عندج طفل متعبج؟،يمكن تستفيدين من هالموضوع..

[جذابه بنت ذيابه]

من تجربتج شنو اكثر عمر للطفل متعب؟؟

من عمر السنة ونص لي قبل الروضة


اذا كنتي من النوع الي وايد حريصة شنو الضغوطات الي تواجهج من عيالج؟

العناد .. الكلام الوصخ اللي مدري من وين جاااايبه
لما تتضايقين من عيالج تشتكين حق احد و منو ؟

امي وخواتي :eh_s(2):
هل تعليقات الناس علئ عيالج تأثر فيج؟وشنو نوع التأثير؟

مو دايم اتاثر اطنش من كيفي بس بعض المرات ولدي يغث عكس بنوتي .. فيقولون ولدج حيل حركي
ما احب بس احسن شي التطنيش هههه :eh_s(16):


ومشكوورة عالموضوع :eh_s(15):

 

[mama-dodo]

موضوعج وايد حلو
انا اول بنت عندي الحين ماشيه بعمر 8 شهور
والله تعبتني حيل الحمد لله ضبطة نومتها بس الي ذابحني فيها
تنام يمي بالفراش ماترضى اخلي راسها بالفراش لازم على ايدي تنام
ابي اغير عادتها اخليها وتبجي وتصيح واهي نايمه ولمه امل واتعب احط راسها على ايدي تنام ولا صوت

والله دايم اشتكي حق امي لكن ما استفيد شي لانها على طول تقول اي حسي بالي صار فيني

ياليت لو تقولون لي شلون اغير طبعها

 

[Melazlaza]

نحولة سلم قلب الولو اي والله تستاهل تتفدينها والله يرزقج برها

بوبا حبي نورتي صاجة الام ماودها احد يفرق بين عيالها بس جذي ولا شي ثاني الله يحفظهم

هيلوو كيتي الله يخليهم لج ويآجرج علي تعبج بتربيتهم

نورتوووا..

 

[Melazlaza]

كل عمر له حلاوته وله متاعبه
بس انه ماادري ليش كله بقلق
انه ولدي عمري سنه وخمس شهور بس ابي
يكون احسن الناس وناجح
ابي اعرف شنو هوايته واشجعه عليها
ماابيه متفوق حيل بس ابي يكون ناجح في مجاله
والله يعينا على التربيه

الله ينولج مرادج ويكون ولدج مثل ما تتمنين
وصح كل عمر في حلاوة ومر

 

[Melazlaza]

ام مهدي
انا بعد عانيت من العسارة ومالقيت لها حل احسن من المسايس
طولي بالج ولما تلاقينه عصب ضحكي وقلديه بتلاقينه يضحك
وخليه ينهد حيله من اللعب عشان مايقدر يقعد بالليل ويأذيج

والبنات ان شالله يفيدونا

 

[Melazlaza]

غلا عتيبه الله يسلمج

ام فراس
هذي مشكلة الاغلبيه
بعمر ولدج الحل تاخذين العاب بو اميه وتخشينهم بجنطتج من يستعسر عطيه وحدة وحدة كل ما مل طلعي الثانيه واخذي سوالف الحللو مع اني افضل الفاكهة المجففه كحلاو للطفل وصحي مايضره
واذا ودج طلعه هاديه خليها وقت نومته يعني وانتي بالسوق يكون نايم بعربانته لي خلصتي يقعد

هذي حلولي

وانطر ردود البنات

 

[Melazlaza]

ام احلى بيبي
الله يحفظه حاس انج ممكن تتركينه باي لحظة
خلج قريبة منه وايد وكله لميه وبوسيه قوليله احبك خل يرد ثقته فيج
وفترة وتعدي ترى

جذابة بنت ذيابه
تري الكلام كله مكتسب مافيه شي فطري
اكيد في احد يقول جذي جدامه تري ساعات يسمعها بللتلفزيون وتظل براسه الطفل صفحة بيضة كل شي ينطبع عليها

ام دودو
اكييييد اذا البيبي تعود من النفاس ينام يمج بتصير ازمة اذا بتفجينه عنج
خلج شوي شوي حاولي مرة على مرة لين تضبط
ماعندي خبرة بموضوعج
بس من قراءاتي
يقولج لا تفجينه مرة واحدة بالتدريج والمدة بتطول بس الطفل بيتعود مع الوقت

 

[*kim*]

موضوع مميز ملزلزه

اكثر شي صعب بالنسبه لي العناد وطبعي ما احب افرض راي وبنفس الوقت ابيه يعرف الصح

عيالي مزاجين مرا يطيعوني ومرات يعاندوني

احتر من اللي ينتقد عيالي

 

[Melazlaza]

حي الله كيم نورتي
والله العناد لابد منه بس الحمدلله يطيعونج يعني فيهم مجال

 

[رمش الغلاااا]

اول شي السلام عليكم والموضوع جدا حلو
انا من ناحيتي الياهل اذا كان حركي ونشيط ويحب العبثه مو مشكله عندي اتم اراكض وراه خوفا لا يتعور خاصة بالعمر لما يبدي يمشي ليما عمر ثلاث سنين يالله يركد بس احاسب اني اعلمة هذا صح وهذا غلط وفعلا يبيله طوووولت بااال وصبر ولما يصير عمرة ثلاث راح تشوفين تعبج انه ماراح هدر انا اسم الله على بنتي ربي يحفظها لي ما تحجى كلام وصخ مثا حمار وحيوان عزكم الله بس عيال خواتي لا والله يتحجونوعادي ما اشوف خواتي ينبهون الياهل عالتعود والتربيه بس صبري وتحملي وعالله الفرج

 

[Melazlaza]

رمش الغلا
الف شكر عالاطراااااء
ونورتي الموضوع بمشاركتج
صاجه والله بالثلاث سنين يطخ شوي
وتبين تربيتج فيه

 

[عالمي المجنون]

بما ان ما عندي غير هالولد ما اقدر احدد سن معين

بس ان شا الله الشهر الياي يكمل سنة و حييل متعبني بعسارته

ولدي اسمله عليه فطين و ذكي و دمه عسل خفيف ظل و حركاته تهبل

يحب يلفت النظر و غصب طيب يحبب روحه وااايد احب شخصيته بس الي مضايقني

انه يحب يسوي كل شي بروحه صج شي حلو بس بنفس الوقت بس حاطه ايدي ع قلبي

و اسمله عليه حركي و عبثي بس مراكض وراه و ايده طويله بس يطق و مجع

و اكيد اشتكي حق ابوه و امي و أبوي و خالتي لان دلوعهم وايد مدلعينه

الحمدالله محد يتكلم عنه لأني مو مقصرة و اغلب الكلام مديح و يعجبني و حتي لو مو مديح

احبه و أموت فيه و كلش ما أتضايق لان شخصية ولدي واايد حلوة و عاجبتني

بس ان شا الله الثاني ما يطلع مثله حركي و عبثي

 

[Melazlaza]

^^^^
الله يحفظه لج
جنج تتحجين عن ولدي بعمره
لاتحاتين كلها سنة ويطخ وان عدا السنتين صار اينن
ترى الحركي ذكي ودايماً يتنبأونله بمستقبل قوي

 

[عالمي المجنون]

و يحفظ لج ولدج يارب

هم أنا متنبا له بمستقبل حلو

و صج كل ما كبر كل ما صار يشوق اكثر

الله يحفظهم و يخليهم لنا يارب

 

[نجديه كلاس]

اشكرك حبيبتي ع الموضوع النايس والمفيد بالنسبة لي الطفل متعب من الولادة لين يكبر. ًً اناعندي بنتي الله يهديها مجننتني عمرها سبع سنوات الله يحفظها ليه هي ذكيه بسم الله عليها بس صراحه تصرفاتها غريبه احس انها موسوسه يعني تتكلم مع نفسها بصوت عالي حتى لو عندنا احد غريب بأشياء غريبه وماهي بعمرها وتتكلم عن الموت وهي تسهر بالليل عجزت اعدل نومها عنيده وماينقدر عليها وأغار من أختها الأصغر منها وعنيده رغم انا مدلعينها حيل حيل وكل طلباتها ملباه ورغم أني زن على راسها اعلمها الادب بس مافي فايده

 

[Melazlaza]

نجدية نورتي الموضوع
حبيبتي اول شي نظمي نومها الطفل ينمو بالليل اكثر ولا تلبين كل طلباتها جذي تكون مهزوزة الشخصية وماتفرق الصح من الغلط
اتبعي الثواب والعقاب وباذن الله بتتغير للافضل

 

[worood82]

يعطيچ العافيه على هالتجمع الحلو
انه بعد عندي ولدي من اول ما ولدته عسر اسم الله عليه اشكثر يحن ويبچي ما ادري شسوي فيه والحين عمره ٤اسنين حركي وعبثي ما يخلي شي الا واكسراه وعنودي الي ابراسه يسوي ودم اضروسه النوم ما يحب النوم بالقصب انيمه مع انه دايم على الحركه والحوسه وانه الحين توني والده يغار من اخته اتخيلي فالعها بالكره على راسها حرام قمت ابچي معاها والله بس هالولد ما ادري شسوي معاه

 

[Melazlaza]

^^^
الله يخليه لج
اغلب الاولاد عنيدين وحركيين
فرغي طاقته بشي مفيد
وننطر راي البنات

الله يعينا على تربيتهم

 

[ورد و ريحان]

اللي متعبني بعيالي ان شخصياتهم ضعيفه
وعلا طوووول مطقوقين
قلبي يعورني حيييل عليهم بس استحي اتكلم
اخاف يقولون تدقق عسوالف جهال
وودي بعد مايعتممدون علي اقول كذا تقوا شخصيتهم
بس وييين تعبت من هالموضوع والناس ماشالله ماترحم

 

[Melazlaza]

^^
حبيبتي اذا صغار علميهم اذا عورهم الباب او طاحوا يطقون الي عورهم
واذا كبار قوليلهم ان المؤمن القوي احب عند الله من الضعيف
اذا واحد مد ايده وانتوا مو غلطانين مسكوا ايده وقولوله عيب ولاتسكتون عشان تكونون اقوياء وافتخر فيكم