(ع البال والله ما نسيناك يا عمري وحبي الجنوني)

[ضوى العيون]

الشخصيات..الاساسيه
...عائلة ..محمد الفلاسي..
محمد: بو سهيل
مريم:حرمه محمد ..ام سهيل
سهيل: ولد ابوه والآمر الناهي في غياب الوالد...ضابط .. وعمره 28
ناصر: طالب....التخصص هندسه معماريه ..اخر سنه
سلامه:بنت محمد ... طالبة جامعيه سنه ثانيه وعمرها 19 سنه
منال:اخت سلامه واصغر عنها بسنه ... طالبة جامعيه سنة اولى وعمرها 18
شيخه:اخر العنقود ...روضه اولى وعمرها خمس سنوات

الجزء الاول ...
في صباح يوم مشمس..
ام سهيل تحدرحجره بنتها سلامه : سلامه امايه قومي يالله بسج قومي صلاه
سلامه:..........
ام سهيل : سلاااااااااااامي يالله قومي
سلامه ...هيه هيه هذي قصيده فنانه
ام سهيل مستغربه وتضحك: غربالله بليسج اي قصيده قومي عاد ورايه اخوانج يبالهم سنه لين ما ينشون للصلاه
سلامه: هاه خلاص بقوم ..
نشت سلامه تصلي الفير ....وبعد ما نشت سارت صوب اخواتها توعين ...ويجهزن للدوام ...دخلت حجرة منال ...
سلامه : منالوه يالله قومي ...
منال : انزين
سلامه : اقولج قومي الحينه يالله بسرعه ....
منال: اووووووووو بلاج خليني ارقد كلاسي الساعه تسع
سلامه : لا والله منوه بييبج قبل التسع يالله انا كلاسي يبدا الساعه ثمان وورايه عثره البروجكتات قومي صلي واجهزي ...يالله
منال: خلاااااااااص حشا الواحد ما يقدر يتهنا في رقاده ...
سلامه: بسج عن الهذربه الزايده قومي ووعي شويخ ....ولا اقول بطرشلها ..ليندا توعيها ادريبج انتي بتتعلثين بشيوخه شيخت البنات..
منال: خل عاد شيخه البنات يالله بسير اجهز ..

سلامه بعد ما وعت اخواتها سارت صوب حجرتها واجهزت و ع الساعه سبع سارت صوب المطبخ التحضيري...
سلامه: امايا ...امايا وينج ...
ام سهيل : هاه بنيتي بلاج
سلامه: ابويه وسهيل وينهم مالهم حس ...
ام سهيل : ابوج سار صوب العزبه وسهيل عنده دوره فبوظبي
سلامه: عيل شويخ ومنالوه وين.
منال سمعت طاريها: حوووووووه بلاها منال بعد شو تبون ...
سلامه: ما بلاها شي يالله قومي هبابنا نوصل الكليه
منال: حشى اصبري بتريق انزين ..
سلامه: سيري الكفتيريا وتريقي هناك
منال وهيه مبوزه: انزين يالله
شيخه: تبلو تبلو انا ما تليقت
منال ويه تصارخ : لا والله وشو تسوين من الصبح هاااااااااه
شيخه شوي وبصيح : تو بلات انتي دوم اتالخين اليه
سلامه : شويخ فديتج سيري السياره انا بييب لج سندويجه وحليب اوكي حبيبي
شيخه : اوكي تلامي فديتت اني تيبه
منال: خخخخ وانا الشريره ...سلامه لا تبطين نترياج في السياره
بعد ما طلعن البنات من البيت سارن صوب مدرسه شيخه وهيه فنفس منطقتهم
وبعد ما وصلن سلامه ومنال للكليه ...
الدريول: ماماه سلامه متى خلاص ..
سلامه : تعال الساعه اربع انزين مب تبطي مثل كل يوم تينا الساعه خمس
منال: انزلي انزلي حد يكلم هاللي ما يفتهم يالله يوعانه هبابي اسير الكفتيريا واكلي لقمه...


يتبع....

 

[ضوى العيون]

الجزء الثاني

نزلن البنات سلامه صوب كلاسي اللي مابقا غير 10 دقايق وبيي السيير ...ومنال اكيد ع الكفتيرا تبا اتسد يوعها بس ع دربها شافت اربيعتها ....خلود
منال: خلوووود مرحبا
خلود : مرحبتين هلا وغلا
منال: هلا فيج ..ع وين يا نورالعين ...
خلود: والله يقولون لج سايره احارب عيل وين بذمج اكيد الكفتيريا ...اتريق..
منال: زين والله وانا بعد ...
بعد مادخلن الكفتريا وكل وحده طلبت اللي تباه ...ويلسن يتريقن وبالمره يسولفن لين ما يبدا كلاسهن

بالنسبه لسلامه وبعد ما سارت صوب الكلاس ودخلت ..
سلامه : السلااااااااام عليكم
البنات : وعليكم السلام
قعدت في مكانها ...وطاولتها كانت صوب الباب واول وحده...هي ع اليسار وربيعتها فاطمه ع اليمين
سلامه: هاه فطامي شخبارج
فاطمه : بخير الله يعافيج ..
سلامه : والله بلا ...نحمدلله ان كل وحده لها لبتوب خاص بها بس العثره يوم تطلعه من الشنطه وتركب هل الواير وتقلصه وراقك وين ماتسير(حشا بعير)...
فاطمه: ههههههههههههه سوي مثلي ييبيه بلا شنطه ...
سلامه وهيه تفتح لبتوبها : يالله امرنا لله بنستحمل ...خييييييبه بلاه هذا شكله مول رايح فيها
فاطمه: منوه ..
سلامه: اللاب توب مادري بلاه بطيء شو بسوي بالبروجكت والدد لاين ورا باجر والسير بيي الحين ..
فاطمه: اوووووووو ع طاري السير طرشلنا ايميل بيتاخر اليوم يعني قولي بنكون فاضين من الحين لين الساعه عشر
سلامه: زين عيل بسير الاكشن دسك( قسم خاص لتصليح لبتوبات الكليه)
طلعت سلامه سايره صوب الاكشن دسك

سلامه : السلام عليكم
فيكتور( المسؤول)..هاي
سلامه: فيكتور لبتوبي بطيء وايد شوف شو مشكلته
فيكتور...بعد صمت مدته دقيقتين ....لازم قوستينج مشان ايجي سريع ..خلي هنيه وانا بيسوي تصليح
سلامه: يعني الساعه كم ايي..
فيكتور: عشره ونس تالي اوكي
سلامه : خلاص عيل خلص بسرعه ورايه بروجكت
فيكتور: اوكي
ردت سلامه صوب كلاسها وشافت صديقة الطفوله لطيفه...
سلامه: اصبحنا واصبح الملك لله حشا لطوف من الصبح
لطيفه: ههههههه شوقالو لج اليني الازرق جدامك
سلامه: لا والله هذا الشر بكبره جدامي اقول برايج برايج خوفي الايستويبي شي اليوم ...
لطيفه : طاعوا هاي حووه ردي ...
سلامه: هههههه ماعليه اشوفج بعدين في البريك احين بسير الكلاس وبكمل شغلي ويا فطوم.
لطيفه : ما ينلامون الاجبشن
بعد ما سارت سلامه وكملت شغلها ويا فطوم .....ردت ع الاكشن دسك تبا تيب لبتوبها من هناك وبعد مادرت للكلاس ..
فطوم : سلامه ما بتين ويانا اتريقيين
سلامه: لا بيلس ع اللب توب شوي وبشيك ع المنتدى ...
فطوم: بعدج ع هل المنتدى ما تملين منه
سلامه : شو تبينا انسوي افضل من لا شي
فطوم اوكي برايج تبيني اييب لج شي
سلامه: هيه اورنمين سي وبونتي

يلست سلامه اتشيك ع المنتدى وتشوف ردود الاعضاء وبعد خلص الدوام الساعه اربع ردن البيت...وهن هلكانات من التعب...
شيخه كانت تلعب في الحوي..وشاقت سلامه ومنال نازلات من السياره ...ربعت صوبهن
شيخه: تلامي تلامي ...تعالي توفي تو لتمت اليوم ويا الابله ....
سلامي: اوكي حبوبه سيري ييبي الرسمه وشنطج وتريني فالصاله اوكي
شيخه: اندين بت لا تبتين اليه اوكي
سلامه: اوكي بس يالله عاد سيري ...
شيخه : يالله بركد وبيي قبلج هههههه
سارت سلامه صوب حجرتها بتحط اغراضها ..ونزلت الصاله تيلس تراجع لشيخه دروسها...
سلامه ...ليندا ليندا تعالي...
ليندا ....يس مدام
سلامه: وين ماماه مريم ..
ليندا: ماماه سير عزبه
سلامه: اها انزين خلاص برايج
سلامه: هاه شويخ شو عطلتكم الابلة اليوم...
شيخه: الابله كلتني ارتم حديقة الروده وبعد قالت لي اكتب حرف التين ..
سلامه: ههههههههه حبيبتي ...يقولن سيييييييين..يالله قولي سيين
شيخه: تييييييييييييييين
سلامه : لالا حبيبي قولي سيييييييييين
شيخه وهيه متقدره من هل السين اللي ما تعرف تنطقه: تييييين تلامي ماعرف مالوم اقول تيييييييين
سلامه: بس امايا لاتزعلين كتبي الواجب كله وسيري العبي
بعد ما خلصت سلامه من ختها شويخ سارت ترتاح شوي لين المغرب....وبعد ما أذن المغرب وصلو...
نزلن البنات صوب الصاله عشان ييلسن ويا امهن ويترين ابوهن...

منال: امايا بالله عليج من متى ما سرنا صوب عمومتي العين ...
ام سهيل : اخر مره سرنا صوبهم يوم عرس عمج بخيته.
منال: يعني منه 4 اشهور صح ولا سلامه
سلامه: هيه صح
منال: حرام امايا خلينا انسير اخر الاسبوع صوبهم والله توهلت ع العين وع اميه موزه..(حرمته يدها)...وعمومتي هاه شو قلتي
ام سهيل ...والله الشور شور ابوكن ....كلمنه
سلامه: خلاص منال ولا يهمج انا بكلمه بالمره نحوط شويه و
في هل الوقت اليلفون كان يرن وشيخه ربعت صوبه..

شيخه..الو
ناصر: الو شويخ
شيخه : نتوول اكويه انت وين
هل الوقت يت ام سهيل وشلت السماعة من بنتها .
ام سهيل: الو ناصر
ناصر: هلا امايا السلام عليج الغاليه
ام سهيل وهيه تصيح: وعليكم السلام فديتك ...وينك يا ولدي لا تتصل فينا ولا تسمعنا اخبارك
ناصر: فديتج امايا لا تصيحين يالغاليه هانت هانت سنه وبقالي منها شهرين ان شاء الله برد لبلادي...جريب
ام سهيل تمسح دمعها: ان شاء الله ياولدي الله يوفك يالغالي وترد لي بالسلامه
ناصر: آمين امايه عاد اسمحيلي يالغاليه الحين بسكر سلميلي ع ابويه وسهيل والبنات
ام سهيل ....مسموح الغالي ويبلغ...
ناصر: في وداعة الرحمن
ام سهيل : الله يحفظك ياربي

بعد ماسكر ناصر ..سارت سلامه صوب امها ولوت عليها ....ومنال اللي كانت يالسه بعيده عنهن واطالع امها بهل الحاله اللي كل ما يتصل بها ناصر اتصيح وتستهم

سلامه: امايه ....افا عليج بس ناصر ريال وما ينخاف عليه يسد انه ولدج وان شاء الله ما بيصيبه اي شر ...والله وياه
ام سهيل بعد ما سمعت سلامه ارتاح قلبها وهدت ومنال بعد ارتاحت واونها تبا تغير جو البيت..

منال: اماااااااااايا يالله يالله يابنت بطي شو رايكم ...
في هل الوقت دخل بو سهيل ....

بو سهيل ...السلام عليكم
ام سهيل والبنات: وعليكم السلام والرحمه
شيخه: ابويه ابويه ...
بو سهيل: يا لبيه يا مايه ...بلاج
شيخه تضحك وهيه اطالع منال ومنال في هل الوقت اطالعها وهيه متغيضه حست انها بتقول شي ما بيعيبها ...
شيخه: اب
منال: ابويه .....ودي اشور عليك
بو سهيل : امري ...
منال: ابويه فخاطرنا انسير صوب عموتيه العين ....والله من زمان ما سرنا لهم ...شو رايك بنسير لهم بالاربعاء
بو سهيل: والله يا بنتي انا مشغول بسير الوثبه وبرد بالجمعه
سلامه: اوكي ابويه بسير ويا امايا ...
بو سهيل : هاه مريم شو قلتي بتودينهن
ام سهيل : اذا يبني اوديهن بوديهن
بو سهيل : برايكن مرخوصات
منال: فديت ابويه..
هل الوقت سمعوا اذان العشا ....بو سهيل سار صوب المسيد اما البنات وام سهيل كل وحده منهن سارت اتصلي فحجرتها وبعد الاذان نزلو الصاله يتريون بو سهيل ...عشان يحطون العشا ...

يتبع

 

[ضوى العيون]

الجزء الثالث:
ليندا: ماما مريم حطي عشا الحين
ام سهيل : لا اصبري شوي...لين مايي ارباب
ليندا: اوكي ماما

وبعد خمس دقايق...دخل بو سهيل وياه راشد...ولد اخوه (ثاني..متوفي) ..راشد اكبر واحد من عيال ثاني اصغر من سهيل بسنه يعني 27 ....وعنده اخت وحده واسمها حصه وهيه فسن سلامه ونفس التخصص بعد ...واخوان ثنينه...نهيان...وعمره 22 سنه في كلية زايد العسكريه ..ومايد وعمره 24 التخصص هندسة الكترونيه ومسافر ويا ولد عمه ناصر...وهم ربع روح بالروح

بو سهيل: قرب يا راشد البيت بيتك وانا ابوك
راشد: قريب عمي لكن تدري بسير صوب الاهل وورانا دوره في بوظبي
بوسهيل : لا ورفجة الغاليين تتعشا ويانا اليوم... لاحق ع الشغل يلس ويانا شويه بنسولف وياك من زمان ما شفناك
راشد: خلاص ياعمي فالك طيب

بو سهيل يزقر ام سهيل

بو سهيل : يام سهيل ....مريم ..
ام سهيل : يالبيه بو سهيل ...
بو سهيل: الله يرحم والديج خلي البشكار يحط العشى وزقري البنات يسلمن ع ولد عمهن...(راشد)
ام سهيل: راشد ولد ثاني عنا ....يا هلا ومرحبا بولدي
راشد: هلا فيك عمتيه شحالج ..
ام سهيل: بخير وسهاله وانت شحالك وشحال الاهل مناك
راشد : كلهم بخير ونعمه ...
ام سهيل: زارتنا البركه ...عيل اترخص بسير صوب البشكار
بو سهيل وراشد: مرخوصه

سارت ام سهيل صوب المطبخ اتحط العشا للرياييل وطرشت ليندا تزقر البنات عشان ينزلن ويسلمن ع ولد عمهن ..في هل الوقت سلامه ومنال يالسات في حجرة سلامه واكيد شويخ وياهن .....ويخططن لسيرة العين

منال: ياااسلام باجر بسير العين دار الزين
سلامه: ههههههههه والله ودي ايلس وياهم اسوبعين مب يومين
منال: خلاص انزين ماشي باقي عن هل الكورس وبنفتك من الكليه وبينا الصيف بحره
سلامه: هيه اذا ما عزمت بنت بطي صوب السعوديه ويا خالتج (عفرا...وهيه اكبر من مريم (ام سهيل )..وبخيته( ام حمد)...
منال: ودي السنه اسير وياكم
سلامه: انا اكيد بسير هل السنة بعد ..الصراحه سيرة السعوديه ماشي احلا عنها بس السنة غير.. فجأة ليندا ادق الباب

ليندا...مدام سلامه ...
سلامه: هاه ليندا ادخلي
ليندا: ماما مريم قول تعالي تحت ارباب يريد انتوا ...
منال: اوكي بننزل الحين
وشيخه بعد ما سمعت ان ابوها يباهم تحت تركض...لانها وايد متعلقه به ..واكيد اخر العنقود وراعية الدلع كله ....وهيه نازله وتصارخ : ابويه ابويه والضحكه شاقة الويه ....بس اول ما شافت راشد صكتت فجأه وتمت واقفه محلها ...
بو سهيل: شواخي تعالي ..
شيخه سارت ويلست عند ابوها ....وراشد يطالعها ومستغرب من هل المستحى وكانت الطالعه ..هوه يطالعا ويبتسم
راشد: شيخه تعالي...
بو سهيل: شواخي امايه سيري هذا ولد عمج سملي عليه ...
قامت شيخه ويلست عدال ولد عمها بس راشد شلها ويلسها جدامه...
راشد: انتي شو اسمج
شيخه:.......
راشد وهوه يضحك...ويقول لعمه ...ما شاء الله ع بنتك تستحي
بو سهيل: ههههههه
شيخه: اتمي تيخه...
راشد: تيخه منوه ..
شيخه: محمد الفلاتي...
راشد: هههههه الفلاتي وانا بعد ولد عمج وفلاتي ....
شيخه تضحك وخاز المستحى لانها حست بالامان ويا راشد
في هل الوقت سلامه ومنال نزلن من فوق....وسارن الصاله صوب ابوهن ..بس تفاجأن يوم شافن راشد.....
منال : سلامه هذا حس راشد ولد عمي
سلامه : هيه شكله ابونا يبانا نسلم عليه ...تغشي وخلينا انسير لهم
منال: يالله
منال وسلامه: السلام عليكم ...
بو سهيل: وعليكم السلام
وراشد واقف : وعليكم السلام ....شحالج سلامه؟
سلامه: الحمدلله يسرك الحال وشحااال الاهل مناك
راشد: كلهم بخير وسهاله
منال تقول فخاطرها: طاعوا هذا ما صدق وشاف سلامه ونسوني
منال: احم احم ....شحالك راشد ,,
راشد: هلا منال بخير وسهاله ..شحالج انتي
منال: الحمدلله ...
سلامه : ابويه حطولكم العشا
بو سهيل : لا بعدهم بس امج في المطبخ اتزهب العشا
سلامه: خلاص بسير اشوفها

سارت سلامه صوب المطبخ .....عشان اشوف امها بعد ما حطو العشا وتعشوا الرياييل في الميلس وام سهيل والبنات في ميلس الحرمات....ترخص راشد من عمه وسار
منال ..سلامه..وشيخه... سارن يرقدن لانه عليهن دوام من فير الله ووراهن طريج العين ....

يوم الاربعا كان الدد لاين لبروجكت سلامه وفي نفس الوقت ...اوبن ليرننج دي (اليوم المفتوح).....سلامه اتهزت هل الفرصه عشان تخلص البروجكت وتفتك وتفضي عمرها .....
منال تتصل في ختها: الو سلامي
سلامه: هلا منالوه خير
منال : اقول شو رايج نطلع الساعة ثنتين ...تدرين ورانا درب العين وماجهزنا شنطنا لين الحين ...
سلامه: اوكي ع شورج قولي للدريول لا تنسين واترياج في البكب ايريا ...
منال: انزين ارباب ههههههه
سلامه: يالله برايج

بعد ما سكرت منال سارت سلامه لصف بنت خالتها ريم تسلم عليها وتيلس وياها شوي وبالمره يتغدن رباعة ويا الشله

سلامه: ريماني متى بتردين البيت..
ريم : والله مادري بعنود ....يمكن نتريا ربيعتها مديه لين ما تخلص البروجكت وبنرد...
سلامه: اها انا اليوم برد من وقت لاني بسير العين
ريم: والله يا ويل حالي ع العين ...وديني وياكم
سلامه: والله لو الود ودي ين ويايه بس تدرين بأبوج ما بيطيع
ريم : هيه والله المهم الله يوفقكم ...
سلامه: ان شاء الله
ريم: دريتي بخالتي عفرا بيسيرون العمره السنه بس ويا حمده ( من اهل ريل عفرا...واسمه (بو ظاعن)
سلامه: والله هههههه تلقين خالتج قالت لامايا واحين عزمن ع السيره ...وانا اكيد بروح وياهن
ريم: صدقتي ...خالتيه ...عفرا مستويه الزعيم ....
سلامه: ههههههههههه
ريم: بس تعالي منال وشويخ بيسيرن وياكم اذا عزمتم ان شاء الله
سلامه: اظني بسيرن لان العام يوم سرت ماراحن ويانا بس السنه بين
ريم : يا حيهن اقول قومي انسير انتغدى الربع يتريونا في الكفتريا ...وتدرين زنوب ما تصبر ..
سلامه: هههههههههه صدقتي ..

سارن (ريم وسلامه)....صوب الكفتريا وتغدن وبعد الغدى بعد السوالف والضحك ...واكيد زينب ماشاء الله عليها ما تخلي شي من الرمسه الا وجلبتها تنقيعه وضحك ...و الساعه ...قربت ع الثنتين ونص...

سلامه: بنات انا بروح الحين شي فخواطركن من صوبي
الشله: لا الغاليه تسلمين ...
سلامه: يالله اشوفكن ع خير يوم الامتحان...
الشله : ع خير ان شاء الله
سلامه: فمان الله
الشله: في وداعة الرحمن

تلاقن منال واختها سلامه في البيكب ايريا وسارن صوب السياره منال كانت تمشي جدام منال ....وسيارتهم استيشن اسود وفي نفس الوقت كانت سايره ورا سيارتهم طبق الاصل...بس منالوه ما نتبهت ..سارت صوب السياره وفتحت الباب اللي جدام اللي مجابل الدريوم ع اساس تحط لبتوبها بس اتفاجاة يوم شافت ...واحد من الشباب قاعد ومشغل شريط حمد العامري....قفط ويها وشلت لبتوبها بسرعه وقالت له ...

منال: السموحه..

وسكرت الباب وهيه منحرجه وشافت الدريول جدامها.....

منال: بخش تو الناس ماوقفت عدال السياره الا يوم ركبت سياره العرب ....يا من عاييت به

دخلت منال السياره وسلامه ....تضحك

سلامه: ههههههه تقفطت لقطي ويهج
منال: سلامي اصكتي عني لفور عليج
سلامه: بصكت ما فيه احترق ورايه سيره صوب العين

وصلن البنات للبيت ...ام سهيل كانت راقده واكي منال وسلامه كل وحده منهن سارت صوب حجرتها وجهزن شنطهن وخذن اللي يحتاجنه...وبعد ما صلن العصر...سلمن ع ابوهن ...لانه بيسير الوثبه ....وليندا نزلت الشنط وودتهن السياره .....

سلامه: هاه امايا يالله انسير ماشي وقت هبابنا نوصل قبل المغرب
ام سهيل : يالله بنتي توكلنا ع الله ....
منال: صبروا شويه بييب لي عصير من الثلاجه ابرد به فوادي
شويخ : وانا بعد ابا عتيل ...
منال: انزين خريشا بييبلج وبييب لسلامه وامايا

ركبن البنات سيارتهن وطلعن من دبي ...سايرين صوب العين ..

سلامه: امايا شوفي محلا هل البقعه الفنانه ....العزب والبوش يرعن ...والهوا البارد والعراقييب يااااسلام
ام سهيل : هيه يبنتي فنانه ...يعله يسقى بوم نحن اسكون في اللسيلي..(المرموم).....قبل لاخذ ابوج ....ويوم يدج بطي الله يرحمه يودينا صوب العين والهير ...
منال وسلامه: الله يرحمه ...
ام سهيل ويرحم الجميع ...
وبهد صمت مدته نصف ساعه
منال: بخش ....حط لنا شريط..
بخش: ماما فيه زياده شريك انتي شو شريط يريد ..
منال: هات اشوفهن ...حط لنا شريط هزاع المنالي ....
بخش يهز راسه: زين ماما
شويخ: بخش منال ماماه مال انته ههههه
ام سهيل: شويخ عيب شو هل الرمسه
منال: حليها غسلت ايدي منها هل النعوبه
سلامه: ههههههههههه بلاكن عدايل ....منالوه مب حلوه تحطين راسج في ياهل
منال: حبيبتي تراني اقول عسلت ايدي منها
شويخ: هههههه بالتابون ولا ديتول
ام سهيل : سلط الله على بليسج ....
سلامه ومنال : يضحكن
سلامه: امايا سمعت ان خالتي عفرا بسير العمره السنه ....شو بسيريين وياها
ام سهيل: ان شاء الله يا بنتي اذا نحن حيين لين شهر سبعه
سلامه : ان شاء الله يمايا بس هل المره بنسير وياج انا ومنال وشواخي
ام سهيل : انا ماعندي مانع بس لازم اشاورن ابوكن
منال: يصير خير لين يوم السفر
في هل الوقت وصلوا العين وفي منازف بالاخص بيت عمهن احمد وسالم وامهن موزه

اكيد بعد ما وصلوا سلموا ع موزه و عمهن احمد بس سالم ماكن موجود هذاك الوقت ....

موزه: حي الله من يانا ....
ام سهيل: الله يحييج ويبقيج يالغاليه
موزه: وبناتي شحالكن عساكن بخير
سلامه ومنال: الحمدلله امايا بخير

شيخه في هل الوقت ويا عمها احمد في الحديقه ...يشوفون الزرع ....وبعدين دخلو ويلسوا في الصاله ويا الحريم

منال: هاه عمي شخبارك وشخبار الدراسه
احمد: والله الحمدلله ماشي الحال....

في هل الوقت احمد ترخص يبا يلحق ع الصلاه في المسيد ....اما منال وسلامه وام سهيل وام سالم(موزه ) سارن يصلن المغرب ....


يتبع

 

[ضوى العيون]

بعد المغرب...وصل سالم عم البنات وسلامه ومنال كانن في الصلاه وام سهيل وام سالم ساروا صوب يارتهم يسلمون عليها

سالم وهوه مستانس : السلاام عليكم
منال وسلامه نشن يوايهنه : وعليكم السلااااام والرحمه
سلامه: هلا بعمي
سالم : يا هلا فيج شو هل المفاجأه
منال: شفت عاد محلى المفاجأت
سالم: هههه ..عيل امكن وامايا وين ..وشواخي
سلامه : امايا واميه موزه سارن صوب يارتكم
سالم : وشواخي
منال: هيه هاي رزه مرتزه ...لصقت فامك وما طاعت اتفج عنها
سالم: يا حيها عيل اترخص ...بسير صوب الربع تامرن ع شي ....
سلامه: سلامتك عمي
منال: تسلم بس عمي تروم تودينا المول باجر ...ابا شوية اغراض من هناك
سالم: ان شاء الله ...
منال: تسلم لا خليت منك
سلامه: ههههههههه احين ظهر الغلا يوم قالج بيودينا
منال: اص فضحتينا
سالم: طالع من الباب ويضحك ع بنات اخوه .......

ام سهيل وام سالم وشويخ ردن ...لانه اذن العشا وصلوا .....وبعد ما وصلت الساعه للتسع ....حطوا العشا ..الفنان وتعشن الحرمات ...وترخصت كل وحده بيسيرن يرقدن بعد هل التعب كله

يوم الخميس..وبعد ما نشوا من الرقاد....وتريقوا .....ع الساعه 10 ونص تقريبا كانت سلامه يالسه في الصاله تجلب فهل القنوات وحاطه شيلتها ع طرف ........فجأه دخل عليها سهيل ووراه وولد عمها راشد....تفاجأة سلامه وحطت شيلتها ع راسها ...سلمت ع سهيل وراشد ..

سهيل: هاه سلامي اشوفكم في العين ...
سلامه وبدون نفس: هيه بعد شو تبانا انسوي دوم يالسين في دبي قلنا انسير صوب اهلنا ونكسب اجرهم
راشد: زين والله عيل ليش ما تون صوبنا
سلامه:..........سهيل بسير ازقر لك امايا واميه موزه
سارت سلامه تزقر امهاتها راشد قعد مستغرب من تصرف سلامه ليش ما ترد عليه او تكلمه بس السلام عليكم وعليكم السلام يا ترا لين الحين حاطه في خاطرها مني....

سلامه سارت صوب اختها منال.....كانت يالسه في الحجره وتقرا المجله وسلامه يالسه عدالها ...

منال : سلامه بلاج
سلامه: ماشي بس سهيل وولد عمج تحت
منال: هيه دامنها السالفه فيها ولد عمي ..سلامه بس خلاص انسي هل السالفه من سنتين
سلامه: شو تبيني انسا ماقدر السالفه مب هينه يا منال
منال : بس بعد ولو لازم تنسين يوم هوه ما يعزج خلاص
سلامه في هل والوقت صكتت وردت اتفكرفي اللي صار من سنتين ....يوم كانوا مسافرين لندن .....ويا عمها ثاني الله يرحمه وعيال عمها مايد , نهيان و راشد ..واختهم حصه ....وبو سهيل وعياله سهيل وناصر ...سلامه ومنال.....اذكرت يوم كانت عايشه احلا ايامها في لندن ...يوم كانت مخطوبه لولد عمها راشد...والكل كانوا فرحانين تذكرت يوم تصبح الصبح تلقى ورده جوري عن بابها وفيها بطاقه مكتوب عليها ....احبج سلامي ...ويوم كانوا يسيرون السوق..كان ياخذلها احلا العطور من اغلا الماركات ويطرشهن ويا حصه

ويمكن الكل يتساءل شو اللي فرق من بينهم مع ان الكل موافق ع هل الخطوبه بس راشد في لحظه وحده انها كل شي

منال: سلامه
سلامه:.....والدمعه تنزل ع خدها
منال:سلامي دخيل الله لا تصحين خلاص راشد ما يحبج يعني ما يحبج
سلامه: تلوي ع منال وتصيح ..بس ليش يجذب عليه
منال: ........بس قومي قبل لي اي حد ويشوفج اتصيحين .....وابا الضحكه اتشق الويه تسمعين
سلامه: ان شاء الله

وفي هل الوقت طلع راشد ويا سهيل ...
سهيل : هاه راشد بتي ويايه بوظبي
راشد : لا والله ظني الا ببات اليوم في العين وبييك باجر تولهت ع اليلسه ويا الربع هنيه
سهيل : وانا بسير بوظبي تدري بعد ما نروم ع لسان المسؤول ليكنسلني ههههه
راشد: ههههههه سير الله يهديك

راشد بعد ما طلع من بيت عمه سالم .....عزم يتلاقى ويا ربيعه ...حميد في العين مول ...وفي هل الوقت وبعد صلاة المغرب بالذات ...منال وسلامه ووياهن ختهن شويخ سارن ويا عمهن سالم للمول....

سالم وهم بعدهم في السياره: سلامه
سلامه :لبيه عمي
سالم: هالله هالله بخواتج...انا بسير صوب الخياط وبييب كناديري وبخطف القراج ..تيلفونج وياج
سلامه: هيه ويايه
سالم عيل بتصل قبل لوصل بدقيقه
سلامه: ان شاء الله عمي

يمكن تستغربون ليش سالم ....مع انه ريال متعلم ومثقف وولد اليوم بالذات ....ودا بنات اخوه للمول لانه متأكد 100% انهن محتشمات واخوه مربنهن احسن تربيه

دخلن البنات المول
منال: سلامه قبضي شواخي انا ماروملها مادري ليش هل الغلسه تكرهني
سلامه:حرام عليج بس انتي ما تعاملينها عدل
وهن يمشن شيخه شافت محل العاب
شيخه : تلامي تلامي ابا علوته
سلامه: حبيبي بعدين اوكي
منال وبصوت منخفظ: يااااااميه والخيبه يا كثر الشباب ...شكلهم يخوف طالعي هل اللي يلاحقونا
سلامه: اصكتي ما فينا...سويلهم طاف... اقول منال تعالي بسير صوب الياس للعطور بشوف شو عندهم..
منال: اوكي

في هل الوقت راشد بن ثاني كان متواعد ويا حميد في الكفييه

راشد: السلااام عليكم
حميد مستانس: وعلييييكم السلام والرحمه حيالله بو سنيده
راشد: الله يحيك يا بو عبدلله
حميد : وين هل الغيبه عنبوه ما تتصل بيه الا يوم تينا العين
راشد: شو اسوي يا خوي اشغال الدنيا وتدريبي ما يي العين الا في الشهر مرتين
حميد: ياحيك والله زين يوم شفناك بس مب تقطعنا
راشد: ان شاء الله وانت بعد لا تقطع ...
حميد: ان شاء الله ...اقول راشد قم بنسير صوب الياس للعطور باخذلي عود ودهن عود
راشد: يالله وانا بطالع اذا عيبني شي

راشد وحميد ..ساروا صوب الياس للعطور وفي نفس الوقت سلامه وخواتها والشباب لين الحين وراهم وارهم .....

سلامه:منال شو رايج اخذ دهن عود لابويه
منال: والله فكره حلو بس امايا بعد لا تنسينها
سلامه : لا افا عليج ومنوه قال بنسى بنت بطي
سلامه: اخوي لو سمحت شو عندك من الدهن عود
البايع: في عندنا مخلط دهن عود ...وعنا دهن عود سيوفي ودهن عود هندي ...ودهن عود قديم
سلامه : اوكي اشوف السيوفي.....
منال: هذا فنان ...
سلامه: اصبري بشوف باقي الانواع و بنختار احلاهن ...

حميد وراشد كانوا بعيد عن البنات وراشد ما يعرف ان بنات عمه في المول في هل الوقت سمع واحد من الشباب يتحرش في بنتين ....وكان مستغرب من هل التصرف اللي يشوفه

واحد من الشباب: الحلو صوبنا
منال وهيه متغيضه ترمس البايع: لو سمحت اخوي حطلي دهن عود سيوفي...اربع تول وكل تولتين في زجاجه ...وابا زجاج كرستالي
البايع: ان شاء الله اختي اي شي ثاني
سلامه : لا بس بسرعه لو سمحت

في هل الوقت راشد سمع صوت البنت
راشد وهوه متغيظ: لا عاد اكثر من جيه ما بصكت تعال
حميد: شو بتسوي ناوي تفضحنا
راشد: انت ما تشوف هل الخياس اللي يتحرشون ببنات الخلق
حميد: هد اعصابك وانا اخوك... بالتفاهم
راشد و هوه مبحلق بعيونه ومتفاجأ: شواااااااااااااخي

في هل اللحظه حس راشد بالنار اللي تغلي في قلبه بنات عمه وفي المول والشباب يتحرشون فيهن

راشد وهوه متغيظ ويرمس اللي اتحرش فيهن : ايه انت يا مسود الويه
الشاب وببرودة اعصاب: نعم الغالي ارمس عدل
راشد: جب يعني بلا هل الشيفه ليش اتغازل بنات العرب
الشباب يضحكون.
الشاب: وانت منوه عشان ترمسني انا جيه
راشد: احترم نفسك لا تشوف شي ما شفته في دنياك ...
حميد: يا راشد خلهم يولون خلنا نسير
راشد: شو تباني اخليهم انت تدري منوه الـــ

شواخي تركض صوب راشد: لتووووووود لتوووووووود
حميد مستغرب من هل البنت: منوه هاي
راشد: هاي بنت عمي ....
حميد: عيل هل البنتين بنات عمك ...ٍسير يا خوي رمسهن ولا ودهن البيت ولا تفضحنا جدام هل الخامه

منال وسلامه ايشوفن راشد معصب وهن مستغربات
سلامه وهيه خايفه : يالفضيحه راشد ! منال دفعي بسرعه وخلينا نطلع ....
منال: انزين اتصلي في عمي سالم ..
سلامه: اوكي

راشد ياي صوبهن وشال شواخي

 

[ضوى العيون]

الجزء الخامس


راشد: يالله جدامي
سلامه: انزين بنطلع ...
منال في خاطرها: والله واكملت

بعد ما طلعن البنات ويا راشد ولد عمهن اتصلت بعمها سالم

سلامه: الو
سالم: هلا سلامي
سلامه: اهلين عمي وينك خلصا
سالم: اوكي انا الا هنيه قريب منكم دقيقتين وبكون عندكن

بعد ما سكرت سلامه عن عمها .....
راشد: يالله جدامي اركبن السياره
سلامه وهيه مغصبه : ليش والله ع شوه ناوي بعد
راشد: احترمي اللي اكبر عنج واركبي ولا تبين توقفين ع الرصيف والشباب يتخطفون....كافي اللي استوى دخل
منال : وشوه استوى يا ولد عمي شفت شي غلط
راشد: وليش هل اللي استوا شوه بالله عليج
سلامه: ايكون بعلمك نحن ما سوينا شي غلط دخلنا محتشمات وما فضحنا هلنا بشي
راشد: ادري لكن البنات شو يسون فمكان كله شباب
منال: يايين نقضي حايتنا وبنطلع وبعد عمي سالم اللي يايبنا واحين بيي يودينا البيت
راشد: خلاص بتريا عمي لين ما يي

سلامه في خاطرها: ياربي شو هل اليوم اللي يسد النفس

وصل سالم وشاف راشد والبنات يتريونه

سالم : هلا والله بو سنيده
راشد: هلا فيك عمي
سالم: هاه اشوفك هنيه ويا بنات عمك
راشد: هيه لقيتهن في المول وقلت اوقف وياهن لين ما تي تاخذهن
سالم: تسلم يا ولد اخوي هذا العشم فيك
راشد: يالله عيل بسير صوب الربع يتريوني داخل شي فخاطرك
سالم : لا تسلم الغالي
راشد: الله يسلم غاليك ياربي

ركبن البنات سيارة عمهن سالم وما صدقن تنتهي السالفه ع خير وردن البيت ورتاحن صلن العشا وتعشن وقعدوا شوي ويا الاهل وضحك وسوالف

احمد: منالوه تذكرين يوم كنا صغار ونحن في بيتنا الجديم يوم تلعبين ويا الصقو
منال: هههه اصكت مابا اذكر
احمد: لا لا اذكري يوم تلحقج الديايه في الحوي وانتي اصارخين الحقوني الحقوني
منال: يا من فضحته اصكت عاد
والكل كان يضحك
احمد : ولا يوم انسير صوب العزبه سلامه كانت ويانا
سلامه: انت ناوي تفضح الكل
احمد: يوم راكبا الكروزر انا وانتي وراشد ولد عمنا..
سلامه حست بالضيج من رمسة عمها ولا تبا اتذكر اي شي يخص راشد بالذات.
سلامه: تصبحون على خير
الكل: وانتي من اهل الخير
احمد: وين تبين يلسي ويانا شوي
سلامه: لا تعبانه وابا ارقد
سارت سلامه لغرفتها ....واما الباقيين بعد ما شبعوا من الرمسه والسوالف ساروا يرقدون وفي هل الوقت عزم راشد ايسير بوظبي صوب ولد عمه سهيل والكل يعرف ان درب العين بوظبي طويل ومتعب وخاصه في الليل .....الساعه 1 بالضبط كان راشد يسوق السياره وفجأه حس بتعب فضيع وان راسه بينفجر....وقف ع الرصيف لانه ما يقدر يسوق ...وقرر انه يتصل في سهيل ...ويقوله ايي صوبه

راشديتصل بسهيل
راشد ومن صوته ينبان عليه التعب: الو
سهيل : راشد!
راشد:شوه راقد ولا بعدك
سهيل : لا والله توني ياي من ميلس حارب المري
راشد: عيل تعال..صوب زاخرانا اترياك
سهيل: خير شو بلاك
راشدوصوته بدى يتغير ويتالم من راسه : آآآآآخ سهيل الله يخليك بسرعه وفي هل الوقت خلصت البطاريه

سهيل وهوه مستهم وقلبه يوسوس له : ياربي شوياه
طلع سهيل من بوظبي صوب زاخر والسرعه تعدت الـــ180 وقلبه مستهم ع ولد عمه ..وبعد نص ساعه شاف سيارة راشد موقفه ع الرصيف...ونزل من سيارة بسرعه يركض صوب سيارة ولد عمه ...وبطل الباب ...

سهيل: وهوه يصارخ: رااااااااشد راااااااااشد بلاك قوم
راشد:في هل الوقت كان تعبان وما يقدر يرفع راسه
سهيل: راااااااشد
راشد: سهيل انا انا بخير بس ماروم اسوق
سهيل: انزين ازين لاترمس وايد المهم انك بخير

سهيل شل راشد وقاده لين الباب اللي وراه وسدحه ع السيت (الكرسي الخلفي)...وركب جدام ...وبعد سكوت مدة ربع ساعه وسهيل معزم يودي ولد عمه لاجرب مستشفى بس راشد ....

راشد: سهيل ...
سهيل: امر
راشد: لا تقول لاي حد
سهيل: ان شاء الله بس بوديك الدختر الحين وبخليهم يسولك فحوصات
راشد: لا الله يخليك مابا وبعدين العوار خف الحين ودوم يستويبي جيه
سهيل : يا اخي ليش مهمل صحتك خلني اوديك
راشد: لا سهيل فوتها هل المره ان شاء الله بس ارد دبي بسير المستشفى الامريكي وبحلل عندهم

راشد ..حاول يقنع سهيل بكل الطرق عشان يهون وما يوديه المستشفى ...ووداه الشقه عشان يرتاح ......

وبالجمعه ..ربعنا اللي فالعين ام سهيل وبناتها بعد ما صلو صلاة الجمعه في العين وتغدوا ...قرروا يردون دبي لان في هل الوقت بدت اجازة امتحانات سلامه ومنال ..ولازم يردن ويذاكرن عدل....

الاجازه مدتها ثلاث ايام لسلامه ويوم لمنال وبالثلاثاء يبدا امتحان سلامه وحصه بنت عمها وريم .....منال خلصت امتحاناتها قبل سلامه لانها سنة اولى ومرت الايام بسرعه ..الكل امتحن والنتايج بتطلع في اخر شهر سته.....منال وفي هل اليوم نشت من وقت لانها تدري ان النتايج اليوم وهيه مرتبكه في نفس الوقت سارت صوب الصاله اتشوف امها
منال وهيه تعبانه ونعسانه: امايا ...يا بنت بطي
ام سهيل : صباح الله خير ....بسم الله عليج منال بلاج بنتي ناشه من وقت شي يعورج
منال: لا ما فيه شي بس اليوم النتايج
ام سهيل: هيه الله ينجكن ياربي ويبلغني فيكن يارب ....وسلام وين
منال..وتضحك بستهزاء: سلامي راقده هاي ما ينخاف عليها اجبشن ضامنه النجاح حشا يا مايا ما شفتيها يوم اداخا تاكل الكتب اكل ع منوه طالعه دحيحه
ام سهيل ومتغيضه من رمسه منال: هب هباج الله بتاكلين اختج بروحتها تعباه وحالتها حاله يالله سيري جن بتريقين
منال: لا مابا ريوق..بسير بطالع النتايج اذا ترموا علينا وحطوهن

منال سارت صوب حجرتها ...بتدخل النت تبا تشوف نتايجها .....وتقول في خاطرها يارب درجاتي زينه يا خوفي من القرمر بعد ما دخلت اتشوف النتايج استحبت انها اتشوف نتايج سلامه قبل ...وبعد ما شافت الدرجات انصدمت كل درجاتها في الاي ...ماشاء الله ما انلام يوم اقول عنها دحيحه ....الله يستر من درجاتي بس الله يعين بسم الله الرحمن الرحيم....في هل الوقت منال كانت في الصفحه اللي فيها نتايجها بس الحمدلله ان نتيايجها كانت اوكي ويابت في كل المواد بي...

منال طلعت من حجرتها وهي مستانسه وسارت صوب امها اتبشرها واتصلت في اخوانها وابوها بعد... وسارت صوب سلامه

منال : تبطل باب الحجره بقوا ...حووووه سلامي قومي اليوم النتايج
سلامه اتفز من محالها ..هاه شوه شو تقولين
منال وتصاصرها في اذنها واتقولها بصوت منخفض وبعدين تعليه : النتاااااااااااااااااااااااااااايج
سلامه متغيضه: ايييه انتي صمختينا انا اسمعج الا عدالج مب اخر الشارع المهم شو النتايج
منال اتحنحن: احم احم انا شيخة البنات اكيد ناجحه
سلامه وهيه مب بكامل وعيها: وانا شو
منال: اني هل المره خالفتي القاعده الصراحه مادري شو ياج سلامي درجاتج كلهن في السي ليش
سلامه :هااااااااااااااااااااااااااه جذابه قولي انج جذابه
منال: لا ماجذ والدليل ان كل درجاتج في الاي عنبوه دحيحه عطينا الوصفه شو تسوين انتي تاكلين الفايلات اكل ولا تحطينه عند راسج وينتقلن المعلومات
سلامه: هبه هباج الله عنبوه بتاكليني ....حاسده الفقير ع موتة اليمعه بشرتي امايا..
منال: هيه بشرتهم كلهم ما خليت حد
سلامه: شو ام اهلال اشتغلتي
منال: هيه اشتغلت وخلصت المهم احين نجحنا وافتكينا من الدوامات عقبال العمره ياربي
سلامه: ان شاء الله ترا ماشي باقي غير اسبوع
منال: انزين وابويه شو بتقولون له
سلامه: ان شاء الله اليوم بنرمسه نبا نلقا حجز ويا خالتيه عفرا

 

[ضوى العيون]

الجزء السادس

منال: انزين بس يالله بسج من الرقاد وخلينا ننزل تحت بنيلس ويا امايا شويه
سلامه: اوكي بس ببدل وبيكم
منال: اوكي بس لا تبطين

منال نزلت ..تيلس ويا امها في الصاله وشواخي في هل الوقت كانت تلعب في الحوي

منال: امايا....يا بنت بطي يا هو يا عالم يا ناس
ام سهيل: هااااااااه بلاج حاشره الدنيا
منال وبضحكة مكر: ههههههه ماشي بس جيه حركة سيلانيه
ام سهيل: وابويه عليج انا بعد شو هاي حركه سيلانيه
منال: حركه بعد شو حركه...انزين يا بنت بطي شو غداكم اليوم
ام سهيل: صالونه لحم وعيش ابيض وغاف
منال: يا ويلي ويلاه غاف لا عيل اليوم اكيد بتغدا وبقوم اخر وحده بس ادري ان بعد هل الاكل كله واللحوم والشحوم بستوي دبه يعني يبالكم توسعون البيبان لي عشان اقدر امشي وانا مرتاحه
ام سهيل: ههههههه من متنج انوسع لج البيبان ....خلي عنج الرمسه وتعالي اتصلي بسهيل ابا ارمسه...
منال والفضول بيجتلها: ليش شو السالفه شو تبينه
ام سهيل: اتصليبي وبس ولا ترمسين ...وايد
منال: شكلها السالفه كبيره

اتصلت منال باخوها سهيل

منال: الو مرحبا
سهيل: مرحبتين الساع هلا منالوه
منال: اهلين سهيلوه ....
سهيل وهوه متغيظ: شو بعد سهيلوه هاي هاه عيب عليج
منال: عيل لا تقولي منالوه مب اصغر عيالك حبيبي
سهيل : اووووه خلي عنج الحين شو تبين يالله خلصيني
منال وترمس بصوت واطي: اندوك امايا تبا ترمسك بس خبرني شو بتقول لك اوكي حبيبي لاتنسى

ام سهيل: السلام عليك ابويه
سهيل: وعليكم السلام والرحمه هلا بالطش والرش والماي الممزر في القرش شحالج الغاليه
ام سهيل: والابتسامه ع ويها: فديتك ياربي انا بخير ...وانت شحالك وشو الدوام وياك
سهيل: الحمدلله يا ميه يسرج الحال
ام سهيل : هاه متى بتينا دبي ولا ما تولهت علينا ....
سهيل: افا عليج يا ميه كيف ما شتاق لكم والله تولهت عليكم وع اليلسه وياكم
ام سهيل: عيل لا تاخر ان شاءالله ع آخر الاسبوع بسير العمره ويا خالتك عفرا وابا اسلم عليكم قبل لا نسافر
سهيل: ان شاااااء الله فالج طيب بالاربعا عندكم ....بعد تامرين ع شي..
ام سهيل: تسلم يالغالي وسلم ع ولد عمك وهالله هالله بعمرك
سهيل: الله يسلم غاليج ياربي.....ولا توصين حريص
ام سهيل: فمان الله
سهيل : الله يحفظج ياربي

بعد ما بندت ام سهيل وفي هل الوقت قد المأذن اذن لصلاة الظهر والعرب صلوا وابو سهيل يا من المسيد وحطوا الغدا وتغدوا.....واكيد بعد الغدا يلسوا في الصاله ...يسولفون ويشربون الشاي....وفي هل الوقت

سلامه: ابويه
ابوسهيل:امري بنتي
سلامه: تدري ان خالتيه عفرا بسير العمره السنه واميه امبونك مرخصنها اتسير وياهم
ابو سهيل : هيه كملي بنتي
سلامه: اذا بترخصنا انا وخواتي انسير وياها ومحد غريب الا خالتيه عفرا ..حسبة امنا وعمي بو ظاعن حسبة ابونا وانت تدري انه مربنا يوم نحن صغار..هاه شو رايك
بو سهيل: والله يا بنتي جن الا السيره فخواطركن مرخوصات واللي تبنه بيصير ...ان شاء الله عاد متى الحجز
ام سهيل : والله يا محمد الحجز بالخميس الياي يعني بعد يومين
بو سهيل: هيه يا حيهم السيره هل الوقت زينه .....البلاد بارده وماشي زحمه
منال: يعني ابويه خلاص بتخلينا وانا وياهم
بو سهيل يبا يلعب باعصاب منال: هيه يا بنتي كلهم مرخصين الا انتي اباج اتمين ويايه
منال واعصابها تحترق: افا افا يا بوي يا بو سهيل يالغالي انته يا احلا ابو في العالم يهون عليك ايلس في البيت روحي .....
بو سهيل..(والكل يضحك ع منال): ههههههه يا بنتي لا مرخوصه عيل بخليج بروحج في البيت لا صديق ولا ونيس مرخوووصه ..والله يحفظج

في هل الوقت منال استانست ان ابوها خلاها اتسير السنه ويا امها واهلها ...ومن الفرحه سارت صوب ابوها ولوت عليه وحبته ع راسه
منال: لا خلاني الرب منك يالغالي
ابو سهيل: ولا منكن بناتي ...
سلامه: عيل امايا سوي لخالتي وقوليلها تحجزلنا عن السفريات اللي حجزوا عندهم
ام سهيل: لا ما عليج حجزت لج ولخواتج ...
سلامه: وكيف حجزتي ونحن الا تونا مشاورين ابويه
بو سهيل: والله يابنتي امكن رمستني قبلكن ....ورخصتكن
منال: اوووووه بنت بطي ثرج مب هيه من ورانا عاد...
ام سهيل: عيب عليج
منال وكانت يالسه عدال امها : السموحه وهذي بوسه
بو سهيل: ههههههه حشا ع منوه طالعه انتي الا للمصلحه بتسوي اللي ما يستوي
منال تضحك : تربايتك خيو ولو
الكل يضحك ..

وبعد ما ظمنن البنات سيره العمره ....العصر وبعد الساعه خمس سارن ويا امهن السوق واشترن الاحرام وجلابيات .....والاغراض اللي يبنهن

وما بقا غير يوم واحد ع السفر ....

انرد لسهيل وراشد في بوظبي....

في الشقه..

سهيل : هاه بو سنيده مب ناوي ترد ويايه دبي
راشد: والله مادري ...ظني الا برد بلوف الاهل شوي وبسير بحجز لي
سهيل : ليش وين بسافر؟
راشد: بسير امريكا صوب مايد و ناصر ...
سهيل: وهلك بتخليهم روحهم حرمات محن وياهن والدوام
راشد: لا ما عليك ....نهيان بيخلص دوامه اليوم وبياجز...وبييلس ويا الاهل تدري بعد جوازه محجوز ما يقدر يسافرواذا عن الدوام باخذ لي اجازه مرضيه
سهيل: هيه يا حيك ...الله يحفظك .....يالله شي فالخاطر
راشد: لا تسلم
سهيل: فمان الله
راشد: الله يحفظك

في هل الوقت من يوم الاربعا ...العصر الساعه خمس وصل سهيل لدبي ....وراشد بعده ما طلع ...بيلوف الربع وبيسلم عليهم قبل السفر...وخطف ع السفريات وحجز له تذكره لامريكا ع طيران الامارات والرحله بتكون بالسبت وبعد ما حجز رد لدبي .......

في بيت ثاني الفلاسي..

حصه اخت راشد ...ترمس سلامه..
حصه: ...الو السلام عليج
سلامه: وعليكم السلام والرحمه هل الصوص
حصه: هلا فيج ......شحالج
سلامه: بخير وسهاله ....شحالج انتي وعمتي شحالها والقاطع انهيان
حصه: كلهم بخيروسهاله...تعالي سمعت انكن بسافرن السعوديه باجر
سلامه: هيه بنسير ويا خالتي عفرا..
حصه: يا حظكن ليتني اقدر اسير وياكن
سلامه: ياليت بتكون السيره احلا اذا انتي والريم والعنود ويانا بس شو نسوي
حصه: حكم قراقوش يا ختي ....
سلامه:ههههههههه
حصه : عيل برايج سيري ارتاحي وراكم تعب السفر.....الا تعالي متى بطير الطياره ..
سلامه: باجر الساعه ثمان الصبح
حصه: يعني الساعه ست لازم اتكونون في المطار...
سلامه: اكيد عشان انخلص بسرعه
حصه: يالله يالله برايج سيري ارقدي ورتاحي وسلميلي ع منالوه وخالتي ام سهيل..
سلامه: وبس
حصه...اصفرت واخضرت واحمرت: دبوه شو تقصدين ....
سلامه بمكر: لا ماشي ..بس يعني اقول يمكن نسيتي حد ..
حصه: ووو ووووشواخي
سلامه: هههههه يا المكاره بخليج هل المره بس خليني ارد من السفر ويرد اللي فبالي ويصير خير هذاك الوقت ...يالله برقد اذيتينا.....مع السلامه
حصه: الله يحفظج

في هل الوقت دخل عليهم راشد...وشاف امه في الصاله واخته حصه
راشد: وشخباركم بعد
ام راشد: بخير الله يعافيك
راشد: نهيان وينه بعده مايا ....
حصه: اوووووه هووووووه اذا عن انهيان يا من الصبع قبل المغرب وسار السيتي بيشوف ربعه هنالك .....
راشد: عند الربع عنبوه لاحق عليهم
ام راشد: خله يا ولدي جنه محبوس...وفي هل الكليه خله يسير صوب ربعه ويستانس وياهم
حصه: هيه امايا عن لا انسى ....بنات عمي محمد يسلمن عليج وعمتي ام سهيل
ام راشد: هيه خلاص عزموا ..
حصه : هيه عزموا وباجر بالساعه ثمان الصبح بطير السياره
راشد ..يسمع رمسة امه واخته وما يعرف شو السالفه
راشد: حووووه شو السالفه منوه بيسافر...
حصه وتبا تغايضه: الله يسلمك عمتي ام سهيل ...و بناتها بيسيرن العمره ويا خالتهن عفرا وابو ظاعن وولد ظاعن
راشد من يوم سمع طاري ظاعن قيض...
راشد: وع اي اساس يسيرن وياهم هاه و
ام راشد: عنبوه خالتهن وهلهن مب غرب عنهن
راشد: انزين ادري مب غرب لكن يسيرن وياهم...و ولد خالتهن ظاعن ...
حصه: وانت شعليك ولد خالتهن ويمكن في المستقبل والله اعلم يخطب وحده فيهن
راشد والغيض يمشي في عروقه : اص لقوم اضربج بهل العقال ع ظهرج تسمعين....ولا تراديني مره ثانيه والله وبزواج ....
ام راشد: استهد بالله يا ولي بلاك ع اختك ولا مالي حشيه وان اللي يالسه وياكم
راشد: اسموحه امي محشومه .....بس بنتج تزيد النار حطب...
حصه سكتت عنه ما فيها لحشرته
راشد: امايا تراني بالسبت بسافر امريكا صوب مايد وناصر...
حصه وهيه فرحانه: قووووووول والله ودني وياك والله تولهت عليهم
راشد..متغيظ: شوووه تولهتي ع منوه ان شاء الله
حصه: لا يا اخوي يا حبيبي لا تفهمني غلط اانا اننااااا اقصد ولهت ع اخويه حبيبي ميوووود ...وع الطياره والسفر وامريكا يعني ودني وياك
راشد: تحلمين اوديج صكي الدعنه ويلسي ويا امايا ونهيان تسمعين
حصه: حشا ما يسوى علينا سير وفكنا من حشرتك
راشد: بسير عيل بيلس احرسج هنيه
ام راشد: بسكم يالله صدعتوبنا .....والله ان مجابل الجزيره اريح من حشرتكم
حصه: هيه صدقتي فديتج..

وبعد هل الحشره كلها بين حصه وراشد...سار راشد صوب حجرته يرقد..بس في نفس الوقت متغيظ من الرمسه اللي سمعها من حصه وسفر ظاعن ولد عفرا ويا بنات عمه وبالاخص ان سلامه بسيير وياهم ....

 

[ضوى العيون]

الجزء السابع

بالخميس ..اليوم الربع بيسافرون صوب السعوديه ....سلامه من الفرحه ماقدرت تنام الليل لانها بسافر ....صوب الارض اللي الله كرمها...وع الساعه خمس ونص بتوقيت دبي....

سلامه تثاوب: حشا هذا وقته وانا اتريا الرقاد اييني من امس ...المهم بقوم اوعي امايا والبنات

طلعت سلامه توعيهم ......وسارت صوب حجرة منال....
سلامه ادق الباب: منال منالوه قومي بسج
منال..وبهيازه وتعب: هااااه شو بلاج
سلامه وبمكر: قومي قومي الساعه 7 ونص...
منال منصدمه: هاااااااااه سبع ونص ..اويه والطياره والسفر والسعوديه ...كل هذا فص ملح وذاب
سلامه:ههههههههه لا بعدها خمس ونص المهم قومي ووعي امايا وشواخي ...
منال وهيه مضايجه: انزين

سارت منال صوب امها توعيها وفدربها وعت شواخي وردت غرفتها اتجهز ...وبالنسبه لسلامه ...زقرت ليندا تنزل الشنط وتحطهن في السياره ...وفي دربها شافت سهيل

سلامه: صباح الخير
سهيل: صباح النور والسرور...شو اشوفج ناشه من وقت كله عشان السفر
سلامه: تدري بالسفر ومعاملاته ياخي
سهيل: انزين يوم بتخلصن قولنلي بوديكن المطار
سلامه: اوكي

بعد ما نشت ام سهيل والبنات واجهزن سلمن ع بو سهيل وسارن المطار سهيل وامه وخواته في سياره ....والشنط في السياره الثانيه ويا الدريول بخش ...وتلاقوا ويا خالتهم عفرا ....وولدها ظاعن وابوه وبنته رفيعه وبعد ما سلمن الحرمات

سهيل: السلام عليك عمي بوظاعن
بو ظاعن: وعليكم السلام حيالله ولدي ...شحالك
سهيل: بخيييير وسهاله شحالك انت وشو هبتك
بو ظاعن: يسرك الحال وهبتنا زينه
سهيل: يا حيك عيل ظاعن وين عنك
بوظاعن: ظاعن ودا الجوازات بيختمونهن ...وبيودي الشنط اكوه هناك جن بسير له
سهيل: برخصتك بسير له وبوديله جوازات الاهل

وسار سهيل صوب ولد خالته ظاعن ......
سهيل: السلاااام عليك
ظاعن: وعليكم السلام مرحبا والله بالقاطع
سهيل: مرحب باجي....
ظاعن: وينك...ما تنشاف الا من عيد لين عيد
سهيل: شو نسوي يا خوي الشغل يلهيك عن اهلك
ظاعن:ههههه لازم يوم انه مره دوره ففرنسا ومره امريكا ومره المانيا
سهيل يبتسم: الله يعينا ان شاء الله بس دوامي يثبت
ظاعن: ان شاء الله
سهيل: ازين ظاعن اندوك جوازات الاهل ...هالله هالله فيهم
ظاعن: افا عليك لا توصي حريص....في العين وع الراس
سهيل: تسلم يالغالي...عيل اترخص بودعهم وبسير الدوام
ظاعن: الله يسلم غاليك ياربي...والله يحفظك

سلم سهيل ع ولد عمه وسار صوب امه واخواته وخالته عفرا وبو ظاعن
يودعهم

سهيل: هاه شي فخواطركم..
الكل: تسلم
سهيل: سلامه ..تعالي اباج
سلامه: ان شاء الله

سرات سلامه ويا سهيل وبتعدوا ع عربهم

سهيل: سلامه..ما وصيج ع امايا واخواتج
سلامه: افا عليك اخوي
سهيل: اوكي اندوج هل البطاقه...دوليه ..استخدميها ولا تنسون اتسوولنا تيلفون يوم بتوصلون
سلامه: ان شاء الله ...شي فخاطرك
سهيل: تسلمين والله ....

وايهت سلامه اخوها سهيل ...وردت يلست ويا اهلها وبعد خمس دقايق..وصلت حمده....وكان وياها ولدها منصور وعمره 15 في المرحلة الاعداديه وسعيد ولد بنتها...وعمره19 في المرحله الثانويه

منال....تصاصر سلامه: سلامي سلامي منوه هذيلا
سلامه: هذي حمده ووعيالها
منال: اها

وقامن الحرمات وسلمن عليها .....وعيالها ساروا صوب قسم الجوازات وخلصوا كل شي...

وبعد نص ساعه ....ساروا صوب قسم الانتظار والساعه الحين سبع ونص بتوقيت دبي ...وما باقي عن موعد الطيار غير نص ساعه....

منال وكلها مكر: سلامه تعالي...بقوووولج شي
سلامه من الفضول: شوه شوه
منال: شوفي هناك....(وكانت تقصد الكرسي اللي يالس عليه ظاعن)تعرفيه هذا
سلامه وبستهبال: حووووه شوه ظني الا هوا المطار اثر عليج..ولا بعده الرقاد مأثر فيج
منال: خل عاد بس انا كنت اقصد ظاعن ...ما شاء الله حليوه
سلامه: منالوه عيب شو هل الرمسه
منال: وانا قلت شي ...قلت حليوه....
شيخه: توه هليوه..
منال: غربالله بليسج يالساحره اتصوخين رمستنا
شيخه: ههههه تيفي انا تيفي ...بسير بلعب...

شيخه ولو انها بنت صغيره وحياتها لعب في لعب لكن عندها حدس غريب وذكيه في نفس الوقت ...نشت من كرسيها ...وتمت اتحوط جدام كراسي الاهل وشافت ظاعن ..هيه ما تخاف منه بس تستحي شويه وقالت في خاطرها بسير له ..احسن من الحواطه

شيخه: داعن
ظاعن: يا لبيه شواخي
شيخه: ابا ايلت عدالك

شلها ظاعن ويلسها جدامه......

ظاعن: اماري يا بنت محمد..
شيخه : ههههههههه

في هل الوقت منال وسلامه كانن يسولف بس يوم شافن شواخي يالسه عند ظاعن

منال: هل الخريشا شو تسوي عنده
سلامه: ههههههه هل الخريشا تراها ذكيه مب اتقولين صغيره وما تفهم ع رمسة الكبار....ادعي ربج لتنفظحين
منال مرتبكه: ليش شو بتسوي يعني
سلامه: يعني افرضي تقول لمزيونج ....منال قالت انت حليوه..
منال: لا لا ان شاء الله لا شو بتقفط
سلامه: كيفج ما يندرا ابها شو تقول الحين

نرد لشواخي وظاعن..
شيخه: داعن تو ياني هليوه
ظاعن: ..هليوه ...اها حليوه ...مممم يعني حلو ....ليش وين سمعتها
شيخه: منال اتقول حق تلامي ...داعن حليوه..
ظاعن انحرج من رمسه هل البنت ياهل وتعرف اتصوخ رمسة الكبار وتفهم عليهم وقال في خاطره ماشاء الله عليها
ظاعن: وانتي بعد حليوه ...
شيخه: انا متل الهلاوه هلوه لاني اكل كله هلاوه
ظاعن: هههههههه بس لا تاكلين وايد اشوف ضروسج اكيد مسوسات من الحلويات
شيخه: بوزت وما طاعت اتفج ثمها ...: ماليد
نشت من عند ولد خالتها ...وربعت صوب خواتها ..وفي هل الوقت يرتها منال من ايدها ...
منال بعطف وحنان ماكر: شواااااااخي الشيخه حبيبتي انتي تعالي ....
شيخه يلست ع كريسها عدال منال..وتبتسم..
منال: شو قلتي حق ظاعن
شيخه: ....تو يعني هليوه...
منال وعيونها بيطلعن من راسها: شوووه
سلامه : هههههههه
منال: وبعدين شو قلتي
شيخه: داعن قال يأني هلوه وبأدين قلت له منال اتقول داعن حليوه....
منال احمرت واصفرت: غربالله بليسج يالفضحه شو بسوي ..
سلامه : لا تسوين شي خلاص انتهت السالفه ...قومي يلا شلي هل الشنطه تعبت وانا اسحبها
منال: ليش وين بسيرين
سلامه: حووووووه يالله بنركب الطياره وما تشوفين العرب نشوا ولا تبين اتمين في دبي
منال وبتعب: قومي قومي اختج خلت لنا عقل

وقامت سلامه واخواتها وسارن ويا اهلهن صوب الطياره واكيد بيتعبن من الزحمه اللي عند الدري المتحرك وسياره المطار اللي بتوديهم صوب الطياره ..وبعد ما ركبوا الطياره ....وكل واحد يلس ع كرسيه ...

سلامه كانت يالسه ع اليسار وعند الدريشه وعدالها رفيعه بنت خالتها ...
ومنال جدامهم ويا شواخي ....ظاعن ويا ابوه ....عفرا واختها وحمده ويا عيالها وكراسيهم جدام .....وبعد ما رحب الطيار بالمسافرين وعرضوا ارشادات خاصه للمسافرين من شرح لطريق دبي ..المدينه ... و دعاء السفر....الخ

طارت الطياره وودعت دبي ودعت الدار اللي يعشقها كل اماراتي دار بو خليفه الامارات

رفيعه ترمس سلامه: سلامه سلامه
سلامه: هلا رفوع امري الغاليه
رفيعه: ما يامر عليج العدو بلاج سرحانه
اشوف دبي الامارات بلادي اللي مالي غنا عنها شوفي محلها شوفي البر اللي ترابه يلمع مثل الذهب

رفيعه: وانا بعد بشتاق للعين ياويلي ويلاه ع العين يختي مالي غنا عنها
سلامه اتغير الموضوع: شو رايج بخليهم يوقفون الطياره وبفرج.. اظني الا نحن الحين نطير ع جو العين
رفيعه: يالله ههههههههههه
سلامه تبتسم ..ومنال اللي يالسه جدامهم ....اطالع ختها وبنت خالتها...
منال: شوووو تسون
رفيعه: منالوه شو هل الفضول ياختي ....
منال: خل عاد كلنا فضوليين .....تعالي والله ملل شواخي رقدت وانا يالسه بروحي
رفيعه: شواسويبج عاد ...يلسي قري مجله او جريده
منال: لا مالي بارض
رفيعه: كيفج عيل يور بروبلم حبي
منال: نو نو لازم اسوي شي ...اقول بسير احوط في الطياره
سلامه: حووه ينيتي وين بتحوطين طياره مب بيتنا
منال: ادري بس بسير بعدل شيلتي وبلف شعري عدل
رفيعه: ياو يلي ع اللي يتعلثون...
منال:ههههههههه تبون شي بسير
رفيعه وسلامه: تسلمين

سارت منال من الضيج اللي فيها صوب حمامات الطياره(الله يكرمكم) بتعدل شيلتها وشعرها ع قولتها وبعد ماردت شافت بو ظاعن يالس بروحه ..والكرسي اللي عداله (كرسي ظاعن) فاضي..قالت في خاطرها بيلس ويا عمي وبسولف وياه ...بو ظاعن حسبة ابوها ومربنها هيه وسلامه

منال: السلام عليك عمي
بو ظاعن: وعليكم السلام هلا ببنتي ...يلسي
منال: اشوفك روحك ...
بوظاعن: هيه ظاعن سار صوب حمده وعيالها
منال: اها عيل بيلس وياك وبنقصر الدوب.
بوظاعن: حياج

يلست سلامه تسولف ويا بو ظاعن عن ايام لول يوم يسيرون البر وصوب العزب في الشتاء ويوم كانوا يسيرون كشتات (رحلات) صوب ام القيوين وراس الخيمه والبحر ايام لها ذكريات حلوه عند الكل وبعد ربع ساعه وقبل لا يعلن الطيار انتهاء الرحله ووصول الطياره لمطار المدينه الدولي ظاعن رد محله بس لقا منال قاعده ويا ابوه وابتسم

ظاعن: هاه بويه علومك
بوظاعن: والله علومي زينه يا وليدي وعربنا شخبارهم
ظاعن: لاااا عربنا كلهم صغيرهم وكبيرهم يسرك حالهم ومستانسين
بو ظاعن: يعله دوم ان شاء الله
ظاعن: خلاص ربع ساعه وبنوصل
منال: عيل اتخرص منك عمي
ظاعن : وين تبيني استريحي
منال منحرجه: لا افا هذا مكانك ...وانا برد وبيلس ع كرسيه
ظاعن : ورفجه تيلسين وانا بسير وبيلس مكانج
منال: بس...
ظاعن: لا تبسبسين يالله يلسي وهالله هالله فبويه
منال وبالاتسامه شاقه الويه: ان شاء الله هيدا عمي لكان
ظاعن: هههههههه يالله ابويه من رخصتك
بو ظاعن: الله وياك الغالي
وسار ظاعن صوب كرسي منال ويلس عدال شويخ وبعدها البنت راقده رفيعه واول ما شافت ظاعن..
رفيعه: ظاعن تعال
ظاعن: هاه شو تبين
رفيعه: اقولك شفت منالوه مادريبها من نص ساعه سارت ولا ردت...
ظاعن: هيه لا تستهمين يالسه ويا ابويه ويسولفون
رفيعه: يا حيها العيوز..زين والله سوالف الشيبه غاويه ....اقول سير فضلي كرسي وبيلس وياهم
ظاعن:هههههههه قري محلج وين تبين ....احين بنوصل
رفيعه مبوزه: خلاص امري لله بيلس....

 

[ضوى العيون]

وبعد ربع ساعه ولا االطياره تهتز والكل خايف ....
منال زايغه: عمي شو هذا ليش تهتز...
بو ظاعن: هذيلا يبال المدينه يقولن ردوا منال ما نباها
منال: عمي هذا وقته وين بعد ارد يالله بسترك يامي شقا تهتز...
بو ظاعن: هدي وقري ايه الكرسي وان شاء الله بنوصل بالسلامه
منال: يااااارب

وبعد شوي .....هلا وسهلا بكم في مطار المدينه المنوره ...وقال الطيار كلمته ورحب بالمسافرين احلا ترحيب .....وبعد ما رست الطياره ع الارض...وزلوا العرب وعربنا يالسين في ذيل الطياره تقريبا غند الجناح ...ويوم وصلو عند باب الطياره الا هذاك الهوا البارد اللي يبرد الفواد والجو الرومانسي والدنيا مغيمه ....
سلامه: ياااااسلام محلا هل البلاد
منال: هيه والله حلوه وايد
سلامه: غربالله بليسج شواخي وين احيدها راقده
منال: لا ما عليج ظاعن شلها ...
سلامه : وعمي ويا منوه ....
منال: رفوع وياه ...
سلامه: يالفضحه...
منال: اصكتي انا راسي يعورني الصراحه فخاطري ارقد ...
سلامه: حبيبتي هذي عمره يعني ماشي رقاد خلاااااص سهر في سهر ..
منال: اوه اصكتي ونزلي ..ما تشوفين العرب المزايين ورانا
سلامه: حوووه ما توبين انتي .
سلامه صكتت عن منال ونزلن من الطياره ويا عربهم ومشوا لين ما وصلو المطار لان الطياره ما توقف بعيد عن بوابه القدامين ....سلامه حليها كانت شاله شنطه ...فيها الاغراض الضروريه ....وهيه يعني ثقيله

وبعد ما دخلو المطار والحرمات يلسن ع الكراسي وارتاحن...والجوازات ويا ظاعن .....وسعيد ومنصور وياه .....وبوظاعن يالس ع الكراسي لانه تعب من المشي وبعد ما ساروا صوب قسم الجوازات عشان يختمون الدخول...قالهم الموظف

الموظف: يا خوي لازم اشوف كل مسافر ويا جوازه ...ممكن تناديهم
منصور: ظاعن خلك هنيه وانا بزقر حرماتنا ...
ظاعن: اوكي

وسار منصور صور الحرمات وقالهن ايين صوب الجوازات ....

ظاعن: هذيلا كل الاهل :
الموظف: ما شاء الله تبارك الرحمن...
ظاعن يالله خلصنا
الموظف: اشوف الجوازات ...
ظاعن: اندوك هذا جواز الوالد ....
الموظف: اللي جالس هناك
ظاعن : ايوه
ظاعن : وهذا جوازي وجواز منصور وسعيد ...
الموظف: اوكي
ظاعن : وهذا جواز ...عفرا بطي...ومريم بطي
الموظف : اوكي ....وبعد
ظاعن: وهذا جواز رفيعه وسلامه ....ومنال وشيخه ....
الموظف: خلاص ...وختمنا الجوازات حقتكم ...وهلا فيكم بالمدينه المنوره ....
ظاعن : هلا فيك

وبعد ما ختموا الجوازات ساروا صوب بوابه الخروج وهناك يترياهم الباس اللي مستاجرينه من دبي ...وهم يتعاملون وياه كل سنه...في هل الوقت ساروا صوب الشنط ...
سلامه: امايا ارتاحي انتي ع الكراسي ...ويا خالوه وعمي ..وانا بييب الشنط
عفرا:يا بنتي ما ترومين لهن خلي ظاعن والشباب بييبونهن
سلامه: خالتي ما يعرفون شنطنا
عفرا: اللي يريحك
منال: وانا بسير وياها ...برايها شواخي عندكم ...
سارن سلامه ومنال بييبن شنطهن ....وظاعن بعد ما شل شنط هله ووداهن صوب قسم التفتيش وخلاهن ويا منصور ...
ظاعن: منصور ..خلصتوا تفتيش...
منصور: هيه خلصنا ..
ظاعن : عيل بخبرك خلهم يشوفون شنطنا ويحطون عليهن البوستر وانا بسير صوب بنات خالتيه بييب شنطهن
منصور: فالك طيب

وسار ظاعن اييب شنط بنات خالته ...

ظاهن : هاه خلصتن
سلامه: لا بعدنا شنطة منال ضايعه
منال: فديت شنطي شو بسوي الحين
ظاهن: هههههه الا هنيه في المطار ما بطير
منال منحرجه
ظاعن: شو لونها
منال: ورديه
ظاعن: ما عليه بشوفها ......تعالي مب هذايج اللي ع الزاويه
منال: ظني الا هيه .....
ظاعن خلاص هاتي الترول وانا بودي شنطكن ...
سلامه: اوكي
وبعد ما ردن سلامه وختها صوب الكراسي ...

سلامه: عيب عليج فضختينا عنبوج عورا ما تشوفين شنطج
منال: شو اسوي جو المدينه يرقد ....
سلامه: وابويه عليج ...

وبعد عشر دقايق ....خلصوا كل الاجراءات وساروا صوب الباس ...وحملوا كل قشارهم وساروا صوب فندق طيبه اللي مجابل الحرم ....
وبعد ما وصلو الفندق ..ونزلو الشنط والكل نزل وسلامه بعدها ويا الشنطه تسحبها وين ما تسير ...
منصور يقول في خاطره : بلاها هل البنت شالها الشنط وتسحبها وراها اتقول قليصه
سلامه..وهيه قريبه شوي من منصور: منالوه تعالي ...شلي هل الشنطه مني تعبت
منال صربها صمخ فجاءي ..وماردت ع ختها
منصور : هاتي الشنطه عنج
سلامه: لا ماعليه برايها
منصور اقولج هتيها
سلامه: ثقيله عليك
منصور شوي وبيتغيض: يا حرمه اقول هتيها ولا والله بطلاق
سلامه وبتموت من الضك وتقول في خاطرها بلاه هذا : لا قلتلك برايها احين بعطيها الرسبشن وبيوصلنها للسويت اللي خاجزينه
منصور: برايج والله
حمده: جن خليتيه يشلها
سلامه: مش مشكله استحملتها 3 ساعات ما بيغلبي خمس دقايق....

وبعد ما وصلوا الرسبشن وخذوا مفاتيح السويت ....ووصلوا...وودوا شنطهم صوبه ...وكان فيه 5 حجر...وحده لظاعن وابوه ...والثانيه لمنصور وولد اختيه سعيد ..والثالثه للحرمات عفرا ووختها مريم وحمده ...والرابعه للبنات ..والخاتمه تمت فاضيه ....واكيد مطبخ وصاله وسيعه ويا غرفة طعام ..وبعد ما استغر كل واحد في غرفته ارتاحلو شوي لين اذان الظهر واتصلت سلامه لسهيل مثل ما وصاها ورمست ابوها وسلم عليه

 

[ضوى العيون]

الجزء الثامن


وبعد ما صلو الظهر وردوا السكن سار ظاعن صوب مطعم يحيد اكله فنان ويا بلهم هذاك المندي الفنان ...وسمج صافي لحمته بيضا...وتغدوا وبعد ما خطف يوم ع ربعنا في المدينه وصار الجمعه ....وصلوا الجمعه في الحرم وزاروا قبر الرسول (صلى الله عليه وسلم)..وسلموا عليه و تحوطون شويه في الاسواق.....اللي تحت الفندق واشتروا اللي عيبهم وخطف يوم الجمعه ويانا السبت وهوه اليوم اللي بيسافر فيه راشد لامريكا

انرد لدبي والوقت عندهم الضحى الساعه 10 ونص

بيت ثاني الفلاسي

ام راشد: يا ولدي وين تبا تسافر
راشد: ما عليه ما بطول كلهن اسبوعين وبرد......
حصه: يا ميه ما عليه الا صوب اخوه وولد عمه
ام راشد: شو اسويبك ما قول غير الله يحفظك ويهديك ما تنرام
نهيان: ما عليج يا ميه خليه يروح دامني ماجز وبحوطكن كل بقه ما بخلي مكان
حصه: هذا العشم فيك والله انك جيه....(وتسوي بيدها حركه الاوكي)
نهيان: احم احم وهذا من كرم طيبج الصوص...
ام راشد: الا يا ولدي متى بطير طيارتك ...
راشد: اليوم المغرب ان شاء الله ....... اترخص منكم بسير الستي وباخذي اللي احتايه
حصه: ودني وياك
راشد بنذاله: يلسي محلج......يالله
حصه: اوووووووووووه والله حاله ملل يا بويه شو هذا لو بنات عمي هنيه بسير صوبهن

وقامت حصه منهم وهيه متغيضه....
ام راشد : الله يهديها ياربي
راشد: نهيان اتصل لمايد وخبره اني ياي صوبهم وقولهم يتلقولي في المطار
نهيان: فالك طيب بو سنيده
راشد: فالك ما يخيب

راشد حب امه ع راسها وطلع صوب السيتي ونهيان في هل الوقت يتصل لمايد...

نهيان: الو سلام عليكم
ناصر : وعليكم السلاااام حيالله ولد العم
نهيان : الله يحييييييك كيف الحال
ناصر: تمام
نهيان: شو اشوفك في الشقه وهذا وقت دوام الجامعه....
ناصر: لا خبرك عتيج يابوي عندي محاظره الظهر
نهيان: ومايد وياك....
ناصر: لا طلع عنده محاظره
نهيان: يا حيه عيل بخبرك ترا راشد بيي صوبكم تلقوله في المطار
ناصر: والله زين زين ....بس الساعه كم بالضبط ...
نهيان: يعني قول ع الساعه مممممممم 8 ونص المسا بتوقيتكم باجرمب تنسى
ناصر: ان شاء الله بخبر مايد وبنسير صوب المطار انتلقاله
نهيان: اوكي ناصر شي في الخاطر
ناصر: لا تسلم
نهيان: فداعه الله
ناصر: الله يحفظك.

ومر الوقت بسرعه والحين بتوقبت دبي المغرب راشد بعد ما ودع اميمته واخته واخوه....سار المطار ورتب كل شي...ويا موعد طيران الطياره ....وبالنسبه لعربنا في السعوديه والوقت عندهم العصر.....وبعد ما ردوا من الحرم وصلو صلاه العصر ...

سلامه ترمس امها: امايا بسير صوب اسواق بن داوود ....
منال ومتحمسه: وانا وياها
ام سهيل: لا وين تبن اسيرن روحكن بن داوود بعيد
ام ظاعن: انزين يا مريم سيري وياهن
ام سهيل: ياختي ما روم اربع لين هناك
سلامه: لو دريت انج بتعايزين جن سرت ويا حمده
في هل الوقت دخل ظاعن ويا ابوه ويايين من الحرم
ام ظاعن: ما عليكن ظاعن بيوديكن
منال: لا خالوه مب مشكله مره ثانيه
ظاعن: بلاكن شو مستوي
رفيعه: ظاعن قوم ودنا بن داوود ....
ظاعن: الحينه
رفيعه: هيه ما فينا انسير المغرب قم نبا نوصل قبل اذان المغرب...
ظاعن: يالله قومي
رفيعه: يالله سلامه ومنال قومن
منال: لا انا مابا
رفيعه: شو ما تبين توج متحمسه للسيره يالله يالله قومي
منال واتحرطم: زين يالله ...
شيخه: وانا بتيل وياكم
منال في خاطرها: يا هي نشبه اشتقل السوبرقلوا...
ظاعن: يالله شواخي تعالي....انا بنزل ويا شواخي وبترياكن عند الرسبشن لا تبطن
رفيعه: ان شاء الله

وبعد ما نزلن البنات وتلاقن ويا ظاعن عند الرسبشن ...وسارن صوب اسواق بن داوود بعد المشي اللي مشنه وبعد ما وصلن سارن يتشرن وكل وحده خذت اللي تباه وشواخي بعد كانت ويا ظاعن وما خلت شي من الحلاوه...وبعد ما خلصن وشافهن ظاعن عند قسم المحاسبه واكيد ويا زحمه العرب اللي في السوير ماركت....
ظاعن: شو خلصتن
رفيعه: هيه بس شوف ما شاء الله ع الزحمه
ظاعن: هاتي قشارك وبدفع..
رفيعه: يزاك الله الف خير منال وسلامه هاتن اللي اشتريتنه...
سلامه : لا بحاسب روحي
منال: وانا بعد
رفيعه: اووووووووووه انتن ما تن الا بالعين الحمرا ....ظاعن لو سمحت خذ هل الاغراض وحاسب
منال وكانت عدال رفيعه وتكلمها بصوت واطي: اوووووش(اص) يالله انا بدفع
ظاعن: منال هاتي هل السله اللي فيدج...(وفي السله اغراض منال سلامه)
منال: لا خلها
ظاعن وخذ السله بالقوه: اسمعي الرمسه
منال ترمس سلامه: خيييييييبه بلاه هذا يا الفضحه يحاسب عن اغراضنا
سلامه: ولا ازيدج من الشعر بيت شوفي الكيسه اللي فيد شواخي...ظني الا خمت البقه وهفت الحلويات كلهن
منال: هاي هاي دواها عندي
رفيعه: شو فيها عادي استوى شي...
سلامه: لا ما استوى شي بس مب حلوه
وفي هل الوقت طلعن سايرات صوب الفندق وظاعن مجدمنهن (يمشي جدامهن بشوي)
رفيعه: ما عليج اخوي بنك متحرك عشون عيل
ظاعن: هب هباج الله يالحسود .......
رفيعه ومنال وسلامه يضحكن وفي هل الوقت شواخي اللي ما تصبر خذت من الكيسه حلاوه وتمت تاكل وظاعن شالنها
ظاعن: عاد شواخي لا تخيسين كندورتي بحلاوج انزين
شيخه ملتهيه بالحلاوه: اندين
سلامه: شواخي بسج لاتاكلين وايد بتستوين دبوه وتعالي بشلج
شيخه: مابا
منال: شواخي بتستوين خسفه اذا متنتي
شيخه: لا انا هليوه مثل داعن
في هل الوقت اذكرت سلامه سالفة المطار وفي نفس الوقت ظاعن وضربهم احراج.....وبعد ما وصلو للفندق وكان جريب اذان المغرب....حمده وعيالها ردوا الفندق وظاعن والبنات وصلو بعد ....وبعدين ردوا نزلو رباعه للصلاه ويلسوا في الحرم لين صلاه العشا وردوا للفندق.....

 

[ضوى العيون]

ظاعن : شو العشا اللي تبونه..
رفيعه: ارتاح ما نبا...
ظاعن: شو ما تبون بترقدون يواعا
الكل يضحك.
منال: انا يبت العشا وموجود
ظاعن: ليش انتي سرتي المطعم ولا شو
رفيعه: خل الرمسه عنك 5 دقايق و العشا جاهز
ظاعن: بنشوف الذبيحه اللي بتعشنا اياها
منصور: خوفي الا ديايه
سعيد(ما يحب يرمس وايد لانه خجول شوي ) : امي حمده
حمده: هاه ولدي
سعيد: تارني بسير وياج باجر ابا اخذ هدايا لخواتي
حمده : ان شاء الله
ظاعن: ما تروم اتاجل سيره السوق بنسير صوب المزارات
سعيد : فالك طيب ولا ما عليه باخذلهن من الابراج

في هل الوقت البنات (منال وسلامه ورفيعه) يحظرن العشا ..وبعد ما حطن كل شي .....ع طاوله الاكل وزقروا الشباب وبو ظاعن

ظاهن ومستانس: شو هل الزين شو هل الزين اسميه الا عشا فنان
منصورمنصدم: زيتون وجام وجبنه حلوم وخبز..
رفيعه: شو بلاك اصبر بيي الباقي...
منال ويايبه وياها باقي العشا ....
رفيعه: والشيف منال محظر لكم احلا طعميه مافي منها لا في السعوديه ولا في الامارات....
منصور: فووووووووووووووول
رفيعه: خلك كووووووووووووووول يا اخي
الكل يضحك
ظاعن: افا عليك يا منصور شو تبا هذا الاكل الزين
منال..متغيضه من رمسه منصور: شو تبا ذبيحه ولا اعقر لك بعير هذا بدال ما تقول مشكوره وتعبتي عمرج
منصور: بل عليج ..مشكوره منال والسموحه تعبناج يالله بناكل شو نسوي
ظاعن: عيل ليش مسوي هل الاحتجاج كله
رفيعه: كلوا بيبرد الفول

وبعد ما تعشوا الرياييل والحرمات وكل سار يرتاح ف يحجرته وبالباجر مثل ما تفقوا ساروا للمزارت رباعه وصوب جبل احد وشافوا هذيج البقعه الفنانه ....ومابقا غير يوم وبيسيرون صوب مكه.....وبالنسبه لراشد وصل لامريكا واستقبله مايد ويا ولد عمه ناصر

في جورجيا ..احدى الولايات الامريكيه ...وفي شقة الشباب بتحديدويسكن فيها مايد بن ثاني وناصر بن محمد وربيعهم علي المهيري....المسا

مايد : شو رايكم شباب انسيرنتعشا باجر
راشد: يا خوي اجل ماروم اسير
علي: شو رايكم بييب لكم احلا عشا
ناصر: هذا احسن حل ....
علي : عيل برخصتكم نص ساعه بالكثير

نزل علي وسار صوب المطعم اييب لهم عشا وناصر ومايد وراشد قعدوا يلعبون ورقه في الشقه

ناصر: والله ومن زمان ما لعبت وياك يا راشد..
راشد: هههههه يوم تنغلبون ع ايدي
مايد: صح تغلبنا بس ما تروم تغل سهيل
وشوي الا وراشد يحس بتعب فضيع...
مايد: خير اخوي شو بلاك
راشد: ماشي صداع بسيط ماعليك ...
ناصر: تبا سبرين
راشد: لا ما دانيه بيخف روحه
مايد: خلاص مابا العب ..احين بيي علوه ويا العشا

وبعد شوي دخل عليهم علي ويايب وياه بيتزا ونقتس ويا سلطه مايونيز وعصير فرش...

علي: هاه شباب ان شاء الله ما بطيت عليكم
ناصر: لا مابطيت
علي: راشد بلاه ويهك منتفخ وعيونك مصفرات...
راشد: ظني الا من تعب السفر...وراسي يعورني شوي
علي: افا عليك وانا اخوك تعشا الحين وسير ارتاح

وبعد ما تعشوا الشباب....راشد سار للحجره عشان يرتاح ...وعلي يلس في الشقه يجلب في هل القنوات ...وبالنسبه لمايد وناصر ساروا يتحوطون شوي
وبعد نص ساعه وتقريبا ع الساعه 12 المسا بتوقيت امريكا زاد العوار ع راشد ...ولا علي يسمع راشد يزقره ...وعلي اول ما سمع صوت راشد ربع له صوب الحجره ....

علي: خير راشد شو بلاك
راشد وهوه يتعور: راسي راسي
علي: قوم بوديك المستشفى.
راشد وبتعب: لامااا
في اللحظه اغمى عليه ومن الزيقه اللي في علي ...اتصل بالاسعاف ووداه صوب المستشفى .....وخلا مسج لمايد وناصر عند الرسبشن وبعد ما وصلو المستشفى ودخلوه قسم الطوارىء وكشف عليه الاخصائي وهوه دكتور سوري عايش في امريكا ....

علي: بشر دكتور شو حاله المريض....
دكتور حسام: والله يا اخي لزموا شوي فحوصات ضروريه مشان انشخص حالته منيح....
علي: وكم بياخذله هل التحليل...
دكتور: بدوه شوية وات هلا عطيناه بنج ومهدء وبدنا ننتزر لبكرا متل ما تعرف قسم الاشعه مسكر هلا...
علي: اوكي دكتور يعني بتنومونه في المستشفى
دكتور حسام:شي اكيد مشان راحتو...ازا بتريد روح واحجزله غرفه وان شاء الله كل شي راح يكون بخير
علي: الله يسمع منك ياربي...

وسار علي يحجز غرفة خصوصيه لراشد ويلس وياه .....وفي هل الوقت ردوا الشباب للفندق ....

Mr Nasser I have a massage for you for Ali almohery
(سيد ناصر لدي رساله لك من علي المهيري)
Really!
ناصر متفاجأ ومايد بالمثل لانهم يحيدون علي ويا راشد في الشقه
The employer: wait a mint …oh that is
الموظف: لحظه..ها هيه
Nasser: thanks
ناصر: شكرا ...

وبعد ما فتح الورقه لقا مكتوب فيها انا علي ويا راشد في المستشفى وفي هل اللحظه ناصر استهم ومايد اكثر منه لانه حس باحساس غريب اول مره يحسبه

 

[ضوى العيون]

الجزء التاسع.
مايد: ناصر يالله انسير مادري احس بان راشد فيه شي امبونه تعبان
ناصر: ما يندرا والله شو اللي ياه

طلع مايد ويا ناصر من الفندق وساروا صوب المستشفى ..... وللرسبشن لان في هل الوقت علي ماخذ مبايله وياه .....

وبعد ما استعلموا عن راشد ....واللي حجزوله غرفة299 الطابق الثالث ....وهوه ع تاثير البنج في هل الفتره ......
مايد وناصر شافوا علي واقف برع يتريا

مايد مرتبك : هاه علي شو اللي استوى
علي: راشد زاد عليه عوار الراس وتم يصارخ تلاحقته ويبته المستشفى
ناصر: والدكتور شو قال
علي: بينومونه عندهم اليوم وباجر بيسوله اشعه
مايد برتباك: وشله الفحوصات
ناصر: هد اعصابك وانا اخوك ان شاء الله ما فيه الا العافيه
مايد: الله يسمع منك ياربي
علي: سيروا الفندق وارتاحوا وراكم محاضرات من فير الله
مايد: لا ما عليك باجر الاحد ونحن فاضيين ....سير انت وارتاح وانا وناصر بنتم
ناصر يطالع علي بنظرة ثقه
علي: يالله برخصتكم وان شاء الله بلوفكم بعدين....تامرون ع شي
ناصر: تسلم
علي : فمان الله
ناصر ومايد: الله يحفظك ياربي

وعربنا اللي فالسعوديه واليوم هوه الاثنين بتوقت الشرق الاوسط والساعه 10 الضحى ...

ام ظاعن: بناتي لفن كل اغراضكن بنسير مكه بعد الغدا ان شاء الله
رفيعه: فالج طيب امايا
ام ظاعن: فالج ما يخيب بنيتي.

منال في الحجره تلف اغرضا وتحطهن في الشنطه...وسلامه منسدحه ع الشبريه (السرير)....
منال اطالع سلامه:حووووووووه ايه انتي بلاج صاخه
سلامه:................
منال: عطينا ويه شو مسوتلي طاف الحبيبه
رفيعه: منالوه شو هل الحشره
منال: ما تشوفين بنت خالتج المصون منسدحه وانا الف الشنط روحي
رفيعه وقعدت عدال سلامه: سلامه خير بلاج
سلامه: تعبانه
منال: شو هل الدلع وقومي يالله
رفيعه: منالوه اذيتينا تراج اذا متعايزه تلفين شنطج انا بلفها
منال: بتسويين خير والله
رفيعه: لا والله
منال: اقول اليلسه وياكن مضيعه للوقت اسير اشوف امايا احسن لي
رفيعه: فكه يالله فارجي
منال: انا ما لي بارض لج ومب متفيجه بس مردوده رفاعي
رفيعه:هههههههه

وبعد صمت مدته 10 دقايق.

رفيعه: سلامه شو اللي متعبنج بالله عليج وانتي في هل البلاد الفنانه
سلامه: مادري احس بنقزه فقلبي
رفيعه : بسم الله عليج
سلامه: خوفي حد استوابه شي
رفيعه: لا تستهمين كلهم بخير خالتيه توها مرمسه ابوج وحرمة عمج ثاني اتصلت فينا امس بعد شو اللي يخليج مضايجه ومستهمه
سلامه: خلاص انسى السالفه خليناانسير انشوف الحرمات اذا يبنا نفزعهن ع شي

وبعد ما طلعت سلامه ويا الاهل للحرم عشان يصلن الظهر... و العرب جهزوا كل اغراضهم وجهزوا الاحرام ...وبالنسبه لشبابنا طلعوا يحوطون شويه وابو ظاعن وياهم ...وبعد ما اذن الظهر وصلوا ....تغدوا ونزلوا كل الاغراض للباس اللي استاجروه

ظاعن والشباب كانوا في الباس ويا الوالد والحرمات كل العاده اخر الناس...

ظاعن وبعد ماشاف الحريم: الله يهديكن ياربي ليش ابطيتن
ام ظاعن: ويهديك ياربي
رفيعه: شو استوى ما فيها شي

ركبوا الكل في الباص...واحرموا من مكه صوب المدينه....بس الكل حس ان سرعه الباص غير طبيعيه وقطعوا نص الدرب في ساعتين...

رفيعه: ايييييه منصور هذا ليش يسرع جيه
منصور: ما تبن توصلن بسرعه
رفيعه: اكيد بس لهل الدرجه يطير بنا
منصور:...................
منال: لا شكله الباص فيه شي ....

الشباب يبتسمون ويسوون عمارهم ولا لهم خص في السالفه

منال: رفوع ان ما كان ع التيربو ماكون منالوه
رفيعه بندهاش : شووووووووه ظاعن حاطينه ع التيربو
ظاعن: هيه غيرت من سرعه السياره وحطيته ع التيربوا نبا نوصل بسرعه
رفيعه بخوف: غربالله بليسك شوي شوي عنبوه نحن ارواح ... شووووه ناوي تقضي علينا حضرتك شوف شوف شقا ينقز ياميه

ام ظاعن: خف السرعه يا بوي مب مستعيلين ان شاء الله بنوصل قبل المغرب ولا ع آذان العشا .....
ظاعن: ان شاء الله

ومضى الوقت في الباص اللي يقرا قرآن واللي راقد من التعب واللي يسولف...

منصور وماسك مايكرفون الباص: الو الو
سلامه برقه: ههههههه
منصور: الو الو وياكم المذيع منصور المنصوري من مضمار سويحان للهجن وهذا الشوط للزمول

حمده متغيضه: منصووووور نحن يايين نعتمر ا ذا فيك خير قولنا دعاء بدال لا تلعب
منصور بستهتار: يا مايا ما فيها شي ......(ورد يكمل) عنا الحين بنت صوغان في المركز الاول والروايع في الثاني لا لا تخطت يااااااااسلام ع الروايع خطف عن بنت صوغان ياحافظ عليج يا الرووووايع يا حافظ يااااااسلام وخطت وخطت ووصلت لخط النهايه ...ومبروووووووك للسيد منصور المنصوري لفوز بكرته الروايع في المرتبه الاولى

منال وبصوت عالي: هههههههههه
والكل وراها يضحك ...
رفيعه: اسمممممميك عليك سوالف يا الصرصور
سلامه: رفوع مب حلوه لا تقوليله صرصور
رفيعه: لا يختي متعود الريال ما عليج منه
سلامه: اس يو لايك
ووصلوا لمكه الساعة 5 العصر وبعد ما نزلوا لفندق الابراج اللي حجزوا فيه وحطوا اغراضهم ساروا صوب الحرم وطافوا ع بيت الله وسعوا بين الصفا والمروا ورتاحوا شوي ....وردوا للفندق .....عشان يرتاحون ويردون عند صلاه المغرب .....وفي دبي الساعه 7 و عشر دقايق المغرب حصه واخوها نهيان وامهم ام راشد ...طلعوا من البيت ودبي في هل الوقت فمهرجان الصيف.....

حصه في السياره: نهيان ودنا القريه
نهيان: هذي من اولها وتتشرطين
حصه بخقه: انا ما تشرطت انزين
ام راشد: لا اله الا الله محمد رسول الله ...الله يهديج ياربي
نهيان من الخاطر: آآآآآآآآآآآآمين يارب وتعرسين وافتك منج
حصه: طايحه ع جبدك ياالدب احين شوه بتودينا ولا لا
نهيان: الشور شور الغاليه هاه اميه وين تبينا انسير
ام راشد: ودنا قرية التراث فيها هذاك الزي الفنان
حصه بحماس: اششششششششكر فنج ياويلي فديتج انا
نهيان: اخخخخخ منج يالمكاره

وبعد ما وصلوا لقرية التراث في منطقة الشندقه في دبي....
حصه: خخخخخيبه يا الزحمه العالم كله هنيه
ام راشد: هب هباج الله قولي ما شاء الله بتاكلينهم
حصه: ما شاء الله
نهيان : ظني الا اليوم عندهم يوله
حصه بتموت من الفرح: والله ...ياااسلام لا عيل ما ينلامون العرب شوه نهيان بتيول وياهم
نهيان: ظني شوفي ورا كرسيج اذا الرشاش موجود
حصه وبعد ما طالعت: هيه هاذوه
ام راشد: الله يهديك شو تبابه خله يولي
نهيان: خلينا شوي بنرفه عن نفسنا

 

[ضوى العيون]

وبعد ما نزلوا وتحوطوا في القريه وفي جناح قرى الدول العربيه ووصلوا عند جناح الامارات وشافو العجب هذيج اليوله الفنانه ...ودخل نهيان من بينهم وما قصر قطعهم كلهم بيوالته الفنانه فعلا كان ايول بطريقه فنانه وحركاته خفيفه وحصه متخبله وهيه تسمع ميحد يغني ( يا قابض راس المعزه بعزة نفس سلمك ربي من حسود وبلاسي يا نادر بين الخلايق فريد الجنس يا صقر نادر من سلالة بني ياسي يا غارس احلا واغلا واعلا غرس غرس الحظاره ومجد ماله اقياسي دراك عروس زينوها بليلة عرس لبستها استبرق وياقوت والماسي .......)
وع حدود الساعه 10 بتوقيت دبي ردوا للبيت وفي هل الوقت الساعه 9 بتوقيت السعوديه ...اذن العشا والربع كانوا في الحرم .....وصلوا في الصحن ....وبعد ما خلصوا ردوا للفندق وظاعن سار صوب الابراج ويابلهم العشا وتعشوا وارتاحلو بعد هل الدرب الطويل من المدينه لين مكه .......وبختلاف اوقات شروق وغروب الشمس ....الساعه 9 صباحا بتوقيت امريكا الموعد المحدد للاشعه ......وقبل الموعد بعشر دقايق....

دكتورحسام بعد ما دخل وسلم ع راشد وعلي وناصر ومايد...
دكتور حسام: انا راح احول ملف المريض لدكتور متخصص (الكسندر ديلوبيز)....وهوه راح يشرف عليك هلا في الفحص..

راشد: دكتور لازم الفحص
دكتور حسام: اكيد خيوا بدنا نطمن ع حالتك ..وصحتك ولو
ناصر: ما عليك شر يا ولد العم فحص بسيط ما ياخذله وقت
دكتور حسام: هوه راح ياخد وات لانو راح نستعمل جهاز واحد بيفحص كل اجزاء الجسم في نص ساعه

راشد: ما باليد حيله
مايد: صحتك اهم يا خوي
علي يبتسم

دكتورحسام:راح تيجي النيرس هلا وتاخدك ع غرفه الاشعه..وخلك متفاءل هيدا احسن شي هلا
راشد بتعب: ان شاء الله دكتور
وبعد ما يت النيرس ...وتاخذ المريض لغرفة الاشعه واللي خذت نص ساعه وكانت سنه بالنسبه لناصر ومايد وعلي من كثر ما هم مستهمين على خويهم وع النتايج اللي بتطلع
مايد: شكلهم خلصوا
ناصر: هيه ....شو ظنك طلعوا النتايج
علي: لا ما يواحيلهم الحين يبالهم 10 دقايق
مايد بكتآب: بعد
وفي هل اللحظه ياهم الدكتور حسام وهوه كان متواجد ويا المتخصص لان جنسيته فرنسي وصعب يفهمون عليه ...

دكتور حسام: مين فيكوا بياربلو
مايد: انا اخوه
ناصر: وانا ولد عمه
علي : وابا ربيعه وبحسبة اخوه ....
دكتور حسام : ممكن تيجوا معي لغرفتي
مايد وزاد خوفه في هل الفتره يا تروا شو فيه راشد ....هوه بخير ومرات يقول في نفسه...يمكن انيميا ولا التهاب ولا يمكن ارق او حتى نقص نظر شو فيه
ناصر: مايد افا عليك بس
علي: احين بنعرف من الدكتور
وبعد ما وصلوا لغرفه الدكتور حسام وارتاحوا..

دكتور حسام وبدا عليه الحزن : والله ما بعرف شو بدي ااولكوا...

مايد..وفرز من كرسيه: خير دكتور شو فيه اخوي
ناصر وعلي...وحزن الدكتور اثر عليهم:................
دكتور حسام: هد اعصابك وبدي تسمع حكياتي منيح
مايد: اوكي
دكتور حسام: والله نتايج الفحوصات ومثل ما شفتوا انا كنت المساعد مع الدكتور الكسندر....اكتشفنا ان سبب الصداع اللي بيعاني منو راشد هوه ورم سرطاني صغير...ع النخاع الشوكي

الكل: شوووووووه
مايد وبدا ينهارو بدمعه تنزل على خده: لا لا تجذب شو سرطان هاه
ناصر وبدت نفسيته تتعب....وعلي اللي كان يالس يطالعهم و ينكسر خاطره عليهم
دكتور حسام: انا لسى ما كلمت حكياتي ....
علي: ارمس انا اسمعك ...
دكتور حسام: هيدا الورم بدا يظهر من سنه تاريبا وفينا نقظي عليه كليا بالعلاج المستمر
ناصر: يعني...؟!
دكتور حسام: راح نعطيه علاج كمياوي لمدة سنه
علي: والله يادكتور هذا العلاج مقدور عليه بس المريض كيف بنخبره عن حالته ..
دكتور حسام: بيعينا الله عليه لكن الصبر والامل الكبير للمريض بانوا يتخلص من هيدا المرض اهم شي اقبل العلاج ...راح خليه يطلع من المستشفا هلا وبدي ياكوا تفهموه منيح عن حالتوه وانه فيه يقظي عليه ...

ومايد اللي كان يالس مبهت يفكر باخوه شو بيستويبه اذا عرف انه مريض بالسرطان وامه واخته عمه وهله كلهم في هل اللحظه حس ان ع قلبه حمل كبير وبعد ما لقوا التصريح من الدكتور ع اساس يطلعون راشد وساروا صوب الشقه وراشد اللي كان يتخبر عن النتايح ويقولوه اصبر لين ما نوصل...وبعد ما وصلوا للشقه ويلسوا

راشد وبدا يتغيض: شو النتايج ذليتونا
مايد: راشد
راشد: نعم
مايد: بقولك بس اباك اتحط في بالك انك انسان مؤمن بالله وبالقدر اللي كتبه لك
راشد وبدا يرتبك: ليش شو فيني
ناصر وعلي وقلوبهم بدت اتقطع ع راشد...
مايد: راشد الدكتور قالنا ان فيك (متردد) فيك ورم سرطاني في النخاع الشوكي
راشد فز من محله وبدت الدموع تنزل من عينه و اعصابه تحترق ويصارخ: لاااااااااا لااااااااااا ماصدق جذب لالا جذب انا ما فيه شي انا بخير وباجر برد دبي
مايد وبدا ينهار ويصيح ولوا ع اخوه يبا يهديه: راشد خل ايمانك بالله قوي ...ع (بعد صمت مدته دقيقتين)امايا شو بيصير فيها اذا انت استوابك جيه ....اخت واهلك راشد لازم تراويهم انك قارد اتحمل المرض وتتحداه وتقضى عليه والدكتور قال انه يقدرون يقضون عليه بالعلاج الكيماوي وان شاء الله بترد مثل اول واحسن

 

[ضوى العيون]

الجزء العاشر:

راشدوبدا يرتاح: كم مدة العلاج
ناصر: سنه
راشد وباكتئاب:......
مايد بضيق: لا تحاتي يا خويه انت خلك بصحتك وانا بتصرف في كل شي ولازم تبدا العلاج باجر ...وصدقني بتكون بخير
علي: احمد الله واشكره يا راشد فيه ناس عندهم هل المرض وجايد من سرطان
الدم ولا الرئه وانت مرضك مقدور عليه والحمدلله يوم فحصت بسرعه لان الورم صغييير وبيختفي ان شاء الله ....
ناصر وعلي : ان شاء الله
راشد وبعده في حزنه: ان شاء الله

وبعد ما سار راشد صوب حجرته والشباب بعدهم في الصاله

مايد :ناصر
ناصر: نعم
مايد: شو الحل الحينه لازم نخبر الاهل
ناصر: والله مادري شو رايك نخبر سهيل
مايد: شورك وهداية الله

اتصل ناصر في سهيل والوقت في دبي الساعه 1 فليل....

ناصر: الو السلام عليك
سهيل بفرح: وعليكم السلام وهلا والله بناصر
ناصر: هلا فيك شحالك ربك بخير
سهيل: يسرك الحال ....
ناصر:..........
سهيل: خير ناصر شو بلاك
ناصر: والله مادري شو اقولك
سهيل وبخوف: خير شو استوا
ناصر: راشد
سهيل وبعصبيه: شو بلااااااه
ناصر: راشد فيه السرطان
سهيل و الصطمه من الخبر اللي سمعه وحس الدنيا اسودت في ويهه:.........
ناصر: سهيل؟
سهيل والدمعه تنزل من عينه: وهوه شو اخباره الحين
ناصر: الله يدري بحاله بس سهيل ياريت اتخبر ابويه والاهل ...وهالله هالله في امه ...
سهيل مبهت: ان شاء الله ....فمان الله
ناصر: الله يحفظك
وبعد ما سكر سهيل عن اخوه ناصر ماعرف شو يسوي وقال مستحيل اوعي ابويه من رقاد..وفكر انه يتصل بنهيان ولد عمه ويعزمه ع الغداء عندهم باجر ..وفعلا اتصل به وعزمه ونهيان اللي كان مستغرب من هل العزيمه .....ياترا شو يبا سهيل ..غريبه اول مره يتصل بي ويعزمني ....وبدت الافكار تلف وادور في راسه .....وفي هل الوقت والساعه 3 صباحا بتوقيت السعوديه والعرب كلهم رقود سلامه واتنش فجأه

سلامه بخوف ورعب: بسم الله الرحمن الرحيم عوذ بالله من هل الحلم
رفيعه(ارقادها خفيف) بستغراب: شوه بلاج سلامي بلاج
سلامه تصيح: رفوع حلم يخوف
رفيعه: اعوذ بالله بسم الله عليج هدي بييب لج كوب ماي ...

سارت رفيعه صوب المطبخ ويابت لبنت خالتها الماي وشربته وهدن اعصابها وردت ترقد ......وبعد ما نسوا وساروا يصلون وبعدين خذوالفه في السوق واشتروا اللي يحتايوله ......وردوا يطبخون غداهم ....ويتريون وقت الصلاه عشان يسيرون الحرم ...وفي هل الوقت وفي دبي خاصه الساعه 2 الظهر وهوه وقت الغداء وقبل هل الوقت اتصل سهيل في ولد عمه وقاله انه بيي ويا ابوه وبيتغدون عندهم وسهيل خبر ابوه عن راشد ...الضحى ولان ايمانه قوي بالله وبشفاء راشد ان شاء الله ...قرر انه يخبر ام راشد ...وبعد ما تغدوا ويلسوا يتفاولون ويشربون الشاي ....

بو سهيل : شحالج حصه
حصه: الحمدلله بخير وسهاله يا عمي ...
بو سهيل : الحمدلله يا بيتي ....ام راشد والله انا ياي وعندي لج خبر(يقولها بضيج وصعوبه)...
ام راشد: خير يا بو سهيل ..ان شاء الله خير
نهيان وسهيل وحصه: ان شاء الله
بو سهيل : والله ياختي بخبرج بس ابا ايمانج بالله قوي
ام راشد ..وبدا الخوف يذبح قلبها..: خير شو مستوي حد من عيالي فيه شي ...عرب شي استوابهم
بو سهيل: يام راشد استهدي بالله
ام راشد: اشهد ان لا اله الا الله محمد رسول الله
بو سهيل : راشد مريض
ام راشد وبخوف: شو فيه بشوه مريض.
بو سهيل : يا ام راشد راشد فيه سرطان في المخ
حصه وتصارخ : لااااااااااااااااااااااااااااااااااااااااااااااا
نهيان منصدم باللي سمعه والدمعه ع عينه وام راشد بدت تنتفض واتصيح....واغمى عليها ...وسهيل اللي ما قدر يتحمل هل الموقف ربع ..لاجرب حجره وياب الكلونيا ...عشان يوعي حرمة عمه ونهيان اللي كان يالس حذال امه ...وبدا يصفعها بالخفيف وبعد ما نشت لو عليها وتم يصيح ...حصه اللي ما استحملت هل الموقف....ربعت صوب عمها وتمت اتصيح

بو سهيل: حصه يا بنتي بس لا تصيحين الله يهديج بس ...
سهيل: يا نهيان هد يا خويه عمتي استهدي بالله ..
ام راشد ...وبضيقة خاطر وبمراره: لا اله الا الله محمد رسول الله

وبعد ما هدوا شويه

بو سهيل : ام راشد ...ولدج بخير هذا المرض الحمدلله ع وقتنا الحين له علاج ..وبيرد مثل قبل واحسن

نهيان: واحين ياعمي شو حاله..
سهيل : هوه بخير وسهاله وتقبل الامر وبيتعالج ..وبيبدون باجر
نهيان: كم بياخذله ...
سهيل: سنه
ام راشد : ابا ولدي ودي اشوفه ....
حصه: وانا بعد ابا اشوفه
بو سهيل : يصير خير يا ختي سهيل بيجهزكم التذاكر وعطوه الجوازات .....بيخلص لنا الفيزا ...وبنطير في اقرب فرصه
ام راشد: ان شاء الله .....

ام راش عطت سهيل جوازاتهم وسار لدناتا وقطع لهم 5 تذاكر له ولبوه وعيال عمه وحرمة عمه .....والرحله بتكون بالباجر ع طيران الخليج ....

حصه جهزت اغراضها ..وجهزت اغراض امها واخوها ...وابو سهيل وولده بالمثل ...ومر هل اليوم والله كتب انه يكون ع خير واتصل بو سهيل ..في هله في السعوديه عشان يخبرهم انه بيسافر....

منال كانت يالسه في الصاله ويوم مرت صوب المطبخ لقت سعيد .....
منال بستغراب: شو هذا
سعيد: اسويلي حليب شاهي ...
منال: وخيست الدنيا
سعيد: والله شو اسوي ما عرف لدلة الكهربه ..
منال: اطلع اطلع انا بسويلك الحليب...
سعيد : لااا اصبري ...(وطلع من المطبخ)
منال: وتبا...؟
سعيد: اصبري شوي ..بلاج مستعيله وهوه كان يتصل في عمال النظافه اللي في الفندق وبعد خمس دقايق....سمعت منال صوت الجرس ولقد عمال النظافه...
سعيد: تعال تعال شوف هذا بنت وصخ مطبخ كله حليب سو تنظيم زين بابا
العامل يهز راسه..
منال ومبحقله بعيونها: تخ عيني يا الجذب اوني انا اللي جبيت الحليب.
سعيد ويضحك بمكر

سلامه كانت نازله من العزفه الثانيه : شو بلاكم ...(منال خبرتها عن سوايا سعيد)

ويلست هيه وسعيد ومنال وابو ظاعن

منال: سعيد صدق تدرس في لندن
سعيد: هيه
منال: خيبه مناهجهم صعبه..
سعيد : يعني هاه بس الحمدلله ممشين الحال
منال: مب ملل كلهم اجانب
سعيد: لا شو تحسبين عنا مواطنين بس شو سوالف ومقالب اقولج كنا في البريك انسير فحجره في اخر طابق محد يدريبها ونشل فوالتنا من بلاليط وخبيص وناكل وننسى الكلاسات
سلامه ومنال: هههههههههههه
سعيد: ولا لو تشوفينهم وهم يترابعون مثل المينن يدورونا بس نلقى لنا عقاب ما يسر الخاطر

منال: هههه حليلكم
سلامه: عمي بو ظاعن شو رايك انا ابا اخذلي ليسن...
بو ظاعن: زين يا بنتي بس منقود البت اتسوق منوه بياخذج
منال: لا عمي خبرك عتيج ...احين كل الحرمات يسوقن
سعيد : بس ما وصيكم سلامه انتي عليج ابراج الامارات اعفدي عليهن بسيارج ...ومنال برج العرب لاتقصرين دعمن السيايير وبيوت الناس
سلامه: ههههههه
منال بستهتار: لا والله شو قالوا لك ما عرف اسوق...

فجه يحدر عليهم ظاعن: منو هل اللي بسوق
سعيد : منال اونها بتاخذ الليسن
ظاعن مستغرب: شو تبينه
منال وبدا ويها يحمر: اباه وبس في خاطري
ظاعن: يعني كل شي فخاطرج بتاخذين غصبن عن الجميع...
منال: هيه ولو يكون غالي والثمن غالي
بو ظاعن : والنعم والله بنت ريال ...يكفي ابوج محمد الفلاسي ..
منال: تسلم والله لا خليت منك انا
ظاعن: اوه اوه يا بويه ما نروم
منال ومن المستحى...قامت من محلها وسارت للحجره ...عن رفوع

وفي هل الوقت بو سهيل يتصل ....

بو سهيل : الو السلام عليج يا بنيتي
سلامه وعليكم السلام والرحمه هلا والله بابويه فديتك انا تولهت عليج
بوسهيل : تولهت عليج العافيه يالغاليه وشحالكم
سلامه : بخير وسهاله يا بويه وانت شحالك وشحال سهيل وناصر وعيال عمي وحرمته ..
بو سهيل : كلهن بخير وسهاله ....عيل امج وين
سلامه :هذيه حذالي.....
بو سهيل: سلام عليج مريم
ام سهيل : وعليكم السلام مرحبا ببو سهيل
بو سهيل : مرحب باجي .....وشو علومكم
ام سهيل: علومنا زينه وانت شحالك والعيال شو مسويين
بو سهيل : كلهم بخير ونعمه الحمدلله
ام سهيل: الحمدلله
بو سهيل : مريم اليوم بسافر امريكا ويا سهيل وعيال اخويه ثاني وام راشد..
ام سهيل: خير يا محمد
بو سهيل: خير ان شاء الله ....راشد تعبان وبنسير له
ام سهيل: خير شو فيه راشد....(سلامه كانت حذال امها)(وفز قلبها في هل الوقت حست بنفس الاحساس بالخوف وبضيجه )
بو سهيل: راشد فيه السرطان...
ام سهيل اشهقت: شووووو سرطان اعوذ بالله لا اله الا الله محمد رسول الله
سلامه وتحس بروحها بتطلع ...ركضت صوب حجرتها ورفيعه كان هناك ....تمت اتصيح واتصارخ لا كذب كذب
رفيعه...بقلق: سلامه شو كذب
منال والفضول بيذبها: بلااااااج شو مستوي ...
سلامه وهيه تصيح: رااااشد
منال: ماااااات
سلامه: لا
رفيعه: فال الله ولا فالج يالدبه ...
منال: عيل شو بلاه ...
سلامه بخوف وتردد: سسرطااااان
منال ورفيعه: شووووووووووووه سرطان
سلامه تصيح:.................
منال ربعت صوب امها ....تبا اتاكد من اللي سمعته:امايا شو بلاكم شو مستوي
ام ظاعن: ولد عمج في السرطان
منال وحست بضيق: عيل اللي قالته سلامه صدق ...
ام سهيل: هيه ....
منال: له علاج ولا ماله
ام ظاعن : يا بنيتي السرطان له علاج ....بالكيماوي ...
منال: وبعدين
ام سهيل : باخذله سنه يتعالج
منال: لا حول ولا قوه ...قدر
ام ظاعن : هيه يا بنتي صدقتي قدر...

 

[ضوى العيون]

بو سهيل واللي وياه سافروا صوب امريكا والحمدلله وصلوا وتلاقوا بناصر ومايد في المطار وراشد اللي كان منوم في المستشفى....وبدى العلاج وبالعكس راشد كان متفاءل وايد انه يقدر يتحدى المرض ويقضي عليه بالصبر وام راشد اللي شافته انسان طبيعي مثل ماا كان قبل وارادته اقوا ارتاح قلبها وقعدت ويا ولدها في المستشفى ..وسهيل حجز لهم شقه في نفس الفندق اللي حاجزين فيه ناصر وعلي ومايد ...ومرت مدة الرحله المقرره ع هل السعوديه وفي هل الفتره اللي قضوها هناك ..كل واحد ما قصر في الدعا لراشد ...ان الله يعافيه ويقويه ويصبره ع مبتلاه ...وسلامه بالاخص كانت تدعي له في كل حين.......وفي هل الوقت طلعوا من مكه صوب مطار جده مع انهم قرروا يسيرون الطايف بس الخبر اللي سمعوه خلاهم يغيرون رايهم ويردون البلاد في اقرب فرصه ...وبعد ما نزلوا من الطياره ..وسعيد المنصوري الولد الخجول اتعود ع هل العرب السنعين والمرحبانيين وكانوا راكبين في سيارة المطار اللي تصلهم صوب الطياره:

شيخه يالسه حذال سعيد...
سعيد: شيخه تعرفين شو مكتوب ع الطياره
شيخه: لا ماعف
سعيد: مكتووب خطوط الطيران السعوديه الشيوخيه...
شيخه: خخخخخخ هادي تيلاتي يالله ما تلكب فيها
سعيد: اب خذتنا بشراع وميداف يا مي انا اللي خبرتج عنها وبتروغيني
شيخه: لا انت او واحد بتلكبها
سعيد: يااااااااااااويلي محظوظ..
ظاعن: يا حظك يوم رخصوك الشيوخ
سعيد: شفت عاد واسطتي قويه...
الكل يضحك ع رمسه سعيد وشيخه وبعد ما ركبواالطياره وطاروا صوب مطار دبي....كانت ريم وعنود وام حمد يتلقون لعربهم في المطار وسيارة ام سهيل كانت موجوده ...(ياي فيها بخش)وكلوزر حمد اللي بيحمل فيه اغراض هله ويسوقه دريولهم ...وبالنسبه لحمد ركب سيارته الستيشن عشان يوصل خالته وعيالها وعمه ....وحمده وعيالهم هلهم هلهم من العين وودعوا رفاقتهم وضربوا خط للعين ...وخذوا طريج الامارات لانه اسرع

 

[ضوى العيون]

وبعد ماردوا البيت وكان الوقت مسا والعرب تعابى سار كل واحد غرفته عشان يرتاح ....

ويوم اصبحوا الصبح شافواالفوايل ترس البيت والذبايح......وام سهيل كانت موجوده في الصاله هذاك الوقت ونزلت منال اتشوفها ...

منال: امايا شو هل الحشره اسمع صوت صخول ليش نحن عناعرب في البيت ولا شو
ام سهيل: لا يا بنتي هذيلا يايبتنهن يارتنا ....بنت مطر
منال: اها انزين قولي لبخش ولا كما ل يودونهن صوب العزبه ....
ام سهيل: ما عليه احين بخليه يسير يوديهن ...
منال: احسن عيل وين سلامه وشواخي..
ام سهيل: ما دريبهن يمكن الا رقود....
منال: يمكن شي فخاطرج يالغاليه بسير اشوفهن
ام سهيل: سلامه راسج يالغاليه ...
منال: تسلمين لا خليت منج ياربي....

وسارت منال صوب حجرة سلامه ودقت الباب....
منال:سلامه شو راقده....؟
سلامه وبتعب: لا ادخلي واعيه
منال: بلا ويهج منتفخ حشا مارقدي
سلامه: لا ما يا ني الرقاد...
منال:اها تعالي ريمانه وعنوده بيونا اليوم ..
سلامه بلا نفس: هيه ادري ...اقول قومي قومي بحط راسي يمكن ارقد وارتاح من هل الدنيا
منال وبتعب : رقدي ماما رقدي مخالفه العرب انتي الناس رقادهم في الليل وانتي في النهار....

في امريكا وفي هل الوقت تبدا اجازه الشباب ....علي بيرد لاهله في بوظبي وبالنسبه لناصر ومايد ...بيسيرون اسبوع وبيردون

الكل يالس في الصاله (بو سهيل ..ناصر ...مايد...نهيان) ام راشد وسهيل عند راشد في المستشفى..

حصه: مايد متى بترد دبي
مايد : ورا باجر
حصه: دخيلك ودني وياك مابا اتم هنيه ملل وجوهم اييب لك المرض
الكل يضحك.
مايد: مادري بفكر..
حصه بضيج: دخليلك اتوديني عمي رمسه..
بو سهيل : يا عيالي شلوها وياكم ...
ناصر: يا بوي وين نبا البنات ويانا خلها تيلس وياكم
حصه: نصور اشوفك اتحط عليه والله مب ماكلتنكم ودوني مليت
مايد: وين بتيلسن محد في البيت ...
حصه: بسير صوب امي موزه في العين ولا بتم عند بنات عمي محمد..
بو سهيل: هي والله خلوها بتيلس عند خواتها
مايد : خلاص بنحجز لج كلتينا .

حصه: فديييييييييييييت عمي اشكر فنك
مايد: هاه هاه الا عمي عيل ماشي سيره ...
حصه: فديت ميودي افا عليك انت اخوي .....
ناصر: هههههههه مكاره لاحقتلي منال
حصه مطلعه لسانها...: ما اسمحلك تراها بنت عمي واختي
مايد: اشتغل محامي الدفاع
ناصر وابوه: هههههههههههههه


وبعد ما حجزوا ثلاث تذاكر لمايد وناصر وحصه ....وسافروا صوب دبي .....وصلوا للمطار واستقبلهم الدريول ويابهم صوب بيت بو سهيل ......

ام سهيل يوم شافت ولدها لوت عليه وتمت اتصيح: فدييت ولدي لا حرمني الرب منك ياربي
ناصر: تفدج العافيه يالغاليه ولا حرمني منج ياربي شحالج
ام سهيل: بخير وسهاله ....دامنك بخير
مايد: اشوف الا العرب نسونا ..
بو سهيل : اسمحيلي ولدي يا مرحبا فيكم شحالك مايد ..
مايد: بخير وسهاله عمتي انتي شحالج ..
ام سهيل : بخير وسهاله وحصه شحالج وشحال الاهل مناك
حصه: كلهم بخير وسهاله ..يسلمون عليكم
ام سهيل : الله يسلمهم من الشر ...
حصه: عيل وين البنات...
ام سهيل : ظني الا في حجرتهن فوق ...
حصه: زين عيل بسير افاجأهن
مايد: تفاجائينهم ولا تسويلهن رعب...
حصه بستهتار: ه ه ه ه ههه ما تضحك بايخه
ناصر ومايد وام سهيل : هههههههههههه

سارت حصه الطابق الثاني تبا تفاجأ بنات عمها ودقت الباب ....
حصه: ماما سلامه
سلامه: دخلي ليندا
منال مستغربه: شو ليندا هذا مب حس لنا حشا في يوم وليله تغير صوتها ..
سلامه : هيه صدقتي ...

حصه واقفه عند الباب والتريا ....

سلامه تصاصر منال: تعالي اقولج تراني شاكه في ناس ...
منال: لا تكون الصوص راعية المقالب ..
سلامه : وحد غيرها تعالي بنخوفها
منال: هيه فكره هيه بتعشانا ونحن بنتغداها ..
سلامه: هههههههههه
حصه : ماما سلامه بتل باب

سلامه ومنال يمشن صوب الباب شوي شوي ...وتفج الباب ويصارخن في ويه حصه : بوووووووووووووووو
حصه تصارخ ....واللي تحت سمعوها واختضوا من الصوت وربعوا صوب مكان الصوت وشافوها يالسه ع الارض وخايفه ...ومنال وسلامه يضحكن عليها

ام سهيل بخوف: هاه بناتي شو استوابكن
منال: الصوص تبا تسويلنا مغلب وجلبناه عليه ...
ناصر: حد قالج
مايد : حصووه شو هل الحركات بعد
حصه: اصكتوا انا قلبي يسوي دق دق .....واجد
الكل يضحك عليها
سلامه : اميه الصوص شوه ماكله فلفل ولاشي اشوف عرق الهنود اشتغل
الكل يضحك
حصه تبا تغير السالفه: حوه لا تضحكن سلمن ع اخوكن وولد عمكن اول ...
منال وسلامه حسن بالنار اللي شبت في ويهن(احترق ويهن)...
منال تسلم ع اخوها وتوايه: السموحه منك نصور تعرف ام الحركات نستنا كل شي ..
وسلامه وايهت اخوها وولد عمها ونزلوا يلسوا في الصاله تحت .....وسلامه سارت تسويلهم عصير فرش .....وبعد ما شربوا وارتاحوا...

سلامه : هاه الصوص بتمين عنا ولا بتسيرين بيتكم
حصه: والله مادري بميود ....هاه مايد شو الراي..
مايد: بنسير بيتنا
ام سهيل : يا ولدي وين بسير بيتكم والبيت خالي ما فيه حد اقعد عنا
مايد: عمتي مانبا نثقل عليكم
ناصر: افا عليك ولا نسيت انا اخوان وهذا بيت عمك وبيتك نحن الطالعين وانتوا الداخلين ...
مايد: تسلم يا ناصر وهذا من كرم طيبك
ناصر: الله يسلم غاليك ياربي ...
ام سهيل: خلاص بتيلسون عنا حصه بترقد في حجرة وحده من البنات ...وانت ارقد في حجرة سهيل ...
مايد: شورج وهداية الله عمتي
منال: خلاص انا بسير اقول لليندا اتجهز لكم الحجره ....
ناصر: زين ما تسوين ...اقول مايد تعال قم نرتاح ...
مايد: يالله ....

ناصر ومايد ساروا صوب حجرتهم وارتاحوا وبالنسبه لحصه فظلت ترقد في غرفة سلامه لانها اوسع من حجرة منال .....وفي هل الوقت وبعد ما اذن العشا وصلوا وحطوا الغداء وتعشوا ....كلن سار غرفته ...منال غرفتها حذال غرفة سلامه وغرفة ناصر مجابلتنهم وسهيل حجرته حذال حجرة اخوه ..وبالنسبه للوالد فغرفتها تحت وشواخي بعد.....

وفي هل الوقت كانت سلامه في غرفتها ووياها حصه ومنال ...شواخي انراغت من الحجره باعتبارها صغيره ولازم ترقد من وقت....

 

[ضوى العيون]

منال: هاه الصوص خبرينا شو سويتي في امريكا ...
حصه: ما سويت شي يلست في الشقه شغلوني حرس
منال وسلامه: ههههههه
منال: عن الجذب عاد قوليلنا ....
حصه: اقولج محبوسه ولو مب محبوسه حن ما عزرت عليهم ايردوني دبي فديت دبي والامارات بكبرها ما تسوا شبر من امريكا
سلامه: هيه والله صدقتي
حصه: منالوه انتي اللي قوليلنا شو سويتي في السعوديه ...
منال: اووووووووه وايد ضحك وسوالف
سلامه: هيه مثل سالفه المطار...
حصه وبتموت من الفضول...: شوه شوه دخيلج خبريني
منال منحرجه ومعصبة في نفس الوقت : لا لا لا سلامي فديتج لا تخبرينا ...
سلامه: اوووووه اقول اللي بتدفع اكثر بنفذ اللي تباه
منال: شو يعني رشوه
حصه: ظني الا جيه
منال: عادي شو فيها خبري انا كووووووووول
سلامه: يا عيني ع بنت الكول انا ....المهم حصوه ترا منالوه يابت رمسه لعمرها قالت عن ظاعن ولد خالتيه عفرا..انه حليوه وشويخ تدريبها من تسمع الرمسه ما تصكت سارت صوب ظاعن وخبرته ..وانحرج الريال
حصه: اوه اوه منالوه شو ناويه تخبليبه ...
منال: ليش لا ...
سلامه : يا قواة هل الويه ما تستحين انتي .....
حصه: الحبيبه تشتغل في القنص وانا مادري
منال: عشون عيل ...ني عيبش ع قوله العوامر
سلامه: منال انتي فاضيه الصراحه..
منال : هيه فاضيه لاني يالسه وياكن احسن لي اسير المطبخ واخذلي عصير يريح القلب .....

قامت منا لبتطلع من حجرتها تبا اتسير صوب المطبخ وكانت لابسه بجامتها الورديه وفاله الشعر ومجحلة عيونها والحبيه نست ان ولد عمها في البيت ..طلعت من الحجره ولقت مايد طالع من الحجره يبا يسير صوب ناصر ...وتفاجأ يوم شافها وفج حلجه ومستغرب ...ومنال اللي فتحت باب الحجره بسرعه ودخلت

منال بخوف: بسم الله الرحمن الرحيم يا ربي انا شو سويت في حياتي
سلامه وحصه بخوف: بلااج
منال: اه اه خلني اتنصخ حسبي الله عليكن..ز
حصه: انزين شو بلاج ..
منال: طلعت من هنيه وشفت جدامي شبح
سلامه: منوه هل الشبح ....
منال: مايد
حصه بستغراب:..........
سلامه: هههههههههههههههههههههههه
حصه وبتموت من الضحك: حليلك يا خوي بقوم اشوفه خوفي الا ما تمحله ...
منال وباستغراب: شو يموت بعد
سلامه: صدق انج خريشا وفاله الشعر ولابسه هل البجامه.....قومي الصوص خوفي الا اخوج استوابه شي .....


وفي هل الوقت وبعد ما شافها مايد في الممر وهوه ساير صوب ناصر ودخل عليه وكان يتسبح ...انسدح ع الشبريه ....ويلس مبهت ....هوه في حلم ولا علم منال هل البنت الشيطونه ....تكون بهل الجمال ...الشعر الطويل اللي يبهر الكل ولا العيون السود او الويه الصبوحي ....تم يفكر وفي هل الوقت ناصر واقف عدال ويزقره وهوه لا حياة لمن ينادي ....خلاص صفعه طراق خفيف ومزوحي .....مايد ميود حوووووووه بلاك وين سرت

مايد: هاه لا وياك
ناصر بمكر: ويايه هاه مب علي هل الرمسه....
مايد بيغير السالفه: تعال انت وين كنت ما لقيتك في الحجره..
ناصر: حووووه لا انت شي فيك محموم يا اخي ولا شوه ...انا كنت اتسبح وخبرتك يوم طلعت من حجرتك ....
مايد : هيه هيه صح

نرد لمنال وسلامه وحصه....
منال: يا فظحتي يا فظحتي شو بسوي الحين وين بودي ويهي منه..
سلامه: عادي عادي ويهج لوح ما يباله شي ....
حصه: انا محد غامضني الا اخويه مايد مشكله انسان حساس والصدمه يمكن قويه....
منال: ما همج غير اخوج ....وانا بنت عمج مسوتلي طاف...
حصه: اووووووه بسج عاد حشرتينا ...
منال: ترا اليلسه وياكن ما وراها فايده احسن لي اسير وارقد ابرك لي
حصه: شاطره الله يبارك فيج حبيبتي سيري فرشي اسنانج ورقدي ولا تنسين اتلحفين...
منال: لا والله واتطنزين حظرك الله يراويج اللي ياني وبتحسين فيه ..
حصه: بسم الله عليه ان شاء الله عدويني .....
سلامه: ايييييييييييييييييييييييييه بس تراني بطلع وبخليكن اتناقرن ...
منال: يلسي محلج وين تبين انا اللي بطلع

وطلعت منال وسارت ترقد ....سلامه وحصه كملن سهرتهن

 

[ضوى العيون]

الجزء الثاني عشر

سلامه: نعم حصه
حصه:..........
سلامه: خير حصه
حصه: صراحه يا سلامه ماعرف من وين ببدا
سلامه: خذي راحج وقولي اللي عندج...
حصه وبتردد: انتي صدق اتحبين راشد؟
سلامه و طاري راشد خلاها اتحس بضيج فضيع..: انا.........
حصه: قولي يا سلامه تحبينه
سلامه: بجاوبج بصراحه ويمكن جوابي يريحج...انا كنت احبه يوم كان خاطبني بس بعد اللي استوى بعد كنت احبه وانا احاول انساه واعتبره ولد عمي وبس
حصه: انا اقدر موقفج منه بس تدرين بالشباب ان كل وقتهم لعب بس يوم يعقل الواحد يقدر الواقع اللي يعيش فيه
سلامه وبدت الدمعه تنزل من عينها وتتكلم بطرقه تثير الشفقه: بس انا مب اي وحده يقص عليها انا انا بنت عمه ع الاقل لو كان يعتبرني اخته كان احس ولا يسوي اللي سواه ...يدعي انه يحبني وخرتها يتعلث انه طيش شباب ...
حصه: خلاص سلامه بس
سلامه: احين ارتحتي
حصه: انا ما تخبرتج الا بس عشان اطلب منج طلب بسيط
سلامه: امري
حصه وبضيج: دعي ان الله يشفيه من مرضه
سلامه: ان شاء الله ومع الي استوى كله بيتم ولد عمي ..وان شاء الله الله يشفيه من اللي فيه ويفرح قلب امج ويفرح كل اللي يحبونه
حصه وبدت اتصيح ولوت على سلامه: سلامه انا خافيه خايفه ع امي واخواني وع عمي اذا راشد استوابه شي او.....

سلامه قاطعت حصه: لا يحصه خلي ايمانج بالله قولي ان شاء الله بيشفى خلي الامل يعم ع الكل ولاتحسسين العرب باللي فيج .....الانسان مب لازم عليه يفرح في هل الدنيا اذا مان يدري ان اذا تصنع الفرح بيسعد الكل لا تخلين اي حد يحس انج حزينه
حصه تمسح دموعها: ان شاء الله بحاول
سلامه: ان شاء الله واحين يالله سيري غسلي ويهج ويالله رقاد ....
حصه: ان شاء الله...

وبعد ما انتهت هل السالفه ع خير ورقدن سلامه وحصه ..وبالنسبه لراشد مرة ع فترة مرضه او علاجه شهر ونص وبدا يتعالج بالكيماوي ونفسيته عال العال وسهيل اللي خذ اجازة اسبوعين من دوماه بدت تنتهي وهوه مضطر انه يرد للبلاد وبو سهيل بعد خل كل اشغاله وسار لامريكا وقرر انه يرد ويا سهيل ...وام راشد بتم ويا ولدها وبالنسبة لاجازة ناصر ومايد بدت تنتهي ونهيان بيبدا دوامه ونحن الحين في اخر شهر ثمانيه ...والكل بيرد للبلاد بيجابل دواماته والبنات بعد عليهن دوام الكليه سلامه وبتكون لها اخر سنه في الدبلوما وحصه بعد وبالنسبه لمنال والريم فبيكونن في السنه الثانيه بعد ماانتقلن من التاسيسي للانجاز وفي هل الفتره بيتخصصن ولا تكنلوجيا معلومات او اعمال....عنود هل السنه بتكون قبل الاخيره لانها دبلوم عالي ...نهيان اللي كان كل حلمه يكون ضابط عسكري يفخر به الاهل وخاصه امه ويحقق حلم ابوه المرحوم ان يكون حد من عياله ضابط يفتخر به بين الناس ....سهيل اللي دوامه متنقل من دبي (جبل علي)ولبوظبي ومرات في العين...قرب ان يثبت ع مكان واحد وهذا اللي كان يتمناه..و راشد ومثل ما نعرف انه يتعالج ..لمدة سنه وبيعوض اللي فات بعد مايشفى

في دبي المسا ...وهوه الوقت اللي بطير فيه الطياره لامريكا ناصر ومايد سلموا ع الاهل وحصه بتكون في هل الفتره من السنه في بيت عمها محمد ...ووبتسير الكليه ويا بنات عمها صح بتكون سنه حلوه بالنسبه لها يوم برافق بنات عمها وبتيلس وياهم طول الوقت مع لانها وحيده امها وابوها وما حست بفرحة البنت اذا عاشت ويا اخت تحبها وتحترمها وتضارب وياها وغيره من سوالف و ضحك....وشواخي بتكون اول ابتداءي هل السنه.......

منال: سلامه وحصه شو رايكن انسير السوق
حصه بحماس: هيه فكره حلوه يالله انا ابااروح
سلامه: وانا بعد ابا اخذلي بدل للسنه اليديده وشنط ونعول وووو...
منال: خيبه هذا كل شو ناويه تخمين السوق كله .....
حصه: شو عليج انتي خلينا نحن اخر سنه لنا في هل الكليه وبفتك من ويوه الاساتذه ...
منال: يا حيكن والله عيل بترخص من امايا وبنسير .....

منال وبعد ما نزلت اتشوف امها في الصاله تحت وابو سهيل وسهيل كانوا موجودين تحت في الصاله يشربون شاي ويتفاولون والوقت قريب العصر...

منال: امايا نبا نسير السوق
بو سهيل: اي سوقه الاسواق وايده يابنتي
منال: مممممممم نبا انسير الستي ..
سهيل مغيظ: شوووووووه شو تبينه السيتي هاه...
منال: شو اباه بعد بسير اشرى ولامالي حق
بو سهيل: لا لج حق يابنتي ......
منال: يوم لي حق ...(مدت ايدها لبوها) ابا ماني ماني فلوس بيزات يا بويه
بوسهيل يضحك: ههههه ايها بلاج خريشا اندوج
منال مبحلقه: شو ها...1000
بو سهيل : هيه الف شو تبين اكثر من جيه
منال:يا بويه مب الا لي انا انا وسلامه وحصوه بناخذ اغراض للكليه ....
بو سهيل : دامنه للكليه اندوج 6000 كل وحده لها 2000 مب تلعبين بالفلوس
منال: افا والله عليك لا توصي حريص
سهيل: وان شاء الله ويا منوه بسيرين السوق
منال: ويا بخش وليندا
سهيل: لا ماشي سيره
منال: شو ماشي سيره ااااااااااخ ليت الا عمي سالم المتفهم الحبوب عنا ما بيقصر وبيودينا وين مانبا...
سهيل: انا بوديكن
منال: بشوف بشاور البنات....

وسارت منال صوب اخواتها ..وقالتهن ان سهيل بيوديهن الستي...

حصه: لا لا مابا ما بسير
سلامه: ليش توج متحمسه
حصه: دامنه سهيل ما بسير الدريول هيه
منال: شوه بعد دامنه سهيل ما بسير ليش شبح بياكل هوه
حصه: لاا بس..
منال: لا تبسبسن نعمه يوم قال بوديكن ولا امبونه ما بيخلينا انسير السيتي انزين ونحن لازم انسير نتشرا اللي نباه
حصه: مادري...
منال: يالله عاد لاتميلي بس ومادري خلصينا بسيراخبره
حصه: اف يالحشره يالله نتوكل ع الله
منال: الاخت سايره تحارب
سلامه:ههههههههههه
حصه: ه ه هههههه سخيفه ماتضحك
منال: بسير بقوله
سلامه: سيري وفكينا من حشرج حشا حلج لو يدل المحكه بيشتكي عليج
منال: شو اسوي غصبن عني
طلعت منا ل وسارت تخبر سهيل عشان يوديهن السوق......

منال: سهيل وافقن البنات
سهيل: ع شوه يوافقن منوه قال بيوزهن انا
منال: هههههه لا والله الحمدلله يوم ما بتيوزهن
سهيل: خلي عنج هل السوالف الحينه بوديكن عقب المغرب
منال: اوكي بنكون جاهزين
سهيل: احين ممكن تجلبين ويهج ابا ارمس امايا ....
منال: فشوه شو راكم
ام سهيل: خلي عنج الفضول وسيري لخواتج
منال: عادي اليوم بفلوس باجر ببلاش يا سهيلوه
سهيل وبدا يتغيظ: يالله فارجينا اشوف
منال: انزين والله حاله

وبعد ما طلعت منال وسارت صوب اخواتها ....سهيل كان يبا يكلمها في موضوع مهم

سهيل:امايا ...تدرين ان دوامي ثبت في دبي
ام سهيل: هيه يا بويه والحمدلله اخير من السيره صوب بوظبي والعين هنيه بيتك واهلك وبتراتاح ويانا
سهيل: ان شاء الله مي بس انتي تدرين ان عمري 28 وبعد شهرين بدخل29
ام سهيل بفرح: كمل كمل رمستك يابوي
سهيل: امي اباج تخطبيلي بنت حللللللللللوه وبيضا وطويله ماباها متينه
ام سهيل :هذي الساعه المباركه يا ولي انا كنت بس اترياك اتقولي اخطبيلي ومابي اغصبك ع العرس
سهيل: وتراني قلت لج ....
ام سهيل: شو رايك ببنت خالتك عنود تراها حلوه وبيضا والجمال ما شاء الله واحلا من الريم ...
سهيل: والله ماردي يامايا بس لا تستعيلين ....دوري ع راحتج
ام سهيل: لا ياوي خير البر عاجله وتدريبي انا خلاص عيزت وابا اشوف عيالك قبل ما ياخذ الله امانته.
سهيل: لا تقولين جيه يامايا الله بيعطيج طولة العمر ان شاء الله وبتشوفين عيالي وعيال ناصر والبنات وبتيوزينعم بعد
ام سهيل : ان شاء الله يا ولدي ....متى تبانا انسير صوب خالتك ...
سهيل: يوم بتفيجين ...
ام سهيل: شو رايك باجر
سهيل: ع راحتج بس لا تنسين مواصفاتها مثل ماقلت اباها فنانه
ام سهيل: وبتلقى وحده بحلات العنود يازينها ياولي طيب وخلق وجمال
سهيل: عيل خلاص توكلنا ع الله وانا متاكد من ذوقج يالغاليه ما تختارين غير الزين
ام سهيل: فديت خشمك .....
سهيل: تفدج العافيه ياربي ...عيل اترخص بسير صوب العزبه وبيي اودي هل الملغث السوق
ام سهيل: حليلهن يبن يتشرن للكليه
سهيل: حلهن حلول لعابات ما عليج منهن
ام سهيل: سير يا بويه الله يستر عليك

وطلع سهيل من البيت ساير صوب العزيه وفي هل الفتره شافته حصه من الدريشه طالع بسيارتة ..

حصه: اقول سهيل روح
منال: عيل قمنا بسيراخذ السالفه من امايه
سلامه: حوه خريشا شو تبين سالفه بين ام وولدها
منال: الا اعرف شو وراهم
حصه: انا بعد ابا اعرف...؟
منال : قمنا عيل هيا اللي الهجوووووووووووم استعد تسهيأ سر....
حصه: بنسير نحارب ولا شو
سلامه: هههههه الله يعيني عليكن انتن الثننتين
منال: يالله عاد انسير
ونزلن ثلاثتهن من الحجره سايرات صوب امهن في الصاله ...

منال : هاه امايا وين سهيل(وسارت تيلس حذالها)
ام سهيل: طلع صوب العزبه
سلامه: والله حرام ماوداني وياه
منال: اوووووه مب مهم المهم بنطلع اليوم الستي
ام سهيل: وهذا اللي تبنه الحواطه
منال تلوي ع امها وتحبها: امايا حبيبتي اني شو بلاه سهيل
ام سهيل : مابلاه شي شو بعد بلاه
منال: لااااا ماقصد جيه
سلامه وحصه يضحكن
منال بصوت دلع: شو تغارن مني اوووص خلني اكمل شغلي
ام سهيل: منالوه شو تبين
منال: ماشي...بس سهيل يوم راغني شو كان يباج
ام سهيل: هييييه هذا اللي تبينه تراج اتقولين له مساعه اليوم بفلوي وباجر ببلاش
منال بدلع: امايا حرام انا بنتج حبيبتج خبريني عاد ما يسوى علينا كل هل الذل
ام سهيل: انزين انزين بخبرج
واشتغل الفضول عن الكل
سلامه: ان شا ءالله خير
ام سهيل: خير يا بنيتي سهيل ثبت دوامه ويباني اخطبله
حصه اللي فز قلبها في هل الوقت وسلامه افرحت من خاطرها ومنال قامت وحبت امها ع راسها وتمت اتناقز والكل يضحك عليها

منال: الله ياااااااااااااااويل حالي اخويه بيعرس واخيرا بيسوي عنا عرس
سلامه: مبروك يامايا يستاهل اخويه ما عليه زود
حصه: مبروك عمتيه
ام سهيل : الله يبارك في حياتكن ياربي
منال: بس منو العروس اللي اخترتوها له
ام سهيل: عنود بنت خالتج
حصه اللي من سمعة طاري عنود حست بضيج فضيع..
سلامه: والله تستاهل عنود محد اخير عنها طيب وجما لوادب
منال: يااااااااااسلام بس تعالي شو خطبتوها ول ابعدكم
ام سهيل: وابويه عليج انا توه مرمسني وتبيني اخطبها له اصبرن
سلامه: ومتى بسيرون تخطبونها ..
ام سهيل: ان شاء الله بالخميس ورا باجر
منال: ان شاء الله ..بسير اخبر الريم وعنود
ام سهيل معصبه: شو تخبرينها بعد عني بلا هل العيله اللي مخربه عليج اركدي ...عنبوج زاد
سلامه: اووووووووه هزبوها
حصه ونشت من محلها
ام سهيل: حصه بنتي وين تبين
حصه: ماشي عمتي الا راسي يعورني شوي
سلامه: سلامج الصوص
منال: بدينا بالدلع يالصوص
حصه: الله يسلمج سلامي ..منالوه مب دلع انا صدق راسي يعورني
منال: سوري والله ماقصد
حصه: لا عادي
ام سهيل: يابنتي تعالي حذالي
حصه: ان شاء الله

 

[ضوى العيون]

وسارت حصه ويلست حذال ام سهيل وحطت راسها ع ريل ام سهيل..والكل استغرب من هل الحركه ....حصه اللي كانت تحس بالضيق لمرض اخوها وفراقها لمها وسالفه خطوبة سهيل ...زادت الضيق فيها و شوفتها لبنات عمها وفرحتهن بامهن اللي وياهن اثرت عليها ..طاحت ع ريل ام سهيل من دون لا تحس باي شي حطت راسها وغمضت عيونها وغفت شوي

ام سهيل تصاصر بنتها: يبي الشاذر اللي في الكبت
منال وبصوت خفيف: انزين دقيقه بس
سلامه بدت تتاثر بالموقف اللي شافته وحست ببنت عمها اللي انحرمت من ابوها وعمرها 5 سنوات وعاشت وحيده بلا اخوات خانتها العبره وبدت الدموع تسيل من الموق وام سهيل بالمثل حيت بهل البنت ولو انها فرفوشيه وتحب تضحك الكل بس كلن له مشاعره ......

وبعد ما يت منال وياها الشاذر...ولحفت بنت عمها ويلست حذال امها وبعد فترة صمت مدتها نص ساعه والشمس بدت تغرب وفي هل الوقت كان سهيل فطريجه للبيت عشان يتوضا ويسير يصلي في المسيد ودخل البيت وشاف الكل يلوس بدون حس

سهيل: بلاكم
منال بصوت خفيف: اووووووووش البنت راقده
سهيل مستغرب : انتي شو تقولين
منال وتقول فخاطرها: يامن ابتلي باللي ما يسمعون عل ولا يعرفون الاشارات...وقامت صوبه
منال: اقولك اصكت وعن الحشره البنت راقده..
سهيل وبصوت خفيف: منووووووه
منال: الصوص ...
سهيل: اها عيل انا بسير ابا الحق ع المطوع قبل لايأذن
منال: سير يا المعرس

في هل اللحظه زل السانها بالمعرس وسهيل يطالعها بطرف عينه ويقولها ماعليه دواج عندي يا الدبه اييج الخير ان شاء الله
منال وبدت اتخاف من تصرف سهيل..: الله يستر منك يا ويلي ويلاه

سهيل طلع من البيت وسار صوب المسيد والبنات سلامه ومنال كل وحده سارت صوب حجرتها اتوضى قبل الاذان وبالنسبه لام سهيل يلست في الصاله وماقدرت اتقوم لان حصه راقدهع ريولها وفجاة نشت حصهع صوت الاذان

ام سهيل: هاه بنتي شو الهبة الحين
حصه وبتعب: بخير عمتي اذن المغرب
ام سهيل: هيه اذن
حصه: عيل بسير اصلي ...شي فخاطرج امايا
ام سهيل : لا يبنتي بس بخبرج حتى لو امج بعيده عنج انا بحسبت امج ويفرحتي يوم بتكونين بنتي وبناتي خواتك واذا قاصرنج اي شي لا يردج الا لسان انا وعمج اهل وان شاء الله ما بنقصر في حقج

 

[ضوى العيون]

الثالث عشر


حصه: تسلمين والله ولا يحرمني الرب منكم ياربي...
ام سهيل : يارب

سارت حصه تصلي المغرب وبعد ما خلصت شافت سلامه ومنال يجهزنا للطلعه كان في خاطرها اتقولهن لا ما اقدر اسير بس فضلت اتسير وياهن لان هل الشي بيسعدهن

منال: هلا الصوص صح النوم
حصه: ههههههههه شو اسوي رقدت ولا حسيت بعمري الا واعيه للصلاه
سلامه: زين يوم ارتحتي شو راسج الحين احسن ولا
حصه: لا الحمدلله خاز
منال: ذاتس جود يالله عيل انقفضي قبل لي سيهل ويهون
حصه: انزين

سارت حصه واجهزت ونزلن تحت رباعه ويلسن في الصاله ويم وصل سهيل ودخل من الباب

سهيل بستغراب: ماااااااااشاء الله هذا كله لسيرة السوق
منال: احم احم هيه مب عايبنك
سهيل: لا يابويه ما قلنا شي
سلامه: ههههههههههه ما عندكم سالفه
سهيل: شوه علموج اتنكتين بعد
سلامه: لا اصلا انا المس هنيه وهم الستودنت
حصه: ونعم التدريس
سهيل: وين شواخي
منال: ههههه خبرك عتيج من يومين تلصق في بويه ويوديها العزبه وياه
سهيل: يا حيها يالله قومن هبابنا لين ما نوصل في زحمه هل المهرجانات اللي ما توقف

قامن البنات وظلعن من البيت وسارن الستي ويا اخون وبعد زحمة الدرب في نص ساعه وصلو للسيتي ....وبعد ما وقف السياره في الباركن ونزلو من السياره ...
سهيل: اسمعن انا بحوط شوي بين المحلات ويوم بتخلصن دقلي بس مب تبطن اكثر عن ساعتي ماشي
منال: حاظر حظرة الملازم سهيل بن محمد
سهيل: تراني ما نسيت سالفة المعرس
منال: هاه سوري والله سوري سهيل
سهيل: امشي سيده
سلامه: يالله عاد انسير

وبعد مافراق سهيل البنات وسار يتحوط بين المحلات ويشوف له لبتوب ماركة توشيبا والبنات كل وحده تبا تسير مكان

منال: خلينا انسيرمانجو اول خلاف مكياجي
سلامه: ايه مكياجي اقرب وع دربنا
حصه: صح وانا بعد ابا اخذلي قلوس
منال بتذمر: انزين انزين حشرتنا ...
سلامه: اوكي ......

وتمن يمشن صوب المحل

حصه: خيييييبه شو هل الزحمه ....
منال: خخخخ ماعرف اشرا والسيتي زحمه ما يخلونك ع راحتك بس اللي يعرفون يلاحقون البنات شو هل المذهب
سلامه: خل عاد يسمعون رمسج خلي عنج الرمسه وخلينا ناخذ حايتنا ونطلع
حصه: وهذا الصواب بعينه...

ودخلن مكياجي ...وخذن لهن قلوس وآي لاينر وقلم كحال وروج ع الوان خفيفه ..

سلامه: منال حاسبي وانا بشوف النعول اللي في المحل اللي مجابلنه
منال: وهذا اللي تعرفيه...(وتقلد سلامه)...حاسبي وانا بشوف النعول اللي في المحل اللي مجابلنه .....
حصه: هههههههه
سلامه: بس عاد يالله خلصينا بترياج
منال: ايه جيه اباج اتريني
سلامه: لا والله خلصينا

وبعد ما خلصن البنات وخذلهن نعول وشيل وعبي وبدل للكليه اتصلن في سهيل اللي كان متغيض ع تاخيرهن ......

في السياره..
سهيل: توبه اوديكن مره ثانيه
سلامه: افا ليش
سهيل: ليش .؟ تاخرتن
منال: لا تأخرنا ولا شي
سهيل: ولج عين اتكلمين حظرة جنابج
منال: خلاص خلاص مشكله انت يوم تعصب الله يعين اللي فبالي
سلامه وحصه: ههههههههههه
سهيل: احلفي بس منوه هل اللي فبالج
منال متغيضه: حرمتك اللي بتاخذك بتبلي بواحد عصبي ...
سهيل: عصبي هاه تراج ما شفتي شي

سهيل في هل الوقت ضغط ع البترول بقوه وزاد السرعه .....منال تصارخ وسلامه تضحك عليها وحصه صاكته

سهيل: شوه بعد ولا
منال بتصيح: لاااااااااااااااااابس بس توبه توبه انا اخاف ياويلي ويلاه
وبعد هل الحشره كلها ردو البيت سهيل نزل البنات وسار صوب ربعه في المقهى والبنات نزل وسارن يصلن العشا عشان يتعشن ويا ام سهيل وبو سهيل وشواخي .....وبعد ما نزلن للصاله

منال وسلامه وحصه: السلام عليكم
ام سهيل وبو سهيل: و عليكم السلام والرحمه

سارت سلامه صوب ابوها وحبته ع راسه ويلست حذال ومنال سارت ويلست صوب امها وحصه احتارت وين بتيلس فيلست حذال منال

بو سهيل: شحالج يا بنتي حصه
حصه: بخير الله يعافيك عمي شحالك انت
بو سهيل : بخيرونعمه
حصه: دوم ان شاء الله
الكل: ان شاء الله
بو سهيل : قومي بنتي اتصلي فالاهل ...
حصه: ان شاء الله عمي

وقامت حصه واتصلت لهلها اللي في امريكا وعطت السماعه لعمها

بو سهيل : الو ...
نهيان: الو السلاااااااام عليك
بو سهيل: وعليكم السلام حيا الله ولدي نهيان
نهيان: الله يحييك ويبقيك شحالك عمي
بو سهيل : الحمدلله بخير وسهاله ربك الا بخير
نهيان: بخير يا عمي وحصوه شحالها والاهل وسهيل....
بو سهيل: كلهم بخير وسهاله ويسلمون عليكم
نهيان : الحمدلله والله يسلمهم من الشر
بوسهيل: عيل وين عربك
نهيان: هنيه .....
بو سهيل :وراشد عندكم
نهيان : هيه ويانا تبا ترمسه
بو سهيل : عطني اياه
راشد: السلام عليكم
بو سهيل: وعليكم السلام والرحمه يا هلا والله براشد
راشد: يا هلا فيك يا بو سهيل ...وشحالك
بو سهيل: بخير الله يعافيك وانت شخبارك شو هبتك
راشد وبتفاءل: بخيروسهاله
بو سهيل: هانت يا وليدي هانت
راشد: الله كريم ان شاء الا 3 شهور وبرد للبلاد ....
بو سهيل :ان شاء الله ياولدي وافرح فيك وفي اخوانك
راشد: ان شاء الله ...
بوسهيل: عيل برايك الحين طولنا عليك سلم ع الاهل
راشد: يبلغ ان شاء الله
بو سهيل : فمان الله ...
راشد: في حفظ الله ورعايته

وبعد ما بند بو سهيل ...وتخبرت حصه عن اهلها وعمها قالها انهم بخيروسهاله ...وان شاءالله بيردون قريب ......وحطوا العشا وتعشوا وبعد العشا يلسوا في الصاله شوي وام سهيل كانت تخبر بو سهيل ...عن خطوبه سهيل.....

ام سهيل: عاد انا شرت عليه ببنت خالته ....عنود
بوسهيل: وزين ماشرتي ماشاء الله ع بنات مبارك مرحبانيات ...
منال: لازم بنت خالتي وانا طالعه عليهن
سلامه: ههههههههه انتي وايد مصدقه عمرج
حصه: خليها تحلم
منال: هيه والله صقت حصه خليني احلم .....بس انا ودي اعرف شي بس ....ليش انا بياضي ع سمار
سلامه: سؤال ذكاء يالله من سيربح المليون مع منال الفلاسي
منال وبدت تعصب: اييه انا ارمس ابويه شو هل الرزه انتي وياها .......
حصه: سوري مدام
سلامه: ههههههه
بو سهيل: احمدي ربج وهذي خلقة ربج
منال: بس انا مادري ليش جيه اشبهك ومنيه لون بشرتي غيرعنك ما عطيتنا من بياضك
ام سهيل: هب هباج الله بتاكلين ابوج
منال: لا انا ما باكله بنت مايصير
سلامه: صدق انج فاضيه ..عيل انا ما اشبح لا امايا ولا ابويه ما قلت شي
بو سهيل : لا عاد سلامه انتي تشبهين يدج الله يرحمها فنانه وقريشيبه والعود دقيق.....
الكل : الله يرحمها
منال: تعال ليش اتمدح فيها وانا لا ...
حصه: يا الغيوره يوزي بس عيب
منال: وانا كل ما بقول شي عيب وعيب
بو سهيل: ولا تزعلين انتي يسدج طالعه ع ابوج بعد تبين شي غيره
ام سهيل: صدق والحلاه والزين كله في ابوج
منال: احم احم يا عيني يا عيني شو هل الكلام
حصه: هههههههههههههه منالوه مصختيها .....
سلامه: المهم خلونا نرد لسالفه سهيل...متى بسيرون تخطبون له
ام سهيل : والله رمست ام حمد وبنسيرلهم ورا باجر
منال: يااااسلام وانا بسير
بو سهيل: كلكن سيرن .
حصه: لازم خوات المعرس
منال: والله ما اصدق بستوي عرس في بيتنا ياااااااسلام .......
بو سهيل: ام سهيل شو رايج نبني لولدنا فله حذالنا حوينا وسيع ويضم فلتين وحده لسهيل والثانيه لناصر ان شا ءالله يوم بيعرس
ام سهيل: ان شا ءالله وشورك وهداية الله خبر اسهيل اييب له مهندس ويبنيله ع ذوقه
سهيل دخل البيت وبعد مارد من المقهى والساعه تقريبا ع حدود 12 والشواب مارقدوا وعيبتهم القعده ويا البنات وسوالفهم ونسوا الوقت
سهيل: يا حي الشواب شو اليوم السهره صباحي
منال: فديت شوابي لا تقول شواب بعدهم شباب
سهيل: هيه هم شباب بس انتي الشايبه
منال: بدينا سهيل ابويه شوه كيف ينغزلي بعينه
بو سهيل : شو ياك ع اختك تعال يا بوك ويلس عدالي
سهيل: فالك طيب كم بو سهيل عنا الا واحد
وبعد ما يلس سهيل حذال ابوه
بو سهيل : مبروك يا ولدي .....
سهيل: الله يبارك فيك ياربي
بو سهيل: الحمدلله يوم بتفرحني بعرسك وبشوف عييلك يلعبون عندي ويناقزون في كل بقعه
سهيل يضحك: ان شاء الله يا بويه مب سادتنك شويخ مكسره البيت ...وحاطتنه ع راسها
بو سهيل: فديت اميه هاي شواخي شيخه الحريم
منال: اذا هيه شيخه الحريم شو خلتلي انا
سهيل: انتي ما تسوايين ويا شويخ ..انتي شيخه الشواب
حصه: هههههههههه شيخة الشواب يااااااااااويلي ويلاه
الكل يضحك
ومنال ندلع: لا لا انا احلا بنت في الحال وشيخه المزايين بعد
بوسهيل: بسكم خليني اكمل رمستي وبسير ارقد ورايه تسريح الرجاب....ابويه سهيل: يالبيه يا بويه امر
بوسهيل: امك بتسير ورا باجر تخطبلك بنت خالتك وتراها بنت مرحبانيه وسنافيه ..
سهيل: ع بركة الله
بو سهيل: انزين ....بس بعد اباك تبنيلك فله ...في الحوش عنا واسع ويضم بدال الوحده ثنتين ......
بو سهيل : ان شاء الله بشوفلي مهندس زين وبييب تخطييط للبيت
ام سهيل: زين ما تسوي يا ولدي ...دامنا اتشاورنا في كل شي قم يا بوسهيل خلنا نرقد

وقاموا الشواب ساروا يرقدون وسهيل ...سار غرفته عشان يرتاح والبنات سارن صوب حجرهن سولفن شوي ورقدن ع حدود الساعه 2 وما بق عن دوام المدارس غير 3 ايام واليوم هوه الخميس وبالباجر يوم الجمعه بيسير ام سهيل صوب ختها ...ام حمد ..وبتخط العنود لسهيل ...والكل مرتبش وخاصه البنات .......ومر هل اليوم وفرحه الكل ما تنوصف ويا الجمعه وبعد ما نشن البنات وصلن ...وقرن قرآن وتجهزن للسيره صوب خالتهن واحلا شي بالنسبه للبنات يلستهن ويا بنات خالتهن والسوالف والضحك والريم اللي اسلوبها حلو من كل نواحيه .....من ضحك وسوالف وربشه .....وبعدما وصلو لبيت خالتهن وحصه اكيد وياهن هيه تعرف ريم وعنود لان مرات تتلاقى وياهن في الكفتريا ويا منال او سلامه ومرات ع وقت الغدا .....وبعد ما دخلو للبيت ...وشافوا خالتهن ام حمد ...وسلمن عليها ترخصن البنات بيسيرن صوب العنود وريم ...

 

[ضوى العيون]

الجزء الرابع عشر

منال: اشك ان الريم راقده .....
سلامه: وليش يعني احين بنشوف
منال: هذي تسهر ع النت كل يوم لين الفير
حصه مستغربه: ما شاء الله عليها شو تسو يهل الكثر
منال: منتديات ومسنجر ويا ربعها
سلامه : لا تضلمين البنت لين ما تشوفين بعينج ...
منال : بنشوف ...


وهنيه وصلن البنات للطابق الثاني وتفاجأن بعنود جدامهن

عنود بفرح: مرحبا ملايين ولا يسدن في ذمتيه
سلامه : مرحب باجي ...
منال: شحالج
عنود: بخير وسهاله فديتج شحالكن انتن
الكل بخير
عنود: هلا والله بحصه ...شحالج
حصه وابتسامه خفيفه ع ويها: بخير عنوده انتي شحالج
عنود: يسرج الحال حبوبه ...وينكن ما لكن شوف من شهر ولا يتنا
سلامه: والله اشغال الدنيا
عنود: يا حيكن والله اقربن ...وين تبن في حجرتيه ولا في الصاله ....
منال: الحجره احسن ....
عنود: حياكن والله بتنور الحجره ....
منال: لازم لاني انا بدخلها
الكل: ههههههههههه

وبعد ما دخلن حجرة العنود ويلسن ع السرير....

سلامه: وين رماني
عنود: مادري يمكن راقده.....
حصه: عنبوه شو رقاده هذا ....احين الساعه عشر ...
عنود: تلقينها سهرانه ع النت ...
منال: ما لقلت لكن ...احين بسير صوبها وبسحبها مثل العنز...
عنود: ههههههههه عندج اياها اسحبيها
سلامه: منال استهدي بالله ....
منال: لا اله الا الله محمد رسول الله...بس بعد بسير
حصه : وانا بيي وياج

سارت منا ل ويا حصه صوب حجره الريم ....ودقت الباب بس محد رد عليها ....
منال: شكله نومها ثقيل
حصه: يمكن
منال: بفتح الباب.....شوفي مفتوح مب قافلة الباب
حصه: زين

في هل اللحظه اتفاجأن بجو الحجره ...مضلمه وباااااااااارده وريحة الدخون اتهب من كل صوب
منال: ه هه ما تبينها ترقد لين الحين وجو الحجره ما شاء الله دخنات وبارده ومضلمه بس انا لازم اوعيها
حصه: حرام خليها
منال بمكر: بذلها
حصه: كيفج والله

ودخلت منال صوب سرير الريم ...ولقت ريشة طاووس ع الزاويه في فازه ..وخذتها ..وهيه تضحك وتسحب اللحاف عن ويه الريم ..لانها ملحفه جسمها بالكامل من القطب الجنوبي اللي عايشه فيه ...وتاخذ الريشه وتحركها ع ويها بالخفيف.....وبعدين بدت تضربها بالخفيف ....ما فاد واياها .....
منال: ميته
حصه تضحك: خليها
منال: حشا هاي ما تحس بس صبري .......

قربت منال ثمها صوب اذن الريم وصارخت وبصوت خشن ريمااااااااااااااااااااااااااااااااااااااااااااااا ااااااااااااااااااااااااااااااااااااااااااااني .....في هل اللحظه
ريم: وااااااااااااااااااااااااااااااااااه يامي يامي بسم الله بسم الله (وتصيح )
منال: ياربي شو سويت انا صاحت ...ريموه
ريم اتشوفها وهيه مبهته: انتي يالسباله يا مسوده الويه ياللي ما تستحين ولا تخيلين عنبوج زاد فلختيبي
حصه: حد قالج
منال: صباح الله خير الناس يسلمون مش يسبون
ريم وقامت اتسلم على منال وحصه: اقول سلمت عليكن يالله برع من غير مطرود بتسبح وببدل وبيكن
منال: لو كانت الطرده عسبة اتكملين رقادج ما بطل بيلس ع جبدج بس لانج بتبدلين بطلع بس اقول ترانا اترياج في حجره العنود وعندي خبر فنان
ريم والفضول بدا يشتغل: شو شو قوليلي ما بخبر حد
منال: لا سوري ماي دير...بعدين خلصي
ريم: انزيم 5 دقايق وعندكن يالله الحين اطلعن فاتت دقيقه
حصه: هههههههه يالله برايج

وطلعن منال وحصه وسارن صوب حجره العنود وخبرن سلامه والعنود عن اللي سونه في الريم وضحكن عليها ......

وفي هل الوقت ام سهيل ويا ام حمد يسولفن .....

ام سهيل: يا خويتي ....سهيل ثبتو دوامه في دبي
ام حمد: الحمدلله .....بيفتك من السيره والتعب لين بوظبي والعين
ام سهيل: الحمدلله والحين مثل ما تدرين داخل ع 29 وناويه اخطبله وهوه وافق ...وشرت عليه ببنت خالته عنود
ام حمد: يعله مبارك يا خويتي بس بعد لازم انشاور بو حمد والبنت
ام سهيل: هذا الواجب يا وخويتي .....
ام حمد: بتصل لبو حمد هوه عن الريايل في الميلس وبنشاوره ....ز
ام سهيل: ...............

اتصلت ام حمد في ريلها وقالتله ان ختها مريم عندهم في البيت عشان ايي ويسلم عليها وبعد يشاورونه .....وبعد ما ترخص من الرياييل ...دخل صالة الحرمات وسلم ع نسيبته وسولف وياها شوي وفي هل الفتره ام سهيل خبرته انهم يبون يخطبون عنود لسهيل...والريال كان موافق لانه ما بيلقا احسن من محمد الفلاسي وهله ..بس بعد لازم يشاورن البنت لانها هيه صاحبة الشأن ...منال والبنات فوفق في حجره عنود سوالف وضحك .....

منال: احلا شي انتي بتخصص السنه ....
سلامه: وانا والصوص بنتخرج وبتمين انتي وعنود والريم
ريم: ع الاقل بيكون حد ويايه مب كلكن اتخرجن عنا وانا ومنال انجابل هل الاساتذه التعبانين ولا لا ....خوفي ليكون كنتاكي السوبر فايسر مالنا...
عنود: منوه كنتاكي
منال: اووه هووووووه هذا جيمس براين ..استاذ الآي تي ..دبلوم عالي
عنود: هيييه عرفته حشا صدقتن يشبهه
الكل يضحك وفي هل الفتره سمعن حد يدق البابا وكان بو حمد يزاقر ....

بو حمد: فجن الباب ....

وربعت ريم فجت الباب ....

ريم:يا هلاااااااا ومرحبا ببو ريم ....خشمك ......(سلمت عليه وحبت راسه
بوحمد: هلا فيج بنيتي وحيا الله بنات محمد ....شحالكن ...(وهنيه نشن سلامه ومنال ووايهن ريل خالتهن لان مثل ابوهن ومربنهن يوم كانن صغار..
سلامه ومنال: الحمدلله عمي شحالك انت
بو حمد: بخير وسهاله .....

حصه اللي كانت واقفه بعيد ..لانها ماتعرف بو حمد ...
ريم: ابويه هاي حصه بنت ثاني ....المرحوم
بوحمد وطاري ثاني حرك فيه الشوق ...ثاني اللي كان الكل يحبه واربيعه ...اللي طول عمره ما بينساه ودمعه تسبح في عيونه: هلا والله بريحه الغالي
حصه بستغراب: هلا فيك ....
بو حمد وتفاديا للموقف اللي بيستوي بسبب طاري ثاني : عنود تعالي اباج
عنود : ان شاء الله ابويه

بو حمد طلع من الحجره وسار في الصاله اللي في الطابق الثاني .....وعنود سارت له
منال: احيييين اللحظه الحاسه
ريم : انتي شو وراج هاه
منال: بتعرفين يوم بتي عنود
ريم : ليش شو بلاها عنود سوت شي
سلامه: لا حشا بس ابوج....(صكتت سلامه وما تبا اتخبر الريم)
ريم بتموت من الخوف والفضول في نفس الوقت : شووووووه لا تحرقلي اعصابي
حصه: انتن بعد ماصخات (تقصد سلامه ومنال) ما عليج منهن انا بخبرج
ريم: وعند جهينا الخبر اليقين خبريني
منال: لاااااااااا شو بتخربين علينا ...
حصه: بس ما عليه منكن الا اخبرها يعني شو بتسون ...
ريم: فديت حصوه ..قولي الغاليه
حصه : الله يسلمج يايين بمعرس لعنود
ريم منصدمه: والله اتحسبته لي انا ..المهم منوه...؟!
حصه: سهيل
ريم بستغراب: هاه..سهيل!؟ ولد خالتيه اخوكن
منال: هييه هوووووه بلاج تقول حد فالعنج بحصاه
ريم: بس ما يبتن شي يديد....اصلا انا كنت ادري ان اخر الطريج ..سهيلوه بياخذ عنووووووده
سلامه: شو دراج
ريم: الله يسلمج هذا استنتاج من ايام الطفوله ..شو تحسبيني مب سهله انا رادار
منال: هب هباج الله بتاكلين عمرج ...
حصه: اوه المهم خبرينا كيف
ريم: ما تحيدن يوم كنا انسوي عصابه نحن البنات وسهيل وناصر ومايد ...كان ايي ويانا بعد ويضاربونا حمد وناصر ومايد هذاك الوقت ما شفت حد مد ايده ع عنود شكلهم يخافون من الحرس الملكي سهيل
سلامه: هذا شي عادي ما فيه شي ......

عنود اللي سارت ورا ابوها ورمسها وقالها ان ولد خالتها يباها او بالاخص يبا يخطبها فرحت من خاطرها لانها كانت تعز سهيل وله مكانه خاصه في قلبها ...وسكتت ومن المستحى قالت لابوها ...اللي تشوفه ابويه واذا انت موافق والريال زين وعارف ربه واخلاقه زينه ....وسارت صوب الحجره وويها محمر .....وهذا اللي كان يجملها خدودها الورديه ويا عيونها العسليات وشعرها الاسود ...كان يخليها ملكه في الجمال بس مب كثر جمال سلامه اللي ....كل من يشوفها ينبهر من جمالها .....سارت صوب الحجره واول ما دخلت ...البنات صخن وسكتن ...دخلت عنود ولا كانه شي صار بس الله يهديهن منال وريموه وحصه ....الفضول بيجتلهن ولازم يعرفن مع انهن يدرن بالسالفه كلها

ريم بستهبال: هاه شو كان يباج ابويه
عنود وبتردد: هاه...لا ماشي
منال: كيف ماشي ...
حصه: عنوده قولي
عنود: قلت ماشي
سلامه: لا تقولين ماشي بييلسن ع راسج لين ما تنفجرين
عنود: ...........
منال: شوووووووه بتقولين ولا انا اقول
عنود: شو بتقولين يعني ....
منال: خلي عنج هل الرمسه المهم شوووووووووووووووووووووووه وافقتي ع معرسنا ولا لا
عنود بدت تحمر وتصفر وتخضر: .........
ريم: ههه كشفناج شوفي ويها اشاره مرور شوي شوي لاتي سياره وتدعمج
حصه: هههههههههههه كولوليش السكوت علامه الرضا
سلامه: بسكن عاد حرام عليكن استحت البنت
عنود وحاولت اتكون جريئه..: هيه وفقت شو تبن بعد
منال: ما نبى شي بس المهم رمستي
سلامه: مبروووك عنود
عنود: الله يبارك فيج عقبالج ياربي
سلامه ابتسمت غصبن عنها:............
منال: مبروووووووك يا العنود وعقبالي ان شاء الله واعرس قبلج
ريم: نعم نعم منوه قالج انج بتعرسين قبل شيخج
منال: تهبين اذا انتي شيختي ......
ريم: اصلا محد يباج ....انا بعرس قبلج وبيوزج اخوه ريلي
منال: لا مشكوره ...ابتلي فيج لا يابويه باخذلي واحد سنافي اذا انتي هنيه في دبي انا بشرد ولا العين او بوظبي ....
حصه: خيييييبه شو عدايل انتن
منال: هيه وانتي الثالثه بنيوزج واحد من راس الخيمه ولا الفجيره ....وفتك منكن انتن الثنتين
ريم : شو يالسات ع جبدج ...عيل لا تعرسين بتبطين امايا
منال: شو دراج يمكن باجر ولا ورا باجر
سلامه: حووووووووووووه حشرتنا يعلكن الحشره تقول واقف عند الباب يترياكن
عنود: هههههههههه تستاهلن اللي ياكن
وبعد مافات هل اليوم ع خير وخطبو عنود لسهيل ..وقرروا بالاسبوع الياي الرياييل يسيرون يخطبونها رسمي ....ويحددون يوم الملجه والعرس والكل درى بهل الخطوبه ...ام ظاعن اخت مريم....وافرحوا لهل الخبر الحلو ورفوع اكثر لان بيكون اكيد ربشه وفنان ......وظاعن اللي انصدم بس فرح من كل قلبه لخويه ولد خالته ........وهل امريكا بالمثل ....افرحوا لهل الخبر ...ناصر ومايد ونهيان اللي ....استانسوا من سمعوا ان سهيل قرر يعرس وراشد ...اللي كان يتلقى العلاج ويرجع للشقه اللي مستاجرينها...فرح من كل قلبه بخطوبه سهيل وفي نفس الوقت حس بنقص شديد ان ولد خالته واللي فسنه بيعرس وهوه اللي الله ....ابتلاه بالهل المرض الخبيث ....اختبارا لصبره ..والافكار اللي كانت تلف وادور في راسه لو كنت مب مريض ...آخ بس لو ما كنت مريض وبخير وصحه جن عرست وبنيت حياتي اللي بديت احلم بها وجتلها المرض حياتي ويا انسانه صرت بالنسبه لها انسان سخيف تافه حقود وعديم المسؤوليه آآه يا سلامه استخسرتي عليه سلام او اتخبرين عني وين هذيج البنت اللي تضحك الحزين واللي بضحكتها تفرح العالم واللي بنورها تبهر الخلق ...جتلت كل هذا بيدي انا السبب انا السبب انا ...