(ع البال والله ما نسيناك يا عمري وحبي الجنوني)

[ضوى العيون]

الجزء الخامس عشر


راشد بدا يلوم نفسه لانه بسببه تغيرة حياة سلامه كليا تحولت من البنت الفرفوشيه المرحه اللي تحب اتضحك الناس بسوالفها لانسانه بدت تنعزل شوي شوي عن العرب سلامه وهذا نحن مرت الاجازه ومحد حس بها بدا دوام الكليات والنشه من الفير والتعب وعثره البروجكتات وحشرة الاساتذه.....سلامه في هل السنه اللي هيه اخر سنه تحاول تدرس وتادي واجبتها اول باول وحصه بعد اللي كانت اتحاول كل جهدها واتخطى الصعوبات اللي تواجهها في اللغه منال وريم ماخذات حياتهن لعب في لعب بس بعد وقت الدرس درس .....سلامه وبعد سنتين من سالفه الخطوبه والظروف اللي مرت بها في حياتها بدت تنعزل عن ربعا كانت طول الوقت تدرس او تدخل احد هل المنتديات وتقرا المواضيع اللي فيهن حتى ربعها استغربوا من حالتها وحاولوا وياها وبدت تطلع وياهم في البريكات او وقت الغدى وباقي الوقت ع المنتدى ...كانت اشتوف مواضيع حلو فيها نوع من الاعتماد ع الذات وقررت اتشجل فيه وبالفعل ..كانت بدايه حلو لها بدت تبرز ذاتها بذاتها .....طلعت كل اللي عندها .....ونهيان بعد رد لكليته وما يرد دبي الا اخر الاسبوع وييلس في بيت عمه ..... ناصر ومايد ....واللي كملو ثلاث سنين في امريكا وهاي اخر سنه اللي هيه الرابعه ....

ناصر: شفت يا مايد كيف الوقت يطير
مايد: هيه والله احيد الا امس انا وانت نظارب ويا شامس وسعود في الصف ولا الاستاذ الدب هذا شوه اسمه نسيت
ناصر يضحك: هههههههههه بو شنب اسمه حسني
مايد: هيه هذا هوه الله يغربه صدق ابتلينا به بس الحمدلله يوم طفرنابه
ناصر: حليله يعله يسقى علينا
مايد: هيه والله وهاه ما بقالنا غير 6 شهور وبصير الفرحه 3 فرحات
ناصر: كيف بعد ثلاث فرحات
مايد: شوف احم احم ..الامارات بتتشرف برجوع مهندسيها المهندس مايد ولد ثاني الفلاسي وخويه نصور بن محمد الفلاسي....
ناصر: انزين ميود وهذا واحد
مايد: والثاني يا حبيبي ..شفا راشد من مرضه وهذا اكبر من فرحه التخرج والشهاده
ناصر: والثالث يا حبيب العين
مايد: الثلاث عاد تخرج حصووووووووه الدبه
ناصر: حرام عليك ولا تنسى سلامه
مايد : هيه شو شكلها السنه العرب كلها بتخرج
ناصر: بس تدري ابا ارد البلاد
مايد: وانا والله ودي اليوم قبل باجر تولهت ع جو العزب والبداير والدراجات
ناصر: وجو العين يا مايد ..وعمومتنا احمد وسالم تولهت عليهم وعلى الربع ع سلطان وحمد ولد خالتيه وظاعن
مايد: اقول قم قم سرينا صوب دار زايد
ناصر..وبدا يغني بوله وشوق..: الله يا دار زايد كيف محالها يا ناس حلوه وقلبي مغرم فيها كن القمر يوم يظهر من محياها في غايه الحسن يسلم كف بانيها
مايد: سلامي عليك كفك شوهل الصوت وشو هل الشوق يا ويلي فديت اللي اشتقدت لهم فديتهم وفديت ترابهم يااااويلي ويلاه
ناصر بستغراب: اول مره اشوفك جيه شو سالفتك انته هوه لايكون حاط عينك ع وحده من هنيه ولا من هناك
مايد منحرج: لا شوه هل الرمسه نصور
ناصر: اتحسب بعد اتفكر اتسويها واتعرس وتخليني بروحي
مايد: ومن قال انا وانت بنعرس في يوم واحد وهذا نذر علي
ناصر: شوه عرس مخبل بس تدري فكرك فنانه ......(وكانت ناصر قابض مخده صغيره ويفرها ع مايد )..قم بس قم تبانا ننهزب خلنا نرقد ورانا دوام من فير الله

مايد مع انه ويا ناصر روح بالروح خاف يقوله عن احساسه وهوه في نفس الوقت ماكان متأكد من مشاعره معقوله احب بنت عمي بس لاني شفتها صدفه تحوط بلا شيله مع اني شفتها اكثر من مره ... مشاعري عاديه من صوبها....شو هل القلب اللي تفسيراته عشوائيه وقال في خاطره متى بس ياربي افتك من هل الحاله علي ونتخرج انا وناصر بقت لنا هل السنه ...ان شاء الله يفوت الوقت بسرعه وارد لبلادي وابني مستقبلي .....ارد واعيش بين احبابي ويا امي اللي من بعد موت ابويه مالها حد غير عيالها وراشد اللي باع شبابه بين الدراسه والشغل ...وهذا هوه في المستشفى بين رحمة الله ...الله يشفيك ياخوي ويخليك لنا ياللي ربيتنا بعد ابونا الله يرحمه ولزمت عليه الدراسه في امريكا ودخلت نهيان كلية الشرطه ....آه يا راشد كيف الزمن غيرك ...احيدك يوم كنت في الكليه العسكريه واو ل سنه لك كنت انسان فوضوي ....وشيطان وعديم المسؤوليه وموت المرحوم غيرك يا خوي عسى الله يشفيك ويعطيك الصحه وترد لبلادك سالم ونفرح فيك ...وبدا طيف راشد يحوم جدامه و منال في نفس الوقت ومن كثره التفكير رقد ولا حس بعمره ....

في دبي ...واليوم الخميس بعد مافات شهر من بدايه الدوام وفي الويك اند رن مبايل سلامه وكان حذالها ع الطواله والبنت راقده ماصدقت الاجازه تي وترتاح من نشه الفير ...سمعت صوت الرنه وسحبت التيلفون ...

سلامه وبكسل والنعاس بياكل عيونها: الو
رفيعه : السلام عليكم ..
سلامه: وعليكم السلام والرحمه
رفيعه : كيف الحال
سلامه: والله بخير
رفيعه: شوه بعدج راقده
سلامه: لازم اجازه وابا ارتاح
رفيعه معصبه: لاااااااامره ما تلامين انتي لاحقتلي الريم تسهرن لين الفير وتصبحن في الكليه وايام الاجازات ترقدن لين اذان العصر وفليل تسهرن ع النت انتي وياها شو هل الروتين الماصخ
سلامه: اصدقين ان الحياه جيه اريح
رفيعه: اي راحه ارحمي عمرج
سلامه: ردينا المهم شو تبين متصله من الفير
رفيعه: لا سلامج بس بقولج نحن احين بنطلع من العين ويايين صوبكم بنقيل عندكم وبنقصر الدوب وياكم
سلامه: هلا فيكم لين ما توصولن خير بس تعالي حجرتي ووعيني (تثاوب)انا برقد الحين اوكي حبي
رفيعه: قووومي يالله وسويلنا فواله بعد بسج بتخيسين
سلامه: انزين حشره انتي بقوم يالله برايج

وبعد ما سكرت رفيعه عن سلامه ...نشت وسارت اتجهز وقالت لمها ان حالتها بتيهم بس طلعت اخر من يعلم لان ام سهيل تدري من امس ....

سلامه: شله شو مستوي عندكم يمعه
ام سهيل: حشا ما تبين العرب اتوالف
سلامه: لا ما قلنا شي فديتج بس غريبه شو عندكم .....
منال: تو الناس صح صح يا حلو اليوم ملجة اخوج
سلامه تحط ايدها ع راسها ...: اللله انسيت اتصدقين ياسلام .....
منال: يامدام قومي...ع المطبخ
سلامه: ليش ....؟
منال: ظني الا رفوع رمسج سيري سويلها سبرنج رول
سلامه: قولي لـــ ليندا..اتسويه
منال: لا والله مستوتلي هيزه مول ما تنشين الا مجابله هل الكمبيوتر والانترنيت
ام سهيل: يا بنيتي مب حاله هذي لا نشوفج ولا نقعد وياج
سلامه: يا امايا تراني وياكم الا في البيت
منال: انتي ما تستحين شوفي حال ابويه اللي ما تسر مستهم منج يالدبه لا نشوفج وين السلامه اللي كانت تضحك الكل بكلمه وحد بس ....اخ يا سلامه غيرج الزمن غيرج
سلامه وبدت تحس بالضيج وبتعب: بسير حجرتي

وبعد ما سارت سلامه صوب حجرتها منال واللي كانت اتحس بالذنب من زلة السانها ......وراحت صوبها ودخلت الحجره وشافتها يالسه ع سريرها ودمعه تنزل من عينها ع خدها .....منال حست بالذب اكثر واكثر ....ليش سوت في اختها جيه هيه تدري انها تعبانه ونفسيتها يوم عن يوم تدهور...

منال: سلامه...انا انا آسفه
سلامه تمسح دمعتها وتبتسم ابتسامه حزن: ليش منال ع شوه تتاسفين
منال وبعد ما شافت اختها تضحك بالغصب انهارت كليا وبدت اتصيح ولوت ع ختها : سلامه والله انا خايفه عليج...انا احبج انتي ختي اللي مالي غيرها شويخ صغيره ماقدر اتفاهم وياها
سلامه: منال بس لا تصيحين.....
منال: سلامه حرام لا تعذبينا بيدج عذبتي الكل امايا ما تشوفج وابويه اللي كل ما تخبر عنج انقول له راقد حتى سهيل استغرب من حالج
سلامه: منال ادري اني مقصره وايد بس شو اسوي هذا حالي
منال تمسح دموعها: اوكي خلاص ....ماشي صياح اليوم ملجه سهيلوه
سلامه بفرح: صح ولازم انكون حلوين ولا شو يا منال
منال: لا لا تبين الخلق اتشوفنا وعيونا منتفخات يالله قومي رفوع وخالتي وظاعن بيونا...(كانت اتقول ظاعن بكل خجل)
سلامه: احم احم ظاعن هيه زين يوم بيي وياهم من 3 اشهور ما شتهم
منال بدت تنحرج وتبا اتغير السالفه: المهم شو بتلبسين ......
سلامه: بلبس الفستان اللي فصلته
منال: انتي تدرين انج دبه فستاني مو حلو شو اسوي
سلامه: محد قالج ما تسمعين الرمسه
منال: هذي المشكله بس الذهبي الصراحه يناسبج وايد
سلامه: وفستانج فنان شوفيه السماوي حلو وخفيف...
منال: اوكي ...بنشوف الريم وورفوع شو مفصلات
سلامه: بنشوف

في حدود هل الوقت والساعه عشر ونص وصلت عفرا بنت بطي وعيالها ابو ظاعن تعذر لانه تعبان وعنده شغل في المزرعه.....وشواخي يوم درت ان خالتها يت ربعت صوب خواتها .....

شيخه تفتح الباب بقو: كالتي يت
منال: شووووووووه
شيخه تبا تغايض ختها: منااااااااالوه داعن يا داعن يا
منال نتغيضه وفخاطرها تضحك : شوووه يا مسودة الويه اصبري اصبري بظربج.....
سلامه تضحك ع خواتها ومنال تربع ورا شواخي واللي الله يهديها ما خلت مكان ما ركضت فيه ونزلت من الدري وتمت تربع ومنال وراها واتحلف لها وترمس بصوت عالي ما عليه يالسباله ...بس الحبيبه انصدمت بالخاله ورفوع وظاعن قاعدين في الصاله وانحرجت وكانت حاطه شيلتها ع جتفها وردت تعدلها .....لانها ما تبى تحسسهم انها انحرجت ....

منال: السلام عليكم

الكل وقف ورد السلام ...: وعليكم السلام والرحمه ...

منال توايه خالتها : شحالج خالتي
ام ظاعن: يسرج الحال يا بنتي وشحالج انتي
منال: بخير الله يسلمج ...قربوا
وردت اتوايه رفوع ...وبعد ما وايهتهم......سارت صوب المطبخ ولقت امها هناك ...

منال: ام المعرس ...يا حلاة هل الكلمه ..شو تسوين؟
ام سهيل: هههههههه اشوف الطباخ شو طابخ من الغديات ....
منال: الله يهديج بس سيري يطبخ اللي بيطبخه ...خالتي عفرا وعيالها في الصاله
ام سهيل: ما عليه يا بنيتي
منال: زين وانا بسوي العصير وبييبه
ام سهيل زين ما تسوين

منال شافت ليندا في المطبخ .: ليندا شوفي سلامه قوليلها خالوه يت
ليندا: اوكي مدام .....

سارت ليندا صوب سلامه وشافت قاعده اتجحل عيونها وحصه يالسه تقرا مجله.....

ليندا: مدام ماما عفرا ايجي
سلامه : اوكي بيي الحين..بس منال وين
ليندا: مدام منال داخل مطبخ سوي عصير
حصه مستغربه ومبهته: شوووه
سلامه مستغربه: الله الله شو اتسوي عصير لا ههههههه وطيحتها يا ظاعن
حصه: منوه ظاعن وشو يخصه بالسالفه
سلامه: كل شي في وقته حلو يالصوص
حصه بتكدر وملل: انزين بس تعالي ولد خالتج تحت وانا ابا اسلم ع الحرمات
سلامه: ما فيها شي تعالي هوه مب من النوع اللي يطالع
واجحلت سلامه واتعطرت بعطرها المفضل..اسكادا...طلعت وخطفت ع المطبخ التحضيري ووياها حصه وشافن العجب منال يالسه اتسوي عصير كوكتيل ...
سلامه مستغربه : شو كوكتيل
منال: هيه احين بخلصه ...
سلامه : انزين بس لمنوه
منال: بعد لمنوه لضيوفنا ...
سلامه وتخز منال بعين: هيه سويه عدل لان ناس بيشربونه
حصه: انتن شو سالفتكن
منال: اقول جلبن بويهوكن انتي وياهيا
سلامه: فاضيه بسير اسلم ع العرب احسن لي ...

 

[ضوى العيون]

وسارن سلامه وحصه وسلمن ع العرب ويلست حذال امهن وبعد شوي شافت منال يايبه العصير ....ومتفندقه فيه وشكله لذيذ

رفيعه: شو هل الزين .....كوكتيل ومن ايد منال
منال وتجدم بالعصير ع خالتها
ام ظاعن: نفعتي يا بنت محمد ننفعج في عرسج ان شا ءالله
ام سهيل : ان شاء الله
منال: وجدمت العصير ع ظاعن وبصوت خفيف: تفضل
ظاعن: دام فضلج بنت الخاله
منال : تسلم
وقربت ع امها وختها وبعدين ع رفوع
رفيعه: مم مابا
منال: شو بعد ما تبين ...
رفيعه : شكله مب حلو

ظاعن كان يشرب العصير: لا تخافين فنان دامنه من ايد سلامه ....(زل السانه برمسه طلعت من قلبه مثل الرشاش ولا قدر يتحكم بها ..
رفيعه: ما عليه بجرب
منال وبصوت منخفض: دواج عندي دبوه ما عليه
حصه: مشكله المجرمين
رفيعه وسلامه ..يبتسم ...وبعد ما نقضى الوقت وظاعن بارك لخالته ع ملجة ولدها ورفيعه وامها بالمثل وسهيل في هل الوقت يا من الحلاق ويلس وياهم وشويخ شافت ابوها يايي بالكلوزر ...لانه كان فالعزبه وخبرته ان خالتها عندهم ودخل وسلم عليهم ويلسوا يسولفون لين ما اذن الظهر الرياييل توضوا وساروا صوب المسيد ..والحرمات سارن صوب حجرهن وصلن وبعد الصلاه غرفوا الغدا....وتغدن الحرمات في الصاله و الرياييل في المليس طبعا اليوم ملجه سهيل ...والربشه ما تبدا الا ع حدود المسا .....وبعد ما تغدوا ويلسوا يتفاولون بو سهيل سار ورقد وام سهيل وختها يلسن في الصاله يسولفن ..ظاعن وسهيل ...طلعوا يتحوطون ...اما البنات .....واذا السالفه عرس ولا ملجه لازم ييلسن يتناقشن شو بيلبسن وين بيتعدلن

رفيعه : راوني فساتينكن
منال: لا ماشي بعدين
سلامه: خليها مفاجأه...
رفيعه : يا ام المفاجأت ...والصوص ما بتراوينا فستانها
حصه: يختي متردده اراويج ولا لا خوفي بس يطلع مالج احلا منه
رفيعه: مب مشكله
حصه: خليها مفاجأة


سلامه وكانت يالسه ع الطاوله وجدامها لبتوبها وكانت تفتح الاسكرين
رفيعه: شو بتسوين
سلامه: بجيك ع المنتدى
رفيعه : نعم نعم ماشي نحن يايين عندكم وانتي بتفيزرين ع المنتديات سكريه يالله سكريه
سلامه اذكرت رمسه منال: خلاص وهذا وسكرناه وبحطه في شنطته عشان ترتاحين
رفيعه: هيه جيه احسن وهذا الصواب بعينه ....

وفي هل الوقت رن مبايل سلامه والمتصله الريم وبعد ما سلمت عليها واتخبرت منوه عندها قالت لها انها بسير اتعدل عند مشكبار هيه والعنود (العروس)...واذا بيين وياهن يتعدلن

سلامه: اوكي ريماني ..بشوف سهيل اذا بيوصلنا تعالي بشاور ابويه
منال: ابويه ما بيقول شي انا ترخصت منه مساعه
سلامه: اوكي عيل الريم ان شاء الله بني بعد شوي وبشوف المعرس اذا بيودينا

اتصلت سلامه في سهيل وقالت انها بتسير الصالون هيه والبنات ماقالهن شي بس تعذن لان مشغول بيسيراييب كناديره من الخياط ويبا يلف ع باريس غالري عشان ياخذ له عطور بس ظاعن كان وياه وسمع سهيل يقولها

سهيل: اسمحيلي سلامي مشغول
سلامه: حبيبي والله حرام الدريوليه محد .....
سهيل: ليش وين ساروا
سلامه: كمال في عزبه البوش وبخش سار يودي الذبايح للمطعم
سهيل: ...............
ظاعن: سهيل اذا ما عندك مانع انا بوديهن ..
سهيل: مانبا اتعبك ويانا يا ولد الخاله
ظاعن: لا افا عليك وانا اخوك هذيلا خواتي وبحطهن في عيوني
سهيل: خلاص اللي اتشوفه ...(ورد ع سلامه)..اتزهبن ظاعن بيي وبيوديكن
سلامه: اوكي

وبعد ما بندت قالت للبنات يتزهبن لان ظاعن بيي الحين وبيوديهن الصالون ...منال فرحت لهل الخبر وبالنسبه لحصه استحت انا تركب ويا ولد خالتهن بس بعد هيه تبا اتكون حلوه في ملجة ولد عمها ...يا ظاعن وركبن السياره استيشن عنابي رهييييب...

ظاعن : تراني مادل في دبي وايد ...وينه صالونكن ..
سلامه: انا بدليك هنيه جريب هب من بعده ....

ودلته سلامه ع الصالون وبعد ما وصلن قالهن انه بيمر ياخذهن ع حدود الساعه 8 وفعلا تلاقن ويا الريم والعنود وكانن يستشورن شعورهن ....

 

[ضوى العيون]

الجزء السادس عشر

وبعد ما دخلن ...
منال: مرحبا
ريم: مرحبتين الساع ...هلا بالبنات
عنود: هلا فيكن
سلامه: عنود ع شوه مستعيله المفروض اتعدلين آخر وحده
عنود: ومنوه قالج يالسه اتعدل بسشور شعري وخلاف بتعدل قبل المغرب بشوي
حصه: احسن عن ليخترب مكياجج..
ريم : زين عيل وينها هاي خليها تسشور شعري بعد تراني اغار
الكل يضحك :هههههههه
رفيعه : لا انا اول
منال: يالرزه الشيوخ قبل
رفيعه: خل عاد شخيه بس مب علي
سلامه: حوه لا تحتشرن ناويات تفضحنا في الصالون .....هذن عندكن ثنتين يسشورن الشعور بس تخلص منال ادور محلها وحده منكن وخلاف انا والصوص اوكي
ريم : خلاص انا باقيلي قصتي وبخلص

وبعد ما سشورن شعورهن تمكيجت الريم ورفوع ومنال وعنود بس سلامه فضلت اتكون آخر وحده لانها ما تبا اتمكيج وايد ....كل البنات اعتمدن ع ذوق مشكبار بس سلامه ادخلت في مكياجها وكانت اتقولها هذا يناسب وهذا لا وبالفعل طلع مكياجها هادي وحلو وجذاب وكل البنات استغربن منه

عنود: ايه انتي شو خليتيلي من الجمال
منال: هب هباج الله بتاكلين اختي امبونها حلوه
عنود انحرجت: ما اقصد ما شاء الله حلوه امبونج بس بعد قدريني انا العروس ريم: اول مره اشوف عروس وترمس هل الكثر احيدها تستحي
رفيعه وحصه: هههههههههه
سلامه: خلصتن رمستكن يالله اذا خلصتن
رفيعه: لحظه بنشوف ظاعن هوه اللي بيوصلنا وانتن منوه بيوديكن ..(تقصد ريم وعنود)

عنود : حمد بيينا ....تعالن ويانا
رفيعه : لا مب مشكله بنتريا ظاعن هوه اللي بيوصلنا بيتكم
سلامه: ظني الا اميه فبيتكم ووياها شواخي
ريم: اكيد وخالتي عفرا بعد وحريم جميرا كلهن شوه ملجه العنود..
حصه: الله يستر والخوف كله من الحريم
منال: ههههههههه صدق يخوفن
عنود: لا يخوفن ولاشي وانا شو اقول بموت محلي
سلامه: ههههههههه ما احسدج حبيبتي هالله هالله ببرودة الاعصاب
عنود برتباك : يا ويلي ويلاه
الكل يضحك: ههههههه

وفي هل الوقت رن تيلفون الريم واخوها حمد كان المتصل وقالهن انه يترياهن برع وان ولد خالته ظاعن بعد واقف وياه يتريا بنات خالته واخته ..طلعن البنات من الصالون وكل حد ركب بسيارته وساروا صوب بيت العروس ...ودخلن من الباب الخلفي عن الحرمات اللي كانن هناك وفي نفس الوقت سالم الفلاسي واخوه احمد كانوا موجودين وبعد حرمة يدهن موزه.....وعمتهن بختيه الكل كان موجود سهيل وبو سهيل وظاعن بو حمد وحمد وربعهم وهل دارهم .....الحرمات في الفله والرياييل في الميلس...وكلن لاهي في شغله حرماتنا يرحبن بالحريم والرياييل بالمثل والكل يبارك بهل الملجه ...سهيل وهوه معرسنا كان يحس بنقص كبير صح ان هذا يوم حلو من ايام حياته بس في نفس الوقت وين ناصر اخوه اللي كان يتمنى وجود مايد ونهيان اللي محجوز في الكليه ويتحسر ع الملجه ام راشد واللي كان يهمه اكثر راشد اللي بحسبة اخوه وولد عمه بس تحمد ربه ع كل شي وقال في خاطره وهذي الا ملجه وا ن شاء الله ان ما بيعرس الا في الصيف يوم بيردون كل احبابه من امريكا وبتكون الفرحه فرحتين هل الموقف خلاه يحس بالتفاؤل والبسه بدت ترسم ع ويه .......وعند الرحمات وهل الوقت بعد ما آذن اذان العشا وصلن الحرمات وردوا الرياييل من المسيد ....عشوا المعازيم وعنود في هل اللحظه وكانه يوم عرسها مب ملجه وبس...

عنود بخوف: سلامه انا انا خايفه بموت من الزيغه
منال بستهزان: وابويه عليج انا ما بيستويبج شي لا تخافين خليج كول
عنود: انتي عديمه الاحساس كومي عني لفرج بهل المخده ..
رفيعه : اقول خلونا ننزل نسلم ع حرماتنا عيب انتم يلوس فوق
منال : اوكي
ريم : عيل قومن
حصه: وانا شو اسوي
رفيعه: تعالي ويانا شو بتسوين بعد
حصه: امري لله اصبري بقرى ع عمري
منال: ههههههه ماكة جمال دبي
حصه: واحلا عنج يا الدبه

سلامه : بسكن عاد جلبن بويوهكن هناك يالله
منال: راغونا قومن لا تسويلنا حرب البسوس
عنود: ههههههههه
حصه : لو درينا انج بتضحكين كنت يلست وقلت لج نكت عن الصعايده
عنود: لا والله بعدين مب وكته ربع ساعه وبطلع للحرمات
رفيعه متغيضه: بتقووومن ولا شو
البنات(منال ..حصه...وريم): خلاص قمنا

وبعد ما طلعن تمت سلامه ويا العنود تسولف وياها شوي .....والبنات نزلن وشافن الحرمات سلمن عليهن ..والكل يمدحن ...وبعد ما شافت الريم امها

ام حمد: امي الريم سيري زقري اختج ....
ريم : بتصلها وبتي ...
ام حمد: كيفج بس بسرعه ..

اتصلت الريم لعنود اللي كانت اعصابها تحترق وسلامه تهدي فيها نزلن وسارن صوب الصاله وكل الحرمات كانن هناك لانها وسيعه ......عنود وسلامه واقفات عند الباب ام حمد كانت اترياهن ....هناك والبنات يلسن ويا ام سهيل ...وامهن موزه وعمتهن ....

عنود: سلامه دخيل الله ادخلي قبلي
سلامه: ما يصير يالله انتي قبلي جدامي بسرعه
عنود اتيرها من ايدها ...: لالا دخيلج اخاف من عيونهن
سلامه: لا اله الا الله اصبري بدخل وبزقر خالتي وهيه بتصرف وياج ..
عنود: اوكي

سلامه قررت تدخل فتحت الباب الزجاجي وانبهرت بالحريم ريحه الصاله اللي تفوح من الدخنات والعطور وتفاجأت بعيون الناس عليها ....كانت مثل العروس الخياليه ....جمال طبيعي وشعرها الاسود وعيونها السود ..وفستانها البيج المطرز بالذهبي انبهر منه الكل خافت وقررت تمشي شوي شوي ....صوب خالتها اللي كانت واقفه بعيد عن الباب شوي اترمس حرمه ..

سلامه بخجل: خالتي العنود عند الباب
ام حمد: ما عليه بسير لها ...
سلامه: اوكي

وفي نفس الوقت استحت لانها ما سلمت ع اي وحده وقررت اتسلم وفعلا دارت ع كل الحرمات وسلمت عليهن .......ام سالم (موزه )ويالسه حذالها وحده من الحرمات اتسولف وياها

خزينه: ما شاء الله هل البنت عروس ولدكم رحيمه يا ذي كرالله
موزه: لا يا وخيتي هذي خت المعرس ...
خزينه متلومه: هيه ما شا ءالله عليها والنعم والله ببنت محمد .....

عنود وبعد ما دخلت وسلمت ع الحرمات كلهن ...قعدت ع الغنفه ووياها سلامه...ع اليسار ....وبعد نص ساعه بدن الحرمات يترخصن منال قالت في خاطرها ليش ما يدخل سهيل ويشوف عروسه دامنه عمي بو حمد ما عنده مانع وحمد بالمثل اتصلت فيه

منال: الو المعرس
سهيل: هلا ام كشه ...
منال: حرمتك
سهيل يصاصرها : جب وبعد تسبين
منال: اقول لا ترمس وايد تعال لبس عروسك الدبله والطقم وفكنا
سهيل: والحرمات
منال: مب وايدات نصهن ترخصن يالله تعال الساعه 10
سهيل : ما عليه بيي

سهيل خبر ابوه انه الحرمات محتشرات عليه ويبنه يلبس العروس ...بو حمد وبدون تردد مسك ايد نسيه ومشا وياه اما حمد فسار ويا ابوه يسلم ع اخته وبو سهيل بعد وظاعن يلس في الميلس ويا الربع يسولف وياهم ....

سار معرسنا وحب راس امهاته وبعد ما سلموا الرياييل طلعوا .. وخلوا سهيل اروحه سلم ع العروس و...ام سهيل جربت له الدبله ويا طقم الماس .....ولبسها والبنات فرحانات .....

منال: اقول سلامه
سلامه: هاه
منال وذايبه محلها: شوفي هل اللقطه محلاها تجنن
حصه:هههه يا ويهج اص
منال: متى ياربي متى بكون مكانج عنوده
رفيعه: افا عليج بس احين اذا تبين
منال بحماس: والله والله شو بسويين
رفيعه: شو بسوي بيوزج راعي الدكان صدقيني بيستانس يوم بيلفى له سيلانيه حلوه مثلج
منال: عمج ام ريلج
رفيعه: سبي خالج يالبقره
ريم: بس انتي وياها ..شوفن امهاتنا شقا صاكات ع المعاريس
سلامه: هيه والله
منال: اقول انا بسحب امايه وبطلعها من الصاله
ريم: اوكي وانا بحد بقول لمايه ان ابويه يباها
رفيعه : وامكن موزه
سلامه: خليها علي شكلهم عمومتي مستعيلين ويبون يسرون العين
ريم : اوكي يالله ابتدينا

وكل وحده بدت في شغلها وطلعن الحرمات ...حصه طلعت قبلهن ويالسه في الصاله الثانيه اتريا خوياتها ....سهيل وعنود بروحهم

سهيل: مبروك
عنود بخجل وبتموت محلها: .....الله يبارك في حياتك ...ومبروك عليك
سهيل: الله يبارك فيج ...

وبعد فتره صمت مدتها 3 دقايق.....

سهيل: عنود
عنود وتقولفي خاطرها( فديت اللي يزقرني ويقولي عنود): لبيه
سهيل: اذا تحتاجين لاي شي ..هذا رقمي وتعرفينه انا ريلج وان شاء الله العرس بيكون بعد ردة الاهل من امريكا
عنود : ان شاء الله
سهيل: انا بتصلج بين فتره وفتره اذا هل الشي ما يحرجج واظني الا عمي ما عنده مانع
عنود: اللي اتشوفه الغالي
سهيل استانس ..مسرع وما صرت غالي يا سهيل فديتني والله ...:ع فكره..(صكت)
عنود مستغربه وبخجل: شوه..؟!!
سهيل: انتي احلا مما اتصورت والله يوفقنا ويرزقنا الذريه الصالحه
عنود وبدت تستحي اكثر واكثر: عيونك الحلوه..
سهيل اتخبل بس في هل الوقت تفاجأو بحد يفج الباب بقو : بووووووووووووو

سهيل وعنود :بسم الله الرحمن الرحيم
منال: حبايبي يالله بسكم
سهيل: شو تبين انتي
منال: بسك ولا ما تدري انكم كملتوا ساعه يلوس يالله يالله
سهيل يشوف الساعه: والله ...عيل اترخص منكم
عنود برقه: الله يحفظك
سهيل وبعد ما طلع من الصاله ووصل عند منال اللي كانت واقفه اتريا ...حاس اذنها شوي ....

 

[ضوى العيون]

الجزء السادس عشر

وبعد ما دخلن ...
منال: مرحبا
ريم: مرحبتين الساع ...هلا بالبنات
عنود: هلا فيكن
سلامه: عنود ع شوه مستعيله المفروض اتعدلين آخر وحده
عنود: ومنوه قالج يالسه اتعدل بسشور شعري وخلاف بتعدل قبل المغرب بشوي
حصه: احسن عن ليخترب مكياجج..
ريم : زين عيل وينها هاي خليها تسشور شعري بعد تراني اغار
الكل يضحك :هههههههه
رفيعه : لا انا اول
منال: يالرزه الشيوخ قبل
رفيعه: خل عاد شخيه بس مب علي
سلامه: حوه لا تحتشرن ناويات تفضحنا في الصالون .....هذن عندكن ثنتين يسشورن الشعور بس تخلص منال ادور محلها وحده منكن وخلاف انا والصوص اوكي
ريم : خلاص انا باقيلي قصتي وبخلص

وبعد ما سشورن شعورهن تمكيجت الريم ورفوع ومنال وعنود بس سلامه فضلت اتكون آخر وحده لانها ما تبا اتمكيج وايد ....كل البنات اعتمدن ع ذوق مشكبار بس سلامه ادخلت في مكياجها وكانت اتقولها هذا يناسب وهذا لا وبالفعل طلع مكياجها هادي وحلو وجذاب وكل البنات استغربن منه

عنود: ايه انتي شو خليتيلي من الجمال
منال: هب هباج الله بتاكلين اختي امبونها حلوه
عنود انحرجت: ما اقصد ما شاء الله حلوه امبونج بس بعد قدريني انا العروس ريم: اول مره اشوف عروس وترمس هل الكثر احيدها تستحي
رفيعه وحصه: هههههههههه
سلامه: خلصتن رمستكن يالله اذا خلصتن
رفيعه: لحظه بنشوف ظاعن هوه اللي بيوصلنا وانتن منوه بيوديكن ..(تقصد ريم وعنود)

عنود : حمد بيينا ....تعالن ويانا
رفيعه : لا مب مشكله بنتريا ظاعن هوه اللي بيوصلنا بيتكم
سلامه: ظني الا اميه فبيتكم ووياها شواخي
ريم: اكيد وخالتي عفرا بعد وحريم جميرا كلهن شوه ملجه العنود..
حصه: الله يستر والخوف كله من الحريم
منال: ههههههههه صدق يخوفن
عنود: لا يخوفن ولاشي وانا شو اقول بموت محلي
سلامه: ههههههههه ما احسدج حبيبتي هالله هالله ببرودة الاعصاب
عنود برتباك : يا ويلي ويلاه
الكل يضحك: ههههههه

وفي هل الوقت رن تيلفون الريم واخوها حمد كان المتصل وقالهن انه يترياهن برع وان ولد خالته ظاعن بعد واقف وياه يتريا بنات خالته واخته ..طلعن البنات من الصالون وكل حد ركب بسيارته وساروا صوب بيت العروس ...ودخلن من الباب الخلفي عن الحرمات اللي كانن هناك وفي نفس الوقت سالم الفلاسي واخوه احمد كانوا موجودين وبعد حرمة يدهن موزه.....وعمتهن بختيه الكل كان موجود سهيل وبو سهيل وظاعن بو حمد وحمد وربعهم وهل دارهم .....الحرمات في الفله والرياييل في الميلس...وكلن لاهي في شغله حرماتنا يرحبن بالحريم والرياييل بالمثل والكل يبارك بهل الملجه ...سهيل وهوه معرسنا كان يحس بنقص كبير صح ان هذا يوم حلو من ايام حياته بس في نفس الوقت وين ناصر اخوه اللي كان يتمنى وجود مايد ونهيان اللي محجوز في الكليه ويتحسر ع الملجه ام راشد واللي كان يهمه اكثر راشد اللي بحسبة اخوه وولد عمه بس تحمد ربه ع كل شي وقال في خاطره وهذي الا ملجه وا ن شاء الله ان ما بيعرس الا في الصيف يوم بيردون كل احبابه من امريكا وبتكون الفرحه فرحتين هل الموقف خلاه يحس بالتفاؤل والبسه بدت ترسم ع ويه .......وعند الرحمات وهل الوقت بعد ما آذن اذان العشا وصلن الحرمات وردوا الرياييل من المسيد ....عشوا المعازيم وعنود في هل اللحظه وكانه يوم عرسها مب ملجه وبس...

عنود بخوف: سلامه انا انا خايفه بموت من الزيغه
منال بستهزان: وابويه عليج انا ما بيستويبج شي لا تخافين خليج كول
عنود: انتي عديمه الاحساس كومي عني لفرج بهل المخده ..
رفيعه : اقول خلونا ننزل نسلم ع حرماتنا عيب انتم يلوس فوق
منال : اوكي
ريم : عيل قومن
حصه: وانا شو اسوي
رفيعه: تعالي ويانا شو بتسوين بعد
حصه: امري لله اصبري بقرى ع عمري
منال: ههههههه ماكة جمال دبي
حصه: واحلا عنج يا الدبه

سلامه : بسكن عاد جلبن بويوهكن هناك يالله
منال: راغونا قومن لا تسويلنا حرب البسوس
عنود: ههههههههه
حصه : لو درينا انج بتضحكين كنت يلست وقلت لج نكت عن الصعايده
عنود: لا والله بعدين مب وكته ربع ساعه وبطلع للحرمات
رفيعه متغيضه: بتقووومن ولا شو
البنات(منال ..حصه...وريم): خلاص قمنا

وبعد ما طلعن تمت سلامه ويا العنود تسولف وياها شوي .....والبنات نزلن وشافن الحرمات سلمن عليهن ..والكل يمدحن ...وبعد ما شافت الريم امها

ام حمد: امي الريم سيري زقري اختج ....
ريم : بتصلها وبتي ...
ام حمد: كيفج بس بسرعه ..

اتصلت الريم لعنود اللي كانت اعصابها تحترق وسلامه تهدي فيها نزلن وسارن صوب الصاله وكل الحرمات كانن هناك لانها وسيعه ......عنود وسلامه واقفات عند الباب ام حمد كانت اترياهن ....هناك والبنات يلسن ويا ام سهيل ...وامهن موزه وعمتهن ....

عنود: سلامه دخيل الله ادخلي قبلي
سلامه: ما يصير يالله انتي قبلي جدامي بسرعه
عنود اتيرها من ايدها ...: لالا دخيلج اخاف من عيونهن
سلامه: لا اله الا الله اصبري بدخل وبزقر خالتي وهيه بتصرف وياج ..
عنود: اوكي

سلامه قررت تدخل فتحت الباب الزجاجي وانبهرت بالحريم ريحه الصاله اللي تفوح من الدخنات والعطور وتفاجأت بعيون الناس عليها ....كانت مثل العروس الخياليه ....جمال طبيعي وشعرها الاسود وعيونها السود ..وفستانها البيج المطرز بالذهبي انبهر منه الكل خافت وقررت تمشي شوي شوي ....صوب خالتها اللي كانت واقفه بعيد عن الباب شوي اترمس حرمه ..

سلامه بخجل: خالتي العنود عند الباب
ام حمد: ما عليه بسير لها ...
سلامه: اوكي

وفي نفس الوقت استحت لانها ما سلمت ع اي وحده وقررت اتسلم وفعلا دارت ع كل الحرمات وسلمت عليهن .......ام سالم (موزه )ويالسه حذالها وحده من الحرمات اتسولف وياها

خزينه: ما شاء الله هل البنت عروس ولدكم رحيمه يا ذي كرالله
موزه: لا يا وخيتي هذي خت المعرس ...
خزينه متلومه: هيه ما شا ءالله عليها والنعم والله ببنت محمد .....

عنود وبعد ما دخلت وسلمت ع الحرمات كلهن ...قعدت ع الغنفه ووياها سلامه...ع اليسار ....وبعد نص ساعه بدن الحرمات يترخصن منال قالت في خاطرها ليش ما يدخل سهيل ويشوف عروسه دامنه عمي بو حمد ما عنده مانع وحمد بالمثل اتصلت فيه

منال: الو المعرس
سهيل: هلا ام كشه ...
منال: حرمتك
سهيل يصاصرها : جب وبعد تسبين
منال: اقول لا ترمس وايد تعال لبس عروسك الدبله والطقم وفكنا
سهيل: والحرمات
منال: مب وايدات نصهن ترخصن يالله تعال الساعه 10
سهيل : ما عليه بيي

سهيل خبر ابوه انه الحرمات محتشرات عليه ويبنه يلبس العروس ...بو حمد وبدون تردد مسك ايد نسيه ومشا وياه اما حمد فسار ويا ابوه يسلم ع اخته وبو سهيل بعد وظاعن يلس في الميلس ويا الربع يسولف وياهم ....

سار معرسنا وحب راس امهاته وبعد ما سلموا الرياييل طلعوا .. وخلوا سهيل اروحه سلم ع العروس و...ام سهيل جربت له الدبله ويا طقم الماس .....ولبسها والبنات فرحانات .....

منال: اقول سلامه
سلامه: هاه
منال وذايبه محلها: شوفي هل اللقطه محلاها تجنن
حصه:هههه يا ويهج اص
منال: متى ياربي متى بكون مكانج عنوده
رفيعه: افا عليج بس احين اذا تبين
منال بحماس: والله والله شو بسويين
رفيعه: شو بسوي بيوزج راعي الدكان صدقيني بيستانس يوم بيلفى له سيلانيه حلوه مثلج
منال: عمج ام ريلج
رفيعه: سبي خالج يالبقره
ريم: بس انتي وياها ..شوفن امهاتنا شقا صاكات ع المعاريس
سلامه: هيه والله
منال: اقول انا بسحب امايه وبطلعها من الصاله
ريم: اوكي وانا بحد بقول لمايه ان ابويه يباها
رفيعه : وامكن موزه
سلامه: خليها علي شكلهم عمومتي مستعيلين ويبون يسرون العين
ريم : اوكي يالله ابتدينا

وكل وحده بدت في شغلها وطلعن الحرمات ...حصه طلعت قبلهن ويالسه في الصاله الثانيه اتريا خوياتها ....سهيل وعنود بروحهم

سهيل: مبروك
عنود بخجل وبتموت محلها: .....الله يبارك في حياتك ...ومبروك عليك
سهيل: الله يبارك فيج ...

وبعد فتره صمت مدتها 3 دقايق.....

سهيل: عنود
عنود وتقولفي خاطرها( فديت اللي يزقرني ويقولي عنود): لبيه
سهيل: اذا تحتاجين لاي شي ..هذا رقمي وتعرفينه انا ريلج وان شاء الله العرس بيكون بعد ردة الاهل من امريكا
عنود : ان شاء الله
سهيل: انا بتصلج بين فتره وفتره اذا هل الشي ما يحرجج واظني الا عمي ما عنده مانع
عنود: اللي اتشوفه الغالي
سهيل استانس ..مسرع وما صرت غالي يا سهيل فديتني والله ...:ع فكره..(صكت)
عنود مستغربه وبخجل: شوه..؟!!
سهيل: انتي احلا مما اتصورت والله يوفقنا ويرزقنا الذريه الصالحه
عنود وبدت تستحي اكثر واكثر: عيونك الحلوه..
سهيل اتخبل بس في هل الوقت تفاجأو بحد يفج الباب بقو : بووووووووووووو

سهيل وعنود :بسم الله الرحمن الرحيم
منال: حبايبي يالله بسكم
سهيل: شو تبين انتي
منال: بسك ولا ما تدري انكم كملتوا ساعه يلوس يالله يالله
سهيل يشوف الساعه: والله ...عيل اترخص منكم
عنود برقه: الله يحفظك
سهيل وبعد ما طلع من الصاله ووصل عند منال اللي كانت واقفه اتريا ...حاس اذنها شوي ....

سهيل: شيطانه
منال:طالعه عليك
سهيل: هههههههه ..(وطلع)
منال مستغربه: غريبه ما سبني ...اييييه العروس عيبج السالفه وانا يالسه اترياج
عنود: شو بلاج
دخلن البنات كلهن ....
ريم: عنود عنود قوليلي شو قالج
عنود: عيد ع اليهال
منال: الله يالدنيا استوينا يهال في نظرها
سلامه: عيب عليكن اتخبرنها شوفيها شقا ميته من المستحى
رفيعه: حليلج والله
حصه: هههههههههههه لا ما بتلقا احسن من ولد عمي
عنود وقفت: انا تعبانه بسير ابدل وبرقد
سلامه: ونحن بنسير البيت وانتو رفوه بتسرون ولا بتباتون
رفيعه: لا بنسري ابويه اروحه في البيت ...
منال: اها سلمي عليه وع المناصير وحمده تولهنا عليهم
رفيعه: سلامن يبلغ ان شاء الله

 

[ضوى العيون]

وبعد ما سارت عنود ترقد...والريم سارت غرفتها وبدلت وبسرعه بسرعه صوب الكمبيوتر....سلامع ومنال رد البيت بسيارتهن ويا ام سهيل وابو سهيل وسهيل وشواخي...ظاعن وامه ورفوع ردوا العين وخذوا اغراضهم قبل لا يسيرون صوب بيت العروس ...وكلن توكل وسار لبيته ...سلامه فعلا كانت اتحس بالتعب بس ما تقدر اتخلى عن النت والمنتدى بالاخص بدت اتعلق فيه يوم عن يوم .......وهذي الايام اطوف بسرعه ما يتوقها الانسان ..بدى الكورس الاول ينتهي وراشد ....بدا يشفا من مرضه وما بقى الا القليل ....اما مايد فكان احساسه يتحول لحب لمنال يكبر يوم عن يوم .... نهيان في كل ويك اند ايي صوب عمه في دبي ويبات عندهم لين الجمعه وبالنسبه لسهيل والعنود بدوا يتعلقون في بعض اكثر واكثر ....سلامه والريم ع حالتهن مثل ما هن ع الكمبيوتر ولا يفارجنه الا اذا بيرقدن ....اليوم الخميس بعد المغرب نهيان وسلامه وحصه ومنال في الصاله يسولفون ونهيان ما شا ءالله عليه راعي سوالف وفرفوشي

نهيان: ام كشه هاتي الرموت كونترول
منال اتصد صوبه وبنظره حقد: انت يا الدب عن الغلط
حصه:ههههه يالله اسمعي رمسه اخويه
منال : ما بعطيك
سلامه : منالوه ما فينا للحشره عطيه
نهيان: شو تقصدين يالدوده
سلامه: افا عليك يا نهيان منال الحشره مب انته ...وبعدين شو هل اللقب اليديد الدوده غيره يا اخي
نهيان : اوريدي دوده شوفي شكلج انتي شوه ما تاكلين
حصه: موووووول
نهيان مستغرب: ليش؟
سلامه: بس جيه
نهيان: خبله انا اذا ما كلت شي اتشوفيني اتحرقص محلي من اليوع
الكل يضحك : هههه
نهيان ايسير صوب منال واير الرموت كونترول من ايدها: اسمعي رمسه اللي اكبر عنج ...صدق ام كشه
منال تغيظت: رده رده يالله بسرعه
نهيان: ماشي يعني ما شي
حصه: خلك منها بدل اشوف شو في القنوات
منال بحزن: حرام والله عليك ابا اشوف الفرسان الحلقه الاخيره
نهيان: موتي ماشي
سلامه: نهيان انا بعد ابا اشوف الحلقه
نهيان بتردد: اندوج فكينا(رد الركوت كونترول لمنال).....
منال: ههههههههه بعده الفلم اصلا
نهيان متغيض: يالله ياربي يا سيدي يا معبودي اتكونين يالسه في الحوي وتيج القطوه وتلصق في كشجج
منال بكل بروده: هههه الود ودها اصلا هل القطوه ا ن شاء الله تشوه ويهك واحلم عاد باللي تاخذك يا الدب
حصه: فديت اخوي شوفي محلاه طالع ع المرحوم زين وجمال ويويل بعد شو اكثر من جيه
منال: طاعوا شو تقول
نهيان: شوه ما تصدقين اوكي ...اقول هل الاستيريو شغال
سلامه: هيه
نهيان وقف: عيل اصبرن ولا اقول برايه .....تعالن ويايه
حصه: وين بتودينا
نهيان: انتي قومي وبس يالله بسرعه قومن براويكن شي
منال بفضول: يالله انا بيي

وطلعن البنات كلهن ويلسن ع الدري برع وفي هل الوقت ام سهيل عند هيره يا رتهم وبو سهيل وشواخي في العزبه وسهيل عند الربع..سار انهيان صوب سياره شغلها ووقفها حذال الباب فتح باب السياره والبنات مستغربات هذا شو يسوي ...المهم سحب المسجبه من تحت الكرسي وحط شريط عيضه .....وشغل المسجل وطول عليه وكانت غنيه اهمه ...وبدا ايول جدام بنات عمه وخته وهن منبهرات بيوالته .....ونهيان اللي كان يفتخر بهل الموهبه ويوقف جدامهن وايبس ويغني( اهمه لو كذب اني ما همه غلاي ايجول في قلبه ودمه يبان الحب في نظره عيونه يقول الصدق ولا ولد عمه ) والبنات يصفقن

منال: عاش عاش ايوه يبسه اسرع اسرع ياسلام ...
سلامه : تضحك وتقول استخف الريال
حصه: فديت اخويه انا شوفن محلا يوالته بدخنه بشبه عن الحساد
منال: ما عليج وانا بييب لج الشبه

في هل الوقت ونهيان بعده ايول وصوت المسجل ينسمع في الحاره دخل سهيل بسيارته وتفاجأ بالموقف اللي يصير جدامه وكان يرمس عنود وهوه بعده في السياره

سهيل: هههههههه
عنود: هاه حبيبي ع شوه تضحك
سهيل: تعالي شوفي المخبل نهيان ايول ومسوي حشره في البيت
عنود منبهره: والله زين ...خله ايول في عرسنا
سهيل: افا ليج وانا حبيبج اعرف احسن عنه
عنود: بنشوف
سهيل: اوكي برايج الحين بتصلج بعدي حبي
عنود: اوكي الغالي فمان الله
سهيل: الله يحفظج

وبعد ما سكر عن العنود .....نزل من السياره وفي ايده العصا والبنات خايفات نهيان ما يدري بسهيل انه وراه ....سهيل ايي ويوقف حذال ولد عمه وايبس وياه وبهل اللقطه زال الخوف وبدن يصفقن مره ثانيه والشباب ما قصروا في اليواله اللي يستعرض حركاته واللي ايبس ....بس منال سارت صوب السياره ويلست ع السيت من دون لا يلاحظها اي حد وبندت المسجل ...وفي هل الوقت سمعت المأذن يقول(الله اكبر الله اكبر لا اله الا الله محمد رسول الله )

سهيل: خيبه اذن قم بسرعه
نهيان: بنتوضا
سهيل: توضا في المسيد ...

وركب سهيل ويا نهيان في سيارته وساروا يصلون والبنات بالمثل وبعد الصلاه رد بو سهيل للبيت وام سهيل وشواخي بعد ما سارت اتقول اتحط لها عيش وروبه ودهن وطماط تعشت ورقدت ...وبعد ما اجتمعوا الاهل كلهم غرفوا العشا واتعشوا ويلسوا يسولفون عن بيت سهيل اللي ينبنى وما بقا شي غير الصبغ والاثاث والديكور ...واتصلو باهلهم اللي في امريكا واتخبروا ع احوالهم ......والحمدلله الكل كان بخير وسهاله وبعد ما رمست ام سهيل ام راشد ...

ام سهيل: عيل برايج يا وخيتي مانروم انطول عليكم في مان الله
ام راشد: الله يحفظج ياربي وهالله هالله في العيال
ام سهيل : لا توصيني ع عيالي يا ام راشد
ام راشد: تسلمين والله ...والله يحفظج

بندت ام راشد عن ام سهيل وهل الوقت امريكا بعدها في اول النهار ..راشد اكيد ايسير ويا امه المستشفى ياخذ العلاج ويرد البيت مره ثانيه ...ناصر ومايد هل المره عندهم اجازه وكانوا يلوس في الصاله مايد مب حبه لمنال وفي نفس الوقت خوفه ع ناصر وردة فعله اذا خبره بس في الاول والاخير قرر انه يقوله كل اللي في قلبه لان ناصر واكثر من مره لاحظ هل الشرود اللي يمر به اخوه وياما قاله خبرني شو بلاك ....وكان يرد عليه ويقول ماشي سلامتك ...مايد وبعد نفس عميييييييق

 

[ضوى العيون]

الجزء السابع عشر
مايد: ناصر
ناصر(يشوف النشره):هلا مايد امر اخوي
مايد: ما يامر عليك العدوا
مايد متردد اخبره ولا لا: ابا اقولك....
ناصر برتباك : خير بلاك
مايد: ناصر انا ابا ارد البلاد ...بسرعه
ناصر: يا خوي كلنا نبا انرد شو نسوي عفنا الحياه 4 سنوات ونحن في هل الغربه ...بس تعال شو سالفه هل الشوق والحنين الزايد
مايد: برد البلاد وبعرس
ناصرمستغرب: شوووووه بتعرس؟!
مايد: هيه لاهو بعيد ولا حرام
ناصر: لا لا ما قلت شي بس بتعرس عني وبتخليني
مايد: هههههه لا يا بوي بصبر عليك شهر وان ما دورت لك بنت مزيونه بعرس عنك
ناصربضحكه مكر: ههههههههه وليش مستعيل يا اخي
مايد: بس شو اسوي بقلبي
ناصر: كيف يعني شو تسوي بقلبك لا تكون هيمان ولا تسبح في بحر الغرام
مايد: هاه قربت
ناصر وبجديه: ميوووووود صدق
مايد: هيه وشو فيها
ناصر: خل عنك هل الرمسه وفكر في الدراسه
مايد وبدا يعصب ع ناصر لاول مره: لا لا ماقدر تعبت قلبي تعب احس اني بموت وبختنق
ناصر متفاجأ ويهدي مايد: مايد بسم الله عليك شو ياك ...خلاص اللي تباه بس ارتاح ان شاء الله 6 اشهور وبرد البلاد
مايد: وايد ست اشهور وايد ولا تنسى راشد يتعالج عنا يعني بنطول بعد
ناصر: لا ما بنطول
مايد: بس يا ناصر
ناصر: مايد انا اخوك ولا
مايد: اكيد اخويه ونعم الاخو
ناصر: عيل خلاص قولي شو بلاك وبالتفصيل عشان اقدر اساعدك وارضيك يا خوي
مايد: انا احب
ناصر متفاجأ وحاول انه يكون هادي: والله زين يا خوي الحب مب عيب كمل
مايد: البنت مزيونه وخوفي اطير من ايدي وايلس اتحسر ع حالي
ناصر: افا يا خوي ...لا ان شاء الله ما بطير بس اذا تبا فبالي فكره ومنيه تضمن شيئين البنت والدراسه
مايد: شو؟
ناصر: شو رايك اقول للوالده تخطبها لك
مايد وبدا قلبه يدق بسرعه: ناصراللي يريحك وماظني امي بتمانع او حتى عمي وهوه بحسبة ابويه الله يرحمه
ناصر: الله يرحمه انزين خبرني هيه بنت منوه ....؟
مايد بتردد: بنت محمد الفلاسي
ناصر مندهش: هاه منوه محمد الفلاسي ابويه
مايد: هيه منال
ناصر: هههههه غربالله بليسج جنك خوفتني يا الدي قول ابا منال وخلصني ليش ...بس مستوي شرات البنيه المستحيه
مايد وبدا يتغيظ ويضحك في نفس الوقت : لا والله بس خفت تهد عليه ولا اطيح من عينك
ناصر: شوه تبا تزعلني عليك ...انت خويه وغلاتك من غلاة سهيل .....ولا تنسى اني موووووول ما استغنى عنك ....والدليل اني كنت بدخل كليه الشرطه بعد الثانويه بس يوم سمعت انك ما بتدخلها ويايه وبتسافر امريكا اصريت اني اي وياك ....
مايد: فديتك يالغالي وانا بعد ما استغني عنك
ناصر: اوكي عيل يالله ابا مايد القبلي الفرفوشي راعي السوالف ولا اقول قم ...خلنا نلعب ورقه
مايد: يالله بس بغلبك
ناصر: هههههههه بنبطي حبيبي ..مب كل يوم العيد
مايد: وانا ولد ابويه لاخلبك
ناصر: بنشوف ....

وبعد ما صارح مايد ناصر باللي في قلبه حس ان جزء من الحمل اللي ع قلبه انزاح وبسهوله والباقي الاهم والاهم منال اذا بتوافق عليه او لا ..اذا بترضى فيه او لا وقال في خاطره ليش ما ترضى فيني ريال علم وادب ويكفي اني ولد عملها واحسن من البعيد ....

وبالنسبه لعربنا في دبي ...اليوم الجمعه نهيان طلع الظهر من دبي وسار صوب الكليه....والبنات يحظرن للاسبوع يديد من الدراسه وفي نفس الوقت امتحانات الكورس الاول ...منال قاعده تراجع بعض الدروس والقواعد الصعبه عليها في الاكس ال وسلامه ...تتهيدا للتدريب المهني واللي بياخذ ثلاث شهور..وبيكون بعد الليرننج سايكل 3 ....

منال يالسه في حجرة سلامه ع لبتوبها وسلامه ترتب اغراضها

منال: اف متى بنفتك يا عالم
سلامه: لاحقه حبيبتي
منال: مابا خلاص بس باخذ انجاز وبس
سلامه: لا تستويلي خبله واتقوليلي انجاز لو تفيد جن يلست في البيت ....شهاده الدبلوم ما تسوي شي اصلا
منال: دبلوم انجاز دبلوم انجاز اصلا اخرتها لا انا ولا انتي بنشتغل
سلامه: ادري بس اضمن لج الشهاده
منال:حبكم وسط الحشا سادي لو يبل ما تحمله كله ...وين منهوه مثله افوادي جان طول الوقت قد حله
سلامه: هالله هالله شو هل الغنيه
منال: والله ملل الغنا في هل الوقت مفيد الصراحه
سلامه: هههههههه ليش ما شي شغل .....
منال: تعالي وخلي اللي في ايدج ...
سلامه: شو تبين ؟
منال: خلينا انسولف صدق ملل ...
سلامه: ماشي سوالف
منال: السوالف عندي بس خلي اللي عندج تعالي
سلامه: اوكي

وبعد ما قعدت سلامه ع السرير وحذال منال
سلامه: يالله يام السوالف
منال وبمكر: ممممممم شو من السوالف عند يا منال شوه شوه
سلامه:ههههه اقول ادرسي احسن
منال: لا دخيلج بسولف وياج ولا تعالي بقولج شي ؟
سلامه: شوه..
منال وبتردد: سلامه شو رايج بالحب
سلامه: الحب؟ وليش هل السؤال
منال: انتي جاوبي وبس
سلامه: مممممم الحب يا منالوه كلمه ولو انها اتكون من حرفين بس معناها يفوق الخيال الحب اخلاص صدق امل تفاؤل فرح وسعاده بس في بعض الاحيان يتحول من الاخلاص للخيانه وهذا للحب الفاشل....والامل ينجلب لتشاؤم ..والسعاده لدعاسه ...
منال: لهل الدرجه
سلامه وبحزن: واكثر ..المهم درسي وانا اعرف شو في بالج
منال: شوه اللي فبالي
سلامه: اتعرفين وبس ....واهم شي يا منال ....لا تنساقين ورا عواطفج ..لان في الاخير يمكن تندمين او تنجرحين
منال وبدت تخاف: وهذا اللي يقهرني
سلامه: ادري انج تحبين ظاعن ولاحظت هل الشي اكثر من مره بس
منال: بس شوه
سلامه: هوه يحبج ...؟ شي مب اكيد
منال: يمكن شو دراج
سلامه:حبيبتي لا تفكرين في الموضوع وايد المهم دراستج ويالله بسج من السوالف...
منال والحزن ع ويها: خلاص بذاكر
سلامه تبتسم: وانا بدخل النت شوي بجيك ع الايميل والمنتدى اشتقت له موووت
منال : تدرين من زمااااااااان ما سمعتج اتغنين
سلامه: ويين صوتي الحين مب حلو بالمره
منال: لا فنان غني
سلامه: اوكي
منال ودزت اللبتوب ع طرف:يااااسلام عاشت بنت الفلاسي
سلامه احم احم : حط نفسك في مكاني والقلب منك ياني ليش انا تحمل عذر منك وانت تهوى حد ثاني ليش انا اتحمل ذنوبك وارضى في باجي عيوبك وانت لاهي في دروبك ما تباني.....

 

[ضوى العيون]

سلامه صكتت وما قدرت اتكمل حست انها بتختنق وبدة دمعتها تنزل من عيونها خدودها البيض يحمرن وعيونها بالمثل حست بالتعب والم فضيع في راسها حاولت اتوازن وتوقف بس ماقدرت وطاحت ع الارض منال اللي كانت اتلاحظها وهيه تعني كيف كان صورتها له نبره حزينه ومألمه تفاجأت بختها اطيح جدامها ....تمت اتصارخ وسارت صوبها

منال بخوف وتصارخ : سلامه سلااااااامه قومي سلااااااااااامه
سهيل اللي كان يايي من برع وساير صوب حجرته سمع صريخ منال وربع صوب الحجره بسرعه وفتح الباب بقوه وبخوف: شو مستوي ..(شاف سلامه ع الارض ومنال اتصيح ) سلامه شو ياها

منال اتصيح: مادري طاحت
سهيل بخوف: قومي لبسي عباتج ولحقيني
منال: انزين

سهيل حاول يصحي اخته بس ما فاد فيها وشلها وركبها السياره ومنال قعدت عدالها ......وساروا صوب المستشفى الامريكي قسم الطوارئ وكشف عليها الدكتور ....وبعد ما حطولها المغذي ودخلوها ع غرفه خاصه

سهيل يتخبر الدكتور ومنال قاعده ويا اختها

سهيل : دكتور شو فيها سلامه
دكتور سعيد: اطمن اخوي ....
سهيل: كيف اطمن وهيه بهل الحاله شو فيها بالضبط
دكتور سعيد: والله ياخوي زين انكم لحقتوا عليها البنت فيها فقر دم حاد واذا اهملت عمرها اكثر من جيه يمكن يصيبها مرض القلب بالاضافه للحاله النفسيه اللي هيه فيها لها اثر كبير جدا ع صحتها
سهيل: والحل يا دكتور
دكتور سعيد: لازم ترتاح اشوي .....ولا تنسى ...اهم الشي الحاله النفسيه لازم اطلعونها منها وتهتمون باكلها وتاكل الاكل الصحي ..وتاكل كل وجبه في وقتها
سهيل : انت اتشوف انها ميته انسانه بلاروح
دكتور سعيد: شو قلنا يا خوي...هذا يعتمد عليكم وع العموم نحن بنومها اسبوع عنا ....وهذا لصحتها طبعا
سهيل: اوكي دكتور تسلم تعبناوك ويانا
دكتور سعيد: افا عليك يا خوي هذا واجبنا
سهيل: تسلم والله ...شي في الخاطر
دكتور سعيد: الله يسلملي غاليك وتسلم طال عمرك
سهيل: فمان الله
دكتور سعيد : الله يحفظك

وبعد ما طلع سهيل من عند الدكتور وعرف حالته اخته بالضبط رن تسبفونه والمتصله عنود

عنود: الو مرحبا
سهيل بحزن: مرحبا ملايين بعنودتي
عنود: مرحب باجي ...شحالك حبي
سهيل: الحمدلله بخير وسهاله
عنود: سهيل شو بلاه حسك ما يسر الخاطر
سهيل : والله شو اقولج يالعنود قلبي شايل هم كبير
عنود بخوف: خير ان شاء الله حد استوابه شي لا سمح الله
سهيل: لافديتج بس سلامه تعبانه شوي ويبتها المستشفى
عنود: ما تشوف شر ان شاء الله سليماتي بس شو ياها
سهيل : تعب وارهاق وعندها فقر دم حاد
عنود بخوف: يالله بسترك الله يعفو عنها ان شاء الله
سهيل: اوكي عنوده بسير اشوفهن خليتهن اروحهن


سهيل وبعد ما سكر عن عنوده كان عند الرسبشن يكمل اوراق اخته ..واتصل في البيت محد رد ورد اتصل مره ثانيه وردت عليه حصه

سهيل: السلام عليكم
حصه تثاوب: وعليكم السلام والرحمه
سهيل: حصه امايا وين
حصه: والله مادري حتى البنات مالهن حسن مادريبهن وين سارن
سهيل: لا البنات ويايه
حصه: اها
سهيل: ماتدريبها بنت بطي وين سارت
حصه: ظني الا عند هيره ...تباها ضروري بطرش ليندا تزقرها
سهيل: اوكي خليها تزقرها ووصليلها رمستيه
حصه: اوكي
سهيل: بس لا تخوفينها قوليلها سلامه تعبت علينا شوي ونحن في الامريكي الحين
حصه بخوف: شوه سلامه بلاها شو ياها شو فيها سلامه
سهيل: طالعوا هاي حصوه وانا شاد الهمه فيج وباج اتخبرين امايه ...
حصه: لا خلاص بخبرها وبنيكم الحين
سهيل: اوكي


وبعد ما بندت حصه عن سهيل سارت ادور ليندا وطرشتها صوب بيت هيره وقالتها تزقل ام سهيل لانها تباها وبالفعل سارت ليندا تزقرها وام سهيل من النوع اللي يخاف ...حصه يلست اتريا ام سهيل...وبعد ما دخلت البيت شافت حصه يالسه

ام سهيل: خير يا بنيتي
حصه: كل خير امايا ...سهيل اتصل و مالقاج
ام سهيل : و شوا يبا
حصه: امايا سلامه تعبت علينا وودوها الدختر
ام سهيل وبدت تخاف: ياويلي يا بنيتي شو ياها
حصه: مادري بس هيه بخير
ام سهيل : قومي لبسي عباتج ...وزقرا بخش يطلع السياره
حصه: اوكي

سارت حصه واتصلت للدريول ايطلع السياره وركبت ويا ام سهيل وسارن صوب المستشفى الامريكي وفي الدرب اتصلن ببو سهيل وخبرنه ...وقال انه بيكون هناك ...وبعد ماوصلو المستشفى واتصلن بسهيل وتلقالهن عند الباب ...وام سهيل اللي كانت متمالكه نفسها ودموعها تغطي عينها

ام سهيل: شو بلاها سلامه ياولدي
سهيل: ماشي الا كل خير يام اسهيل ....
ام سهيل: ودني صوبها
سهيل : تامرين امر

سهيل سار ويا امه وبنت عمه حصه صوب الغرفه وحدروا منال كانت يالسه حذال اختها وعيونها منتفخات من الصيح وام سهيل ..سارت صوب بنتها وحبتها ع راسها وبدت اتصيح بدون صوت منال سارت صوب امها ولوت عليها وهذا اللي خلها اتصيح اكثر حصه اللي دمعتها بدت تنزل ع خدها سهيل واللي قلبه يتقطع من داخل وف نفس الوقت يهدي امه

سهيل حاط ايده ع جتف امه:يا امايا الله يهديج بس لا تصيحين ما فيها الا كل خير
ام سهيل: شو ما فيها شي شوف ويها شقا مصفر بنتى بلا روح
منال: امايا بس لا تصيحين وخاطر غاليج لا تصيحين
ام سهيل بدت تهدى شوي : ان شاء الله

حصه اللي كانت واقفه يلست ع الغنفه اللي ع الزاويه ومنال يلست حذالها وسهيل ترخص عنهن لان هل الوقت اذن العشا وسار يصلي في المسيد ....وام سهيل قامت اتصلي ومنال وحصه بالمثل سلامه اللي بعدها راقده ع تأثير البنج ولا تحس بشي ومركبيلها مغذي...وبعد ما صلن وخلصن ام سهيل كانت يالسه وتدعي ربها وقلبها يحترق من خوفها ع بنتها ..وبعد ما خلصت يلست تستغفر ربها وتدعي بالشفا لبتها ......منال وحصه يالسات ع حالهن ولا ميرمسن ويا بعض الا شوي ....وبعد ما طاف الوقت واستوت الساعه 8 ونص مر عليهم الدكتور سعيد الهاملي ...وهوه الدكتور المنواب المسا ..وخطف يطمن ع المرضى ومر ع سلامه يطمن عليها ووياها النيرس....ودق الباب..

في هل الوقت استغربن البنات منوه يدق الباب

حصه: منالوه يمكن النيرس ..
منال: ماظني .....يمكن الدكتور

في هل الوقت دخلت النيرس ووراها الدكتور واول ما دخل تغشن البنات وسلم وشاف المغذي وشوه اللي تحتايله المريضه في هل الفتره....

ام سهيل :يا ولدي شو سلامه الحين
دكتور سعيد: بخير ان شاء الله يالوالده لا تشيلين هم
ام سهيل : ان شاء الله
دكتور سعيد: الوالده البنت بخير وبتعافى بس بعد هالله هالله في صحتها لازم اتاكلونها..لان فيها فقر دم حاد وتاكل كل وجبه في وقتها

ام سهيل :فديتج يابنيتي ما تاكل يا ولدي ودوم ما تشتهيه..
دكتور سعيد: لا هذا الكلام ما يمشي لازم تاكل وتخلونها تضحك واسولف وياكم واتغير جو...

في هل الوقت دخل بو سهيل ويا ولده سهيل ...

بو سهيل: السلام عليكم
الكل : وعليكم السلام

بو سهيل لما شاف الدكتور اتفاجأ ويالت يشوف هذا الريال مب غريب عليه
سهيل : ابويه هذا الدكتور سعيد..
بو سهيل سرحان ويلس يفكر ويقول : سعيد سعيد؟
الدكتور مستغرب ويبتسم
بو سهيل : انته ولد منوه الغالي
الدكتور مستغرب: ولد حميد بن سيف الهاملي
بو سهيل : ولد حميد بن سيف ....حي الله سعيد
دكتور سعيد مستغرب : الله يحيك
بو سهيل : افا يا ولدي الا شكلك انسيتنا نسيت محمد الفلاسي ربيع ابوك يوم انسير انخيم صوب الهباب
دكتور سعيد: هيه والله اسمحلي ياعمي ما ذكرتك
سهيل: انت سعيد سعيدان اللي كان يكفخني يوم اخذ الكوره من اخوك خالد
دكتور سعيد: هههه هيه انا اللي يكفخ ....والله زين يوم تلاقينا وياكم بعد هل الغيبه
بو سهيل: شو نسوي يا ولدي من يوم تحولتوا عنا انقطعت اخباركم الا الاهل شحالهم
دكتور سعيد : كلهم بخير ونعمه
بو سهيل : الحمدلله دوم ان شاء الله
دكتور سعيد: آمين نحن وياكم واخوانا المسلمين
الكل : ان شاء الله
بو سهيل : الا يا ولدي بنتي شو صحتها
دكتور سعيد : لا يا عمي بخير ...لا تخاف عليها
بوسهيل : كل خير
دكتور سعيد: عيل اترخص منك عمي ...ولا تقطعنا بعد ما توالفنا ويا اهلنا ...
بو سهيل: افا عليك ...الله لا يفرق بين اخو واخو
سهيل يسولف: ما عليك يا بويه باخذ رقمه وما بخليه يفارجك لا هوه ولا عمي حميد
دكتور سعيد: هههههه ان شاء الله بنعطيك اياه يالغالي

دكتور سعيد ...طلع بطاقه فيها ارقامه ورقم مبايله وعطاها سهيل وترخص منهم وكمل جولته وسار يشوف المرضى الباقين وفلا استانس يوم اتلاقا ويا هل العرب الطيبين اللي فارقوهم من 20 سنه... و خلص دوامه ع الساعه 10 ..وبو سهيل وام عياله والبنات ردوا البيت لان عليهم دومات وام سهيل يلست ويا بنتها .....

سعيد وبعد مارد للبيت وشاف الاهل يالسن يتريونه ع العشا امه اللي اسمها اليازيه ..وابوه حميد...واخوه خالد اللي كان يجلب في القنوات واخته ..نوره...

سعيد: السلام عليكم جميعا
الكل : وعليكم السلام والرحمه
سعيد: شو تعشيتوا؟
ام سعيد: لا انترياك مسويلك هذاك القرص الفنان ولبن بوش
سعيد: يااااسلام زين
بو سعيد: يالله ياولدي عيزنا ونحن نترياك نحن شواب ونرقد من المغرب وورانا عزب وتفحيم
سعيد: شباب يا بو سعيد الا يابوي يايبلك هذيك الاخبار الزينه
بوسعيد: خير يا ولدي
سعيد : موصيني عرب اسلم عليك سلامن وايد وع الاهل
بو سعيد: الله يسلمهم من الشر عاد منوه هل العرب
سعيد: ابويه تحيد محمد الفلاسي ...محمد بن شهاب الفلاسي
بو سعيد: هيه اذكره ...الله يسلمه من الشر صدق انه راعي اصوب وواجب وشحاله ووسن شفته
سعيد: طال عمرك شفته في المستشفى بنته تعبانه
ام سعيد : عسى ماشر يا ولدي
سعيد: ماشر يالغاليه الا تعب وارهاق
ام سعيد: هيه ياولدي مخير هل العرب وام سهيل حليها حرمه راعية اصول ومرحبانيه
بو سعيد: صدقتي يا اليازيه
سعيد: شوه ما تبونا انتعشا ....
نوره : انا يوعانه الصارحه ماروم اترياكم ..وورايه دوام المدرسه الله يغربلها من دراسه
خالد: عوذ بالله بسج ..حشا هذا كل من المدرسه صبرتي وايد واصبري شوي الا سنه وبتخرجين وبتفكين عمرج
نوره:ياااااااااارب الله يسمع منك خلود

وقعدوا كلهم وتحشوا من هذاك العشا الفنان ....وقعدوا شوي ام سعيد وابو سعيد ساروا يرقدون ونوره بعد وخالد طلع طوب الربع شوي وسعيد ..سار يرتاح شوي ويطالع التلفزيون

 

[ضوى العيون]

الجزء الثامن عشر

خالد وبعد مارد لقى سعيد يالس في الصاله يشوف فلم بوليسي

خالد: هاه بو عسكور كيف الحال
سعيد: بخير يالغالي يسرك الحال
خالد يلس حذال اخوه: هاه فلم بوليسي
سعيد: هيه شو نسوي بعد دوم مجابليت المرضى خلني ارتاح
خالد: وحد قالك تستوي دكتور ...؟
سعيد: خساره تعبيه ايطير برخ ...والحمدلله ع الاقل اكون دكتور مواطن مب يوم اتسير عياده ولا مستشفى اتشوف الدكاتره كلهم وافدين
خالد: زين والله ....
سعيد: شو الشركه وياك
خالد: ماشي حالها
سعيد: يا حيك يا بو وليد
خالد: اوكي تصبح علىخير يا بو الشباب واريه دوام الفير
سعيد : وانته من هله ....

خالد سار يرقد بما ان دوامه يبدا الساعه 9 في الشركه وسعيد تم سهاران للين الساه 3 الفير وبعدها سار يرتاح لان دوامه يبدا المسا الساعه 4 العصر ...وبعد ما مر هل اليوم ....بو سهيل سار الصبح للمستشفى وسلم ع ام سهيل وسلامه اللي بعدها راقده

بو سهيل: ام سهيل ما نشت
ام سهيل: لا نشت تريقت وردت ترقد
بو سهيل: الله يشفيها ياربي
ام سهيل : يارب
بوسهيل: اترخص منج الغاليه بسير صوب العزب وبخش بييب لج دله القهوه والجاهي بعد ما يوصل البنيات
ام سهيل : زين ما سويت يا محمد
بو سهيل: فمان الله
ام سهيل: في حفظ الله

وبعد ما طلع بو سهيل من المستشى سار صوب العزبه سهيل في هل الوقت في الدوام شواخي في المدرسه ومنال وحصه ..سارن الكليه وهناك تلاقن ويا بنات خالتهن عنود والريم وتخبرن عن سلامه وقالن انهن بين المغرب يزورنها ويا ام حمد ....وبعد ما مر هل اليوم الدراسي الطويل سارن البنات البيت وارتاحن خلصن اشغالهن وسارن بعد المغرب صوب اختهن المستشفى ويا سهيل ......ويوم وصلن هناك لقن سلامه واعيه ....الكل بعد ما دخل وسلم

منال: ما تشوفين شر يالغاليه
سلامه : الشر ماييج يالغاليه
حصه: تستاهلين السلامه سلامي
سلامه: الله يسلم غاليج ياربي
سهيل : ما شاء الله الويه منور اليوم
سلامه: هههههههه بوجودك الغالي
سهيل: شو هبج اليوم
سلامه وبعدها تعبانه: زينه..
منال: خالتي ام حمد بتي بعد شوي
سهيل: والله
منال وتخز اخوها : هيه ام حمد وريماني وعنوده
سهيل قابض اذنها: ايه عيوز السيح ..شو بعد عنوده هاي ازقريها باسمها
منال: اخ خوز ايدك حشا ما يسوى عليه اطريها
سهيل: شيخج يابوي
منال: اووووووه خوز ايدك عاد
سلامه: سهيل حبيبي خلها لا تفضحنا
منال: افا والله افا انا اللي بفظحكم تراني زعلت
حصه: خلوا منال في حالها كله ولا منالوه
منال: فديت اللي ادافع عني
حصه: ني عيبج يا بوي
سهيل: ههه رمس المحامي الخاص
منال بخقه: اكيد مستر سهيل استاهل
سهيل : بسج عاد

في هل الوقت والكل يالس في الغرفه يسولف.....والدكتور سعيد كان متواجد في العياده يكشف على المرضى كان يفكر يسوي جوله وفي نفس الوقت يسير ويطمن ع سلامه ....وبعد ما خلص من المريض اللي عنده خذله فترة راحه مدة ربع ساعه سار صوب الكفييه اللي في المستشفى ومجابلنه محل هدايا وورود ....كان مجابلنه ويشرب كبتشينوا ...يشوف الورد ويفكر في سلامه ...يا ربي ليش افكر فيها منوه هيه حالها من حال اي مريض غندي في المستشفى يارب ليش هيه بالذات ....اخ يا راسي يعورني من كثر التفكير صح انا شفتها وما شاء الله عليها كانت آيه في الجمال بس انا من متى اهتم بالجمال او بالبنات بالذات ..كل اهتمامي طول هل السنين يتركز ع الدروس والطب والشهاده وحاليا المرضى ...

قام من محله وسار صوب المحل وشاف اللي فيه من هدايا

راعي المحل: مرحبا دكتور
سعيد: مرحبتين
راعي المحل : نور المحل
سعيد: بوجودك اخوي
راعي المحل : اي خدمه
سعيد: ممممممم ابا اشوف الورد اللي عندك
راعي المحل: فيك اتشوف هيدي الباقه فيها روز ابيض...
سعيد: لا لا ابا شي ثاني
راعي المحل: كيف يعني
سعيد: تقدر اسويلي باقه ع ذوقي
راعي المحل : تكرم عينك دكتور

سعيد بعد ما وصى راعي المحل ع الطلبيه اللي يباها واختار ورد جوري احمر ...وظاف عليه بعد ورود صغيره بيضا وفضل اتكون الباقه في سله وفيها حركه حلوه ع شكل نجوم وقلوب وبعد ما اتهى من الوصف....خذ بطاقه من اللي في المحل وكتب عليها بخط ايده ....(تستاهلين السلامه ...سلامه)...وبس ما كتب شي ثاني ...

سعيد: لو سمحت
راعي المحل: امر
سعيد: ممكن بعد ما تخلص اللي قلتلك عليه تحط هل البطاقه وياها وتوصلها ع غرفه 405 الطابق الثاني ..بس لا تقول من منوه اذا تسمح

راعي المحل: تكرم عينك
سعيد: اوكي

وبعد ما دفع سار وكمل شغله وفي هل الوقت العنود والريم وام حمد وصلن للمستشفى واتصلن لمنال ياخذن منها رقم الغرفه ...عنود خذت باقه ورد من برع المستشفى ...سهيل طلع قبل لا اين المستشفى وبعد ما دخلن وسلمن وتحمدلها ع السلامه

سلامه: الله يا العنود محلا الورد...بس ليش تعبتي عمرج
عنود: لا تعب ولاشي تستاهلين بستان ورد
سلامه: فديتج والله انتي الورده ما تقصرين في ذمتيه
عنود: عيونج الحلوه
منال: كل هذا عسبة الباقه اسميكن
ريم: حشا يا منال شكلج حسود
منال: ومن قال بس ما سوت جيه يوم يبت لها سلة الحلاه
سلامه: اوه صح اسمحيلي كنت راقد ولا دريت بها انها منج ..تسلمين يا احلا اخت في الدنيا ع الحلاوه
حصه: احم احم بليز عاد انا اللي مختاره ...ومنال اللي دفعت يعني انا بعد لازم تشكريني
ريم: ههههه من عاشر قوما اربعين يوما صار منهم
الكل يضحك

ام سهيل وام حمد يالسات ع الكراسي اللي ع الطرف والبنات يسولفن وفي هل الوقت سمعن حد يدق الباب

منال: منوه اللي ياي الحين
سلامه: يمكن الدكتور
حصه بصوت واطي: هيه هذا الحليو اللي يعرفه عمي
سلامه مستغربه: شو السالفه ومنوه هل الحلو
ريم: انا بشوف منوه عند الباب

وبعد ما سارت الريم وفتحت الباب لقت راعي المحل ووياه باقة ورد تقريا عوده.....

راعي المحل: مسا الخير
ريم: مسا النور
راعي المحل: هيدا الباقه للمريض اللي فهل الغرفه
ريم: اها اوكي عطني اياها


وبعد ما حذت الباقه ..وحطتها ع الطاوله الكل انبهر بجمالها وكبرها واللي يميزها الروز الاحمر اللي يغطيها بكثر

سلامه: الله محلاها الريم مشكوره
ريم مستغربه وعاقده حياتها: ع شوه
سلامه : ع الباقه
ريم: ومنوه قالج انها منى
سلامه: عيل منوه اللي يايبنها
ام سهيل: شو هل الورد من يايبنه
منال: ماندري يا امايا
حصه: تعالن يمكن غلط يابها صوبنا
ريم: لا ماظني قال انها للغرفه405
عنود: شوفي يمكن فيها بطاقه

 

[ضوى العيون]

ريم يالست اتشوف الباقه وادور اذا فيه بطاقه او لا وبعد ما لقتها كان حجم البطاقه صغير وع شكل قلب يتناسب ويا دزاين الباقه

ريم يالسه حذال سلامه ع السرير: اندوج
سلامه خذت البطاقه: ويلست تقراها
منال : شو مكتوب فيها
سلامه: تستاهلين السلامه ...سلامه
عنود: بس
سلامه: بس
الكل مستغرب..
سلامه: حد من البنات يدري اني منومه
منال: لا اصلا ما شفت ولا وحده من ربعج
سلامه: عيل ...
عنود: يمكن سهيل
منال: بدينا ...اقول مب سهيل هذا ذوقه فنان سهيل معدوم الذوق
سلامه: شو هل الرمسه سهيل ذوقه فنان
عنود بصوت واطي عن لا تسمعها اومها ولا خالتها: اكيد الغاليات وسهيل كله حلو في حلو فديته
منال: هي هي بدينا
عنود: ههههههههه غيوره
سلامه: بسكن حشره
حصه: شو رايج اروغهن
ريم : ما يحتاي بنسير
سلامه: افا زعلتن
عنود: لا والله سلامي بس تدرين الساعه 8 وبروح البيت
منال: اصبرن بيي الدكتور بعد شوي
ريم: شو سالفته هالزلمه
حصه: حووه اي زلمه مواطن الله يخليج وبدوي بعد
منال مستغربه: هاه جذبتن
سلامه مستغربه: مواطن؟!
حصه: هيه هاملي الريال شو فيها دكتور
ريم: متى بيي
منال: هل الوقت
ريم : خسار بنروح الحين

في هل الوقت ام حمد شافت البنات يرمسن وقالت لهن انهم بيردون البيت لان ابو حمد بروحه ...وحمد بيي بعد شوي ...سارن البنات للبيت ..ويا امهن ....وبالنسبه لمنال وحصه تمن يترين سهيل اييهن وام سهيل شافت حذالها مجله خذلتها ويلست اطالع ..سلامه كانت عاقه الشيله ويالسه تسولف ويا حصه ومنال ....كملت الساعه 8 ونص وهل الوقت ادكتور كل العاده يلف ع المرضى ويشوف صحتهم ...الدكتور سعيد ..خطف ع غرفة 405 غرفه سلامه واذكر الحركه اللي حس انها بايخه ويت منها شو بيستوي لو دروا ان الباقه منها دخل وهوه مرتبك والممرضه ايفا وياه ....سلم ع ام سهيل سلامه كانت مستغربه من رمسه منال ...مواطن اول مره الصراحه ...

ام سهيل: شحالك يا ولدي
سعيد: بخير عمتي شحالج
ام سهيل : بخير الله يسلمك
سعيد : دوم ان شاء الله ..

والتفت صوب سلامه

سعيد: هاه مريضتنا شو الصحه
سلامه برتباك : بخير
سعيد: دوم ان شاء الله
سلامه:.......
سعيد ماسك القائمه اللي تنحط ع طرف السرير ...ويتخبر سلامه: تحسن بارهاق
سلامه بنحراج: يعني
سعيد: عور راس
سلامه: لا
سعيد: اوكي ...اخت سلامه
سلامه صاكته واطالع منال وحصه اللي يظحكن من موقف سلامه وهيه منحرجه..سعيد احس ان جو الغرفه غريب...وقال للممرضه تعطيها الدوا اللي وصفه..وتغير لها المغذي سلامه اللي ما حست بعمرها وهيه تقول

سلامه: دكتور
سعيد: نعم اختي..
سلامه: متا بتفرجون عني
سعيد وهوه مستغرب وبدا يضحك ببتسامه رقيقه وحلوه: افا ومن قال انج مسجونه
سلامه: بس الدوام والدراسه
سعيد: خوزي من راسج كل هل الاشياء وصحج ابدا
سلامه: بس بنطرد اذا ع هل الغياب اللي بلا عذر
سعيد: لا تشيلين هم اوريدي طرشنا تقرير..للكليه ومعاه اجازه اسبوع
سلامه: الحمدلله بس متى بطلعوني
ام سهيل اللي بدت تنحرج من هل الاسئله والرمسه الطويله ويا الدكتور : بس يا بنتي بتطلعين جريب ان شاء الله
الكل: ان شاء الله

وبعد ما التفت الدكتور وشاف الزاويه لقا الباقه وفيها كل المواصفات اللي طلبها وابتسم....وترخص منهم لانه حس بالاحراج ...من الكل

سعيد: برخصتج عمتي
ام سهيل: الله يحفظك يا ولدي وسلملنا ع الاهل وع الوالده
سعيد:يبلغ ان شاء الله وردي لي السلام ع سهيل وعمي محمد
ام سهيل: سلامن يبلغ يا ولدي
سعيد: فمان الله
ام سهيل : الله يحفظك

وبعد ما طلع الدكتور وصك الباب والنيرس سوت اللي وصاها عليه الدكتور وطلعت ..منال وحصه انفجرن من الضحك
منال: ههههه سلامه حرام عليج
سلامه: شوه الحرام
حصه: طفرتي بالدكتور وانتي الا اتخبرين عن الكليه وعن الغياب
سلامه وبدت تنحرج: ابيه والله ما حسيت بعمري ابا اطلع
ام سهيل: اصبري يا بنتي بيرخصونج قريب
منال: لا واحلا شي يوم قالت له ....(تقلد سلامه) دكتور متى تفرجون عني
حصه وهوه رد وقال: (تقلد الدكتور ) ومن قال انج مسجونه
سلامه منحرجه وتضحك: بس لا قوم لكن
منال: لا لا ...قري محلج


بعد ها كله وخطف الوقت مرعليهن سهيل يلس شوي وياهن وسار يوصلهن البيت وتخبرهم اذا يبون شي ....سلامه وصت منال تيبلها كمن بجامه من البيت اذا هيه بطول في المستشفى ..ومرت الايام ع نفس الحال الدكتور اي كل يوم ويطمن ع سلامه ..ويسلم ع سهيل وبو سهيل وبدت العلاقه من بينهم تكبر اكثر واكثر ..سعيد اللي بدا يرابع سهيل ويسير وياه صوب الكرنيش..والمقهى عند الشباب..بعد ما يخلص الدوام والشهور بدت تمر مثل البرق سلامه بعد ما رجعت للكليه وكملت اوراقها وبدت بالعمل المهندي في شركه الفطيم لمده 3 شهور وخلصت ....منال اللي كانت تشتغل طول الوقت ولا ع السايتات اللي يطلبهن الاستاذ او القواعد اللي يبالهن مذاكره وحصه بالمثل وكانت تتصل كل يوم في هلها وتتطمن عليهم وتسمه اخبارهم والشهور مرت بسرعه واحين شهر مايو5 وما بقا ع شبابنا اللي في امريكا غير ثلاث اشهور وبيردون وراشد بدا يتعفا وترد له صحته وبقاله 3 شهور من العلاج ...نهيان اللي كان يرد كل اسبوع لدبي ...وييلس ويا بنات عمه واخته ويسولفون وبدا يطلع ويا سهيل صوب ربعه وتعرف ع سعيد ...في هل الشهر من كل سنه اتكون اجازه سعيد وقرر انه يغير من الروتين اللي يعيشه واشتاق للطله والكشتات وسيرات البر ....وفي نفس الوقت تفكريه بسلامه بدا يزيد يوم عن يوم ...وقرر انه يعزم عمه محمد الفلاسي وكل عياله صوبهم وخبر الاهل اكيد ولان ما كانت فيه فرصه للعايلتين عشان يزاورون حب يقرب من بينهم ......

سعيد في اول يوم من الاجازه والضحى قاعد في البيت ويا الوالده

ام سعيد: ولدي
سعيد: يالبيه يا عيون ولدج
ام سعيد: حرام اللي اتسويه في عمرك
سعيد: وانا شو سويت اذا الشغل هذي الاجازه ويت وبيلس شهر ع جبودكم
ام سعيد: الله يغربل هل الشغل
سعيد: ليش عاد
ام سعيد : يا ولدي انت بجري ولين الحين ما عرست وكل ما اقولك بخطب لك ماتبا
سعيد:..........
ام سعيد: يا بويه اذا نحن اليوم حيين باجر الله بياخذ امانته
سعيد: لا يامايا الله يعطيج طولة العمر انتي وابويه وتيوزون عيال عيالي بعد
ام سعيد وبدت تعصب: واذا عيال ما شفناهم ..
سعيد: يا اميه
ام سعيد: ماشي ....بخطبلك وبتعرس
سعيد: اصبري عليه ياميه بلاج جيه عليه
ام سعيد: مره ما بلاني شي
سعيد: خلينا من هل السالفه شو رايج نغير جو ونعزم قوم محمد الفلاسي
ام سعيد: سو اللي تباه
سعيد: افا زعلتي
ام سعيد: ........
سعيد قام من محله وحب امه ولوا عليها : فديتج يالغاليه اللي تبينه
ام سعيد: فديتك يا ولدي خلاص من باجر بخطب لك
سعيد: لا يامايا ...
ام سعيد: شو بعد لا
سعيد: انا بتخير اللي اباها
ام سعيد: كيفك شو تباني اسويبك المهم تعرس
سعيد: خلاص بس احين شو رايج بالعزيمه
ام سعيد: فالك طيب يا ولدي اللي تباه بيصير ......
سعيد: اوكي بنشاور الوالد المسا وبنشوف رايه ...اذا بنعزمهم عنا في البيت ولا العزبه
ام سعيد: اللي تشوفه
سعيد: عيل من رخصج بسير صوب الربع وبنقصر الدوب وياهم
ام سعيد: الله يحفظك يا ولدي
سعيد يحب راس امه: ويحفظج

 

[ضوى العيون]

الجزء التاسع عشر

وبعد ما طلع سعيد من البيت وسار يتحوط في السيتي شوي وتشرا اللي عيبه من عطور وسوع ...وبعد ما فات الوقت وقريب الظهر رد للبيت ...توضا وسار المسيد وتلاقى ويا ابوه هناك وخالد كان في الشركه هل الوقت وبعد ما صلوا ع النبي وردوا ....ام سعيد ما قصرت وحطت هذاك الغدا الفنان ...وتغدوا ..وبعد الغدا ...يلسوا يتقهويون ...وسعيد اللي فباله يعزم محمد الفلاسي وعياله قال لبوه

سعيد: بو سعيد شو رايك نعزم عمي محمد
بو سعيد: محمد الفلاسي....هيه يابويه ان شاء الله بنعزمهم
سعيد: متى عاد
بو سعيد: ع عرسك
سعيد بدا يضايق : لا يابويه عزيمة غدا ولا عشا هنيه عنا في البيت
بو سعيد: لا شورك فنان
سعيد: يعني خلاص
بو سعيد: تم يا ولدي
نوره: وما استوت العزايم الا في شهر 5 وان شاء الله انا متى بذاكر
سعيد: مب مشكله الا يوم واحد
نوره: هذا مب اي يوم ...اليوم فيه 24 ساعه..وكل ساعه60 دقيقه وكل دقيقه 60 ثانيه وايد يا اخي
خالد: بل عليج ....يالمصريه
نوره: حرمتك
خالد: مشكله اللي يعطيج ويه ....اقول سعيد ...منوه محمد الفلاسي
سعيد: تحيد ...يوم كنا نسير المدام نحن وابويه وويانا ريال اسمه محمد وعنده سهيل وناصر
خالد: هههههههيه هذا اللي يكفخني وياخذ الكوره
سعيد: هوه ...
خالد: زين والله ووين تلاقيتوا وشقا عرفته
نوره: عطه النشره بالتفصيل
سعيد: خلاف بخبرك ..المهم متى تبوني اعزمهم
بو سعيد: بالخميس
سعيد: عيل تم
ام سعيد: تبونه عشا ولا غدا
بوسعيد: والله مادري خلوا عشا
نوره: شوه شوابنا ناوين تخلون السهره صباحي
بوسعيد:يا بنتي الله يهديج بس قومي ذاكري ولا ارقدى لين العصر
نوره: ان شاء الله بقوم بس تعالوا عندهم بنات
سعيد: هيه ..
نوره: كم وشو اساميهن
سعيد: 3 ومادري باساميهن ...يالله فارجي اشوف
نوره: انزين من احين بدينا بالطرد
خالد: ههههههه راغوها
نوره تخز اخوها بعين: اصلا انا قلت احسن اقوم عن اليلسه بلا شغله وياكم
سعيد: خالد
خالد: امر بو عسكور
سعيد: قم خلنا نحوط صوب العزب شوي
بو سعيد: شو تبون بالحزاطه القايله استريحوا في البيت
سعيد: تولهت ع العزبه بسير اشوفها ...
خالد: ما يصير خاطرك الا طيب قم
سعيد: يالله شي فخاوطركم
بو سعيد وام سعيد: تسلم
خالد وسعيد بعد ما حبوا روس والديهم ركبوا في سياره سعيد وساروا صوب العزبه ...وشافوا البوش ..والرجاب وتخبروا الراعي عن احوالهن ويلسوا ع العرقوب..ويابلهم الراعي القهوه والشاهي وكان الوقت قريب العصر...

خالد: خبرني سهيل شو يشتغل
سعيد: نقيب ..
خالد: ممممم زين والله وناصر
سعيد: ناصر مثل ما سمعت مسافر ويا ولد عمه يدرسون في امريكا
خالد: يا حيهم وشو تخصصهم
سعيد: هندسه
خالد: سويت خير يوم عزمتهم ودي اشوفهم
سعيد: بتشوفهم وبتشبع منهم بعد
خالد: بنشوف بو عسكور ...اقول قوم الغالي نبا نلحق ع الصلاه في المسيد
سعيد: يالله قمنا ...

وبعد ما ركبوا السياره ...وسولفوا شوي وسعيد عزم ع خالد يسير وياه صوب سهيل وربعه اليوم المسا لانهم كل يوم يتيامعون ولافي المقهى ولاالكرنيش او ميلس واحد من الربع...

خالد: خلاص بترخص من الربع وبسير وياك
سعيد: عيل بتصل في سهيل وبوشفه وين سهرتهم اليوم
خالد: شو تسويله الحين العرب رقود
سعيد: لا مايرقد هل الوقت
خالد اوكي اتصله

سعيد وبعد ما اتصل في سهيل ...وسلم عليه وتخبر عن احواله

سعيد: وين السهره اليوم
سهيل: عاد اليوم السهره عني معزومين انت والربع ع العشا في البيت
سعيد: خلاص تم بس مادل بيتكم
سهيل: بدليك اياه مب مشكله
سعيد: ترا بيي ويايه ريال تعرفه
سهيل: مرحبا بك وبربيعك
سعيد: تسلم الشيخ....بس تعال تراكم معزومين ع العشا عنا ورا باجر بالخميس انت والاهل كلهم
سهيل: ان شاء الله بقول للاهل
سعيد: اوكي عيل برايك
سهيل: فمان الله
سعيد: الله يحفظك ياربي

وبعد ما سكر سعيد عن اسهيل نزلوا يصلون في المصلى وفي هل الوقت من بوم الاربعا ...البنات يردن من الدوام ...وفي السياره سلامه وحصه ومنال يسولفن عن البزنس فير والبازار السنه اللي فاتت

سلامه: الصراحه العام بوثنا كان احلا ...
حصه: هيه فنان وشي احلا من التراث ويا حلات الرزفه اللي استوت واليوله
منال: هيه رووووعه واحلا شي سندويجات الشوارما الصغار
حصه:اووووووه ما عنكن ذوق بوث قوم العنود احلا
سلامه: بس عاد هذا حلو وهذاك لا ...الصراحه انا يوعانه
منال مستغربه: كوولووووووووووووووووووليش ياعت البنت اقول بخش اخطف ع المحطه
سلامه: شو فيها شي عادي ...
حصه: يالله انا ابا ممممم اورنمين سي
سلامه: وانا باخذ الاتحاء اليوم الاربعا ووياها ملحق شعر وفن اموت فيه
منال: يا ويلي ع الشاعره يوعانه وبتاخذن مجله ظني الا الدكتور واصفلج مشهى جرايد
حصه: ههه حلو هاي
سلامه بستهتار: بااااااايخه
منال: خيبه الساعه قريب الخمس خلنا نرد البيت
حصه: هيه فديت اللي بيي صوبنا اليوم
منال بضيخ: اف نهيانوه الدب ......بس كشخه ظرابه
سلامه: الا حرب اذا انتي وهوه توافتوا
منال: ههههه
حصه: الله يعينك يا خوي احساسه مرهف
سلامه: يا ويلي ع الحساس
منال: بس عاد خلاص ما نبا المحطه بنسير البيت احسن
سلامه: والملحق
منال: طرشيه خلاف اييب لج
سلامه: اوكي

في هل الوقت اتصل سهيل ع مبايل سلامه

سهيل: شو هل التأخير
سلامه: تونا طالعين من الكليه
سهيل: هل الوقت عاد
سلامه: شو نسوي يعني
سهيل: خلاص خلاص ردن بسرعه ابا السياره
سلامه: ليش انا بطرش الدريول
سهيل: اجلي انا اباها
سلامه بدلع:سهيلللل وخاطر الغالين
منال تصارخ تبا تسمعه صوتها : وخاطر العنادي عنوده الدبه
سهيل: صكتي العنز اللي حذالج
سلامه تضحك: ثنتين اي وحده
سهيل: ام كشه منالوه
سلامه: ام كشه يقولج سهيل يالعنز اصكتي
منال متغيضه: انا العنز ماعليه اوكي انا اراويك
سهيل: شو بتسوي يعني
سلامه: ما عليك منها ما بتسوي شي نحن واصلين البيت اوكي برايك
سهيل: خلاص باي

وبعد ما سكر سهيل ...منال متغيضه ليش يسبي ويقولي يا العنز ان ما راويتك يا سهيلوه ...حصه تضحك عليها ...وسلامه اتشوفها بنضره استغراب......وبعد ما وصلن البيت ودخلن شافن ام سهيل يالسه ووياها سهيل ...يتقهوون ..

سهيل: الحمدلله ع السلامه
سلامه : الله يسلمك ياربي
منال اتخز سهيل: احم نيهان ما وصل
سهيل يقلدها: نهيان ما وصل
منال سارت صوب امها ولوت عليها : فديت اميمتي محلاها
سهيل يتقرب من امه: قومي يالله هذي امايا
منال: دب قوم لرشك بهل الما
سهيل: ما ترومين
منال متغيضه: ماروم هاه
سهيل: هه تهبين الا انتي
منال: اوكي تبا اتجرب
سهيل : ما ترومين

ام سهيل اضايجت من الحشره :قوم انت وياها دوم الا اتناقرون شو هل الخدمه
سلامه: بس عاد شو هذا
منال: براويك
سهيل: ههههه
منال قامت من محلها ومسكت كوب الماي اللي خذلها ورشته ع ويه سهيل ..سهيل اتغيض وربع وراها ....ويتحلف لها بس نجت باعجوبه
خلت حجرتها وقفلت الباب وسهيل ما كان فاضي لها هل الكثر ركب السياره الثانيه وحذها صوب الكراج...سلامه وحصه سارن فوق غيرن ملابسهم وزقر منال ..ويلسن في الصاله ويا ام سهيل

ام سهيل: سلامي اندوج كلي
سلامه: امايا مابا
ام سهيل: شو ما تبين كلي شي ولا خبيصه او هريس
سلامه: خلاف توني متغديه ما وحالي آكل
منال: خليها يامايا ع راحتها كلن يعرف مصلحته
حصه: مب مشكله انا باكل
منال: وانا بعد
ام سهيل: هني وعافيه بناتي ...
حصه ومنال: ع قلبج
سلامه: الا شو اخبارشيبتنا ابويه وينه ماله شوف
ام سهيل: في العزبه
سلامه : يا حيه
منال : ملل نبا نطلع
حصه: وين يعني
منال : ولا البحر او مطعم اي مكان
سلامه: احلمي منوه بيوديج
حصه: نهيان
سلامه: ماظني بيي تعبان ولا بيوديكن
ام سهيل : خلن عنكن الطلعه سهيل عازم ربعه ع العشا اليوم ...
منال: الله روعه
حصه مستغربه: وشوه الروعه
منال: لمة الشباب
سلامه: صدق ماشي شغل انزين يالغاليه ..شو تبينا انسويلهم عشا
ام سهيل : لا تسون شي سهيل ...بيوصي ع مشوي وبرايني من المطعم وسلطات وغيره
سلامه: زين عيل بسير اشوف الميلس ...وبرتبه
منال: قومي عيل ماشي غير هل الشغله
حصه: وانا بيي وياكن

البنات بعد ما قامن

ام سهيل: وبعد باجر معزمين
منال متفاجأه: منوه
ام سهيل: عند بو سعيد
سلامه: منوه بو سعيد
حصه : ليكون ولد الهاملي
ام سهيل :هوه
سلامه: شو هل العزيمه الغريبه
منال: يااااي روعه
سلامه : سمعوا انتوا اونه روعه قومي جدامي يالله
منال : انزين

وبعد ما سارن البنات صوب الميلس ورتبنه ودخننه وعطرنه وشغلن المكيفات سرن صوب حجرهن يصلن المغرب....ونزلن الصاله يشوفن التلفزيون في هل الوقت وصل نهيان وسلم عليهن وتخبر عن احوالهن

 

[ضوى العيون]

حصه: ايه يا نهيان تولهت عليك واااااااايد يا خوي
نهيان يحب راس حصه ويغايض: لا خليت من اخويتي بنت الغالي
منال: اقول سلامه مشكله اللي ما يعرف ايقايض
سلامه: هههههه الا بلوه
نهيان: الصوص وايدين اللي يغارون
حصه: هيه لا خليت منك انا
منال: احسن شي اتابع الفلم ولا اسمع رمسه المخبل
نهيان: ايه ام كشه شو تقصدين
منال: تعرف اقصد منوه
حصه: كله ولا اخويه انزين
منال: هذي والصوص فهمت وانت اونك عاد غشيم
نهيان: شوفي ام كشه انا مب فايق لحشرج
منال: احسن
نهيان : سلامه سهيل وينه
سلامه: طلع العصر ومارد لين الحين
نيهان: ليش وين سار
سلامه: مادري به بس اظني الا عازم ربعه ع العشا عنا
نهيان مستانس: يااااااسلام سهره شباب يعني زين والله .
سلامه: يا حيكم وبعد باجر معزومين عند عرب يعني لا تسونها سهره صباحيه
نهيان: منوه هل العرب
حصه: احم الله يسلم هذا الدكتور اللي عالج سلامي
نهيان مستغرب: دكتور ..؟شو السالفه
منال: طالعوا الغباء ...اسمع هذا الدكتور اسمه سعيد وابوه ربيع ابويه يعني ربع من زمان وتفارقوا يوم تحولنا عنهم
نهيان: وهذا الكلام العدل
منال: احم احم شفت عاد
نهيان: لا شفت ولاشي بقوم عنكم بسير برتاح لين آذان العشا اليوم السعرع صباحي
حصه: سير وخل عنك القرقر ما وراه فايده
سلامه: وانا بسير فوق
منال: شو تسوين
سلامه: تبن تعرفن شو بسوي تعالن ويايه

نهيان بعد ما سار لحجرته وارتاح اشوي ومنال وحصه وسلامه سارن فوق منال وحصه ميتات من الفضول يبن يعرفن سلامه شو بتسوي .....وبعد ما دخلن الغرفه وقعدن سلامه يلست مجابله الباب

منال: يالله شو بتسوين
سلامه: ماشي
حصه: احين قومتينا وفاتنا الفلم بس عشان اتقولين ماشي
سلامه: حشا يا الفضول ...اقول انا ييت عشان اجهز اللبس اللي بلبسه باجر في العزيمه ..
منال: وع شوه مستعيله ماندري متى بتكون
حصه: صح
سلامه سرحانه: ...............
منال: سلامي وين طرتي
سلامه: هاه الا هنيه ع الارض
حصه: ع الارض ولا ع السما

 

[ضوى العيون]

الجزء العشرين

سلامه: لا وياكن...بس المهم انا بطلع اللي بلبسه
حصه: ع راحتج بس انا بلبس بدله
منال: مي تو
سلامه: كيفكن والله اللي تبنه سونه
حصه: ظني الا اذن العشا
منال: هيه
سلامه: عيل قومن صلاه يا عباد الله
منال: اوكي بس ما قلتلي فيه سهر اليوم او لا
سلامه: بنسهر بس مب لين الساعه 3
حصه: احسن لان ورانا عزيمه


ونشن البنات يصلن العشا وبعدين نزل للصلاه يترين بو سهيل وقعدن سولفن وياه وتعشن ...وشافن التلفزيون شوي وفي هل الوقت الشباب مستانسين ....في الميلس ....سعيد وخالد ...تاقلموا ويا جو الربع وبدو يتقربون منهم اكثر واكثرلان ماشي احلا من الربعه الزينه ومن هل الشباب الطيبين ...نهيان بعد استانس وياد هل اليوم عزم ربعه ...بطي ويابر ويلسوا ربعاد لعبوا وره وقعدوا يسولفون عن العزب واشغالهم واسترجعوا الذكريات سعيد فعلا استانس وقال في خاطره ويني انا عن هل الجو اللي ما يتعوض ...حياتي كلها شغل في شغل ودراسه 6 سنين

في امريكا وفي هل الوقت عنهم الصبح راشد سار ويا امه للمستشفى وفعلا بدى شكله يتغير بالعلاج الكيماوي ....والشعر بدا يحت ..لا رموش ولا حواجب ولا لحيه او شنب .....بدى يحس ان شكله يخوف او انه ممومياء بروح انسان...بس بعد حاول يصبر ...الدكتور اللي اشرف ع علاجه ....قال له ان الورم خلاص زل نهائيا منه ويقدر يرد البلاد في اي وقت ..بس لازم بين كل ست اشهور يرد امريكا ويفحص مره ثانيه هذا الخبر اللي خلاه يستانس وام راشد ع تعبها وهم ولدها ...فرحت من كل قلبها وليش ما تفرح اذا هيه ام وتحس بعذاب ولدها واخيرا بترد للبلاد ...لدار زايد وبعد ما رودوا من المستشفى وبشروا مايد وناصر ...

مايد: تستاهل يا اخوي ..
راشد بفرح: تسلم يالغالي بس شوف شكلي كيف
ناصر: ما عليك يا بو سنيده الا شهر وشهرين بيشب الشعر مره ثانيه
راشد: ان شاء الله
مايد يقبض راشد من راسه: اشوف قرعك هاه شوف هذيه شعيره ...تبا شوري ..ادهن راسك هههههه
ام راشد: وابويه عليك انا شو بعد ادهن راسك هذي
مايد: يا اميه تراه مستعيل ع الشعر ...
ناصر: ههههههه لو انت محله بتمنى شكلك يرد مثل قبل
مايد: بسم الله عليه ....يا بوك انا بستعمل حمام زيت ولا بلسم
راشد: ههه يا ويلي عليك انا
ناصر: هيه يا راشد...شو ناوي ع ردة البلاد
راشد: اكيد تولهت ع بلادي وع الاهل والشغل وسهيل
مايد بضيج: يحظك والله بترد دبي آآآخ يا دبي محلاج ومحلا اللي ساكنين دبي
راشد بمكر: ومنوه ساكن دبي؟
مايد بستهتار: ما يبالها كلام هل دبي كلهم والعين وبوظبي
ناصر: متحيز الريال
ام راشد: يا عيالي بسكم ..احين خبروني ع شو ناوي يا راشد
راشد: والله يالغاليه برد ع اقرب طياره
ام راشد: زين ما سويت يا ولدي تولهت ع حصه ونهيان
مايد: وانا اكثر اقول لو بتخشوني في الشنطه وبتهربوني مب احسن
ناصر متغيض: صك الدعنه وانا بتخليني اروحي هنيه بين عيال الحمرا
مايد: وهذا اللي باط جبدي انت
راشد: حليله شو مسوبك
مايد: يا اخي هذا تويمي وين اسير لازم ويايه
ناصر: احم احم وبتلقى احلا واطيب من تويمك
مايد يمسك راس ناصر ويحبه ع خده: اكيد لا ..ولا حرمني الرب منك ياالغالي
ام راشد: الله يديم المحبه من بينكم يا عيالي
الكل: امين
ناصر: خلاص يا راشد ...بجهز كل شي وبحجزلك ع اول طياره لدبي
راشد: تسلم الغالي ...

وبعد ما اتصل ناصر للسفريات وحجز تذكرتين لراشد وام راشد...وكان الحجز بالجمعه ..يعني ان شاء الله يوم السبت المسا بيكونون في دبي ...مايد اللي تمنى من كل قلبه يرد لبلاده في اقرب فرصه حس بالضيج وتمنى لو يكون بدال اخوه ويرد بس اكيد وجود ناصر يخفف عليه ...ناصر مها يكون غالي ع قلبه ....واللي يغليه قلبك يريحك وجوده...وحاول يستحمل هل الشهرين بس الايام تركض...ونحن ما نحس فيها ...وهذا اللي يجدد الامل ويريح قلبه .......

شبابا في دبي واللي عيبتهم السهر ...واستانسوا ع القعده واللمه واتفقوا ان يكون لهم وقت ...خصوصي لهم في اليوك اند...ويلتمون مره ثانيه وثالثه ورابعه..والساعه قربت ع الثلاث وكلن سار لبيته....نيهان وسهيل ساروا يرقدون وهم واصلين صوب حجرتهم طلعن البنات وكانن بعدهن واعيات

نهيان: اعوذ بالله من الشيطان الرجيم
سهيل: شو تسون لين احين واعيات
منال: سهيلوم مالي كلام وياك ..وانت يا الدب شو جايف جدامك ام دويس
نهيان: هههههههههه هيه وانتي الصادقه
سهيل: عيب عليج شو هل الرمسه احترمي اللي اكبر عنج
حصه: شور اكيد
منال: هه والله ....احترمي اللي اكبر عنج وانا مالي احترام
سهيل: محشومه يا بنت محمد وامحيلنا ان تعبان وبرقد
سلامه : سيروا ارتاحوا احسن من الحرب اللي بتشب علينا
نهيان: صح

سهيل فتحت الباب وبيدخل حجرته
سلامه: سهيل لحظه قبل لنسى
سهيل: امري سلامي
سلامه: العزيمه متى
سهيل: فليل ..عزيمه عشا
سلامه: اها اوكي
سهيل: وليش اتخبرين
سلامه: بس عشان اجهز وبالمره ارتب اموري
سهيل: زين يالله الحين سيري رقاد السهر يضرج
سلامه: ان شاء الله تامر امر

سلامه وبعد مارت للحجره وشافت منال وحصه يالسات .....قلت لهن ان العزيمه بتكون عشا ...وبدن يفكر ويتخيل باجر ...كيف بيكون ...واذا عندهم بنات ع سنهن ...منال اللي كانت يالسه تهيأ لها انها سمعت صوت التيلفون ...وفي نفس الوقت حصه تاكد لها انه ما تسمع شي

سلامه: انا سمعته
منال: بسم الله منو يعني اللي بيتصل هل الوقت
سلامه: مادري والله
حصه: خلنا ننزل تحت ونتاكد ...بسير اشوف الكاشف
نزلت حصه ووراها منال وسلامه .....وبم شافت الكاشف ..طلع لها مكالمه خارجيه

حصه: يمكن قوم امايا مسوين تيلفون
منال: يمكن
سلامه: بس هل الوقت ماظني يتصلون وهم يعرفون ان العرب رقود هل الوقت

في هل اللحظه رن التيلفون ....

منال: انا برد
حصه: اوكي

منال بعد ما رفعت السماعه

منال: الو
مايد واللي من سمع هل الالو انقبض قلبه: الو السلام عليكم
منال وكانها ماعرفت صوت ولد عمها: وعليكم السلام والرحمه اخوي
مايد شكلها ماعرفتني ما تنلام : شحالج منال
منال وهيه خايفه: بخير انت منوه
مايد يضحك:ههههههههه
منال وع ويها الخوف : انت منوه
مايد: انا مايد
منال: مايد ولد ثاني ولد عمي
مايد: هيه بشحمه ولحمه
منال وارتاح قلبها: خوفتني يا اخي وانا اقول منوه هذا اللي يعرف اسمي
مايد: ثرج خوافه
منال منحرجه: لا مب وايد
حصه: عطيني السماعه برمس اخويه
مايد: هاي حصوه اللي حذالج
منال: هيه تبا ترمسك
مايد وفي خاطرها هذا وقته يا حصوه: اوكي عطيني اياها
حصه وبعد ما سلمت ع اخوها وقالت له انها مشتاقه له ولهلها قال لها ان خلاص راشد وامه بيردون دبي يوم السبت فليل وانهم اليوم او بالاخص من بعد شوي بطير طيارتهم ...استانست حصه ومنال وسلامه لانهم خلاص بيردون البلاد

مايد: اوكي حصوص عطيني منال ناصر يبا يرمسها(جذبه صغيره ما تظر
حصه: اف اوكي
مايد لزقه هل الاخت: هلا منال
منال مستغربه من اسلوبه: اهلين وين ناصر
مايد ياربي شو قلت ناصر راقد وهيه تبا ترمسه: هاه لا توه كان حذالي وخلاف سار يرقد وقال انه يسلم عليكم كلكم وسلمي ع عمي وحرمة عمي والكل
منال: اها سلامن يبلغ ان شاء الله اوكي ما بنطول عليك
مايد بيموت محله: اوكي مه السلامه
منال: الله يحفظك

وبعد ما بند مايد عن هل دبي سار بيرقد لكن آخ وينه وين الرقاد عنه ..صوت الغالين طير النوم من عينه...ومنال اللي كانت مستغربه من ولد عمها وحصه اللي تمت تحقق ويا منال ..كلمتي ناصر ....شو يبا مايد ومن هل الرمسه اللي ما وراها فايده

منال: حوووووووه خوزي عني بسير ارقد
سلامه: هيه ورانا عزيمه
حصه: لا والله لازم اتقوليلي شو يبا
منال: هذا مب وقته قومي ارقدي
حصه بدلع: لالا خبريني
سلامه: يا حبي يا روحي انتي قومي يالله وخلي عنج الفضول
منال: الفضول يقتل صاحبه...جميع الحقوق محفوظه لمنال الفلاسي
حصه: ماوراج فايد يا ام الامثال وليتهن صحيحه ..تزوير..ولا..(تقلد منال) جميع الحقوق محفوظه لمنال الفلاسي ....
منال ماسكه المخده وتفرها ع حصه وتركض صوب حجرتها وحصه اللي يغيضت وفي الاخير قالت ماله داعي اظارب وياها هل الوقت عمي راقد ومابا ازعجه سلامه اللي كانت هلكانه من التعب سارت حجرتها ورقدت ولا عليها من منال وحصه ....وبعد مارقن وبعد هل اليوم اللي تعبن فيه من الدوام والعزيمه والظرابه او الحفله اللي يسونها كل ويك اند....نشن ع صياح شواخي اللي هل المره ما سارت ويا ابوها العزبه ......والساعه حدود 12 الظهر ...وشواخي ماخذه كرة صوف ...اللي في حجره سلامه وتفرها عليها وتوعيها ودخلت ع حصه وبعد وعتها ويوم دخلت ع منال ما فاد فيها شي ...قالت في خاطرها هذي دارم حديد راكد محله ....شافت كود الماي اللي ع الطاوله وجبته ع راس منال وشردت

منال تصارخ: اوووووووووووووووووه منوه هذي
سلامه ع صريخ منال سارت لها وهيه تثاوب: هاه شو بلاج حشره
منال بعد ما رفعت راسها : شوفي
سلامه من اللي شافته ماقدرت تصكت: ههههههههه هههه شو هذا طاعي شكلج
منال: اضحي انتي بس انا اعرف انا شواخي ساس البلا اللي راشه الماي
سلامه: ما عليه قومي يالله قريب الاذان
منال: اف انزين بنقوم

سلامه بعد ما طلعت سارت تبدل ملابسها وترتب شكلها منال بعد ما خاست من الماي قامت قصبن عنها ........وحصه قامت وسارت بسرعه تحت اتبشر ام سهيل .... وبعد ما سلمت عليها

 

[ضوى العيون]

حصه: امايا امس اتصل بنا مايد
ام سهيل: يا حيه وشحاله وشحا ل ناصر والاهل
حصه مستانسه: كلهم بخير وسهاله الا مادريتي يا امايا راشد وامي بيردون
ام سهيل والفرح شل قلبها: والله ...يستاهلون الله يردهم بالسلامه ...
حصه: يارب متى بيي عمي وببشره
ام سهيل: احين قريب وقت الغدا خبريه يوم بيي
حصه: ان شاء الله ....
سلامه ومنال كان نازلات من فوق سايرات صوب الصاله ومنال اتلفت يمين ويسار ....ونست اتسلم ع امها واول ما شافتها

منال: وين هل المقوي
ام سهيل: حشا يا بوك سلمي
منال: اسمحيلي يالغاليه ...صباح الخير

منال وكانت وقافه اتريا سلامه اتحب راس امها واسير هيه وتحب امها ....
حصه: قصدج مسا الخير
منال: كله واحد الساع
ام سهيل: يابني بلاج دوم اتصارخين واتزاعقين ..ما يسوى عليج ..انتى حرمه عوده وباجر بتعرسين ..ما يصير
منال: يا مايا انتي لو شفتي شويخ شو سوت ...رشتني بالما
سلامه: حليلها ياهل
ام سهيل: لا تحطين دوبج في دوبها وغدي اخير عنها
حصه: يت توعيني اليوم بس ما سوت بي جيه
سلامه: هذا لانج نشيتي من يوم وعج بس منال رقادها ثقيل
حصه: اها عيل تستاهيلن ما ياج
منال: لا والله بس بطوفها شو اسوي ....
ام سهيل: جيه اباج يا بنيتي الله يكملج بعقلج
سلامه: يارب

اذن الظهر وسارن يصلن وبعد الصلاه رد للصلاه وبو سهيل كان ياي من المسيد ..ونهيان وسهيل ...وصلوا بعده ويلسوا شوي ...حصه ماقدرت تصكت وقالت لعمها ان راشد ...وامها بييون ورا باجر

بوسهيل: الله يبشرج بالخير يا بنتي
نهيان: يعني بيون بالسبت
حصه: هيه فليل
سهيل: زين والله محلا هل الخبر
بوسهيل: نذرن علي اني اسوي له عزيمه ما استوت الا عرس هذا الغالي ولد الغالي

سلامه اللي كانت قاعده وتسمع رمستهم ..حاولت اتسد اذنها ولا تسمع اي شي يخص ..راشد ..مادري ليش تحس انها تكرهه او تحبه بس في كل الاحوال هذا ولد عمها ...ولد عمها اللي عمره ما حس فيها يوم قال..هذا طيش شباب ..بنت عمه اللي اللي المفروض يحرص ع شعورها لانها انسان مب سياره او جماد...حاولت تنسى بس عمره الانسان ما ينسى جروحه جروحه اللي اندفنت في قلبه.......خلاص اعتبرت كل شي انتهى ...راشد ولاشي في حياتي ولو كان يحبني ولا صار اللي صار بتكون فرحتي اكثر من فرحه ابوي ...

تغدوا الشباب والشواب ...وتقهوا بعد الغدا وسولفوا ع عزيمه الليله بو سهيل وصى سهيل ايقول لبخش اييب فواله من السوق ....وكمن تيس من العزبه ويوديهن صوب بيت حميد بن سيف ....وبالبنات بعد طلع نهيان وسهيل وياه ....سارن حجرتهن ويلسن يسولفن وحد يقرا المجله وسلامه ع الانترنت وحصه: تعلب بالبرامج اللي في لبتوبها ومر الوقت بسرعه...وبعد صلاه المغرب ...الكل حاول انه يجهز بسرعه ...منال ما تعرف شو بتلبس وهيه محتاره بين تنوه الجنز او التنوره البيضا ..و سلامه اللي كانت اتجحل وحطت قلوس ع الخفيف وحصوه اللي محتشره لان ام سهيل اترياهن تحت ونهيان محتشره .....

حصه: يالله عاد ما تسمعن الهرنات
منال: اوه هذا انهيانوه الدب
حصه: بس عاد مصختنها
منال: اقول سيري انتي وياسلامه لانكن خلصتن وانا بيي ويا سهيل
حصه : اوكي

سلامه وحصه بعد ما نزل وسان صوب السياره ونهيان اللي تخبر عن منال وقالن له انها بتي ويا سهيل .....وركبوا السياره وساروا صوب بيت حميد ..نهيان اكيد ما كان يدل الدرب بس اتصل في خالد اللي خذ رقمه امس....ودلاه بيتهم ......منال بعدها ما ترعف شو تسوي ...انحلت سالفه التنوه والحين الجحال ....

منال وهيه جدام المنظره والباب مفتوح: اف شو هذا عين صغيره والثانيه كبيره

وقعدت اتضبط الجحال سهيل يوم سمع صوتها ياي من الحجره واستغرب انها بعدها في البيت والكل محد

سهيل: منال شو تسوين
منال: ساروا عني وانا بسير وياك
سهيل: لا والله
منال: خلاص بيي ويا ابويه
سهيل: لا ابويه ما بيخطف البيت
منال: عيل
سهيل: خلصي بسرعه ويالله سرنا
منال: اوكي انا اوريدي خلصت

سهيل ومنال طلعوا من البيت....ونهيان واللي وياه قدهم واصلين بيت حميد والكل كان مرتبش ...نوره اللي كانت ويا امها واتعاونها باللي تباه ..سعيد اللي فرحته ما تنوصف وخيرا قدر يتوالف ويا هل العرب واذ تقرب منهم اكثر بيكون من معزه ناصر وسهيل ....وبهل الحاله بيربح الكنز اللي شهرين وهوه يحلم فيه سلامه اللي دخلت عالمه فجأه وهوه اللي ما كان متوقع ان قلبه يطيح بين ايد سلامه ..حس بعمره ولاول مره ان مريض ويتريا العلاج ....سهيل ومنال بعدهم ما وصلو في هل الوقت رن تيلفون سهيل والمتصله عنود في العاده اذا كان ابروحه في السياره يحطه ع الاسبيكر بس احين شو الحل منالوه هنيه وانا برمس العنود ولو يبت طاريها بتنطرفي حلجي ومحد يدري اني ارمسها ..وبعدين مب حرام اني ارمسها عنود حرمتي ع سنه الله ورسوله ...المهم شل التيلفون

سهيل: مرحبا ملايين ولا يسدن ببو شهاب
عنود تضحك: مرحب باجي ....
سهيل: جيف الحال الغالي تولهنا عليك وين انت
عنود بخجل وفي قلبها(فديت اللي تولهوا عليه): بخير وسهاله وانا بعد تولهت عليك

منال اللي يالسه تنبش في السياره وسهيل ياطاعها

سهيل: اييه منالوه شله تنبشين
منال: ادور الشرايط
سهيل: خوزي ايدج هذا شريط عيضه
منال: ما عنك غيره
سهيل: لا وحطيه وبس

منال اللي قالت في خاطرها سهيل ويكلم ريال وياب طاري اسمي عادي ..شو السالفه معقوله يكون عمي احمد لا ما اعتقد ....شكله واحد ما شافه من زمان ....بس يمكن زل السانه بسمي ...وخذت السالفه عادي

سهيل بعد مارد : الو سمحلي الغالي
عنود: ههههههه مسموح حبي منال وياك
سهيل: هيه والله شو نسوي
عنود: غريبه
سهيل: لا مب غريبه الا ساير صوب عرب عازمينا
عنود: اها يا حيك عيل برايك وهالله هالله بالسواقه لا تسرع
سهيل: افا عليك من اعيوني لو تبى عيني بس دخيلك لا تسهرها
عنود: فيدت عيونك بس لا تخرب الشكله
سهيل: اوكي الغالي شي فخاطرج
عنود: لا تسلم
سهيل: الله يسلم غاليك ياربي
عنود: فمان الله
سهيل: الله يحفظك

سهيل وبعد ما بند منال قالت يالله بتخبره يمكن عمي بس ترددت يمكن يكون مب عمي وابتلش ويا سهيل ويقولي شو لج انتي اتخبرين عن اللي ارمسه واللي ما ارمسه ..واحسلي اصكت واكفي سهيل شري ويكفيني شره ..وصكت لين ما وصلو البيت .....

الكل وصل والوقت الساعه 8 بو سهيل بعد كان موجود وتلاقا ويا ربيعه وسلم عليه وتم لاوي عليه ....والشباب ..كلن سلم ع ربيعه وقربوا بهم ...ويابولهم القهوه والفواله السنعه ..والبنات وام سهيل ...دخلن عند الحرمات وسلمن عليهم ....اليازيه ..ام اسعيد...فرحة لشوفة مريم ....والبنات بعد صح ما كانن يذكرن اليازيه وعيالها ...بس من شافوهم حسوا بطيبتهم ...وتفاولن الحرمات وقعدوا يسولفون ....الحرمات الكبار اروحهن ..والبنات سارن يا نوره صوب حجرتها ويلسن يسولفن ..نوره حبت البنات وايد لانهن حبوبات ويشفن المجروح ...

سلامه: الا يا نوره ما لتيلنا اي سنه انتي
نوره: الله يسلمج ثالث ثانوي
منال: الله يعينج بلا
نوره: هيه والله
حصه: هالله هالله بالمذاكره والنتيجه السنه
نوره: لا توصين حريص قدها وقدود ....
منال: اكيد
نوره: هيه لاني طالعه ع سعود في الدراسه اجبشن
البنات يضحكن: حرام عليج
نوره : لا والله صدق ولا ما كنت اتوقعه يكون دكتور
سلامه: قولي الحمدلله ع كل حال وان شاء الله انشوفج دكتوره
نوره: لا الله يخليج ..انا باخذ لي دبلوم وبس
منال: هههههه الاخت شراتي شكلج ما تحبين الدراسه
نوره: هيه والله لوعة جبد بس مادري شو اللي يجبرني ويخليني اذاكر
سلامه: الضمير
نوره: مي بي
حصه: احلا شي انج بتكونين في كليتنا عيل بنتشاوف وياج وبتعرفين ع ربعنا الريم وعنادي خطيبه سهيل
نوره: والله ابركها من ساعه يوم بخاويكن
سلامه: تسملين حبوبه
نوره: الله يسلملي غاليج ياربي
سلامه تبتسم

وبعد هل الرمسه واذن عليهم العشا ساروا يصلون وبعد الصلاه ...سارت نوره ويا الخدامه يجهزن عشا الرياييل قبل لا ايون من المسيد بس سلامه وحصه ومنال اصرن انهن يعاوننها ولو ان نوره كانت رافضه ع اساس انهم ضيوف واول مره ايونهم ومب حلوه في حقهم ...وبعد ما زهبن كل شي وسارت منال ويا حصه صوب ام سهيل ...وسلامه ونوره سارن ويا البشكار ع اساس يرتبن البقعه ....ويلسن يرتبن ..سلامه اللي كانت قاعده تضحك من سوالف نوره .وهيه ترتب وطاحت شيلتها ع جتفها لانها كانت ماسكه الصحون ......ونوره ترتب المطعم....سعيد واللي يا قبل الرياييل ..عشان يشوف ترتيبات العشا دخل الميلس من دون لا يعرف ان فيه حد موجود وسمع رمسه وضحك استغرب ويم سار صوب المطعم وسلامه اللي كانت مجابله الباب ونوره ترتب.....ماحست الا عينها تي فعين سعيد..وردت شيلتها وتغشت ...لانها صدق احرجها الموقف نوره ..اللي استغربت من ييه اخوها ....بس سلامه طلعت وسعيد اللي من شافها انبهر بجمالها ولو انها كان شكلها عدي بس بعد كان حلاتها غير صعب ان الواحد يوصفها بجمالها وتم مسطن محله ...ونوره حطت كل شي محله

نوره : هيه سعيد وينك ...
سعيد: هاه هنيه
نوره: اسميك شو سويت ليش ما اتصلت قبل لا تي البيت
سعيد: نسيت والله
نوره: شو الفايده الحين احرجت البنت وهيه بلا شيله
سعيد: خلاص السموحه منج ومنها شو دراني انج وياها ترتبن ع بالي ميري
نوره: هه ميري ...اقول رتبت كل شي وانا بسير صوب الحرمات
سعيد: اوكي
وبعد ما طلعت نوره وسعيداللي يلس في الميلس ..وويه قافط مايعرف شو هل الموقف الغريب اللي حصله بس في نفس الوقت استانس ...وسلامه اللي ردت للحرمات وويها محمروشو هل الموقف اللي ابتليت فيه وشو كاظني ما اعدل شيلتي يا فضحتي من الريال مجابله الباب وبلا شيله ......وحاولت انها اتكون عاديه بتصرفاتها...وسعيد بالمثل بس وللصدفه وهوه يالس ع الغنفه حس بشي ورا ضهره ولقا مبايل وراه .....ومكتوب عليه(سلامه *دمعه حزن*) استغرب شو دمعه حزن وهذا تيلفونها االمهم تلاحق عمره قبل لا يوصلون الريايل واتصل في نوره عشان يعطيها المبايل وسلامه من يوم شافت مبايلها قالت في خاطرها ....انا الخبله ليش انساه ع الغنفه شو هل الحاله ...

 

[ضوى العيون]

الجزء الحادي والعشرون

نوره تقول في خاطرها ...حليلك يا سعيد ...شكله بيموت محله لان نوره ومن شافت سلامه انبهرت بجمالها الهادي ....هذا وهيه بدوم ميك اب...وبعد ما وصلوا الرياييل البيت تعشوا هذاك العشا الفنان اللي طابختنه ام سعيد ....والحرمات بالمثل تعشن وبعد العشا يلسوا شوي يسولفون ويتقهون وع حدود الساعه 11 سهيل اتصل بامه والبنات وقالهم انهم بيسرون .....طلعن البنات بعد ما سلمن وقالن ان العزيمه اليايه ان شاء الله بتكون عندهم ...ام سهيل وبو سهيل وشاخي ركبوا في سياره وسهيل راح بحروحه ونهيان ويا البنات في سياره ...واكيد مثل كل مره ...

منال يالسه ع الكرسي اللي ورا نهيان: نيهانوه حط لنا شريط
نهيان: ماشي يالله
منال: اف ملينا من الاف ام شو يعني غصب هوه
نهيان: عن الحشره انا بروحي تعبان
حصه تشوف جدامها شريط: هذا شريط خالد عبد الرحمن احطه
نهيان: هيه
منال: لا والله شمعنى انا يوم قلت لك ما طعت
نهيان: لانج ام كشه ممكن تصكتين
منال: لا
نهيان: والله لفرج هنيه في البر ..وخلي الثعالب اتهجم عليك
نهيان: ما تروم انت اصلا
سلامه: بس حرام عليكم شو هل الحشره
منال: ما تشوفين ولد عمج المصون
سلامه: خليه طفرتي به
حصه بحزن: خلاص يومين وبتفتكين منا
منال حست بضيج: لا انا احبكم ولا تسيرون بيتكم تمو عنا
نهيان: بدينا حركات اليهال
منال:........
حصه:نهيان
نهيان: هاه شو تبين
حصه: اوعدني
نهيان: اوعدج بشوه تبيني اعرس فالج طيب
حصه: طاعوا هذا وين وانا وين ..اسمع
نهيان قابض اذنه ويقربها: شو
حصه: هههههههه لازم كل ويك اند تيبني بيت عمي محمد ....وبعد انت تي ويانا
نهيان: لا والله وامايا وراشد
حصه: اوكي انت برايك مرخوص بس انا ارحموني ع الاقل في الويك اند
نهيان: يصير خير ان شاء الله
سلامه: شي حلو وانت بعد تعالناع الاقل بالخميس
نهيان: وليش لا بنيكم كلنا
منال: هذا العشم فيك يا ولد العم
نهيان: لازم مب شيخج
منال: شيخي فعينك ..آل شيخي آل
الكل: هههههههههههه
نهيان: دبه
منال: حرمك الدبه
نهيان: تراهج اتسبين وايد
منال: انت تنرفزني
سلامه: بخبرك عاد بتصكت عنها ولا شوه
نهيان: خلاص وصلنا البيت هيه بتنجلع وانا بسير ارقد

وبعد ما وصلو البيت ..بو سهيل وام سهيل ..دخلو يرقدون وشاوخي اللي رقدت عليهم في السياره يت ليندا وشلتها ....منال وسلامه وحصه كل وحده فيهن سارت تبدل وبعدين ردن يلسن في الصاله ونهيان اللي سار حجرته يبا يرقد ما ياه الرقاد وقال بنزل الصاله بس لقى البنات هناك...وهوه ماله بارض لمنال ولا لحشرتها ...قال بيلس وبلعب ورقه ويا اللي بيلعب

نهيان: حد بيلعب ويايه ورقه
سلامه: انا
حصه: وانا ماعرف ماشي كيرم
منال: هيه اكيد شي لحظه بييبها
منال سارت تيب الكيرم وبهد ما وصلت

نهيان: شو كل واحد اروحه ولا فريق
منال: لا كل واحد اروحه بغسلكم كلكم
حصه: هههههه ماترومين
سلامه: لا تستهينون بها تراها تلعبها عدل
منال: احم احم يالله بدينا


ويلسوا يلعبون منال اللي كل ما اي دورها وادخل عشر او خمس نهيان ياكلها وفي نفس الوقت كان ياخذ الحبوب اللي حذال ...

منال: تعال انت كم عنك
نهيان: ماشي غير 30
منال: خيبه يا الجذب عن الغش يالله ردهن
نهيان: لا هب رادنهن وبعدين انا شريف ما اصرق
حصه: هههههههههههه ردهن يالله
نهيان: تحلمن الا انتن
سلامه: عادي نهيان بنتساوى صفر صفر
نهيان: كملي وان ما تبن بقوم ارقد
منال: ردهن يالله
نهيان: ام كشه اصكتي وبسج ..حشا تشفطين الحبوب شفط
منال: هب هباك الله بتاكلني ..اقول لا ما بلع(وقامت ويلست ع الغنه)
حصه: تعالي
منال: لا خلاص مليت من الصبح وانا العب المهم غسلتكم في الدورين
نهيان: شو تبينها الصوص برايها تولي
منال: ما برد عليك اوكي
نهيان: احسن بعد
سلامه: انتوا ملل ملل ملل انا بقوم وبدخل النت ابرك
حصه: وانا بيي وياج
نهيان: تعالي انا من زمان ما دخلت النت ..بقوم وياكن
سلامه: اوكي

منال اللي يلست اتطالع التيلفزيون ...وسلامه ويا حصه ونهيان ساروا الطابق الثاني ويلسوا ع النت يجلون في هل المواقع والمنتديات واللي يشيك ع ايميله ومر الوقت ووصلت الساعه ثنين كل واحد منهم سار وحط راسه لان باجر الجمعه.....ولازم اينشون من وقت

في هل الوقت ...راشد وام راشد .....بعدهم في الطياره وبعد ما ينزلون لندن لمده ساعتين بيردون بيركبون طياره ثانيه توديهم مطار دبي الدولي ...يوم الجمعه والك لتعبان من العزيمه والسهر البنات نشن من وقت ومنال الل يتمت راقده لين الظهر وبالنسبه لام سهيل ..طلعت الحديقه تشوف الزر وتوصلي الزراع عليهن ...نهيان وسهيل بعدهم رقود وع الساعه 11 ونص نشوا من الرقاد عشان يتسبحون ويسيرون يصلون الجمعه ...وبعد الصلاه ...وبعد ما تغدوا ويلسوا يتقهوون مثل كل يوم سهيل ....واللي كان معزم ما يعرس الا يوم بيوصل راشد وبيتعافا وهذا هوه تعافى من مرضه...وبيرد باجر وحب انه يقرب العرس قبل سبعه...

سهيل يرمس ابوه: ابويه
بو سهيل: يالبيه يا ولدي امر
سهيل متردد: بيتي ومثل ما تشوف خلص وما بقا غير الاثاث والديكور وان شاء الله ببدا من باجر وبأثثه...
بو سهيل: مبروك يا ولدي
سهيل: الله يبارك فيك ياربي ابويه ان شاء الله باجر المسا بيكون راشد في البلاد ..وانا يوم ملجت قلت ما بعرس لين ما يرد خويه من العلاج
بوسهيل: وهذا الزين يا ولدي
منال: سهيل انا اعرف شو تبا
سهيل: عن الرزه
نهيان: هاي امبونها رزه
بو سهيل: خلو بنتي فحالها براها ترتز
سلامه: هههههههه عطوها الجرين لايت يالله ارتزي
منال: هههههههه لازم شيختكم المهم ابويه بقولك اللي يباه سهيل وبالمختصر المفيد
سهيل: قوي يالفهيم
منال: يبا يعرس ...ويفتك صبر 5 اشهور
سهيل: الحمدلله والشكر
منال: مب هذا اللي تباه
سهيل: هيه هذا اللي وبسج عن الزره
ام سهيل تضحك: وشله مستعيل يا بوك اصبر الا شهر وبيرد اخوك
سهيل: ما عليه بنصبر شهر وشهرين بعد بس انا بعد
سلامه: اوكي احسن لين ما نخلص السنه ونتخرج
سهيل: ان شاء الله بس في هل الشهرين اباج تين ويايه تاثثين البيت
سلامه: من عيوني
سهيل : تسلمين يالغاليه
منال: وانا مالي رب اتودوني وياكم
حصه: لا انتي يلسي ويايه
منال: شو ياج بتردون بيتكم
حصه: لا تذكريني
نهيان: حشرتنا نبا نسمع


بو سهيل وام سهيل ساروا يرقدون لين اذان العصر.....منال وسلامه وحصه كل وحده منهن سارت اجهز اغرضها ليوم السبت ونهيان اللي سار يرقد شوي لين الاذان عشان يرد الكليه وسهيل طلع يحوط ...وبعد ما اذن وكل نش يصلي ونهيان اللي سلم ع الكل وسار الكليه ....ويوم السبت والكل فرح ليية راشد وامه ام سهيل من الصبح سارت صوب بيت الثاني ويا البشكار والخدامه ..ورتبوا البيت كله وسنعوه ودخنوه والبنات اللي في الكليه وبعد ما ردن ......خلصن واجباتهن ...سلامه وبعد ما درت ان الطياره بتوصل ع الساعه 8 وحصه اللي من لهفتها لشوفة اهلها عزرت ع عمها تسير تستقبلهم في المطار ...هيه وسهيل ومنال ...سلامه اللي كانت متردده اتسير ولا لا في هل الحاله قررت اتسير وتكون كول وعاديه ..شو يعني ليش ما سير ...خلاص راشد ولاشي في حياتي ولا في حياته كل شي انتهى من سنين ولازم اكون راسه ع الواقع ولا انجذب للخيال ....بنساه بنساه ولو اني ماقدر انساه
حصه وبعد ما صلت المغرب ويلست وشوي ترتب اوراقها سارت لسلامه وقالتلها انهم بيطعون الساعه سبع ونص وبيسيرون صوب المطار

سلامه: اوكي الصوص
حصه: قومي اجهزي
سلامه: اوريدي جاهزه
حصه: زين عيل منالوه وين
سلامه: تلقينها مجابله التلفيزيون
حصه: ترا ماشي شغل سي دي 2 ما تنلام
سلامه: هيه والله ع ايامنا كنا نكال الاوراق بس عشان درجتين
حصه: ما يسوى علينا الصراحه
سلامه: اكيد
حصه: تدرين ان عمي قالي مساعه انهم بيسوي عزيمه
سلامه: هيه اللي طراها هذاك اليوم
حصه: ايوه بس قلناله ايأجلها ع الخميس عشان بنعزم قوم نوره وخالتج وعموتنا
سلامه: حلو
حصه: ياااسلام شكلها عرس مب عزيمه
سلامه: هذا ابويه اذا قال شي لازم ايسويه
حصه: فديته الله يخليه لنا يارب
سلامه: ان شاء الله ولا يحرمنا منه
حصه: اوكي بسير لمنال وبشوفها

 

[ضوى العيون]

منال سمعت الصوص تطريها وهيه كانت يايه صوب حجرة سلامه
منال: شبيك لبيك منال بكبرها بين ايديج امري وادللي الصوص
حصه: فديتني اي شي
منال: اللي تبينه..
حصه: افتك منج
منال: ان شاء الله ....

منال سارت صوب الدريشه وفتحتها وحطت ريلها ع حد البلكونه

سلامه : حووووووه خبيلنا شو تسوين
منال: انفذ
حصه: لا مب جيه لا تنتحرين
منال: كيف عيل تبين تفتكين مني
حصه: لا يعني اتعرسين
منال: والله يارب الله يسمع منج ياربي وياخذني اللي فبالي
حصه: منوه هذا كومار بشار اليران
منال: يخسي الا هوه هذا شيخ كومار وطوايفه وعمج بعد
حصه: بل هذا كله ...
منال: هيه شو عيل هذا ريل منال شيختكم مب اي واحد
سلامه: خل عاد والكوبه
منال: سليم عن الغلط
سلامه: ههههههههه صدقت وانا اقدر
منال: هيه جيه اباج
حصه:منوه هل اللي فبالج
منال: تعرفين عامر اللي فوادي السحتني هذا هوه
حصه: صدق اانج دبه
سلامه: وانا ما انكر
منال: اف نسيتني ..سهيل اتصل وقال احين بيي وما يباكن اتحيسن بسرعه اترينه عند الدروازه
حصه: لا والله في الحر وعند الدروازه والسياير اتخط يمين وشمال
سلامه: هههههههههه ذكرتيني من سنتين يوم امي يايه من العمره كنا يالسن انترياها عند الباب ...
منال: هههههههه الله يغربله كنا ع العرقوب هذاك الوقت
سلامه: هيه
حصه: وبعدين
سلامه: اقولج انا ومنال يالسات ع العرقون جن يخطف علينا واحد مطول ع المسجل وحاطلج ميحد....فج الدريشه واونه يفر الرق
حصه: خيبه شو سويتن
سلامه: شو سوينا بعد حدرنا داخل ويلسنا في الحوش
حصه: يا حيكن مطفوخ هذا يفر رقمه
منال: ولا ع الساعه ثنتين فليل ..
حصه: ماشي شغل

في هل الوقت سمعن صوت الهرن وسهيل محتشر كل وحده ركضت تلبس عباتها وطلعن له وسهيل محتشر عليهن وسارن المطار وياه .....وفي الانتظار وبعدها طياره راشد ما وصلت ...منال من التعب ..

منال:سهيل انا ماروم اترا ريولي يعورني
سهيل: عيوز
منال: والله ما اضحك عليك قم عاد
سهيل: وين تبين : خلنا نحوط هنيه ولا هناك
سهيل: هاهاي يا...شوه قري محلج اشوفين الكرسي اللي هناك سيري قعدي عليه
منال: انزين...(وتقول في خاطرها..امبونك ما وراك فايده يا الدب)


الساعه قربت ع الثمان والطياره حليا ...في ساحه المطار الخلفيه .....سلامه تمنت اتموت ولا تي المطار لانها فعلا ما تبا اتشوف راشد وهوه في هل الحاله حصه اللي فرحت من يوم سمعت الرسبشن يقول ان الطياره القادمه من امريكا او بالاخص من مطار لندن وصلت ...الكل كان متلهف لوصولهم ....سهيل اللي اتصل بمبايل راشد وكان مفتوح ...وبعد مارد عليه راشد وسلم عليه وقاله انهم يايينهم الحين بس ياخذون شنطهم ..وبعد ما تشاوفوا في الاستقبال الكل انصدم من شكل راشد بس حاول انه يكون طبيعي ..كان شكله يخوف لا شنب ولا حواجب او لحيه ...سلامه اللي قلبها عورها ع حاله ودعة ان الله يعينه

حصه سارت صوبها امها ووايهتا والبنات بعد وايهنا وسلمن ع راشد...وسهيل فرح لشوفت اخوه وتحمد له ع السلام وخذوا الشنط وحملوهن في سياره بخش والبنات والكل ركب السياره راشد اللي كل ما يجل تي نظراته ع سلامه وسلامه تحاول تلهي عمرها بشي ولا بمجله لقتها في السياره او تلعب بشنطتها او مبايلها كانت تحاول اتفادى عيون راشد

راشد يشوف يرمس حصه اللي يالسه حذال سلامه ويسولف وياها ويتخبرها عن احوالها ونهيان في هل الوقت اتصل في اخوه وسلم عليه وبعد ما وصلوا بيت ثاني لقوا ام سهيل اتلقالهم ووياهم بو سهيل وشواخي ...وبعد ما سلموا ع راشد وامه بو سهيل اللي دموعه بدت تنزل من شاف ولد اخوه واتذكر المرحوم ....وبعد ما تعشوا وسولفوا وبوسهيل قالهم ان بيسوي عزيمه بالخميس ان شاء الله

 

[ضوى العيون]

الجزء الثاني والعشرون

حصه وفرحتها بشوفة اهلها ..نستها تيب اغرضها لانها خلاص بترد وحيده بلا اخوات بين 4 جدران بس اخلا ما في الشي انها بتكون بين اهلها امها واخوانها .....وبعد ما سار محمد وعياله لبيتهم وسلامه اللي كانت تحس بالتعب ووراها دوام في الشركه ...ومنال قعدت تشوف فلم اجنبي عيبها ....سهيل اللي يلس ويا ولد عمه شوي ..في هل الوقت والكل نايم ...ماعدا منال اللي تمت واعيه لين الساعه وحده رن التيلفون .....وكان المتصل مايد ....ياترا شو يبا يتصل بيتهم ...حصه وردت لبيتهم وام راشد وراشد في بيت عمي ....مب مشكله بنطوف السالفه يمكن نسى....

مايد بفرح: السلام عليكم
منال: وعليكم السلام والرحمه هلا مايد
مايد وحالته حاله: هلا والله ببنت عمي شحالج
منال: بخيروسهاله ...وشحالك انت وناصر شخباره
مايد: كلنا بخير وسهاله
منال: عيل وينه القاطع لا يتخبر عنا
مايد: حليله مشغول
منال: ههههههه مشغول وشو اللي يشغله
مايد: فديتج والله ..
منال منصدمه:...........
مايد يقول ...يعل لساني القص شو قلت لها: اوكي منال ردي السلام ع الاهل والسموحه ع الازعاج
منال: اوكي

وسكرت السماعه من دون ليقولها فمان الله ....منال اللي استغربت من رمسه ولد عمها شو بلاه ...يتفداني وجدامي بعد ....لهل الدرجه تعدى حدوده علي بس يمكن زل لسانه او غلط خلاص احسنلي انسى السالفه واسير ارقد ....ورانا نشه من فير الله

مايد اللي تلوم في بنت عمها يوم زل لسانه وللي ماقدر يرقد ليش ياربي ليش ...شو ذنبي اذا انا احبها وماباها اتكون لغيري .....وانا اللي ابتليت بلساني ....كانت مشكله مايد انه انسان مايقدر يخفي اللي فقلبه وع نياته وحبوب وفرفوشي وشخصيته تميزه عن كل اخوانه واللي اكثر من هذا ان احلاهم ...رزين وابيظاني وجميل...بس هذا الحظ

مايد ومنال نسوى السالفه وساروا رقدوا وفي الصبح الكل نش وهوه تعبان ووراهم دوامات اللي بيسير الكليه واللي عنده شغل في العزبه واللي يجهز للعزيمه ....وبوسهيل بالاخص كان وايد متحمس للعزيمه وهذا نذر عليه ولازم يوفيه ...بدا يجهز كل شي وحجز خيمه البداد كبيره ومرتبه للرياييل وطرش الدريوليه ..ايبون الذبايح ويودونهن لراعي المطعم..وهذا غير الخفايف من فطاير ومحاشي وسلطات ....وكان احلا بوفيه من اللي فيه من اكل .....بو سهيل ...عزم كل ربعه ...حميد الهاملي وخوانه سالم واحمد ...واكيد هل العزيمه راشد ...ونهيان اللي بي بالاربعا ..سهيل عزم ربعه ونهيان بالمثل وراشد بعد ....وما تم حد ما انعزم وعزيمه الحرمات كانت تخص حريم العايله ام راشد وبنتها ...عفرا وعيالها ..وموزه ...اليازيه وبنتها نوره ..وسلامه ..الريم ..منال وعنود حرمه سهيل....الوقت يفوت بسرعه والايام تتلاشي مثل الخيال ...هذا الاربعا والكل مرتبش سلامه كانت عاديه مثل ما هيه ..حصه اللي يت تبات في بيت عمها في الويك اند بعد ما وقعت ع معاهده الافراج بينها وبين امها ..منال اللي ارتبشت بالعزيمه ..نهيان وبعد ما يا من الكليه سار صوب هله وسلم عليهم .....ويلس يسولف وياهم وسار صوب بيت عمه ولقا الجو رهيب والخيمه والكراسي والطاولات اللي في الحوش ..وكانه عرس مب عزيمه واللي استانس عليه انهيان ان بيكون فيه يول والكل بينسى هموه في هل اليوم اليوم اللي بنفرح به برجعه راشد.....

منال وسلامه وحصه في حجرتهن ويرمسن عن العزيمه باجر ....

منال: لو كل يوم عزيمه احلا
حصه: يختي تستانسين بس باجر المسا ويا اليوله والدق والغنا ..
سلامه: هههههههه عرس مب عزيمه
منال: يختي خلينا نستانس شو ورانا
سلامه: هيه والله
حصه: تعالوا عزمتوا قوم نوره
سلامه: مادري
منال: شو رايج تتصلين فيها
سلامه: انا
حصه: هيه انتي
سلامه: بس مب حلوه الحين الساعه 11
منال: مب مشكله مب رقود ع اساس اتكون فضحه
سلامه: اوكي وامري لله

سلامه اللي كان عندها رقم البيت لان نوره ومثل ما عرفت منها سلامه انها ما عندها مبايل ...اتصلت
سلامه ترمس منال: ان شاء الله تشله نوره
حصه تضحك: وليش عاد
سلامه: خوفي حد من اخوانها يشله او ابوها او امها
منال: وابويه عليج ...ارمسي يالله
سلامه وبعد مارن التيلفون: السلام عليكم
سعيد: وعليكم السلام والرحمه
سلامه: اخوي نوره موجوده
سعيد: هيه موجوده منوه اقولها
سلامه ياربي شو اقوله: قولها.........سلامه
سعيد وقلبه فزهذي سلامه : ان شاء الله ثواني بس
سلامه: اوكي

سلامه ترمس حصه ومنال: شفتن هذا وواحد من اخوانها شل التيلفون يا الفضحه
منال: منوه منهم
سلامه: مادري
حصه: كلمي البنت الحين وبعدين لكل حادث حديث
سلامه وبعد مايت نوره: الو السلام عليكم
نوره وبصوت عالي: وعليكم السلام والرحمه
سلامه: شخالج
نوره: بخير
سلامه: ما اسمعج علي حسج
نوره: بخير وشحالج انتي
سلامه: تمام يسرج الحال
نوره: اقول لحظه....سعيد ممكن اتقصر ما اسمع
سعيد: سيري الصاله الثانيه
نوره: لا والله قصر
سعيد: انا مااسمع ماروم اقصر
نوره: اف منك وخاطر غاليك
سعيد: فديت الغالي وخاطر الغالي وعيون الغالي ببند التلفزيون
نوره: ما بغيت يا اخي
نوره..ترد ع سلامه: هلا سلامي السموحه الغاليه
سلامه: مسموحه فديتج ....المهم شو الدراسه وياج
نوره: ماشي الحال بعد اسبوع امتحاناتنا
سلامه: الله يكون في عونكم
نوره: ان شاء الله ..
سلامه: نوره تراكم معزومين ع عزيمتنا
نوره: هيه امايا قالتلي
سلامه: زين عيل عبالي محد عزمكم
نوره: لا طال عمرج عزمونا
سعيد راز بويه: سهيل اتصل وعزمنا
سلامه منحرجه: اوكي نواري برايج في فخاطرج
نوره: لا تسلمين فديتج
سلامه: سلمي
نوره: يبلغ ..فمان الله
سلامه: الله يحفظج

نوره وبعد ما بندت عن سلامه كانت اطالع سعيد بنظرات شرماتعرف شو بتقوله له بس حبت اترمسه بتفاهم..

نوره يلست حذال سعيد: سعيد
سعيد يقرا المجله: هاه نواري
نوره: مب حلوه اطول ع التيلفزيون وانا ارمس البنت
سعيد: وانا ماسويت شي غلط ليش ما سحبتيه للصاله الثانيه
نوره متغيضه: لا تلومني والسموحه منك وانا الغلطانه بسير ارق احسن لي
سعيد:لا لا تعالي
نوره: خلاص مابينا كلام
سعيد معصب: تعالي اقولج
نوره: هاه ويينا
سعيد: قعدي
نوره: انزين..آمر شو تبي
سعيد: نوره ...انتي اختي الوحيده وبقولج ع شي بس ابا رايج فيه
نوره: هيه قول اسمعك
سعيد: انا ابااعرس
نوره منصدمه: هاه
سعيد: بلاج امبققه عيونج اقولج بعرس تعبت من حنة امايا وابويه
نوره: لا زين ما تسوي بس
سعيد: بس شوه انا فيه شي عشان ما كمل نص ديني
نوره: لا يخوي انت مب ناقصنك شي بالعكس طيب وحبوب..ودكتور ووسيم
سعيد: المهم شو رايج بسلامه
نوره: منوه سلامه
سعيد: سلامه بنت محمد
نوره: والله بنت غير كل البنات حبوبه وطيوبه وحلوه ما شاء الله عليها
سعيد: ما شاء الله انا بقول لمي تخطبها لي
نوره: زين ما اخترت يا اخوي وما بتلقا اخير عنها
سعيد: تسلمين والله
نوره: بس مب باجر اجل السالفه اسبوع ...
سعيد: اوكي بس اباج اتقيسن نبظها
نوره بتردد: لا ليش اقيس نبظها وتورطني ويا البنت
سعيد: شو اورطج بخطفها انا ابها ع سنة الله ورسوه
نوره وقفت: اقول تصبح ع خير ...ورانا عزيمه
سعيد: وانتي من هله سيري انخمدي
نوره تبتسم: احسن

سعيد قام من محله وسار يرقد ونوره بالمثل ويوم الخميس الصبح والكل رقود سلامه ومنال وحصه ..ع سهرهن في الويك اند ...ينشن متأخرات ..ورفيعه اللي تتصل لكل وحده وما تشله

 

[ضوى العيون]

رفيعه ..في صالة بيتهم: اف مليت وانا اتصل في وحده وحده ما بينشن
ظاعن: انتي تبين توعين العرب من الصبح خليهن يرقدن
رفيعه: شوف الساعه عشر
ظاعن : ولو هن محلج بيسون اللي تسوينه ...
رفيعه: ادري بس اباهن ينشن غربلني ..
ظاعن : خلي عنج الرمسه وامايا وين
رفيعه: تعال شو كنت اتقول لمايا امس
ظاعن: ماشي
رفيعه: افا عيلك ما تخبر خويتك ..وحيدتك
ظاعن: بتعرفين قريب او يمكن اليوم بعد
رفيعه: شو عاد خبرني حرام
ظاعن: قومي زقري امايا بترايكن في السياره لا تبطن
رفيعه مظايجه: انزين يا بو الشباب

رفيعه وبعد ما زقرت امها ...لانهم قرروا يسيرون دبي الضحى احسن وبو ظاعن بيلحقهم العصر .......ظاعن اللي كان محتشر ع التأخير ورفيعه اللي بعدها ع حنتها تبا تعرف شو السالفه اللي بين امها واخوها ....شو هل الخبر اللي ما يبوني اسمعه..يالله اليوم بفلوس وباجر ببلاش ومثل ما قال ظاعن يوم اعرف اليوم او باجر او حتى بعد اسبوع ...هل العين طلعوا يايين صوب دبي وسالم الفلاسي واخوه احمد وامهم موزه بعد في طريجهم لدبي ...وعمتهم بخيته ....وريالها بعد ساروا صوب محمد ....

رفيعه وطول الدرب تتصل في البنات ...
رفيعه:ياربي وشو هل الحاله من متى وانا اتصل فيهن ....رصيدي خلص
ام ظاعن: خليهن يرقد ..
رفيعه: اقول ظاعن اخطف ع المحطه خلي بطايق
ظاعن: بل شو تبينهن ..
رفيعه: رصيدي خلص بسبة بنات خالتك اللي حاطته خالد عبد الرحمن في المسج الصوتي واللي تيلفونها مغلق ..
ظاعن: هههههه يالحسود بس خلاص ..اندوج هل البطاقه بس لا تتصلين فيهن 10 دقايق وبنوصل بيتهم
رفيعه: امري لله بس لاخذ ويايه كعد ماي وارشه عليهن
ام ظاعن: شو هل الرمسه يا بنتي
رفيعه: والله يضيجن بالواحد

وبعد ما وصلوا لبيت بو سهيل ولقوا احمد وسالم وصلوا قبلهم سلموا عليهم وساروا صوب الميلس وسهيل كان موجود ووياه انهيان وراشد ....سلموا ويلسوا يسولفون ...والحرمات دخلن الفلا ويسن في الصاله ويا ام راشد وام سهيل ....وبخيته خت محمد كانت موجوده وموزه المزروعي (حرمه بومحمد) بعد موجوده ورفيعه اللي ملت من يلسه الحرمات وتبا تطلع اتشوف هل الراقدات اللي خاسن من الرقاد بس اجلت الموضوع لانها اتصلت بالعنود والريم وبيسيرن رباعه ...يوعنهن ..وبعد شوي ...ام حمد وصلت ويا بناتها وبعد ما سلمن ويلسن شوي رفوع اتاشر لهن ....تباهن يسيرن فوق وطلعن من الصاله ..وفي طريجهن

رفيعه: انا اموت واعرف شو بين امي وظاعن
عنود ..وكانها عرفت السالفه: عن اللقافه
رفيعه: ما اتليقف...بس ليش ما يخبروني
عنود: كيفهم
رفيعه: بس الغريبه ....الرزه العوده ما ارتزت
ريم بخجل: لا انا اعتزلت اصلا
رفيعه: بالله عليج زين ما سويتي
عنود: الريم تبا تعقل
ريم: قالولج مينونه
رفيعه: بس ...احين ووصلنا انا بسير اوعي سلامه وعنود سيري وعي وحده من الثنتين
ريم: شوه غزوا هوه ولا
رفيعه: اصكتي بفج حرتي عليهن

رفيعه بعد ما دقت الباب ع سلامه ووعتها ...ومنال اللي ماقفلت حجرتها دخلت عليها الريم ووعتها ...وحصه بعد نشت وبعد الهزبه اللي لقنها من رفوع والمحاضرات الارشاديه ......سارن يبدلن .ونزلن رباعه يسلمن ع الحرمات وبعد السوالف والضحك وغيره ....اذن الظهر سارن الحرمات والرياييل يصلون...وبعد الصلاه غرفوا الغدا وتغدوا وعينوا خير ...تفاولوا ....والبنات سارن صوب حجرهن منال اللي نزلت المطبخ التحظيري تيب لهن حلاوه من الثلاجه وعصير....خطفت حذال الصاله وسمعت امها وخالتها عفرا يرمسن وقلبها كان ينقزها وهيه اللي من اصبحت واتحس بعمرها مب بخير ...حست ان هل اليوم بيستوي شي مب لصالحها ياترا شو تقول خالتي عفرا لمايه وكل وحده تبارك للثانيه ع شوه بالضبط ....خذت الحلاه والعصير وسارت الطابق الثاني زفي حجره سلامه كانن البنات مسوين يلسه ويسولفن .....الكل لاحظ الهدوء ع ريم .....واتغرب

منال: ريموه بلاج صاخه ..هاديه ولا تقول برم
رفيعه: الحمدلله الله هداها
منال: لا لا انا اعرفها خبز ايدي امال
ريم بخجل: لا والله مافيه شي
سلامه: ريموه شوفي شكلج مستويه طماطه
عنود: ههههههههه لو تعرفون شو بلاها
حصه: شوه
عنود : ما بخبركم بخليها مفاجأه
ريم: يا ويلج ان قلتي
سلامه: افا مب اخوات وليش كل هل الاسرار
منال: عنود قولي لاخبر سهيلوه عليج
عنود: عن الغلط ع ريلي لفلعج بهل القوطي
منال: قبل ما يكون ريلج اخويه اوكي حبي
عنود: بعد مارضى انا
سلامه: يا ويلي يا بختك يا سهيل .....خذ محاميه
ريم: ريلها وهيه حره
رفيعه: لا انتي غريبه ريموه شو بلاج قولي يالله
عنود: اقول
الكل : هيه
الريم: لا خليها للاسبوع الياي
منال: لا الاسبوع الياي ...امتحاناتنا
عنود: الا يومين
ريم: ولو بعد صبرن
حصه: شو هذا لتذلينا عاد
عنود: بقولكن
منال: قولي
عنود: لا خلاص ما بقول
سلامه: اف عاد ذليتينا
رفيعه: عنود بتصطلبين ولا
عنود:خلاص بس بشرط
سلامه: شوه
عنود: سر وما تخبرن حد لان محد يعرف به
رفيعه: اوكي يا كثر اسرارج
عنود: باركوا للريم
منال: مبروك الريم
الكل : مبروك ريماني
ريم : الله يبارك في حياتكن
حصه: ع شوه بس
عنود وتبا اتفاجأ الكل : ريموووووووووه انخطبت
رفيعه: والله مبروووووك
منال: كولووووووليش العروس
ريم بخجل: بس استحي
منال: ومنوه سعيد الحظ
عنود: ظاعن ولد خالتي

منال انصدمت وسلامه بعد رفيعه فرحت من كل قلبها وحصه بعد بس منال اللي حست انها بتموت ....حست بهل الخبر مثل السجاجين ع قلبها ..الانسان اللي حبته من كل قلبها اللي كانت اتخيله شريك حيتها ...خطب وحده غيرها وياليته خطب بس منوه اقرب الناس لها ريم بنت خالتها ..اللي عدتها ختها ....وكل يوم يمشن رباعه ...منال اللي احمر ويها واصفر وهيه يالسه ..حست ودموعها في عينها ماقدرت تستحمل قامت وسارت صوب حجرتها وقفلت الباب سلامه اللي شافت اختها حالتها ما تسر ....سارت وراها لانها ما تبا حد يلاحظ اللي استوا .....سلامه دقت الباب بس للاسف منال ماردت عليها ..كانت اتصيح وقلبها يحترق ..بقوه ....خسرة انسان تحبه والحين اختها وبنت خالتها ...ليش انكتب عليه الشقا ليش ....انا اللي كنت اعزه واحبه من كل قلبي ....وآخرتها يخطب ريم ...ريم ..اخ بس اخ من هل الزمان اللي ظلمني...وتمت اتصيح..وسلامه اللي اظايجت من حاله اختها ردت عند البنات ...قلبها ويا اختها وهيه ترمس بنات خالتها ..حاولت اتكون عاديه بس الريم واللي كانت مستحيه لفتره

ريم: سلامه وين سارت منال
سلامه: هاه مادري
رفيعه: غريبه من قبل اذان العصر وهيه محد واحين بيأذن علينا المغرب وبتبدا العزيمه
حصه: بسير اشوفها
سلامه: لا يلسي ..يمكن راقده
رفيعه: عنبوه بعد راقاد شوه ما تشبع هاي
سلامه: لا تظلمينها وين تبينها ترقد روحها تعبانه
ريم: فديتها كله ولا منال
سلامه : خلوها بتي روحها


اذن المغرب والكل ..سار يجهز لان بعد شوي نوره وام سعيد بيين والرياييل وبعد الاذان بدو يزيدون الكل كان مرتبش وخص الرياييل اللي انهيان بدا يشل الدنيا شل باليوله هوه وربعه سالم بعد واحمد داروا وياهم ويالوا سهيل اللي يال بالعصا ويبس ...وراشد اللي فرح من كل قلبه ....ع فرحة هله وبو سهيل اللي يسولف ويا الرياييل ويضحكون ....بو ظاعن وبوحمد ....سوالفهم عن المزارع والزراعه والنخل بو سهيل اللي كان يتريا ربيعه يوصل وبعد ما وصل ...سعيد ويا امه وخته نوره ..في سياره وخالد اللي يا ويا ابوه بسيراه ثانيه ....نزلوا الريايل صوب الخيمه اللي كانت في الحوي ...وام سعيد ونوره ..دخلن صوب الحرمات وسلمن عليهن وع البنات ويلسن .....عنود و رفيعه والريم يالست في الصاله اللي دريشتها ع الحوش ..وهن ايشوفن الربشه واللي ايول واللي تحايز .....ريم اللي كانت اتشوف ظاعن ايول ويا نهيان...وسهيل اللي مرتبش وياهم وعنود اتفداه والبنات يضحكن ويت حصه وشافتهن يجسسن

حصه: قومن يالله فديت انهيانوه انا هذا اليويل ولا بلاش
عنود: فديت ريلي صح ما يعرف ايول ..الا بعصا بس فنان
رفيعه: لازم ريلج ولا ما بتحايزين عنه..
ريم اللي كانت تراقب ظاعن وهوه ايول ...اذكرت منال: تعالن منال
حصه: هيه نسيناها
ريم : بسير ازقرها
حصه :اوكي قوليلها ان ام سعيد ونوره وصلن عشان اتسلم عليهن
ريم: اوكي

ريم سارت صوب الطاق الثاني ..وسلامه اللي مجابله الباب ويالسه اتسولف ويا نوره ..شافت الريم وما يا عبالها اتسير الطابق الثاني ...ريم وبعد ما وصلت لحجره الريم ..وحست بالباب بارد ...والهوا البارد اللي يطلع من فتحة الباب ..تمت ادق الباب ..
ريم: منال فجي الباب
منال:..........
ريم يقول يمكن راقده: منالوووه قومي المغرب بدة اليوله والربشه
منال تصيح :...............
ريم ادق الباب بقوه وبدت اتخاف: منال منال فجي الباب فجي
منال:..........

الريم نزلت وهيه خايفه ع منال وسارت لسلامه اللي كانت يالسه ويا نوره يسولفن قالت صاصرتها وقالت ان منال ما ترد عليها وانها من نص ساعه وهيه ادق الباب وما فاد .....سلامه قامت من محلها وريم قامت بسير وراها

سلامه: الريم يلسي ويا البنت مب حلوه اتم روحها
ريم: ومنال
سلامه: منال ما فيها شي ردي وسيري عند البنت
ريم: انزين

 

[ضوى العيون]

الريم سارت لنوره وقالت لها تي وياها عند البنات في الصاله الثانيه ويبتعدن عن جو الحرمات اللي كل وحده منهن اتسوف عن عرس فلانه ولا بنت فلان وغيره من سوالف الحريم ...سلامه ..قلبها تقطع ع حال اختها ....سارت صوبها ودقت الباب ..بس بعد ما ردت عليها

سلامه: منال فجي انا سلامه
منال: سيري ابا ارقد
سلامه عصبت: اقولج فجي لييب سبير المفتاح

منال قامت من محلها وفجت الباب دخلت سلامه ولقت الحجره مضلمه والمكيف شغال والحجره بارده بطلت الليت ويلست حذال منال اللي ردت محالها وكملت مناحتها
سلامه وهيه اتشوف ويه اختها: منال
منال: ...........
سلامه: يلسي عاد برمسج
منال وصوتها رايح: سلامه انا تعبانه ابا ارتاح ابا اموت
سلامه واللي بدت اتغيض وقالت بهدوء: يلسي برمسج
منال يلست:.........
سلامه: شوفي ويهج شقا غادي وعيونج الحلوات حمر ومنتفخات ليش كل هل الصياح
منال: انا خسرت كل شي خسرت انسان حبيته واخت عزيتها
سلامه: .........
منال بتعب: سلامه انا حبيت ظاعن من كل قلبي والله ولا اقدر اتحمل اخسره بهل السهوله وبنت خالتي بالمثل الريم(وتنطق اسمها بكل صعوبه)كنت اعزها ومثل اختي وكل اللي يظرني اظرها بس مادري احس ان كل شي انتهى ...احس ان الريم ولا شي مالها قيمه فقلبي
سلامه: منال
منال تقطع رمسه اختها وتصيح: سلامه بديت اكره الريم واحقد عليها انجلب حبها الكبير اللي فقلبي لكره ....(منال اتصارخ) اكرها اكرها والله اكرهم كلهم

سلامه تمسك اختها : لا غلطانه
منال اتصيح واطيح ع ريول ختها
سلامه: منال تذكرين يوم قلتلج لا تعطين الانسان اي قدر فقلبج قبل ما اتأكدين من مشاعره اتجاهج...لا تلومين الناس ع ذنب مش من ذنبهم ...
منال تصيح ......
سلامه: يا منال ...انتي صح كنتي تحبين ظاعن ...بس هوه ما كان يحبج عشان اتلومينه ...الريم اللي اصلا ما تدري انج تحبينه ....ما كانت بتوافق عليه وتخسرج ..صح
منال: بس
سلامه: لا بس ولاشي ....اسمعيني عدل انا اختج واللي اكبر عنج ....وبقولج شي ...انا ما بقولج اني ما كنت احب ولد عمي كنت احب راشد ...صدقيني من كل قلبي ....بس خسرته ومب انا السبب هوه اللي ياب الشي لعمره..يعني لازم انهي حياتي بكره واحقد ع الكل ...واتمنى الموت.. لا يا ريم ...بالعكس لازم اضحي
منال: بشوه اتضحين بصحج ...بقلبج بعواطفج واحاسيسج
سلامه: هذا القدر يا منال لازم ..وهذا شره ..خلاص انسي ظاعن وانا عرف انه صعب ع الواحد ينسى انسان يحبه بس بعد لازم انضحي ضحي عشان ..غيرج ..عشان الريم الي هيه اختج ...وتمنيلها السعاده وظاعن مهاما يكون ولد خالتج وعديه اخوج العود ....ولا تفكرين تنهسن حياتج بالموت ....هذا بيدعس الكل امج وابوج واخوانج وانا ....لا تكرهين حد
منال: صعب والله صعب
سلامه: ادري حاولي فديتج ..حاولي
منال وبدت تهدى شوي: ان شاء الله
سلامه: واذا لي خاطر عندج قومي غسلي ويهج واتعدلي ..وابا ابتسامه تجتل الكل ...تسمعين
منال تبتسم غصبن عنها: اوكي

سلامه قامت من محلها وحبت ختها ع راسها وطلعت ....منال اللي بدت تقتنع برمسه اختها وقالت خلا ص هذا القدر وبحاول انسى كل شي وادعس حياتي ولا حياتي غير واذا صدق احب ظاعن اتمناله السعاده هوه وريم ..

منال: قامت وغسلت ويها ..وحطت مكياج خفيف ولو انها تعبنانه وبعدها تحس بضيج....نزلت وسلمت ع العرب
وفي هل الوقت الرياييل في الحوش دق ويوله وربشه وقرب الوقت ع آذان العشا وساروا يصلون ....والحرمات سارن يصلن ..وبالنسبه لمنال ...فتمت يالسه عند الحرمات...بس تفاجأة بالريم ..يايه صوبها ..حست بقلبها يحترق والحقد اللي فقلبها يجري...بس اذكرت سلامه...

الريم تمط منال من ايدها: منااال حبيبتي قومي
منال مظايجه وترد ايدها: خليني انا مرتاحه هنيه
ريم: اوكي بيلس وياج..
وبعد ما يلست الريم: منال شو بلاج
منال وبدت تمثل وتبتسم: لا ماشي
ريم: اكيد
منال: اكيد
ريم وبدت عيونها تدمع: بس انا احس انج تعبانه
منال اللي اضايجت: لا احساسج هل المره خايب

ومع تازم الموقف منال ماعرفت كيف اتصرف بنت خالتها اذا صاحت جدامها يمكن يزيد حزنها وتبدا هيه الثانيه بمناحتها وصياحها

منال: فديت روج ماشي يالله قومي البنات يترينا
ريم تبتسم: اوكي

 

[ضوى العيون]

الجزء الثالث والعشرون

وبعد ما نشت منال والريم سارن صوب البنات ....منال كانت اتحس ولأول مره انها تسوي شي غصبن عنها والريم بدورها كانت محتاره يا ترى شو سبب الحزن اللي فيه منال واللي يحير يوم سمعت ان ظاعن خطبها المفروض تفرح وتخطط للعرس ...منال واول ما شفنها البنات

نوره: هلا منال
منال تبتسم: هلا نواري ...شحالج
نوره: يسرج الحال الغاليه وانتي شحالج
منال: طيبه
نوره: وينج من الصبح
منال: كنت راقده
رفيعه: بسج رقاد شوفي ويهج منتفخ
منال: شو اسوي تعبت ورقدت
سلامه: خلوها ترتاح
عنود توايق من الدريشه: ياربي تعالن شوفن
البنات سارن صوب الدريشه: شو
عنود: سهيل ايول يا ولي فديته
منال: هههههه فديت اخويه
سلامه: شو نهيان شغال اليوم الهرم ما يا يسلم علينا
منال: تعالي بتصل به ايي يسلم وعمومتي بعد مايوا يسلمون
حصه: هيه والله تولهت عليهم
سلامه: اوكي بتصل به

سلامه اللي كانت ماسكه مبايلها ويلست ع الغنفيه وبعيد عن البنات تبا تتصل في نهيان ايي يسلمن عليه ...ياترا نهيان ايول ومبايله وياه ..يمكن ليش لا ويمكن عند حد ثاني

سلامه : الو يا القاطع
راشد: الو
سلامه منصدمه وتبا تبند التيلفون ع ويه بس ماقدرت:..........
راشد وعرف انها سلامه: السلام عليكم
سلامه: وعليكم السلام والرحمه
راشد: شحالج ....سلامه
سلامه وبرتباك: بخير وين نهيان
راشد: ايول وتيلفونه عندي
سلامه: اوكي مع السلامه
راشد: لا تبندين اصبري
سلامه خايفه: شو شو تبا
راشد: اباج
سلامه: خير
راشد وطلع برع البيتوعند الباب عن الحشره: سلامه انتي ...
سلامه: ادخل في السالفه وبدون مقدمات
راشد: لين الحين زعلانه
سلامه وبرتباك: من شوه ازعل
راشد: من سالفه جديمه مابا اذكرج بها
سلامه بعصبيه: هه جديمه وما تبا تذكرني وانت الحين اذكرني يكون في علمك شي استوى من زمان وانتهى وخلاص انتهى كل شي تامر ع شي بعد مع السلامه(وتسكر السماعه في ويه واتحرطم)

منال اتشوف سلامه مرتبكه وسارت صوبها ويلست حذالها ...عنود والبنات اللي سمعن سلامه اتهد ع راشد بس ماعرفن منوه اللي تهد عليه .....

منال: اتصلتي في انهيان
سلامه: لا خلاص مابا
منال: ليش عطيني التيلفون وبتصل به
سلامه: اندوج(وقامت من محلها)

منال ردت تتصل في نهيان..وتفاجأت براشد يرد عليها واحين عرفت السبب اللي خلا سلامه ترتبك

راشد وتحسب سلامه اللي متصله: الو سلامه سمعيني
منال: انا منال مب سلامه
راشد: السموحه منج بنت عمي شحالج عساج بخير
منال بتعب وصيق: بخير وين نهيان
راشد: نهيان ويا الشباب ايولون
منال: اوكي وعمومتي احمد وسالم وينهم
راشد: بعد ايولون ويا الربع شي فخاطرج
منال: لا بس امبوني اباهم ايون صوب الباب اللي ورا نبا نسلم عليهم
راشد: هيه ان شاء الله بقولهم تامرين ع شي بعد
منال: لا تسلم
راشد: فمان الله
منال: الله يحفظك

حصه: شو رمستي انهيان
منال: هيه بيون بعد شوي

عنود: ظنكم تعشوا ولا
ريم: بعدهم مب الحين اشوفينهم مرتبشن
رفيعه: حظهم والله ربشه
نوره توايج من الدريشه وترمس رفيعه: هذا اللي واقف حذال الخيمه خويه سعيد ...وخالد اللي ويا نهيان ايولون
رفيعه: هيه ما شاء الله عليهم
حصه: ما شاء الله ...تصدقين انصدمت يوم عرفت ان سعيد دكتور
رفيعه مستغربه: والله ما اصدق
نوره: لا صدقي دكتور ويعالج الاهل
عنود: زين والله


في هل الوقت رن تيلفون سلامه والرقم رقم نهيان بس ما حبت اترد ...عطت منال التيلفون..ورمست نهيان وقالهم انه عند الباب الصغير او الخلفي ..هوه وعمه احمد وسالم وسارت سلامه وحصه ووياهم منال يسلمن...البنات فرحن لشوفة عمومتهن بس الغريب اللي لاحظوه منال هاديه وصاكته ونهيان اللي كل شوي يسبها ام كشه والدبه بس كانت كووول ولا ترد عليه

نهيان: بنت عمي بلاج غريبه انتي مريضه
منال تبتسم: ماشي سلامتك
احمد: بنت اخويه اذا تعبانه قولي بوديج المستشفى
سلامه: يا عمي مافيها شي ارهاق
حصه بدلع وتمثل: اخ راسي يعورني (وتساند ع الباب)
سالم:هههههه مجذبج يالصوص علينا هل الحركات
حصه: وربك بعد ادلع ..بشوف شو بتسوون
نهيان يغلط حصه: ادلع
سلامه: هههههه بسك عاد
منال: عمي احمد ليش ما تباتون عنا اليوم والصباح رباح
احمد: كم منال عنا الا وحده وفالج طيب بنت محمد
منال: فالك ما يخيب
نهيان: طاعوا هاي وانا ما تبوني
سلامه: افا عليك ومنوه بيلعب وبانا كيرم ويصرق الحبوب
حصه: ههههههه حليلك
سالم: خير ان شاء الله بنبات عنكم وبنخلي السهره صباحي بس الحين خلنا انسير صوب الرياييل والربع بروحهم
سلامه: اوكي


وبعد ما ساروا الشباب صوب الرياييل ودخلن البنات عند الحرمات وفي هل الوقت ...حطوا العشا .....وتعشا الكل ..ولعد العشا تفاولوا بخيته خت محمد ترخصت وسارت صوب بيتها..وام راشد اتصل بها راشد عشان يروحون البيت ...وبعد نص ساعه ....اليازيه وبنتها سارن ويا بو سعيد وخالد وسعيد تم ويا سهيل يسولفون هم والربع في الميلس ...وام حمد بعد سارت البيت هيه وبناتها وعفرا ....ام ظاعن ترخصت قبلهم لان وراهم درب العين وبعد عزمت الحرمات ع خطوبه ولدها .....الكل روح لبته سلامه ومنال وحصه تم روحهن في الصاله بعد ما دخلت ام سهيل ترقد وامهن موزه بعد سارت ترتاح ...وبو سهيل بعد ماساروا الرياييل ..سار يرقد والشباب بعدهم يلوس يدقون سوالف..

حصه: هذيلا متى بيون كملت 11 ونص
سلامه: الشباب وياهم وتبينهم يسيرون
حصه: ونحن مالنا حق نبا نسولف ويا عمومتي
منال بلا نفس :اصبري
حصه: طاعوا هاي شو ه السلطه اللي حلت بنا
سلامه: عيوز اتحرطم بتصكتين ولا
حصه: عمج العيوز
سلامه: سبي عادي
حصه: هه بوايج من الباب بشوفهم هنيه ولا لا

سارت حصه صوب الدريشه اللي حذال الباب وهيه توايج وترمس البنات : ماشوف حد غير سهيل ونهيان وعمومتي
سلامه: اكيد
حصه: اكيدين محد ساروا
منال: بيون روحهم اصبرن
سلامه: دامنهم ساروا بطلع لهم وبنيلس برع
حصه: هيه الجو روعه
سلامه: اوكي الصوص سيري صوب ليندا وخليها تيب لنا الزوليه بنفرش المنامه وبنيلس

منال يالسه اتجلب في القنوات: ........
سلامه: منال قومي ويايه
منال: سمحيلي مالي نفس
سلامه : ع راحتج

طلعت سلامه وسارت صوب خوها وولد عمها وعمومتها وكانت مطلعه قصتها وبدون ما تنتبه وقبل لا توصل عندهم شافت سعيد وقاف وياهم وتلاحقت عمرها وردت قبل ليشوفها اي حد وحدرت داخل

منال: ليش رديتي
سلامه: اف شو هل الحاله
منال: بلاج
سلامه: سعيد وياهم وانا طلعت
منال: وعسى ما شافج
سلامه: مادري لا ماظني


وبعد ما ردت حصه هزبتها سلامه ..وفي الواقع سعيد لمح سلامه طالعه بس اجهال ..ولا حب يلفت نظر الشباب وهوه يطالعها ..وبعد ما حس انه طول في اليلسه ترخص من الشباب وسار صوب بيتهم ورد ولقا الكل راقد..ودخل يرقد ..بس اللي غث نومه الرمسه اللي سمعها من انهيان ان راشد كان خاطل بنت عمه بس ماذكر منوه هيه ...وتمت الدنيا اتلف به والافكار تحوم فوق راسه وهذا خلاه يقرر مصيره ....وبعد ما اصبح الكل واليوم الجمعه ....وبالسبت تبدا امتحانات الثانويه العامه وفي نفس الوقت امتحانات البنات والكل شاد حليله ويبون هل اليومين يفوتن ع خير ....سهيل اللي بدا يجز لبيته وبعد والريم اللي اجلوا الملجه والعرس لين ماتتخرج وبعد ما خلصوا الامتحانات ...وبدوا اجازة الصيف...سلامه اللي كانت تعاون اخوها في ترتيب البيت ....

 

[ضوى العيون]

سهيل وبعد ما صلا المغرب رد البيت لانه بيسير ويا سلامه السوق وهذي حالتهم من اسبوع ...منال اللي بعدها ع حالها لا ترمس حد وصاكته واذا بترمس بتقول كلمه اوكلمتين.......

سهيل: يالله سلامه نسير
سلامه: اصبر
سهيل: اوكي اترياج في السياره
سلامه وبعد ماطلع سهيل: منال
منال تقرا المجله: هلا سلامه
سلامه قومي ويانا
منال بضيق: مالي بارض والله
سلامه : عشان خاطري قومي
منال:........
سلامه: لين متى بتمين جيه
منال: اوكي انزين بروح وياكم
سلامه فرحانه: والله
منال تضحك: لا اقص عليج انا يالله بسير اييب عباتي
سلامه: اوكي بسرعه قبل لاتي شواخي وتلصق فينا
منال : اوكي

سلامه سارت صوب اخوها في السياره وقالت له ان منال بتسير وياهم وهوه اللي فرح لخته لان شاف ان حالها تغير من شهر وهيه لاتسولف ولا تلعوزه مثل ما كانت..ساروا السوق وتشروا اللي يبون من اثاث وفرش وزينه واكسسوارات للبيت ..وبعد ما اثثوا البيت وخلصوا وهذا ما بقا عن عرس سهيل غير اسبوعين والكل مرتبش العروس في حاله والبنات في حاله ....سلامه ومنال ..سارن السوق ويا حصه والريم وتشرن كل اللي يبه ويابن فساتينهن من عند المصمم وحجزن عند مشكبار والعروس اللي مرتبشه ويا البروفات ويا الكوافيره والمصمم...سلامه كانت اتسير وياها كل يوم هيه والريم اما منال فكانت كاره الدنيا ..وماتبا تيلس ويا حد او تسولف وياه فظلت القعده في البيت ..وطبعا في هل الاسبوع بالذات وبالثلاثا ناصر ومايد بيردون البلاد وبيودعون امريكا للابد ....فراق من الخاطر ...

مايد وناصر يتحوطون في السوق وبعد ما ساروا الجامعه وحظروا حفل التخرج اللي مسوينه للخريجين....مايد يحوط وفباله يشتري هدايا الاهل ..وناصر بالمثل

ناصر: هاه مايد شو بتشتري
مايد: والله بشتري للبنات اول والحرمات
ناصر: للبنات ولا للي فبالي
مايد منحرج: افهمها ع مزاجك يا اخي
ناصر:ههههههه انصحك خذ شي رهيب
مايد: يا ويهك اتشك في ذوقي
ناصر: ومن قال انت راعي الذوق كله
مايد: آي نو تعال ندخل هل المحل عندهم اشياء حلوه

مايد شاف قلوب حلوه وخذ لخته وبنات عمه منهن ..وخذ لمه والشباب وعمومته وحرمه عمه...سوع....بس اكيد خذ شي مختلف لمنال قلب فيه ثلاث قلوب وعليه فصوص الماس وشكله رهيب وحلو....ناصر وبعد ماحتار شو يشتري خذ عطور واكتفى بهن وبعد ماردوا وهم تعبانيين من الحواطه ساروا يرتاحون شوي ويلسوا يجهزون شنطهن ..لان ما بقا عن طيارتهم غير يوم واحد ....ناصر وبعد مارتب اغراضه
مايد: هاه بو الشباب اتصل بالاهل يتلقولنا في المطار
ناصر: هيه اكيد بتصل
مايد: اها اوكي
ناصر يشوف التلفزيون:..........
مايد يالس تحرقص محله من كرسي لكرسي وييلس حذال التيلفون: يا اخي ذليتنا عاد قم اتصل
ناصر: وذا انت الله يعين اللي بتبتلي بك
مايد: ودها هاي شيخه البنات
ناصر:ههههه مانروم ترانا عليج يا الرومنسي انت
مايد: ابو الرومنسيه بعد
ناصر: اقول شو رايك تاخذلك امريكيه وتفكنا
مايد: يهبن هباهن الله فديت بنت بلادي ...مزيونه وحلاتها غير لاتشبه السبال بالغزلان
ناصر: بس بس ما يسوى علينا
مايد: شو الحين
ناصر يدور المجله: ماشي
مايد: اخ بس منك اقول انا بتصل عنك ما ينلامون يوم سموك القاطع
ناصر: غثيتنا انت شو هل الحال
مايد: فديتني ..انا وياك هل اليومين وبعدين انا في بيتي وانت في بيتكم
ناصر: يا حبيبي انت لا بتي بيتنا ويايه
مايد: ان شاء الله بس ابا حجرك
ناصر: واصله ميود
مايد: ما وراك فايده يا اخي بتصل عنك
ناصر: كيفك..بس اقول ترا سهيل..غير رقمه وانا ماعرفه
مايد: واتصل في منوه يعني امايا هل الوقت في العزبه عند الهوش وراشد فبوظبي ونهيان في الكليه ...
ناصر: وحصوه
مايد: ماظني في البيت
ناصر: اتصل في بيتنا
مايد والضحكه شاقه الويه: ان شاء الله

مايد وبعد ما اتصل .....والوقت عندهم ع حدود اربع العصر....والكل مب موجود لا في بيتهم ولا بيت عمه الا منال اللي كل يوم اتسوء حالتها وترفض انها تطلع .....ويالسه ع لبتوبها تلعب ببرامج التصميم اللي نقلتهن من سيديات حصوه...رن التيلفون ومثل كل مره مكالمه خارجيه

مايد: الو السلام عليكم
منال: وعليكم السلام والرحمه
مايد ويشوف ناصر: شحالج منال
منال: بخير شحالك انت وناصر شحاله
مايد: كلنا بخير وسهاله
منال: ياحيكم
مايد: عيل وين عمي وسهيل وينه
منال: كلن لا هي في شغله
مايد: زين اوكي قولي لسهيل ان بالثلاثا ان شاء الله بنكون في دبي ع الساعه9 فليل
منال: ان شاء الله بعد شي فخاطرج
مايد: لا تسلمين يا بنت العم سلمي ع الاهل
منال: يبلغ ان شاء الله وسلملس ع نصور
مايد مستعيل: وصل فمان الله
منال: في حفظ الله


وبعد ما سكر مايد .....وهوه بعده سهران ويا سهيل ....وما رقدوا لين الحين

مايد: نصور عندك استيكر
ناصر: استكر؟
مايد: هيه هذيلا ايي اينك صغار ومربعات بيض
ناصر:هيه هيه بتلقاه ع الطاوله
مايد: اوكيك
ناصر: ع شوه ناوي
مايد: تعرف وانا اتشرى كنت اشتري كل هديه لشخص معين واحين بكتب اساميهم عليهن
ناصر: عاش الخبال عاش
مايد: محد خبل غيرك
ناصر: ههههه
مايد: ولا شو رايك بعطيك الهدايا وفكني منهن بس هل الغلب يوصل لصاحبته مب اضيعه ولا تنساه منيه او مناك
ناصر: بحطه في عيوني
مايد: جيه اباك