عملية خشمي عند خالد الصبيح

[ريسان]

اثير حبيبتي اتعاملي مع خشمج على ان خشمج مو ان شي غريب بس دلعي لا اتاذينه لوووووول اي شوفي البخاخ ينظف الخشم عشان جذي ينزل دم نظفي بقطن الاذون بس اشوي شوي و انا اصلا كنت كله احوس بالبيت من عوار خشمي و من الغرز ترا الغرز ياذون وايد مو كثر عوار الخشم انا اول اسبوع ما كنت اقدر انام و اذا قعدت على فراشي كله اهز ريولي احس ما ادري شسوي حالتج بالضبط نفس حالتي بس اول ما يشيل الغرز وايد راح ترتاحين حتى لو حطلج الجبس مرة ثانية و لا تحاتين الايام تمر بسرعة انشا الله

 

[اثير الدلع]

بعد عمري رسوون شنووو تريحين القلب فديتج والله ومتى بيشيل الغرز ؟؟؟ والحين احس بلاعيمي يعوروني أخاف لان بلشت اتنفس من حلجي وايد مووووو وقته اطيييح مرييييضه

 

[ريسان]

حياتي اثير عقب اسبوع يشيل الغرز و الجبس و يشوف اذا خشمج وارم يحط الجبس مرة ثانية
و سلامة بلاعيمج اكلي ايس كريم عشان تصير زينة

 

[اثير الدلع]

ولج اقووولج بلاعيمي بلشت تورم تقولين لي ايسكريم @@ هاذي اللي بتذبحني ههههههههههههههههه

 

[manal-q8]

الحمدلله عالسلامة
اثير انا عمليتي 20-6 عند الصبيح
طمنيني اهوه يضبط الخشوم شلوووون خشمج صااار؟؟؟وانتي شايفه احد مسوي عنده ولا رحتي على ويهج نفسي
وجم يوم نمتي بالمستشفىىىىىى؟؟

 

[اثير الدلع]

حبيبتي اجذب عليج اذا قتلج يبين حياتي انا توني صارلي يومين مسويته والجبيره الحديد عليه مو مبين الا طرف خشمي واحسه مرفوووع الخميس لمن يفج الجبيره راح يبين عدل حزتها راح احكم اذا حلو والا لا والدكتور خالد استشاري والكل يمدح فيه وانا رحت له عن طريق رفيجتي مسويه خشمها عنده وماشالله حلووو انتي اهم شي تستخيرين انا كل يوم كنت اصلي استخاره لي يوم العمليه وانا اصلي استخاره الحمدلله دشيت العمليات وانا اضحك ومستانسه اهم شي وكلي امرج لرب العالمين واللي الله كاتبه لج بتشوفينه ،،، وانا اللي طلبت أنام بالمستشفى لان حسيت نفسي تعبانه نمت يوم وطلعت

 

[اثير الدلع]

بنااااات بعرف متى يروح الورم اللي تحت العين واللي بويهي ؟؟؟

 

[ريسان]

اثير و الله انا الكل يستغرب مني بس لما بلاعيمي تعورني اكل ايس كريم بالفانيلا طول اليوم و بسرعة اطيب

و بالنسبة للورم لا تحاتين عقب 3 ايام بحف و يروح الازرق , بس بقولج شي ترا لما يشيل الجبس ما تقدرين تحكمين حتى الدكتور

راح يقولج هذي مو النتيجة النهائية

 

[اثير الدلع]

تصدقين ريسان انا ماتهمني النتيجه خلاص شي سويته وانا مقتنعه والله يكتب لي اللي فيه الخير بس اللي مضايقتي الجبيره وويهي وايد متفوخ وتخيلي انا عيوني كبااار صارووو جنهم عيون فلبن لا وباخر عيوني خطين وعيالي ماييون صوبي مخترعين يابووووووي قلبي يفرك مشتهيه ألمهم وأشم ريحتهم لووووول خرفت شوي

 

[uae_asma_uae]

الله يعطيج النتيجة اللي تتمنيها

 

[اثير الدلع]

حياااااااتي انتي تسلمين

 

[ريسان]

لوووووووووووول يا حليلهم عيالج انشا الله كلها جم يوم و تلمينهم بس صدقيني انا عندي احساس قوي ان خشمج راح يطلع بيرفكت لان دكتور خالد اذا قال حق وحدة خشمج راح يطلع اينن يكون عند كلمته و جنه اهو قالج جذي مو ؟؟

 

[اثير الدلع]

اييييي وايد تصدقين واييد قالي خشمج رااح يطلع وااايد حلووووو وانشالله يطلع حلوووو الله كريم جدامي مشوار طويييل على مايبين عدل *

 

[اثير الدلع]

بناااات انا شوي وببجي ويهي يصب دهن مع ان بشرتي مو دهنيه كلش واااي انصدمت شسوي :'(

 

[ريسان]

اثير مسحي ويهج بكلينيكس رطب او غسلي ويهج بس لا تخلين الماي يحوش الجبس او اللزقتين الي تحت العين و عادي يمكن بعد لما تشيلين الجبس خشمج راح يكون مدهن انا لما شالي الجبس قتله ابي منظرة بس شفت خشمي جان اقوله شنو هذا فازلين جان يضحك و يقولي اي بس ما ادري اذا من صجة و الا يتغشمر

 

[اثير الدلع]

واااي ريسان مو صج شنوووو هذا الدهن وخشمي بلش يعورني جنه احد ماسكه من ناحية العظم ويضغط عليه وخدودي مورمه وايد قبل شوي رفيجتي يابت لي كريم اخضر بأبيض تقول الصيدلي عطاها قالها أحسن شي للانتفاخات يوخرهم بسرعه والله كريم

 

[اثير الدلع]

بناااات ميخالف أزعجتكم شوي بس اللي استخدموووو المره والكمادات البارده شكثر احطها وجم مره باليوم وشلون الطريقه ومشكورين

 

[BaLLoNa]

حمدالله على سلامتج . عندي لج نصيحة انا اختي وبنات خالاتي سوو خشومهم بإيران ودكاترتهم اموصيينهم يأكلون أناناس عقب العملية كانو يقصصونه صغار حيل وياكلونه لانه يخلي الجرح يلتئم بسرعة . وانا متابعتج وناطرة النتيجة وانشالله زينة عشان اسوي خشمي عند هلدكتووور

 

[رمشْ الحَيآ]

اب اب ان شالله نحصل مواعيد قريبة ماكو الا برمضان 

 

[manal-q8]

آنسه لين
منو قالج مافي مواعيد الا في رمضان, انا قبل 3 ايام كلمت اللي تحدد مواعيد عمليات الصبيح وخذيت على تاريخ 20-6
وحتى قالتلي تبين 14-6 انا مابغيت على اساس اخلص دوام واسويها بعد الدوام والاسبوع الياي بروح اكلمه قبل العملية وفي ارشادات قبلها في اسبوع
المهم عندي رقمها اذا تبين موعد اعطيج اياه وكلميهااا
اثيييير طمنينا شلون خشمج وتعبتي في العمليه ولا سهالات؟؟؟؟؟؟؟ انا ودي اطلع بنفس اليوم اقدرر؟