(ع البال والله ما نسيناك يا عمري وحبي الجنوني)

[ضوى العيون]

مايد: يا ناصر روف بحالي الله يخليك
ناصر: شو فيه حالك زي الفل ع قوله اخوانا المصريين
مايد: وانت تحس يعلك تبتليبه يا نويصر
ناصر: لا ان شاء الله انا مراتح وحالي يسرني
مايد: ناصر جد والله ابا اخطب منال مايصير يا اخي وانا كل ما اقولك تضحك وتجبلها غشمره
ناصر: وانا بعد اتكلم جد يا بوي شوف الوقت مب مناسب
مايد: عيل متى
ناصر: اصبر شوي
مايد عصب: شوه اصبر اصبر صبرت سنه ولا نوي اطير من ايدي
ناصر: لا ما بطير بربطها
مايد: ناصر بس عاد افهمني يا اخي
ناصر: اقول اكوه الدرب جدامك سير اخطبها
مايد: بسير ليش لا بترياك عيل واعنس
ناصر: قال اعنس العزوبيه نعمه
مايد: عندك مب عندي
ناصر: كيفك يا اخي
مايد: خلاص بقول لمايا تخطبها لي
ناصر: تم


مايد اللي ضاق حاله وهوه يتريا ناصر يعاونه وبعد ما ياس قرر انه يخبر امه وهيه اللي ما بتقول لا وبالعكس بتفرح لانها بتخطب لولدها حشاشة يوفها ...

ام سهيل بدت تقلل طلعاتها لانها تخاف ع العنود واتسر لها كل يو البيت ومنال وسلامه دوم يخدمنها يوصن الخدامه تيب لها اللي تباه ويسولها فروت ويخصبنها تاكل كل شي صحي حتى اذا ما تحبه وهيه حليلها بعد هل اليومين اللي يلستهن في حجرتها بدت اتضيج واتمل تبا تطلع واتمشا وتيلس في الحوي العصر ويا البنات وويا عمتها واتسير صوب اهلها لانها تولهت عليهم وايد ..واحين وهل والوقت العصر ..سلامه كانت في غرفتها تكلم سعيد اللي اتصل لها وماطاع يتفجج وهيه تقوله تبا تسير عند مرت اخوها ...ومنال كانت يالسه ويا العنود وتسولف وياها وبعد شوي يت ام سهيل صوبهن وكان حالها ما يسر

منال: امايا شو بلاج
ام سهيل ويلست ع الغنفه اللي في الحجره: مادري يا بنيتي مستهمه ع ابوج من طلع الفير ما رد
عنود: لا تستهميين امايا بيرد بعد شوي
ام سهيل: صح انه يبطي لهل الوقت بس قلبي ينقزني من الصبح ومادري بحاله
منال: خلاص ولا يهمج بتصل في بخش وبتخبره

اتصلت منال فبخش بس طلع تيلفونه مغلق ..وردت تتصل في كمال وكان الخط مشغول بدت تستهم واللي زاد الهم حاله امها وقالت بصبر لين بعد صلاة المغرب اذا ما رد بطرش ناصر يشوفه...

 

[ضوى العيون]

الجزء الثلاثون

في هل الوقت ومن المغرب ناصر بعده في الدايره ومايد طلع من وقت وسار البيت ولقا امه يالسه ويا حصه وقال بيخبرها بالموضوع وبالمره يخلص ويخطب منال

مايد وبعد ما سلم ويلس حذال امه

مايد: شحالج يام راشد
ام راشد: بخيريا ولدي
مايد: دوم ان شاء وانتي قصري ع التيلفزيون ولا سيري فوق وطالعي
حصه: حشا دوم اتروغني شو هل السطه (قامت حصه وسارت فوق اطالع التيلفزيون)
مايد: امايا انا يايينج وفي خاطري شي
ام راشد: آمر يا ولدي
مايد: ما يامر عليج العدو..انا ابا اعرس
ام راشد: ياهي الساعه المباركه يا ولد ثاني
مايد: واباج تخطبيلي بنت عمي منال
ام راشد: فديت ياربي وزين ما اخترت وانا امك بنت محمد ما تنعاب وشيخه الحريم
مايد بمكر ويبتسم ويلوي ع امه: وتشكين بذوقي
ام راشد: لا يا بوك
سلامه اللي كانت في السوق تتشرا لزهبتها ووياها ليندا وخطفت ع الريم ع اساس ان محد وياها ومنال يلست ويا العنود وهيه تحاتي ابوها ليش ما رد لين الحين والساعه 8 وبعد شوي بيأذن

منال وبعد كا طلعت امها : عنود انا خايفه ابويه مارد
عنود: ما فيه الا الخير ان شاء الله
منال بخوف: ان شاء الله بس لازم اتصل في حد يشوفه غربالله هل الدريوليه اللي ما وراهم فايده
عنود: اتصل في سهيل يشوف
منال: لا بناصر سهيل اروحه مستهم عليج

منال تتصل في ناصر...

ناصر في السياره: هلا منال
منال: اهلين نصور وينك
ناصر: في الدرب
منال: ناصر ابويه ماحد يدريبه وين من الفير
ناصر بخوف: اشوووه ليش مارد الظهر
منال: لا مارد دخيل الله تشوفه وين
ناصر: خلاص بسير صوب العزبه وبشوفه
منال: رد عليه وطمني
ناصر: ان شاء الله

ناصر وبعد ما بند عن منال اتصل في مايد وقاله ايي صوب العزبه لان ابوه من الفير ما رد للبيت وهوه في الدرب اتصل به سهيل اللي صوته بالمره متغير ومبحوح

ناصر: سهيل
سهيل يصيح: ناصر ابويه ابــ
ناصر قاطع اخوه ويصارخ: شو بلاه ابويه ارمس
سهيل يصيح: بو سهيل راااااح يا ناصر راح
ناصر وقف سيارته وقد وصل العزبه: جذاب لا ابويه هنيه في العزبه لا لاااااااااااا
سهيل يصيح ويكابر: ابونا راح مات وودعنا يا ناصر مااااااات وسار صوب ربه
ناصريصيح : انت شو تقول ابويه حي ابويه حي وبيرد يتعشا ويانا وبيودي شواخي العزيه وبيشوف محمد الصغيروني
سهيل وماقدر يستحمل:.............
ناصر يصارخ: رد عليه سهيل
سهيل وبعط ما انفصل الخط: طوط طوط طوط طوط

ناصر تم يصيح وحاط راسه ع سكان السياره ومشغلنها ...مايد اللي يا صوب العزيه لان ناصر اتصل به ايي العزيه يدورون عمه وتفاجأ بسياره ناصر مولع الليتات وقف سيارته حذال سياره اخوه ونزل ...ووايج من الدريشه وشاف ناصر حاط راسه وهدووووووء غريب وكأيب فتح الباب

مايد: هاه نويصر لقيت عمي
ناصر منزل راسه ويصييح :..............
مايد: ناصر ارفع راسك يا اخي قم
ناصر ومكتأب وصوته رايح: اتصل بسهيل سهيل اتصل به

مايد بخوف وحس باحساس غريب واتصل بسهيل

مايد: الو سهيل
سهيل:........
مايد: سهيل رد عليه سمعني حسك
سهيل وبصعوبه: البقيه براسك يا مايد(ويصيح)
مايد متفاجأ وخايف وبدا يصيح: امي شي فيها راشد نهيان ولا حصه شو مستوي دخيل الله تقولي منوه مات سهيل
سهيل : ابويه رااح يا مايد راج صوب ربه
مايد يصارخ وناصر يصييح: لاااا لا تجذب لا
سهيل: مات وخلاني ليتني مت انا ولا راح هوه عنا (ويبند)

مايد تم يصيح وناصر بالمثل كل واحد من هل الثلاثه يلس يفكر وفي نفس الوقت يصيح شو بيسوون بو سهيل راح ..شو بيقولون لحرمة لعياله للناس اللي يحبونه ...آآآه يا زمن دومك غدار تاخذ الغالي وتكسر اقلوب وتجرحها ..
مايد وبعد نص ساعه وبدا يهدا شوي ويستسلم للقدر هذا قدرنا وهذا اللي كتبه الله .....

مايد بتعب: ناصر ترحم عليه وانا اخوك البقاء لله ابويه راح وابويه الثاني راااح

ناصر: ابويه كيف بعيش من دونه يا مايد هذا ابويه قلبي اللي اعيش به
مايد: ترحم عليه يا ناصر
ناصر: الله يرحمه ياربي وترزقه بالجنه


مايد مسك ايد ناصر اللي حط راسه ع جتف مايد وسار به مايد ويلسه ع الكرسي الثاني .....ورد مايد وركب محله لانه هوه اللي بيسوق السياره وبيخلي سيارته في العزبه.......واتصل في سهيل اللي كان في المستشفى هل الوقت بعد ما بلغوه الشرطه بموت ابوه .. وقال لمايد انه في مستشفى راشد...وسار صوب ولد عمه ويا ناصر وفي نفس الوقت اتصل براشد اللي في هل الوقت يالس يتعشا ويا علي وربعه في شقتهم ...

مايد : السلام عليكم
راشد: هلا ميود وعليكم السلام والرحمه شحالك يا خوي
مايد: راشد رد دبي الحين
راشد منصدم وخايف: ليش شو استوى
مايد: رد دبي(بند)

لان مايد خاف يقوله عن موت عمه ويستوي به شي وهوه ياي في الدرب وراشد اللي من سمع صوت مايد رايح وانصدم من طلبه ..قام وركب سيارته بسرعه وقبض الخط صوب دبي وهوه مسرع ودقات قلبه تتسارع بقوه وكانه حس بشي مستوي..مايد وناصر وصلو المستشفى ولقوا سهيل حاط سفرته ع جتفه وشعره منتفش وحاط ايدينه ع ويه ومنزل راسه ..سار ناصر صوبه ومايد..سهيل ومن حس بايد ناصر ع جتفه رفع رسه وعيونه محمرات وناصر يشوفه والدموع في عينه ويلوي ع اخوه ويصيح وسهيل حاله ما تسر الصديق ومايد ماقدر يتمالك نفسه وهوه يشوف عيال عمه بهل الحال كان يحس انه في حياته ما تعرض لهل الموقف اللي ما ينحسد عليه ولو ان ابوه توفى بس كان صغير وما يدري بهل الدنيا وما يعرف شو يعني تخسر انسان غالي ...

مايد: يا خواني ترحموا عليه
سهيل ورد ييلس محله : الله يرحمه ويغفر له
ناصر: الله يرحمه
مايد: راشد بيي دبي بعد شوي واحين شو بتسوون
سهيل: خلصت الاوراق وبلباجر بنسير ندفنه
ناصرتذكر هله: سهيل وامايا والبنات خبرتهم
سهيل: لا من الصبح وهم يتصلون مايندرى بحالهم
مايد: الله يصبرهن ياربي


وفي هل الوقت وبعد ما ردت سلامه للبيت ولقت امها يالسه وشكلها متغيير وبدت تستخف

سلامه: امايه شو ياج بسم الله عليج
ام سهيل: محمد شي بلاه قلبي يعورني احس بنقزه
سلامه: بسم الله عليج واخواني وينهم
ام سهيل: من الصبح وانا اتصل ولا حد يرد عليه يا ويلج يا مريم

في هل الوقت دخلت منال : يا ناس مب حاله وانا اشرخ تيلفوني ع نويصر وسهيل وينهم محد يرد

سلامه:ان شاء الله ما فيهم الا كل خير
منال: يارب ولا حد يرد وابويه من طلع مارد...

شواخي يايه من عند قطاوها واللي حطتهن حذال حجره ليندا...

شيخه تثاوب: وين ابويه
منال: محد بعده مارد
شيخه: انا بتيل القد في حدلة باباتي عتان اتيل العدبه
سلامه: هذا اللي يهمج

وسارت ترقد في حجره ابوها وسلامه سارت تودي اغراضها للغرفه وبدلت وسارت تيلس عند امها ومنال ردت لعنود لانها بروحها وخدامتها سارت اتعشا ......وفي هل الوقت دخل سهيل بسيارته ومايد ويا ناصر بسياره ناصر..وقبل لينزلون ربعت لهم سلامه.......واول ما شافتهم خافت كل واحد منهم شكله متغير سهيل مبهدل ع الاخر مع انه انسان يحب الترتيب وايكون انيق وناصر اللي منزل راسه وما يتكلم..مايد يشوف سلامه وهوه ياسف ع حالهن شو بيستوي يوم بدرن...

سلامه: ليش اشكالكم جيه شو فيكم
سهيل: وين امايا
سلامه: داخل
سهيل يشوف سلامه وفي عيونها خوف رهيب: .....
سلامه خايفه مسكت سهيل من ايده: سهيل قولي حرام شو مستوي
سهيل: سلامه ابــــو
سلامه حست بضوا تشب في قلبها وتصارخ: لاااااااااااا لا ابويه لاااااسهيل حرام عليك(واتمسك سهيل من كندورته واتهزه)لا ..(تصيح)

 

[ضوى العيون]

سهيل يلوي ع اخته ويهديها وسلامه اتصيح وما تقدر توقف وحست ان روحها بتطل مسكها سهيل وحدرها الصاله والشباب الدمعه في عيونهم بس حاولوا يكونون قد الموقع ..راشد وبعد ما وصل صوب جبل علي اتصل في مايد اللي تخبره شو السالفه وقاله ايي بيت عمه ...ومنال اللي سمعت صريخ سلامه

منال : عنود هذا حس سلامه
عنود برتباك: هيه
منال : يا ربي شو مستوي
عنود تبا تقوم من فراشها: مادري
منال: لا يلسي محلج بسير اطالعهم

نزلت منال بسرعه من حجرته العنود وشافة مارينا ترتب الصاله

منال: مارينا سيري شوفي مدام عنود
مارينا: اوكي مدام

سات مارينا صوب العنود ومنال اللي طلعت وقلبها مختض وخايف من الصريخ اللي سمعته سارت صوب الصاله ولقت سلامه اتصيح وامها لاويه ع ناصر اللي يلس جدامها وهوه يصييح وامه تحترق من فراق الغالي ....

منال وقلبها يدق وتعلي حشها: شو فيكم ليش اصارخون
مايد يشوف منال وهيه خايفه واتشوف الكل حالته يرثى لها :........

منال اتسير صوبهم وهيه تشوفهم ومستغربه وتصارخ: شوووو استوى ويـــن (تمر صوره ابوها جدام عيونها)...ابويه ابويه وينه (تصارخ بصوت عالي) وين ابويه..لا لا اعوذ بالله منك يا بليس ابويه وينه سهيل ابويه وين ناصر ابويه حرام عليكم ردوا عليه امايا ليش اتصيحين سلامه ردي عليه ...

مايد يشوفها وكانها بتين عليهم وهيه تصارخ وسهيل ع كل دمعه وكل صرخه ينطعن في قلبه

سلامه: ابا اشوف ابويه ابا اشوفه
منال تمسك سلامه من جتفها وترمسها بفظاعه: وينه قولي وينه
سلامه وعيونها يدمعن: مات مااااااااات يا منال راح
منال عصبت وبدت اتصيح وتصفح سلامه كف : لاااااااااا انتي جذابه لا ابويه حي انا شفته شفته توني شفته جدام عيوني
سهيل يرب صوب منال ويمسكها ويلوي حليها ومايد اللي بدا يستخف من حال منال وناصر سارح في دنياه وام سهيل اتصيح ...ومنال اتصيح واتصارخ ..وفجأه اطيح ع الارض......

سهيل :منال قومي منال
مايد يصارخ: شو بلاها منال نشي منال
سهيل يشل اخته: الحق ضغطها نزل بوديها المستشفى
مايد بضيج وخوف: لا انا بوديها هلك محتاجينك ..ناصر قم ويايه بسرعه
ناصر وبعد شرود انتبه لمايد ربع يشل اخته وسار صوب سيارة وودوها لاقرب مستشفى وهوه المستشفى الايراني ..ودخلوها ع الطوارئ ...وراشد وصل بيت عمه وتفاجأ بوفاة عمه وحال هله بس تفاجأ بعمره كان اقوا من هل الموقف يا ترا ليش ما تاثر بموت عمه ...يمكن لان موت ابوه غير بحاله او انه تعرض لهل الموقف من قبل ....طلع من بيت عمه وسار صوب هله وكانت الساعه ع حدود 12 امه راقده وحصه في الصاله .....سار صوب امه ووعاها وقالها بموتتة عمه وحصه تمت اتصيح وتحن عليه يوديها صوب عيال عمها ركبهم السياره ورد لبيت عمه ..واتصل في عمومه اللي في العين وخبرهم بوفات اخوهم ويوا صوب دبي ......عنود اللي يالسه في الحجره اتريا حد ايي يخبرها شو مستوي ما قدرت تستحمل اليلسه مكانها وزقر مارينا وكان اتقرقر ويا ليندا اللي درن بموت محمد من البشاكير

العنود: انتي وين وانا ازقرج من الصبح
مارينا : سوري مدام
العنود: وين ماما سلامه ومنال
مارينا: بوور مدام سلامه منال ...مستر موهمد موت
العنود انصدمت : شووه منوه قالج انتي
مارينا: ايفري بدي كراي ان مستر موهمد بيت


عنود انصدمت وعيونها تذرف ادموع وهيه ما اتخيل حال ريلها واخواته وخص عمتها امها مريم اللي كانت تحس ان بو سهيل صار له شي ....

مايد وناصر وبعد ما دخلوا منال وحطولها مغذي وفحصها الدكتور سار له مايد وناصر يلس عند اخته

الدكتور ايراني ومايد ما فهم لرمسته بس كانت عنده مساعده تعرف ترمس عربي

الممرضه: بقول دكتور منال عندها انهيار عصبي والوزقد نازل شوي
مايد: يعني هيه بخير
الممرضه: هيه لازم ترتاح شوي وبنومها لين ما حالتها تستوي زينه
مايد وقف: اوكي مشكور دكتور

الدكتور: خدافس

مايد في خاطره هذا اللي فلحت فيه اتروغني مستعيل ع شوه مسود الويه ...وسار صوب ناصر وقاله انهم بينومونها ...

 

[boys are toys]

قصة حلوة بس حرام عليج بعد مااندمجت معاها مافي تكملة لها
:eh_s(14): :eh_s(11):

 

[ضوى العيون]

الجزء الواحد والثلاثين

ناصر: وشو اسوي الحين الساعه 2 والله اعلم بحال امي والباقيين
مايد: ما عليهم شر ان شاء الله راشد وياهم وسهيل بس تعال نحن لازم انرد وما نروم نيلس في المستشفى
ناصر:آآآآآآآآ يا مايد احس ان ع قلبي هم كبير يا خوي خواتي وامي اللي مالهن حد غيري انا وسهيل
مايد يحط ايده ع جتف ناصر: لا ياخوي وانا وين سرت وانا بعد ولد عمهن وان شاء الله ما بقصر فيهن
ناصر: تسلم
مايد: خلاص انا بتصل في راشد اييب حصه وخدامتنا ييلسون عند منال
ناصر: شورك وهدايه الله

اتصل مايد في راشد اللي كان يالس ويا سهيل في الصاله الثانيه والبنات ..حصه وسلامه ويا ام راشد وام سهيل في الصاله الرئيسه وحالتهن لا يرثى لها حصه كانت اتصيح وتحاول انها ما تخسر اي دمعه زياده لانها بهل الطريقه بتعذب عمها وفي نفس الوقت تهدي سلامه وام سهيل بدت تستسلم لقدر الله ...

راشد سار صوب الصاله ووقف عند الباب ونزل راسه: يا حصه
حصه تمسح دموعها وقامت صوب اخوها: نعم
راشد: لبسي عباتج وخلينا انسير صوب بنت عمج منومه وما عندها حد
حصه: هيه منال حليلها الله يشفيها ان شاء الله سير وانا ياييه وراك

راشد سار صوب سيارته يشغلها ويتريا حصه ..وحصه سارت تلبس عباتها اللي حطتها ع الغنفه في الصاله وسارت صوب سلامه واللي كانت حاطه راسها ع الغنفه واتصيح بهدوووء عميق

حصه منزله راسها وترمس سلامه: سلامه الغاليه تعوذي من ابليس لاتعذبينه بصياحج ياختي هذي الدنيا راح ابويه وابويه الثاني راح بس بعد الله كريم

سلامه تصيح وفي نفس الوقت تسمع حصه اتفاجأت من موقفها حصه ضعيه وهيه تحاول اتكون اقوى من الظروف وهيه بعد لازم اتحى الظروف واترحم ع ابوها رفعت سلامه راسها اتشوف حصه وترمس وصوتها رايح: وين بسيرين

حصه: منال بروحها في المستشفى وبسير ايلس عندها
سلامه: ماوصيج عليها
حصه: ان شاء الله وانتي بعد ما وصيج هذي امج شوفي حالتها حاولي تهدينها وانا بسوي اللي عليه ..

طلعت حصه ومن دون لا تقول اي كلمه زياده طلعت صوب اخوها وساروا صوب المستشفى لمنال ومايد وناصر ..وسهيل تم بروحه في الصاله يفكر ويفكر ويفكر ومايقدر يحبس دمعته اذكر عنود وانها بروحها في البيت وركض صوبها لانه مايدري بحالها هيه الثانيه دخل البيت ولقا العنود طايحه ع السرير واتصيح
سهيل بخوف: عنود عنود بس لا تصيحين
عنود ترفع راسها وتلوي ع سهيل: صح اللي سمعته
سهيل:صح الله يرحمه
عنود تصيح: الله يرحمه
سهيل: بس لا تصيحين عنود انتي تعبانه وما تستحملين دخيلج هدي
عنود: ماقدر انت تعرف شو كان بالنسبه لي هذا ابويه مثل ماهوه ابوك وخسرته
سهيل: لا نحن ما خسرنا شي الله خذ امانته يا عنود وابونا لو وقفت روحه بيتم ويانا بو سهيل ويانا عايش في قلوبنا
عنود مستغربه من موقف سهيل: عايش في قلوبنا الله يرحمك يا بوي
سهيل: الله يرحمه ويغفر له
عنود : والبنات وامي مريم
سهيل: حالتهن ما تسر العدو منال ياها انهيار عصبي وسلامه ع حطت ايدج تصيح وصاكته وشواخي آآآه يا عنود شواخي ياهل وما يندرى بحالها لو درت بان ابوها راح وخلها الله يعيني
عنود: ان شاء الله مابيصير الا كل خير
سهيل وقف: ان شاء الله

طلع سهيل من بيته وسار صوب البيت العود ولقا عمومته واصلين ويا امهم موزه وسعيد وخالد بعد من يوم سمعوا بوفاة محمد فزوا من محلهم وييوا .....وقرب بالرياييل في الميلس ومر هل اليوم بصعوبه ما يتخيلها الشخص امسوا مهمومين والهم لين الحين يحارب قلوبهم ...والصبح وبعد ما طلعت الشمس والشباب بعدهم في البيت ....وبو سعيد يا من بيته ويا بنته ولم سهيل ..وساروا الريايل رباعه يدفنون بو سهيل (الله يرحمه) وبعد ما ودعوه ساروا صوب بيت المرحوم ويلسوا في الميلس ..و مايد ركب سيارته وسار صوب المستشفى لخته وبالاخص يطمن ع حال منال ..في المستشفى حصه يالسه ع كرسي حذال دريشه الحجره وسرحانه في هموم الدنيا منال وبعد المهدأ اللي عطوها اياه امس نشت وكانت اطالع السقف وصاكته ما تعرف شو تقول ..كان حالها لا يرثى له ودموعها ينزلن من عيونها ...جين خدامه حصه كانت اشوفها وسارت صوب حصه وصاصرتها

جين: مدام لوك (وتاشر ع منال)
حصه تشوف منال وهي تراقب حالها قامت ويلست حذالها وحطت ايدها ع شعر منال: منال
منال:.....


حصه فضلت انها تصكت لانها تدري بحال منال وبعد شوي وع الساعه 8 وصل الريوق جنت فتحت الباب وخذته من الممرضه ..وحطته ع الطاوله وقربته صوب منال اللي كانت منسدحه وحصه تحاول ترفع السرير وتصلب منال

حصه: منال
منال:........
حصه في تقول في خاطرها ...يا ربي شو اسوي ماقدر اغصبها واقولها كلي ماقدر اقولها انسي وابوها اللي متوفي يارب يعدن هل الايام ع خير يارب افرج عليهن مثل ما فرجت عليه ابويه مات والحمدلله عايشه والله عوضني بهلي واخواني ......

في هل الوقت وصل مايد واللي كان واقف عند الباب ويدقه..سارت جنت تفتح الباب

جنت: مدام هسه مستر مايد
حصه ومن درت انه مايد سارت له عند الباب: ييت في وقتك ياخوي ماعرف شو اسوي
مايد بخوف: شو شو استوى خير منال فيها شي
حصه: لا بس حالتها ما تسر يااخوي من نشت وهيه صاكته واتصيح ولا ترد عليه
مايد : ما عليج انتي احدري ولبسيها شيلتها عشان ادخل
حصه: اوكي

دخلت حصه صوب منال ولبستها شيلتها وزقرت مايد اللي يلس ع الكرسي اللي حذال شبريه منال وهوه يشوف الاكل ...وفي خاطره ينكنت بس وين ماله نفس وقلبه ضايج ع حاله اهله ......

مايد: منال اسمعيني
منال ع حالها وصاكته ولا ترد:.........
مايد يشوف الدريشه: في يوم كنت وانا بو 10 سنيين ساير ويا ابويه المزرعه الله يرحمه ...وكنت ياهل مايعرف اي شي ...تدرين كنت اموت فبويه احب السيره وياه وين ما سار صوب المزرعه ولاصوب ربعه ولا حتى صوب المسيد وكان ينبهني ع كل شي كان يقول يا ولدي هذي الدنيا ان ما تحديتها ماتقدر اتعيش فيها هذي الدنيا دواره ومصايبها كبيره هذي الدنيا عيشها مب ع حسابك ولا ع حساب غيرك عيش وفرح اللي وياك كان يقول الله يرحمه وقبل لا يتوفي بيوم يا مايد هالله هالله في هلك في اخوانك وفي اختك ورضا والديك خلك ريال ينشد الظهر فيه قرم .....تدرين يوم مات شو استوا بي

منال لفت براسها و تشوف مايد وكان يبتسم بحزن ..و منال كانت تقوله شو استوا وهيه ما تقدر تنطق باي كلمه...

مايد: يوم دريت انه توفى وكنت اشوفه ع فراشه جدامي مايتحرك بلا روح وويه مزرق حست ان روحي انقبضت ماادري شو يعني مات كيف يموت الانسان ماكنت اعرف انه راح بس اللي عرفته ان ابويه ويايه لو ما اشوفه لو ما اتبعه وين سار و من وين يا ابويه هذوه هنيه اتشوفينه ابويه فقلبي ما مات ابويه ولو ان روحه انتقلت لرب العالمين بعده عايش في قلبي واذكر رمسته لين الحين

منال تسمع رمسة مايد ومستغربه وتقول يمكن هذا يقول حيه لان ابوه تفى من زمان وانا ابويه اللي راح عني ولا ودعته

وقطع تفكيرها صوت حصه

حصه: يالله منال شربي هل الحليبه واستهدي بالله واطلبيله الرحمه
منال: مابا
مايد: لا لازم تشربين ولا شويه
منال : ابا اسير البيت ابا امايا واخواتي
مايد: اشربي اول ولا ماشي سيره
حصه: عشان خاطري منال اشربي ع الاقل هل الحليب وكلي السندويج
منال: كيف اكل وابويه متوفي

انصدم الكل وحصه اللي بدت تعصب
حصه: اسمعي اذا انتي خسرتي ابوج انا اللي خسرت اكثر عنج ابويه مات وخلاني ولحقه ابويه الثاني عشت والله حارمني من احت اتونس وياها اخويه اللي بحسبه ابويه ظربه السرطان انتهت الحياه جدامي يلست اصيح واقول انحكم عليه بالاعدام لا يا منال هذا وانا عايشه ولو هل القلب ما يستحمل عشت حشان اخواني وامي عشان اهلي اللي عوضوني عن اللي فقده للاسف طلعتي ضعيفه ضعيفه (وطلعت من الحجره)

ومايد اللي ماقدر يصكتن اخته بس في نفس الوقت هل الكلام بيفيد منال ...منال من سمعت حصه قررت انها اتحدى ..شربت كوب الحليب ومايد فرح من شافها اتعاند ....وقالت لجنيت اتحط كل اغراضها في الشنطه

مايد : وين تبين
منال: هلي يتريوني
مايد: وهم يتريونج يالله بسير باخذ الرخصه من الدكتور وبيي

طلع مايد ولقا حصه وطالعها بطرف عينه وسار بس فرح لرمستها ..وبعد ما طلعت منال من المستشفى وردت البيت ويا حصه ومايد حدرت الصاله وهيه متروسه من الحريم اللي يايات يعزن وسارت تيلس حذال امها تواسيها وحصه يلست حذال منال ...مايد رد صوب ميلس الرياييل ويلس ويا اخوانه ....

الشيخه اللي كانت راقده في حجره ابوها وما تدري بالدنيا لانها تمت سهرانه نشت وسمعت اصوات غريبه في البيت طلعت صوب الصاله وتفاجأت بالحرمات اللي في الصاله وحست بجوا البيت غريب شو السالفه يا ترا ليش هل الحرمات كلهن هنيه ..سلامه شو بلاها ليش ويها محمر وعيونها منتفخات امايا ليش حالها جيه ومنال والغريبه انها صاكته ومن عوايدها اذا شافتني ادخل ع الحرمات اتهد عليه اتسويلي محظر ...

شواخي سارت ويلست حذال سلامه

شواخي : تو متوي
سلامه واتشوف اختها بنظره شفقه: ماشي حبيبتي
شواخي اتحس بجو البيت غريب وتذكرت شي : اوه انا بتيل اند البوس ويا باباتي (وربعت صوب الدريول)

وبعد شوي اتصل بخش

بخش: الوه يريد ماما مريم
سلامه: قول شو تبا
بخش: هذا بنيه تيخه سوي قرقر حق انا يريد سير عزبه
سلامه: لا توديها
بخش يصارخ: ماما هذا بنيه يصرب انا ويا مكشه
سلامه: خلا ص انا بيي بشلها
بخش: سرعه ماما

بنت سلامه عن الدريول واتصلت في سهيل وثالت له ان شواخي تبا اتسير العزبه وما تعرف كيف بتصرف وياها طلع من الميلس وسار صوب المطابخ ولقاها يالسه ع الكرسي واتصيح

 

[ضوى العيون]

تابع الجزء الحادي والثلاثون

سهيل: شيخه البنات شواخي ليش اتصيح
شيخه تصيح:........
سهيل يحط ايده ع راس شواخي: شواخي
شيخه ترفع راس وفي عيونها دموع تقطع القلب: تهيل ابا ابويه وين ابويه
سهيل يرفع راسه ويشوف السما: ابويه بيي يا شواخي اصبري
شواخي: لا بخت يقول باباتي موت تو يعني موت
سهيل انصدم باي حق الدريول يرمس بهل الرمسه: لا حبيبتي باباتج بيي لا تصيحين
شيخه مستغربه وعيونها ادمع: اندين بت تو يعني مات
سهيل وحس بلسانه انشل مره وحده: يعني يعني سار عند الله
شيخه: وانا بسيير ويا باباتي ليت ماوداني العدبه انا بعد احب الله وايد
سهيل يبتسم بحزن: والله بيحب اذا سويتي اللي يرضيه
شيخه: تيف ياني مافهمت
سهيل: يعني اطيعين ماماتج واللي اكبر عنج واتصلين وتقرين قرآن وايد وتحبيين ماماه ع راسها كل يوم
شيخه تضحك: اندين بعد باباتي بحب لاته كل يوم
سهيل وقلبه يتقط ع اخته شو بسوي بهل البنت يا هل وما تدري بعلوم الدنيا
شيخه: انديت تهيل ابا اتيل عند البوت بتريا باباتي
سهيل: شواخي شو قلت من شوي كيف نطيع ربنا يعني شو نسوي
شيخه: احب لات ماماتي وباباتي واسمع لمستهم واتيع الكباليه واصلي واقلا قرآن
سهيل: شاطره احين سمعيني لاني اباج اطيعيني
شيخه: اوكي يالله
سهيل : انا مب سهيل انا بابا سهيل اوكي شواخي قولي بابا سهيل واذا تبين اي شي قوليلي اوكي
شيخه: اوكي بابا سهيل (وتبتسم وتحب اخوها وتربع)
سهيل : وين تبين
شيخه: بتيل اند القتوه ما حتيت لها نميه
سهيل يبتسم من رمسه شواخي ورد لميلس الرياييل ومرن ثلاث ايام باصعب مما يكون ببأس حزن الم واسى ع الفقيد الشواخي الوحيده اللي نجت منها ولو انها تحس بالحزن وتيلس اتريا ابوها كل يوم عند الباب وما تفارجه الا اذا نامت ع الدجه اتريا واتريا يا ترى ابويه وينه ليش ما ايي ويوديني وياه العزبه والسوق انا احبه وايد وايد وبطيعه عشان الله يحبني وبطيع ماماتي ومنال ولو انها تهزبني واكيد سلامي حتا ليندا وبخش ما بضاربهم بس باباتي يرد بس وينه وينه وانا تعبت اترياه كل يوم وما ايي ليش ما اشتاقلي وانا اللي بموت من الشوق ليش ما حن لفراقى وانا اللي بموت لفارقه وينك يا ابويه وينك

شواخي اللي كانت تفكر بهل الكلمات طول الوقت وبعد ما مرن هل الايام الثلاثه والبيت يسوده الحزن بس كان فصيح لدرجه كبيره ما اتوقعونها ..شواخي بمرور كل يوم تسوء حالتها لا تآكل ولا تشرب نست كل شي يمكن كانت تهتم به كانت تفكر برمسه سهيل انه ابوها سار لربه بس متى بيرد ...كانت تيلس في حجرتها وتاخذ السياده من حجره امها سياده ابوها اللي اتشوفه يصلي عليها كل يوم وهوه اللي علمها كيف اتصلي وكيف يسجدون حاولت اطبق اللي تعلمته وهيه يالسه وقابضه جزء عما اللي يتعلومون عليه قراءة القرآن في المدرسه وتحاول تقرا ومن تسمع الآذان تصلي في اليوم الخامس من بعد موت بو سهيل .....مرت سلامه اتشوف حال شواخي استقربت لقت الباب ملايم وسمعت صوتها ترمس وحاولت اتصوخ رمستها واتشوف من طرف الباب كانت اتشوف اختها رافعه ايدها للسما

شواخي : يارب يرد باباتي انا احبه وايد يارب طول بعمل باباتي وماماتي وتهيل ونتول وتلامي يا رب مابا ماماتي تدعل عليه يارب منال ما اتالخ اليه ..يارب تخلي باباتي يحبني ويلد البيت واسير وياه العزبه ..

سلامه كانت تسمع حرف حرف واتصيح اختها وهيه ما تعرف ان ابوها توفى تفتقده لهل الدرجه لا تاكل الا بالغصب ولا تلعب مثل قبل حتى منال ما تغايضها شو اسوي ياترا بتسوء حالتها او انها بتستحمل اللي ما قدرنا نستحمه صعب انك تفارق انسان غالي ع قلبك

سلامه سارت صوب منال اللي كانت يالسه في حجرتها وتقرا قرآن عن روح ابوها وناصر اللي بدى يكون جدي من اليوم قرر انه يكون قد المسؤوليه ويعاون سهيل لان سهيل انسان مزوج وقريب بيكون عنده ياهل وبيكون عايله وهوه مب ملزوم يجهد نفسه وينفق ويعتني بعايلتين ولازم هوه يعاونه في كل شي ...وام سهيل ع حالتها تحاول اتقون قويه ..بو سهيل راح ولو الحزن والدموع ترد الغالي بس للاسف هذا قدر ومكتوب له والله يرحمه

وعنود ع حالها ما تقدر اتحرك وهيه فخاطرها تيلس ويا امها مريم وويا منال وسلامه وتحاول تغير جو البيت بي ما باليد حيله وهيه ممنوعه نهائيا من الحركه ....سهيل يحاول يرضي الكل يداري ع حرمته وع اخواته وامه ...

مرن اسبوعين وجو البيت ع حاله....وفي هل اليوم وع آخر الاسبوع يا نهيان من العين وقيل في بيته وبالعصر سار ويا اخته حصوه صوب بنات عمه لانه تعود يلوفهم وهذا شي اساسي في حياته ...وبعد ما وصلوا بيت محمد الفلاسي ودخلوا وما لقوا حد في الصاله

نهيان: وين العرب حووووه يا ناس
حصه بصوت وتهمس لخوها: اوش يا اخي مب زين
نهيان يشوف الصوص بطرف عينه ويغمزلها يصاصرها: انا ياي اسوي رفريش للبيت وانتي تبين تخربين علينا صكتي احسن
حصه: ما تنرام ويا ذا الوجه
نهيان: الاخت ماخذه الجنسيه السعوديه وانا مادري
حصه: وشو ايوه باخذه غصبن عن ذا الوجه يا وجهك
نهيان يمسك ويهه ويكلم شواخي: وش به وجهي مزينه يق الطير من السما ما اخرب مزيون
حصه ترمسه بطرف خشمها: مداح نفسه يباله رفسه..تعال نسينا هل البيت وينهم مالهم حس

نهيان يلس ع الكرسي ولقا جدامه القهوه والجاهي: اقول سيري نقريهم وانا بتفاول
حصه: اوكي

سارت حصه صوب حجرة سلامه وما لقتها ومنال بعد ما كانت موجوده سارت صوب حجرة ام سهيل وبعد ما لقتها وخطفت ع حجره شواخي ولقت شواخي طايحه وحذالها ام سهيل شواخي كانت تعبانه يمكن عوقها مب جسمي بس الظاهر نفسيتها تعبت وامها تحاول تهديها ...

حصه بعد ما دخلت وسلمت ع ام سهيل ويلست حذالها ع الشبريه وشواخي طايحه وما تحس بالدنيا

حصه: شواخي الحلوه شو اخبارها تعالي وين القطاو ما شفتهن
ام سهيل : اي قطاو الله يخليج البنت مول تعبانه حالها ما يسر بالمره مادري شو اسويبها
حصه: وديتوها الدختر
ام سهيل: عوقها ما يعرفوله الدخاتر بنتي راحت يا حصه مادري شو اسويبها
حصه: وخبرتي سهيل ولا ناصر
ام سهيل : ما رامولها يا بنيتي
حصه تحس بالحزن ع حال شواخي طلعت من الحجره وسارت صوب الصاله

نهيان: هاه وينهم هل الدار
حصه: والله ظني البنات عند حرمه اخوهن وامي مريم ويا شواخي في الحجره
نهيان: خير شو بلاهم
حصه: شيخوه تعبانه مول نفسيتها تعبت حليلها يا هل
نهيان: الله يرحمك يا عمي كانت متعلقه فيه وايد
حصه: الله يرحمه وصدقت بس شو نسوي محد راملها
نهيان يمشي صوب حجره شواخي ووراه حصه: ما عليج عندي الحل
حصه: بنشوف يا بو الحلول

دخل نهيان وسلم ع حرمه عمه

نهيان: عمتي اذا بترخصيني بودي شواخي للمطوع
ام سهيل: يزاك الله الف خير يا ولدي بس ما بتروم لها
نهيان: ما عليج منها بوديها

نهيان شل شواخي وياه وسار صوب بو ناصر المطوع ..,يوم وصل وتلاقا ويا الريال بعد ما اتصل في ربيعه يتخبر عنه لانهم يمدحونه ...نزل شواخي وقال للمطوع علتها وانها متعلقه في ابوها المرحوم وايد وحالتها اختست لا تاكل ولا ترمس حد وكله طايحه ...قرا عليه المطول وعطاهم ماي زمزم مقراي فيه وقال بيسويلها كتاب تعلقه ع جتفها وان شاء الله بتشفا .....بعد ما طلع نهيان...كان الوقت قريب الاذان ....وسار صوب بيت عمه ولقا حرمه عمه اترياه عن الدري وحصه وسلامه وياها ..وبالنسبه لمنال يلست ويا العنود ...نزل شواخي وشلتها سلامه وودتها الصاله وام سهيل سارت اتصلي وردت تيلس عند بنتها وسلامه بعد ما يت امها سارت اتصلي هيه وحصه....مر الوقت بسرعه وع الساعه عشر وصل نهيان وشل اخته وساروا صوب البيت وفي هل الوقت لقوا راشد واقف بسيارته وامه ترمسه لانه بيرد بوظبي مره ثانيه سلم ع اخوه قبل لا يروح ودخل يرتاح ويتعشى ....وع الساعه 11 تقريبا وصل ناصر ويا مايد اللي حب ايلوف هله ويطمن ع حالهم ولقاهم يالسن في الصاله منال وسلامه وام سهيل وشواخي اللي منسدحه ع الغنفه وكانوا يسقونها الماي بصعوبه ....

ناصر ومايد بعد ما سلموا ع الحاظريين ويلسوا

مايد: شو حال شواخي الحين
ام سهيل : احين من اول يا ولدي وان شاء الله تتعافى من عوقها
الكل : ان شاء الله
سلامه: االحمدلله الكل يمدح بو ناصر المطوع ويقولون دواه زين وان شاء الله الله بيشفيها
ناصر: منوه مودنها صوبه
منال: نهيان يا مساعه ووداها
ناصر: اها ما قصر الساع
مايد: الا سهيل وينه
سلامه: فبيته تباني ازقره
مايد: لا لا خليه يرتاح
ناصر: حد يحطلي عشا
منال: ان شاء الله (قامت منال صوب المطبخ)
مايد: شي فخوطركم
ناصر: وين تبا يلس اتعشا
مايد : تعبان وابا ارتاح
ناصر: لا مايصير لازم اتعشا ويايه
مايد: خلاص انتعشا انتعشا

 

[ضوى العيون]

الجزء الثاني والثلاثون

منال وبعد ما حطت العشا وكان اكل خفيف سندويجات جبن وزيتون وشوربه خفيفه لان ناصر ما يحب الاكل الثجيل وخاصه في الليل ...وبعد ما يابنت العشا وحطته...

مايد: يا سلام شو هل العشا الفنان
ناصر: لان اللي بياكل العشا فنان
مايد: غلطان حبيبي لان اللي حضر العشا فنان
منال انحرجت وتقول في خاطرها بلاه يخورط الريال
مايد: اوه السموحه قصدي اللي شاف العشا فنان يعني انا احم احم
ناصر يخز ولد عمه: تعشا وانت صاكت الغالي
مايد:وصكتوني
سلامه تبتسم وقامت صب حجرتها ومنال يلست ويا اخوها وولد عمها ..وبالنسبه لام سهيل يلست ويا شواخي اللي بدا حالها يتحسن شوي عن قبل وبدت تاكل بس مب وايد ....وسهيل يلس ويا حرمته لان حالها ما يسمح لها تسير بيت اهلها او تسير صوب بنات خالتها وخالتها ...

وفي حجرة منال بعد ما يلست ع السرير لقت مس كول من سعيد..واتصلت له ...

سلامه بتعب: الو
سعيد يبتسم: وهلا بالغالين
سلامه : هلا فيك شحالك سعيد
سعيد: تمام ويسرج الحال ..وانتي شحالج والاهل شخبارهم
سلامه: بخير والحمدلله ع كل شي
سعيد: الحمدلله
سلامه: .........
سعيد:سلامه
سلامه: لبيه بو عسكور
سعيد متردد: بسافر المانيا
سلامه منصدمه: ليش خير شو مستوي
سعيد: طلع قرار نقي لالمانيا
سلامه بارتباك وخوف: يعني
سعيد: متردد مابا اسافر نهايا ابا اتم بين احبابي ولا اقدر اصبر عنكم
سلامه: انزين ارفض من حقك
سعيد: صعبه حبيبتي مادري شو الحل
سلامه وبدت عينها ادمع: ارجوك لا تسافر انا احتاجلك اكثر من اول
سعيد حس انه بدا يكسب قلب سلامه(وابتسم): عيل اقولج
سلامه فزت: قول
سعيد: اوريدي رفضت وخلاص ما بسافر لانه مقلب ومشا عليج
سلامه تصيح بصوت : ....حرام عليك قطعت قلبي
سعيد: لا والله ما اقصد بس اتغلا

سلامه ما استحملت الموقف وبندت التيلفون وتمت اصيح وهيه تذكر ابوها واتذكرلا اللي فات من عمرها وخيال سعيد يحوم بين اعيونها ...وسعيد اللي استهم عليها بعد ما بندت التيلفون ولام نفسه ع الحركه البايخه اللي سواها وهوه ير يتصل ويتصل بلا فايده سلامه ماردت عليه ياترى بتحط في خاطرها من صوبي ..؟!

مايد اللي رد البيت وهوه تعبان سار صوب حجرته وبعد ما تسبح انسدح ع شبريته وهوه يفكر من قبل اسبوع وقبل لا يموت المرحوم كنت بحقق حلمي اللي كنت احلم به ليل ونهار والحين يا ترا بيتحقق ولا بيكون صعب المنال يارب يارب يارب توافق منال عليه ...

ومنال اللي رقدت ويا اختها شواخي وهيه يالسه حذالها بعد ما نامت شواخي ....وتشوف ويهه اختها ...شو ذنب هل البنت تتيتم وهيه صغيره الله يكون بعونج يا اختي ما تقدر تنسى ابويه الله يرحمه ...(وفي هل الوقت) ومنا لسرحانه بتفكيرها شواخي فجت عيونها والساعه قريب 3 وهيه تحس بتعب فضيع

شواخي : ماي ماي
منال انتبهت لها : ان شاء الله فديتج ......(وصبت لها منال ماي زمزم مقراي فيه وسقت اختها)
منال: حبيبي شي يعورج
شواخي وعينها ادمع : ابا باباتي
منال: لا اله الا الله محمد رسول الله ..رقدي الحين
شواخي تيلس وترف المخده واطلع صوره جالبتنها ومنال يالسه اطالعا وتفاجأت بها صوره ابوها يوم شواخي صغيره وماسكنها يبوسها ..شواخي في هل الوقت حبت الصوره وحطتها ع صدرها وغطت في رقادها ومنال يلست اتراقبها وحابسه الدموع في عينها وقلبها يحترق .....ماتعرف كيف بتتصرف ويا اختها شو الحل مستحيل تنسى ابويه بس هذي ياهل والمفروض تكون حيويه واللي يشوفها جثه ميته سامحني يارب اني كنت اغثها واصارخ عليها كنت احط دوبي في دوبها بعد ما اكتشفت ان قلبها الصغير ما يستحمل الاذيه ...

يلست منال تعاتب عمرها وهيه تفكر بطريقه تخلي بها شواخي انشط من قبل وهيه قابضه ايد اختها وحست بصغرها

منال ماسكه ايد اختها وهيه تبتسم:فديتج ياربي صدق انج تشبهين ابويه الله يرحمه

يلست منال ع هل الحال لين ما اذن الفير وسارت حجرتها اتمسح واتصلي ومرت ع سلامه توعيها بس تفاجأت بها واعيه

منال: سلامي ليش ما رقدتي
سلامه بتعب وضيقة خاطر: مادري ابا ارق ومنيه احس بارهاق فضيع
منال: قومي يا وخيتي صلي الفير وقري صفحتين ع روح ابونا وارتاحي
سلامه تبتسم: ان شاء الله

وبعد ما مرت منال ع امها توعيها للصلامه ووعت اخوها ناصر اللي عصب عليها

ناصر: الله يهديج بس احين توعيني والمطوع بيقيم الصلاه
منال: انزين بسرعه الحق عليه
ناصرسار صوب الحمام يتمسح..ومنال يلست ع شبريه اخوها
وبعد ما طلع
منال: تعال انا من متى اوعيك ليش اتلمني يا اخي
ناصرمستعيل: بعدين الصلاه الصلاه

وطلع من البيت بسرعه صوب المسيد ومنال مبهته وتضحك عليه ..بعد ما شافت صورته ويا مايد يوم هوه صغير في المانيا ولابسين جاكيتات عن البرد

ومرت شهر والكل بدا يرد لحالته الا شواخي ماقدروا يسييطرون ع عنفها حتى بخش اشتاق لضربها لضحكتها وفي هل الوقت حصه وام راشد ومايد بالخميس العصر بعد ما خلص دوامه ساروا صوب بيت محمد الفلاسي ..وكانن البنات يالسات ع المنامه لان الجو بارد وام سهيل بالمثل بس شواخي الوحيده اللي تمت في حجرتها وماطلعت منها وعنود حست بالضيجه وما عرفت شو تسوي بحالها اتصلت بالدكتوره اتشكى من حالها وهيه ما اتحمل اليلسه بروحها ...وطلبت حل ...واخيرا افرجوا عليها بعد ما وافق سهيل انها تطلع بس ع كرسي متحرك ولا تطلع وايد ....

طلعت من فرحتها ويلست وياهم في الحوي بعد ما وصلوا الاهل وسلموا

حصه: يا عيني براد
منال: هيه والله الا رهيب
ام سهيل : يا بنتي صبي القهوه لود عمج
منال: ان شاء الله امايا
مايد: لا مشكوره يا ام سهيل
منال: لا بصب
سلامه: لا تغصبينه
مايد: خلاص صبي مب مشكله
ام راشد تضحك: يالمكار
مايد يحب امه: اعجبج لا خليت منج
حصه والبنات يضحكن وبعد ما قامت سلامه تييب الفواله ويلسوا يتفاولون
مايد: شواخي وينها
ام سهيل: ع حالها يا ولدي ما تطلع
ام راشد: شو ياها البنت
منال: الله يكون بعونها ما قدرنا لها عنيده
مايد: ما عليكن انا بتصرف
حصه: هيه الفيلسوف...شو بتسوي
منال: اذا بيدك الحل بتسوي فينا خير
مايد: قومن
ام راشد: وين تيا ايلس
مايد : ما بنبطي الا ربع ساعه
سلامه: عاد وين بتودينا
مايد: اوهوه يا الفضول قوم لبس عبيكن يالله
حصه: بسرعه(اتصاصر منال)...بيعصب وبيدوسكن بسيارته

 

[ضوى العيون]

منال تبتسم ومايد يراقب اخته وحس انهن يرمسن عنه

مايد: الحبصيه حسابج بعدين يالله عاد قومن
سلامه: خلاص هاه قمنا

قامن سلامه ومنال صوب حجرهن ولبسن عبيهن ومايد ترخض من ام سهيل وقال انه بيدخل وبياخذ شواخي وياهم وفعلا سار صوب حجرة شواخي وحصه واقفه عند الباب

مايد: الشيوخ شو يسوون هنيه
شيخه يالسه تكتب ومنزله راسها: ماتي
مايد:لا شي شو تكتبين
شواخي: ماتي
مايد: لا شي اقريلي اياه
شواخي : ماتي
مايد بدا يتنرفز: شوه ماشي عاد انتي لافلسفين عليه
شواخي : ماتي
مايد: ياااااااربي شو اسوي بهل المعفوصه
شواخي: ماتي

حصه اتراقبهن وميته من الضحك

مايد: شواخي
شواخي رفعت راسه وهيه مبهته:...........
مايد يسوي حركه غريبه وكانه يقلد صوت الاسود: باااااااكلج ه ه هههه
شواخي : ماتي
مايد ويه اصفر واحمر مره وحده وهذا بعد ما نزلن البنات ويلسن يراقبنه وهوه معصب اول مره يعصب ع ياهل

حصه: هاه يا الذكي رمت لها
مايد: لا عنيده ما روم لها
منال تضحك: جنيت على نفسك
مايد: عيل تعالي اشوف اذا بترومسن لها
منال : لا تحدى
مايد: اتحداج رمسيها وانا بشوف
سلامه: سيري راويه منوه منال الفلاسي
منال تصاصرسلامه: ماروم لها
سلامه ترد واتصاصرها : جربي
مايد : شوه تخافين
منال وهيه خايفه: لا بتشوف

سارت منا لصوب شواخي ويلست حذالها

منال : شواخي حبيبي يالله قومي بنطلع
شيخه اتشوف منا لوهيه مبهته ومستغربه: .......
منال بحنانه : يالله بنسير احلا مكان
شيخه بعدها مبهته بس استسلمت للامر وابتسمت: وين بنتيل
مايد فاج حلجه لان شواخي غيرت الموجه
منال: اي مكان تبينه
شيخه: والله ابا الالعاب وابا اتكليم وابا مكتدوننلدو
منال: ان شاء الله من عيوني يالله اقومي لا يهون
شيخه قامت من محلها والاغرب لوت ع اختها منال وباستها وهيه تبتسم ربعت صوب كبتها وطلعت بنطلون وغميص وسارت تتلبس ويسرعه لانها تيا تطلع
منال اللي يلست مستغربه كيف قدرت اتسيطر عليها وع عنادها كيف ..سلامه ابتسمت لان الصراحه ما شي سر بتعاملها ويا شواخي مثل ما كان يعتقد الكل بس الشي الوحيد اللي تسويه تحاول تقنعها وتغريها باللي تحبه وفي نفس الوقت تقدملها شويه حنان لان اليهال ولو انهم شياطين ومشابين يحتاجون للي يحن عليهم ...مايد وقف مبهت ولا يدري شو السالفه واعترف انه غبي كيف ما تصرفت مثل تصرف منال كنت بفوز في التحدي يا ويلي انهزمت وانا الريال جدام منال لهل الدرجه انا ضعيف الشخصيه ...

طلعت شواخي وهيه نشيطه وتبتسم وكانت حلوه ببتسامتخا بشعرها الكاريه وقامت تبوس حصوه وسلامه وتربع جدامهم وهيه تصارخ: يالله يالله بتلعه الالآآآآب

مايد يضحك وهوه يمشي وراها ..وسلامه وحصه يضحكن وتفاجأن بصوت منال

منال: فزت عليك
مايد يصد ع ورا ويشوف منال تبتسم: والنعم بنت محمد ما تنلامين
منال تترحم ع ابوها وتمشي ..بعد ما طلعوا في الحوي الكل تفاجأ بشواخي اتنطط وهيه ماسكه ايد مايد ..واتقوله بتلعه بتلعه الالآب بنتيل الالآب ومن الصوب الثاني تفاجأت ام سهيل بحال بنتها بس حاولت اتكون عاديه وذرفت دمعه من عينها وعنود استانست ع حال البنت وام راشد تبتسم ...وركبن البنات السياره وشواخي يلست حذال حصه جدام ...مايد استانس لانه بدا حال الكل يتغير والحزن شوي شوي يفارجهن اتصل في ناصر اللي كان يفصل له كنادير

مايد بعد ما سلم ع ناصر وهوه حاطنه ع الاسبيكر

مايد: نويصر تعال صوب السيتي
ناصر: متفيج انت وانا ورايه يميع الشغل
مايد: اجل مب مشكله
ناصر: كيف بالله عليك
مايد: تعال ويايه البنات كلهن
ناصر: منوه بناتنا
مايد: لا بنات اليران اللي ساكنين صوب الدوار
ناصر: ههههههه يالغلس...
شيخه يالسه تسامع وهيه معصبه وتصارخ عشان يسمعها عدل : نتول تآل لدلبك بالمكته يالله بنتيل الالآآآآآب(تمدها )
ناصر فز قلبه : اوه اوه شواخي شيخه البنات وياكم صدق ما تستحي يا ميود ياي صوبكم
مايد: شو ما استحي
ناصر: انت لو قلت انا شواخي وياكم بيك طاير
مايد: ههه وابيويه عليك انا انقض وتعال بسرعه
ناصر: اوكيك اشوفكم

بند ناصر عن مايد وهم توهم واصلين الستي وعند المواقف..تموا يدورون ولا لقوا باركنج فاضي وبعد ما شاف سياره تريوس وقف عشان يوقف سيارته في هل الباركنج..نزلوا وشواخي مستانسه وما سكه مايد

والبنات يمشن وراه ودخلو وساروا صوب الالعاب مايد ويا شواخي والبنات قررن ييلسن عند المطاعم اللي هناك ولو ان مايد رفص هل الفكره بس خلاهن ع راحتهن ... وناصر اتصل في اخوه وتخبر عن مكانه وتلاقوا ...شواخي تخبلت وهيه تبا تركب كل لعبه ....

شواخي: نتول ابا الكب القطال والميلحانه وابا العب بالتياييل
مايد: هذا مله يا بنت محمد اصبري شوي شوي
شواخي: اندين بت بتلعه ابا اكب القطال بيلوح عني
ناصر يضحك: بسرعه بيطير الحق عليه
مايد: اتشمت يا ويهك
ناصر: لا افا عليك
شواخي : يالله بتلعه
مايد: انزين انزين
ناصر: انا بسير صوب البنات
مايد متضيج: اوكي

مايد تم الا يحوط ويا شواخي من لعبه للثانيه وناصر سار يلس في الكافيه ويا خواته وطلب لهن كبتشينو..ويلسوا يسولفون ...وبعد ما تعبت شواخي من اللعب

شواخي: ميووووت بتني يتوي صوصو متل القطال
مايد: اسمعه
شواخي: يوآنه ابا آكل تبت وبولقل
مايد: حاظرين يا امي

سار وياها ويلسها عند البنات ويا ناصر وياب لها اللي تباه واختار لها وجبة اليهال وخذ بورقر وشبس للبنات وله وبنصور ...وهم يالسين ياكلون ومايد يالس حذال شيخه

مايد: انا اليوم اشتغلت مطاري لشيخه بنت محمد
الكل يضحك
ناصر: ههه اللي يشوفك يقول العالم ع راسه
مايد: نتهيأ للحياه اليديده باجر بيوني عيال ما عرف اتصرف وياهم بس اذا عفاريت مثل (يشوف شواخي بطرف عينه)ما باهم
منال: حرام عليك كله ولا الشيوخ
حصه: لا اصلن عيالك بيطلعون شراتي
سلامه: امحق اذا بيشبهونج عز الله بتلعوز وياهم
ناصر: ههههههه يبتها لعمرك الغالي
مايد بخقه وتفاؤل: انتوا اصلا ما تعرفون..يبطلعون شيوخ يا بوي هيه شو عيل عيال مايد يسد ان ابوهم شيخ وامهم شيخة قلبي
ناصر: يا ويلي ع الرومنسي
حصه: الاخ يتحلم
مايد: يا هدامة الاحلام يالله يمكن في يوم بيتحول لحقيقه ..ان شاء الله
حصه: ان شاء الله

والكل يبتسم ..وناصر رد يفكر بمايد وهوه يحس به وبقلبه بس شو بيده من الحيله ابوه توفا وفي هل الوقت سالفة منال ومايد لازم اتأجل شوي لين ما اتحسن الاحوال وترد لمجراها ..وبعد ما كلوا واشبعوا من الضحك والسوالف وطلعوا من السنتر سار ناصر صوب سيارته لان موقفنها في الباركنات اللي برع..ومايد سار صوب سيارته بس لقا سياره واحد من شباب بوظبي موقف سيارته ورا سيارته بالضبط وما يقدر يريوس بها ...يسن البنات في السياره ومايد معصب وخص ان الوقت تاخر وفاتته صلاة المغرب والعشا ...وهوه يالست يتحرطم ع الريال والبنات حد منهن يتافف وحد يضحك وشواخي تسولف عن الالعاب وهيه مستانسه..وبعد ربع ساعه من الانتظار شافوا واحد متعصم بسفره حمرا وهوه صاحب السياره نزل له مايد ......

مايد: يا اخي ما يصير توقف سيارتك ورا سيايير العرب
الريال واسمه جاسم: اها الغالي حاظرين بس يوم بتفظيلي باركن اوكي
مايد معصب: يالله اطلع وفكنا من صدعك
جاسم بتعجرف: احترم نفسك
مايد: تعال اظربني بعد

البنات وهن يراقبن الوضع ويحافن من الموقف اللي بيستوي منال واللي يالس ع السيت اللي ورا ناصر فتحت الباب ونزلت ولقت مايد واقف جدام جاسم وخافت عليه...

جاسم شوي بيمد ايده ع مايد وبيظربه بكس ربعت منال صوبهم والبنات يراقبن بخوف

منال : مايد خله برايه
مايد معصب ويشوف الريال بتعجرف وعيونه فيهن تحدي جاسم شاب متعجرف ومشكلجي ...

جاسم: اقول الغاليه ما يحتاي ادافعين عنه
مايد معصب ويصارخ: ردي السياره
منال تمسك مايد : ارجوك خله ما فينا للمشاكل
جاسم: هه
مايد: شوف انت المفروض ما تسلم مني بس وخاطرها بخليك
جاسم عصب وركب سيارته ويمشي مسرع
ومنال ركبت بعد ما انهت الوضع ومايد معصب ركب السياره ....وبعد ما طلعوا من السيتي وحصه يالسه اتهدي اخوها

حصه: ما يسوى عليك شو تبابه خله يولي
مايد: هرم
منال : تعوذوا من ابليس برايه هوه الغلطان
مايد صكت لانه ما يبا يحط غيضه ع حد ماله دخل في الموضوع وساد الصمت السياره لين ماوصلوا البيت نزلن البنات ومايد شل امه واخته وساروا صوب بيتهم وبالنسبه للبنات سارن يبدلن ويصلن ويتعشن ويا امهن وقبل العشا

سلامه: حد لاف العنود
ام سهيل: مادري بها امبونا قبل المغرب يالسه ويانا وخلاف يت الخدامه وودتها صوب حجرتها
منال:الله يعينها ياربي ...
ام سهيل وسلامه: يارب
سلامه: عيل انا بسير لها شوي لين ما ايي سهيل
ام سهيل: تعشى اول وخلاف سيري لها
سلامه: لا امايه شبعانه

طلعت سلامه وسارت صوب العنود ...اللي كانت متملله وماسكه مجله الصدى تقراها

سلامه: كيف الحال عنوده
عنود: ع حالي يختي مليت من الحجره
سلامه: استحميلي عشان البيبي
عنود: ترانا صابرين ع كتبة الله
سلامه تبتسم: متى بيرد سهيل
عنود: مادري به ع الساعه 12 او 11
سلامه: اها زين
عنود: متولهه ع بيتنا وع الاهل والحواطه
سلامه: هونيها واتهون ان شاء الله
عنود: والاهم ما بقدر اتخرج السنه ويمكن يكنسلوني بعد
سلامه: ههههه لا تشيلين هم المهم صحج وصحه البيبي
عنود: يالله كل شي في سبيل البيبي وابوه يهون
سلامه: يا ويلي

 

[ضوى العيون]

الجزء الثالث والثلاثون


عنود تبتسم: الله ريلي يختي امال ايه
سلامه: ياحبيبي نطر العرج

وفي هل الوقت دخل سهيل

سهيل: اي عرج
سلامه: هلا سهيل
سهيل : اهلين زين يوم يالسه تونسينها
عنود: لا خلاني الرب منها ما تقصر
سلامه: افا عليكم اذا ما نفعت هلي بنفع منوه
سهيل: ما تقصرين بنت محمد
سلامه: لا ما بشروك بشواخي
سهيل متفائل: خير شو بلاها
عنود تبتسم وسلامه اتشوف سهيل: خلاص خاز العوق عنها وردت مثل اول واخس بعد
سهيل: والله الله يبشرد بالخير سلامي
سلامه: اوكي عيل انا بسير عنكم شي في الخاطر
عنود سهيل: تسلمين


طلعت سلامه من بيت سهيل وسارت صوب بيتهم ولقت منال يالسه تقرا كتاب وانتبهت لها منال...

منال: ابطيتي
سلامه: توه سهيل واصل البيت وطلعت
منال: اها زين
سلامه: وشواخي وين
منال: راقده ويا امايا
سلامه: ونويصر
منال: ويا ولد عمه وربعهم
سلامه: اوكي اذا تبين اي شي انا في حجرتي
منال: ان شاء الله


سارت سلامه صوب حجرتها ويلست ترتب الطاوله وتحط الاغراض في ملهن وفي نفس الوقت تشوف شو ناقصنها من ملابس وشنط وعطور وغيره واتفاجأت بصوت رنة اهمه وهيه مخصصتنها لسعيد ...ترددت وما شلته وبعدين رد واتصل مره ثانيه وردت عليه
سلامه:.......
سعيد: السلام عليكم
سلامه بصوت حزين وخفيف: وعليكم السلام والرحمه
سعيد: كيف الحال حبي
سلامه: طيبه
سعيد: افا يا سليم تزعلين علي الله ياخذني اذا زعلتج
سلامه بخوف: لا بسم الله عليك عدوينك ان شاء الله حرام ل اتدعي ع عمرك
سعيد: استغفر الله العظيم ...يعني يعني مب زعلانه
سلامه بمكر ودلع: لا زعلانه ونص
سعيد يتحنحن: ان زعلت ارضيك وكل عمري فداك والزعل مزعله يالغالي عليك لو تامر بروحي بتنقاد برضاك ولو تطلب عيوني في لحظه تجيك..
سلامه: ياعيني ع صوت ما شاء الله عليك
سعيد: يعني رضيتي
سلامه:......
سعيد: سلامه ما يهون عليه زعلج والله انج غاليه وانتي تدرين بغلاتج عندي صدقيني
سلامه: وانت غالي لا تنسى
سعيد: لو غالي ما بتزعلين عليه بهل السرعه انا ابا اونسج وخفف عليج صدقيني بس ندمت وطلعت بايخ
سلامه تضحك: فديتك انت احلا بايخ شفته
سعيد: تفدج العافيه الغاليه شو بعده الحلو زعلان
سلامه: للاسف هيه
سعيد: كيف اراضيج يعني حيرتيني
سلامه: تصرف ومشكلتك يا اخي ..باي

سكرت سلامه عن سعيد قبل لا تقوله فمان الله او شي فخاطرك ..سعيد ما استغرب من سلامه لانه يدري انه اتغلا عليه وقرر ينهي الزعل باسهل طريقه بس اجلها لباجر لان الوقت متاخر والخطه صعب اتنفذ..

سلامه رقدت بعد ما خلصت الترتيب كله ومنال يلست اتشوف التيلفزيون لين ما وصل ناصر البيت وهوه بعد يلس يسولف ع اخته وترخص وسار يرقد ...وفات هل اليوم بسرعه ...والايام تركض والدنيا ادور يحل النهار ويغطيه الليل وراشد ع حاله في بوظبي ويا على المهيري وباقي الربع وحتى لو فارق دبي وبحر جميرا اللي بشوفته تهدى اعصابه بعده يتردد عليه ويسير صوب كاسر الامواج ويوقف سيارته ويفكر بهل العالم وبمستقبله يا ترا لين متى بتم عزوبي...سهيل اللي بسني عرست وقريب بييب له ولد ولا بنت يونسونه في حياته وسلامه آآآآه يا سلامه راحت من ايدي خذاها سعيد ..اسميه الا حضيض وحتى لو فكرت اخط بنت عمي الثانيه ما بقدر اوفيها حقها وانا قلبي امتكته وحده ثانيه ......

وهذا حال راشد في سيراته ويياته وهمومه وافكار في بوظبي بعيد عن هله واصحابه ..وبالباجر العصر الساعه 5 بالضبط بتوقيت دبي ...سلامه يالسه ع المنامه ويا منال وشواخي تلعب ويا القطاوه في الحوش تتونس شوي وام سهيل ويا العنود...سمعن البنات صوت سياره ...

منال: منوه اللي ياي هل الوقت وموقف سيارته برع
سلامه: مادري يمكن حد يايب شي ولا بطاقه عرس
منال: يمكن

وتفاجأن بلبناني يدق الباب وحذاله باقة ورد جوري كانت تشكيلتها ع شكل قلب

سلامه: منال احين منوه بيسير له
منال: مادري اكيه ليندا

وتأشر منال ع ليندا واتقولها تسير اتشوف الريال وسارت

اللبناني: هاي
ليندا تبتسم:.......
اللبناني: هذا لمدام سلامه
ليندا: اوه مدام سلامه (خذت الباقه)..ثانكس
اللبناني : يو ويل كم

سار وركب سيارته وليندا سارت صوب سلامه ومنال اتشوف الباقه

منال: ياااي اجنن الا رووعه
سلامه: اصبري بنشوفها لمنوه
منال: يارب اتكون لي
سلامه: من منوه ان شاء الله
ليندا: مدام سلامه هذا حق انتي
سلامه: انا
ليندا: ييس فوريو
سلامه: اوكي سيري شوفي شيخه
ليندا: اوكي
منال : من قدج اقول من منوه
سلامه: مادري بس شكلها كيوت وراعيها ذوقيق
منال: غريبه منوه اللي بيطرش لج باقه
سلامه: مادري

سمعت سلامه صوت مسج صوتي..واتصلت ع 123 وكان المسج من سعيد وهوه يقول..مشكلتك انك قلب حساس تشره وتتغلا وتزعل..مشكلتي مولع بك بلا قياس وان ما سألت اشتاق واسال ...(وان شاء الله تعيبج الباقه)

سلامه تبتسم بفرح وع خدودها علامات الخجل ومنال اطالعها اترياها اتقولها شي ...

منال: حوه من منوه المسج
سلامه مبهته: سعيد
منال: والله شو فيه
سلامه بخجل: عن الرزه بس عرفت انه هوه راعي البطاقه..وايه فديت خشمه
منال تضحك: ههههههههه هاااااااي اتفداه الحرمه هههه (واتسوي عمرها معصبه)منقود عن البدو اخت سلامه
سلامه: لا والله ريلي وع كيفي لو اتفداه من اليوم لين باجر لا خلاني الرب منه
منال: الله يخليلج اياه
سلامه: يارب ويخليلج غاليج منال
منال تبتسم وقلبها ماكلنه الهم: ان شاء الله

سلامه يلست اتشوف الباقه واتشم الورد لان رحيته جنان ومنال ردت اتفكر في غاليها منوه غاليها ظاعن اللي خسرته وهيه ما كانت تملكه ولا ابوها اللي راح ..

ومن الصوب الثاني مايد اللي كان في جميرا وتحديدا شاطئ جميرا ويلس يتامل البحر وهوه سرحان بتفكيره ويحاول يتخذ قرار..نهائي يا ترا هذا الوقت المناسب عشان اخطب فيه منال ...بس كيف ارمس ناصر ولا امايا او اصبر شوي بس انا صبرت وايد وايد وايد ....وانا ما اتحمل اتكون لواحد غيري واتكرر ماساة راشد...انا لازم ارمس ناصر واشوفه

اتصل مايد لناصر وقاله انه يترياه عند بحر جميرا ولازم ايي والسالفه ضروريه..

ناصر وبعد ما اتصل فيه مايد طار صوب البحر وهوه خايف شو السالفه الضروريه اللي بيقولها له مايد

وبعد ما وصل ووقف سيارته ونزل لخوه ...وسلم عليه ويلس حذاله

 

[ضوى العيون]

مايد: الله يا ناصر محلا البحر
ناصر: حلو بس حلاتة تسحبك للغدر
مايد: هيه والله صدقت يا نويصر بس احلا شي انه يستقبل همومك
ناصر: عقهن بحر
مايد: هههههه وانت الصادق
ناصر يحط ايده ع جتف مايد ويشوفه: هاه مايد شو السالفه الضروريه
مايد: منال
ناصر: وانت يايبني اتقولي منال
مايد: ناصر صدقني انا ما اقدر اتحمل اكثر من جيه وانت ادرى بحالي
ناصر: .........
مايد: يا ناصر ارحم انسان روحه متعلقه بايدك
ناصر: كيف يعني
مايد: ارجوك كلمها وخاطري
ناصر: لا تنسى يا مايد ان ابويه ما صار له شهرين من توفى ومب حلوه ارمسها بهل الموضوع وبهل الوقت
مايد: ناصر السالفه مافيها خطبه او عرس انا ابا اضمنها مابا حد يخطفها من ايدي وجدام عيوني اخاف ماساة راشد اتكرر وانا مابيدي شي ..
ناصر: صدقني مقدرك يا اخي وان شاء الله اذا قدرت بقولها
مايد يشوف ناصر وفي عيونه برق اسى وخوف: ان شاء الله
ناصر: اوكي بقولها وما يصير خاطرك الا طيب
مايد يبتسم ويرد يجبل صوب البحر ويسكت وناصر بالمثل ويلسوا ع هل الحال لربع ساعه وقده الاذان بيأذن المغرب ركب كل واحد منهم سيارتع وساروا يصلون ووبعد المغرب وفي بيت بو سعيد بالذات رد خالد من المسيد وبو سعيد من العزبه ويلس حذال ام سعيد ....اللي كانت يالسه في الصاله ويا بنتها نوره.....

خالد: نواري قومي يبيلي ديو من الثلاجه
نوره: خلص
خالد : بل عنوبه من يومين يايب رتون مسرعه ما خلص
نوره اتشوف امها : واتخبرني انا
خالد: اوه مافيه اسير واشتري غيره
ام سعيد: وشوه هل اللي بتيبه
خالد: ديو
بو سعيد: اخ هل السقم شو تبا تشربه
نوره: لا حلو الصراحه
خالد : يعني انتي اللي شفطتي اللي في الثلاجه كله
نوره: بردون اخوي ما شربت غير 3 غراش
ام سعيد: تطرون هذا بوقوطي خضر
بوسعيد: السقم
خالد: ايوه
ام سعيد: والله يا ولدي جسمته ع البشاكير وشربت لي قوطي غاوي ثره
نوره: هههههههه
خالد: بالعافيه عليج الغاليه هين باخذلي كرتون ثاني بس مب تجسمنه ايي الهث ابا شي يبردني وانا اتعايز سيرة الدكاكيين
بو سعيد: سعيد بعده في المستشفى
ام سعيد: هيه يا حميد خنة حيلي هل الولد كم يتعب
خالد يتدلع وينسدح ع ريول امه: وانا بعد اتعب ولا ما لي نصيب من الدلع والحنان
ام سعيد: لا فديتك بو وليد تستاهل الغالي كلكم غالين
بو سعيد يضحك
خالد: عيل دامني غالي اباج تخطبيلي
نوره منصدمه وبو سعيد مبهت وبالنسبه لم سعيد ما صدقت
ام سعيد : والله فالك طيب ان شاء الله بخطبلك بنت عمك ميثا
خالد : شوووه ميثوه تهبي الا هيه ام كشه
بو سعيد: عيب بنت عمك مسود الويه
خالد قام وحب راس ابوه: السموحه وع العين والراس بس ماباها (ورد ينسدح ع ريل امه)
ام سعيد: عيل منوه
خالد بمكر ويشوف الوقت مناسب للمغايظ: شو رايخ تخطبيلي وحده من اللي ارمسهن امل ولا ميره
ام سعيد تغيضت وتشل راس ولدها عن ريلها: قم قم يهبن صدق ما عندم سافله ترفس النعمه بريوك نبالك الزين وانت تتخير الشين
بو سعيد ونوره وخالد يضحكون ع ام سعيد .....وهيه محتشره ع ولدها ولوانها تعرف انه يمزح وياها ويا يفور دمها بس بعد ما تستحمل

نوره: اييكم شو ؟
خالد: شوري يا ام الافكار يا داهيه يا حفاره القبور
نوره بدلع: بسم الله عليه وخلاص مب شايره عليك وانت الخسران
خالد: خلاص قولي
نوره: مابا انزين
بو سعيد: ارمسي يابنتي شو في خاطرج
نوره: ما بقول جدامه ما يستاهل ليش يسب
خالد: اوه هوه الواحد يسولف ويضحك واني مول ما تستحملين
نوره: ولو ابا رضوه يالله طلع اللي فمخباك
خالد: شو تبينه مخبايه مطرور
نوره تسير صوب اخوها وتيلس حذاله وهيه اونها تتخقق: طلع بوكك يالله اشوف
خالد: لا شو تبينه
بو سعيد: طلعه واسمع رومسه اختك
خالد : يا حبيبي يالله بنطلع البوك

خالد طلع البوك وفتحه ونوره غمضت هينها

نوره مغمضه: انا بحط ايدي في البوك واللي بسحبه من الفلوس لي اوكي
خالد: غربالله بليسج كلهن قوم اميه وخمس اميه والف
نوره: عادي يارب اسحب الالف ولا الفين متلاصقات
خالد: ان شاء الله (ويقول في خاطره يالله تسحبين خمس)
نوره حطت ايدها وبدت تسحب وطاحت في ايدها الف وخالد يدودبها ويقولها لا هذي خمس الثانيه الف وهيه تغير وام سعيد وبو سعيد يشوفونهم ويضحكون

نوره: تقص عليه الدب
خالد: لا خمس اللي فيدج
نوره: جذاب
خالد: افا وانا اجذب عليج اسحبي الالف هذيه حذال الخمس
نوره: لا مابا خلاص برسي ع بر(وفتحت عيونها )الف وانت تقول خمس هي هيييييه مب علي
خالد: ذيبه
ام سعيد: يالله عاد شو اللي بتشاورينا به
نوره: مممممم شو رايكم تخطبون لخالد منال ولا حصه بنت ثاني فنانات وبنات عرب حشام
بوسعيد: زين ما شرتي به يا بنيتي
خالد: حلو ليش لا
ام سعيد: خلاص يعني اخطب لك
خالد: اللي تشوفونه ولا تبوني آخذ امل او ميره(ويضحك)
ام سعيد اطالع ولدها بطرف عينها وتخزه

وتموا ع خل الحال سوالف وضحك لين آذان العشا وبعد ما صلوا ساروا الشباب صوب ميلس منصور كالعاده سهيل وناصر ومايد ..وكان سعيد موجود ووياهم خالد ..في هل الوقت سلامه قررت تتصل في سعيد وتشكره ع الباقه

سلامه: الو مسا الخير
سعيد: مسا النور مسيت به حبيبي
سلامه استحت: شحالك؟
سعيد: بخير وسهاله ..وانتي شحالج؟..(والربع اللي في الميلس اصواتهم عاليه
سلامه: تمام الحمدلله ...شكلك مشغول
سعيد يمشي صوب الباب: لا طالع امري سلامه
سلامه: ما يامر عليك العدو بس حبيت اشكرك ع الرضوه والله انها اجنن
سعيد:لان اللي شافتها اتجنن اصلا الباقه ترددت يوم وداها راعي المحل بيتكم
سلامه باستهبال: وليش عاد
سعيد: تقول تودوني لبيت فيه ورده احلا مني
سلامه تبتسم: .........
سعيد: استحت الحبيبه
سلامه: هههههه بس الورد شكالي
سعيد: وليش عاد(يقلد سلامه)
سلامه: لانه فارج نوره وروح قلبه
سعيد: في هذي غلطتي
سلامه ما فهمت عليه: لان روحه وقلبه ونور دنياه متعلق بقلب الورده
سلامه: اها في هذي صدقت
سعيد: سلامه انتي احلا ورده شفتها في حياتي
سلامه تسمع منال تزقرها: وانت احلا وارق انسان صادفته في حياتي
سعيد طار من الفرح: الله يخليج لي يالغاليه
سلامه: تسلم ويخليك لي يارب العالمين ..اوكي بو عسكور شي فخاطرك من صوبي منال تزقرني
سعيد: سلامج الغاليه وهالله هالله بعمرج
سلامه: ان شاء الله سلملي ع نوره
سعيد: يبلغ ان شاء الله
سلامه: فمان الله
سعيد: فمان الكريم

 

[ضوى العيون]

بند سعيد وسار يلس ويا الربع وكملوا سوالف سلامه سارت صوب منال لانها كانت تزقرها

سلامه: هاه لاج معتشره
منال يالسه ع الشبريه وفي ايدها كتلوج: تعالي شوفي محلاهن
سلامه بعد ما يلست حذال منال: واو فساتين عرايس
سلامه: هيه شو رايج فيه هذا الريم طرشتلي اياه ويا الدريول
سلامه: والله وشو يسوي عندها
منال: الاخت ادور لها فستان من الحين
سلامه تضحك : انزين جدانها سنه لين العرس
منال: هههه اجهز القماط قبل الياهل المهم شو رايج تختاريلج منهن ..
سلامه: مادري والله هل السالفه محيرتني واللي يضيجبي العرس بعد شهرين وانا بقالي وايد اشياء ما اشتريتهن
منال: ان شاء الله بتخلصين بسرعه ...تعالي هذيلا الفساتين من تصميم اليزابيث روعه وجنان
سلامه: هيه اظني نقدر انرمسها واطرش لنا حد من الموضفين وبشوف الفساتين اللي عندهم او بشوف لي شي يديد عندها
منال: حلو بس انا من رايي ناخذ راي العنود..
سلامه: اوكي بس باجر انا تعبانه وبسير اوطي راسي
منال: ع راحتج
سلامه : تصبحين على خير
منال: وانتي من اهله

طلعت سلامه من الحجره وسارت ترقد ومنال حطت الكتلوج على الطاوله وسارت الصاله اللي تحت لانها تحيد ان شواخس يالسه اتشوف سبيس تون ...ولقتها طايحه ع الغنفه وراقد ....وام سهيل كان يايه من حجرتها

ام سهيل: فديتها رقدت
منال: من التعب
ام سهيل : قومي بشلها
منال: لا امايا ارتاحي انتي سيري ارقدي وانا بوديها حجرتها
ام سهيل: ع راجتج يا بنيتي

منال شلت شواخي وودتها صوب حجرتها ..وبندت الليتات وشغلت المكيف وطلعت صوب الصاله اتشوف شو في التيلفزيون...وتمت اتبدل من قناه لقناه ويلست اتشوف فلم اجنبي ...وع الساعه 1 ونص سارت صوب حجرتها بعد ما ملت من اليلسه روحها ومن مجابله التيلفزيون ..يلست اتشوف الكتلاوج ..وفي هل الوقت ناصر رد من الميلس ولقا باب منال ملايم(طرف الباب مفتوح)والحجره منوره دخل عليها

ناصر: شو تسوين لين الحين واعيه
منال: مافيه رقاد
ناصر: ليش تعابه او شي يعورج
منال: لا مافيه شي
ناصر يلس ع الشبريه: اها زين عيل
منال تبتسم:..........
ناصر: منال
منال: هلا
ناصر: عندي موضوع ابا اقولج عنه بس قبل لا اقوله اباج تفتحيلي قلبج واتكونين صريحه ويايه انا اخوج وولي امرج من بعد المرحوم(منال تترحم ع ابوها )..
منال: ان شاء الله بس شو الموضوع لا تخوفني
ناصر: لا هدي اعصابج لانه يباله واحد هادي
منال تاخذ نفس عميق وتبتسم: يالله قول
ناصر: منال فيه واحد اسمه روميو يبا ياخذ راي جولييت اذا هيه موافقه عليه او لا
منال تبتسم: عاد لا تبدا بالفلسفه منوه روميوا وجولييت
ناصر: لا خلاص بجد...مايد(منال حست بنقزه في قلبها من طاري مايد)..يباج له
منال منصدمه مبهته وما تعرف شو تقول:.........
ناصر: بلاج انا اقول يباج له وانتي عاقدتلي حياتج
منال: كمل
ناصر: صدثيني مايد انسان طيب وحبوب مب لاني وياه من يوم نحنا صغار وبغطي عيوبه بالعكس هوه ريال متعلم ومهندس ويسد عنه ولد عمج وبيصونج وهوه اولا فيج من الغريب ويكفي انه يعزج
منال: بس انا مافكر في العرس يا ناصر
ناصر: السالفه مب سالفة عرس هوه يبا رايج اذا موافقه عليه ولا لا بس ولا يبا يخسرج او اطيرين من ايده
منال: ناصر مايد ولد عمي وما شفت منه الا كل خير
ناصر: يعني
منال: مب وقته
ناصر: منال ابا رمسه وحده تبينه ولا لا
منال منحرجه وصاكته: ........
ناصر:وبعدين ليش تتهربين من الواقع
منال ما تعرف شو بتقول لاخوها : خلاص يصير خير
ناصر: يعني موافقه
منال: اوكي بس بليز لا تقول لاي حد
ناصر: وحتى مايد
منال: مممممممم ع راحتك
ناصر وقف بيطلع: اوكي عيل تصبحين على خير
منال: وانت من اهل الخير

طلع ناصر وسار صوب حجرته ومنال بندت الليتات وانسدحت ع فراشها وهيه تفكر وتستنتج يا ترا صدق انه يحبني كيف وليش ...بس احس انه انسان ع نياته ويقول اللي في قلبه والدليل انه يزل لسانه وما يحس به ...مايد ولد عمي ويمكن هوه الانسان اللي بيسعدني ....

نامت منال وفي راسها الف سؤال تحاول اجاوب عليهن ونشت ع صوت حشرة شواخي عند الباب ودخلت عليها شواخي وهيه تصيح

منال بفزع وخوف: شواخي بلاج ليش اتصيحين
شواخي: انود انود تثالخ وتلامي وتهيل ودوها الدكتل
منال تفز من فراشها : والله
شواخي تصيح: انا كايفه
منال: لا تخافين حبيبتي


منال اتصلت في سهيل وهوه ما يرد عليها واتصلت في سلامه

منال: الو سلامي شو مستوي
سلامه: مادري عنود تعبت علينا ودخلوها العمليات
منال بفزع: ليش شو يعورها : مادري مادري بس يمكن تربي ولا يسولها قيصريه
منال: الله يعفو عنها ياربي ويعينها امايا وياكم ولا شو
سلامه: لا
منال: اوكي وحد خبر خالتيه
سلامه: هيه هنيه ويانا هيه والريم وحمد
منال: زين عيل بخليج بس دخيلج طمنيني عليها
سلامه بعيله: اوكي باتصل اطمنج

سهيل يالس حذال حمد وحالته ما تسر وام حمد روحها في حاله والريم يالسه تهديها اما سلامه فكانت واقفه اتريا اخبار العنود

 

[ضوى العيون]

الرابع والثلاثون

وبعد انتظار مدته ساعه ونص والكل مرتبك وخايف ع عنود وع البيبي وما يعروفون شو حالها وسهيل اللي يحس بتوتر فضيع وضيج..

سلامه: يا سهيل هد شوي وان شاء الله بتقوم بالسلامه
سهيل: انا خايف عليها وع الياهل وانتي تدرين بحالها
سلامه: ما عليها شر يا خوي وان شاء الله بتقوم بالسلامه
سهيل: ان شــ

سهيل صكت من شاف النيرس طالعه من العمليات وسار صوبها وام حمد والريم والباقيين يشوفونه

سهيل: نيرس لو سمحتي
النيرس: ايوه يا استاز
سهيل: الاخت عنود شو اخبارها
النيرس: ايوه انته قوزها هيه بخير وقابت لك ولد بسم الله ما شاء الله زي الامر
سهيل حس بالراحه والفرح:الحمدلله يارب الحمدلله .. مشكوره ما تقصرين
النيرس: العفو

سهيل من رمس النيرس وجبل ع الاهل وشافوا الفرحه شاله عيونه قاموا صوبه لان تم واقف صوب باب غرفة العمليات

ام حمد: بشر يا ولدي شو قالت لك الحرمه
سهيل: ولد يا عمتي ولد محمد بن سهيل
ام حمد وعيونها ادمع وتلوي ع الريم والريم تبتسم: الحمدلله يا ولدي يتربى فعز والديه
سلامه فرحانه وتبتسم: مبروك يا بو محمد
الريم: مبروك بو محمد
سهيل : الله يبارك في حياتكن ياربي
سلامه: وشو اخبارها عنوده
في هل الوقت طلعت النيرس الثانيه وادزالبيبي اللي حطوه في الحظانه
سلامه: يالبي فديته شوفه ما شاء الله عليه
سهيل يشوف البيبي وخايف: فديت روحه ليش حاطينه في غرشه
النيرس: هوه في الشهر السابع وآصر لازم نحطه في الحظانه مشان صحته

مشت النيرس مستعيله وسهيل نزل بسرعه يحجز احسن غرفه للعنود في مستشفى الوصل ...ورد بسرعه صوب الحرمات واللي يلسن في الانتظار ما عدا ام حمد اللي دخلت ع بنتها ..وسلامه اذكرت في هل الوقت انه ما اتصلت في الاهل وتبشرهم بحمود الصغير

سلامه: اب سهيل ما اتصلت للبيت تلقاهم مستهمين
سهيل: ما عليج بتصل فيهم

اتصل سهيل ع تيلفون الصاله ومنال اللي يالسه ع اعصابها ويا شواخي اللي اتباع ابطال الديجيتل ع الاسبيس تون

منال: شواخي حبيبي قصري ع التيلفزيون شوي
شيخه: انا ما اتمع تو اتوي
منال: فديتك مب زين بيضربج الصمخ وبعدين قومي لا تنسدحين جدام التلفزيون تعالي حذالي (تحط ايدها ع الغنفه)هنيه
شيخه قامت من محلها: اوكي ويلتنا

شواخي كانت يالسه حذال التيلفون ويلست ويا منال ورن التيلفون وشلة شواخي

مايد: الو
شيخه: الو (وعرفت حس مايد)ميوووت ودني الالآآآآآآب
مايد: هي هيييييييه ردينا شواخي الغاليه منوه عندج
شيخه: محمد بت منال وامايا في المتبخ
مايد: اوكي عطيني منال
شواخي تمد التيلفون لمنال اللي كانت سرحانه واتفكر في حال العنود: اندوت التماعه
منال : منوه (وحطت السماعه ع اذنها)الو
مايد: السلام عليكم
منال مرتبكه واذكرت كلام ناصر: وع وعليكم السلام والرحمه
مايد مستغرب من صوت منال: كيف الحال شو بلاه حسج
منال: هاه ماشي سلامتك
مايد يبتسم: ع بالي زجام
منال تبا تتهرب: امر يا ولد العم
مايد ويحس بالفحه نار تضارب دقات قلبه وبحزن: ما يامر عليج العدوا يا بنت العم ناصر وين
منال منهشه: اويه راقد زين يوم ذكرتني به قالي وعيني وماوعيته
مايد يضحك:ههههه الله يعينج عليه سيري وعيه خاس
منال تبتسم: اوكي مع السلامه
مايد ما يبا يبند عن منال: فمان الله

منال من بندت عن مايد ربعت وبسرعه صوب حجره ناصر ودقة الباب بس مارد عليه ويوم فتحته شافت واعي ويالس يمشط شعره

ناصر ويطالع منال من المنظره وشبه معصب: هاه تو الناس
منال: سوري والله امبوني بوعيك ونسيت
ناصر: اونج تدوريلج سبب
منال: لا والله بس تعال تدري ان الكل في المستشفى
ناصر التفت صوب اخته وبفزع: خير حد تعبان مريض
منال: عنود تعبت ومايندرا في حالها
ناصر: الله يصبرها ويصبر سهيل الله يعينه شايل هم كبير ع قلبه
منال: هيه الله يعينه
ناصريمشي صوب الطاوله اللي حاط عليها مبايله وكان مبندنه وفتحه: منالوه صبيلي حليب وانا بزل الحين
منال: اقول ليش ما تعرس وتفكنا يا اخي (وطلعت من الحجره)
ناصر: طايح ع جبدج
رن تيلفون ناصر وشاف اسم سهيل ورد بسرعه

ناصر: الو بشر
سهيل: ولد يا ناصر محمد بن سهيل شرف دبي وضواحيها
ناصر بفرح: مبروووووووووك تستاهل يا بو محمد
سهيل: بس طاح قاصر
ناصر: ما عليك كمن شر وبينور البيت
سهيل: ان شاء الله برايك عيل بشر امايا والبنات
ناصر: ليش ما اتصلت بهن
سهيل: حرقت تيلفوني وانا اجرخ الا تيلفون الصاله وتيلفون منال وتيلفون امايا ومحد يرد
ناصر: برايك انا بخبرهن
سهيل: فمان الله

نزل ناصر صوب الصاله ولقا شواخي يالسه اتشوف التيلفزيون وام سهيل توها داخله البيت ياييه من المطبخ ...ناصر سار صوب امه وحبها ع راسها وصبح ع امه

ناصر: مبروك عليكم الصبي
ام سهيل: صبي عنود ربت ويابت صبي بشرك الله بالخير
شواخي من سمعت طاري الصبي يلست اتنطط بين الكراسي وتقول بيبي بيبي يانا بيبي وناصر وام سهيل يضحكون عليها ومنال يت من المطبخ وفي ايدها كوب حليب وسنويجه لاخوها ....

منال اطالع شواخي وتضحك: اووووووه بلاه الغزال يتنطط
ام سهيل: اخوج ياه ولد
منال فرحانه : والله ولد كولوووووووووووليش مبروك عليكم يتربى في عز والديه
ناصر يشوفها بطرف عينه: هيه غاديتلي مصريه امف شو هاي كولولش بعد
منال تبتسم: من الفرحه يا اخي يانا صبي


ام سهيل من سمعت هل الخبر سارت صوب الدريول وطرشته صوب العزبه وقالت له يعقر قعودين ويوزعهن ع المحتاجين وثلاث جعدان يذبحهن ويوديهن صوب المطعم ويسويهن عشا ويجسمونه ع الفريج كله ومنال اتصلت في اخوها سهيل وباكت له ع الولد...وهيه بتموت من الفرح..واتصلت في حصوه وبشرتاها وفي خالتها عفرا اتصلت لرفوع بس ماردت ع مبايلها ومبايل خالتها مغلق واتصلت ع الصاله


في بيت ام ظاعن والبيت مافيه حد اتصلت منال

منال ترمس عمرها (ظني الا محد في البيت ) وبعد دقيقتين

ظاعن: السلام عليكم
منال وعرفت راعي الصوت:...وعليكم السلام والرحمه
ظاعن وكانه سامع هل الصوت من قبل: خير اختي
منال وعرفت انه ما عرفها وهيه تحس بضيج فضيع: رفيعه هينه
ظاعن: رفوع محد سارت السوق ويا الوالده
منال: اها قولها سهيل بن محمد ياه ولد
ظاعن: سهيل ولد خالتيه مريم
منال: هيه يا ظاعن ولد خالتك ياه ولد
ظاعن: مبروك تستاهلون ما ياكم الا انتي منوه
منال : الله يبارك فيك..منال
ظاعن: هلا فيج
منال :....
ظاعن: ان شاء الله بخبر رفوع والوالده
منال: اوكي مع السلامه

سكرت منال السماعه من دون لا تسمع اي كلمه زياده ووالوقت قريب الاذان سارت اتمسح وقرت قرآن ويوم اذن سارت اتصلي ...وبعدين سارت صوب الصاله ولقت الغدا جاهز وام سهيل وشواخي يالسات يترينها ويترين ناصر اللي كان في المسيد وبعد مارد تغدن وسار كل واحد يرتاح ..والعنود بعد ما ارتاحت ونشت من تاثير البنج نقلوها ع الساعه 1 للغرفه الخصوصيه وسلامه كانت وياها والريم ردت البيت ويا حمد وام حمد يلست ويا بنتها في المستشفى..وسهيل بعد ما صلا في مسيد زعبيل سار صوب اقرب محل للورود وخذ باقه حلوه للعنود وسار صوب مستر بيكر ووصا ع تشكيله سندويجات وقالهم يوصلونهن للمستشفى وبعد طلب كيك بالفراوله اللي تحبه العنود ...وسار المستشفى وفي ايده احا باقه ولد لاحلا عنود....ودخل الغرفه وشاف سلامه يالسه تكلم منال وتوصيها ع الاغراض اللي تباهن من البيت وعنود ...واعيه وهيه يالسه ويا امها بس كانت تحس بتعب ومن شافت سهيل ابتسمت ع الخفيف ...

سهيل وحط الباقه ع الطاوله اللي حذال العنود وحبها ع راسها: تستاهلين السلامه يا ام محمد
عنود: الله يسلمك يا بو محمد

ويلس حذال عنود وتم يسولف ويا عمته وويا سلامه وبعدين سار صوب قسم العنايه اللي حطو حمود فيه ويا سلامه ودخلو وشافوه مره ثانيه

وبعد العصر وع الساعه 5 منال وام سهيل وناصر وشواخي وكان الوقت مسموح بدخول الاطفال..وساروا صوب الجناح السابع وليندا شاله في ايدها دلال القهوه والشاهي والحريروه....وبعد ما دخلو الحجره وسلموا ع الموجودين وباركوا للعنود ع الصبي .....دخلت حصه ووراها ام راشد ومايد اللي ابتلش باخته اللي خلته يشل باقه ورد شو كبرها وبعد ما سلمن

مايد: يا ناس العقوا عليه بموت حد يشل الباقه عني

ناصر يضحك ع مايد ومنال تبتسم والكل يضحك عليه

مايد: اضكوا انتوا هيه عايبنكم حالي ماقدر اشوف حد يشلها عني
حصه: اقول حطها هنيه ع الزاويه
مايد ويتسحب من محله ويزلها ع الارض: اف تقول شال تنكر مب باقه من كبرها
سلامه: وليش الكلافه يا اخي
مايد: لا كلافه ولا شي يستاهل شيخ الرياييل محمداني

 

[ضوى العيون]

ويلسوا الشباب شوي وطلعوا وبالنسبه للحرمات تمن يالسات وبعد مده استغرب بام سعيد ونوره يايات ويا سعيد المستشفى لان ناصر بشره..بالولد دخلن الحرمات وسلمن ....ونوره اللي كانت ميته وتبا اتشوف البيبي....ويوم طلعن تفاجأت سلامه بسعيد اللي كان واقف في الممر ويحود ساير ياي ...وسلامه اتشوفه وتضحك بس هوه ما شافها لانها متغشيه

سعيد سلم ع سلامه وسار وياهن صوب الحضانه بس من بعيد كان سلامه تاشر ع محمد الصغير وتراويهم اياه

وطافن ثلاث تيام والناس سايره راده ع العنود وحتى يوم وصلوا البيت ع نفس الحال الحرمات ليل ونهار يايات يباركن لام سهيل ع حفيدها الاول واللي سموه ع المرحوم ..وام سعيد اللي فخاطرها تخطب لولدها خالد في اقرب فرصه انتهزت هل اليوم وبالذات ....وكانت يايه ويا ولدها خالد ع العصر ونوره كانت في بيت عمها ..ومادرت بهم

ام سعيد يالسه حذال نسيبتها : ام سهيل
ام سهيل : امري يا وخيتي
ام سعيد: مايامر عليج العدوا..والله يا مريم انا يايه وابا اخطب بنتكم منال لولديه خالد
ام سهيل: ياهي الساعه المباركه يا وخيتي وانتوا اهلا ومحد اخير عنكم
ام سعيد: تسلمين يا وخيتي
ام سهيل: بس تدرين ياليازيه الشور شور البنت واخوانها من بعد المرحوم
ام سعيد: صدقتي في ذمتيه
ام سهيل: ان شاء الله بشاور اخوانها وبنشوف موافقه البيت وبرد عليكم ان شاء الله
ام سعيد: ان شاء الله

ويلسن الحرمات يسولفن ومنال وسلامه والعنود كانن وياهن في الصاله ويتهم حصوه ويا ام راشد واحلوة القعده ..وبعد المغرب يا خالد بن حميد..وشل امه وفي السياره

خالد: يا ام سعيد الا اشوفج مب ناويه تخطبيلي
ام سعيد: يا ولدي لا تحتشر عليه انت ما اتشوف ان العرب في شغله
خالد: ادري يا امايا
ام سعيد: خلاص يا بويه رمست مريم بنت بطي وقلت لها نبا بنتكم لولدنا
خالد: هيه وشو قالوا
ام سعيد: بتشاور وبترد علينا
خالد: اها تعالي منوه احلا بنت ثاني ولا بنت نسايبنا
ام سعيد اتشوف ولدها بطرف عينها: خل عنك هل الرمسه وام في دربك
خالد يضحك ع امه ويلس ينغزها بالرمسه
ام سعيد: بتفكنا من صدعك ولا حط لنا بالروضه اخير من حشرتك
خالد: امايا بالروغه سميتيه بالروضه
ام سعيد : كله واحد يا ولدي

وصلوا البيت ولقوا نوره يالسه اترياهم عند الباب وهيه متغيضه ولابجه من الغيض شله يسيرون عني ولا يخبروني ...لين الحين انا جدامهم ياهل ...ويلست تهزب وحالتها حاله خالد طفر من البيت منها وكملت مناحتها لين ما وصل بوسعيد وسمع الحشره

بوسعيد: اسميكم ما تستحون (يلو ع بنته)تخلون نوراي وتسيرون
ام سعيد: يا بو سعيد وانت تدري وين سارت يوم هيه مرتغده في بيت اخوك
نوره: هيه وليش ما تتصلون بي وتقولون انكم سايرين صوب نسايبنا

ام سعيد معصبه واتضايجت من بنتها: مرره يا بنت راشد بن سعيد فالج طيب مره ثانيه

نوره حست بمها زعلت من رمستها وسارت صوبها ولوت عليها
ام سعيد: قومي عني قومي
نوره تلوي ع امها وتحببها : فديتج انا لا خليت منج يالغاليه يالغزال المجفي يا عيون نوراي وشيخت قلبي فديت هل الخشم السيوف امايا لا تزعلن والله من الضيجه

ويلست تراضي امها وب وسعيد يشوفها ويضحك عليها وام سعيد وبعد موت

وبعد ما اذن العشا ةكملت الساعه 9 ونص والبنات يالسات في الصاله ويا ام سهيل وشواخي يالسه عند العنود

شواخي: انود متى بيي البيبي
عنود: مب الحين بعد ثلاث شهور
شواخي اتشوف صبوع ايدها وتعد والبنات يراقبنها : اووووووه وايد انا ابي اوديه الالآآآآآب ويايه(وهيه نودانه واتثاوب)

البنات يضحكن ع رمسه شواخي ومنال اتقولها لاحق ع الخض والتنطيط...
منال :شواخي تعالي

سارت شواخي صوب اختها ولانها تعشت قبلهم حطت راسها ع ريول اختها ونامت وبعد ما يت ام سهيل من حجرته كانوا الشباب يايين من برع مايد ويا ناصر وسهيل اتصل للعنود وقالها يتريونه ع العشا ....وبعد ما سلموا ويلسوا..

سلامه: الا بخبركم انا متعجبه من هل الريال نهيان وينه ماله حس
مايد: الريال عيناوي يالس ويا عمومته ويسير وياهم
سلامه: ايوه وناسنا ماعليه الا حصوه والاهل شخبارهم
مايد: طيبين يسرج حالهم
ناصر: ايه وين العشا يايين يواعا
منال : ليش من وين ياي حظرتك
مايد: سرنا صوب نادي ند الشبا شوه يا حلاه الخيول
سلامه: والله
ناصر: نهيان موصنا يبا خيل
ام سهيل: وشوه يبابه
مايد: يلعب

سهيل دخل عليهم وسلم ع الشباب والبنات ويلس حذال حرمته وبعد ما حطوا العشا وتعشوا ....يلسوا في الصاله الا وام سهيل تزقر سهيل وناصر ومنال تباهم في سالفه وسات وياهم الحجره ..مايد كان بيطلع بس ناصر قاله يلس وترياني ...يلس....وفي حجره ام سهيل والكل يالس ومنال مستغربه شو السالفه وامايا شو تبا

وبدت ام سهيل بالرمسه: يا عيالي اليوم يوني عرب يبون منال لولدهم
منال منصدمه وتحس بحروره وناصر يا ع باله مايد....
سهيل: ومن هم هل العرب
ام سهيل: خالد خو سعيد بن حميد
سهيل: بو وليد والنعم فيه
ناصر: زين
سهيل: هاه منال شو رايج
منال مبهته وماتبا تفكر في الموضوع بس ردت تفكر بامها وبحالهم بعد ابوها وقالت: مادري
ام سهيل: يابنتي الريال حشيم وماينعاب
ناصر صاكت ويشوف منال : خلوها تفكر
سهيل: خلاص عيل خذي راحتج بس ردي علينا بسرعه
منال: انزين
ناصر: خلاص بطلع لمايد
منال من طرى مايد حست بخوف بحزن باسى يا ترا شو سر هل الحزين منوه مايد بالنسبه لها بس انا بالنسبه له مثل ما قال ناصر حايته شو اسوي ياربي اوافق ع خالد بس بكون قضيت ع مايد اللي ماله ذنب..ولا اوافق ع مايد واريح قلبه وارفض انسان طيب وهوه نسيبنا بعد...ولا ارفض الاثنين

يلست منال في حجره امها محتار بعد ما طلع سهيل وسار ويا حرمته بيتهم وام سهيل طلعت اتشوف شواخي وتقول لليندا توديها حجرتها طلعت منال وسارت صوب حجرتها ويلست تفكر وبالنسبه لسلامه بعد ما عيزت من اليلسه في الصاله وهيه اتريا منال سارت فوق ولقتها يالسه ونبهته

سلامه ادق الباب مع انه مفتوح: ياهل الدار اقدر ادخل
منال انتبهت لسلامه وردت لروتينها المعتاد مثل ع غيرك الفرح وخل الحزن يحرق قلبك: افا يا بنت محمد البيت بيتج هههه
سلامه يلست: تعالي وين الكتلوج مال مشغل اليزبيث اللي في بوظبي
منال: هيه هذوه (مسكت الكتلوج اللي حاطتنه ع الطاوله اللي حذالها)
سلامه: شو رايك بتصاميمها روعه صح
منال والموضوع شاغل فكرها: هيه حلو
سلامه: خلاص انا بتصل للمشغل باجر وبقولهم يطرشولي حد من عملاأهم اييب كتلوجات ثانيه وموديلات وبفصل عندها
منال: العرس بعد شهر
سلامه: ما بتاخذ وقت وبعدين كل شي احتايله اشتريته وبس والذهب ع هل المعرس
منال: كيفج
سلامه: اوكي باخذ الكتلاوج ويايه وباجر بتصل فيهم
منال صاكته وسرحانه:...................
سلامه: منال شو بلاج وامايا شو تباكم
منال: سلامه (وعيونها ادمع)
سلامه واتشوف عيون منال ادمع: بلاج لا تخوفيني شو مستوي عليكم

 

[ضوى العيون]

منال: مادري شوه اقولج
سلامه تبتسم: قولي وطلعي اللي فقلبج
منال: من يومين ناصر قالي ان مايد يباني له(سلامه منصدمه) واليوم ام سعيد خطبتني لخالد اخو ريلج ماعرف كيف اتصرف
سلامه متفاجأه: والله
منال منزله راسها:.......
سلامه وتحط ايدها ع جتف اختها ومنال ترفع راسها: استخيري وشوفي
منال: ........
سلامه خذت الكاتلوج: يالله قومي صلي الاستخاره وحطي راسج ورقدي
منال تبتسم: انزين

طلعت سلامه ومنال سارت اتصلي واتحس ان الهم كبير ع قلبها وبعد ما صلت يلست تقرا قرآن عن روح ابوها اللي يمكن اذا كان موجود لهل اللحظه تتغير الاحوال ....ورقت ع امل تريح فكرها وبالها .....

وبعد ما نام كل اللي في البيت ما عدا ناصر يلس ع بحر جميرا ويفكر في مايد ...شو اللي بيستوي اذا وافقت منال ع خالد وكيف بيكون حال مايد اللي بيتاثر بهل الموقف ويمكن يدمره ويصير حاله اخس الاخسين من راشد ....خوفي اخسر اعز انسان ع قلبي في لحظه ما اتوقعها ...

وع صوت امواج البحر والشاطئ يسكنه هدووء رومنسي وليتات الشارع تنسطع ع ماي البحر وترسم صوره خياليه يرن تيلفون ناصر اللي كان سرحاااان بعيد عن الواقع..

ناصر ويقول في خاطره شو هل الرقم الغريب: ........
التصله:الوه منال يالدبه ياللي ما تستحين يالصعيديه
ناصر متفاجأ ومستغرب: الو
شما وتحس بويها احترق وبخوف: منوه وياي
ناصر: خير اختي انتي اللي متصله
شما: اسمحلي ظني الا دقيت الرقم غلط
ناصر: مسموحه

ناصر استغرب من هل البنت اللي تهجمت عليه فجاة وضحك ع رمستها ..وركب سيارته

والصبح ع الساعه 10 ونص الضحى بتوقيت دبي ....نشت منال اللي تمت تحوط في البيت ادور سلامه وهيه ببجامتها ومرت ع الصاله وام سهيل كانت هناك
ام سهيل: ويديه يا بنتي شو هل الطبع تحوطين بهل اللبس في الصاله
منال تثاوب: لا بس كنت ادور سلامه ينها
ام سهيل: هناك في الصاله الثانيه وخلي عنج هل الطبع باجر بتعرسين
منال اتشوف امها بطرف عينها واتسير صوب الصاله الثانيه ولقت سلامه ترمس في التيلفون وجدامها الكتلوج

سلامه ترمس في التيلفون ومنال : ايه ترمسين منوه
سلامه تحط ايدها ع ثمها وبصوت خيف: اوص
منال: اها

يلست منال ع الغنفه وهيه تسمع سلامه ترمس صاحب المعمل واتفاهم وياه وبعد ما بندت

سلامه: بلاج حشره من الصبح
منال: حلت حلم غريب
سلامه: اذا شين لا تطرينه
منال: لا مب شين بس لازم اقولج
سلامه: اوكي قولي
منال: حلمت اني رفضت خالد بس خصبوني عليه
سلامه: بسم الله
منال: شو الحل
سلامه: سيري لمايه وخبريها هيه ادرا عني
منال: مممممم اوكي بس تعالي شو قالج راعي المعمل
سلامه: باجر بيطرشولي واحد من موظفينهم وبختار الموديل وبتفاهم وياه ع السعر
منال: زين عيل

قامت منال من محلها وسارت لمها ويوم خبرتها بالحلم اللي حلمته

ام سهيل: يابنتي انا ما بغصبج ع العرس راحتج انتي والشور شورج
منال: مابا اعرس
ام سهيل: خلاص برمس العرب وبنقولهم مالهم نصيب فيج
منال تبتسم وتحب امها: فديتج انا

منال وبعد ما ريحت ظميرها سارت تبا ترقد بس سمعت تيلفونها يرن وحصوه اللي متصله

حصه بدفاشه: الو
منال: وخيبه تخيبج يالدبه اذني
حصه: عمج الدبه كيف الحال
منال: بخير وعمج الدبه اوكي
حصه: لا حول ما بتي هل العمه من كل ما تسبينها
منال بمكر وتنغز بنت عمها بالرمسه: جيه مستعيله ع العرس
حصه: من قال انا اصلا بعنس وبيلس ع جبدج
منال: هي هيه صدق دبه
حصه: المهم شحاله النونو
منال: ويه محمداني فديت روحه بخير في الحظانه بعده
حصه: فديت روحه داني
منال: تعالي شو تبين انا نعسانه وابا ارقد
حصه: هيه امس شما بنت بن حماد اللي في كلاسنا الكورس اللي طاف
منال:هيه هيه شو بلاها
حصه: اسمعي الرمسه قبل ...خذت رقمج مني تقول تولهت عليج
منال: فديتها وانا تولهت عليها ومن غيرت رقمها ماطرشت لي رقمها اليديد
حصه: المهم بتتصل فيج
منال بدفاشه: اوكي يالله سي يو باااااااااااااي (وبندت التيلفون)

منال حطت راسها ع المخده وهيه مرتاحه بعد ما رفضت خالد ..وام سهيل اتصلت في عيالها وقالت لهم ان اختهم ما تباه وبعدين وع العصر اتصلت في ام سعيد وتعذرت لها وان مالهم في البنت نصيب واليازيه قدرت موقفهم ولو انها كانت تبا منال لولدها وخص ان بنات محمد محد اخير عنهن

وع العصر طلعت عنود ويا سهيل صوب اهلها وبعدين بتمر ع المستشفى اتشوف ولدها .... وسلامه في الحوش تتمشى واتشوف الزرع ...وام سهيل وبنتها شواخي سارن صوب العزبه ويا الدريول في هل الوقت اللي كان فيه ناصر طالع من حجرته ومر الصاله يتقهوا وما لقا حد ...رن التيلفون وتردد بس قال محد في البيت ولازم اشله

ناصر: الو
شما: السلام عليكم
ناصر عرف الحس وتفاجأ: وعليكم السلام ورحمه الله وبركاته
شما وبمستحى: اخوي منال موجوده
ناصر: والله مادري بها لحظه بشوفها

ناصر حط السماعه ع الطاوله ويلس يدور اخته بس ما لقاها ورد ع شما

ناصر: والله ياختي مادري بها منوه اقولها
شما مرتبكه: هاه ربيعتها قولها شما
ناصر يبتسم: ان شاء الله

وبندت شما ويلست اتسب عمرها ليش اقوله شما هذا نفس حس الريال اللي سبيته امس ياويلي شوه هل الصدف

ناصر وبعد ما تفاول طلع ولقا سلامه يالسه ع المنامه وقبل لايركب سيارته

ناصر: سلامه قولي لمنال ربيعتها شمه اتصلت بها
سلامه: شما؟
ناصر: دورتها لين ما عيزت ولا لقيتها
سلامه: هيه ثرها في بيت سهيل اتشوف التيلفزيون هناك

ناصر ركب سيارته وطلع من البيت لانه متواعد ويا مايد في السيتي وفي بيت حميد بعد ما وصل خالد ويا ابوه اللي كانوا مسرحين الرجاب صوب الذيد كانت ام سعيد تسولف ع بنتها ومن وصل ولدها يلس حذالها
خالد: هاه الوالده ماشي اخبار عن العرب
ام سعيد وما تعرف شو بتقول: والله يا ولدي ردوا عليه
بو سعيد: وشوه قالوا
ام سعيد: مالنا في البنت نصيب
خالد معصب:هم الخسرانيين والله(وطلع من البيت)
نوره:انزين حصه بنت ثاني
بوسعيد: خلو الولد ع راحته متى بيعرس بيخبرنا

ومنال اللي من شبعت من التيلفزيون طلعت وكان الوقت متاخر ع الساعه 8 فليل ودخلت الصاله ولقت الوالد وشواخي حاطه الاسبيس تون وسلامه اتشوف المجله

منال: مرحبا
ام سهيل: مرحبا الساع بالغزال السروحي وين انخشيتي
سلامه اتشوف اختها وتضحك:.....
منال: الوقت يطير بسرعه

ام سهيل اطالع بنتها باستغراب وسلامه بعد ما اتذكرت ان شما اتصلت لها مثل ما قال ناصر ...

منال: هيه شما حليلها
سلامه: منوه هاي
منال: بنت بن حامد اللي كانت في كلاسي العام وعامت اول ع ايام الثانويه بعد
سلامه: هيه ايوا هاي ام عيون رمادية ماشاء الله عليها فنانه
منال: هيه ماشاء الله عليها خلاص باتصل في الصوص وباخذ رقمها

اتصلت منال في حصه وخذت رقم شما ردت تتصل فيها

منال تبتسم: السلام عليكم
شما: وعليكم السلام يا هلا والله ومرحبا
منال: مرحب باجي كيف الحال الغاليه
شما: بخير ونعمه شو هل القطاعه منال نسيتينا
منال: لا والله ما نسيتج انشغلنا في هل الدنيا
شما: تراهم يقولون القطاعه شينه
منال: بس انتي اللي ماطرشتيلي رقمج
شما: سوري نسيت..تعالي الصوص عاطتني رقمج ويم دقيت طلع لي واحد
منال تضحك: لا والله
شما: صكتي سبيته سب(وتقول في خاطرها الحين بعرف منوه هوه)
منال: ليش شوه الرقم اللي عطج اياه
شما واتقول الرقم لمنال: اف عفدتي ع اخويه ناصر
شما تبتسم: والله
منال: هيه لان ارقامنا متشابه هوه ينتهي بـــ 2 وانا بالثلاثه
شما: اها اسمحيلي والله بس الا ظني شبع من السب
منال متفاجأه: كيف ليش شو سويتي

شما قالت لمنال عن الموقف اللي صار لها امس ويلسن يضحكن ويسولفن وخذاهن الوقت واذن العشا وصلت وبعد ما رد سهيل ويا العنود يلسوا في الصاله ويا ام سهيل وسلامه وحطوا عشاهم... اما ناصر فكان يالس ويا مايد كل العاده وعقب ما عزم عليه مايد ييلسون ويتعشون في مطعم الدار وبعد ما طلبوا العشا

مايد: ناصر مافيه اخبار
ناصر: شو قالوا لك مراسل الجزيره
مايد: عن الطنازه تعرف اقصد منوه
ناصريتلاءم ع ولد عمه: هيه عن البكره السبوق
مايد: بفرك بهل الشوكه
ناصر: مب مشكله بس انصك شل الشوكه وياك دليل الجريمه
مايد: ناصر لا تزيد همي قولي شو سويت
ناصر: خلاص بنرمس بجد والله يا مايد ماعرف شو بقولك
مايد خاف من اسلوب ناصر: خير يالله بالخير
ناصر: اشوف الاكل والله هنه
مايد بدا يتغيض: اذبحك ولا انتحر يا اخي ارمس نشفت لي ريجي
ناصر: رمستها وقلتلها عن كل شي
مايد: وبعدين
ناصر: الشور شورها وهاي حياتها وهيه حره
مايد: يعني
ناصر: تباها سير الدرب جدامك
مايد: واللي اقرب من الدرب ولي امرها جدامي
مايد: هيه الصغير بعد العود سهيل
ناصر: اها سم بالله وكل وخلنا نطلع الربع يتريونا

 

[ضوى العيون]

وبعد ما تعشوا وساروا صوب الربع والكل مجتمه هناك سهيل وناصر ومايد سعيد ويا اخوه خالد ومنصور وهزاع والربع كلهم ويلسوا يسولفون ويلعبون كيرم وورقه ومايد في عالمه مايعرف وين عايش يحاول يقنع نفسه بان يمكن اذا خطب منال توافق عليه ويلس يفكر ويدور اسباب يقتنع بها ......ونرد لمدينه العين لدار الزين واللي فيه احمد وسالم يالسن ويا امهم موزه ونهيان ويا ربعه في الهيلي

موزه: يا عيالي وين نهيان
احمد يشوف المباره: هاه مادري به وين ذلف
سالم يشرب حليب: يحوط ويا ربعه ويرتغد
موزه: حشى ما ينشاف من الكليه لرقاد لحواطه
احمد: قول ياااااسلامي يا حبيبي عيناوي نادينا وفرحه جماهيرنا
سالم: جن سرت الملعب
احمد: اروحي الربع في بوظبي ونهيان ما ينلقا وتيلفون ع المسج الصوتي
سالم: هههههه شكلي بروغه لدبي عنبوه ظني الا اهله ما يتخبر عنهم
موزه: خله ع راحته يا ولدي

دخل عليهم انهيان ..ويتحرطم: السلام
الكل : وعليكم السلام
نهيان يلس حذال عمه احمد يتابع المباره: شو النتيجه
احمد مندمج ويا المباراه: 2 للعين وثلاث للوحداوي
نهيان : اف
احمد: ما عليك شوف اللعب انت بيعدلون النتيجه
نهيان: ظنك بيسون مسره
احمد: هيه شو عيل هذا الزعيم
نهيان يبتسم: يالله بالفوز...اقول حد يصبلي حليب

ام موزه نشت بتصب الحليب بس سالم قالها تيلس لان الدله حذاله وهو بيصب الحليب لولد اخوه

سالم : تعال خذ كوبك
نهيان نش بياخذ الكوب الا العيناوي مسجل التعادل: قوووووووول عاش
واحمد مرتبش من صوب ونهيان متحمس واللعب حامي و..,بعد ما خلص الشوط الثاني بفوز العيناوي 4 ....والوحداوي 3 طلع نهيان ويا احمد بعد ما اتصلوا فيهم الربع وساروا ويا شباب العين يسوون مسيره ما استوت بفخرهم بناديهم ومرتبشين والغنا واليواله وحالتهم حاله

ومضى هل اليوم ويا المصمم اللي اتفقت وياه سلامه ع فستان عرسها وكان اختيارها يجنن ومنال احتشرت ع العنود وسارن رباعه يفصلن فساتين لعرس سلامه وخذن فستان لشواخي .....الريم كان محتشره عليهن لانهن ما خطفن عليها بس هدت بعد ما قالت لها سلامه انها بتسير وياها هيه وحصوه وبيفصلن اللي يبنه .....

وبالاربعا وفي العين وبعد ما رد نهيان من النادي العصر الساعه 5 تقريبا اتصل فيه ناصر وقاله انهم وصوا واحد من الربع ع حصان من بلجيكا وباجر بيوصل ع الشحن ...نهيان استانس ع هل الخير وما واحى له الا لف كمن كندوره والاغراض اللي يباهن ومسك خط العين دبي ووصل ع الساعه 6 ونص تقريبا سار البيت بس مالقا امه لانها كانت في العزبه ويا ام سهيل وشواخي وقالت له الخدامه ان حصوه سارت ويا سلامه السوق...يلس في البيت لين المغرب وبعد المغرب وبعد ما وصلت ام راشد سلمت ع ولدها ولوت عليه وهوه يلس يحب امه ويسولف عليها وبعدين ترخص وسار صوب عيال عمه يسلم عليهم واول ما دخل البيت لقا البنات يالسات في الحوي ويسلوفن

نهيان وبعد ما سلم

منال: اييييييه هيه يا نهيان شو هل القطاعه مرتغد في العين
سلامه: ولا اتخبر عن اهلك
نهيان: اشغال شو نسوي
منال: اجذب علينا
حصه: اوووص لحظه انا ما بفرج عنك انا اختك ليش ما اتخبر عني
نهيان يبا يقهرها: انتي منوه الصقاع والقاع ولا شي في دنياني
منال تضحك: قويه هاي الصراحه
سلامه تبتسم:......
وحصه محتشره وحالتها حاله: والله انك ما تستحي فديت ميود اللي من ساير لياي يتخبر عن الصغير والكبير حتى بنات عمه يتخبر عنهن فديت روحه الغالي
نهيان يغلد اخته: فديت ميود فديت روحه
سلامه تضحك: ما تعرف تقلد
منال:ههههههههه الا ماقلت لنا شو يايبنك دبي
نهيان: الله يسلمكن الخيل اللي موصي عليه بيوصل باجر
منال متحمسه: والله
سلامه: وانت ياي تستقبل الخيل
نهيان: نعم
حصه: انا بركبه انا انا
نيهان: قولي لميود اييبلج خيل من بيبي شود بيفيدج
البنات نقعن من الضحك ع نهيان وحصوه محتشره وحالتها حاله

 

[ضوى العيون]

الجزء السادس والثلاثون

الكل كان مستناس برجعه نهيان وبعد يوم وبالخميس العصر سار نهيان ويا ناصر ومايد الجمارك اييبون الحصان اللي طلبوه واول ما استلموه وخلصوا اوراقه ساروا صوب بيت محمد يراوونه البنات والكل يتريا وشواخي خصوصا لانها تفكر تركبه وبعد ما وصلو الشباب والبنات يالسات ع المنامه

شواخي تربع صوب الباب: حتان حتان
مايد يشوفها تركض ويضحك: نهيان الله يكون بعونك يتك بنت محمد
ناصر معصب: ليش شو قالولك هاي شيخه البنات عشون عيل
نهيان يطالع شواخي بطرف عينه وشواخي عاقده حياتها ...

شواخي: وينه وينه
مايد: خير الغاليه شو ادورين

البنات ين صوب السياره اللي محملين فيها الحصان وشواخي اللي تعلقت بالسياره ومنال وقفت وراها

منال: هاه نهيان ما تبا تراوينا حصانك
نهيان: افا برويكن اياه بس ممكن يعني تخوزين هل السوبر قلو بلييييز
شواخي: توبل قلو في اينك بدلبك بالمكته
منال عصبت: شواخي عيب شو هل الرمسه
مايد سار صوب شواخي وشلها ويشوف منال ويبتسم
سلامه: يالله عاد نزله مات حليله
ناصر: اصبر جدم السياره قبل
حصه: صدق انهم في عثره
منال تبتسم:شواخي تعالي
شواخي: انا ماحبت ليت اتالخين اليه
منال اتشوفها بحنيه ومايد كان شالنها ويراقب حركاتها: حبيبي شواخي بس عيب ترمسين الكباريه جيه
مايد: شواخي سمعي رمست اختج لانها الكبيره وتعرف الصح
منال تمد ايدها: يالله منوه حبيبي
شواخي: تواخي
منال مسكت شواخي ويلست اتفداها ومايد اللي يراقب منال ويحس بقلبه يتقرقع من محله وكان صوره منال بدت تكبر في قلبه اكبر واكبر من قبل .....وبعد ما ركب ناصر الحدايد عند باب السياره اللي محملين بها الحصان ونزلوه شوي شويه بس شوه كان الحصان يخبل لونه رههههههههيب اسود والشعر مدلي ع عيونه....

منال: الله محلاه يجنن
سلامه: ما شاء الله حلو
حصه: فديته والله يجنن

مايد: ليش واتشكن في ذوقي انا مختارنه
ناصر: فنان الصراحه

نهيان يلس يمشي الحصان وشواخي محتشره خلاف ركبها عليه ويلس يحوطها وهيه مستانسه عليه وما طاعت اتفج عنه والكل يالس يراقب بس مايد يا عباله يركبه

مايد: اقول الغالي خلني بركبه يمكن بعد اعزم واشتريه منك
نهيان: ما صدقته ايي عشان تشتريه
ناصر والبنات يضحكن ومايد: خلاص انزين باخذلي واحد بروحي
نهيان: اركب اركب وخل الرمسه عنك

ركب مايد بس حب يسوي حركه وتلثم وركب الحصان والكل يطالعه وهوه مستانس ويقول: تدرون يا ع بالي حمد وهوه يشوف جواهر من ع ظهر الحصان ...
ناصر عرف قصد مايد بس صكت عنه لان دواه بعدين ونهيان يلس يضك ويطنز عليه والبنات يضحكن بس مايد كان يمشي بالحصان وكل ما يلتفت ويرد به يشوف منال اللي كانت تحس بان مايد ينقزها بالرمسه ومر الوقت واذن المغرب ويا سهيل ويا العنود لان كانوا في المستشفى يشوفون داني وعيبهم الحصان ويلسوا ع المنامه والكل يسولف وحطوا الفواله ودلال الحليب والشاهي والقهوه وبعدين يت ام سهيل ويا ام راشد اللي شافت ولدها فرحان بحصاانه

ام سهيل: يا الله ياولدي افرح بك معرس يارب
نهيان: معرس مره وحده
مايد: هيه وامبونج ما حاتيتيني الا نهيان تبين اتشوفينه معرس
ام راشد: الود ودي ايوزكم رباعه
سهيل: ههههه وافتكي من صدعتهم
حصه: هيه وبعدين بيخلوني بروحي
سلامه: لا انتي بنيوزج بابوه
الكل يضحك ع حصوه
حصه: يهبي الا هوه
مايد: مب مشكله انا الاكبر ويوزيني قبلهم
ام سهيل: يالله يا ولدي بلاك ع العرس
ناصر: تراني اقولك لغث لا تيبوله طاري العرس اييب له الصرع
ام راشد: بسم الله ع ولدي
مايد يلوي ع امه: فديتج انا يوزيني
الكل يضحك ع مايد وناصر يشوفه باستغراب: لا يالخاين لا ع شوه متواعدين ما قلت لك انا بنعرس في ليله وحده انا وانت
مايد: هيه جن الا عليك بالتعنس وبتمشي بعصاتك صوب الدكان
سهيل: نهيان طول
مايد: بيموت ع الخيل تقول ولده مب خيل
ناصر: خله يلتهي به

وخذتهم السوالفو ومايد في الحقيقه كان يرمس جد لانه صدق نوى انه يكمل نص دينه...نهيان وقبل لا يأذن العشا رد ويا الحصان لانه كان يتمشى به ع البحر وبعدين ساروا يصلون وردوا ولقوا جدامهم العشا الفنان وتعشوا برع لان الجو رهيييب وخص ان البحر مب بعيد عن بيت محمد الفلاسي

ومر الوقت ورد مايد ويا نهيان واخته وامه للبيت ومايد عزم انه يرمس امه ويرد ع الموضوع اللي كان بيتحقق قبل لا يتوفى عمه وبعد الرمسه اللي سمعها مايد من ناصر في المطعم كان مصر واصراره عجيب وهوه يالس يكلم امه والكل يالس في الصاله ومايد منسدح ع ريل امه

مايد: امايه تحيدين السالفه اللي خبرتج عنها قبل لا يتوفى عمي محمد بليله
ام راشد: هيه يا بوي اذكرها
مايد: انا معزم والباقي عليج
نهيان: شو سالفتكم عندكم اسرار
حصه كانت اتشوف التيلفزيون ومن سمعت طاري الاسرار نطرت من محلها ويلست حذال امها : شو هل السر
مايد يشوف حصه: بل عليج رادار متنقل
نهيان يضحك وام راشد اتسمي ع بنتها وحصه ااتشوف مايد وتضحك: خير اخوي عليك مخالفه
مايد يمسك حصه من يبهتا ويدزها : قومي عنبوه هل الرزه والمذهب الخايس
نهيان: اب حرقوا ويها ياناس اشم ريحه دخان مادري فلبت المهم حريجه
حصه تحس بويها قافط وقامت من محاها ويلست ع الغنفه الثانيه: اووووووه ياربي لازم يعني تقفطني

مايد سوالها طاف ورد يرمس امه: هاه الغاليه شو الراي
ام راشد: انت تباها يا ولدي
مايد: هيه ومابا غيرها ولو اطيح السما ع الارض
نهيان: اخوي السالفه جايده
مايد: قم انت بعد
ام راشد: بس يا بويه تدري بان راشد اكبر عنك وماعرس لين الحين (حصه مبهته: ناوي تعرس...ومايد سوالها طاف)(ام راشد تكمل رمستها)...ش بيقولون العرب يوم بنسير نخطب لخوك بيقولون يبونا نيوز بناتنا شايب
مايد: امايه وشو عليج من رمسه العرب برايهم يولون
ام راشد: اصبر لين ما نيوز العود
مايد نش وهوه زعلانه وحاله يكسر الخاطر: دخيل والديج يامايا انا شو ذنبي اذا راشد ما يبا يعرس يوزيني انا وارافي بحالي
حصه اونها تقلد وترمس بالفصحه: ها هوه رومي يبكي على الاطلال شاكيا حاله من فراق جوليت الاميره الحسناء
مايد قبض المخده وفرها بقو ع ويه حصه ونهيان يطمش عليهم بس مايد عصب وبدا لسانه يقطر سم
مايد: والله ان ما خطبتولي اياها لفارج هل البيت ولا اشوفون رقعه ويهي فيه وبرد لمريكا وبلتعن هناك ...
ام راشد وتشوف عيون ولدها وكانه كان جدي فقررت تستسلم للواقع وتخطب له البنت اللي يباها ولا تخسر ولدها بعد غيبه 5 سنوات في الغربه فما بلاها تخسره العمر كله بعد ما خسرت بو عيالها ويلست اتحسر ع حالها ومفارق راشد لها وهيه اللي حياتها وروحها عيالها اللي ماتبا تقصر من ناحيتهم

ام راشد باضطراب وحزن وبدت تصيح: لا يولدي دخيل الله ارحموني شو انتوا ناويين تجتلوني وانا اللي عايشه ع رحمه الله ثم عليك خسرت ابوكم وراشد اللي ما يندرا بحاله وانت ناوي تهجر اهلك وبلادك

مايد بدا يتاثر برمسه امه وسار يلوي عليها وهيه اتصيح وحصه تراقب امها واخوها ودمعت عينها ونهيان اللي يشوفهم وهوه مستغرب ويفكر بحال الدنيا

مايد: امايه فديت خشمج لا تصيحين والله انج غاليه وما يهون عليه زعلج واشوفج تصيحين
ام راشد : خلاص يا ولدي ما يصير خاطرك الا طيب بخطبها لك ولا اخسر ولدي والعوض ع الله
مايد حس بالفرح وفي نفس الوقت بتانيب ظمير ع حال امه وحبها ع راسها: الله يخليج لنا ياربي

مايد سار صوب حجرته يرتاح ونهيان وحصه سهروا ع مسرحيه العيال كبرت ويلسوا يسولفون عن مايد وموقفه المأسواي وكانه تمثيل في تمثيل وام راشد سارت ترقد وهيه معزمه اتسير بالباجرتخطب منال لودها مايد

وفي بيت محمد الفلاسي والساعه 4 العصر بالجمعه ...شواخي طلعت ويا العنود وسهيل لانهم بيسيرون الستي وهيه بتموت ع الالعاب وسلامه يلست ترتب الصاله وتسنعها وبالنسبه لمنال يا ع بالها كيكه تمر وسارت اتسويها

سلامه وبعد ما خلصت خطفت حذال المطبخ: مممممم شو هل الرحيه الفنانه
منال تبتسم: كيكه تمر بس شوه تعجبج
سلامه : والله شكلها رهيب تعالي علميني بسويها لسعودي
منال: قمنا اندلع الحبيب ياعيني ياعيني
سلامه: ريلي ومن حقي
منال: المقادير في هل الدفتر وباجر عليج اسوينها لي
سلامه باستهزاء: لا والله تعب
منال: ما تبين تاكلين سعودج منها عيل تعلمي عليها
سلامه: وخاطر الغالين بنتعلم هل الوصفه
منال تحط ايدها ع جتف سلامه: هيك بدي اياكي
سلامه: لكان ...اسمع صوت سياره
منال: منوه ياينا هل الوقت
سلامه طلعت من المطبخ: بشوف

طلعت سلامه وفتحت باب الصاله ولقت ام راشد نازله من السياره وياها مايد وحصه ورحبت بهم سلامه وجربت بهم

ام راشد:وين امج
سلامه: امايا في العزبه
ام راشد: يا حيها
حصه تتلفت وبعد ما درت ان مايد يبا يخطب منال: وين العر..منال
مايد كان يشوف حصه وعيونه لهن نظره حاده
سلامه: الاخت في المطبخ
حصه مستغربه: اب في المطبخ شو تسوي
سلامه تصب القهوه ع ام راشد ومايد: تسوي كيك
مايد نزل فنياله: الله كيك
حصه: لا عيل ابصم لك ع العشر الطبخه فنانه(وقامت حصه صوب المطبخ الداخلي ولقت منال تقص الكيكه ووايهتها بالخشم)

 

[ضوى العيون]

السابع والثلاثيين

راشد كان يمشى بسرعه وفي اقرب مستشفى دخلوا العيوز الطوارئ والبنت حالتها حاله شلتها النرس وداوت اجروها بعدين ردت ووقفت حذال باب غرفة العمليات...

وفي هل الوقت الشرطه وصلوا موقع الحادث وحققوا ويا الدريول اللي كان مسرع وفي نفس الوقت انطر عليه التاير وخذوا نمره السياره وطلعوا اسم صاحبها اللي هوه علي المهيري ورقم تيلفونه واتصلوا في ..وهوه كان في المارينا يتريا راشد واستهم عليه لانه ابطى ....اتصلو الشرطه لعلي...

علي وبعد ما رد : الو
الشرطي: السلام عليكم
علي: وعليكم السلام اخوي
الشرطي: انت علي بن قحيد المهيري
علي: هيه نعم امر
الشرطي: وياك الشرطه
علي تفاجأ واستغرب مره وحده: خير اللهم اجعله خير
الشرطي: خير ان شاء الله بس سيارتك رقها**** ستيشن سودا موديل2001
علي: هيه
الشرطي: والله دريولكم مسوي حادث واظني وياه حرمه عيوز وبنت
علي خايف ومتوتر: امايا شو بلاها
الشرطي: هد اعصابك يا اخي ما فيهن الا الخير المهم هن في المستشفى الفلاني واحد من الشباب لحق عليهن ووداهن المستشفى قبل الاسعاف

علي بند التيلفون وطلع من المول وحالته ما تسر خايف ع امه واخته ووصل المستشفى وبعد ما تخبر عنهم شاف راشد وانصدم به اخته مهرة واقفه عند باب العمليات

علي: راشد شو تسوي هنيه
راشد: شفت الحادث ع الشارع العام والحرمات حالتهن حاله فزعت بهم الدختر

مهراي بعد ما شافت اخوها علي ربعت صوبه: علوه امايا تعبانه اتقطر دم
علي: يا وخيتي هدي مافيها الا العافيه ان شاء الله

وسار علي ويلس ع الكراسي ويا اخته وراشد تم واقف ويفكر فحاله ام ربيعه ومر ساعه وبعد ما طلع الدكتور وتخبروا عن ام علي

علي: بشرنا دكتور
الدكتور: والله يا اخي امك كويسه بس كانت ازازه صغيره في رسها وطلعنها
علي: وهيه بخير الحين
الدكتور: هيه بخير دل الوأتي بس لازم ترتاح حبتين
علي: مشكور دكتور

وبعد ما اطمنوا ع ام علي ترخص منهم راشد وسار في دربه وبالنسبه لمهاري واخوها علي يلسوا عند امهم ...

وفي بيت ثاني الفلاسي ام راشد يالسه اتريا ولدها ع احر من الجمر تبا تبشره وتفرحه وتريج قلبه بأن منال وافقت عليه وكانت فرحتها ما تنوصف وحصه اتشوف امها وتضحك

حصه: هههه امايا منوه قدج
ام راشد: يالله لو اشوف ويه اخوج يوم بخبره وايه فديته
حصه تغلى ع امها وتلوي عليها واتسوي عمرها بريئه: هيه حليلي انا بسير ادورلي ام تتبناني
ام راشد: هب وانا ما تبيني افا يا بنت ثاني
حصه: ترانج اتفدين ميود ورشود ونهيانوه وانا بنت البطه السودا
ام راشد تلوي ع بنتها وتحبها: لا فديت خشمج وانتي دومج غاليه وحد ما يحب عياله
حصه تضحك بمكر: فديتني انا

دخل مايد ويسمع حصوه اتفدا

مايد: اوه ظني الاحد اتفداني
حصه: لا اخوي غلطان انا اتفدى عمري
ام راشد تاشر ع ولدها وتزقره: تعال يا مايد يلس حذالي
مايد وحس السالفه تخصه يلس حذال امه وحط تيلفونه ع الطاوله وحب امه ع راسها: امري الغاليه
ام راشد : ما يامر عليك العدو لا خليت منك بخبرك عن عربنا
مايد وبعد ما عق نظارته الشمسيه وبانن عيونه العسليات اللي يغرقن في حيره: يعلها بشارة خير
ام راشد تصكت مده دقيقه:.....وافقوا
مايد يحس بقلبه مثل الكوره اللي اتنطط يمين وشمال وبدهشه وفرح وحصه تراقبه: قووووووولي والله
ام راشد : وانا اجذب عليك يا مسود الويه
مايد يحب امه: محشومه الغاليه افا عليج بس صدق
ام راشد عاقده حياتها وحصه تصارخ بهستيريه: حوه حبيبي اتقولك وافقوا ما تفهم عربي اترجملك اياها بالاوردو ولا الهندي
مايد مستانس مايعرف شو بيسوي بعمره ايقول وايول ولا يحقص ويلات في الشارع ولا يعق عمره في البحر من الفرحه ...مسك امه والوا عليها ويلس يحبها ويتفداها: فديتج الغاليه فديت ام ميودي وروح ميودي ونيسانه الحتر
حصه: ههههه شوه معلقه
مايد باستهبال: اووووص
مايد: هاه الغاليه متى نخطب رسمي ولا ماشي بعد
ام راشد: لا شي بس انت حدد وانا حضاره غناتي مالي غيركم افرحكم وتفرحوني
مايد وحصه : لا خلانا الرب منج يا الغاليه
مايد: خلاص الخميس لا لا ورا باجر
ام راشد اتشوفه باستغراب: بلاك ملغوث بسم الله عليك اصبر ع الاقل بعد يومين ولا ثلاثه
مايد: بالاثنين وما غيره
ام راشد: ان شاء الله
مايد: وباجر بسيرين وياه السوق نشتري الشبكه
حصه بشفقه: وانا اكيد وياكم
مايد: معلوم لانج بدي قار الشيخه فطيم
ام راشد: شو هاي بعد بدعة قراد
مايد يفطس ع امه من الضحك وحصوه عيونها دمعن من كثره الضحك ورمست حصوه: اونه انا مطارزيج امايا
ام راشد: ويه بسم الله عليج شيخة الحرمات انتي يسد انج بنت ثاني الفلاسي
حصه: وايييه فديتني
مايد يشوفها بطرف خشمه: وابويه عليج انا


مايد وفرحة ما تنوصف واخيرا منال وبدون اي تردد وافقت عليه ...انا في حلم ولا علم بعد هل الصبر كله بعد هل العذاب كله افجت وفرجها ربي في ويهي والحمدلله هذي نتيجه صبري

مايد اتصل في ناصر وهوه فرحان ومستانس وعزمه ع العشا بس بعدين غير رايه وحجز احسن قارب في مطعم البوم وعزم الشبيبه كلهم ع حسابه وحاطوا بالقارب في الخور وتنصخوا الهوا البارد الفنان وبعد ما كلمة ام راشد ام سهيل واتفقت ع الخميس يكون يوم الخطوبه واكيد بموافقه سهيل وناصر والمناسبه مابقى عليها غير 3 ايام منال يالله يالله تلحق لها ع فستان محترم ولا من البستان او مركز المرايا وسلامه والبنات فرحانات لفرحتها ...وام سهيل وام راشد اهتمن بالمعازيم والعشا وسهيل وصا ع احسن عشا وبوفيه من احسن المطاعم في دبي ..ومايد ياحليه مايد من فرحته ما يعرف شو يسوي سارو يا امه سوق الذهب وخذ احلا طقم وع ذوقه واختار الدبله بنفسه .....واكيد ما نسى ربعه اتصل فيهم واحد واحد ..وبعد ما نسى اخوه ونسى الواجب واتصل به...وراشد في هل الوقت كان ويا علي في ميلس بيتهم

مايد: سلام عليك بو سنيده
راشد: وعليكم السلام مرحبا الساع
مايد: مرحب باجي الغالي شحالك وشو دنياك
راشد: بخير ربي يحفظك الحمدلله ماشي الحال ...اووه مبروك ع الخطبه تستاهل يا خوي
مايد يبتسم: الله يبارك فيك ياربي..هاه لازم تي الخطوبه ولا بزعل عليك
راشد: لا افا عليك ميود انا اول عربك
علي: مبرووووك ميود
مايد: حس علوه هوه وياك
راشد: هيه ويايه
مايد: عطني اياه مستولي قاطع الهرم
راشد عطا علي التيلفون وبعد ما سلم ع مايد
مايد: اخ يالقاطع عشره 5 سنين ولا اتخبر عني
على: ما عاش اللي يقطع عن خويينه وانا اخوك
مايد: لا مره لا تعذر انا زعلان عليك وايد
علي: افا عليك والسموحه منك
مايد يضحك : بالحل ع قولتك
علي: ههه حفظتها
مايد: هيه شو اتحسب قناص واصيدها
علي: هههههه
مايد: علاوي تراك معزوم ع الخطوبه وماباك اتعذر
علي: والله شو بقولك بس الوالده ماصار لها مده طالعه من الدختر
مايد: هيه ما تشوف شر ام علاوي سلم عليها
علي: يبلغ الغالي
مايد: بس بعد اباك تي الخطوبه وخلاف الملجه وبعدين العرس
علي: يا الطماع
مايد: هيه ادري وعرب تراهم معزومين مب اتي من دونهم
علي: ان شاء الله بشاورهم ع خير
مايد: هيك بدي اياك اقول شي في الخاطر من صوبنا
علي: لا فديتج تسلم هالله هالله بعمرك معرس منوه قدك
مايد: الله يسلم غاليك وفالك طيب بس الا خوفي اغرز عند الباب ولا يبنجر عليه التاير
علي: افا وانت قدها وقدود
مايد: تسلم ...فمان الله
علي: في حفظه

وبعد ما بند مايد عن علي اتصل في مايد وقاله انه في البيت وسار له

وبعد ما وصل والكل كا ن في الصاله يالسين يسولفون....

ناصر يتخبر اخوه سهيل: شخباره ولدك
سهيل: يسرك حاله تونا يايين من صوبه
ناصر: الله يخليه لكم
عنود وسهيل: ان شاء الله يارب
سلامه: فديته ما بيوحيلي العب وياه الا اذا فسلفوني اياه شهرين
عنود: لا ارتاحي هوه ما بيستانس الا ويا امه وابوه ويدته
ام سهيل: فديت خشمه يشبه شويخ
منال: عيل ابشر يا خوي بشطانه ولدك من الحين ادبه
سلامه: فديت لو يكسر البيت كله
سهيل : لا بنخليه عند منال يخبل بها
منال وكانها اتبرى : مشكور خذوه هديه ما وراه جزيه

الكل يضحك عليها وصل مايد وسمع الضحك وهوه واصل عند الباب وبعد ما سلم ع الكل ويلس حذال ناصر بس منال من سلم سارت صوب حجرتها لان حست بالاحراج وخجل فضيع وسلامه والعنود سارن وياها لحجرتها وخلو الشباب وام سهيل في الصاله ويانا

مايد: هاه عمتي ما تامرون ع شي للخطوبه
ام سهيل: مشكور يا ولدي ما تقصر كل شي زاهب ويكفي ويوفي بعد
ناصر: والله واحس انك اكبر عني بتعرس وبتخليني
ام سهيل: انت اشر يا ولدي وفالك طيب
ناصر: يوم الله بيكتبلنا يا بنت بطي
ام سهيل: ان شاء الله
مايد: عيل ابشر بالعنوسه
سهيل: يوزه عيل
مايد: ما طلبت الساع الا اقول تراني رمست راشد وعلي المهيري وعزمته وعزمت عربه
ام سهيل: هذا الواجب وانا امك
سهيل: هيه علي حليله خوينا معلوم تعزمه
ناصر يبتسم : يالله ما بقى الا يومين ع الخطوبه
مايد ويقول في خاطره ليتها اليوم ولا بعد يومين وايد وسرح وناصر نبهه: حووه الغالي وين طرت
مايد مدوده: هاه موجود..اقول قم سرنا صوب البحر
ناصر: احين بعد العشا
مايد: ع راحتك
سهيل: تعال وينه اخوك نهيان ماله شوف
مايد: هذا مسنتر عن باب النادي الا فروسيه ومره قنص ومرات تلقاه ويا منصور وهزاع في نادي الرمايه
ناصر: اللي في ندالشبا
مايد: ايوه
ناصر: زين والله شو رايك انخاويهم نتسلا
سهيل : وانا بعد معزوم وياكم
مايد: ان شاء الله كل ويك اند بنسير له وبعد بنسير اصيد حبارا
ناصر: ابويه نبا ظبان
ام سهيل: وييه من وين بتيبونهن ما يرامن
سهيل: ما عليج الغاليه بنسير وصوب حدود السعوديه وصوب السلع مكودات
ناصر: خخخخخخخ وبنخلي بابوه يسويلنا هذيج الكبسه الفنانه
ام سهيل : انت هاته وانا بجبسلك هذاك المجبوس اللي ما ذقته في حياتك
مايد: الله عاد طبيخج يام سهيل جنان انا شلي والله اعلم اطيح عنكم
ناصر: ههههه ماله داعي اوريدي

وخذتهم السوالف لين اذن العشا وصلوا وردوا البيت يتعشون وبعد العشا طلعوا الشباب رباعه والبنات يلسن في الصاله

منال: الا غريبه شواخي وينها
ام سهيل: ركبنالها الدست في حجرتها انخشت هناك
سلامه والبنات يضحكن ومنال تضحك: وليش عاد
ام سهيل: اذتنا لا نشوف الاخبار ولا اليزيره
عنود: الله يعينج يا ميه
ام سهيل: الا غربلتنا هل الاخبار اتصوخ ولا ادريبهم مناك
سلامه: فديتج يرفعون الضغط وانتي الزم ماعليج صحج
منال تبتسم وصاكته وعنود: منال حجرتي عن راعيه الصالون
منال: لا مابا
سلامه وعنود: ليش
ام سهيل: شو تبا بهل السقم لو تلبس هذاك الثوب الفنان وتحط الاثمد...وتلبس الطاسه والكواشي والمريه بتغدي فنانه
منال مبوزه: وليش انا مب فنانه
ام سهيل: فديتج انتوا غاويه وشيوخيه
سلامه: ترانا نغار
عنود تضحك: الله يهديكن

 

[ضوى العيون]

شواخي يالسه في الحجره واطالع السبيس تون وماتهيه في عالم الغرايب الوعجايب لين مارقدت والبنات سارن لحجرهن وعنود سارت صوب بيتها

والصبح والضحى في بوظبي نش علي وشاف امه يالسه اتقهوا واخته مهاري يالسه حذالها
علي يحب راس امه: صبحج الله بالخير الغاليه
ام علي: صبحك الله بالنور والسرور يا ولد الغالي
علي يترحم ع ابوه ومهاري بالمثل: وشوه هبتج اليوم
ام علي: هبة ريح وانا امك
مهاري:لا اليوم الوالده ما شاء الله عليها صحتها زينه
علي يصب له حليب: دوم ان شاء الله
مهاري اشوف امها وتحبها : دوم ان شاء الله
علي: امايا ترا مايد بن ثاني اخو راشد ربيعي حازمنا ع خطوبته
ام علي: بالمبارك عليهم
مهاري: والله
علي : هاه تروم تفزعن لين دبي
مهاري: والله مادري
ام علي: يابوك هذا الوايب لازم انسير عليهم
علي : صدقتي,,,,خلاص عيل باجر العصر اتزهبن ولا مره من تصلن بنطلع
مهاري: زين بس انا اللي يهمني عندهم بنيات
علي: هيه وظني الا من سنج
مهاري: حلو شكلهم حبوبين
علي: الا سنافيين ومحد شراتهم

الكل ارتبش بالخطوبه وسهيل وصا ع حلويات من مستر بيكر غير السندويجات اللي وصت عليهن العنود ..ومايد تقول عرس مب ملجه ما خلا شي ما يابه وام سهيل وخواتها التهن بالترتيبات وام راشد ماقصرت وام سعيد عانتهن ع الخير ...والشباب مستانسين لفرحه خويهم وهذا اليوم الموعود خطوبه مايد(روميو زمانه) ع جولييت(منال بنت عمه) منال يالسه ويا البنات ويسولفن وحصوه محتشره عليهن كالعاده والكل يضحك ويحرق لها اعصابها ونوره كانت وياهم من الصبح لان ام سعيد اصرت انها تي من وقت وبو سعيد بيلحقهم المسا .....والحرمات يعابلن الفوايل

حصه: ويه غربالله بليسكن شمامي حد عزمها
منال مبهته: لا
حصه: عطيني تيلفونج
منال تمد ايها وتعطي حصه التيلفون والبنات صكتن

حصه سلمت ع شما وقالت لها ان اليوم خطوبه منال

شماني مصنفره عليهن: احم اصلا ادري لولا خالوه ما عزمت امج جن ما دريت
حصه: والله سوري توج يتي ع بالي واني نسيت اعزمج
شماني: الشره مب عليج ع العروس المفروض تعزمتي
حصه اتشوف منال واتضحك والبنات يبتسمن: عندج اياه بس بعد الخطوبه ضربيها فريها من فوق ابراج الامارات واذا تبين التريله ادوسها اسدحيها ع شارع الامارات اوكي الغاليه
شماني تضحك: كل هذا لا لا ما تستاهل ولو غاليه على قلبي
حصه: احم احم منوه قدها عروسنا هاي
شماني : اوكيك الغاليه بخليج وان شاء الله بيي ويا امايا واختي روضه
حصه: حياكن وفمان الله
شماني: الله يحفظج

اذن العصر وامه محمد صلت وسلمت عليه وطلعوا هل بوظبي من بيتهم يايين صوب دار الحي ومهاري تحس بفرح لانها ما جد طاحت دبي ومن رمسه العرب عنها حست انه عالم ولا في الخيال ...وعلي او علي يسولفون ومهاري تقطع سوالفهم وهذا بعد وصلوا جبل علي....

مهاري: الله ما اصدق دبي
علي: لا صدقي
مهاري: ودي لا ايي كل ويك اند هنيه شو رايك ناخذ لنا بيت
ام علي: لا ياميه تدريبي ما يوز عن دار بو خليفه
مهاري: وانا بعد بس من مده لمجه نغير جو


غربت الشمس ع البحر وتغير لونه بعد ما كان سماوي لبرتقالي لاحمر واسودت الدنيا وحل الليل والمغرب وصلت شما ويا امها والمصيبه ما يدلون بيت منال بنت محمد ويلسوا يتخبرون لين ما وصلوا باب بيتهم وقبل لا يدخلون كانوا الشباب في الحوي ويجربون بالرياييل صوب الميلس ودريول قوم شما يديد وما يدل الا بالاشارات ...وتم واقف عن الباب ناصر سار صوب الباب بعد ما شاف مرسيدس ذهبي استغرب منه ....ووقف وهوه يرمس الدريول بس الدريول يهز راسه ولا يفتهم

ام شما: ابويه هذا بيت محمد الفلاسي
ناصر: هيه نعم قربوا
ام شما : قريب ما شاء الله عليك انت ولده
ناصر: هيه ولده
ام شما : والله وكبرتوا ما شاء الله ياذي كرالله وانت منوه من عياله سهيل ولا ناصر
ناصر يبتسم: ناصر
شما رفعت راسها من سمعت اسمه وتقول في خاطرها هذا ناصر اللي سبيته وكانت منبهره بجماله
ام شما: ماشاء الله
ناصر: قربوا
يلس ناصر ياشر للدريول صوب الباب الرئيسي ولن علي يضرب هرن ودخل سيارته وودا العيوز واخته صوب البيت ووقف سيارته وسار للرياييل يسلم عليهم ويبارك لهم ...

والبنات كانن في الحجره يتعدلن ومنال يالسه اتعدل بروحها في حجره ولفت شعرها بطريقه حلوه

ويوم دخلت ام علي كانت ام راشد تقرب بالحرمات وقربت بها وببنتها

ام راشد: مرحبا مرحبا قربي الغاليه
ام علي: قريب يا وخيتي

ويلسن الحرمات ومهاري اللي يالسه وتحس بضيج لانها يالسه بين حرمات ومستغربه وين البنات اللي قلت بخاويهن وبتعرف عليهن لقت شما يالسه حذالها وبعد ما سلمت عليها

ام سهيل : بنتي شما جن تبين البنات سيري لهن فوق
شما: ان شاء الله خالوه

شما يلست محتاره كيف بسير وبخلي هل البنت بروحها شكلها مب من دبي شو اسوي ...التفتت صوب البنت وابتسمة: تعالي انسير عند البنات ..

مهاري استانست بنات ابتسمت برقه: يالله

سارت مهاري ويا شما وهن يمشن شما بدت ترمس...

شما : انا اسمي شما وانتي
مهاري: مهره
شما: والنعم والله
مهاري: والنعم بحالج الغاليه
شما: شكلج مب من دبي
مهاري: هيه نحن من بوظبي
شما: حياكم والله
مهاري ساكته وماتعرف شو تقول وتمت ساكته لين ما وصلن الحجره وهن يسمعن الحشره والضحك دقن الباب ويوم حدرن سلمن ع البنات بس الكل استغرب من هل البنت اكيد مب اخت شما لان روضه في سن شواخي وفي نفس الصف منوه هاي ....حست مهاري بالاحباط وما تعرف شو تقول واتشوف الكل يناظرها بنظره غريبه

مهاري: انا مهره اخت علي المهيري
حصه: ايوه علي ربيع اخويه مايد هلا فيج
مهاري تبتسم: بالمهلي
ويلست ويا البنات وشوي شوي بدت تتاقلم عليهن

الريم: انا بسير للعروس بشوفها شو سوت
شماني: صبري بيي وياج (ترمس مهره)...تعالي ويانا

مهره ابتسمت: اوكي

عنود: وانا بنزل اشوف الحرمات
سلامه: سيري سيري شكلج عيوز مخضرمه
عنود اطالها بنظره وتبتسم وطلعت ونوره يالسه تضحك عليهن وتسولف ويا حصوه ورفوع بعدها اتعدل متغربله ويا عيونها

رفيعه محتشره: ياناس حد ايي يجحلني طالعوا عين كبيره والثانيه صغيره

سلامه: هاتي حد ما يعرف يجحل
رفيعه مبوزه : انا

حطوا العشا وتعشا الكل من حرمات ورياييل والبنات طرشولهن العشا فوق وكانن يالسات في حجره سلامه ويا منال

حصه: هالله هالله شو هل الزين منالوه
سلامه: لا الصراحه ما خربتي
منال: شفتن ماله داعي الصالون
مهاري: لا ماشاء الله عدولج فنان وفنتكه
رفيعه: مالت عليه اللي ماعرف حتا اتجحل
الكل يضحك
الريم: ماعليه خليني ايي بيتكم بعلمج كيف اتجحلين
رفيعه: انطر يا حمار لين ما اييك الربيعي

سلامه: اقول يالله يابنات قومن العشا في الصاله قبل لا يبرد

قامن البنات ويلسن في الصاله وتعشن وهن يسولفو لين ما وصلت الساعه للساعه 10 ونزلن البنات يسلمن ع اللي بيسلمن عليه ...ومنال بعد نزلت وياهن وكانت ماشاء الله عليه حلوه وبسيطه والكل يلس يمدح فيها من مزيونه وبطرانه وعريشيبه وفنوديه وهيه تستحي من رمستهم ..وام راشد ولانها مستعيله وتبا تلبسها الدبله والطقم بس حصوه وقفت فحلجها وهيه تصاصرها

حصه: امايه خلي ميود يلبسا
ام راشد: جادنه مايبا يلبسا
حصه: عنبوه خطيبته
ام راشد: اندوج التيلفون ورمسيه

حصه اتصلت بمايد بسرعه

حصه وبدفاشه: ميود ماتبا تلبس عروسك الشبكه
مايد: هيه
في هل الوقت ناصر مط التيلفون من ايد مايد: هاه الصوص بلاج
حصه: اقول جن مايد يبا يلبس منال الدبله
ناصر اونه معصب: لا منقود
مايد يشوفه وشكله مبهت وحزين: لا ورفجه نويصر والله انك قاسي
سهيل اونه عاد: اقول ماشي لا خطوبه بعدك ما ملجت عليها
مايد بيتخبل: اقول نص ساعه والمليج عند الباب
ناصر: بل يالمستعيل
حصه: حرام عليكم روميو بيموت
ناصر بيموت من الضحك: قالت روميو اونه عاد الحبيب
مايد: انت بتخبل بي وناوي تفضحنا
علي يشوفهم محتشرين ويا صوبهم وسعيد وياه: بلاكم ع ميود خلوه يدخل
ناصر: كم بتعطيني
مايد: اللي تباه بس فكنا يااخي
سعيد: حليلك يا مايد حرام
سهيل : تعال يا اخي بنراف بحالك ارحموا من في الارض يرحمكم من في السماء
مايد: فديت خشمك

مايد سار ويا سهيل والربع يضحكون عليه من اسلوبه ولغاثته وناصر مصنفر بس استسلم للوضع سعيد اللي تذكر يوم ملجته ع سلامه يا ع باله يتصل بها وفي هل الوقت سلامه شاله تيلفونها في ايدها

ورن تيلفونها

سعيد: مسا الخير
سلامه تبتسم: مسا النور
سعيد: كيف الحال حبي
سلامه: الحمدلله تمام وانتي شحالج
سعيد يضحك: هههه شكلهم العرب حذالج
سلامه: ايوه عليج نور حبيبتي
سعيد: اوكي بتصل فيج بعدين مب تغلغينه
سلامه بتودد: ان شااااء الله تامرين ع شي
سعيد: لا سلامتج حبي
سلامه: الله يحفظك


دخل مايد وسهيل الصاله وسلم ع اللي يعرفهن من حرمات ولمح عنود يايه صوبه ويلس يصاصرها

سهيل يبستسم: شو هل الحلاه يام محمد
عنود: عيونك الحلوه الغالي
سهيل: انتي دومج حلوه مايبالهن عون يحلنج
عنود تبتسم واتشوف الحرمات: بسك عاد يالله كش خوفي بعد اطيح عينك منيه ولا مناك
سهيل: ماشوف غير العياييز جن الا ناويه تيوزيني
عنود بدلع وبصوت منخفض: لا اطلع عند الرياييل فديت خشمك
مايد يمسك سهيل: ايه انت بو كشه شو تسوي انا في حاله وانت اتغزل
سهيل: شوه مسود ويه صدق ماعليه جن ما سحبتك مثل التيس المزقود
مايد: شوف الحرمات يشوفنا
سهيل: تراك مستر يونايتد ارب ايمرتس 2004
مايد: فايج

سهيل طلع بعد ما وصلته عنود عند الباب وبعد دخلت منال ويا سلامه وحصه والريم وياهم

مايد متخبل ...وحالته حاله ومنال مستحيه وفعلاجن لعدولها صح انها مب متمكيجه وايد بس هيه امبونها حلوه في ناظره ...ام راشد ناولت ولدها الدبله ويلس يلبس منال بس الاخ من الارتباك حط الدبله في الصبع بالغلط وسلامه تضحك وتقوله هنيه في هل الصبع ..منال مرتبه وفي نفس الوقت تبتسم وتبا تضحك بس ما تقدر ولبسها طقم الالماس ويلس شويه وياها بعد ما طلعن البنات من الصاله والحرمات بعد طلعن وترخصن لان الوقت تاخر للساعه 11...

 

[ضوى العيون]

الجزء الثامن والثلاثون

مايد مالحق ييلس الا ناصر متصل له وهوه محتشر ومنال تسمع رمستهم

ناصر: اللزقه بسك اطلع
مايد بصوت واطي: فديت خشمك حبيبي انته صبر شوي
ناصر معصب: ان ماطلعت يا ميود لاتلوم الا نفسك ولا ..(بخقه)بعدك ما تعرف ناصر بن محمد الفلاسي
مايد بغيض ويحاول انه يكون هادي: اعرفه هه
ناصر: يالله اترياك عند باب الميلس وبزوالك ميود ان شوه
مايد: ان تاخرت
ناصر: عفيه ع الشاطر
مايد:برااااايك

بند مايد والتفت لمنال وهوه يقولها : سمحيلي تدريبه اخوج لزقه عنزروت عوذ بالله
منال تبا تضحك وتكتفي بالابتسامه:.......
مايد وقبل لا يطلع: منال قبل لااطلع
منال تشوفه:.....
مايد: انا (ويقول في خاطره اثقل يا ولد)...مممم
منال تبتسم: نسيت
مايد: لا ما نسيت بس بقولج ان من اليوم ببدا حياه ثانيه واحلا حياه ويا الانسانه اللي اختارها قلبي ....(يبتسم ويطلع بسرعه)

ومنال احمرن خدودها من رمسه مايد لهل درجه يحبني ايييييييه ليت قلبي حس بك قبل لا ينكسر بيدين ظاعن ....يالله هذي الدنيا وهذا القدر..

طلعت مايد وشافت البنات وهيه مستحيه منهن بس عدى الموقفع خير ومايد بعد ما طلع شاف ناصر يتمشى جدام الباب

ناصر: هاه الغالي ارتحت لبست عروسك الخاتم
مايد يبتسم ويضحك بفرح: وااااااايد ارتحت اقول شو رايك نملج اليوم واشل عروسي ونفتك من المخاسير
ناصر: لا بويه هذي بنت محمد ويبالها عرس ما استوى في دبي كلها
مايد: خلاص فكنا خلنا انسير صوب الشباب

وبعد ما ردوا للشباب وكملوا سهرتهم ...علي ترخص من الربع وطلع ويا هله صوب بوظبي..راشد عزم عليه يباتون عندهم الليله بس علي رفض وقال بروح وورايه شغل في الوزاره
وراشد...بعد ما ادى الواجب ترخص من الربع وطلع لبحر جميرا المكان اللي ما يسير له الا مره في كل ويك اند رد وقلبه يغلي من النار اللي تحرق يوفه..وهوه يذكر سلامه وذكريات السنين اللي فاتت يمرن جدام عيونه مثل البرق

راشد: اييييه ياراشد لين متى بتم ع هل الحال يوم مالنا في الغالي نصيب وابتعت عن هلي وهم محتايين لي بس عشان انسى بس وين النسيان عني لازم اشوف حياتي ومستغبلي باجر وبوصل الثلاثيين واللي اصغر عني عرسوا وعاشوا حياتهم ....وانا اللي ماشي ع درب القدر ....

راشد بعد هل التفكير كله وصل لقرار تمشي عليه حياته وقرر وبالباجر والصبح بعد ما نش الضحى سار لمه ولقاها ترمس ام سهيل وبعد ما بندت

ام راشد: هاه بويه تباني اصبلك حليب
راشد: لااا مشكوره لا خليت منج بصبلي بروحي
ام راشد تبا تخلي ولدها يرد لدبي بدال السيره والييه: ابويه فديتك شله ماتحول لدبي وتشتغل ويا ولد عمك اخير من السرحه صوب بوظبي
راشد ييلس حذال امه ويحبها ع راسها : فديتج انا مرتاح ع حالي
ام راشد صكتت:.........
راشد: امايا طالبنج طلبه
ام راشد: امر لا خليت منك
راشد: امايا مبقالي شي عن الثلاثين وسهيل ماشاء الله عليه فسني وعرس وعنده وليد وانا ابااكمل نص ديني
ام راشد ما صدقت اللي تسمعه من ولدها وكان الخبر يا عليها مثل الصاعقه: فالك طيب يا ولدي وانا كم راشد عندي الا واحد لا خليت منك
راشد وحس انه غلط في قراره بس قرر انه يخاطر ويتحدى قلبه: امايا تراني مستعيل وتنقيلي البنت اللي تبينها ع كيفج
ام راشد: ان شاء الله

راشد قام من محله..بس ام راشد: وين تبى يلس سولف ويايه وانقصر الدوب وياك
راشد: اسمحيلي فديتج بسير اسبح وخلاف بسير ع الحلاق
ام راشد: الله يحفظك عيل انا بسرح صوب العزبه ويا ام سهيل
راشد يبتسم ويسير صوب حجرته بعد ما تسبح وبدل طلع من البيت وسار صوب الحلاق وحاط في السيتي وخذله عطور من باريس غاليري....ودهن عود من الرصاصي..

مايد وناصر في الدوام ونهيان توكل صوب العين لانه بيودي الحصان النادي وبالمره يلوف الشباب ....

سلامه حست بالراحه بعد ما خلصت كل تجهيزاتها وكل شي جاهز واتريا الفستان يوصل من بوظبي والريم كل العاده محبوسه والعنود تسير صوب اهلها تقريبا كل يومين بعد ما تخطف المستشفى اشوف داني ومر هل الشهر بسرعه وموعد العرس قرب وماعليه غير 3 ايام والكل مرتبش سعيد انشغل ويا سهيل بالترتيبات وحجزوا للرياييل في فندق البوم قاعة راشد وللحرمات في قاعه الياسي ...فندق الحياة..وام سهيل وام راشد انشغلن بتوزيع البطايق وهن في هل الوقت يالسات في الصاله

ام راشد: يا وخيتي طرشتوا لهل العين وسويحان
ام سهيل: هيه مره كلهم وطرشنا لهل الهير واللسيلي
ام راشد: متكده مانسينا حد
ام سهيل: هل البطايق بنخليهن لهل العوير والخوانيج وبلوف ع رفاجتنا في الهباب
ام راشد: اسير عنج ولا
ام سهيل: مره انتي ارتاحي وانا بسيرلهم الحينه ويا كمال
ام راشد: هيل يا وخيلتي انا بزهب الزهاب للمكسار يالله يواحيلنا الوقت تدريبه العصير مره ما يواحيلج
ام سهيل : هيه يا وخيتي صدقتي فذمتي عيل اترخص عنج بقوم ازقر الدريول يطلع السياره
ام راشد: الله يحفظج


طلعت ام سهيل نوزع الكروت لانهم هم اللي طلبوا من هل المعرس يتكفلون بهل العباله وام راشد يلست اتريا الحرمات لان المغرب هل المعرس بييبون الزهاب للمكسار ...


والبنات ومشغولات بالعدول وحالتهن حاله رفوع اصرت ع امها تبات هل الثلاث ايام في بيت خالتها وهيه مامانعت بعد ما وصلها ظاعن صوب هل دبي والريم طلبت من اخوها حمد يوصلها صوب البنات في الصالون وعنود كانت وياهن
سلامه حذال عنود

سلامه: شو رايكن اصبخ شعري
عنود: لا تخبلين انتي جيه فنانه
سلامه: بس ابا اغير شكلي
عنود: ممم نصيحه لا تصبغينه

والريم وحصه ورفوع ومنال يالسات ع الكراسي ..

حصه : اقول تراني بقص شعري مدرج
رفيعه: الغاليه خبله ولا شوه
حصه: لا بيطلع حلو
الريم : حصووووه ماعليج منها سوي اللي تبينه
حصه: فديت اللي يعيبهم رايي
الريم تضحك
منال قامت من محلها لانها بتسوي حمام زيت لشعرها وتدليك للبشره: اقول انقفظن تدرن ان ماشي وقت قبل المغرب لازم انكون في البيت
حصه: انزين روح ميود تامرين امر
المل يضحك ع حصوه ومنال اطالها وهيه عاقده حياتها: نعم اختي شو قلتي
حصه: روح ميود فيها شي
منال: الحمدلله والشكر ع نعمة العقل
حصه وانها معصبه: اييييه تراني بخلي ميود يطلقج قبل لا تملجين عليه
رفيعه اتشوف حصه بطرف عينها : وانتي ترومين
الريم: سويها خليها تعنس مثل راشد...
انصدم الكل من قول الريم وهيه ماكانت تقصده بس غصبن عنها سمعتهم سلامه وتمت مبهته والعنود متغيضه ع اختها واتشوفها بطرف عينها..رفوع كانت ملتهيه بشعرها وحصه حست بصعقه وتبريدت محلها واصفر ويها ويلست ع الكنبه وعيونها بدت تدمع منال اللي واقفه واتشوف بنت عمها يلست حذالها تهديها والريم ماتعرف كيف بطلع نفسها من هل الموقف البايخ اللي طيحت عمرها فيها

منال : حصه فديتج ...(سكتت لانها ماتعرف كيف بتهديها )
ريم يلست حذال حصه وحطت ايدها ع جتف حصه وبالم وعتاب: حصوه صدقيني انا ماقصد لساني زل بهل الرمسه فديتج لا تزعلين حصوه
حصه وصوتها مبحوح: ادري انها زله بس غصبن عني ماعرف احس بخوف فضيع ع راشد...وهوه بعيد عنا وحاله مايسرني ابد..
منال: لا تستهمين راشد ريال وما ينخاف عليه
حصه: مسحت دموعها بعد ما تذكرت الموقف اللي صار لها يوم ردت من امريكا...اتذكرت نصيحه سلامه اللي تقول...خلينا انكون اقوا من الموقف.....تغيرت ملامح حصه وابتسمت وهيه تقول: يالله عاد نبا نخلص
سلامه تبتسم : ان شاء الله الصوص

 

[ضوى العيون]

خلصن البنات من شغلهن وبسرعه ردن البيت وقبل المغرب ولقن ناصر واقف في الحوش ويرتب طريقه ليتات العرس ويقول لللعمال كيف يحطونهن ويوم شافهن

ناصر: تو الناس ابطيتن
منال: لازم تعرف الصالونات والزحمه
ناصر: هيه ادخل داخل جدامي يالله
حصه: ويه شقا يطرد
ناصر: هيه بروخكن يالله المهند تارسن الحوي
حصه: سبحان الله نسخه من ميود
منال اتشوف حصه بطرف عينها وتسحبها من شنطتها :يالله يالله جدامي

ناصر يطالع منال ويضحك ...وسلامه تبتسم ودخل البنات وعنود سارت بيتها تجرب فستانها اللي وصت الدريول اييبلها اياه من عند المصمم وفساتين البنات بعد

وبعد ما دخل البيت وشافن خالتهن سلمن عليهن وترخصن منهن لان الحرمات بيين بعد شوي ومافيهن للرمسه وحلوج الحرمات وسارن يجربن فساتينهن ورفوع متغيضه

رفيعه: انتن اللي ما تستحن ع ويوهكن
منال: ايه اختي شو بلاهن ويوهنا احلا من الغزلان
رفيعه: هه سيري اميه جربي فستانج لينطر من حوبتي عليكن
منال تمسك الفستان وتحظنه: بسم الله بسم الله فديت فستاني رهيب وبقطعكن في هل العرس(وسارت تبدل)
رفوع: والله مافيكن خير تفصلن ولا تخبرني بنت البطه السودا
حصه: رحم الله امرئن عرف قدر نفسه

طلعت منال وهيه لابسه فستانها البييج اللي عليه حايش بلون دم الغزال ومطرز بذهبي وكان يجنن

حصه: الله الله شو هل الزين بنت العم اتعقين الطير من السما
منال: توج تدرين انا اصلا من بوني ذويقه

سلامه التهت بترتيب اغراضها ويا الريم
سلامه: حوه حشرتنا ممكن هدوء

منال اتسير صوب سلامه: هاه العروس شو رايج بفستاني
سلامه: رهيب ذويقه ماشاء الله عليج
منال: هذا فستاني انتن لو تشوفن فسان شواخي شو بيستوي بكن
حصه: راوينا اياه عيل
منال: لحظه بزقر شواخي اجربه

طلعت منال بسرعه ادور شواخي ولقتها داخله البيت من الباب الخلفي لانها كانت يايه من الدكان

منال: شواخي حبيبي تعالي براويج شي
شواخي: توه عتفول لا انب ابيد
منال عاقده حياتها: وانتي كل اللي همج طيور وقطاوه وبوش الله يعينه اللي بياخذج بنشرط عليه حديقة حيوانات لج
شواخي اتسويلها طاف وتمشي لان منال ماسكتنها من ايدها وهيه ملتهيه بالاكل اللي اشترته...منال لاحظتها ومسكت الكيس..

منال : شو شاريه من الدكان
شواخي: كيك وتبت وحلاوه
منال: ويه مكثر الحلاوه
شواخي : تبين (مسكت الكيس من اختها وطلعت لها كيس بونتي بالحجم الصغير)فور يو
منال تضحك : مشكوووره والله واطورت راعية العزب

وصلت للحجره وهيه تضحك وفرة كيسه الحلاوه ع البنات اذا يبن ياخذن منها ولبست شواخي فستانها ورتبته وطلعت لهم والكل اندهش من فستان شواخي شو كان يخبل ولو انه بسيط بمضمونه كان لونه بييج وعليه ورود ورديه وصغار وعليه تطريز رهيب واكيد اللي يحليه صوره شواخي وهيه صغيره مطبوعه ع الفستان بس كان رهيب بذاته ودخلت عليهم العنود وتسمع البنات يتمدحن

العنود: الله منوه قدج شواخ شو هل الحلاه ماشاء الله
منال: شو رايج بالفستان
العنود: يجنن يالبي محلا الصوره فنانه ...آه لو يبت لي توم داني وبنت اسميني اموت ع لبس البنات
الريم: انتي دانتي يالله يالله بعد توم
منال: ليش شو فيها ان شاء الله بتيبين توم وسمي البنت منال والولد مايد
حصه: هي هيه يا حبيبي ظهر الغلا ع اصوله يا حلو
رفيعه: برايها الله يهنيها خطيبها وباجر بيملج عليها
الريم : هيه ع كيفها عيل انا ماارمس بهل الرمسه
الكل ضحت ع الريم وخذتهن السوالفو سلامه ما لحقت ع ترتيب اغراضها وهيه لازم اتعدل الحين لانها بتطلع للحرمات في المسار وكانت ام سعيد مطرشله لها مغربي وثوبيين عشان تختار اللي تبا تلبسه منهن ...لأبست الثوب وتعدلت لفت شعرها وحطت بيون كرستال وعقد الماس ..وطلعت ويا العنود بعد ما اذن العشا والبنات يلسن يسولفن بس حصه اتصلت في شما واصرت عليها انها تي العرس وبعد ما بندت عنها رمست منال

حصه: والله ان هل البنت فنانه وحبوبه
منال : هيه ماشاء الله عليها ما تنعاب بنت بن حماد
حصه ويت ع بالها فكره: منال عندي فكره شو رايج
الريم ارتزت: هيه قولي شوه الفكره
منال: رزه ما يحتاي كملي حصوه شو الفكره
حصه: شو رايكم نخطبها لاخويه راشد
ريم: فكره حلوه بس بيوافق
حصه: وهذي المصيبه مادريبه اذا بيوافق ولا لا
بس في هل الوقت رن تيلفون حصه وشما المتصله وقالت لها ان يوم العرس بتعدل وياهن وامها وابوها ما عندهم مانع ...بندت عنها

حصه: انا اليوم برمس امايا وبقولها
منال: جربي وان شاء الله بيوافق
حصه : ياااارب يارب

سلامه سلمت ع الحرمات وع عمتها ام سعيد وبعد ماشافن الزهاب وتفاولن من الفواله ردت سلامه عند البنات ويلست وياهن وبعد ما فظى البيت ومابقا فيه غير هله وعفرا ويا بنتها رفيعه يلسوا في الصاله يسولفون رباعه لين ما تعبن وسارن يرقدن والصبح وقبل العرب كلهم رفيعه شبعت من الرقاد وسوت محنتها وتمت توعي البنات وتحشرهن لين مانشن ...تريقن واجهزن لانهن بيمرن ع الريم وحصوه وشما بتسير وياهن صوب الصالون يتحنن ويجهزن للعرس