عيزانه تهتمين بنفسج؟ قروب العيزانين

[خاطري اتحنى]

ودج تكونين زبده؟!
ودج يكون لونج موحد ؟؟
ودج بشعر ناعم؟!
ركبه بيضه؟؟
كوع ابيض؟
عندج بقع سوده مليتي منها؟
ويهج مقشر؟

بس ماعندج وقت ولا كسلانه تسوين خلطات ؟؟
حيااج ترا وايد نفسج
هني بنسوي قروب حق خلطات سهله وعنايه بسيطه لكن اثرها سريع :rerrerek:
ومكوناتها متوفره فكل بيت :rerrerek:
حتى لو متزوجه وعندج عشر يهال وتشتغلين بتكونين حلوه غصبن عنهم

اللي بتشارك تحط هذا الشعار لو سمحتو :bbbiu:

الحين برنامج العنايه :

الاكل:
لازم نشرب فاليوم 7 قلاصات ماي اقل شيء
نحاول ناكل اكل صحي كثر مانقدر
الببسي نقلل منه 3\>
والكافي نقلل منه اههم شي

الصباح :
اول شيء ننظف الويه
بغسول يومي خفيف
احسن غسول استخدمته بايوديرما وسيشيدو وسان لوران

بعدين نحط التونر
بعدين نحط المرطب

مكياج الدوام مانحط كل يوم مكياج قوي
الفاونديشن بي بي كريم او بايوديرما سن بلوك مع فاونديشن

ونحط سن بلوك قبل مانطلع من البيت

لما نرجع البيت بنستخدم هالخلطه السهله
لاني لاحظت هالمكونات فكل الخلطات فقررت احطهم بروحهم

علبه جلوسيد
اسكينول فنجال (ألجمعيه )
فكس قفشتين
كريم سودو قفشه (ألجمعيه صوب اغراض اليهال )
جلسرين قفشتين (من الصيدليه)
زيت زيتون قفشتين
عصير ليمون


نخلطهم مع بعض ونحطهم عالجسم ساعتين يوميا

الحمام :
يوميا بعد الحمام لو تسبحتي الصبح حطي مرطب عالجسم
لو تسبحتي فليل حطي بيبي اويل
لان البيبي اويل اذا طلعتي بالشمس بتسمرين
حطي بيبي اويل على جسمج وانتي للحين مانشفتي


كل اسبوع نسوي سكراب هذا احسن نوع

ماااايبيله شي حطيه على جسمج وسوي حق نفسج مساج ربع ساعه بالكثير

واذا عندج وقت روحي سوي حمام مغربي كل كم اسبوع :eh_s(4):


العنايه بالاطراف

قبل لاتنامين يوميا حطي فازلين على ريولج ولبسي دلاغ او لفيها بنايلون ونامي

وكل مافضيتي انقعي ريلج بماي دافي وبعدين هاتي الحجر وافركيها

ويدج كل اسبوع بنحاول نسوي بديكير ومنكير:yaaaaaarb:
وكل يوم حطيلها مرطب ودلكيها


الشعر :

-تطويل الشعر
كل كم يوم
عشان يطول الشعر نصخن زيت زيتون بالمكرويف 30 ثانيه
ونحطه على جذور الشعر ونمشط الشعر عكس الاتجاه

- خلطه للشعر
زيت زيتون وعسل وزبادي
نخلطهم ونحطهم على الشعر ساعتين ونسبح

اختاري افضل شامبو يليق على شعرج
انا احسن شي عندي لوريال او سانسيلك جوفي اللي يناسبج
وكل اسبوع سوي حمام زيت
فاشكول او فاتيكا او سوبر كول



وبسسسس

تعببببت يارب مايروح تعبي عالفاضي :eh_s(*):

 

[Bronze ● lady]

مشكورة

 

[baby lotion]

آوبا

 

[مدّهره !]

حلو إسم القروب ههههه



يعطيج العااافيه ....~

 

[b7h]

حممممممممممممممممآس واخيرآ لحقت على قروب من اوله :eh_s(9):

معآكم معآكم :eh_s(15):

بس ضروري نتقيد بآلجدول اللي مسويته ؟

 

[b7h]

-تطويل الشعر
كل كم يوم
عشان يطول الشعر نصخن زيت زيتون بالمكرويف 30 ثانيه
ونحطه على جذور الشعر ونمشط الشعر عكس الاتجاه

بس حبيت انبهك يآحلوه زيت الزيتون حآر وثقيل على فروة الرأس ويسبب تسآقط
أذآ مره تبينه اخلطيه مع زيوت اخف

 

[الكتكوته]

يعطيج العافيه بس شنو فائدة ألبي بي كريم ؟

 

[ميس الورود]

برافوووووووووووووووو عليكي رهيييييبه


اللهم صل وسلم على سيدنا محمـــــــــــــــــــد

 

[cute_mama83]

يعطيييييييييييج الف عااافيه

انا مشكلتي اشتط واتحمسس اسبوووع تالي اركن الخلطات ع الرف

 

[رهومي]

وانا معكم :eh_s(15):

 

[M!SS.LOBY]

مشكوورة

 

[مـهـاآ]

هههههههههه خوش فكره بس اسم القروب يحبط (= هههههه

 

[برد ابو الذهب]

معاكم معااااااااااااااااااااااااكم متي نبدي

 

[خاطري اتحنى]

بناات حمستوووني يلا اشتروا اغراضكم عشان نبدا اي وقت :$

بحه لا مو لازم كل وحده تكتب اشياءها كل يوم جدولها شتسوي عشان نستفيد ونشجع بعض

كيوت ماما هني بنشجع بعض :$

 

[خاطري اتحنى]

يعطيج العافيه بس شنو فائدة ألبي بي كريم ؟

حبيبتي البيبي كريم مو فاونديشن ويخرب البشره
لا فاونديشن ويعالج البشره
رووعه رووعه

 

[baby lotion]

البيبي كريم : معالج + مرطب + فيه اي بس اف + يعطيج تغطيه

 

[b7h]

نبتدي نكتب الجدول على بركة الله
انآ لي اسبوعين مآشيه عليه مآآهملت الآ يمكن يومين لأني كنت برآ البيت
بنزل لكم عنآيتي وعلى فكره انآ منزله الصور بمنتدى ثآني بنفس نكي :eh_s(7):

غسول للوجه من بوندس بآلبآبونج
مرتين بآليوم اول مآآصحى وقبل مآآنآم

بعد مآأنشف وجهي من الغسول أمسح بقطنه
بهآلـ تونيك المنزلي رآئع أحس لمن احطه بإنتعآش وبروده بفيسي ^^
وعآد الحين جآء الصيف ندور الأنتعآش , خخ العلبه تفشل عآدي المهم النتيجه
عآد المقدآر على كيفي
كيس شآي أخضر + كوب موية + موية ورد تقريبآ ملأ الغطآ حقه مرتين + عصير ليمونه صغيره
الطريقه تغلين المويه وتحطين كيس الشآهي لين يبرد تضيفين بآقي المقآدير ف علبه
وتحفظينهآ ف الثلآجه ترجينهآ وتمسحين وجهك مرتين ف اليوم بدون مآتغسلين تخلينه بتتشربه البشره

لوشن دسسسم خخخ (ثقيل) ينفع للأكوآع والركب
واحط على يديني وقت النوم على فكره هآلخلطه مع الأستمرآر تفتح
حطوهآ قبل النوم عشآنهآ ثقيله وتدبق بس بعد مآتصحون تلقون البشره زي الزبده
طريقته
ملعقتين كبيره جليسوليد الأحمر - ملعقتين كبيره فآزلين - عصير ليمونه صغيره
ملعقه موية ورد - ( ذا تبين ريحه حلوه حطي نقطة مسك ابيض)

حمآم مغربي كل اسبوع ( أطلق نوعية صآبون جربتهآ هآلنوع وقومه ثقيل ) من محل نزيه

صآبونيه لي يمكن أكثر من شهر وانآ آستخدمهآ روعه :rerrerek:

ترطيبي جل زيتي بآلزهور المنعشه من جونسون ومنتجآت جونسون عمومآ
تنآسبني بشرتي حسآسه من اللوشنآت اللي روآئحهآ قويه

غسول نسآئي سيبآميد
جميل مرتين ف الأسبوع

هذآ الشي من فآزلين للأقدآم
بس ريحته تصكك الرآس ولآ يفوتكم كآتبين غير معطر ريحته زي البويه زي شي مدري وشو
أحطه وألبس شرآب "وانتم بكرآمه"
وكل اسبوع اسوي حركة الشرآب المبلول ترطب بشكل فضيييع :eh_s(15):

خلطة توريد وترطيب الشفآيف
ملعقه فآزلين + ملعقه جلوسليد + نص ملعقه عكر فآسي او فمتو (الكميه بحجم الغطآ)
تخلط وتوضع ف علبه وكل مآ مريتي من قدآم العلبه امسحي شفآيفك



جدولي اليومي

مرتين في اليوم غسول للوجه
مرتين في اليوم تونك شآهي اخضر وموية ورد
اتسبح ب الصآبونيه وارطب بعدهآ بآلجل الزيتي من جونسون
مره في الأسبوع حمآم مغربي
كل يومين دلكة التحدي >> خلصتهآ من اسبوع ومآتعيجزت اسويهآ مع ان نتآيجهآ تهبل


عنآيتي الدآخليه

يوميآ آول مآآصحى من النوم كوب عصير برتقآل فرش مع ملعقه موية ورد > اي وقت اصحى اهم شي يكون على الريق صبآح ليل مو مهم
وعلبه زبآدي قبل النوم بنص سآعه
أكره اشرب موية ورد بس اللي يبغى الدح اضفتهآ لمويتي ملعقه موية ورد مع موية صحه الصغيره> 3 علب ف اليوم
7 حبآت حبه سودآء > وصية الرسول صلى الله عليه وسلم
على اسآس احرم نفسي من البيبسي مآقدرت ف صصرت اخفف منه مره > يآرب اكرهه :eh_s(*):



يلآ نبي تجآربكم وجدآولكم :eh_s(3):

​

 

[baby lotion]

^
^

بحه : شنهي صابونيتج ؟

وغسول بوندس اللي تستعملينه ينفع للبشره الحساسه والمختلطه ؟


* جدولي هذا مستمره عليه من 3 شهور تقريبا عنايتي مستمره ولله الحمد

سبوح يومي + صابونيه + مره قناع مره سنفره مره كل اسبوعين مغربي

طبعا انوع باللوشنات والصابونيات والماسكات والسنفرات مره منزليه مره جاهزه

وترطيب بعد الحمام ضروري

لبشرتي ماعندي غسول استخدم صابونة اكني ايد جربت كثير اشياء مانفعوني

عنايه داخليه : ماي دافي على الريق - مره مع زيت زيتون مره مع حبه سوده اكل صحي وقاطعه مشروبات الغازيه والكاكاو من زمان

آآب

 

[b7h]

طريقة صآبونيي
صآبون كركم - صآبون الغآر - صآبون البآبآيآ - الصآبونه السحريه -
فنجآل بودرة الكركم للجسم - علبة موية ورد -ملعقين كبيرة ملح خشن -
ملعقتين نشآ - نص كوب صآبون مغربي

نبشر صآبونه الكركم وصآبون الغار و الصآبونه السحرية وصآبونه البابايآ
ونضعهم في صحن
نأخذ قدر صغير( وسط ) ونحط فيه موية الورد ونضع الكركم ثم الملح خشن ثم الصآبون المغربي
ونحركهم ونضعهم على النار وإذآ سخن قليلاً بدون مآيغلي نضع الصآبون كله مع بعض
ونحركه نلآحظ انه على طول يذوب مع موية الورد الحآر ونحرك لين يندمج
ويصير مثل الخلطة نرفعهآ من النار ونضع النشآ على طول وهي حآره
ونحركهآ جيداً تكون الخلطة جآهزه نفرغهآ بس في علبه بغطآء ونغطيهآ
نحطهآ في الفريزر عشآن تبرد بسرعه ونقطعهآ بحجم الصآبون العآدي
عشآن يسهل استخدآمهآ ... نصيحه يوميآ استخدموهآ > ورطبوآ الجسم ضروري بعدهآ




بآلنسبه لغسول بوندس انآ بشرتي مختلطه ونآسبني

 

[تحت ظلك]

ودي اشترك معاكم بس متكاسلة هههه

لي عودة بااذن الله عشان افكر