عندج طفل متعبج؟،يمكن تستفيدين من هالموضوع..

[Melazlaza]

السلام عليكم ورحمة الله وبركاته

كلنا بهالقسم نحوس ونطل بالمواضيع الي نحس ان ممكن نفيد أو نستفيد منها
وانا مثلكم احووووس واتمشى بين هالمواضيع..
بس اليوم قاعدة وافكر دام ماشاءالله في هالكم من الامهات مهتمين بقسم الطفل
ليش ما نسوي استفتاء شامل يفيدنا كلنا باختلاف اعمار عيالنا




من تجربتج شنو اكثر عمر للطفل متعب؟؟
اذا كنتي من النوع الي وايد حريصة شنو الضغوطات الي تواجهج من عيالج؟
لما تتضايقين من عيالج تشتكين حق احد و منو ؟
هل تعليقات الناس علئ عيالج تأثر فيج؟وشنو نوع التأثير؟


طبعاً باب النقاش مفتوح مو محصور بس على هالأسئلة..

 

[ام رينـاد]

وعليكم السلام ورحمة الله وبركاته


موضوعج مميز ومفيد وانشالله نستفيد من بعض

لي باك

 

[Break Time]

اب اب اب

موضوع مميز
يعطيج العافية

 

[aseman]

مشكورة وايد عالموضوع المفيد
انا توني اول بيبي وعمرها 3 شهور الله يحفظها ويخليها والي متعبني ان نومتها مخربطه وبسرعه تستعسر وتصيح وخصوصا اذا رحنا نزور احد تظل تصيح استحي اخذها مكان من صياحها

 

[Melazlaza]

ام ريناد
بريك تايم
اسيمان
حبيباتي نورتي الموضوع واشكركم عالمرور ان شاءالله نستفيد من بعض

اسيمان الله يحفظلج البيبي
حبيبتي بهالعمر طبيعي العسارة اهم شي
نظني نومتها يعني لا تنام عقب ست المغرب لعبي معاها لا تستسلمين خلاص عقب ست المغرب ماكو نوم بتنعس لا تطيعينها ولي صارت الساعة عشر وتص اهدعش سبحيها ولبسيها داخل الحمام عشان لا تبرد ولفيها عدل ونشفي راسها وتكونين مسوية رضعة دافية على طول شربيها وطقطقي ظهرها خل تطلع الهوا وان شالله تسخبها نومة لي الصبح

عالطلعات لازم تستغرب هذا عالم يديد بالنسبة لها
بس انتي عفية عليج انج تطلعينها بتتعود عالالوان والاضاءة والاصوات ومع الوقت بتستانس ماراح تتعسر عليج

 

[om MaRyooM]

من تجربتج شنو اكثر عمر للطفل متعب؟؟

من الولادة لي عمر السنتين

اذا كنتي من النوع الي وايد حريصة شنو الضغوطات الي تواجهج من عيالج؟
كل شي لوول
بس اكثر شي العنااااااد

لما تتضايقين من عيالج تشتكين حق احد و منو ؟
اميييي .. ماكو غيرها حمال الاسية هههه

هل تعليقات الناس علئ عيالج تأثر فيج؟وشنو نوع التأثير؟
اكيييييد تاثر فيني
احس باحباااط ..
على كثر مااحاول اعلم بنتي الادب همن لسانها طويل .. فأتظايق لما احد يعلق:eh_s(2):


طبعاً باب النقاش مفتوح مو محصور بس على هالأسئلة..

وااااااااااخ من هاليهال .. والله يعينا على تربيتهم:eh_s(11):

 

[Melazlaza]

هلا بام مريوم ،،الله يحفظلج الأميرتين
مشكورة على عرض تجربتج
وبالنسبة للعناد عندنا وعندج خير بس على فكرة الطفل يقلدنا يشوفنا نعانده ونعصب فيعاندنه جربي تحقرين او تسايسين وبتشوفين تغيير بسلوكها بس يبيله صبر والمشكلة للصبر حدوووووود


صح كلامج تعليقات الناس تسوي احبااااط وتحسسج بالتقصير بس المهم مانخليهم يأثرون علينا


والله يحفظلج الوالدة

 

[Dark SouL]

من تجربتج شنو اكثر عمر للطفل متعب؟؟

كل ماكبر الياهل كل ماكبر تعبنا معاه ..، لا من السهر ولا المرض ولا الاكل والدراسه واخر شي حياته الزوجية والله يعينا

اذا كنتي من النوع الي وايد حريصة شنو الضغوطات الي تواجهج من عيالج؟

حريصه وايد علي صحة طفلي وعلي اهتمامه بشكله ونظافته والصراحه الضغوطات اللي قاعدة اعيشها هالفترة مرض ولدي اللي تكرمين صارله شهر كامل كله سهال وماياكل ووزنه حييييل صغير

لما تتضايقين من عيالج تشتكين حق احد و منو ؟

بعد عمري والله .. امي شايله همي وهم ولدي 

هل تعليقات الناس علئ عيالج تأثر فيج؟وشنو نوع التأثير؟

احس بنظرة الناس اتهام لي بالاهمال  مع ان وايد مهتمة فيه وفي صحته بس ولدي عسر بمعني الكلمة

 

[sweet 4 U]

الله يهديهم يارب انا ولدي الله يحفظه عسر وكله يبجي الله يهديه والله متعب نفسيتي نومه للحين ما تعدل وعمره سنتين ابي يوم باليل اقعد بروحي بهدوء مافي علا انه اختي تنام وهاديه الله يخليهم مدري شسوي

 

[Melazlaza]

حياج الله دارك سول
حبيبتي الله يشافي وليدج لا تحاتين ان شاءالله ربي يبرد قلبج وجربي الطريقة رديت عليج بموضوعج مرة ثانية
عالاسهال لا تحاتين ترى الاسهال نعمة يطلع الفيرس من جسم البيبي لا تحاولين توقفينه لكن عطيه اكلات ماتيهل البطن مثل الموز وعيش بماي زايد مع روب وبطاط مفيوح ولا تحاتين فترة وتعدي

حجي الناس مايوكل خبز والي يعلق عنده نقص
والله يخليلج الوالدة

 

[Melazlaza]

سويت فور يو

اسم الله عليه عود على قعدة الليل راقبي اكله و راقبي شنو يطالع بالتلفزيون يمكن يشوف شي في شد فيحلم بالليل ويقعد
الله يهديه لج ويهدي كل عيال المسلمين

 

[نحوله عسوله]

موضوووعج عجيب

اكثر عمرررر متعب ؟؟

من الولاده لعمر السنتين

واكثر شخص اشكيله امي الله يحفظهااا ويطوول بعمرهاا واختي الله يخليهاا لي


وبنتي اسم الله عليهاا عسرره تعااسر من كل شي حتي امي تقوول في بناتي كلهم وعيال بناتي كلهم ما مره علي ياهل عسر كثر بنتج

بس ما اقوول الا الله يهديهااا ويصلحهاا يااارب

وهل تعلقيات الناس تأثر فيني ؟؟

اتأثر دقايق بس بعدين اقوووول اللي ما يطووورل العنب يقوووول حااااااااااامض ههههههههههههههه


واااي فديت لولوتي

 

[PuPa^^SWeeT]

من تجربتج شنو اكثر عمر للطفل متعب؟؟

من عمر السنة ونص لي قبل الروضة

اذا كنتي من النوع الي وايد حريصة شنو الضغوطات الي تواجهج من عيالج؟

النظافة ... و العناد ... عدم الفهم ساعات
لما تتضايقين من عيالج تشتكين حق احد و منو ؟

امي و خالتي لأنه عندهم خبرة
هل تعليقات الناس علئ عيالج تأثر فيج؟وشنو نوع التأثير؟

يعني لما اروح عند احد ويقولون عن الصغيرة وايد عبثية و ماتقعد منيي انحرج

لما يقولون هذي احلى من هذي اعصب ( ماحب التفرقة بينهم )




ومشكوورة ملزلزة على الموضوع الحلووو

 

[Hello_kitty]

السلام عليكم ورحمة الله وبركاته

كلنا بهالقسم نحوس ونطل بالمواضيع الي نحس ان ممكن نفيد أو نستفيد منها
وانا مثلكم احووووس واتمشى بين هالمواضيع..
بس اليوم قاعدة وافكر دام ماشاءالله في هالكم من الامهات مهتمين بقسم الطفل
ليش ما نسوي استفتاء شامل يفيدنا كلنا باختلاف اعمار عيالنا




من تجربتج شنو اكثر عمر للطفل متعب؟؟

من يبدي يمشي الياهل ويتحرك ويفهم هالعمر وايد متعب تتعبين وانتي تدورين وراه وتحاتينه والمشكله ان اذا تصرف تصرفات غلط او عاند ان ماوصل مرحله النضج الكافي عشان تفهمينه وتعلمينه بعده صغير على مرحله الثواب والعقاب والمكافأه والحرمان

اذا كنتي من النوع الي وايد حريصة شنو الضغوطات الي تواجهج من عيالج؟

الهواش والغيره الحنه..تعلقهم الزايد فيني شي حلو ومتعب بنفس الوقت..تعب باللبس بالأكل واكثر شي بالطلعات او السفر احب اخذهم معاي واستانس بس اكبر مشكله تواجهني ازعاجهم بالطلعات مع ان بالبيت وايد اهدى من برا مادري ليش؟؟يحتاجون طوله بال وصبر الله يعينا على التربيه..

لما تتضايقين من عيالج تشتكين حق احد و منو ؟

حق ابوهم او امي والحمدلله يهدوني و ساعات اوصل مرحله ابجي لأن اسم الله عليهم كلهم صغار وفوق بعض

هل تعليقات الناس علئ عيالج تأثر فيج؟وشنو نوع التأثير؟

والله ماصادفت لي الحين تعليقات تضايقني دايما اسمع مدح واعجاب بلبسهم باشكالهم
بحركاتهم الحمدلله يارب على نعمتك


طبعاً باب النقاش مفتوح مو محصور بس على هالأسئلة..

موضوووووووعج وايد روعه ويفتح مجال للنقاش وفضفضه الأمهات
مشكوووووووره

 

[AVE.NJ]

كل عمر له حلاوته وله متاعبه
بس انه ماادري ليش كله بقلق
انه ولدي عمري سنه وخمس شهور بس ابي
يكون احسن الناس وناجح
ابي اعرف شنو هوايته واشجعه عليها
ماابيه متفوق حيل بس ابي يكون ناجح في مجاله
والله يعينا على التربيه

 

[ام مهدي]

خوش موضوع وان شاء الله نناقش الحلول بعد لان صج محتاجين حلول
اكثر عمر متعب من سنتين إلى 3 من خلال عيالي هذي كنت اصعب مرحله
والحين عندي ولدي سنتين ونص مطلع عيوني من عسارته وصياحه كله صراخ وبچي ولي الحين يقعد 3 مرات او اكثر بالليل ماادري شاسويله والله وانا متأكده ان العساره زادت من بعد اخته اللي اصغر منه وحتى نومته اعتفست من عقبها ولا كان شحلوه ينام سنه وحده لي الصبح وفي داره بعد الحين يقعد كل مره وايي غرفتي تعبت معاه
الضغوطات دايما ازعاج ونجره وطق افتقد القعده الهاديه
اشتكي لزوجي ساعات ماكو غيره
التعليقات ما تأثر علي الحمدلله لانهم يهال واذا احد علق على شي عادي كل طفل له حركاته وهذا طبيعي كل مايكبرون يركدون اهم شي مايكون التعليق على الاخلاق او الاسلوب في الكلام هذا الاهم والحمدلله عيالي مؤدبين وشطانتهم شطانة يهال عاديه
اتمنى وحده تفيدنا بنصايح وحلول *

 

[غلاعتيبه]

الله يحفظهم

ويهديهم

 

[om Firas]

السلام عليكم ورحمة الله وبركاته

كلنا بهالقسم نحوس ونطل بالمواضيع الي نحس ان ممكن نفيد أو نستفيد منها
وانا مثلكم احووووس واتمشى بين هالمواضيع..
بس اليوم قاعدة وافكر دام ماشاءالله في هالكم من الامهات مهتمين بقسم الطفل
ليش ما نسوي استفتاء شامل يفيدنا كلنا باختلاف اعمار عيالنا




من تجربتج شنو اكثر عمر للطفل متعب؟؟
من يدي الطفل يفطن :eh_s(2):
اذا كنتي من النوع الي وايد حريصة شنو الضغوطات الي تواجهج من عيالج؟
اكلهم. نظافتهم شطانتهم:eh_s(4):
لما تتضايقين من عيالج تشتكين حق احد و منو ؟
امي وريلي:eh_s(2):
هل تعليقات الناس علئ عيالج تأثر فيج؟وشنو نوع التأثير؟
الحمدلله محد يعلق عليهم بشي مو زين بالعكس :rerrerek:



طبعاً باب النقاش مفتوح مو محصور بس على هالأسئلة..

وفي شي الله يحفظ ولدي حييييل عسر في السوق بس يبجي
والله ويههي ينقص جدام الناس عمره سنه وشهرين بس يبين اشيله:eh_s(4):
بللليز اللي تعاني مثلي وعندها حل تفيدني لانها ازمه لما اقرر اروح الشوبنق:eh_s(2):


مشكوووره على الموضوع :eh_s(7):

 

[Melazlaza]

مرحبا
سامحوني بنات لهيت عن موضوعي اسرتي زادت الحمدلله رب العالمين

ان شالله برد عليكم كلكم
واشكر تفاعلكم وردودكم تخلي موضوعي أروع

حابة اقول شي بتربية العيال
اروع مثل لازم نطبقه عدل وننطر نتايجه
الصبر
الصبـر مفتــاح الفــرج

 

[كوكي العسل]

بالنسبة لولدي كان حبوب وهادئ من يوم ولدته

بس قبل فتره اقل من شهر سافرت سفرة مدة اسبوعين

ومن ردينا من السفر والولد منقلب حالة صار طفل ثاني بس يبجيييي

ويلحقني وين مااروح ان رحت للحمام تكرمون يقعد يصرخ ويبجييي مايتحمل اغيب عن عينه دقيقه

عكس قبل سبحان الله .. صج بدى يتعبني وماادري شنو الحل معاه ..

لما تتضايقين من عيالج تشتكين حق احد و منو ؟
اشكي لاهلي وزوجي

هل تعليقات الناس علئ عيالج تأثر فيج؟وشنو نوع التأثير؟

الحمدلله محد يعلق بشي لاني مهتمة حيل فيه وماعندي بس هالولد الله يحخليه يارب ويهديه