[ عِفُـتّ طَـآريه ] روآيـه كويتيه وآقعيـة < عجييبـه !

[retaaaj]

وييييي الله يستر من ورود شنو راح تسوي

وحسيين مسكين يكسر الخاطر الله يعينه على فراق رفيجه

Waiting
Waiting

يسلمووو على البارت يعطيج العافيه *

 

[fo0oshey2]

سوؤري بنات عالتـأخير مـآ قدرت اشبك ,
انششالله دقـآيق وانزل البـآرت =)​

 

[sweet.sanfoora]

ناطرينج يا فوفو ! الحلوة

وبث

ثانكيوو

 

[fo0oshey2]

[ البارت الــ 22 ]

ببيت بوفهد الثاني ..
انغام ( مع بوفهد على الغدا ): شلون الدوام بالشركه اليوم ؟
بوفهد : حمدالله زين .
انغام : شكلك متضايق .
بوفهد ( يبتسم ) : لا مافيني شي .
انغام : بوفهد انا اعرفك ، قول شفيك ؟
بوفهد : بس لان الشغل فيه ضغط واايد فتعبان شوي .
انغام : انا ادري انك مشتاق لأم فهد .
بوفهد : اي والله مشتاقلها ..
انغام ( تضايقت ) : كان ودي ترجعها على ذمتك مره ثانيه .
بوفهد : كل شي بأمر الله ..
انغام : ونعم بالله .
بوفهد : .........
انغام (مستحيه ) : خلاص بقولك شي يفرحك.....
بوفهد ( ياكل ) : قولي ، اسمعج ؟
انغام ( متردده ) : انا ، انا ..
بوفهد : شفيج تحجي ؟
انغام : انا حاامل ..
بوفهد ( مو مستوعب ) : شنووو من صجج ؟
انغام : ايي والله ..
بوفهد : الحمد الله على هاليوم ..
انغام ( منزله راسها ومستانسه ) : مستانس ؟
بوفهد ( يقوم يبوس راسها ) : اكييد مستانس ..، سمعي من هاللحظه ماكو حركه ، وسمعي ابي بنوته ماابي صبي .
انغام ( مستحيه ) : بوووفهددد ..
...................
بكلية الهندسه ..
حور ( مع مريم وتخز ناصر من بعيد ):.........
ناصر ( انتبه لها وغمز لها وابتسم ):......
مريم (تشوف ناصر ) : ويييع شيبي هذا يغمز من زين ويهاا ..
حور : هاا ، مادري خليه يولي ..
مريم : المهم حور مو تنسين اليوم .
حور : وييي صج ذكرتيني .. مبرووك يالعرووس .
( للعلم مريم انخطبت لعبدالعزيز رفيج جاسم وناصر ، وقريب الملجه والعرس )
مريم ( مستحيه ) : الله يبارك فييج .
حور : ترى فشله الولد كل يوم بويهنا المفروض تختفين لين الزواج عشان يشتاق لج .
مريم : شتبيني اسوي ما اداوم يعني ..
حور : ماقلنا جذي ، بس يعني تتحاشينه ، اذا شفيته وخري ..
مريم : الي يسمعج ، يقول قاطه روحي عليه ، المسكين الف مسج وما ارد عليه علبنو مستحيه منه ..
حور ( تشوف عزيز يمر ) : شوفي شوفي الجييكر قاعد يخز ..
مريم : ادري ادري .. وبعدين جييكر جسوم حبيبج اما عزوز فديته يهبل ..
حور : روحي مووتي ام عزوز < لقب اطلقته حور عليها ..
مريم : ويي فديت عزوز والبيبي الي منه .
حور : ويعه استحي على ويهج .. صج خفيفه .
هيا ( تييهم ) : قوه يالجياكر ..
حور : يقوييج يالبطه ..
هيا : وييعه مالت عليج ماتعرفين تمدحين ..
حور : مو احنا جياكر انتي بطه ..
هيا : لعلمج حبيبتي نازله كيلو ونص ..
حور : انا اول مره اشوف وحده تسوي رجيم ستة شهور وبس تنزل كيلوا ونص !!
مريم : جبي انت وياها ، المهم لاتنسون اليوم بنروح الصالون .
هيا : انشالله ، كلنا معاج ..
مريم : واخت حور ليش ماترد ؟
حور ( لاهيا مع فونها ) : شتبين ؟
مريم : اقول تعالي اليوم معانا الصالون ..
حور ( تلعب بفونها ) : يصير خيير ..
هيا : ويعه حور ، هذا لبس تلبسينه للكليه ؟
حور : مشالله توج تنتبهين للبسي ؟
هيا : لا ملاحظه بس من زمان مو من اليوم ، بس مابغيت اجرحج .
مريم : ايي صح حور ، لبسج ياقصير ياضيج ، يعني انتي كنتي تبين ناصر يندم انه هدج خلاص وصلتي للتبينه ، وجاسم يحبج ويخاف عليج ..
حور : شتبون يعني ؟
هيا : تغيرين لبسج دلعج الزاايد ، لفت الانظار ، تلحق الشباب لي سيارتج .. كل هذا بطلييه ..
حور : لمن اتزوج يصير خيير ..
مريم ( تغمز حق هيا ) : خلاص براحتج .
..........................
ببيت خالد ..
نهى ( قاعده مع حسين بالصاله ) : حسين ليش ماعاد تيينا من مات خالد ؟
حسين ( حمر ويها ) : كل يوم بييكم ماراح اخليكم ..
ام خالد ( تنزل ومعاها اغراض ) : تفضل يما .
حسين : شنو هذيل يما ؟
ام خالد : هذا برواز فيه صورك انت ووليدي خالد ، كان مسويه لك بنفسه عشان يبي يهدك بيوم مسرحيتك ، ( ونزلت دمعتها ) : بسس بــس الله ماقدر .
حسين ( عوره قلبه ) : الله يرحمه ، البرواز باخذه عندي حتى الزجاج المكسر ماراح اعدله بخليه ذكرى ..
ام خالد : الي يريحك يما ، وهذا تليفونه عطوني المخفر بعد العزى ..
حسين ( ياخذ الفون ويبطل الرسايل ) :........
نهى : حسين ، انت تشوف هدى حسين تمثل معاها ..
حسين ( يقرى المسجات ويتذكر كلام خالد ) : " حسين انت تذلني بفولسك ، انت ما احترمتني ، لهدرجه انا رخييص عندك ، حسين انا اغليك ليش تسوي فيني جذي ".
ام خالد : يما حسين ؟
حسين ( قلبه يدق بسرعه ومو مع نهى ) :..........
ام خالد : وبس يايمه ، غرفت خالد مفتوحه لك بأي وقت .
حسين ( بعصبيه ) : احمددد الجلـــــــــــــــــــب ..
ام خالد : شفييييك يمااا ؟
حسين : يما ، احمد الجلب اهوا الي فرق بينا .. طول هالوقت وانا مخدووع !!
ام خالد : منو احمد هذا ؟
نهى : حسين تمثل مع هدى حسين ؟
حسين : انا يااايك يالجلب ..
حسين ( طلع من بيت خالد بسرعه وركب سيارته ، وطول الطريق كان معصب ، لو كان في جهاز يراويك شنو يطلع من جسم الانسان يمكن تشوفون حسين يطلع من دخاان من قو العصبيه ، طول الطريق مسرع ، مابقى اشارة ماطافها مابقى سياره مابغى يدعمها .. ، و اخيرا وصل بيت احمد )​

 

[fo0oshey2]

بيت احمد ..
حسين ( يدق الجرس ) :.....
يطلع ولد صغير : نعم ؟
حسين : روح ناادلي خالد < خربط من العصبيه .
الولد : منو خالد ؟
حسين : اقصد احمد ..
الولد : شتبي فيه ..
حسين ( عصب زياده ) : اذلف بسرعه نااده ..
دقايق ويطلع احمد ..
احمد ( مستغرب من حسين ) : هلا حسين شفيك ؟
حسين ( بدون اي مقدمه مسكه من رقبته ) : ياكلب يإبن الكلب ، تفرقني عن خالد ، وتقوله اني اذله ..
احمد ( موقادر يتكلم شوي ويموت من قوة حسين ) :.......
حسين : انا بذوقكك طعم العذاب الي ذوقته خالد ياخراا ( وقام يطقه بوكسات ، ويرفسه من كل مكان ، وطراقات وترفس .. لدرجه حسين ماحس بعمره وماحس ان الولد بيموووت ، يطقه ويطقه ويطقه بدووون شعوور ، ياخذ راسه ويطقه بالطووفه ويحذفه على الارض ويشووته ، ويدووس عليه " محد طلع لان ماكو احد بالبيت الا اخو احمد الصغير واحمد " ، كان حسين يطقه وعيونه تنزل دموع .. ، احمد من كثر طق حسين اغمى عليه وماقام يحس بشي )
حسين ( لما خلص ) : هذا شويه بحقك ياتبن ياجلب ، لك غيرها والله .. ( وخلاه وراح )
احمد ( خشمه ينزف دم وراسه مبطوط ، وويها مزووورق من كثر الطق ، واهو مغمى عليه ):.........

بببيت بوفهد ..
ام فهد وفهد بالصاله ..
حسين ( يدخل ومعصب ) : السلام عليكم ..
ام فهد : وعليكم السلام .
فهد ( يتكلم بالفون ) : ..........
حسين ( يقعد ) : شلونج يماا ..
ام فهد : انا بخير ، بس انت ليش ويهك محمر ؟
حسين : مافيني شي ، تذكرت خالد بس .
ام فهد ( ماحبت تفتح سيرة خالد ) : ايي الله يرحمه انشالله .
فهد ( يسكر فونه ) : هلا حسين ، شلونك ؟
حسين : بخير الله يسلمك ..
فهد : وشفي صبعك ينزف .
حسين : هاا ، ماكو شي بس كنت اتمشى وشكلي بالغلط جرحت روحي .
فهد : اها ..، يما متى تولد منيره جم باقيلها ، انا سألتها وقالت شهرين بس انا اتوقع لازم تولد ..
ام فهد : يعني مرتك قالت لك شحقه تسألني ، ايي باقليها شهرين .
فهد : ياارب تييني بنيه .
...........
حور ( بغرفتها تكلم جاسم ) : والله ما اعرفها شفييك ..
جاسم : البنت هاذي راعيه مشاكل ، ومابيج تحتكين فيها .
حور : دامها راعية مشاكل ، شعرفك انت فيها ؟
جاسم : معرفة قديمه ، ولما عرفت حقيقتها خليتها تولي ، والحين راجعه لي تقول انج رفيجتها .
حور : جاسم شفيك انا ما اعرف هالاشكال ، حتى شكلها ماعرفه ..
جاسم : اكييييييد ؟
حور : اي اكييد .
......................
فهد عند باب البيت ..
الشرطي : ممكن حسين بدر الــ "..."
فهد : اي ممكن بس شصاير ؟
الشرطي : بالمخفر تعرفوون ، خل يتفضل معانا ..

بالمخفر ..
حسين وفهد عند الضابط ..
الضابط ( ماسك ملف ) : انت متهم بالتعدي بالضرب على احمد الــ "..."
حسين : ايي نعم .
فهد : من صجك ؟
الضابط : دخلوا احمد ..
احمد ( يدخل مع اخوه الكبير ) : السلام عليكم ..
حسين ( لما شافه قام يبي يطقه ومسكه فهد ) :......
الضابط : التقرير يقول ، ان عند احمد كسر بالخشم ، وكسر بالايد والراس مبطوط ، وكدمات متفرقه ..
فهد : احمد سامحنا ..
حسين : ياكل تبن يسمحنا ..
الضابط : احشم نفسك انت بالمخفر ..
فهد : اسكت شوي ..
الضابط : انا مضطر ، احجزك بالنظاره اليوم.
احمد : انا بتنازل عن القضيه ..
فهد ( استانس ) : مشكوور ..
اخو احمد : انت من صجك ؟
احمد : مهما يكون حسين غالي عندي ..
حسين ( ماتحمل كلامه ، قام يبي يطقه ) : جب ، مو غالي عند اشكالك ..
الضابط : اخر مره اقولك احترم نفسك ، ولا بقطك بالنظاره ..
( بالاخير وقع حسين تعهد بأنه مايعتدي عليه بالضرب مره ثانيه ، وراح كل واحد بحال سبيله ) ..

* تـــم البـــارت الــــ 22 *​

 

[sweet.sanfoora]

كلوولولولولووووش
بردت جبدي حسينووو

وانغام : حياتيي فديت قلبج الابيضاني

حور: خايفة عليج يا بطلتنا العزيـزة

هيا: كيلو ونص

مبرووك مريووم

وبثث

ثانكيووو

 

[fo0oshey2]

قرآءة ممتعـه & اتمنى يعجبكم البـآرت =)

 

[دارت الايام س]

نبي بارت نبي بات نبي بات نبي بارت مليييييييون مره. بليز نزلي البارت الحيييين
تسلممممم ايييييييدج على هل قصه الروعه العجيبه

 

[fo0oshey2]

امبيـــــــــه مو صج

زين سوى ناصر بزوج اختـــه

والله يســــــتر من وروود ام المــصـــايب

يسلمـــــــوو ع البــآرت ..,

خخخ آي والله ام المصـآيب
الله يسلمج حبوبه

 

[دارت الايام س]

بارت * ههههههه من كثر مااندمجت

 

[برشلونيه901]

ثانكس عالبارت
بس واااايد قصير

 

[fo0oshey2]

الحين اقدر انام وانا مرتاحة الضمير بطقلي فرة بالمنتدى واخمد ثانكيوو حبيبتي

خخخخ فديتج نوم العوآفي :d
العفو حبوبه ~

 

[fo0oshey2]

تسلمين وناااطرينج..$​

الله يسلمج حبيبتي :eh_s(17):

 

[fo0oshey2]

يسلمو حبيبتي
امبيييييييييه اللله يستر شبتسوي هلمعفنه لووول ماودي انااام ابي اعررررف شبيصييير

لوول انشالله تعرفين بالبارتات اليايه :eh_s(22):
والله يسلمج ‘~

 

[fo0oshey2]

الله يستر من هالورود ..
تسلممين ع البارت وناطرينج ..

الله يسلمج =)

 

[fo0oshey2]

يمممه الله يستر عليج يا حووور


تسلمين ع البارت

آي والله
الله يسلمج خيتي ‘~

 

[بركان الغلا]

يسلمـــووو ع البـــــــــــآرت ..,

الله يستر ع حــــــوور..,

فديت حسين والله برد حرتي بالزفت احمد الفقر ..,

 

[fo0oshey2]

زيين يسوي ناصر بـ ريل أخته
ناطرينج ححياتي ...

خخخ آي والله يستآهل

 

[fo0oshey2]

7obii mta fe part?

نزلت بـآآرت :d

 

[fo0oshey2]

بليييييييز وين البارت بلييييييز اسرع وقت نزليها كلنا متشووووووقين والروايه عجييييييييييييبه بدون مجاملات انا مااعرف اجامل كلش *

نزلت البـآآرت
مشكووره حبيبتي انتي العجيبه والله و هذا من ذوقج :eh_s(17):