(((عيوووون تحمل الغرق)))والله ماتندموون دخلووو

[بنات حواء2]

رد: رد : رد: (((عيوووون تحمل الغرق)))والله ماتندموون دخلووو

واااااو القصه حلوه
كملي بليز

 

[بنات حواء2]

رد: رد : رد: (((عيوووون تحمل الغرق)))والله ماتندموون دخلووو

بليييييييييييييز
كملي و هذي الورود لج

 

[القوارير]

رد : (((عيوووون تحمل الغرق)))والله ماتندموون دخلووو

ماتشوفين شر ياالغاليه
ويعطيج ألف العافيه
مبدعه مثل ما انت دايما
موفقه يا رب

 

[الـــ غ ـــلا]

ابدااااااع
نبي بارتين مع بعض مافيني صبر ودي اعرف النهايه
:bbbiu:

 

[معاناة قلبي]

رد : رد: (((عيوووون تحمل الغرق)))والله ماتندموون دخلووو

البارت روعه

ناطرين الياي

 

[معاناة قلبي]

رد : رد: (((عيوووون تحمل الغرق)))والله ماتندموون دخلووو

البارت روعه

ناطرين الياي

 

[بنات حواء2]

الللو وينج ليش ماكملتي

 

[قايد الريم 777]

يالله عجلي علينا

 

[((قاهرتهم))]

رد : رد: (((عيوووون تحمل الغرق)))والله ماتندموون دخلووو

اعذروووني لابي كااان خربااان

 

[((قاهرتهم))]

رد : (((عيوووون تحمل الغرق)))والله ماتندموون دخلووو

فهد : ما شالله تقرير مفصل,,

ريما ,,, زين متى بتجي

فهد : كلها كم يوم يالله فمان الله

نزل فهد السماعة وهو يفكر في هيفاء وشلون الفترة اللي بعد فيها اشتاق انه يناكدهاواستغرب جدا من نفسه

اتفق انه ونواف يطلعون لمول كبير يتسوقون فيه,,,


تمشوا فيه شوي وقفوا عند محل للمجواهرات وعزموا يشوفونه تفرجوا على اخر اللي استورده المحل وقرر انه ياخذ لجدته سلسال روووعه بألون البنفسج والالماس

وخذ لامه خاتم وطلع ::



عبير تتصل على فهد وهو في السوق :رد عليها فهد

فهد : هلا عبير وشلونك

عبير : مشتاقين لك بس وشخبار نواف,,

فهد : طيب الحمدلله..,,

عبير: متى بتجي ,,

فهد كم يوم ان شالله ,, في شي ,,

عبير ,, لا بس امي تبيك لحظه ,, وتأخذ ام نايف الجوال وتسولف مع فهد شوي وتسكر,,

طارت عبير من الفرحة ان فهد رد عليهم وكلمت مشاعل اللي ما كذبت خبر وسولفت على امها



فيصل جاء عند جدته يسلم عليها وهو مررره ضايق من وضعه ,,

ام طلال وهي ترحب فيه : حيا الله القاطع ما شفتك من جيت من السفر الا كم مرره عسى ما شر وش فيك

فيصل : ما به الا العافيه بس انشغلت فيه اشياء ما خلصت تبي ترتيب في البيت والربع بعد ماسكينها عزايم ويالله ,,

ام طلال : وش فيها لمياء تعبانه قال الدكتور شي ,,

فيصل : لا ان شالله تصير احسن شوي برد اسمحي لي انا طالع عندها وقام ما عطاها فرصه

وطلع من الجناح ولقى خديجه تكلم الجوال فأشر عليها انه بيروح لجناح هيفاء ,,,

دق الباب محد فتح له ما عرف هما نايمين والا شالسالفه فدق على هيفاء جوال وبعد ما ردت عليه ,, تردد ما يبي يدخل مكان مو له بس شوقه لمياء طغى عليه ,,

فتح الباب بشويش وقال يالله الله يستر ,,, صار في منتصف الجناج بغى يلف يمين وبعدين تردد خاف ان هيفاء تكون موجوده ومو متغطيه ,, استدرك الوضع ودق على ريما وسألها متى اخر مره شافت لمياء وعلمته وقال لها انه الحين في الجناح وهيفاء ما ترد وما كان منها الا انها تقول له عن مكان لمياء ,,,

توكل على الله ودق الباب اللي على اليمين وسمع لمياء من ورى الباب تقول ادخل ,, ارتاح انه ما سمع صوت هيفاء ,, فتح الباب شوي وحصل لمياء نايمه على السرير ومعطيه الباب جنبها بأي حال ما راح تشوفه الا اذا التفتت

مشى شوي جنب السرير وهي للحين حاطه راسها على المخده وثقيل من كثر التفكير

ووقف عند راسها وقعد على طرف السرير والتفت لها

لمياء مغمضه عينها من التعب وكثر التفكير وما كان يخطر لها ابد انه فيصل يمكن ريما او خالتي سلطانه الا هو

ففتحت عيونها على حركته جنبها وهو قاعد اول ما شافته صرخت وسكرت فمها على طول ,,, صار وجهها احمر من المفاجأه وما بغت تكلمه ,,

فيصل وهو ماسك يدها وبيده الثانية يمسح خدها بهدوء : اهون عليك تتركيني انام لحالي

لمياء ساكته ما ردت .

فيصل : انا ادري انك زعلانه ومنتي مصدقه ومنصدمه مني بس وشقولك هذا شي قديم والله انه قديم ومن يوم تزوجتك ما شفتها ولا كلمتها الا هذاك اليوم بس ودي اني اتركها بدون ما اجرحها هذا هووو

لمياء : نفس الشي ساااكته ما ردت وشكلها ما تبي ترد

فيصل : ردي علي طيب قولي شي

لمياء : ما عندي اي شي :: ابيك تتركني لو سمحت

فيصل تنهد بقوووه وثبت نظرته على عيون لمياء وسبح في اعماقها وتأكد ان عيونها تحمل اشياء كثيره حزن وعتاب ولوم وصدمه ,, نزلت لمياء عيونها على طول ما قدرت ترفع عينها ثاني

مسك فيصل يدها وحبها وحب جبهتها وهمس لها في اذنها انه ما يقدر يستغني عنها وهي وضميرها

طلع منها فيصل وما كلمته ابد بحرف وانتظر انها تناديه ولا تقول تعال ولا اي شي يسلي قلبه



حس انه ضايق من البيت وش يبي فيه فراح لربعه وكلمهم انه جاي

وهو بالسياره فتح رساله جديده : وكتب فيها

عزيزتي نوار : اتمنى انك تذكرني بكل خير

الحين اصبحت انسان متزوج ومافي مجال اني اتواصلك معك

تأكدي اني اتمنى لك كل خير وربي يسعدك ويوفقك

اخوك فيصل ,,,,​

وارسل المسج وطلع لربعه اللي جالسين في كوفي ينتظرونه

كان وده ان لمياء تعطيه فرصه مو تقفلها في وجهه وحمل هم بكره كيف ممكن يرضيها عليه

وهو في داومته ما انتبه ابد انه طالع والاشاره حمراء ومعد سمع الا صوت صدمة السيارات مع بعض,,,,



سعود وهو جالس في غرفته جاه اتصال من واحد من ربعه اللي يشتغلون في الشرطه ان فيصل سوى حادث بس ان شالله انه بسيط وخذوه للمستشفى

فز سعود من مكانه وعلى طول خذ سيارته وبسرعه للمستشفى ,,

وصل قسم الطواري وانتظر الدكتور يطلع من فيصل ,, حاول يسأل عنه الممرضات ويتطمن عليه ,, بس ما قدر يحصل منهم اجابه

انتظر في الاستراحه شوي وطلع له الدكتور اللي أكد له ان فيصل طيب بس تعرض لبعض الكسور في الفخذ ورضوض في الجسم وبيحتاج عمليه بسيطه تركيب براغي والحمدلله الراس والظهر سليمين

سعود قعد يتحمد الله وشاف انه لازم يقول لأبوه ,,

سعود : هلا يبه

وطلال ومستغرب من اتصال سعود في وقت متأخر

هلا يابوك عسى ما شر في هالليل متصل ان شالله مابه شي

سعود : والله .... فيصل طلع واصطدم بسياره بس جت سلااامات

طلال وبفزع :: هاااا متى وشلون وانت وينك ,,, سكر منه وسلطانه اللي كانت عنده طاحت عليه من الخوف وقعدت تصيح على ولدها

وهو يقول لها تطمني سعود يقول حادث بسيط

سلطانه وهي تترجاه انها تروح معه تشوف ولدها ما قدر يقول لها لا

وهما طالعين شافوا ريما جايه من القصر وبلغوها بالخبر وسط ذهول وخوف على اخوها ,,

ماقدرت تتمالك نفسها ورجعت للبنات لازم تدري لمياء بالخبر ذا ,,,



ريما والدموع تنزل منها بدون اراده وخوف على فيصل دخلت على البنات وهم يتجهزون للنوم لمياء اللي في سريرها وللحين على وضعها وهيفاء لابسه شرشف الصلاة تبي تصلي ركعتين قبل النوم

اول ما شافتها هيفاء انفجعت من شكلها,,

هيفاء : عسى ماشر يا قلبي وش فيك ,,

لمياء وهي تحط يدها على فمها ومو مصدقه : فيصل صار له حادث ,,

هيفاء : هاااا لا متى وشلون ,,,

لمياء وهي في سريرها حست بصدمه جديده لدرجة ان عينها تقلصت ونشفت من كل دموعها وقامت من السرير بهدوء,, توجهت تغتسل تبي توقف بين يدي الله وتدعي لفيصل انه يشفيه لأنها ما تعرف وش احساسها ذاك الوقت

هي زعلانه على فيصل صح بس عمرها ما تمنت انه يصير فيه شي

قامت والبنات يشوفونها ومستغربين من طريقتها بس أثروا الصمت ,,,

ريما كلمت سعود وقال لها ان فيصل الحين في غرفة العمليات وان شالله على كلام الدكتور انها عملية بسيطه لابد منها ,, واذا طلع بيعطيهم خبر

قامت لمياء لسجادتها وصلت بس ما قدرت توقف وقعدت جالسه في مصلاها وتدعي الله انه يشفيه وتسأله بأستمرار

اما هيفاء وريما تقابلوا ساكتين وحسوا ان الفرحة اللي كانت الايام اللي راحت وسعادة لمياء وهي جاية من السفر انها ولت وان ايام عصيبة بتمر عليهم وتذكرت هيفاء نفسها في الحالة هاذي ووضعها مع فهد وكيف انها تقنع لمياء ما تترك فيصل وتتمسك فيه ولا تتنازل لوحده ثانيه وتترك لها زوجها وسألت نفسها وانتي يا هيفاء كيف تتركين عبير توديك وتجيبك وتسيطر على فهد وهي وحده ما يستاهل ابد فهد انه ياخذها ,,



بعد ساعات بسيطه كلمهم سعود وقالهم ان فيصل بغرفته وطلع من العناية والحمدلله وضعه الحين تمام بس لازم يقعد في المستشفى فترة لحد ما يحدد الدكتور انه تعافى تماما ,,,,



طلال تطمن على ولده هو وسلطانه ورجعوا للقصر مع الصباح وراح لأمه يقولها عن الحادث بصورة ايجابيه علشان ما يرتفع ضغطها



ام طلال اول ما شافته عرفت ان فيه شي مو عادتهم يجونها من الصبح بدري ,, يالله سترك وش صاير

طلال : يمه مافيه الا الخير بس فيصل البارح كان يسوق بسرعه وصار عليه حادث والحين الحمدلله طيب وبخير ماله شر



ام طلال : لاحول ولا قوة الا بالله وش صار ,, متى هالكلام وليه ما علمتني ادعي له ,,

طلال : ما بغيت ازعجك وانتي نايمه والحمدلله على سلامته

سلطانه : ان شالله الحين طيب بس لازم له راحه

ريما اول ما شافت سيارة ابوها تحت قالت للبنات اللي كانوا مواصلين من البارح ان ابوها جاء ونزلوا تحت يبون يشوفونه ويتطمنون على فيصل ,,,,

لمياء صاير وجهها مثل الاشباح من حزنها على فيصل وانها ما راح تسامح نفسها انه كان يترجاها تجي معه ولا وافقت بس وش تسوي بقلبها



اكد لهم عمهم طلال ان فيصل بخير وانه بياخذهم العصر يشوفونه ,, لمياء ودها تروح الحين بس استحت من عمها

وقالت لريما وش رايك ودي اكون عنده

ريما : الحين سعود معاه ولسى تحت تأثير البنج اصبري للعصر ونروح كلنا بعدين انتي ما نمتي من يومين لازم تطلعين ترتاحين



هيفاء تأيد كلام ريما وخذوها وطلعوها فوق تنام كم ساعه يمكن ترد الحياة فيها بعد الشحوب اللي صار لها ,,,


تكمله الجزء 14

قامت لمياء الظهر وهي مو شبعانه نوم بس ما قدرت تأخذ راحتها وهي ما شافت فيصل

قامت ولبست ملابسها وما شافت هيفاء وعرفت انها عند جدتها

خذت عبايتها وشنطتها وطلعت تدور خديجه

حصلتها تجهز الغداء لام طلال



لمياء : خديجه ممكن طلب

خديجه : طلب واحد بس انتي اطلبي اللي تبين

لمياء : تسلمين انا ابيك توصليني للمستشفى الحين وما ابي احد يعرف

خديجه : من عيوني انتي اطلعي من الجانبي وانا اجيك هناك

طلعت لمياء بسرعه قبل حد يشوفها هي عارفه ان البنات بيقولون استني وهي تبي تشوف فيصل بالحالهم



جات خديجه بالسياره وطلعت معاها وبسرعه على المستشفى

كلمت سعودوقالت له انها شوي وتكون عنده وخذت منه كل التفاصيل

طلعت لمياء للغرفه وهي تحاول تمسك نفسها حست ان الايام اللي راحت استهلكت قوتها بالمره

دقت الباب وطلع لها سعود وقال لها انه بيروح للبيت بيرتاح وبيرجع لها ,, تركتها خديجه وجلست تستناها في الاستراحه ودخلت للغرفه البارده

كان شكل فيصل يقطع القلب رجله مرفوعه واللفافات على رجله ويده اللهم وجهه كان فيه خدوش بسيطه

شكله وهو نايم كأنه زعلان وتخيلت انه زعلان عليها عشانها ما رضت عليه مسكت يده وضغطت عليها شوي

وما حس فيها ,,

قعدت تقرأ عليه ودموعها تنزل بصمت وتمسك يده وتحضنها في يدها وتمسح على شعره بيدها الثانية استمرت على الوضع ذا ربع ساعه وشافت فيصل يحرك يده شوي ويأخذ نفس مره وبعد شوي فتح عينه بسيط وشافها عند راسه وتقرأ عليه غمض عينه ونزلت دمعته على خده وخذ لمياء وحط راسها على صدره

وقالها بصوت هاااادي : سامحيني

لمياء اللي قعدت تصيح بصوت مكتوم وتدموعها تنزل على خدها وشفايفها مسحت دمعته وباست عيونه

وحطت يدها على شفايفه وقالت : لا تقول شي ارجوك ارتاااح

خذ يدها ومسك بقووه وقال : لا تتركيني خليك معي ,, لمياء حست انها شي مهم جدا لفيصل عطت قلبها هدنه من اللي صار وشافت ان اهم شي عندها الحين ان فيصل يصير طيب وبس



فيصل : تدرين اني صحيت على ريحتك شميت عطرك وعرفت انك هنااا بس ما كنت مصدق الا يوم فتحت عيني ولمحتك يا اغلى من مر بعيوني ,,,,

لمياء : وهي تمسك وجهه بين ايديها : ممكن ترتاح والا بطلع ,, انت لازم ترتاح ,,,

فيصل وهو يأشر لها لا لا : خليك عندي يا قلبي برتاح وانتي جنبي وغمض عينه مرتاح من وجود لمياء بجنبه ,,,,



مرت يومين هادئه جدا والجميع فيها قلوبهم على فيصل واكدوا ان محد يعطي فهد خبر علشان ما يقلق على اخوه ,,,,



ام طلال وهي جالسه العصر وعندها بنتها هدى دخلت عليهم هيفاء وسلمت على عمتها

هدى : عاش من شافك يا هيفاء وينك مختفيه ,,

هيفاء : موجوده يا عمتي بس احنا ما نطلع وانتي معد تجين زي اول

هدى بدون نفس : مشاغل عاااد,, الا شخبار رجلك

هيفاء انصدمت من سؤالها وش تقولها انها ما كلمته من سافر والا تدبر لها عذر ,,

هيفاء : طيب الحمدلله

هدى : اذا اتصلتي عليه قولي له عمتك زعلانه

اجل ام نايف وعبير اغلى مني يتصل يسلم عليهم وانا لا ,,

وهدى تقولها بخبث عينها على هيفاء تبي تشوف ردة فعلها ,, لكنها مسكينه ما تعرف هيفاء,,,

هيفاء : فهد مشغول ومو فاضي حد يتصل عليه بس تلاقينهم ازعجوه بالاتصال يا عمري,,,

ام طلال جالسه وتشاهد الوضع انبسطت على رد هيفاء اللي حستها تبرد خاطرها زين ,,,



هدى انصدمت من اجابة هيفاء وحست انها بتكسر عبير بسرعه ,,



قامت هيفاء من عندهم بعد فتره وهي تكلم نفسها ,, كل ما جت النفس ترضى عليك يافهد غميتها بخبر جديد ,,,

طلعت تكلم امها لطيفه صار لها يومين ما كلمتها بعد الاحداث الجديده

وعطتها الاخبار كلها وطمنتها عليهم ان كل شي على ما يرام



كان ودها بعد تكلم عمتها مريم وتسلم عليها بس ما بغت تفجعها بسالفة فيصل فأجلت اتصالها لبعدين

سألتها جدتها اذا كانت تعرف متى فهد بيجي؟؟

فردت انها ما عنده خبر

ام طلال : اجل قومي اتصلي عليه شوفي متى بيجي ,,

هيفاء : يمه يمكن مشغول ,, هو اذا صار فاضي بيتصل ,,وهم في سالفتهم سمعوا صوت عند الباب

وماشافت ام طلال الا فهد يطلع راسه لها وهو يسوي لها مفاجأه

هيفاء كانت قاعده وقامت ... وام طلال ما ملكت فرحتها على انه كانت زعلانه عليه :: يالله حيه الذيب على طاريه



دخل عليهم وسلم على راس جدته وحب يدها وصافح هيفاء وهو متجاهلها ,,,
​

​

​

 

[كويتيه - بدويه]

يعطيج العاااااااااااااااااافيه

 

[((قاهرتهم))]

رد : (((عيوووون تحمل الغرق)))والله ماتندموون دخلووو

طلعت هيفاء تبي تجيب القهوة وهي مو مصدقه انه وصل معقول

على انها متوترة بجيته على قد انها فرحانه انه وصل وبخير ,,, ((غريب شعورك يا هيفاء انتي وشتبين ))

هيفاء متفاجئة من رجوع فهد بدون ما يقولهم كان ودها انه عندها خبر على الاقل تضبط شكلها
تضايقت انها تبي تتزين له ويشوفها حلوووه وانبت نفسها وش قصدك يعني تبينه يموت عليك ولا وشو
طلعت تسوي قهوة بنفسها ,, لأن قهوتها لا يعلى عليها بشهادة امها وجيرانهم وكانت تفنن فيها وكل مره تغير فيها شوي اهم شي ما يعرفون سر المهنة,,, فمرره تحط فيها دارسين ومره قرنفل ومره بهار قهوة تجيبة من العطار لكن اللي يميزها زين كثرة الزعفران اللي يترك القهوة بلون الذهب ,,,​

شاالت الصيتية بعد ما صفت فيها الورق وكملت ترتيبها وحملتها وطلعت من المطبخ التحضيري,,
بغت ترسل الشغاله تودي القهوة وهي تطلع فوق بس شافت انه ماله داعي ,,, المواجهه احيانا تنفع ,,,
دخلت عليهم وجدتها ماسكة السلسال بيدها وتدعي له ,,,
ام طلال : ما قصرت يا ولدي بس انا ماعاد يجوز لي البس سلاسل خلاص يمك العمر يحكمنا ,,
فهد : ما ابي اسمع هالكلام الله يعطيك طولة العمر وبعدين هو خفيف ما راح تتعبين منه وابي اشوفه عليك,, وخذ فهد منها السلسال لبسها اياه وتتدلى على صدرها بشكل حلوووو
ام طلال : هذا ما يجوز لي بيصلح لهيفاء اكثر هي الي بيزين عليها ,,,
فهد : انا ودي اشوفه عليك وانتي براحتك صار لك وسوي فيه اللي تبين ,,
ما انتبهوا لدخلتها لأنهم مشغولين في المحادثه اللي سمعتها كلها تجاهلت الموضوع وما بغت تعلق على الهدية في حضوره علشان ماا ينحرج منها ,, ((ذوووق والله ))
هيفاء : السلام عليكم ,,

الجميع وعليكم السلام
حطت القهوة على الطاولة وفهد يحاول يتمعن فيها شوي عن اخر مره شافها ,, حس انها سنتين مو اسبوعين وان شكلها ضعف شوي على كلام ريما :
فهد : وشلونكم ان شالله كلكم طيبين واخبار الديره عسى ماخلاف ,,,
ام طلال : كل شي زين ابشرك الامور طيبه ,, وتمد لها هيفاء فنجال القهوة وياخذه منها وهو يحاول يقرا في عيونها شوي يمكن يحدد
كيف يتعامل معها
انحرجت هيفاء منه وخصوصا انه ما وجه لها اي كلمة خاصه ولاسئل عنها فحبت تتركه مع جدته وطلعت غرفتها حست انها حايسه بعد ما لمياء قعدت عندها والمكان يبي له تنظيم شوي ,, خذت بعض الملابس اللي طلعتها لمياء وحطتها على جنب بترتبها وكلمت الشغالة تجي تساعدها ,, حاولت انها تضفي على المكان شكل يبعث فيها نشاط اكثر ,, ريما ولمياء كانوا عند فيصل ومو متوقعه انها تسوي اي شي لين يجون
بعد ما تنوم فيصل في المستشفى صارت تقعد بالحالها لان البنات دايما عنده ولا فيه شي تشغل نفسها فيه ,, بعض الاحيان اذا حست بملل تحب تبدع في
في بعض اكلات التقديم من ساندويتشات وحلويات خفيفه بس بعد حست بملل منها وخصوصا انها تحب تسويها بس نادرا انها تاكلها كانت تستمتع بمنظرها اكثر,,
وهي في حوستها جاها اتصال من عمتها مريم
مريم : الوووو
هيفاء : هلا وغلا يا عمتي وشلونك وشخبار الجو عندكم
مريم : زعلااانه عليك وليه ما تتصلين كل هالمده وشفيك
هيفاء حست انها وحيده فعلا في اللحظه هاذي وجتها غصة وهي تكلم عمتها ,,
هيفاء: على حطة يدك مابه جديد ابد روتين الحياة
مريم : اجل وشرايك تجيني انتي وفهد تأخذون لكم كم يوم تغيرون فيها جو
هيفاء: مدري والله بنشوف وبنعطيك خبر اكيد ,,

مر ذاك اليوم ما شافت فيه هيفاء فهد ابدا وما شافته عند جدتها وحست انها تبي تشوفه بس وبخت نفسها انه معطيها حدود ولازم انها ما تتجاوزها والمفروض ما تسمح لنفسها انها تقرب او تتود له ,,مشاعرها مثل سهم البورصة ترتفع وتنزل وفي غضون دقايق
مرات ودها تشوفه وتتكلم معه وتحس انها

مرات ودها تشوفه وتتكلم معه وتحس انها ماعرفت شخصيته ابد وماشافت منه تعامل ايجابي الا تعامله مع جدتها اللي تشوفه في الوقت ذا من شاب يعتبر خيالي
ومرات ودها تطاق هي واياه على طريقته الغبية مع عبير ومشاعل وودها تصرخ فيه انت غبي اللي مصدق عبير ومشاعل انت ما تعرفهم هم فيهم وفيهم ,,,
ومرات ودها انهم كذا لا سلم ولا حرب ولا لك ولا عليك كلن في حاله لين يجي الفرج من الله,,,
ما عمرها توقعت ان زواجها بيتم بالطريقة هاذي وحتى ولو كان من ولد عمها فتوقعت على الاقل يقدرها ويحترمها حتى لو ما حبها ,,
سرحت هيفاء في افكارها وما ردت على لمياء اللي كانت داخله من المستشفى,,,
لمياء : مساء الخير وين رايح بالك كلمتك كذا مره ,, ذا كله منشغل في فهد وش بتسوين له والا وشو,,
هيفاء اللي قامت من سرحانها متفاجئة : بسم الله الرحمن الرحيم متى جيتي ,,
لمياء : يووو صار لي خمس دقايق حطيت عباتي وشنطتي وطلعت جوالي وانتي خبر خير اللي ماخذ عقلك يتهنى به ,,
هيفاء : الحمدلله والشكر محد ماخذ عقلي وشلون فيصل اليوم ان شالله طيب ,,,
لمياء : الحمدلله احسن بس لازم راحه في السرير ,, يبي يطلع للبيت بس الدكتور قال اسبوع بعد,,,يووو لو تشوفين اللقاء بينه وبين فهد
هيفاء مادرت بفهد من الظهر وما تدري متى قالت له جدته والا ابوه ما تدري عن شي هي تشوفه عشان تعرف ,,​

 

[بـسـومـه]

رد : (((عيوووون تحمل الغرق)))والله ماتندموون دخلووو

مررررررررررره روعه كملي بليزز

 

[بجـيت عـلى حظي]

ناطريينج قلبو القصه روعه

 

[كويتيه - بدويه]

يسلموووووووووووووووووووووووووووووووووووووو

 

[((قاهرتهم))]

رد : (((عيوووون تحمل الغرق)))والله ماتندموون دخلووو

هيفاء : تكلمي وشلون
لمياء : ابد دق الباب وانااعطي فيصل عصير وسمعت صوت فهد فلبست غطاي وطلعت له ريما تدخله اول ما دخل وشاف فيصل
خذه ولمه وحب راسه وفيصل يا قلبي يأخذ يده ويحبها ويحب راسه بصراحه علاقتهم مع بعض تحسينها غير مو مثل الباقين اللي يتطاقون
هيفاء : صدق انك خبله هم رجاجيل مو بزران يتطاقون اكيد بيكون بينهم احترام وتقدير
لمياء : مو قصدي كذا بس بينهم عاطفه تحزن تحسين كل واحد قلبه على اخوه ,,,
زين مو هذا اللي ابي اقولك عنه ,,,
هيفاء : وش عندك ,,
لمياء : فهد رجع ولازم اطلع من الغرفة بقعد في جناح عمتي مريم ,,
هيفاء : لا لا لا تروحين فهد عارف انك هنا ((وهي مابغت تقول لمياء الصدق )) وما راح يجي,,,​

لمياء : لا ياعمري مو معقوله احرمه من مكانه بعد بعدين انا وين بروح جنبك مو بعيد ,,,
هيفاء ما بغت تبين لها الاوضاع لمياء اللي فيها كافيها وبعدين وش راح تسوي ,,,
ساعدتها هيفاء في ترتيب ملابسها اللي خذتها من الفيلا ونادت الشغاله تشيلهم لجناح مريم وترتبهم فيه
خلصوا كل شي بسرعه وطلعت لمياء تبي ترتاح لانها من قومة الصبح وهي مع فيصل في المستشفى وحست انها منهكة شوي

هيفاء رجعت لجدتها تبي تسولف معها قبل العشاء وشافتها لابسه السلسال اللي شراه فهد
هيفاء : الله يمه وش زينها عليك وتقولين مو لايق لك انتي لا يعلى عليك ترفه وكل شي تلبسينه له شكل
ام طلال : هذاك اول يا بنتي خلاص الحين معد يجوز لي شي
هيفاء : وش هالكلام افااا بالعكس حلوووو مررره عليك
ام طلال : اكيد بتقولين حلووو دامه من فهد
ضحكت هيفاء بصوت عالي وردت على جدتها اللي القلق ماكل قلبها من ناحيتها : اكيد يحق لي فهد مو اي واااحد والا لا يا جدتي
وجدتها اللي تثني على كلامها بكل تاكيد ما شافت فهد اللي كان واقف وراء هيفاء ويضحك على سوالفهم
قال بصوت عالي : اشوفكم تمدحون فيني وش عندكم
هيفاء انحرجت مرررره وما قدرت تقول حرف واحد وام طلال ردت عليه : اذا ما مدحناك من بنمدح فيه يا ولدي
: فهد : انا جووعان حدي متى بتتعشون ؟؟
هيفاء الحين بنجهز العشاء ,,طلعت هيفاء تشوف خديجه وش رتبت للعشاء وحصلتها مجهزه كل شي
ام طلال اعتذرت انها تقوم معهم للطاوله وحست انها تعيبنه وقالت لخديجه تجيب لها شي بسيط في الغرفة
وهنا توهقت هيفاء وش تسوي ,,, حست ان جدتها متعمده تتركهم بالحالهم يمكن حست بشي ,,
فهد خلاص بتعشى وبرجع لك وش رايك
ام طلال : ابد تبي تجي تعال والا خذ زوجتك ورح ارتاح شوي
هيفاء حست بالوان الأحراج كلها صدق وهقه يا جدتي ,,,
فهد حاول يتحاشى يشوف هيفاء لانه عارف ميه في الميه انها منحرجه منه بس يالله خلاص هو صار في الموقف وما يقدر يتراجع
هيفاء بعد حست فيه انه توهق معها بس قالت بكيفه

​

 

[القوارير]

رد : (((عيوووون تحمل الغرق)))والله ماتندموون دخلووو

كملي يا الغاليه البارت رووووووووووووووعه
بس حسافه كان قصير
موفقه يارب

 

[القوارير]

رد : (((عيوووون تحمل الغرق)))والله ماتندموون دخلووو

كملي يا الغاليه البارت رووووووووووووووعه:rerrerek:
بس حسافه كان قصير:eh_s(11):
موفقه يارب:eh_s(7):

 

[taboolaaaa]

رد : (((عيوووون تحمل الغرق)))والله ماتندموون دخلووو

كملي حياتي كملي ;p
حدي تشوقت ناطره يحن قلب فهد على هيفاء مسكينه
ناطرينج يالغلا ;**​

 

[كوين74]

ماشاءالله تبارك الحمن ...... قصتك مرررررررررررررررره روعه

والله حسيت إني قاعده أشوف أحداثها قدامي ..... وإسلوبك وااااااايد حلو

الله يحفظك ........ و لحقينا بالبارت لأن الشوق بلغ منتهاه

بسإلك القصه كم بارت ؟؟؟؟؟ وهي خياليه ولا حقيقيه ؟؟؟؟؟؟​