ماعندها بنات وحيل كاسرة خاطرها هالبنت>>> ومن خوفها سوت جذي تخيلو لما رد زوجها قاله ترا بنتك لقتها مرتي عند الخباز وخفنا عليها ولا الابو يقولهم>>> ايه كان عندي شغلة بسويها قلتلها خلج عند الخباز لا تتحركين اخلص شغلي واردلج ؟؟؟

تكفون هذول اهل ولا ناس كفو تخافين على عيالهم؟؟ صج يكسرون الخاطر بس يختي هم شي يقهر اذا همه مو كفو نعمة اليهال ياربي شكو يتعذبون بأهل جذي؟؟؟

ماقول غير الله يهدي هالمرة ويهدي زوجها والله يحمي هاليهال

 

[om deaj]

السلام عليكم،
منولة بس اذكر شي لعيونج برد اكتبه
تستاهلين ياعسل

 

[منوووووله]

تسلمين حبيبتي ام دعييج فديتج .. وهاذا البووو بالله شنوو !! ماكو غيره لهدرجه !!

 

[Artya 【ツ】●]

لا حول ولا قوة إلا بالله

 

[منوووووله]

مشكووره بنوته على المشاركه .. ناطره قصصكم القهوى ابردت

 

[almost a whisper]

لا حول ولا قوه الا بالله


وعلى طاري سوالف فيلجا عندي سوالف ينانوه لي الراس .. القعده ويا الشياب والعيايز ما تخلا من التخريع

بقول سالفه عالماشي .. صارت بفيلجا .. يعني توها من جم سنه ..


يقولون والعهده عالراوي
2 شباب بالجيش .. قاعدين يحوسون بسيارتهم بنص الليل بفيلجا..
مروا على المتحف اليديد .. وشافوا مره لابسه عبايه وقاعده على كرسي يم مدخل المتحف
واحد منهم قال للي معاه .. هالحرمه شتسوي قاعده بروحها اهني وبنص هالليل .. خلننزل نشوف شفيها
الثاني قاعد يطالع سيده ويقوله ما عليك خلها
الاول مصر يقول شلون مره تقعد اهني بروحها
الثاني قاله اوكي نفر فره وان لقيناها مكانها ننزلها ..
الاول يقول من صجك مره بروحها اخاف يصيرلها شي
الثاني قاله كيفك انا ماني نازل
نزل الاول والثاني ينطره بالسياره
الاول قال حجيه شفيج .. وطل بويهها .. صرخ صراااخ وراح يركض
رفيجه لاحقه بالسياره وبالقصب دخله

يقولون انه دخلوه الطب النفسي .. والله العالم
شنو شاف شنو كانت .. هم الله العالم

 

[منوووووله]

اممممممممممم شنو شااف شنو كاانت من امه ينيه هههههههههههههههههههههههههههههههههههه

انا لو مكانه ماتعب نفسي واركض اقولها ذبحيني وخلصي

 

[ام سليمان 2008]

بسم الله الحمن الرحيم

 

[شيخه***البنات]

لا حول ولا قوه الا بالله


وعلى طاري سوالف فيلجا عندي سوالف ينانوه لي الراس .. القعده ويا الشياب والعيايز ما تخلا من التخريع

بقول سالفه عالماشي .. صارت بفيلجا .. يعني توها من جم سنه ..


يقولون والعهده عالراوي
2 شباب بالجيش .. قاعدين يحوسون بسيارتهم بنص الليل بفيلجا..
مروا على المتحف اليديد .. وشافوا مره لابسه عبايه وقاعده على كرسي يم مدخل المتحف
واحد منهم قال للي معاه .. هالحرمه شتسوي قاعده بروحها اهني وبنص هالليل .. خلننزل نشوف شفيها
الثاني قاعد يطالع سيده ويقوله ما عليك خلها
الاول مصر يقول شلون مره تقعد اهني بروحها
الثاني قاله اوكي نفر فره وان لقيناها مكانها ننزلها ..
الاول يقول من صجك مره بروحها اخاف يصيرلها شي
الثاني قاله كيفك انا ماني نازل
نزل الاول والثاني ينطره بالسياره
الاول قال حجيه شفيج .. وطل بويهها .. صرخ صراااخ وراح يركض
رفيجه لاحقه بالسياره وبالقصب دخله

يقولون انه دخلوه الطب النفسي .. والله العالم
شنو شاف شنو كانت .. هم الله العالم

وي وعلييه ..

وااي ودي اعرف شنو شااف لوووول ..

مشكوره ياقلبي علقصه ..

وبعد ننطر منج قصص فيلجاويه ..

:ggdw::ggdw::ggdw:

 

[منوووووله]

وانا بعد ناطره @@

 

[ام سليمان 2008]

وانا بعد انتظر

 

[softlady]

وانا كمااااااااااااااااان

 

[almost a whisper]

لوووووول


يالله هذي سالفه بعد عالسريع
ابوي الي قالها .. يقول واحد اكبر منه قايل هالسالفه يعني على اي عصر قصده .. مادري

المهم
يقول ان 2 بالبر (اكو بر صغير بفيلجا ترا ) وكل واحد معاه جمل
كانوا الظاهر رادين .. وظلمت عليهم الدنيا واهما بالطريج .. عاد واهم يمشون على جمالهم ..
والا يشوفون واحد ووقفوا له.. قالهم انا عطشان .. عطوه ماي .. قالهم مخالف اركب معاكم .. انا تعبت وانا امشي
وركب ورا واحد منهم عالجمل
وبنص الطريج ... الي كان قاعد عالجمل بروحه .. قال حق رفيجه .. طل وراك شوف صاحبنا
والا الريال الي كان قاعد موموجود ... ولقا وراه شنو تتوقعون؟؟




























لوول يعني بسوي اكشن























لما التفت لقا خروف قاعد وراه

جااااااان يرن تلفون ابوي .. جااااان ما يكمل لنا السالفه


بس

لووول اذا تبون بعد قولولي ... =)

 

[almost a whisper]

تذكرت سالفه .. بس مو ينانوه صجيين




واحد امه اختارتله بنت من عايلتهم .. البنت كانت سمعتها مو شي
المهم .. تزوجوا وسكنوا في بيت اهل الريل في دور بروحهم .. بعد فتره يابوا بنوته
البنت قامت تدور اي عذر عشان تطلع لشقه بروحهم .. وريلها ما كان راضي
قامت تطلع كلام على ام ريلها .. وين ما تروح تتكلم عنها وتقرض فيها
حتى قامت تطول لسانها على ام ريلها
وبس تدور اي عذر عشان تطلع
اخر عذر سوته .. قامت تمثل ان داخلها يني لووووووووووووووووول .. وتقول ان ام ريلها مسويتلها سحر
الحمدلله والشكر
الي صار انها زعلت وراحت بيت اهلها ..
الحين ابو ريلها رايح حق ابوها عشان يتفاهمون ويردون البنت
ابوها ناداها وقالها تعالي قعدي تكلمي مع عمج ..
اول ما ياتلهم قالت: رجاءن تحدث معي باللغة العربيه .. لوووووووووووووووووول يعني ييني لوووووووووووووووووول

بالاخير اعترفت انها تمثل .. وتطلقت ..

الله يهديهم!!!!

 

[ام سليمان 2008]

اول ما ياتلهم قالت: رجاءن تحدث معي باللغة العربيه .. لوووووووووووووووووول يعني ييني لوووووووووووووووووول




هههههههههههههههههههههههههههههههه حلوة هذي تحدث لغة عربية والله فصلت عليها هههههههههههه


الحمدلله والشكر هالحريم ما ادري شقول بس الله يهديهم

 

[ام معيوف]

لووووووووول
حلوه ام اليني