عَفواً هَذه لَيستْ الكويتْ يآ (( زوآرةْ خَميسْ )) .... !!!

[PO PO22]

لا حول ولا قوه الابالله

 

[-MaYa-]

هذا اسمه خيال وااااااااااااااااسع
المسلسلات الثانيه فيها سلبيه وحده بالمسلسل والناس مايعجبها
بس هالمسلسل في كل سلبيات الوطن العربي والعالم الاسلامي و الكره الارضيه خخخخخخ

 

[انصاريه قمره]

مادري الكاتبه ما يابت شي من عندهاا واكبر دليل انه هالقصص واقعيه المنتدى وهالقسم بالذاات وقسم الحياة الزوجيه وهالسلبيات موجوده بكل مجتمع مو بس مجتمعنااا

 

[ScarletteO'Hara]

المسلسل ممكن يكون فيه درجة من الواقعية
بس ما يمثل مجتمعنا لان العاقل بيدري ان مو كل بين بالكويت فيه خيانات
و معروف من عمر الدنيا المسلسلات عمرها ما مثلت واقع مجتمع معين
و لا تتوقعون مسلسل heroes واقعي؟؟
و لا lost؟؟؟
من الغباء و السذاجة الاعتقاد ان هذا اهو واقع مجتمعنا

الي معور راسي بالمسلسل ان فيه وايد شخصيات ووايد مشاكل مطروحة
ما ادري اركز مع منو و لا منو
و للاسف وايد مهضوم حق وايد من الشخصيات بهذي الطريقة قصصهم مو كاملة و بسرعة بسرعة
كثرة القصص تسبب شوشرة
السؤال الجوهري هل تعتقدون ان هبة حمادة بتحط لنا حلول للمشاكل الي طرحتها و لا بتحطها عايمة مثل ما انا متوقعة؟؟؟

و طبعا الحوار رديء و ما اتوقع ان هذي غلطة هبة اكيد فيه سيناريست للمسلسل
و سوالف "جب" و "ذلفي" و جذي ما اثرت فيني لهذي الدرجة عادي بس سالفة "بنت الكلب" شوي قوية
و بكذا مسلسل هابين فيها
ذاك اليوم مسلسل "انين" يعقوب عبدالله يقول حق اخته "بنت الكلب"!!
امبي شنو هذا على الاقل فيصل لما قال هذي الكلمة قاعد يس عمره مو قاعد يسب ابوه!!!!

و المصيبة مبينين ان المرة لو تشب اصابعها شموع هم ما يبين بعين الريال
يعني عندكم امينة الي من صالون لي صالون و المهتمة بعمرها و ما تلبس الا الغالي و اخر شي ريلها تزوج عليها
و نسنيم الي مو مهتمة بعمرها ما تدل للصالون طريج و ايدها مقشرة و اظافرها مكسرين هم ريلها تزوج عليها
و لا موزة الي مدارية ريلها و حاطته بعيونها هم ريلها طلقها و زاغت عينه على اختها
يعني بالعربي الفصيح احسن لها المرة تفجر بعمرها لانه بالطول و العرض الريال متزوج مرة ثانية متزوج :eh_s(6):

و اكيد بعض الشاهد لو انهم مو حاطينها كان افضل
الفرق ما بين هذا المسلسل و مسلسلات فجر السعيد ان فجر السعيد مشاهدها اشكرة ما تخاف من احد
اما بخصوص "زوارة خميس" فمطلعين السوالف فمن تحت لي تحت
و اذا الكل يتشكى من اليهال و ان المسلسل راح يخرب عقلياتهم انا اقول وخروهم من يمكم لما تشوفونه

و عموما من السذاجة الاعتقاد ان المسلسل بيفتح عيوننا على خيانات الرياييل
بكل مسلسل, فلم, سالفة لازم فيه الي يخون
فما اعتقد ان هبة اخترعت الذرة لما تكلمت عن الخيانة بمسلسلها

و عموما انا اشتغل بالمحكمة صار لي سنين و نص
و مروا علي قضايا طلاق اشكال و الوان
و طوال فترتي هناك ما مروا علي قضايا رياييل حاطين عينهم على خوات حريمهم
هذي تصير يمكن اقل من واحد بالامية
عشان جذي اقول لكم المسلسل ما يمثل محتمعنا لا من قريب و لا بعيد

و عموما انا مناي فاهمة هالمنقول عاجبه المسلسل و لا لأ لان البرودكاستات متناقضة!!!

 

[ماكنتوشة***]

رد : رد: عَفواً هَذه لَيستْ الكويتْ يآ (( زوآرةْ خَميسْ )) .... !!!

يالله نفسي اذبح .....نااااااااااديه
المشاكل بين الازواج موجوده .....بس الاخت تآآآآآآآآآآآآآآآآخذ زوج اختها مو معقووووووووووووووول
ضغطي مرتفع يااااالله نفسي اذبحها يابشر !!!!!

 

[مس اموله]

هذا اسمه خيال وااااااااااااااااسع
المسلسلات الثانيه فيها سلبيه وحده بالمسلسل والناس مايعجبها
بس هالمسلسل في كل سلبيات الوطن العربي والعالم الاسلامي و الكره الارضيه خخخخخخ

:icon30:

 

[وسن 11]

من زين المسلسل ؟؟؟؟؟؟؟؟؟؟


مالت عليها من كاتبه
كل مسلسلاتها سطحيه وبايخه وحق مراهقين

 

[شخابيـط]

رد : عَفواً هَذه لَيستْ الكويتْ يآ (( زوآرةْ خَميسْ )) .... !!!

لاحول ولاقوة الا بالله صج فشيله

 

[البيداء_77]

يعني لمن ينعرض مسلسل سخيف مثل هذا وفيه كل الاسفاف والمشاهد المخله بالحياه رااااااح تنحل مشاكل المجتمع؟؟؟؟؟؟؟؟:080402ask_prv:

 

[LoOoLo]

رد : عَفواً هَذه لَيستْ الكويتْ يآ (( زوآرةْ خَميسْ )) .... !!!

يسلمووووووو ع الموضوووع ..

 

[جلاديلياس]

رد: رد : عَفواً هَذه لَيستْ الكويتْ يآ (( زوآرةْ خَميسْ )) .... !!!

المسلسل فيه من الواقع وفيه من الخيال


لكنه نااااجح وسبب نجاحه ان وايد ناس تنتقد وناس تأيد


وليش مسوين ريايل الكويت كلهم ملائكه ومايخونون لا حبايبي فيه منهم الزين وفيه نهم اعوووذ بالله الخيانه والجذب والغدر بدمهم

وفي حريم مخديين على روحهم وفي العكس ( والله من وااقع انا اعرف وحده فعلااا خذت زوج اختها واهلها تبرو منها وطردوها )


ترى الدنيا فيها البلااااااوي وفيها الي ماعندهم ضمير والخونه


الله يعطيج العــــافيه حبوبه

 

[ورود خذلتها العاصفه]

الكاتبه ابدعت بالنص والاحداث واختيارها للممثلات ناجح حيييل


كل المجتمعات ماتخلى من شخصيات زوارة خميس

 

[الليدي...عمشه]

رد: رد : عَفواً هَذه لَيستْ الكويتْ يآ (( زوآرةْ خَميسْ )) .... !!!

فيه مبالغه حيييييييل بس حلو

 

[~ غـــيـــر البِشـــر }}]

بالعكس المسلسل رووعه وتكلم عن كل شي

 

[أم جوري]

رد : رد: عَفواً هَذه لَيستْ الكويتْ يآ (( زوآرةْ خَميسْ )) .... !!!

الكويت مو المدينة الفاضلة وهذا الشي حنا عارفينه قبل غيرنا حتى مكة اللي هي مكة فيها بلاوي ووقت الحج بعد
الانسان مجبول على الشر

قال تعالى :

{ و نفس وما سواها فألهمها فجورها و تقواها قد أفلح من زكاها و قد خاب من دساها }


يعني ما في مجتمع بهالعلم كله ما فيه زوج يخون زوجته .. او العكس
مافي مجتمع ما فيه اخو ما يبوق اخوه بل هناك من يقتله من اجل المال ..
ما في مجتمع ما فيه بنت فاسدة حتى لو كانت صغيرة بالعمر وقصص تغيب المراهقات دليل على ذلك
ما في اخت ما حطت عينها على ريل اختها او اخو حط عينه على اخت زوجته وفي قصص وايدة
بل في اب اعتدى على بنته واخ اعتدى على اخته وعم وخال وجد ... و ...و ... و

لكن الحمدلله انه بالمجتمعات الاسلامية هذي الاشياء مستنكرة وكريهة ولا يتقبلها عقل ولا قلب ... وهذا سبب الصدمة ..

 

[الجوهرة777]

احنا مجتمعنا لله الحمد والمنه


الغالبية يخافون الله و ما ينسون عاداتهم وتقاليدهم


المشاكل اللي طرحتها الكاتبة موجودة لكن مو بنسبة تخوف


فما في مانع ان احنا نسلط الضوء على هالمشاكل

علشان ننتبه اذا في حوالينا شي من هذي المشاكل وما خذينا بالنا

يعني تنبيه للمجتمع وايجاد حلول للمشاكل هذي

والحمد لله احنا عارفين احنا شنو ؟؟ وكل مجتمع عنده مشاكل وما نخاف نطلع بعض العيوب والمشاكل اللي

في مجتمعنا

ومن الشجاعة ان احنا نعترف بهالشي

والناس اللي يشوفون المسلسلات الكويتيه وعلى بالهم ان كل الكويتين جذي

هذيل الناس لما يعممون على شعب يكون العيب فيهم لأن تفكيرهم سطحي

وصدقيني عارفين مميزاتنا وأخلاقنا بس في ناس تدور العيوب فقط وتتصيد


( وفيه مسلسلات لدوله عربية تبين لك ان مجتمهم من أروع المجتمعات وحريمهم كلهم سنعات وبس ينظفون ويطبخون

واللسان اللي ينقط عسل , على الرغم ان مجتمعم مليان بالمشاكل والاخلاقيات اللي ما تخفى على أحد

لكن ما طلعوها نهائي << يعني الناس ب هالغباء عارفين شنو عندكم من عيوب ومميزات

ليش ما يتجرأون ويذكرون بعض المشاكل اللي في مجتمعهم ؟؟؟؟؟؟ )

احنا الحمد لله عارفين احنا شنو ؟؟

علشان جذي ما نخاف نطلع هالمشاكل واللي نسبتها بسيطة ولله الحمد

الجوهرة777​

 

[دواء القلوب]

رد : عَفواً هَذه لَيستْ الكويتْ يآ (( زوآرةْ خَميسْ )) .... !!!

السلام عليكم
اول شي اقولج يا (ملكة بشموخي )احبج موووووووووووووووووووووووووووت
الانة الموضوع من زمان ودي اكتبة و ما صار مجال بس القلوب عند بعضها
المهم انا ما اشوف اي ابداع في المسلسل كلش
ليش؟
الانة الابداع هو خلق صورة جديدة واهية ما يابت الا الاشياء السلبية في المجتمع وحطتها في بيت واحد
وفي كتاب السر يقول انا ايب الي ابية والي ما ابية ما ايب طارية عشان ما ينفذلي الياة الكون
والي مو قارية السر خل تقراة الانة وايد راح يوضح
الانة الي بحل المشكلة يحط حلول مو يحط المشكلة بمعنى اخر يجذب الايجابي وما ايب السلبي

 

[دولنغا]

ملكة بشموخي صحيح الموضوع منقول والله اعلم اذا انتي معاه او ضده

المهم المثل يقول الجمهور عاوز كده وبعدين من قال هالشي مو موجود سواء بالكويت او غيرها من دول الخليج بالعكس الشخصيات الي مثلوها موجوده في فئه من المجتمع والمؤلف او المؤلفه ما يبرزون بمسلسلاتهم الا الشخصيات الي في المجتمع الي عليها الجدل لانه الزين يفرض نفسه فما لا داعي انه يركزون عليه

صدقيني لو ممثلين ومؤلفين الحين يمثلون ويكتبون نفس مسلسلات قبل كوميديه محد راح يشوفهم لانه الزمن تغير وان ما طاعك الزمن طيعه ​

 

[^ليلاس^]

رد : عَفواً هَذه لَيستْ الكويتْ يآ (( زوآرةْ خَميسْ )) .... !!!

عسى ما طلع مسلسل وكسر الدنيا قالوا يشوه سمعة الكويت

ليش احنا بالمدينة الفاضله ماعندنا مشاكل ما عندنا بلاوي بعدين الكاتبة ما قالت كل الكوييتيين جذي اهيا طرحت مجموعة قصص ومشاكلهم

يعني اذا الواحد بيسوي مسلسل وكل الناس زينين وماعندهم مشاكل ومرتاحين ليش مألف مسلسل؟؟

مو المسلسل لازم يبدي بمشكله واخر شي نشوف الحل او البلى اللي صار فيهم

يعني كا المسلسلات المصريه بلاوي ومشاكل يعني شنو كل المصريين مو زينين لا والله فيه الدينين والملتزمين

وبالنهايه كله مسلسل يعني موصج :icon30:

 

[أم الغاااالية]

رد: رد : عَفواً هَذه لَيستْ الكويتْ يآ (( زوآرةْ خَميسْ )) .... !!!

شكرا عالنقل

بس اللي كاتبه واحد فاااااضي وماكوووو شغل


سوالف المسلسل سمعنا فيها وايد الرجال اللي تزوج علي مرته

والمراه اللي يتزوج رجلها واهي ماتدري

والرجال الخاين

والرجال الشكاك من اللي يشوفه برى البيت


وااااااااااقع ليشششش ننكره

وشكرااا