غرائب القصص الوواقعيه .. من ايدكم ..

[بتبوتااا]

وانا بعد ناطره سوالفكم وبقول لكم سالفه صارت قبل جم يوم بمنطقتنا المهبوله

كنت رايحه ماكدونالدز الي يمنا المهم جدام ماكدونالدز بشوي فيه قهوه على البحر مع مطعم

وكانت حيل زحمه دوريات واسعاف وناس وهنود متيمعين

ودريت بعدين انه صايره هوشه بين واحد وحبيبه !!@@

يعيني يعني ريال وحبيبه الجنس والريال ما تحمل يشوف حبيبه مع واحد ثاني قوم وطقه براسه
مادري مات مادري بالعنايه يعني طقته قويه

واااي شوفو شلون لو كان ميت شلون بيقابل ربه واهو جنس

 

[kuwaitya_20]

بقولكم سالفه صارت جدام بنت خالتي بسوق الذهب

تقول انا رايحه مع زوجي سوق الذهب اللي بحولي ولا الشرطه واللويه دشو محل اللي يم اللي صاير فيه المشكله تقووول ان دشت وحده منغبه شكلهم بدون او بدو مادتدري بالضبط قالت ابي الخاتم هذا وعقبها دش ريلها وعيالها عشان يلهون الهندي المقرود قووومي بوقي الستاند مال الخواتم كله وانحاشي فيه وركضي مسكين الهندي اهوا كان بالمحل بروحه صاحب المحل مو موجود دقو على الشرطه على مايت الشرطه دق عليها ريلها قالها تعالي خلاص جكونا انا شفت غباء بس مثلهم ماشفت بوقي خاتم خاتمين مو ستاند كامل المهم كانت ماتبي ترجعه زفها ريلها قالها تعالي غصبن عليج المهم رجعته جان يخليهم الهندي يروحون توهم ماشين دشو الشرطه قالو وينهم قال توهم مشو قال وين مشوو لحقهم الشرطي بياخذ المرة بيكتب محظر قالت لو سمحت انا بنت ناااس!! لا والله بنت ناس تبوقين حلوة هذي لو الحين الخطه انجحت والهندي مسكين يروح فيها جم سعر هالذهب لو 3 سنين ماياخذ معاشه بسبتج على مايسدد قيمتهم :denya:

 

[@Miss Dio@]

عوار قللب

 

[oM_iLZeez]

لووووووووووووووووووووووووووووووووووووووووووووول حلوه هاذي بنت ناس
والنعم فيها خخخخخخخخخخ

بناات بلييييز كملوا قصصكم حدي اندمجتتتتتتتتتتتتت

 

[منوووووله]

تابعوو معاكم ناطرتكم

 

[دمي خفيف]

منووله يسلمو عالموضوع الحلو ..
انا ويني عنه من زمان ......لووول

الحين مو ابالي شي .. اذا تذكرت اقولكم

 

[بتبوتااا]

حيالله منوله وين هالغيبه !

 

[دمي خفيف]

اشدعوه .. ماكو قصص!!

 

[منوووووله]

وينكم جايز؟؟؟


ناطرتكم شنوو خلصت السوالف نبي نسمع عاد مكووودتلكم مواااضيع بس خل افضى واقرقلكم

بس ماعليكم امر كل وحده اتزهبلنا شي انا علي اقرق وبتبووتاا اتصب الشاي والحلوو والقهوه

 

[منوووووله]

يبتلكم قصه وحده عزيزه على قلبي والله يشهد على اني ما ابالغ فيها بس ابي رايكم.....




وحده موكويتيه عايشه طول عمرها بفرنسا وادرست اهناك ولله الحمد اهيا بنت خير ...

حبت واحد فرنسي مسيحي الديانه وعمرها كان 15سنه وخطبها بفرنسا واتزوجت وابوهاوامهاكانوماعارضين الزواج لانه مومسلم ... وكانت اتحبه حب جنووني وبليلة زواجها منه اكبسوو عليه

المباحث واهيا على الكوشه مالت العرس اسجنو بتهمة تجارة المخدرات وكانت الصدمه انهاماتدري انه تاجر .. << غضب الله وحوبت الاهل ... وانحطم على ريلها 20سنه!!

تمت على ذمته 4سنين واهيا بس اتزوره بالسجن واسكنت عند امه وشافت الويل من امه ولك ما تشكي حق اهلها يقولولها هاذا اختيارج .. طفح فيها الكيل واطلبت الطلاق ومارضى يطلقها معنها اتحبه بس حست بالذمب

وتبي تراضي اهلها وامها الي طاحت بالفراش بسبتها مريضه مرض السرطان اعوذوبالله والله يبعدالشرعلينا
وعليكم

المهم حاولت بكل الطرق انها اتساعده عشان يطلع من السجن واوصلت لحاكم بلدهاعشان يتوصطلهاعند حاكم فرنسا

بعد اسبوعين صدر حكم الاعفاء قالها ماياني اعفاء ولا شي وجذب عليهاوردت اهيا معه امهاديرتها

وصدقت كلامه وجابلت امها عشان مريضه وصار العلاج مايفيدامها .. وام الفرنسي من نفس جنسية البنت
وجيرانهم بعد .. مره واهياواقفه بالبلكوونه ولاتشوف سياره لائحتها فرنسيه عند باب بيت ريلها ..

راحت اتشيك مافي احد يفج الباب ردت بيتهم ووقفت ابلكوونت اهلها .. ولاتنصددم انه طالع من بيت امه وراكب سيارته وطالعها بنظره غريبه..

وسلم بيده << جنه يقولها الوداع ... البنت انهارت وصارت فيها حالة انهيار عصبي فتره .. لماصارت زينه حاولت انها اتكلمه مايبي يردعليها.. خلاهابدون سبب وكانت معاه زينه لاخر لحظه ..

معهنا السبب بطلوعه من السجن .. بعد3ايام يت امه اتقول حق البنت انه ريلج مايبيج وعطتها صوورها واغراضها وعزمتها على عرس ريلها هالاسبووع انصدمت البنت وطاحت بمستشفى امراض نفسيه وقامت
تتعالج واهوا رد ديرته وهيا اقعدت ابيت اهلها وحاولت تنساهاوتبدي حياة يديده وتفى حق امهاوخواتهاوابوها..

وزاد المرض على امهالين توفت بيد البنت .. وبعدها ردت فرنسا وبيوم من الايام واهياقاعده بالنادي تعرفت على واحد كويتي

تعرف عليها وعطاها رقمه وعطته رقمها... اهوارد الكويت وقامو يتكلمون عن طريق التلفون لمدة سنه..

ابوهافكريتزوج وحده ثانيه بعمر البنت .. والبنت ماتقبلت فكرة زواج ابوها بالمره لانها ماتتوقع انه في وحده تاخذ مكان امها بالبيت...

والي اتزوجها طمعانه بفلووسه معنها حلوه وصغيره والابو بالستينات واهيا بالعشرينات وكل همها ثروته ..

وكانت تشتغل عنده بالمزرعه !!

المهم البنت ماتحملت الوضع اليديد << مرت ابو >> وكانت تشكي الحال حق الكويتي اما الكويتي كان كل كلامه
جذب بجذب وطلب ايدها وقالتله تعال اطلبني من ابوي .. وفعلا الكويتي راح ديرتها وطلب ايدها واتزوجهاا

ويابها الكويت << الصدمه الكبرى من ناحية الكويتي....

الكويتي عمره 24سنه واهيا عمرها 20 سنه وكان معشمها بفيلا وعيشت ملووك وانه يعوضها عن الي فات

اول اسكنت ابيت اهله شقه ابروحها دور كامل ولما احملت بشهرين تفاجأت انه متزوج مرتين !!

الاولى حامل وعندها ولدين والثانيه عندها ولد!! << الحاج متولي


ولما دور انه متزوج وزوجته حامل اهجمت عليها الاولىوطقتها طق البنت راحت المخفر وارفعت قضيه عليها ولما درت انهاحامل

اتنازلت عن القضيه ..بعد الي صار اطلعت من الدور الي كانت فيه واقعدت عند امه بنفس البيت بس الدور الي تحت..

ام الكويتي كانت اتعاملها مثل الخدامه معنه البنت شايلتها شيل وماتقصر معاها بأي شي بس الام كانت اتعاملها

كأنها خدامه واتشيش الولد على البنت واتقوله طلقهاوسفرهاواخذالولدمنها وخلك معه حريمك عاندالولد امه

لانه يحب البنت واتهاوش معه امه وهد البيت وسكن بشقه اصغيره اهوا والبنت لين اولدت.. الحريم ماعجبهم الوضع الي اطلبو الطلاق وارفعوو قضايا نفقه وخدم وايجار وسايق يعني بالعربي نتفوو الريال

ماتم من معاشه شي حتى انه يشتري حفاضات حق الولد .. طبعا الي صارحق البنت موشويه عند امه بس الوقت مايمدي اني اقوول بالتفصيل الممل السالفه كلها بأختصار...

تم الريال يتسلف عشان يقدر يدفع ايجاره واكثرة اديونه.. راح حق امه معنها بنت عززززز

امه ماشالله مليارديره بس بخيله بخل الدنيا على عيالها وبيتها اهم شي عندها الكشخه والرزه واللبس
اما الباجي بالطقاق.. عقدت عيالها من سوالفها الله يستر عليها ...

لاوزيدكم من الشعر بيت حاطه بفيلتها همر اليديد ديكور داخل صالتها وعيزانه تدفع حق ولدها 150دينار ايجار

اتقوله طلق زوجتك وانا اربي ولدك واعطيك فلوس الريال قام كل مايتهاوش معه امه يطلع حرته بالبنت

يطقها ويزفهاويهينها .. واخذ الولد منها وحطه عندامه عشان اتوكله ويقول حق زوجته روحي اتعرفي على ريايل عشان ادبرين ايجارج...

وقام يخليها بالاشهرمايدري عنهاوكل مايروحلهايقولها دبرتي فلوس ولاللحين ولما اتهاوش معاه يطقها..

والي يبط الجبد لما يطقهاويدممها يقعد يمها يطلبله اكل يتعشى ويحط راسه وينام واهيامطقوقه وتبجي واهواولاعلى باله!!

واهيا للحين متحملته وصابره عليها طبعا المواقف وايد ولي عوده ....

:eh_s(1):

 

[دمي خفيف]

لا حول ولاقوة الا بالله ..
ناس ماترحم الله لا يبلينا انشالله
لها الاجر والثواب من الله على صبرها ..

الله يصبر قلبها انشالله

 

[دنيا رديه]

لا حول ولا قوة الا بالله

 

[Artya 【ツ】●]

بعد بعد

آنا إذا تذكرت شي برد أكتبــــــــــــــــــــــــــه

 

[منوووووله]

تسلمووون على المرووور والله يجازيكم خير ...


ناطره باجي الردووود...

 

[lolipops]

عجبتني مالت بنت ناس الله يخليج لناسج بس

ومنوووووله قصتج صراحه مأساااااااااااااااااااااااااويه

الله يعين البنت ويرحم حالها

 

[شآعرة الخليج]

يالله قعدت على هالموضوع 4 سآعآت اقراه ويني عنه من زمأأأأأأأأأأن


المهم بقولكم هالسالفه سمعتها من رفيجتي خليجيه ..

في وحده متزوجه حلوه ماشاء الله وزوجها مستانس وياها

حياتهم نقدر نقول عنها مثاليه مشاء الله

جابت خدامه عندها بالبيت .. وبدت المشكل تتوالى بسبت هالخدامه

الين اسحرت المعزبه وطيرتها من بيتها تخيلوا بنات

يدورون الزوجه في البيت مالقوها .. اختفت عن وجه الارض

عجزوا وهم يدورون عليها الين شكوا ان السالفه فيها سحر ..

رآحوا لسآحر < طبعا بهذيك الديره عندهم شي عادي ووارد انهم يفكون السحر بالسحر ..

المهم قالهم الساحر ان الزوجه مرميه على احد شواطي الامآرآت ..!!! وعلمهم المكان بالتفصيل

ويوم راحوا لقوها بالمكان نفسه على شاطي البحر بمكان معزول عن عيون الناس

عشان محد ينتبه لهآأآ ..

شفتوا شلون الخدم مايجي من وراهم الا البلآوي
​

​

 

[Q8-Lady]

امبية سالفتج تخرع شاعرة الخليج

الله يكفينا شر السحر و السحرة

 

[nono78]

شاعرة الخليج

سالفتج تخرع ؟؟؟؟؟؟؟؟؟؟؟؟؟؟؟؟؟؟؟؟

 

[دمي خفيف]

اللله يقطع (بعض) الخدم ..مايي وراهم اللي البلاوي والمشاكل ..

 

[.. مـــلاكـ ..]

واااااااااي على هالخدم

لا حول ولا قوة الا بالله