عنـدج خـدامـة ؟ متى يبتيهـا بأي ظـرف ؟ و شنو شغلها بالبيـت !! فيدونـا

[c a t w o m a n]

عليها الغسيل و التنظيف و الكوي و إدارة المنزل بغيابي طباخ أنا أطبخ عيالي مالها شغل فيهم إلا إذا صرت مشغولة بشي و تراقبهم قبال عيني أو بوجود شخص

 

[Mjnont '3lay]

شوفي حبيبتي انا ببيت اهلي ماعندنا خدامه و احنا خمسه وانا شايله البيت كله غسيل وكوي وطبخ وتنظيف لانه ببيتنا متوفر كل شي غسالة صحون وغساله الكترونيه تنشف وتغسل وكل شي والكوايه بخار وسريعة الكوي والتنظيف ما ياخذ ربع ساعه لانه عندنا مكنسه كهربائيه و لانه الشغل يبيله مرونه وسرعه والغرف كل واحد فينا يرتب غرفته ما عدا غرفة امي وابوي انا ارتبها بغيابهم وبعد لانه كانت تجينا خدامه نص دوام يعني تساعدني واخر الليل تروح وببيت زوجي نفس الشي وانا بصراحه ماحب الخدم شغلهم خايس ونظامهم من بره هالله هالله ومن داخل يعلم الله بصراحه ما اشوف لهم لزمه لانه نظامهم جدامج يكرفون ومن وراج مدلعات ينظفون عالسريع وداخل الكبتات وتحت الكنبات كله وصخ وغبار قطييعه وانا احب اشرف على المكان اللي انا قاعده فيه واحب احط لمساتي فيه واحبه يكون نظيف والخدم مايجي من وراهم الا الوصاخه لو ما تشوفينهم اول باول مايتعدلوون صدقيني وبعدين ينظفون مكان ويخلون مكان وتجين انتي تردين تنظفين من جد وجديد واحنا جبنا كل الجنسيات ولي الحين ماشفت اللي تبرد القلب وهذا رايي بصراحه


ورفيجتي نفس الشي بيتهم فله كبيره ماشاءالله ومن اول ما انولدت لي يومج هذا ما عندهم خدامه اهيا اللي تنظف ويا امها وتساعد امها بشغل البيت وتطبخ ويا امها ويوم سالتها قلت لها ليش ما جبتو خدامه ماشاءالله بيتكم يبيله كرف قالت لا من قالج احنا الشي اللي يبيله تنظيف يومي ننظفه كل يوم مثل غرف النوم والمطبخ والحمام وتقولي الغسيل كل اسبوع مره يغسلون اهيا وامها



وعندي رفيجه ثانيه ماشاءالله هااابة ريييح الله يوفقها يارب وين ما كانت صغيره عمرها 26 وعندها 6 عيال وعيالها شياااطين شاقين الارض وطالعين وماعندها خدامه ماشااءالله مرتين زرتها ببيتها وبيتها هاااادي ومرتب ونظيييف ماتصدقين انه فيه عيال
يوم سالتها قالت لي كل شي بالنظام يمشي تقول باول زواجها تعبت شووي مع ترتيب البيت بشكل عام والزوج تقول بس الحين عادي تعووودت واهيا ماشاءالله تداوم الصبح وتدرس العصر يعني نفس نظامج والعن يعني لو كلش كلش تبين خدامه جيبي ام نص دوام اريح لج والله



ملاحظه : الخدم فيهم بلاغة شف وملقووفات وعينهم وصخه كل شي يشوفون ويخزوون ومرح تاخذين راحتج ببيتج ومايجي من وراهم الا المصايب وعوار الراااس وهذي وجهة نظري والسموحه قرقت عليج واجد بس انا ماحب الخدم

 

[اميره1980]

انا متزوجة و ساكنة بشقة بروحنا و ما عندي خدامة و كل يوم اسوي شي بالشقة
يعني مثلا يوم اغسل الحمامات و يوم انظف البيت و يوم اكوي الملابس و ماشيه وياي بس ما عندي يهال للحين

اذا حملت ان شاء الله بستعين بالخدم نص دوام و الله كريم
عموما ما احب الخدامة تطبخ او تغسل ملابس او تمسك الياهل

 

[noo7a]

انا يبتها لمن كنت حامل ببجري
باول الثامن طلبتها عشان توصل حزه الي اكون بالاربعين بيت اهلي و اهم يعلمونها

و يبتها حق شغل البيت غسيل حمامات كوي تنظيف
اما الطبخ و ولدي لا ماتقرب صوبهم

والله الخدم شر لابد منه لان بصراحه ماقدر على شغل بيت و بيبي و دوام جامعه

 

[قلبي عبدالله]

خدامتي للتنظيف فقط

الطبخ والاهتمام بالاطفال مسؤليتي انا


ونصيحه لاتجيبي اندنوسيه من تجارب اللي حولي تعقدت منهم

 

[! بــدويه وآآيــد !]

،


انا معاج زوجي يكره الخدم كره العمى ومستحيل يمد ايده على اكل طابخته خدامه ، ولا يرضى في بيت اهله حتى تجيب له ملابس الدوام ، واذا شاف بالشارع وحده معاها بيبي ماسكته الخدامه يقعد يسبها بيني وبينه مادري ناقصه ايد والا رجل ؟ واذا كح البيبي الخدامه ماراح تقوله اسم الله عليك امحق ام مو كفوو امومه هذي الشرها مو عليها على زوجها وسمعي المحاضره الي يقولها جدامي وانا مثل طبعه اكره اكل الخدم واكرها تمسك البيبي
وانا ساكنه بشقه بروحي والحين حامل يقولي اول بيبي مولازم خدامه والثاني افا عليج اجيب لج 2 اذا تبين ، انا وياج نتعاون ع البيبي والشغل نقسمه بينا وامي تقول قوليله ابي خدامه وماراح تطبخ ولاتمسك البيبي قلت له قال ها بس تغسل وتسوي اوتي الاوتي نوديه بيت اهلج كل اسبوع والغسيل مره انا ومره انتي ونشيل بيتنا بدون لاتكون وحده غامته انفاسنا والا خدامه نص دوام مرتين بالاسبوع وللحين مادري بس يثبت البيبي ان شاءالله نتناقش تناقش جدي بهالموضوع ان شاءالله حتى انا محتاره مره ودي مره لا لانها راح تقيدني شقتي صغيره غرفة غسيل وغرفة نوم وحمامين ومطبخ وصاله

الله يكتب الي فيه الخيــر​

 

[العفاسيه]

انا عندي خدامه وشغل البيت وعيالي وكوي وغسيل بيني وبينها بشكل عشوائي
ودي اعيش بدون خدامه بس صعبه شلون عايشين بدون خدم اقل شي الوحده بتروح لاهلها من يشيل الاغراض والجنط ينزلهم ويصعدهم للسياره *

 

[lemonda]

ايه عندنا حبشيه تاكل وتنام وتموت على الجبنه السايله ودايم معصبه ومطنقره وصار البيت معها جحيم

 

[سِهام]

انا مااحب الخدم وتزوجت وانا ادرس وجبت توأم ولا جبت خدامه
من توفي عمي ابو زوجي جات امه عندي وجابت خدامتها والحين سكنا بيت جديد دورين وجبت خدامه لي وخدامة خالتي

 

[Kensington]

عندي خدامه كينيه
لما رجعت السعوديه شريتها علي طول من وحده

 

[ابدا يالغالي مانساك]

انا مااحب الخدم وتزوجت وانا ادرس وجبت توأم ولا جبت خدامه
من توفي عمي ابو زوجي جات امه عندي وجابت خدامتها والحين سكنا بيت جديد دورين وجبت خدامه لي وخدامة خالتي

[كاااااااااااااك لوووووووول موتيني ضحك المهم حوووووبي أخت حالتهم فديتج ياقلبي جيبي لج شغله مؤقته بالساعات وتنصف لج كل شي حرام انتي حامل وجامعه انا عن نفسي شغالة حمولتي تساعدني بتنضيف معنها غثيثه تشلع القلب FONT="Comic Sans MS"][/FONT]

 

[ماني من الناس]

خلي زوجج يساعدج بامور البيت الحياه مساعده


وسالفه الخدامه انا مو مقتنعه فيها نهائيا سلبياتها اكثر من ايجابياتها


اولا ماراح تاخذين راحتج بشقتج بتحسين نفسج مراقبه

ماراح تلبسين علا كيفج

وبتعيشين بقلق وخوف لانج ماراح تقدرين توثقين فيها لان لا عاداتها عاداتنا ولا تضمنين اهي شنو خلفيتها وماضيها وتربيتها


فشلي حادج على هالشي

انتي وريلج تساعدوا مافيها شي وكلميه اكيد بيتفهم وضعج

 

[أإلع ـشق دلع ـهـأإ]

شوفي اذآ وصلتي لسآبع إن شآء الله قدميلج ع سيلآنيه او هنديه .. لآنه يبيلهم ع الآقل ٣ شهور ع مآيوصلوون ..

وإذآ جت عليهآ تنظيف البيت كله من غير غرفة النوم .. وتغسل الموآعين والملآبس والكوي واذآ رحتي الجآمعه تخلينهآ تنزل عند حمولتج ومعآهآ البيبي وإذآ جيتي من الجآمعه أنتي تمسكين البيبي ..

وآنصحج عآد بالكورس الجآي نظمي وقتج خلي دوآمج صبآحي آخر محآضره س١

وإذآ ع الترتيب الحين قبل لآ تنآمين سوي تنظيف سريع

والله يثبت حملج ويفرحج بشووفته يآرب

 

[AL-masa*]

انا طلبت خدامه فلبينيه وانشاءالله توصل بعد شهر
وانا توني متزوجه تعبت من التنظيف والغسيل والاوتي والمواعين
صاير ماكو وقت حتى اقعد ويا زوجي ياحايسه بالمطبخ يا الغرف والتعطير
كله اقول لازم كل شي مرتب ونظيف المواعين ماتخلص الغسيل مايخلص التنظيف مايخلص
اول ماتوصل بخليها تنام فبيت اهلي وايبها بالاسبوع 3 مرات
فا انتي وطاقتج انتي خلاص مليتي طلبيلج وحده وانتي تدرسين بعد وحامل

 

[حبيبي مالكني]

لاني اشتغل وعندي يهال اكيد الخدامه شي ضروري بحياتي
تساعدني بشغل البيت ونثرة اليهال
بس تربية اليهال مو شغل الخدامه ولا تدريسهم
وانا الي اجابل ريلي
بس ما تخيل حياتي بدون خدم

 

[أو عبوش]

جبتها كان عمر ولدي 7 شهور وكنت حامل ببنتي وهم موظفه


الطبخ انا وحتى تقصص الخضار واللحم والدجاج ماتلمس شي يدش بحلوجنا




ملابسي الخاصه وملابس رجلي الخاصه انا اغسلهم وملابس عيالي الداخليه....... وبعض ملابس الطلعه اللي مابي تخربهم



وغرفتي مستحيييل استحاله تدخلها او تلقي نظره




وبس الباقي عليها




يعني تتابع عيالي وانا بالدوام واساسا انا مو بالبيت بروحي فهذي ميزه اعتبرها حلوه بغيابي


وتمسح الارضيات وتخم وتغسل صحون وتضرب اوتي وتلاعب عيالي اذا انا بالدوام




من اجي من الدوام سييييييده تطلع تروح تتغدى وهي عارفه لنظامي





يعني اطلبيها بالاشهر الاخيره وتجيج اذا قمتي بالسلامه ان شاء الله


صدقيني ملاغه اذا انتي وزوجج واهي قاعده مقابلتكم مثل البومه تحسدج على ضحكتج معاه وتحسدج على لبسج او مكياجج او اي شي تسوينه حتى قلاص الجاي لو تجيبينه له بيدج بتتحسر على عمرها



واذا انتي تعبانه من الجامعه جيبي وحده نص دوام بالاسبوع مره تغسل وتضرب اوتي وتمسح وتخم وكل شي

 

[عنزروته]

ولله ماعندي خدامة بس جاية بطريج ...... الله يعطينا خيرها ويبعد عنا شرها ,,, الجنسية سيلانية
ومو عارفم اشلون تعامل وياها الصراحة <<اسمع انهم سليطات لسان هههه
بس انا متاكدة اني اعيالي خط احمررررررررررررررررر ماتجيهم هي عليها شغل الشقة وبس والطباخ زوجي ما يواطن طباخ الشغالة

 

[انا لحبيبي .]

مبروك حبيبتي ع الحمل ، الف مبروك ان شاء الله الله يتمملك على خير والله فرحتلك كتير

وبالنسبه للخدامه انا ما بحب اصلا الخدامات ، مع انه في خدامه ببيت اهلي بس ما بخليها تمسك اغراضي نهائي ، وحتى الكاسه يلي بدي اشرب فيها بغسلها قبل ما اشرب فيها بقرف منهم بصراحه .

 

[اخت خالتهم]

مشكورين حياتي ما قصرتي
انا الخدامة بخليها تخدم خالتي ام ريلي وتقعد مع خدمها ..
بس حزة ابي اروح الدوام اكيد بتكل عليها من غير ما تدخل الشقه بغيابي
ومشكورين مره ثانيه

 

[om_3azoz]

انا توني يبت خدامه قبل لا اولد بشهر تقريبا

يوم تزوجت مايبت لان مالها داعي كلش وحملت ولا يبت انا كنت اسوي كل شي وولدت وهم ماحتجتها الحمدالله

بس توه لان ولدي عمره سنتين ونص وكنت بولد ماقدر عليهم ثنينهم


اللي تسويه بالبيت تنظف وتكوي الملابس بس وتوني معلمتها شلون تستخدم الغساله

والصبح انا دوام اخليها تمسك بنتي ,,