عملية خشمي عند خالد الصبيح

[درب السنع]

حبيبتي الحمدالله على السلامه
طمنينا عليج وان شاءالله اتكون النتيجه مثل ما تبين واحسن ​

 

[ريسان]

اثير انتي نفسي انا بعد خشمي ارتفع وايد صار بنوكيو بس لا تحاتين اليوم السادس يتعدل و التنفس تو الناس عليه و حمد الله على سلامتج

 

[رمشْ الحَيآ]

اثيييير الحمدلله على سلاااااااااامتج و اخيرااااا يلا ان شالله تطمنينا بالنتايج الحلوة

 

[cute lulu]

الحمدالله على سلامتج ها شلون صار خشمج؟

 

[حلااي]

الحمد لله علي السلامة ان شاالله يكون مثل ما تبين واللي اعرفه الشكل النهائي بعد تسع شهور
موفقه يا عمري

 

[اثير الدلع]

الله يسلمكم فديتكم والله ماادري مو مبين للحين لان محطوط فوقه جبيره جنها حديد بس اللي لاحظته وايد مرتفع ومو قادره احكم عليه للحين وانشالله يطلع حلووو بس عندي مشكله لمن أنام احس أني اختنق لأني اتنفس من حلجي وريجي كله ناااشف وشفايفي احس قاعد يتشققون وفوق هذا خشمي كل شوي يصب دم ذكرني بالفلم الاجنبي اللي كل مايذبح احد ينزل من خشمه دم هههههههههههههه:'( وبنات صج لازم أنام ويهي كله سيده يعني كله على ظهري مايصير أنام يمين والا يسار وشنوووو بعد اي بنات علموني شنو الشغلات الصح والغلط اللي المفروض مااسويها وقبل شوي مت يوع ومو قادره ابطل حلجي عدل جان اقوووم واسوي سيريلاك مال ولدي هههههههههههههه جااااان اكله جاااااان اكل ادويتي وراااااه ههههههههههههههههه جااااان ارد فراشي لووووووول عادي بنات طوفو الظاهر تأثير البنج قمت ابدع

 

[ريسان]

اثير اي ترا عادي طبيعي حلجج ينشف بس شفايفج حطيلهم مرطب و بالنسبة للدم ما ادري اول مرة اسمع انا كان في دم بس مو نزيف يعني خفيف امسحة بقطن الاذون و لازم تنامين على ظهرج و تخلين راسج مرفوع اشوي و كله اكلي سيريلاك لووووووووول او شوربات المهم شي ما يحتاج تفتحين حلجج وايد

 

[ملح و سكر]

الحمدالله على سلامتج لوووووول وماعليه تحملى كلها عشر ايام وعقبها انشالله بتشوفين خشمج اشحلاته ....

اهم شى النفسيه خليها مرتفعه ...ومثل ماقالولج اهم شى نامى على ظهرج ...ولاتنامين على جوانبج .....

وبشيرينا بالنتائج ...

 

[اثير الدلع]

ريساااان اما االسيرلاك موووو صج وبنكهات بعد .. الله يسلمج ملح وسكر فديتكم والله انزين يعني اللي اسويه الحين كله أنام على ظهري واحط من الادويه اللي عطوني وبس صح ،،، انزين ماتعرفون متى ارد اتنفس من خشمي ومتى اقدر احط ميك اب لان عندي طبيه أسبوعين بعدها لازم أداوم شلووون الوضع

 

[اثير الدلع]

اكوووو شغله بعد المنطقه اللي بين حواجبي متفوووخه وايد @@ ليش جذي شكلها يخرع

 

[ريسان]

السيريلاك احلى واحد الي بالتمر لووووووول اي بس حطي الادوية و لا تنزلين راسج خلي دايما مرفوع و امشي بطيء و ديري بالج احط يحوش خشمج و بالنسبة للميك اب عادي اول ما تشيلين الجبس تقدرين اتحطين بس اشوي اشوي لا تضغطين عليه حيل يعني باختصار دلعي خشمج و هذا الي بين الحواجب ورم و يروح عادي بس يبيله فتره

 

[اثير الدلع]

واااي رسووونه فدييييتج ريحتيني الله يريحج دنياااا واخره ... والسيريلاك كل الانواع عندي بالتمر والعسل والقمح والعسل والعيش هههههههههههههه بس تصدقين الحين كله سوائل من امس ماكليت شي الا هااسيريلاك لووووول ورسون بغيت إسألج انا قبل شوي حسيت عيوني ورمووو وايد انا اصلا عيوني كبار وايد تخيلي صارو بنكتين هههههههههههههههههههههه شكلي فلم صاااار عادي هالشي صح وانتي حسيني عوار بخشمج وإلا لا لان احس يعورني سوري حبي قرقت عليج وايد

 

[شمــ{جابر}ــوخ]

الحمدلله عالسلامه حبيبتي ولا تخترعين ترا جذ عمليات الخشم لان المنطه حساسه يبيلها وقت على ماتتعدل

حبيبتي بغيت أسألج بخصوص العمليه لازم انام بالمستشفى ؟! مااقدر اسويها الصبح واطلع المغرب يعني ؟!
وجم التكاليف كلها فديتج ؟
ومشكوووووووووووووووووووووره ياحلوه

 

[اثير الدلع]

هلا حبيبتي لا مو لازم تنامين بالمستشفى بس انا حسيت نفسي تعبانه قلت أنام وتكاليفها كلها ٢٠٠٠ مع المستشفى وأي سؤال من عيوني فديتج

 

[uae_asma_uae]

حمدالله على السلامة وان شاء الله تحصلين على النتيجة اللي تمنيها

 

[اثير الدلع]

الله يسلمج يااارب تسلمين حبيبتي

 

[^حرامية غسيل ^]

حمدالله ع السلااااامة ..

وان شاءالله يطلع مثل ماتبين ياااارب ..

 

[ريسان]

اثير حياتي و الله سالي لما تملين حدة عادي بالنسبة للورم انا من العملية الاولى عيوني صارو بنك و حواجبي اختقو و شفايفي صاروا انجيلينا جولي عادي لا تحاتين و بالنسبة للوار انا ظل العوار اذا مو غلطانة شهر و نص بس اقوى شي لما تكونين حاطة الجبس عقب ما تشيلينه في عوار بس بسيط و شوفي اخر الاسبوع شكلج نفسي بتنزلين 3 كيلووات اذا مو اكثر

 

[ملح و سكر]

اثير عليج بكمادات البابونج يريح العيون ويخفف الورم .............الحين اشكثر صارلج بالضبط المفروض من الاسبوع الاول يشيل الجبس ويحط لج بلاستر فقط ....

 

[اثير الدلع]

حراميه مشكوره حبيبتي الله يسلمج ... رسون حياتي حدي زهقت من قعدة لفراش وقبل شوي شفت ويهي قمت ابجي يخرع متفووووخ من كل صوب وعيوني يمه يخرعون وبعد مااحط البخاخات بشوي ينزل شوي دم عادي امشه بكلينكس والا مايصير اجيسه وااااي حتى نوم نفس الناس مو عارفه أنام ... ملح و سكر مو قادره اسوي ولا شي أخاف اجيس خشمي بالغلط وتوني انا الخميس سويت عمليتي وبغيت اعرف عادي خشمي يعورني لان احس بلش يعورني وصوب الخياط يقرصني ماادري خايفه هالشي عادي والا انا مهببه شي غلط ماعليه بنات تحملوني قبل شوي صكيتها بجيه اقول لعمري ليش يبت هالعوار لنفسي جان ابطل تلفوني وأشوف صورة خشمي صورته وانا بالمستشفى قبل العمليه ومبين عوي ومكسور جان اطخ ههههههههههههه امبيه انفصااااام اقوا شي