عندج طفل متعبج؟،يمكن تستفيدين من هالموضوع..

[المكسيكيه]

واي بنتي ميننتني وايد شيطانه وحنانه مو عارفه شلون اتعامل معاها

 

[أم الكيك]

خوش موضوع تسلمين يالغلا
بالنسبه لي تو الناس ولدي الله يحفظه عمره شهرين طبعاً اكثر شي يتعبني لما يبجي من المغص مابيدي شي اسويه فابجي معاه وبالرضاعه هم مأساة تعود انه يشرب والنيرس شايلته وتدور فيه والحين النيرس مشت وانا توهقت
مادري شلون اغير هالطبع

 

[نـعـومـه]

مشكورة وايد عالموضوع المفيد
انا توني اول بيبي وعمرها 3 شهور الله يحفظها ويخليها والي متعبني ان نومتها مخربطه وبسرعه تستعسر وتصيح وخصوصا اذا رحنا نزور احد تظل تصيح استحي اخذها مكان من صياحها

نفس مشكلتي

بس انا عمرها 6 شهور وحنااااااااااانه ونومتها خفيفه حدها ومتقطعه صج تعبت الله يصبرني

 

[naz.girl]

انا من اول ما ولدت وللحين تعب في تعب كل شي علي الله يعوضني ان شاءالله انا بروحي اللي ربيته وكل شي يعني مع امي في بيت يدتي احين عمره 3 سنوات وشوي الله يخليه بس مو قادره اتحكم في حركاته وكله يعاند لانه انا ساعات ما اعطيه كل شي بس امي و يدتي يعطونه فتعود وهمن صار يعاند اكثر من توفت خالتي الله يرحمها عباله للحين في المستشفى وسافرت الخدامه واللي احين عندنا ما يبيها خير شر بس يطقها وهم بصراحه هي ما تشجع يعني ما تبتسم حتى لو تضحك ما ارتاح لها وامي ويدتي مافيهم شده على يهال وامي ما عندها خبره تعصب بسرعه انا وحيدتها وهم كنت هادئه وللحين الله يعزكم ما تعلم على الحمام تخيلو يعني ما يفج عني كله لالاصق فيني لصقه تعبت اليو شوي كنت برتاح الا هو ساحب وايرات الرسيفر والتلفزيون وقبل جم شهر كنت برا مع الخدامه القبليه بس من شطانته وهم ذيج شكلها كانت تجوف التلفزيون طاح على ويهه وطاح ضرسه من جدام اخ يا قلبي تم 3 ايام ينزف ولمده اسبوع ما اعرف واالله اسيطر عليه تعبت كله ورا الكهرباء والبتاري والليتات الله يحفظه يا ليت تفيدوني

 

[ليمون ونعناع]

السلام
من زمان ماكتبت بالمنتدى لان اكاونتي دلوع ما يشبك من اي كمبيوتر عشتوا

الموضوع حلو ومرتب وصاحبته عسل

عالمي المجنون
ولدج كبر ولدي اسم الله والصراحه نفس الحركات بس مايطق ويمجع الكل بس اللي يطقونه ويمجعونه يعرفهم فيسووي لهم مثل مايسوون انا اهاوشه بس ماادري اشلون ابين له انه غلط امسك ايده و على خفيف اطقها على ايده بالخفيف ابوه مايرضى فماقمت اسوي له جذيه مادري اشلون ابين له ان هذا غلط واذا يطخ بروحه خير وبركه

المشكله اذا الاهل يعلمونه على اشياء انتي مو راضيه عليها شتسوين

 

[ليمون ونعناع]

naz girl
الله يكون بعونج
حاولي تقعدين معاه اكثر وتلعبين معاه لعبه لبيده او تلوين او تحفظينه قران ترى بالهعمر حتى لو ما يحفظ بس عوديه يسمع قران ويردده سور قصيرة
شغلي وقته حطيله حوض سباحه صغير بالحوش او بالحمام خليه يلعب ويلهى وبعيدن سبحيه
لعبي معاه كرة او فتحي ياورده ترى اي شي راح يونسه المهم تكونين معاه وتضحكين وتلمينه


عطيه مهمه التنظيف والترتيب شوي شوي بيتعلم

ومع التشجيع والمدح راح تشوفينه يتغير دايما مدحي الشي الزين وتغاضي عن الاغلاط والشطانه راح يطخ

 

[ليمون ونعناع]

نفس مشكلتي

بس انا عمرها 6 شهور وحنااااااااااانه ونومتها خفيفه حدها ومتقطعه صج تعبت الله يصبرني

انشالله بالست شهور وفوق يخف البجي وتتعدل النومه اهم شي تتاكدين ان الحليب اللي تشربه مناسب لها وتاخذ كفايتها من الحليب يعني مو ناقصه ارضاعه وبعمر ست شهور لازم ياكل البيبي عشان يشبع

و ياريت توضحون لنا اشلون نومتهم خفيفه عشان نقول لكم اذا طبيعي او لاواذا على الزوارة ترى اغلب البيبيات جذيه يملون ويخافون من الصوت والازعاج لا تستحين عادي

 

[حشمه]

بنات ولدي صاير عسسسسسسسسسسر وكل شي بصراخ

لو يبي لعبه من اخوانه صرخ وبجه ولو يبي نشيله

شوفي البجي مايبي ينحط عالارض ولو يبي يلعب صرخ

كل شي بصراخ تعبني معاه وتعب الخدامه

وماشالله كبير بكمل سنه بعد جم يوم

ومرات اقول ليش خليته اسبوعين وسافرت صار

جذي مادري ومرات مايبيني يبي الخدامه لانها تشيله

 

[حشمه]

على طاري الطق تصدقون يروح

يعض اخوانه ويمجع شعرهم

مرات اهم لهم حركات ياذونه بس

الولد ماشالله مرات مني والطريج يطقهم

شسوي فيه

 

[naz.girl]

اختي ليمون ونعناع مشكوره ما قصرتي
ترى كل اللي كتبتيه سويته له وعلى طاري التلوين والله عنده بس يشققهم احين شوي فهم بس ما يعرف يلون بس يشخبط وهم لا تجوفين طوفت البيت كله مكان مشخبط والقران بالسياره احط له يبدله اكثر الاوقات ما يعرف ويقعد يتنقز وهم اشغل سوره البقره من الاب توب قبل لا ينام وبركة سباحه ما يصير لانه احنا في شقه بس الحمدالله في بانيو يحب ينقع فيه بس انا اتعب وايدلانه الله يعزج ينثر لي الماي كل مكان في الحمام وما يرضى يطلع بسرعه وانا حجرتي واغراضي كله انا اللي انظفهم ما احب الخدامه تلمس شي ساعات ما اقول لج اكسل لانه طاقتي تكمل

التنظيف يمكن بس اهو شسوي يكب صحن العيش عشان يروح ييب البروش ويخمه اما الترتيب ما يرضى وايد احاول معاه يعني اذا العابه منثرين وبشيلهم نخليهم في سلة الالعاب يرد ينثرهم يخليهم مكان ما كانو مع انه عنده اكثر من سله للالعاب ماشاءالله حق اقدر اسيطر على الوضع لكن الله يعيننا والله

 

[ملوكـه]

يعطيج العافيه
موضوع حلللو

 

[ام رينـاد]

انا عندي بنوتتين ربي يحفظهم لي​

الصغيره مو متعبتني هاديه​

بس الكبيره مطلعتلي قرووون عنييده حيل..​

مايفيد معاها الكلام الا :23_asmilies-com:


واذا تبي شي لازم بنفس اللحظه اييبلها ايااه​

بعض المرات افكر انحاش من البيت لوووول:krkrkr:​

 

[Melazlaza]

^^^^
الله يحفظهم ههههههه لا عفيه لا تنحاشين انخشي شوي عنها خل تحس انج زعلانه




بعد عمري بنات كلكم والله الموضوع ماصار حلو الا بمشاركاتكم

ليمون كفت ووفت حبيبتي وصديقتي الرائعة الي افتخر فيها


حياكم بمشاكلكم وحلولكم لبعض...

 

[Winter Q8]

ابي استشارتكم .. ولدي عمره 11 شهر و اسم الله عليه يهبل بس عيبه العصبية وايد يشد و اذا زفيته يرد علي و يصارخ و يطق .. و يسوي اللي باله مع ابتسامه خبيثة .. و الحين 24 ساعه بس راكضه وراه عبثي الله يهديه ..
و غير انه مايرضى يسبح يشد نفسه بالحوض و يصرخ و الله اخاف يصير فيه شي لما اسبحه .. و مرات ما يرضى البسه يقعد يرافس و يلف يمين و يسار .. و طبعا كل الناس ملاحظته تصرفاته والكل يقول الله يعينج و كلش عيالنا مو جذي ..

و الله قاعدة احاتيه اخاف يكبر و يصير قليل ادب و اتعب بتربيته .. تكفون ابي الحل ابي اعلمه الصح من الغلط