عــمـره مــاتــبــخــر .. تــبــخــر وأحــتــررررق :(:(

[سلطـ زمانها ــانة]

السلااااااااااااااااااااام علييييييييييكم ورحمة الله وبركااااااااته


شلووووووووووونكم ياحلوااااااااااااات


بقووولكم شي بس لاتضحكووون علي


انا موو ذاك الزود مع المطبخ بس احب اجرب واتعبث

شي ينجح وشي لأ


المهم هذاك اليوم شريت بف باستري وحطيتها بالفريزر ونسيتها مع الايام طرت علي

وقلت يالله يابنت قوومي فزي وسويهااا

عاد ماأعرف اسويها ولا طريقتهااا


فطلعتهاا وخليتها برا شووي

ولما جيت احشيهااا جبن ولبنه وشي جذي احسهاا كاانت لينه ومبلوله شوووي

قلت يمكن اهي جذي


حشتها بنت ابوها وصفيتها بالبايركس وحطيتهااا بالفررن ماادري جم

بس كل مابطلت الفرن مااشوفهاا انتفخت :s141:

فخليتها لمااا احتررررررررقت واحتررررررررق قلبي معاااهااا :0bee2e8d89::eh_s(16):

فاللي ابييه منكم

اهيه لها طريقه معينه وشلوون اسويهاااااا تكفووووون والله بخااااااااطري

 

[[]نهاوند[]]

حبيبتي طلعيها من الفريزر بس لاتخلين الثلج يفج عنها حييييييييييل يعني اشتغلي فيها وهي جامده شوي عشان تضبط وياج

ودخليها الفرن واهي طبيعي تنتفخ وشوفي لونها من تحت اذا صار احمر على بني فاتح معانها استوت بعدين ارفعي الصينيه فوق وشبي الشوايه عليها وخليها تتحمر شوي

طبعا تكونين ماسحه وجه كل حبه بشوية بيض عشان تتحمر بسرعه

وسلامتج ​

 

[جوريـة]

ما ازيد على كلام اختي نهاوند

لكن نقطقة مهمة يكون الفرن دافي

واذا دخلتيها الفرن قصري عليها علشان ما تتشلوط وتحترق

 

[حبيبة دودي]

قصري الفرن من تحت اول ليما تحمر وبعدين من فوق
بقولج شغله بما انج ماتعرفين لها اول سويها من غير ماتحشين وصدقيني لذيذه
اول ماتطلعينها خليها برا 5دقايق
بعدين قطعيها اربع قطع علامة اكس
ودخليها الفرن
واذا تحمرت من فوق وتحت حطي عيلها جبن تشدر مبشور ورشة زعتر وخليها بالفرن من غير نار بس يذوب

 

[أم عزيـز]

الظاهر انج ما كنتي مشغله الفرن قبلها بفتره

حق اي طبخه لازم تخلين الفرن شغال على الاقل 5 دقايق وحار قبل لا تحطين الاكل فيه

البف باستري لا تخلينه يصير لين وايد يعني مو كل الثلج يذوب

وهم لا تخلين الحراره عاليه وايد لانه بسرعه يستوي

 

[omajiad]

أول شي لازم ما تفتحين الفرن وتسكرينه ولازم يكون حار
ثاني شي لما تحشينها وتسكرينها لازم تمسحين فوقها بخلطة التلميع عشان ما تحترق (بيض مع اشوية حليب)

 

[جارة القمر]

مشكوريييييييين وما قصرتوا

 

[سعودية قلبها كويتي]

جربي تحشينها جبن كيري .. وقطعي كل مربع اربع قطع واذا خلصت صبي عليها شوي شيره

خيال مع القهوة العربيه

 

[سلطـ زمانها ــانة]

مشكووووووووووووووووووووريييين يالغااااااالياااااااااااااااات

يعطيييييييييييكم العاااااااااااافيه مااااااقصرتوااااااااااا

ان شاء الله بسوويهااا وبصوورهاا واحطهااا لكم

اضبطت ولا لأ :9

وكل طراااق بتعلووومه

 

[LOOLY]

تبين طريقه سهله وحلوة وبدون قص ولا شي : اذا عندج الشواية مالت التوست الي تقص التوسته بالنص على شكل مثلث _ حطي مربع واحد وحطي الحشوة اللي تبينها وبعدين حطي المربع الثاني وحطيها بالشواية نطري لما تتحمش راح تنقسم بالنص وتعجبج . وعليج بالعافيه