[ عِفُـتّ طَـآريه ] روآيـه كويتيه وآقعيـة < عجييبـه !

[Anfal dy]

امبيه توني اقرى القصه من البدايه عجييييبه وايد حلوه و حسين كسر خااطري:'(
كملي ناطرينج

 

[sweet.sanfoora]

ناطرتجججج تره حدي دايخة بس لعيونج ناطرة :d

 

[احلى قدساوية]

ناطرينج..$​

 

[بركان الغلا]

!!

وين البـــــــــــآرت

 

[fo0oshey2]

سووري طولت عليكم الحيين بنزل البـآرت =)

 

[fo0oshey2]

البارت الــ 21
( يمر شهر من وفاة خالد ، حسين حالته موعاجبه الكل كلى سرحاان ومرات كانت تنزل دمعته بدوون احساس منه)
ببيت بوفهد الثاني
انغام : بدر شلون حسين الحين .
بوفهد : والله حالته من ردي الى اردى ، وخصوصا ان قبل لايفراق خالد كانوا متهاوشين مع بعض .
انغام : شرايك تييبه يقعد عندنا جم يوم يغير عن جوو بيتكم يمكن يتذكر خالد هناك .
بوفهد : لايبا اكييد ماراح يرضى ولا امه ترضى ، خليه جذي احسن واريح له ولنا ..
انغام : براحتكم حبيت له الراحه .
..................
ببيت جاسم
نوريه ( تصارخ على هند جدام الحريم ) : انتي فااشله مالت عليج وعلى ابووج .. فشلتيني بكل مكان .. روحي لابارك الله فييج ..
هند ( تصعد الدري تبجي وتصادف جاسم ) : ......
جاسم : هنوود يبا ليش تبجيين شصاير ؟
هند : مافيني شي ..،
جاسم : تستعبطين علي انتي ، كل يومين تبجين وامج كلى تهاوشت على دراستج ..وتقولين ماكو شي .
هند : والله ماكو شي .
جاسم : براحتج ، ماراح احاجيج الحين لان في حريم لكن خل يروحون الحريم لي قعده معاج ومع امج ..
هند ( استانست بس مابينت ) : براحتك خالي ..
جاسم ( خلها وراح ):.............

....................
ناصر على البحر ..
ناصر ( سرحان ويفكر ) :...........
ليث ( رفيج ناصر ) : يايبا شفيك من وصلنا وانت ساكت ماتحجيت ؟
ناصر : ليث ، نفسيتي تعباانه متضايق من كل شي حوولي ، البنت الي ابيها ماتبيني ، واختي كل يوم هواش مع ريلها ، وانا موقادر اوازن بين الشركه ودرااستي ..
ليث : البنت انساها ، دامها ماتبيك خلاص هدها ..
ناصر : من نظراتها لي بالكليه ، احساها تبيني بس ماتبي تقول .
ليث : دام تبيك " على قولك " شنو الي يمنعها ..
ناصر : لأني جرحتها حييل .
ليث : وييه عاد البنت اذا جرحتها ، صعب اطيب جروحها .
ناصر : ادري حاولت بس ماقدرت ..
ليث : انت تبيها تبيها ولا تقزووره ؟
ناصر : ابيها ابيها .
ليث : يعني لو تقولك تزوجني تتزوجها ..
ناصر : ااااه ، اكييد ايي ، مرو علي بنات واايد مثلها ماشفت ..
ليث : شنو فيها زياده يعني ..
ناصر : بنت على طبيعتها ، حبوبه قلبها ابيض ويكفي تحبني وماعندها سوالف شباب ..
ليث : عيل روح اخطبها ..
ناصر : انشالله بفكر ويصير خير انشالله ..
ليث : يالله نبي نفرح فييك ..
ناصر: مو قبل لا اتخلص من عبدالمحسن نسيبي ؟
ليث : لييش شسوى ؟
ناصر : يبي ينصب علي الغبي ؟
ليث : من صجك وشسويت ..
ناصر : خليته يلعب بالشركه على راحته ، وقريب بيطيح بشر اعمااله .
.................
ببيت ناصر ..
لطيفه ( فوق تبي تروح لغرفتها ، وتشوف غرفة ابوها مفتوحه شوي وصوت احد يتعبث ) :.......
لطيفه ( تقرب شوي ولا تشوف ريلها قاعد ينبش بين الاوراق ) : عبدالمحسن شتسوي ؟
عبدالمحسن ( اختبص وقام يعدل الاوراق ) : هاا ولاشي ، جذي اخذلي فرة بين الاوراق ..
لطيفه : غرفة ابوي يعني كل اسرار هالبيت والشركه ومنو محقك تدخلها ..
عبدالمحسن : شفييج ماسرقنا شي ، بس قاعد اقرى مليت وقلت اقرى ..
لطيف : وبعدين من وين لك مفتاح غرفة ابوي ، المفتاح موجود عند اخوي ناصر بس .. ، لحظه لايكون سررقـــ .
عبدالمحسن ( يقاطعها ) : اي سرقته شتبين ..
لطيفه : انتا شنو من بشر ، شتبي تسرقه ، استح على ويهك .
عبدالمحسن : هذا جزااي اني ابي مصلتحتج .
لطيفه ( متنرفزه ) : واااضح تبي مصلحتي " خل اخصل من هالصخله واتزوجج " مو هذا كلامك لسميره رفيجتي ؟
عبدالمحسن ( عيونه طلعت برى ) : نعم منو سميره ، منو قالج ؟
لطيفه : سميره ، عندها نخووه وحبت تساعدني ، سجلت كل شي من مكالماتك معاها ..
لطيفه : مابي اسمع منك شي ( وقامت تركض لدري ) .
عبدالمحسن ( يبي يسحبها ، بالغلط دزها ، وطاحت على الارض ) : لطيــــــــــفه ؟؟
بالمستشفى
الدكتوره ( عند عبدالمحسن ولطيفه ) : حمدالله على سلامتج..
لطيفه : الله يسلمج ..
الدكتوره : احنا اضطرينا نضحي بالياهل ..
عبدالمحسن : صج ، لطيفه كانت حامل ؟
الدكتوره : ايي نعم لأن طيحت الدرج اثرت على الياهل .
لطيفه ( تلف ويها ) : حمدالله انه طااح ..​

 

[fo0oshey2]

عبدالمحسن : شنوو استغفري ربج بس ..
الدكتوره : لا تقولين جذي هاذي روح وهديه من الله .
ناصر ( يدخل ومعاه الشرطه ) : تفضل حظرة الضابط ، هذا عبدالمحسن الــ "......"
الضابط : مسكووه ..
عبدالمحسن ( وماسكينه الشرطه ) : ليش انا شسويت ؟
الضابط : انت متهم بخيانة امانه ..
ناصر : ايي نعم ، انا ولطيفه شكينا فيك ، وخلينا لك الحبل على القارب ودخلت وطلعت الشركه على رااحتك ، بس للأسف مو كفو الامانه خنتني وخنت زوجتك .. عبدالمحسن : سويتها فيني ياناااصر ؟
ناصر ( يسوي روحه مايدري عن شي ) : شنو الي سويتها ؟
عبدالمحسن : لطيفه بياخذوني للمخفر ..
لطيفه :.............
الضابط : يالله تعال معانا ( وخذووه للمخفر ).
ناصر ( يكلم لطيفه ) : جذي مرتاحه انتي .
لطيفه : حمدالله على كل حال ..
ناصر : بس تضايقت لما عرفت ان الولد طاح .
لطيفه : حمدالله انه طاح ، لان مابي شي يذكرني فيه .
ناصر : للحين تبين الطلاق .
لطيفه : انا ماسويت معاك هاللعبه عشان اردله ، اكييد مصره ..
ناصر : براحتج .
......................
ببيت بوجاسم ..
نوريه وام جاسم وهند وجاسم قاعدين ..
جاسم : نوريه ، مو حاله هاذي كل دقيقه تصارخين على بنتج ، وتهاوشينها ..
نوريه : بنتي وكييفي محد له شغل معاي ..
هند :.............
جاسم : انزين ليش تهاوشينها ، شنو السبب ، خو مايصير كل يوم تهاوشينها بدون سبب ..
نوريه : ليش اهيا شكت لك ، وبعدين منو قالك ماكو سبب اكو سبب ..
جاسم : ما اشتكت لي انا ااشوف مو اعمى ، وشنو السبب ..
نوريه : درجاتها طاايحه بالارض ونسبتها تفشل ؟
ام جاسم : ايي والله يبليها تشد حييلها بس بدون زف ..
جاسم ( عيونه طلعت برى ) : نوريه تضحكين على منو ، بنتج ياهانم نسبتها 96 ..
نوريه ( توهقت ) : حمدالله والشكر منو قاال ، نسبتها 72 ..
هند ( بدت تبجي من القهر ومن قساوة امها ) :........
جاسم : ترى مو بهايم الي عندج نفهم بكل شي .. ، وشهايدها بغرفتها موجوده دخلت اخر مره وشفت كل شي ..
ام جاسم : صج هالحجي نوريه ؟
نوريه : ايي صج ، انا اخاف على بنتي .. ومابي عيون الناس تحووش بنتي ..
جاسم : عيون الناس تكرهينها حياته ، بالعطله الناس تروح وتيي وهند قاعد بالغرفة تذاكرعن اخر سنه بتتخرج ..
نوريه : انا ابي اسفرها برى تدرس طب ، ومابي احد يدري ..
ام جاسم : على الناس ماتبين احد يعرف ، مو احنا اهلج يايما ..
جاسم : انا خالها ، باجر اذا صار لها شي انا سندها ..
نوريه : هند راضيه بكل شي ..
هند ( اول مرة تتجرأ ) : لا يما مو راضيه ، يما انا تعبت البنات يلبسوون ويرحون واييون انا بس ادرس تكفين تعبت ..
نوريه : اول مره تقولين هالحجي ؟
جاسم : لا تلومنيها ، كانت خايفه منج ، انتي حولتي بنتج لرجال ألي مايفهم بالحياه بس يفهم بالكتب ..
نوريه : تعالي يما تعالي لحظني ..
هند ( جنها ماصدقت ، قامت بسرعه وراحت لها ) :............
نوريه : سامحيني يما ، والله كنت ابي لج الخيرر ..
هند : مسامحتج يماا ..
.................
بالافنيو
هيا مع عبدالله وحور قاعدين ..
حور ( تساسر هيا ) : من زين ويهج وويها يايبتنا له بسرعه خل نمشي ..
هيا ( بصوت واطي ) : فشلتينا شوي وبنروح ..
حور : لو ادري انج مواعده ماايت معااج .
هيا ( بصوت واطي ) : ممكن تنجبين شوي ..
عبدالله : هاا شكلهم عندهم اسرار ..
هيا ( تعدل شكلها ) : لا بس حور تقول تبيني بشغله ..
عبدالله : لايكون تحشوون فيني ؟
هيا ( تقهقه ) : هههه لا وي ماعاش من يحش فيك ..
وروود ( تيي صوبهم ) : قوه استاذ عبدالله ؟
عبدالله ( يقوم ) : هلا هلا ..، اعرفكم السكرتيره < طبعا جذبه ..
وروود : استاذ عبدالله بغيت مفتاح المخزن عشان ننزل البضاعه < تقصد تبي مفتاح الشاليه عشان الخفله ..
عبدالله ( يعطيها ) : تفضلي ..
وروود : مشكور ، يالله مع السلامه .( وتروح )
دقايق ويوصل مسج لعبدالله " منو الي كانت مع هيا رفيجتك ؟؟ "
الرد " رفيجتها وحبيبة جاسم الــ "......" "
مسج وروود " اوكي ثينكس "
وروود ( بقلبها وتضحك ) : والله طيحتي يا " حوور " ومحد سما عليج ..

* تم البارت الــ 21 *​

 

[fo0oshey2]

لآلآلآلآ وربــي بــجــيــت

حححرآآم كـســر خــآطري

بس حــســيـن عـررف أن أححـمد الـي فـرق بـيـنـهـم ؟!

آي مسكييين ..
بالبـآرت 21 تعرفيين :eh_s(7):​

 

[fo0oshey2]

وااااي كسروا خاطري خاصة حسين
وخالد
ليش ماينتبه بالطريج
كاهو الحين خسر حياته
الله يرحمه

هذا الي الله كـآتبه
آي والله اكثـر الشباب رآحوا بسبب هالحوادث اللهم احفظنـآ :eh_s(17):​

 

[sweet.sanfoora]

الحين اقدر انام وانا مرتاحة الضمير بطقلي فرة بالمنتدى واخمد ثانكيوو حبيبتي

 

[fo0oshey2]

يسلمــــــوو ع البــــــــآآرت :eh_s(2):

كمــــــلــي ..

الله يسلمج حبوبه
انشالله :eh_s(17):

 

[fo0oshey2]

حراااااااااااااااااااام خالد مات ليش :‘( والله عاد كان زين
وحسين ان شالله يعرف ان احمد الي فرقهم
وبس ناطرينج حبوبه

هذا يومه شنسوي بعد
انششالله =)

 

[fo0oshey2]

حده قصير البارت>>>طماعه
نبي بارت اطول بليز وتسلم ايدج حياتي علا القصه الروعه

خخخ توه نزلت بارت ثاني لعيوونكم :eh_s(7):

 

[fo0oshey2]

أمبيييييييه الله يرحححم خالد
وألله ينتقم من أحمممد
الله لا يووفقه أن جآنه أهوا الي فرررق بينه وبيييين حسيين
لا أكيد اهوا
حيااتي ناطرييينج نبي بارت طويل عفيااا قلبي
ويسلموووووو ..

لوووول الله يمهل ولا يهمل
انشاءالله من عيوني
والله يسلمج يآرب :eh_s(17):

 

[fo0oshey2]

احييييه عورووو قلبي والله كلش مايستاهلون أوف بجيييت شنو هذاا
الله يرحمه انشالله ( خالد )
ابي كملي البارت ماعليج امر وترا انا من متابعبينج
واايد عجبتني الروايه تسلم ايدج
شوكلن ^.-

آي والله حرآآم
حبيبتي من ذوقج
ونورتي خيتي :eh_s(7):

 

[بركان الغلا]

امبيـــــــــه مو صج

زين سوى ناصر بزوج اختـــه

والله يســــــتر من وروود ام المــصـــايب

يسلمـــــــوو ع البــآرت ..,

 

[fo0oshey2]

خلووووووودييييي لييييش مآآآآآت !!​

لييييش يممووووت لييييش مآعآشش !!​

أكثر انسآن فيه خير بهـ القصه اهوآ =(!​

حسووون الله يعينه ! ​

كملي ! نآطرينج!​

هذا يومه وقدره
آي والله
انشالله :eh_s(17):

 

[fo0oshey2]

وااااي فعدت ابجي على البارت و على خالد و حسين

الله يرحمه ان شاء الله

كملي ناطرينج

آي والله يكسرون الخـآطر
انششالله :eh_s(17):

 

[احلى قدساوية]

تسلمين وناااطرينج..$​

 

[fo0oshey2]

قلبي عورني على حسين
ناطرينج

ما الومج بصرآحه :eh_s(16):
انششالله