عَفواً هَذه لَيستْ الكويتْ يآ (( زوآرةْ خَميسْ )) .... !!!

[دلع السلاطين]

المسلسل فيه شويه مبالغه لكن كل القصص والقضايا الي يناقشها موجووده

صح انه مو كل الشباب جذي ولا كل البنات جذي ولكن فيه
وموجودين هالنوعيات وهالمشاكل

وبالعكس انا ماشوف انها شوهت سمعه الكويت

المسلسل كل مشكله فيه واقعيه

 

[BNT KWT]

اول شي الكاتبه مايابت شي من الخيال كل الي طرحته بالواقع

ليش جم قصه وقصه بالمنتدى واحد يتحرش باخت مرته والي تسوي علاقه

ليش تستنكرون شي وهالشي موجود و اذا على مرزوق واايد رياييل جذيي يوشك بمررته ويراقبها ويستجوب عياله امك وين رايحه ومن هالامور مايابت شي من عندها كل الي انطرح وااقع ماننكرره

وفيصل واايد رياييل نفسه يحب مررته ويخونها مع بناات والدليل شوفي مشاكل بنات المنتدى شلون يشتكون الي طاحت على تلفون من ورا ريلها والي شافت وحده مع ريلها بفراشها يعني مو شي من خيال

والي انطررح مايبطل عين احد شلون تبطل عينا واحنا قاعدين نشوف هالشي بالواقع يعني سمعنا بلاوي تشييب الراس والهجوم الي واجهته ماله معن يعني مايابت شي من الخيال والامور الي يابتها تقريبا بسيطه وولا شي من الواقع

وماله شغل المسلسل ان يمثل الكوييت المسلسل تكلم عن الواقع وهالشي يصير باي دوله مو شرط الكويت بس الريال نفسه موجود بالكويت موجود بالسعوديه و الامارات والبحرين وقطر يعني احنا قبل لا نشوف المسلسل قارين وعارفين وشايفين كل شي ماله داعي هالهجوم كله

 

[masoo 511]

:eh_s(9):

عجبني ثآلث برودكآست
واهو اللي اتفق معاه قلبا ً و قالبا ً ..
يعني اللي يقولون شوهت سمعة الكويت .. شكو تشوه سمعة الكويت
" قليل الفِهم" اللي يظن انه هالشي ممكن يحصل فقط بالمجتمع الكويتي وفي كل بيت كويتي ؟!
واللي يبي الدليل خل يروح مخافر كل دولة من الدول المجاورة ويشووف القضايا اللي تشيب الراس !
مافي مجتمع كامل ولا مدينة فاضلة @@

واللي يبي يحكم على المجتمع الكويتي من مجرد مسلسل سلط الضوء على بعض المشاكل
اللي ممكن تحصل في ايي مجتمع من المجتمعآت
فـ هذا انسان يا " غبي " او " يتغيبى " !

وللعلم في وايد مشاهد ولقطات في هالمسلسل حبيت لو تم تقديمها بـ طريقة " افضل "
ويعتبر هالشي من سلبيآت المسلسل .. ولكن في المقابل في ايجابيات كثيرة .. مثل ما قلت ماافي شيء كامل !!

وفي واايد حريم فتحوا عيونهم على شغلات ماكانوا واعيين لها واستفادوا
الحلو بـ هالمسلسل انه طرح لنا مشاكل و حلوووول ..
مو بس مشكلة والسلام كـ بقية المسلسلات في الفترة الاخيرة!

اما سالفة انه اليهال ينقلون حجي
و يدتهم تسحب منهم كلام ... فـ هذي مشكلة وسيئة
في فرق لما الكاتبة ترسم لنا شخصية فيها سلبية وبين انها تقول هالشي صح !
واهي ماااااا قالت انه هالشي صحيح !!
ما يصير تحط لنا شخصية كاااااااملة و ما تغلط !
ومو معناته اذا حطت لنا شخصية في هالسلبية انها موافقة عليها @@ !
محد يقدر ينكر انه هالشخصية ممكن تكون موجودة في المجتمع
واذكر في عضوة من العضوات قالت انه يدتها كانت تسوي لهم جذي ماني ذاكرة اسمها للاسف
بس ما نعمم ونقول كل بيت فيه هالشي وكل يدة كويتية جذي :krkrkr: !!
ولا جان قالوا .. انه خالتي قماشة موجودة في كل بيت كويتي

اما بالنسبة حق الالفاظ المستخدمة واللي كثير اعترضوا عليها
مثل كلمة " فيصل " حق مرته وبنتها
يمكن نسوا او تناسوا انه من عمالقة الفن الكويتي كان يستخدمون هالالفاظ
واكبر مثال وذكرت هالشي في موضوع من قبل
حسين عبد الرضا < كان يستخدم جمل تحوي " بنت الكلب واخواتها " :tongue22:
مثلا ً في مسرحية باي باي لندن لما قال حق هيفاء عادل " الكلب ابوج " :weight_lift:
وفي مسرحية على هامان يا فرعون لما قال حق سعاد عبد الله " للعن ابوج لا ابو ابوج " :weight_lift:
وكانوا هالمسرحييتين من اكثر المسرحيات اللي ضربت في الوطن العربي
ولي الحين الناس تحبها واتابعهآ !
واحب انوه اني ارفض استخدام هالنوع من الالفآظ بس الشيء بالشيء يذكر
ـ

واذا على المشاهد اللي بين قوسين ( جريئة )
ترى في مسلسلات غير كويتية فيها مشاهد " اجرء من جذي " بـ مراحل
مثل مسلسل الساكنات في قلوبنا + مسلسل ايام السراب

مسلسل زوارة خميس في بعض المشاهد اللي ما تصلح إلا حق +18
وعشان جذي المفروض الاهالي يحطون كنترول على المسلسلات اللي تصلح حق عيالهم او لا
مثل ما الاجانب اللي اهم الاجانب يحطون هالحدود العمرية لـ معظم مسلسلاتهم وافلامهم
مو كل شي ينشاااف ولا كل شي يصلح حق الصغار ..
حتى بعض البرامج الدينية مااااااا تصلح حق الصغار !! فمابالنا في المسلسلات !

وبالنهآية اهو مسلسل يعني من عالم الفن اللي عليه تحفظاات كثيــــــــــــــــــــرة
وكنت اتمنى لو انه قدم لنا في شهر غير هالشهر الفضيل

ـ​

صح لسانج آنا مأيدة كلامج

 

[( ~[ وتــين ]~ )]

الرد شنــو عجيــــب حــده قــوي !!

سيفتــه عنــدي هههههههه

مشكــورة حبيبتي !!

:ggdw:

 

[بانانا]

رد : عَفواً هَذه لَيستْ الكويتْ يآ (( زوآرةْ خَميسْ )) .... !!!

:080402ask_prv:

يعني معقولة الكاتبه بتسويلج مسلسل درامي عن عايلة ماعندهم مشاكل وماعندهم شي
بس نطالعهم وهم ياكلون ويشربون وينامون ويلعبون مع عيالهم ويسوون نون فيه أساور كارتير؟؟!!!

 

[الصعيريه]

رد : رد: عَفواً هَذه لَيستْ الكويتْ يآ (( زوآرةْ خَميسْ )) .... !!!

مسلسل زوارة خميس وغيره يمثلوون الواقع

 

[> Miss M6ereiah <]

رد: رد : رد: عَفواً هَذه لَيستْ الكويتْ يآ (( زوآرةْ خَميسْ )) .... !!!

واااااااااي اشفيكم ع المسلسل .. احنا ترى على فكرة مو بالمدينة الفاضلة @@

 

[أتعًبــني غلاهـ]

رد : رد: عَفواً هَذه لَيستْ الكويتْ يآ (( زوآرةْ خَميسْ )) .... !!!

خلصنا من حليمة جا زوارة خميس

 

[المطيريه]

رد : رد: عَفواً هَذه لَيستْ الكويتْ يآ (( زوآرةْ خَميسْ )) .... !!!

الحياه الواقعية تحتوي على مشاكل ومصائب
ماتجي عند مشاكل زوارة خميس حتى الربع

 

[loloالحلوة]

مشكورة اختي عالموضوع

 

[روونــا]

من رايي انه مايمثل الكويت بس يمثل الخليج
والقضايا اللي طرحتهم الكاتبه هذي موجوده في خليجنا مو محكوره ببلد واحد
وتصير عند الكل

صصصح هاڵمشششآڪـڵ بڪڵ مجٺمع خڵيججي ..
.

ۈعڵێ فڪڪڒه اڵدرامـآآ ماعندها مصدآقيـﮧ ٺآآمـﮧ اذا بٺٺڪڵم عن شي معين ..

 

[توته f]

رد : عَفواً هَذه لَيستْ الكويتْ يآ (( زوآرةْ خَميسْ )) .... !!!

صراحه وايد مكبرين الموضوع وكل شي بيعرضونه مايعجبكم واهيه ماقصدت الكويت ولا اي دوله ثانيه اهيه قاعده تتكلم عن مشاكل الواقعيه الي تحصل ونسمع فيها وصراحه هذا الواقع وعلى فكره في اشياء اكبر من جذي تحصل وكل مجتمع في مشاكل يعني الحجي فاضي مالا داعي ومسلسل واااااااااااااااااااااااااااااااايد حلو:eh_s(20):

 

[لآفنـدر]

رد : عَفواً هَذه لَيستْ الكويتْ يآ (( زوآرةْ خَميسْ )) .... !!!

النــآس عطوو المسلســل أكبــر من حجمــه ,,

الكــآتبه جمعت كل هالأحــدآث بـ بيت وااحد عشــاان نشووف ردت فعــل المديــن والشكــااك والمغــاازلجي وشلوون يحلــوون المشــآكل ,,

صح هذا آلي بقوله
النـاس محتره آن كل عالسوالف تطلع مـن آآفراد عايله زحده ! بس تخيلوا آن هالاحداث و القصص صارت لكـذا عايله
تصير القصه ممله ><
و آن شلـون كل ثنـائي في بيت واحد قـادر آنه يصور حياته على غير الحقيقه و يبين آن مستانس
و هو مليـان مشاكل و هموم
يالله قربت الحلقه الاخيـره بنجوف شو نهايتها​

 

[آلسحرآلحلال]

رائيي الشخصي حرام يطلق عليها اسم مؤلفة

اخطاء فضيعة في الحوار والفكرة وتسلسل الاحداث

ام البنات ... زوارة خميس .. آميمية ...~

على كثر المتابعين لهم مازالو اسواء المسلسلات

اللي تلعب بعقلية المشاهد ...

 

[BRoNZ GiRL]

رد : رد: عَفواً هَذه لَيستْ الكويتْ يآ (( زوآرةْ خَميسْ )) .... !!!

مو كل الناس مثل اللي اللي صورتهم لنا هبه ..!!
اهي قاعده تعطي عن نماذج بهالديره
بصراحه محد له حق انه يغلط عليها او يتهمها بأنها توصخ سمعة الكويت
بالعكس اهي قاعده تبين انه احنا مو ملايكه وانه مو كل الناس كامله الكمال لله سبحانه
وبصراحه اهي ابدعت بكتابتها هالمسلسل والممثلين ابدعو بعد
ومو كل الرياييل جذي ولا كل الحريم جذي
واذا على اليهال امبله هذا طبع اليهال ما يعرفون يكتمون شي اللي بقلبهم على لسانهم
المسلسل كان حقيقي ممزوج بخيال الكاتبه ومو قاعده تتهم الكل بهالشي
فأتمنى انه نكبر عقلنا وما نقول شي عن انسانه مالها ذنب الا انها كتبت على اللي تشوفه
سوري اني طولت ..!!
ومشكوره اختي عالطرح

 

[Rabo0oshat UAE]

رد : عَفواً هَذه لَيستْ الكويتْ يآ (( زوآرةْ خَميسْ )) .... !!!

انا اشوف ان المسلسل يتكلم عن ظاهرة اجتماعية موجوده في كل بيت
اولا : الاطفال معروفين انهم ما يقدرون يخبون اي شي يجوفونه ولو سالتي اي طفل بيقول كل شي
ثانيا ام نصيب : كل الي عندهم حد جبير بالسن جي سوالفة وكلامه ومايجبه شي واتحدى حد يقول لا
ثالثا المشاكل الزوجية :انا متاكده ان هالاشياء تستوي اللي يشك واللي يخون واللي يبا يتزوج
رابعا واللي مهم : سالفة ثنياان ويا نادية هذي بذات صاارت عندنا ابوي طلق امي عسب يعرس ببنت اختها بس ما وافقو قوم خوااالي
اللحين ترا المسلسل واااقعي ورجاااء اللي ما يحبه ومو متقبله لا يتابعه افتخر ان الملسل ظهر من الخليج ويوم اسير العياده اجوف ناس وااايدين يتابعونه من جنسياات عربيه
انا ااماراتية ولو كان المسلسل من بلادي والله اني بفرح ويمكن نسوي لهم اكبر تكرييم
وشكراااا

 

[Miss.al3in]

رد : رد: عَفواً هَذه لَيستْ الكويتْ يآ (( زوآرةْ خَميسْ )) .... !!!

... لا بالعكس المسلسل حلو وماعليه كلام ...
وفي اشياء تستوي فواقعنااا ..
عاد شي مسلاسلات اخس واخس محد ينتقدهااا ..خاصه الكويتيه ..

بالعكس المسسلسل الحلو والكاتبه بدعت ..

وماعلييه كلام ....
والله ناس متفييييجه ويحبون عوار الراس
وماعلييج زوود اختي عالطرح ..

 

[رايقة1980]

عيب المسلسل


عدم تسلسل الاحداث بشكل منطقي

احس فيه خربطة .......

 

[المـــــها]

رايي الشخصي



أولا
المسلسل عااادي جدا و بايخ
بدايته مليقه مخربطه
توه فهمنا له
و سالفة إن يبينون أهل الكويت كلهم جذي ..... لأ الكاتبة جمعت كل الحالات بعايله وحده
و فهمت إنها بتبين كذا حاله من الخيانات و كلها من صوب الرجل ..



المهم و الأهم




ثانيا


في أشياء المفروض ما تطلع و ما تنقال خصوصا بهالشهر الفضيل و الكل يتابع صغير و كبير
في أشياء صراحه قلة أدب تفشل ... الوحده تستحي اتابع مع أهلها




شنو اثنين يوضحون إنهم توهم قايمين من السرير يقضون حاجتهم و يوضحون هالشي غصب طيب ؟؟؟
مو عيب مرام تتكلم بسوالف التنكري و القمصان و البيبي دول جدام الرجاجيل و ما احترمت الناس المحترمة ؟؟؟

و الله عيب هالكلام

و هذا قطره من غيث


اشكثر أشيا تبط الجبد قلة ادب





خصوصا سعاد عبدالله لما تقول جب و تكررها أنغث قطيعه عيب هالأسلوب جدام المجتمع و خصوصا الأطفال بيتلعلمون
أو يعتادون ع الأكلمه ،،، جب و إذلف ،،،






:23_asmilies-com:


المفروض يتسنعون و يحترمون المشاهد
لازم يحطون فبالهم إن البنات و الشباب (( اخوان و خوات ))
آباء و أمهات
يتابعون مع بعض




فـ ليش تحرجونا ببعض الأحداث اللي تخدش الحيا و لو بالكلام ؟؟؟







طولت


بس صج انغثيت من هالشي

 

[Leann]

رد : عَفواً هَذه لَيستْ الكويتْ يآ (( زوآرةْ خَميسْ )) .... !!!

بغض النظر عن اذا كان يمثل الواقع الكويتي او لا

يظل مجرد مسلسل للتسليه ..

و المشاهد الذكي المفروض ماا يعمم كل اللي يشوفه على مجتمع بكامله

يعني انا ماقوول انه كل الامريكان ساكنين بنيويورك بعمارة و يلبسون اخر الماركات بس لاني شاهدت gossip girl

ولا اقول انه كل اليابانيين يحترفون التيكواندوا و النينجا

و لااقول انه كل العايلات السورية نفس ابو الهنا و خيرو

و لا كل البنات المصريات مثل هند صبري في عايزة اتجوز



الواحد لازم يعرف انه ما يعرض على التلفاز و المسرح و السينما مجرد تسليه فقط لا غير و اللي بيصدق كل ما يعرف في الاعلام هذي مشكلته مو مشكلة المؤلف

خطا التعميم من المشاهد مو من المؤلف


و بالنهاية يظل التلفاز و كل ما يعرض عليه اداة للتسلية و المفرووض الاهل يسوون رقابة على التلفزيون بكبره مو بس المسلسلات الكويتية لان ماظن انه اللي ينعرض علي ام بي سي و يره اهون

و السلام ختام

​