عـذرآ / كـلـيــة الـتـربـيـة .. بلآ تــربــيـة !!

[ورور92]

يعورني قلبي اذا قريت مثل هذي المواضيع عن الكويت

سلامةقلبج حبيبتي ..
اي والله شي يقهر و يعور القلب
بس هذا الواقع !

ويارب يغير حالنا لاحسن حال ...

تسلمين عالمرور :* ما تقصرين

 

[أمل بعد ألم]

أولاً قبل كل شيء هالكلام هذا كله انقال على لسان دكتور فاضل من دكاترة الشريعه الساخطين :d
وقهرني ماقدرت ارد عليه فـ شيء حلو أرد هني , وأفنّد كل سطر كتبتيه اختي ور ور !​

,​

بخصوص المنـآظر اللي تتكلمين عنهـآآ ..
العفو بس مو جنج حسستيني انج كنتي تدرسين بهارفورد وفجأة انحدتيني على جامعتنا اللي بلا تربية :eh_s(2): !!!
اعذريني بس فعلاً ما اشوفه شيء يستحق الطعن !
بلا تربية مره وحده , لك اللهُ أكبرررررررر ما أرزل هالكلمي :d !!​

اتمنى تتقبلين كل كلامي برحابة صدر , لإني بتكلم بدون مثاليات !
هذا هُو الشعب الكويتي
متعودين نعيش ببساطه ونمارس تفاصيل حياتنا بعفوية !!
طبعا بالشيء المعقول !
لا افراط ولا تفريط بمسألة العفوية !!!!!​

يا اختي , شنو بيضرج لا قعدوآ بنات بالاستراحه ومعاهم قدوعهم وتقهووآ .؟
عليهم بألف عافيه , الجامعه من المفترض تكون بيتهم الثاني عدل ولا لا :d؟!​

ما عمري شفت بنات باسطين عند الممرات بوقت المحاضرات ويتقهوون؟
وينهم هذول؟
هذي رابع سنه لي , دليني عليهم خل اشوفهم :eh_s(10): حسيت لوهلة اني مُستجده !!!​

,​

الشغله الثانيه ,
بخصوص الحمامات تكرمين ويكرم القارئ الكريم !
صح بهذي ما راح اتجاهل نداء ضميري
فعلاً اتفق وياج إنه مزبلة :eh_s(2): ومتروس ماي وكلينكسات , وشخابيط الله يسامحهم البنات !
بس هم ما نقول بلا تربية !!! :d
نقول طيش , وقلّة عقل وافتقار للاتيكيت !!
هذي كل المسألة !!​

,​

نروح لسالفة الكافتريا ,
ياقلبي , ياعزيزتي , انتي مستوعبه كم عدد طالبات الشريعه + التربية ؟!
كمممممم هائل
ضيفي عليها ان فيه بنات مايطلعون من الكافتريا مرابطين فيها لظروفهم الخاصه مايبون يطلعون برا على راحتهم !
فـ الضوضاء هذي شيء جداً طبيعي ,
انا عن نفسي ما احب هالأجواء
شـ أسوي ؟
مااكل فيها , يفتح الله من اكل الكافتريا :d
آكل ببيتنا وأفك عمري
وبما انج تسوقين , ماشاء الله يعني سهله , دقّي سيارتج سلف والله يسلم الكوفي بين :d
واذا بتقعدين تدرسين عندج مكتبة الآداب أنصحج فيهـآآ بالذات فوق حييييييييييييل هاديه ومُغريه ومُحرضة للـ القراءة والدراسه !​

وبجذي انحلّت مشكلة الكافتريا ,​

:​

أما المسافط​

هم هذي اضيفها لسالفة الحمامات
اتفق وياج والله
انا اروح مع اخوي ,
وربج مع انه طالب ويانا !
بس هم يسفط عند الفرع
لإنه فعلاً مايحصل مسفط
ويجينا لحد بوابتنا شنسوي بعد !!!!​

يعني نداء للبنات اللي معاهم سواويق , أتمنى يلبون هالنداء
واذا مالبوه هم الله يسامحهم العتب ع تخطيط الديره الفاشل بالشوارع والطرق
وهم مفترض مانقول [ بلا تربية ] :d​

اذا شتمتي جاهل بألفاظ نابية , ماراح تفرقين عنه يا اختي بشيء لإنج نزلتي لمستواه
فأنا لأني احبج في الله ,
أبيلج الزين , ارتفعي عنهم ودع ِ الخلق للخالق , هم بالآخير مُحاسبين على تصرفاتهم ونواياهم​

اللي تحضر لرفيقتها ,
واللي توصخ ممتلكات الدولة ,
واللي تصارخ وتطبّل
واللي تحط مكياج وتلبس كعب
واللي تطنش محاضرتها
واللي تحشش
كللللللللللللهم كلهم بدون استثناء
مُحاسبين على سلوكياتهم​

لهم رب يحاسبهم
وأنتِ لج ضمير يوجّه سلوكياتج ,
حكمي ضميري ولا تنشغلين بالعالم عشان ما تنشغلين عن نفسج ,
طوريها واهتمي فيها والناس تتفلق ​

وسلامة عمرج:eh_s(7):​

على فكرة
دكتور جميل يبالغ
انا داشه مصلى الشريعه الخميس
كان جيد جداً
مافيه ريحة بنغاليه ولا هنود على قولته
لذلك لا تخاذين على كلامه :d​

يعطيج العافية لصاحبة الموضوع.
أحس بعض البنات إلي قاعدين يتكلمون عن التربية. قاعدين يعطونها أكبر من قدرها. جنة مو حاصل هالكلام عندنا. شكيت أنها مو تربية بالجامعة كاني ما أعرفها طيروها فوق المعقول. لا تقصون علي نفسكم. إلي نشوفة للأسف وقاحة لآخر درجة للأسف. و ما أرضي علي دكاترة الشريعة أبدا. انهم ينقالهم جذي حطوا شرهم علي دكاترة الشريعة و بعدين بعض البنات قالوا ان كل الكليات جدي لا مو جذي و مايحق لهم انهم يقولون هذا الكلام إلا لمن يشوف و شوفوا الشيوخ ما شاء الله عليها هادئة و بناتهإ محترمات حتي الشباب قمة الاحترام و الشريعة بناتهإ محترمات و الأدب نص ونص أنا قاعدة أخذ علي الأغلبية. أما بناا التربية. الحمام صار صالون.و المكياج جنة رايحة عرس حيل امبالغات و المشية إستعفار الله جنة ترقص و العطر فايح و بعضهم حاصل لهم استهتار البنت تحضر نفسها و تطلع. و بالكفتيريا الضحك إلي كلا يسمعة جنة مافي هنود. لا هذولي مو رياجيل عندهم حتي ما يتنغبون عنهم و التصفيق. و علي النظافة الحمد لله دائما نظيف بس ساعات المكان ألقاه وصخ بعد الظهر لأن الفراشات ما يلحقون و الزحمة بهذي الساعة و علي البسطات أنا شفت بس مو بين القاعات و الله عيب. و صاحبة الموضوع ناكرة الشي باين عليها عقلها سليم و فطرتها سوية.ندري أنه هالشي بعض الأوقات من الصحبة السيئة و ان الذين كل مالة يقل و الدليل قول الرسول صلي الله عليه و سلم " خير القرون قرني " و بعدين بيضعف الذين علي مر العصور و الوحدة لمن تمسك بالدين تكون بقمة الاحترام و بأفضل الأخلاق و الأدب. و علشان ما تكون مقزز و منفور بس للأسف هذي صارت أحسن من المحترمة و ان إلي كاتبة الموضوع قاعدة تشتكي لكم أنة ما رأفجت أحد لأنها نكرت إلي يسونة البنات أغلبهم بس أقولج أنه في بنات محترمات و الله يرزقج برجات إلي ينسونج بما في الجامعة و إلي يعينوج علي الأخلاق و الدراسة. أما الثانية قادة تقول أنها مستأنسة لأنها تقاضت عن الأمر. " ..." حبيبتي لو ان بصحح الخطأ ما نخلص ...أتمني لهم الهداية و الصلاح و أتمني قبولكم لنقدي و أتمني ان اكون عند حسن ظنكم.

 

[عواار قلب]

السلام عليكم ورحمة الله وبركاته .."
انا موبكليه التربيه بل كليه التربيه الاساسيه
بس حبيت اشارككم بالمناقشة .. (تحب المناقشات * )

..
يعني بقول شي بختصار شديد جدا
كل كليه فيها الزين والشين والصالح والطالح
والايجابي والسلبي..

بس ترا البنات موذنبهم شي خارج ع نطاقهم وزحمة ع الكافتيريا ووو الحمامات والامور الاخرى
واكيد بيصير هالتخبط اللي تنظرينه موحلو (يعني زحمه ع زحمه شنو بينتج بالله اكيد ينتج هالتصرفات ))
والله لوكانت كليه واسعه مثل بقيه الكليات ماجان صارت هالامور شمعنى باقي الكليات مافيها نفس اللي بالتربيه
لانها وسيعه ومغطيه الاعداد

اعداد هائله لابد من هالامور تصير..

اما عن افعال البنات هذا شي راد لكل بنت وتربيتها (مو معين بس لبنات التربية )*
ان ماتلتزم بالطابور والنظافه والادب ..
..

فنصيحتي لج اختي اخذيها بصدر رحب..
تفهمي وضع الكليه والمساحه بعدها احكمي ع تصرفات الطالبات (معلمات المستقبل )*

يعني مثل كليتنا فيها مبنى رئيسي وملحق 1
الرئيسي الكافتيريا ماتنطب اوقات الذورة موليه تلوع الجبد
ام كافتيريا الملحق لوتنطب اوقات الذورة عادي حتى الزحمة فيها مومزعجه يعني نتقبلها
ليششششششش لانها كبيرة شوويه وكافتيريا الرئيسي صغيرة ماتتحمل اعداد الطالبات
بجذي انا مااحكم ع البنات بكفتيريا الرئيسي مزعجين لا احكم ع حجم الكافتيريا خلتهم مزعجين
واتمنى وصل المغزا .. صارت مساله فلسفيه احس ههههه بس بوصلج المعنى والله ..

لاتعبين عمرج مشيها والله يوفقج يارب ~

 

[مسك إلمحآسن]

السلام عليكم ورحمة الله وبركاته


اول شي بصفتي طالبة تربيه ما أسمح بهالعنوان ابدا ! لو سمحتي اذا عندج مشكله وماتصادفين الا فئة سيئة قلييله من التربويات هذي مشكلتج اما انج تعممين لى كليتنا لا اسمحيلي ستوب هني !

اول نقطه الكافتيريا انا معاج اتضايق من صراخ البنات وازعاجهم بس لازم تحطين ببالج ان اكثر عدد طالبات بالتربيه والشريعه جامعينهم بكفتيريا صغيييييييييره والنتجيه من البديهي تكون جذي ..

ثاني نقطه المسجد بعكس كلامج البنات اخلاق واحترام واللي قاعدين هدووووووء وماكو لا اكل ولا شي من اللي قلتيه
واذا بيقعدون بوقت غير الصلاه يسولفون مافيها اي مانع !

ثالث نقطه البنات والمكياج هذي اوافقج فيها يعني ماله داعي تتمكيجون من الصبح اصلا الشكل قبيح ياحلو النعومه بس ارجع واقول حريه شخصيه

رابع نقطه : الغششش والتحضير كل وحده الله بيحاسبها مانقدر نحاسبهم بههالشي


اللي اشوفها كليتنا حيل حلوه واغلب بناتنا اخلاق ومحترمات وحبوووووباااات ووسيعات صدر بعكس بنات الكليات الثانيه
ومااشوووف بكليتنا لبس يخدش الحياء مثل الكليات الثااانيه !
العيب الوحيد امكانيات الكليه من مباني وقاعات واستراحات


و سلامتج ​

 

[Sweet October]

حبيبتي كل مكان فيه الزين والشين وله ايجابياته وسلبياته بالبيت الواحد تلقين اختلافات بين الاخوان بالطبع وغيره

فما بالج بكلية مليون وحدة تدشها وكل وحدة شخصيتها تختلف اختلاف كلي عن الثانية احنا ما نربي الأوادم الواحد

اذا ما عرف حدوده من كيفه مو ضروري نعلمه !

وبصراحة ما اشوف اي هدف من الموضوع :/

انا تخرجت توني منها وادري في شغلات مو مريحة بس انتي خلي تركيزج على دراستج وطوفي اللي تشوفينه وما يعجبج

بالنهاية انتي بتتركين هالمكان وبيكون حتى بعيوبه ذكرى حلوة ..

 

[لبى عيونه]

مووضوعج ماله داعي ومبالغ فييه حييل وماشاءالله شكثر بنات محترمات وشطار وملتزمين وهذا أنا الحين خريجه هالكورس ماااشفت هالمبالغه اللي قلتيها

 

[الصيدلانيه]

ااااااخ مبين ان الكلااام طااالع من القلب
انا ما ادرس بكليه التربية لكن اغلب كلامج اشوفه صحييح
الله يعيينكم حبيبتي

 

[ورور92]

يعطيج العافية لصاحبة الموضوع.
أحس بعض البنات إلي قاعدين يتكلمون عن التربية. قاعدين يعطونها أكبر من قدرها. جنة مو حاصل هالكلام عندنا. شكيت أنها مو تربية بالجامعة كاني ما أعرفها طيروها فوق المعقول. لا تقصون علي نفسكم. إلي نشوفة للأسف وقاحة لآخر درجة للأسف.

و ما أرضي علي دكاترة الشريعة أبدا. انهم ينقالهم جذي حطوا شرهم علي دكاترة الشريعة و بعدين بعض البنات قالوا ان كل الكليات جدي لا مو جذي و مايحق لهم انهم يقولون هذا الكلام إلا لمن يشوف و شوفوا الشيوخ ما شاء الله عليها هادئة و بناتهإ محترمات حتي الشباب قمة الاحترام

و الشريعة بناتهإ محترمات و الأدب نص ونص أنا قاعدة أخذ علي الأغلبية.

أما بناا التربية. الحمام صار صالون.و المكياج جنة رايحة عرس حيل امبالغات و المشية إستعفار الله جنة ترقص و العطر فايح و بعضهم حاصل لهم استهتار البنت تحضر نفسها و تطلع. و بالكفتيريا الضحك إلي كلا يسمعة جنة مافي هنود. لا هذولي مو رياجيل عندهم حتي ما يتنغبون عنهم و التصفيق.
و علي النظافة الحمد لله دائما نظيف بس ساعات المكان ألقاه وصخ بعد الظهر لأن الفراشات ما يلحقون و الزحمة بهذي الساعة و علي البسطات أنا شفت بس مو بين القاعات و الله عيب.
و صاحبة الموضوع ناكرة الشي باين عليها عقلها سليم و فطرتها سوية.ندري أنه هالشي بعض الأوقات من الصحبة السيئة و ان الذين كل مالة يقل و الدليل قول الرسول صلي الله عليه و سلم " خير القرون قرني " و بعدين بيضعف الذين علي مر العصور و الوحدة لمن تمسك بالدين تكون بقمة الاحترام و بأفضل الأخلاق و الأدب. و علشان ما تكون مقزز و منفور بس للأسف هذي صارت أحسن من المحترمة و ان إلي كاتبة الموضوع قاعدة تشتكي لكم أنة ما رأفجت أحد لأنها نكرت إلي يسونة البنات أغلبهم بس أقولج أنه في بنات محترمات و الله يرزقج برجات إلي ينسونج بما في الجامعة و إلي يعينوج علي الأخلاق و الدراسة. أما الثانية قادة تقول أنها مستأنسة لأنها تقاضت عن الأمر. " ..." حبيبتي لو ان بصحح الخطأ ما نخلص ...أتمني لهم الهداية و الصلاح و أتمني قبولكم لنقدي و أتمني ان اكون عند حسن ظنكم.

الله يعافيج حبيبتي ..

ما انتبهت على كلمة الساخطين !!!! @@
دكاترة الشريعة صارو ساخطين ! والله ان ما شفت مثلهم وباخلاقهم وتعاملهم وسماحتهم !

ردج بمحله حبيبتي و و ترجممة للي قلته ..:eh_s(17):

ومشكووورة وايد شكلج نفسي مندصمة :eh_s(16):

ومثل ما قلتي فطرتنا السوية اهي اللي انكرت الموضوع !!
لان بحياتي ما شفت جذي:/ !

ومن اللي شفناه وايد بنات مبالغين و ينكرون الواقع ! بس بالنهاية وجهه نظر :eh_s(17):


وفعلا ما رافجت احد لاني نكرت اللي يسوونه البنات .. و عدل كلامج اكيد ولابد في المحترمات .. ولو اقولج شي تنصدمين ان لحد الان عرفت بنت بالشريعة وصارت على طول تسلم علي واسلم عليها ..

وعن نفسي ماشفت طالبة بالشريعة سواء بالكلية او بالكافتيريا سوت ضجة او احد هذي التصرفات نهائيا ! والله اعلم اذا في
مو القصد التنزيه بس هذا الصج ..

ويسلملي مرورج حبيبتي نورتي موضوعي .. حياج الله و عسى الله يوفقج :eh_s(7):

 

[ورور92]

مووضوعج ماله داعي ومبالغ فييه حييل وماشاءالله شكثر بنات محترمات وشطار وملتزمين وهذا أنا الحين خريجه هالكورس ماااشفت هالمبالغه اللي قلتيها

وجهه نظر احترمها .. و اتمنى لو كنت مكانج بتخرج
وان شالله ما تشوفين !
انا و غيري شفناهااا

لكن هالشي حسب كلام رفيجتي واهي خريجة من سنتين ! تقول ماكانت جذي التربية نهائيا وحالها كل ما له و يتدهور ! وتقول لو انا الحين مستجدة ! مااقعد و احول !


حياج الله و شاكرة لمرورج .. و عسى الله يوفقج :eh_s(17):

 

[ورور92]

ااااااخ مبين ان الكلااام طااالع من القلب
انا ما ادرس بكليه التربية لكن اغلب كلامج اشوفه صحييح
الله يعيينكم حبيبتي

اي والله صدقتي صج من قلب:eh_s(16): ..

وعسى الله يعيين و يوفقج صيدلانيتناا نورتي حبيبتي ..:eh_s(7):

 

[ورور92]

السلام عليكم ورحمة الله وبركاته .."
انا موبكليه التربيه بل كليه التربيه الاساسيه
بس حبيت اشارككم بالمناقشة .. (تحب المناقشات * )

..
يعني بقول شي بختصار شديد جدا
كل كليه فيها الزين والشين والصالح والطالح
والايجابي والسلبي..

بس ترا البنات موذنبهم شي خارج ع نطاقهم وزحمة ع الكافتيريا ووو الحمامات والامور الاخرى
واكيد بيصير هالتخبط اللي تنظرينه موحلو (يعني زحمه ع زحمه شنو بينتج بالله اكيد ينتج هالتصرفات ))
والله لوكانت كليه واسعه مثل بقيه الكليات ماجان صارت هالامور شمعنى باقي الكليات مافيها نفس اللي بالتربيه
لانها وسيعه ومغطيه الاعداد

اعداد هائله لابد من هالامور تصير..

اما عن افعال البنات هذا شي راد لكل بنت وتربيتها (مو معين بس لبنات التربية )*
ان ماتلتزم بالطابور والنظافه والادب ..
..

فنصيحتي لج اختي اخذيها بصدر رحب..
تفهمي وضع الكليه والمساحه بعدها احكمي ع تصرفات الطالبات (معلمات المستقبل )*

يعني مثل كليتنا فيها مبنى رئيسي وملحق 1
الرئيسي الكافتيريا ماتنطب اوقات الذورة موليه تلوع الجبد
ام كافتيريا الملحق لوتنطب اوقات الذورة عادي حتى الزحمة فيها مومزعجه يعني نتقبلها
ليششششششش لانها كبيرة شوويه وكافتيريا الرئيسي صغيرة ماتتحمل اعداد الطالبات
بجذي انا مااحكم ع البنات بكفتيريا الرئيسي مزعجين لا احكم ع حجم الكافتيريا خلتهم مزعجين
واتمنى وصل المغزا .. صارت مساله فلسفيه احس ههههه بس بوصلج المعنى والله ..

لاتعبين عمرج مشيها والله يوفقج يارب ~

وعليكم السلام و رحمة الله و بركاته ..

حياج الله ويانا .. احنا كلية وحدة بالنهاية ..

ردج كان يواسيني نوعا ما ! بس مااقط اللوم حجم المبنى !

الاخلاق مالها شغل بالمكان !

انتي وين ما كنتي بتحتفظين باخلاقج و تحفظين المكان اللي انتي فيه ..
والنظافة سلوك فطري مااعتقد التربية لها دور الا اذا معودينها على شي ثاني..
تكرمين و يكرم القاري حتى الحيوانات تشيل وصخها !!!

و عندج كلية العلوم كبيرة لكن بالنسبة لحجم الطلبة اللي هناك فهي صغيرة !
وفيها من هالسلوكيات اللي اشوفها بالتربية بس من غير مبالغة مو بالدرجة اللي عندنا

وانا ما همني اللي تتمكيج ووتعطر بس ما تييني اخر شي وتقولي حضريني ولا غششيني

ولا يشوفونها الكليات الثانية ! واييون الناس يقولون لي كليتج فيها .. وفيها ... و فيها

شلون بيصيرون ابلات ؟ شلون انتي قاعدة و متحملة !

فهذا شي مو حلو .. كل الطالبات المحترمات قاعدين ينظلمون !!!

وكل ما رحت مكان يسالوني اي كلية ! ينصدمون شلون متحملة الوضع هناك !

والله ان حتى اختي تقول اذا هذي مخرجات التربية ! وما في رادع لهم !!
بنروح مدارس خاصة احسن ..

حياج الله حبيبتي والله اسعدني ردج و حبيت ذرابتج :eh_s(17):
الله يكثر من امثالج :*

عسى الله يوفقج ..

 

[أمل بعد ألم]

تاركة لج رساله علي الخاص. ما علية ما حبيت أكتبة أهني

 

[ورور92]

حبيبتي كل مكان فيه الزين والشين وله ايجابياته وسلبياته بالبيت الواحد تلقين اختلافات بين الاخوان بالطبع وغيره

فما بالج بكلية مليون وحدة تدشها وكل وحدة شخصيتها تختلف اختلاف كلي عن الثانية احنا ما نربي الأوادم الواحد

اذا ما عرف حدوده من كيفه مو ضروري نعلمه !

وبصراحة ما اشوف اي هدف من الموضوع :/

انا تخرجت توني منها وادري في شغلات مو مريحة بس انتي خلي تركيزج على دراستج وطوفي اللي تشوفينه وما يعجبج

بالنهاية انتي بتتركين هالمكان وبيكون حتى بعيوبه ذكرى حلوة ..

هلا حبيبتي Sweet October

من الطبيعي كل شي فيه الزين و الشين ! بس ما يطغى الشين على الزين !

والاختلاف مهم و نعمة من الله ! لكن مو مبرر لبعض السلوكيات ..

لان الاختلاف بكل مكان و ماشوف اللي صار صار باي مكان ثاني او كلية ثانية


بالنسبة لهدف الموضوع فرايج و احترمه .. اما بالنسبة لي ولبعض البنات اهم موضوع!

والحمدلله ان تركيزي على دراستي و هالشي ما اثر فيني ..

لان مجرد ما ادخل الكلية اطلع منها جنه احد لاحقني :/

ومبروووووووووووووك التــــخــــــرج حبيبتي :*

الله يوفقج ..:eh_s(7):

 

[ورور92]

حياتي امل بعد ألم .. اسعدتني وايد رسالتج و رسائل البنات .. ^_^

برد عليج الحين اكيد ان شالله :* بس اخلص من الموضوع

حياج الله ياقلبي :*

 

[ورور92]

السلام عليكم ورحمة الله وبركاته​

اول شي بصفتي طالبة تربيه ما أسمح بهالعنوان ابدا ! لو سمحتي اذا عندج مشكله وماتصادفين الا فئة سيئة قلييله من التربويات هذي مشكلتج اما انج تعممين لى كليتنا لا اسمحيلي ستوب هني !​

اول نقطه الكافتيريا انا معاج اتضايق من صراخ البنات وازعاجهم بس لازم تحطين ببالج ان اكثر عدد طالبات بالتربيه والشريعه جامعينهم بكفتيريا صغيييييييييره والنتجيه من البديهي تكون جذي .. ​

ثاني نقطه المسجد بعكس كلامج البنات اخلاق واحترام واللي قاعدين هدووووووء وماكو لا اكل ولا شي من اللي قلتيه
واذا بيقعدون بوقت غير الصلاه يسولفون مافيها اي مانع !​

ثالث نقطه البنات والمكياج هذي اوافقج فيها يعني ماله داعي تتمكيجون من الصبح اصلا الشكل قبيح ياحلو النعومه بس ارجع واقول حريه شخصيه ​

رابع نقطه : الغششش والتحضير كل وحده الله بيحاسبها مانقدر نحاسبهم بههالشي ​

اللي اشوفها كليتنا حيل حلوه واغلب بناتنا اخلاق ومحترمات وحبوووووباااات ووسيعات صدر بعكس بنات الكليات الثانيه
ومااشوووف بكليتنا لبس يخدش الحياء مثل الكليات الثااانيه !
العيب الوحيد امكانيات الكليه من مباني وقاعات واستراحات ​

و سلامتج ​

وعليكم السلام ورحمة الله و بركاته ..
حياج الله مسك المحاسن ..

بالنسبة للنقطة الاولى وضحت فيها اكثر من مرة وتقدرين اتابعين الموضوع والردود :eh_s(17):

ثاني نقطة للمسيد .. والله انا من كنت مستجدة وانا كل مرة لازم اشوف شي بالمسيد للاسف

في بنات عادي عندهم اي منظر فما يستنكرون !
انا بالنسبة لي استنكر

السوالف بصوت خفيف مافيها مشكلة ! لكن المبالغة و الاكل و النوم ...الخ ؟؟
مااقدر اصلي بهالوضع

والمكياج حرية شخصية لكن مو ذنبنا الكليات الثانية ماخذة فكرة عنا من هالشي
ومو ذنبي تنشغل بنفسها و تقولي حضريني :bbbiu: << الف مرة كررت
ومااعتقد هذي تصرفات مربية و معلمة مستقبل بتمسك اجيال الكويت...

والغش بعد مالي شغل فيهم ممجرد انه منكر وبغيره لان كبائر

لكن اللي بوضحه ان ما له داعي وحدة تطلب من الثانية تغششها
لان عيب هالطلب بالذات لا كان من وحدة ما تعرفها !!!!!!
و مو كل الناس يتقبلون..

واشوف ان مبانينا زينة ..

ويعطيج العافية ياقلبي على مشاركتج و مرورج الله يوفقج:eh_s(7):

 

[ورور92]

معاج ميه بالميه ولما تخرجت ارتحت وايد
شوفي ببيركج لاتقعدين بالكليه احنا كنا نطلع انا ورفيجتي وبنت خالتي نروح الافنيو او اي مكان نقعد فيه اونس ونقعد نسولف ونتريق او نتغدى
ونرد كليتنا قبل المحاضره الثانيه
وعندج بعد المصافط بلى احنا نصفط داخل الي بين الاداب والتربيه للمتوفقين عادي سوينا اوراقنا وعطونا كارد وصفطنا داخل
اذا تبين كافتيريا فاضيه روحي الاداب احسن لج ومافيها ازعاج كللش

البنات الي يحضرون بعض بصراحه اقثث شي هالفئه خاصه اذا قالت لج بويه عريض بروح اتمشى مع رفيجاتي وحضريني ههههههههههههههه


والله يوفقكم كلكم وان شالله نشوفكم خريجات

والايام تمر بسرررررررررررررررررررررررررررررعه

هلا وغلا حبيبتي فرفورهـ

امس قبل لا انام قلت جنه ما رديت عليج !

يا بختج تخرجتي وارتحتي من الوضع ... والفال لي ان شالله

والحمدلله زين ما سويتي ما تقعدين بالكلية
انا خذيت كلاسات ورا بعض واطلع سيدا عشان مااشوف وانصدم اكثرر

بس شلون على الكارد !

انا رحت التربية و قلتلهم اني متفوقة مع مرتبة الشرف وقالولي مافي مسافط لكم!
سكرناها ومرتين سالت المدير الاداري + مساعد العميد ..

وصح قبل لما كنت ماخذة جماليات ادب ومهارات اتصال كنت اقعد بالاداب
وعادي كنت مرتاحة ..

واللهم امين ما تقصرين حبيبتي .. ومثل ما قلتي الايام تمر بسرعة البرق..

حياتي ما قصرتي بمشاركتج ..اسعدتني هالطلة ابلتنا .. نورتي :eh_s(17):
حياج الله :eh_s(7):

 

[ورور92]

بصراحه اوافقج الراي مع ان طموحي التربيه وانا دخلتها باختياري
بس اتضايق من الي اشوفه فيها صرت استثقل روحتها
وصج كفتيريا الاداب وايد اهدا وارقى وان شاء الله الله يهدي بناتنا

ما اذكر اذا رديت عليج بس مابي اجهل اي مشاركة !

مشكوووووورة Miss... ToTa على موافقتج لـ رايي

انا طموحي اصير ابلة و دخلتها بقبول فوري .. و قاعدة اتحمل !
ومثل ما قلتي صرنا نستثقل الروحة ما حس باي حماس او وله للكلية

و كفتيريا الاداب ما اتضايق منها كلش كنت احبها بعد بس اللي يضاقني منها الريحة :/

واللهم امين ويهدينا و يهدي كل البنات ..:yaaaaaarb:

وعسى الله يوفقج حبيبتي .. مشكوووووووووورة وايد على ردج
حياج الله ..:eh_s(7):

 

[بنت احلام]

صاجه يسلم بؤئك

 

[ورور92]

احب اشكر الـ 4 بنات اللي طرشولي رسائل على الخاص للصداقات بالجامعة والمنتدى ..
ودعمهم لـ موضوعي ..

والله بنات قالولي قلتي اللي نبي نقوله !
وبنت تقول حولت اجتماعية وبصير مدرسة بالواسطة بعدين !

الله يوفق الجميع يارب .. ويسخر لنا كل ما هو خير وصالح ..

مشكوورين واآآآآآآآآآيــــــــــــــــــــــــــــــــــــــــــــــــد ...

xoxo

 

[ورور92]

صاجه يسلم بؤئك

تسلمين يا قلبي بنت احلام ..


الله يسلمج من كل شر :eh_s(7):..

نورتي حبيبتي اسعدني مرورج وطلتج ..

الله يوفقج ~ ~