عـذرآ / كـلـيــة الـتـربـيـة .. بلآ تــربــيـة !!

[james546613]

يعورني قلبي اذا قريت مثل هذي المواضيع عن الكويت

 

[ورور92]

تسلمين على هالموضوع الحلو ومثل ما قلتي اهم شي ( أخلاق الانسان وضميره وذمته ) وهو بلاهم ما يسوى شي ولا منه رجا00والله يهدي الجميع ان شاءالله ويصلح الحال بكلياتنا ومالنا الا الدعاء00وكل اللي قلتيه انا شايفته00ومشكوره مره ثانيه


تقبلي مروري​

تسلمين حبيبتي انتي الحلوة العفوو ولو ^_^ :*
عدل كلامج .. واللهم امين اجمعين ..

ماقصرتي حياتي عالمرور ..

حياج الله

 

[ورور92]

واجد في بنات من داخل تافهات بكليتنا
وتفكيرهم بس بالمظاهر واللبس والمكياج
بس انا ما ابرر لهم
اول شي اعمارهم صغيره 18 و19 و20
للحين سن مراهقه
مو ناضجين
بس بيجي يوم وينضجون
عشان جذي انا مثلج اتضايق من بعض الشغلات اللي ذكرتيها بس ما اواخذهم

والله اذا على سالفة المظاهر اهون وايد من باجي السوالف اللي تشيب الراس !
وماله داعي اللي يسوونه ورا اهلهم !
وكيفها اهيا واخلاقها الله يهديها مالي شغل فيها !
بس ما تنشغل بنفسها و تكشت بالمحاضرة وتقولي حضريني ولا غششيني

وهذيل البنات صراحة يشوهون صورة الكلية عند باجي الكليات
حتى الشباب منصدمين من الكلية و كيفان بشكل عام

ويعطيج العافية يا قلبي..

حياج الله مرورج روعة :eh_s(7):..

 

[ورور92]

صح لسانج وتسلم ايدينج على كلمة حق قلتيها ... انا مو بالتربيه بس خذيت مواد اهناك وشفت كل اللي اتحجين عنه وما قلتي شي جذب , جد والله اتفشل لمن تشوف هالشغلات اتسير بالجامعه !!! لا واللي يسوون جذي اهما مربيات اجيال ؟؟؟؟؟!!!!!
ترا هالحال يمشي على كل كليات كيفان مو بس التربيه ....# ارتقوا باخلاقكم وحافظوا على نعمة العلم اللي ربي معطيكم اياها ,,

صح بدنج حبيبتي دروب
والله يسلمج يا قلبي ..

صح كلامج اللي حارني حيل ان احنا كلية التربية !
والتربية قبل التعليم !!!!!!

ليش جذي والله شي يحر و يعور القلب !
وفعلا بكيفان بشكل عام .. بس حيل حيل صوبنا

وفي هالفئة من بالكليات الثانية وانا داوممت سنة كاملة هناك شويخ وخالدية و دوام طويل
يوم و يومين هناك شفت هالفئة بس!
بس مو بشكل شبه يومي

ويعطيج العافية حبيبتي
اسعدني مرورج والله يهدينا جميع و يوفقنا :eh_s(7):
1

 

[ورور92]

ويع الله يعينج
عشآن جذي صرفت النظر عن كلية التربية مع اني كنت حآطتهآ ابآلي
بس صآر حآلهآ حآل التجآري !
رحتلهآ بالقدرآت ! استغفر الله كلش مو شي

الله يهديهم بس .. الا سالفة المسيد وعدم احترام الدكتور
وين قاعدين صراحة شي يقهر
المفروض الي تسوي هالسواة الدكتور بدون نقآش يطردهآ حتى لو توصل يطرد نص الي بالكلآس !
يشوشرون على غيرهم

اللهم اامين اججمعين ..

اي للاسف صارت الكلية طاردة مو جاذبة !
وان شالله خيرة لج صرفج للنظر عنها:*

بس عاد مو حال التجاري هههههههه

وعدل كلامج المفروض هالشي
بس الدكتور على نياته ممسكين :/

تسلمين حياتي عالمرور العطر .. حياج الرحمن .. نورتي:eh_s(7):

 

[ورور92]

السلام عليكم ورحمه الله وبركاته ..*
بما انج يالغاليه حاطه الموضوع للنقاش انا بقولج مو جنه العنوان شويه قوي وظالم بحق كليتنا ؟*

اختي العزيزه انا طالبه كليه التربيه تخصص انجلش رابع سنه وخريجه إن شالله عقبالج وعقبال الكل*
حسيتج ظلمتي كليتنا حيييل .. ومن كلامج حسيتج لان الجو العام بالكليه ماعجبج صرتي تنظرين لكل السلبيات الموجوده انها عموم وغالبيه بالكليه واسمحيلي اقولج هالشي مو صحيح .. فعلا كليتنا فيها سلبيات بس صدقيني مو بالضخامه اللي صورتيها .. لاتزعلين من صراحتي بس انا ماشفت الوصخ اللي تشوفينه طايح بكل مكان !!!*
صحيح ان المباني قديمه ومتهالكه بس احنا مالنا ذنب بهالشي ان مو نفس الكليات الثانيه .. يالغاليه انتي توج ثانيه سنه وماتأقلمتي مع اجواء الكليه ولا خذيتي كلاسات عند الدكاتره اللي يهبلون ومحاضراتهم صج تطلعين منها باستفاده .. وتحسين فعلا انج طالبه جامعيه ولا تعرفتي على بنات طموحات ويهمهم مستقبلهم انتي قاعده تطالعين من بعييد وتحسسين نفسج بالخيبه والحزن*
وعلى سالفه ان ( بعض الاقليه القليله جدا ) انهم داشين يلعبون ومو جديات .. يالغاليه ترا لو دشيتي اي كليه ثانيه راح تلاقين هالنوعيه .. وهالشي على نفسها اهيا اللي راح تتضرر احنا ليش نسولف فيها ونعيش نفسنا بحزن وكآبه عشانها .. المسأله مسأله همم وشخصيات واحس ان من الصحي ان ننشغل بذاتنا افضل من ان نراقب الاخرين او شلون يتصرفون ..*

نروح لموضوع المسجد .. ياقلبي انتي متأكده انج تقصدين مصلانا ماغيره ؟ اللي يم الجبرات .. انا دايما ادشه على حزه الصلاه ومااشوف اكل ولا وصاخه بالعكس اقعد واشوف الكل نفسي ناطرين الصلاه ومن يأذن كلمن يقوم يصلي مااقصد اجذبج بس فعلا انا الحين بتم رابع سنه وماعمري شفت اكل وهالسوالف بالمسجد بالعكس بناتنا فيهم خير يصلون بدون وصاخه ..

اما الكافتيريا انا مالومج عالوضع اللي فيها .. بس عن الظليمه ياقلبي لاتنسين ان الكافتيريا مو حق كليه وحده الكافتيريا حق كليتين ومساحتها ماتكفي لان البنات ماشالله ششششششكثرهم بكليتنا فما بالج لو كانت كافتيريتهم مع بنات الشريعه وانا لما اشوف تصرفات ماتعجبني مااحب اعمم على اغلب بنات كليتي*
لاني قعدت وشفت شكثررر بنات موسطحيات وطموحات ويهمهم العلم فوق ماتتصورين وشخصياتهم حلوه وصدقيني ياقلبي انا اعرف بنات شكثر بكليتنا واللي تتكلمين عنهم اقليه


الشاحن وما ادراك ما الشاحن .. ياحياتي انتي فعلااا شرهتج بهالموضوع مو بمحلها كلش
*انا وحده اداوم والشاحن لازم بجنطتي لان فوني بسرعه يخلص شاحنه ودايما استخدم البلاكات الفاضيه اشحن فوني فيها ماستخدم بلاك قاعدين يستخدمونه الدكاتره ومع العلم ان دكاتره التربيه ودكاترتي الانجليزي بعد يشوفوني بس مايقولون شي لان مااتوقع ان بلاك موصل فيه شاحن وفون مغلق راح يعيق العمليه التعليميه او انه نوع من انواع قله الذوق وعدم احترام الاخرين ! *

ياقلبي اتمنى تكون عندج سعه صدر انج تتقبلين رايي انتي لانج مو متقبله وضعج بالكليه او مالقيتي صداقات تناسبج صرتي تشوفين كل شي سلبي عندنا ومايعجبج .. كليتنا مو كامله اي نعم عندنا مشاكل لكن ماتوصل مرحله ان ينقال عنها ( بدون تربيه ) ياعمري التعميم لغه الحمقى وانتي ان شالله انج مو منهم بس العنوان انا اشوفه ظاااالم وماارضاه على مكان قضيت فيه احلى اربع سنوات من عمري .. مكان طور من شخصيتي كثييييير .. مكان تعرفت فيه على شخصيات كثيره مو اقليه مثل ماتفضلتي في قمه الذوق والهمه العاليه .. وعلى دكاتره ساعدوني وساهمو بتطوير شخصيتي ..*

شوفي ياعمري في مقوله تقول : ( نحن نرى الاشياء كما نحن ، لا كما هي ) لذلك الموضوع كله بايدج وبنظرتج انتي لو ماكبرتي الموضوع على بعض السلبيات اللي موجوده بكل الكليات مو بالتربيه بس والتفتي للإيجابيات صدقيني بتحبين الكليه والمكان*

انا الحين كل مااتذكر اني بتخرج تدمع عيوني ومايهون علي المكان *

وما اخفي عليج ان موضوعج زعلني وخلاني اشعر بالظلم .. انا اؤمن بحريه الرأي لكني ما اؤمن بانه من المنصف انج تصفين الكليه بهالصفه القويه لمجرد انج شفتي اشياء موجوده بكل مكان وبكل الكليات .*

نصيحه لاتضيعين احلى *سنين عمرج *دراستج بانج تكونين متشائمه لهالدرجه القويه !*

وبالنهايه اشكرج واتمنى انج تتقبلين كلامي بدون حساسيه :eh_s(7):

وعليكم السلام ورحمة الله وبركاته ..:eh_s(7):
حياج الله حبيبتي
واشكر لج بالبداية اهتمامج بالموضوع و ابديتي رايج بكل احترام و رقي و بتفاصيل :*

بالنسبة للعنوان ذكرت ان قوي ! لان انا قلت الكلية التربية مو طالباتها !
بمعنى ان / هالاشياء اشوفها بالتربية ليش !
ماخصيتهم الا لانهم بنات كليتي يمكن شفت هالتصرفات من بنات لكن ممكن يكون من العلوم من الاداب من الشريعة من اي كلية بشكل عام ما احدد !
و هالعنوان ممكن يجذب البنات للمشاركة والقراءة !
ومثل ما قلت الشر يعم و الخير يخص

وعسى الله يوفقج حبيبتي و يسهل لج تخرجج ووظيفتج :*

وبالنسبة للسلبيات ! انا فاتحة هالموضوع عشان اعالج السلبيات
والسلبيات اكثر من الايجابيات ...
ودرست بشويخ و الخالدية و فيها السلبيات والايجابيات بس مالي شغل فيهم لان ماراح ادرس فيهم الا جم مادة

و بالنسبة للدكاترة بالعكس خذيت كل موادي عند دكاترة يهبلوووووون و عسل و ينحططون عالجرح يبرى ..
و بالنسبة للمباني المتهالكة انا ما تطرقت لها ! :eh_s(1):
لان بصراحة بالنسبة للتربية انا عاجبني المبنى اليديد و مبنى 5 اعتقد مااشوف فيهم شي بالعكس
وهذا ماله علاقة بالطالبات ! لان مالنا ذنب
اذا كان قصدج تصرفات الشخابيط على الطاولات فهذا الوم فيه البنات الله يهديهم

وبالنسبة للمسيد ... والله شوف عيني بمسيد التربية و الشريعة والااداب
اكل و نوم و يشهد الله علي - ان بنات انا شلت وصخهم وراهم الله يهدي الجميع !!!!!!:eh_s(1):

نيي للكافتيريا !!
الازعاج مافيه مشكلة لان مثل ما قلتي كليتين و في بنات ممن برا الكلية !
لكن في الازعاج اللي يطغى مثل اللي ذكرتهم
ولا معظم البنات قاعدين و يسولفون و يضحكون و بحالهم و منزعجين حالهم حالي من هالفئة

يعني ترى هذا مو بيتهم ! هذا مكان عام ! هذا حرم جامعي:eh_s(4): ما يمنع نستانس بالمعقول

وبالنسبة للشاحن ذكرتيني حبيبتي الله يذكرج بالشهادة
في كل قاعة في كهربا للاجهزة و في كهربا ثانية ورا عند الكراسي
انا اقول عن البنات اللي يستعملون الشاحن ويفصلون الكهربا عن الجهاز عشان تلفونها
لان حرام هذي املاك الدولة !!!!!!!!!!!!

ولا تحاتين انا سعه صدر ما تتخيلينها :* و اثلج صدري رايج .. و ابصم لج على كلامج ان في بنات هممهم عالية واخلاق اتعلم منها والحمدلله ..
واكيد في صداقات حلوة و راقية بس تبين الصراحة ! ما قدرت احتك مع ولا بنت!
واذكر انا ماخذة مادة وفي بنت من نفسها اقعدت يمي وقالتلي انا مااعرف احد من سنتين بس مرتاحتلج وايد وكان نفس شعوري !
وانا اقصد عن البنات اللي بدون تربية او اقلية تربية من بعض هالفئات !
قد يجهلون و الله يغفر لنا جميع و يهدينا .. لكن كبرنا عن هالامور واعتقد لهدرجة وايد بنات يجهلون هالتصرفات اللي طول عمرنا ندرسها

ولا نزعل من الصراحة هذا اللي بقلبي وانا ما اقصد اي تجريح لاي شخص
وهذفي اعالج السلبيات بس واناقشها وياكم
وليش كل ما اروح مكان وكلية يذمون كيفان والتربية و يذمون االبنات والسلوكيات وانا ادافع باللي يشوفه يستحق اني ادافع عنه !
ترى انا منكم و فيكم ! ويضاقني هالشي ! وهذا كليتي واحبها
واللي يمسكم يمسني !!! :eh_s(2):

وعدل كلامج اكيد بتفقدين المكان و تدمع عينج بالذات لاكنتي تحبينه !
يكفي انج تعودتي عليه واحلى لحظاتج فيه ما تنعاد للابد !:eh_s(7):
وانا وايد استفدت منج و من كلامج وما انكر انج اكبر مني و قعدتي بالكلية وتعرفينها اكثر مني

و انتي خريجة حبيبتي اكيد اخذتي عالوضع و انا رفيجتي اكبر منج بسنتين
تقولي والله التربية ما كانت جذي @@ !و مصدومة من وضعها الحين:eh_s(1):

وما عاش من يزعلج حبيبتي .. واعتذر لج اولا ولاي بنت ازعلت من اي كلمة :eh_s(7):
بس صج انا ماببي اذكر ايجابيات ... نبي نعالج السلبيات اكثررر
ومابي اتطرق لاي كلية ثانية بشكل تفصيلي لاني بس اخذت فيها مواد .. ماراح اقعد فيها على طول

وتسلمين على النصايح والتوجيهات وان شالله اكون من الطالبات المتفائلات :*

والعفو حبيبتي نووررررتي موضوعي وايد واثلج صدري ردج واهتمامج

حياج الرحمن :eh_s(7):

 

[ورور92]

انا معااااج و كل حرف قلتيه صح
و nostalgia حبيبتي انا اخالفج الراي انا بعد طالبه و كارهه الوضع صرت اكره الدوام من الكلام اللي قالته انتي متاكده انج بكليه التربيه؟

تسلمين يا قلبي .. الله يوفقج ان شالله:eh_s(7):

وبالنسبة للاخت NOSTALGIA عبرت برايها و جزاها الله خير على اهتمامها
وانا فاتحة الموضوع مو عشان تكون ارائنا متطابقة 100%

وبالنهاية احنا بشر كلنا نغلط و نتعلم من بعض
ولنا وجهات نظر مختلفة !

ويمكن في بنات حساسين للوضع بالكلية وفي بنات بالنسبة لهم عادي
وفي بنات ما يهمهم !

وعسى الله يهدينا ومشكووووووووووووووووورة وايد على مرورج :eh_s(7):
نورتي والله :eh_s(7):

 

[ورور92]

أولاً قبل كل شيء هالكلام هذا كله انقال على لسان دكتور فاضل من دكاترة الشريعه الساخطين

وقهرني ماقدرت ارد عليه فـ شيء حلو أرد هني , وأفنّد كل سطر كتبتيه اختي ور ور !​

,​

بخصوص المنـآظر اللي تتكلمين عنهـآآ ..
العفو بس مو جنج حسستيني انج كنتي تدرسين بهارفورد وفجأة انحدتيني على جامعتنا اللي بلا تربية :eh_s(2): !!!
اعذريني بس فعلاً ما اشوفه شيء يستحق الطعن !
بلا تربية مره وحده , لك اللهُ أكبرررررررر ما أرزل هالكلمي !!​

اتمنى تتقبلين كل كلامي برحابة صدر , لإني بتكلم بدون مثاليات !
هذا هُو الشعب الكويتي
متعودين نعيش ببساطه ونمارس تفاصيل حياتنا بعفوية !!
طبعا بالشيء المعقول !
لا افراط ولا تفريط بمسألة العفوية !!!!!​

يا اختي , شنو بيضرج لا قعدوآ بنات بالاستراحه ومعاهم قدوعهم وتقهووآ .؟
عليهم بألف عافيه , الجامعه من المفترض تكون بيتهم الثاني عدل ولا لا ؟!​

ما عمري شفت بنات باسطين عند الممرات بوقت المحاضرات ويتقهوون؟
وينهم هذول؟
هذي رابع سنه لي , دليني عليهم خل اشوفهم :eh_s(10): حسيت لوهلة اني مُستجده !!!​

,​

الشغله الثانيه ,
بخصوص الحمامات تكرمين ويكرم القارئ الكريم !
صح بهذي ما راح اتجاهل نداء ضميري
فعلاً اتفق وياج إنه مزبلة :eh_s(2): ومتروس ماي وكلينكسات , وشخابيط الله يسامحهم البنات !
بس هم ما نقول بلا تربية !!!
نقول طيش , وقلّة عقل وافتقار للاتيكيت !!
هذي كل المسألة !!​

,​

نروح لسالفة الكافتريا ,
ياقلبي , ياعزيزتي , انتي مستوعبه كم عدد طالبات الشريعه + التربية ؟!
كمممممم هائل
ضيفي عليها ان فيه بنات مايطلعون من الكافتريا مرابطين فيها لظروفهم الخاصه مايبون يطلعون برا على راحتهم !
فـ الضوضاء هذي شيء جداً طبيعي ,
انا عن نفسي ما احب هالأجواء
شـ أسوي ؟
مااكل فيها , يفتح الله من اكل الكافتريا
آكل ببيتنا وأفك عمري
وبما انج تسوقين , ماشاء الله يعني سهله , دقّي سيارتج سلف والله يسلم الكوفي بين
واذا بتقعدين تدرسين عندج مكتبة الآداب أنصحج فيهـآآ بالذات فوق حييييييييييييل هاديه ومُغريه ومُحرضة للـ القراءة والدراسه !​

وبجذي انحلّت مشكلة الكافتريا ,​

:​

أما المسافط​

هم هذي اضيفها لسالفة الحمامات
اتفق وياج والله
انا اروح مع اخوي ,
وربج مع انه طالب ويانا !
بس هم يسفط عند الفرع
لإنه فعلاً مايحصل مسفط
ويجينا لحد بوابتنا شنسوي بعد !!!!​

يعني نداء للبنات اللي معاهم سواويق , أتمنى يلبون هالنداء
واذا مالبوه هم الله يسامحهم العتب ع تخطيط الديره الفاشل بالشوارع والطرق
وهم مفترض مانقول [ بلا تربية ] ​

اذا شتمتي جاهل بألفاظ نابية , ماراح تفرقين عنه يا اختي بشيء لإنج نزلتي لمستواه
فأنا لأني احبج في الله ,
أبيلج الزين , ارتفعي عنهم ودع ِ الخلق للخالق , هم بالآخير مُحاسبين على تصرفاتهم ونواياهم​

اللي تحضر لرفيقتها ,
واللي توصخ ممتلكات الدولة ,
واللي تصارخ وتطبّل
واللي تحط مكياج وتلبس كعب
واللي تطنش محاضرتها
واللي تحشش
كللللللللللللهم كلهم بدون استثناء
مُحاسبين على سلوكياتهم​

لهم رب يحاسبهم
وأنتِ لج ضمير يوجّه سلوكياتج ,
حكمي ضميري ولا تنشغلين بالعالم عشان ما تنشغلين عن نفسج ,
طوريها واهتمي فيها والناس تتفلق ​

وسلامة عمرج:eh_s(7):​

على فكرة
دكتور جميل يبالغ
انا داشه مصلى الشريعه الخميس
كان جيد جداً
مافيه ريحة بنغاليه ولا هنود على قولته

لذلك لا تخاذين على كلامه ​

هلا وغلا حبيبتي ..... حبيت اسلوب المرح


اول شي بالعكس الدكتور جميل ما زاد من كلامي ولا نقص بس قال اللي كنت بقوله
وكل كلامه صح 100% بوجهه نظري
والله يخلي التنظيف اللي عدل المسيد ..

صرت مستحيل اكل بالكلية او اصلي فيها .. :eh_s(2):

وبالنسبة للمناظر ! انا عن نفسي ما شفتها بحياتي ابدا الا بكيفان مع احترامي للبنات !
ليش ما شوفهم بشويخ ؟؟
ليش ما اشوفهم بالخالدية ؟؟
ليش اكثر شي اشوفهم بكيفان و وبعض من طلبة و طالبات علوم الخالدية ؟؟؟؟
ليش كل الطلبة ينحاشون من كيفان
انا اجتماعية لاخر درجة ولا بنت من بنات مدرستي طول عمري ما انتسبت لكيفان نهائيا
لا شريعة ولا اداب ولا تربية ! مع ان كل مدارس الكويت دخلتها !!!
ليش الكلية الكل يذمها و صارت طاردة !؟؟

هذا شي يضيق خلقي :eh_s(2): !!


وبعدين هذا الشي مافيه اي مثالية ! و مادري شكو هارفورد
ليش هالنظرة الدونية اللي ماخذينها على الكويت
هذا اعتراف ان نظامهم و سلوكياتهم افضل منا !!

هذي اخلاق الاسلام والعفوية لا بد منها !!
لان ما تصل لدرجة التمادي بالتصرفات والتعدي الحدود

و شنو شيضرني البنات يقعدون برا و يبسطون و يشربون قهوة و يزعجون الدكتور بشرحه !
كل دكاترتنا يعصبون و يزفونهم وماكو فايدة

وبالنسبة للحمامات ! فالنظافة من الايمان ! و من النظافة من السلوكيات والاخلاق العامة
ونعتبرهم من التربية !!!
واختلف وياج حيل بهالنقطة

ومسألة الكافتيريا ! اكيد و طبيعي بيصير ازعاج
لكن اللي يختلقون الازعاج بالتطبل و الاغاني !! وين قاعدين :eh_s(1):
وصج اسوق بس كلاساتي ورا بعض اضطريت اخذ لي كوفي عالسريع لان راسي كان يعورني
مو بغرض الدراسة

وانا وياج مكتبة الاداب روووووووعة !!! وهادية و مادري ليش ارتاح حيل و افهم عدل اذا درست فيها

وبمسألة المسافط اذا الديرة والجامعة و الاتحاد والتربوية ما اهتمو بهالمسألة !!!
المفروض بديهيـا يتعاونون الناس ما يزحمون غيرهم

وبالنسبة للي ذكرتيهم حبيبتي انا ما انصح احد و مالي شغل فيهم
بس اللي تقرب صوبي و تقولي حضريني و توصخ مكان مو مككانها ما اقدر اسكت
لان كلنا انتشارك بهالمكان
بــ بيتهم خل تسوي اللي تبي ..

مثل ما دع الخلق للخالق !! في تغيير منكر ! والساكت عن الحق شيطان اخرس..

والاختلاف في الراي لا يفسد للود قضية :eh_s(7):
واذا ضايقج العنوان اتأسف :*
تسلمين حياتي نوورتي و تقبلت رايج بكل صدر رحب وامتعني كلامج :*
حياج الله..

 

[ورور92]

صراحه لا تعليق
الله المستعـــان

اي والله :eh_s(2): !!

الله يعيين !!

 

[ورور92]

ماشاءالله عليج الله يحفظج ويكثر من امثالج

انا مستغربه شلون مخرجات كلية التربية تكون بهالصوره ؟؟ راحت ديرتنااا !!!

انا مو بكلية التربية .. بالآداب

اشوف نماين جذي بس الحمدلله مو وايد

اكره ما اكره لما ادش الحمام وانتو بكرامه واشوف بنات مجابلين المنظره كل وحده يايبه عده مكياجها وهلاقتها :\

ماقول انا ماحط مكياج .. بلا احط

بس جدام اهلي ما اسوي شي من وراهم , لكن هذا مو الهدف !

للاسف في بنات يداومون جنهم رايحين مجمع يقزون ويردون بيوتهم ! من مكياج ولبس وقله ادب !!

ولا اللي بالمسافط اهي ورفيجتها مبطلين الدرايش ومطولين عالاغاني وطايحين له رقص !!! انا استحيت اطالعهم !!!

وزين تسوين انج نبهتي للدكتور انكم تطلعون قبل الوقت .. هالشي من حقج ومصلحتج لازم تاخذين وقتج بالمحاضره وتفهمين

بس لاتظلمين كل كيفان .. كليتي تهبل لووول :$

انا شكثر كنت اسمع عن الآداب وان سمعتها مو حلوه وتلوع الجبد و و و و و

بس بالعكس ماشوف ان الكليه جذي! الحمدلله مرتاحه وحاااابه الكليه لاني ما اعطي هالقله القليله اهميه وولا افكر اطالعهم

بالنهايه حاولي قد ماتقدرين تحضرين محاضراتج وتطلعين لا تلتفتين لهم ، والله يعينج ويصبرج على هالاشكال

موفقه

يا بعد قلبي كلج ذوق حبيبتي .. اللهم امين و يحفظج ان شالله و يكثر من امثال الناس الواعية اللي ترشد الناس :*

اي والله صح مادري شلون هذي مخرجاتنا..

وان يكن في قلة ادب بالكلية فالله يهديهم اللي يحر بالموضوع تشويه صورتنا عند غيرنا
بالذات الدول الثانية تهتم بالعلم !!! مو بالمظاهر وتخلي العلم !!:eh_s(4):

والله مو قصدي اظلم كليتنا و لا كلية غيرنا
بس هذا اللي شفته ما شفته بباقي الكليات بهالوضع الفضيع والمبالغة و بهالانتشار
وفي بنات جني سابتها ومجرحتها باسمها !!
وما يرضون على عليها !! و تاخذهم العزة بالاثم ..
كلنا نحب كليتنا ولاني احبها مااحب اشوف هالمناظر فيها !!:eh_s(1):

و عدل كلامج كلاساتي خليتهم ورا بعض ! عشان ما انصدم اكثر .

اثلجتي صدري بمرورج الراقي .. و اعطرتي موضوعي بردج ..واللهم امين_اجمعين
و يزاج الله خير يا قلبي
:eh_s(7)::eh_s(7)::eh_s(7):

 

[ورور92]

تصدقين عاد مع احترامي لبنات كيفان

انا صج بشويخ واتعب من حوسة طريجها وحوستها بس عندي محاضرة بكيفان والله من ادش كيفان اقول يا زين شويخ واصلا ايي بوقت المحاضرة بالضبط واطلع على طول لأن الكافتيريا ضيم ضيم والحمامات تكرمين هم بعد والكلية بكبرها وحتى مره خذيت معاي رفيجتي قالتلي آخر مرة ايي معاج هني

و ما ألوم لي ييتوا وخذيتوا بشويخ صج يبتوا لنا الزحمة بس انا مادة وحدة ولاعت جبدي

والله يهديهم ان شاء الله

هههههههههه

والله صاجة و صح كلامج ولا الومج :eh_s(2): وصج شي يضيق الخلق
اختي بشويخ وانا بكيفان تقولي قلنا طموحج تصيرين ابلة بس انحاشي شلون متحملة !
بس مااقدر اتخلى عن طموحي على اني حاولت :eh_s(2):

بس في بنات ونعم فيهم اكيد بس مالهم حس

حياج الله عندنا لو ادري جان استقبلتلج وواسيتج

نورتي حبيبتي وعسى اللله يوفقج :**

 

[ورور92]

وبالنسبة للمصافط انا عشان هالشي اروح باص من شويخ لكيفان والله انا اللي مو صافطة بالمواقف وايدي على قلبي ترا حتى سواويق الباصات فيهم طفاقة :s

لا انا اروح شويخ ما اخاف على سيارتي

بس انجلط لما اروح كيفان :eh_s(11): !!

اصلا صار عندي سيارتين سيارة للجامعة عادية وسيارتي خليتها للطلعات !
راحة نفسية :eh_s(4):!!

والله يعيينج على طفاقة الباصات :eh_s(1):

 

[ورور92]

مع إحترامي لج عزيزتي ​

هذا افتراء ومبالغات على طالبات كلية التربية و "تخصيص"​

و كأن إللي بالكليات الكليات الثانية أنبياء مرسلين !!​

عذراً عزيزتي تقولين فئة قليلة على أي أساس !!​

إذا إحنا لمن نقعد بالقاعة مثلاً تكون فقط مجموعة لا تتعدى 5 طالبات هم اللي يسببون شوشرة و معروف عدد الطالبات لا يقل عن 50 طالبة في المحاضرة الواحدة "بآلغالب"​

فـ على أي اساس صارت الفئة المحترمة قليلة ؟​

،​

أما بـ خصوص إللي يقولون الآدآب أحسن !!​

سلآمآت من متى !!​

مصلى الآدآب خصوصاً مصلى لا تصلح الصلاة فيه لعدم طهارته​

و أتحدى وحدة تقدر تقول غير هالكلام !!​

وهذآ فقط على سبيل المثال​

و لتوضيح أن مقارنة الآدآب بالتربية لآ تصح من نآحية الأفضلية بآلطآلبآت و النظافة !!​

،​

في من كل شي سيء أكيد ، بس تعميمج و تصويرج أن هذا هو الغالب بالتربية مرفوض ولا يمكن ان نقبل فيه بأي شكل من الأشكال​

بديت أحسن أن هالكلام لـ نظرة عنصرية أو فكرة مسبقة​

،​

أرجو الإعتذار من طالبات كلية التربية ، فما قلتيه جداً قاسي و غير دقيق​

و محشومة زميلتنا عن كل هالإفتراء إللي نتمنى التراجع عنه ​

،​

طبعاً لا أنسى الإشارة إلى أن جزء كبير من المسؤولية تتحمله القائمة التربوية ( الفاضية بس للشيلات )​

و أيضاً عمادة كلية التربية مسؤولة بشكل كبير​

،​

و شكراً على رايكم بكليتنا​

لكن مو ذنبنا صغر كليتنا ومبانيها المتهالكة وعدم توفير خدمات للطلبة والطالبات أسوة ببقية الكليات​

/​

شكراً للجميع و عذراً على أي إساءة ​

حبيبتي لا افتراء ولا مبالغات هذا اللي شفته بعيني و محد قالي عنه
ومالي شغل بالكليات الثانية لاني ماراح ادرس فيها الا جم مادة

و مو بس اللي يضايق الشوشرة بالقاعة
في برا القاعة و في بكل اقسام الكلية
​

وكلامي ماله علاقة بالعنصرية نهائيا ولا فكرة مسبقة و اتمنى من البنات عدم التأويل !
وتفسير كلامي على هواهم و يفهمون غلط
وياليت اي من السلوكيات اللي ذكرتها باي كلية و باي مكان تتغير ! مو بس بالتربية
بس لانها كليتي فـ بتكلم عنها !

وبالنسبة لمصلى الاداب او الاداب بشكل عام عن التربية فهذا رايج واحترمه حبيبتي
وغيرج يشوف الاداب افضل !

ولا ننسى ان مبنى الاداب مدرسة قديمة وليلحين ما شالله ما اشوف فيها اشياء تنفر بهالشكل الموجود بالاداب ! فـ زين منهم بعد

واكرر ان انا ما عممت ! انا قصدي فئة اشوفها بشكل شبه يومي ! شي يضايق:eh_s(1):

و مسألة ان هذا افتراء ! فانا ما يبت حجي من عندي ولا تبليت على الكلية
والدليل وايد بنات أيدوني 100%!
و عدل كلامج على التربوية ما شفنا شي ملموس للكلية للأسف !
ابي اي قائمة تتحرك بس لو شوي تنظم الكلية و ترتقي فيها و بمستواها !

وانا ما اشوف ان مبانينا متهالكة بالعكس اشوفها زينة .. بس العبرة باللي يخربونها الله يهديهم و يصلحهم

مشكوووووووووووورة واييد حبيبتي عالمرور وسامحينا على اي مضايقات
نورتي:eh_s(7):

 

[حنانك سر حبي]

وييع خذيت فيها ماده وكرهتهااا

اما سالفة السواقين هذووول كل مكان طفاقة مو بس بالجامعات استغفر الله عليهم هالهنود كل واحد راكبلي باص اقصد جيب هههه ويسوق فيه ولا يبي يصفط جدااام بس عشان ينام او، ينزل يسولف مع ربعه
والطلبه مالهم مواقف

يعني انت سواق اسفط اي مكان روح برا بس الظاهر معازيبه معلمينه على جذي او قايلينله

 

[ورور92]

كلامج حيل حيل منطقي
فعلا شذنبنا
صاحبة الموضوع:
وعلىى طاري الغش وتحضير بعض
ترا موجوده بكل الكليات
+
انه سالفة المكياج واللبس صح موجود
بس هم موجود بكل الكليات
بنات الشويخ والخالديه فيهم اللي مفرعه اللي ماتلبس لا حجاب ولا عبايه ولبس قصير
وهم بالاداب في بس قليل

وسالفة ان بالكافتيريا يحطون اغاني ويترقصون
معاج حق بهذي
بس ترا هذي تصرفات فرديه
لاتعمينها على كل الكليه

انا وياج حبيبتي موجودة بكل مكان داخل الجامعة و برا الجامعة
بس وحدة تحضر غيرها وتكون رفيجتها مالي شغل فيها والله يهديها

بس ان ما تعرفني و تييني اشكرا و تقولي حضريني :eh_s(1):؟؟ عفوا حبيبتي هذا ما اسكت عنه

وحتى بالغش اللي بيغش مالي شغل باحد بس لا تقرب صوبي !

والله شفيكم انا ما عمممممممممممممممممممممممممممممممــــت على احد
انا تكلمت عن هالفئة
والموضوع كله عن هالفئة مو على كل البنات ولا عن نصهم !!
الله يهدينا كلنا :**

حياج الله قاهرة عذالي للمرة الثانية .. نورتي :eh_s(7):

 

[اهذريبك~]

السلام عليكم ورحمه الله وبركاته ..*
بما انج يالغاليه حاطه الموضوع للنقاش انا بقولج مو جنه العنوان شويه قوي وظالم بحق كليتنا ؟*

اختي العزيزه انا طالبه كليه التربيه تخصص انجلش رابع سنه وخريجه إن شالله عقبالج وعقبال الكل*
حسيتج ظلمتي كليتنا حيييل .. ومن كلامج حسيتج لان الجو العام بالكليه ماعجبج صرتي تنظرين لكل السلبيات الموجوده انها عموم وغالبيه بالكليه واسمحيلي اقولج هالشي مو صحيح .. فعلا كليتنا فيها سلبيات بس صدقيني مو بالضخامه اللي صورتيها .. لاتزعلين من صراحتي بس انا ماشفت الوصخ اللي تشوفينه طايح بكل مكان !!!*
صحيح ان المباني قديمه ومتهالكه بس احنا مالنا ذنب بهالشي ان مو نفس الكليات الثانيه .. يالغاليه انتي توج ثانيه سنه وماتأقلمتي مع اجواء الكليه ولا خذيتي كلاسات عند الدكاتره اللي يهبلون ومحاضراتهم صج تطلعين منها باستفاده .. وتحسين فعلا انج طالبه جامعيه ولا تعرفتي على بنات طموحات ويهمهم مستقبلهم انتي قاعده تطالعين من بعييد وتحسسين نفسج بالخيبه والحزن*
وعلى سالفه ان ( بعض الاقليه القليله جدا ) انهم داشين يلعبون ومو جديات .. يالغاليه ترا لو دشيتي اي كليه ثانيه راح تلاقين هالنوعيه .. وهالشي على نفسها اهيا اللي راح تتضرر احنا ليش نسولف فيها ونعيش نفسنا بحزن وكآبه عشانها .. المسأله مسأله همم وشخصيات واحس ان من الصحي ان ننشغل بذاتنا افضل من ان نراقب الاخرين او شلون يتصرفون ..*

نروح لموضوع المسجد .. ياقلبي انتي متأكده انج تقصدين مصلانا ماغيره ؟ اللي يم الجبرات .. انا دايما ادشه على حزه الصلاه ومااشوف اكل ولا وصاخه بالعكس اقعد واشوف الكل نفسي ناطرين الصلاه ومن يأذن كلمن يقوم يصلي مااقصد اجذبج بس فعلا انا الحين بتم رابع سنه وماعمري شفت اكل وهالسوالف بالمسجد بالعكس بناتنا فيهم خير يصلون بدون وصاخه ..

اما الكافتيريا انا مالومج عالوضع اللي فيها .. بس عن الظليمه ياقلبي لاتنسين ان الكافتيريا مو حق كليه وحده الكافتيريا حق كليتين ومساحتها ماتكفي لان البنات ماشالله ششششششكثرهم بكليتنا فما بالج لو كانت كافتيريتهم مع بنات الشريعه وانا لما اشوف تصرفات ماتعجبني مااحب اعمم على اغلب بنات كليتي*
لاني قعدت وشفت شكثررر بنات موسطحيات وطموحات ويهمهم العلم فوق ماتتصورين وشخصياتهم حلوه وصدقيني ياقلبي انا اعرف بنات شكثر بكليتنا واللي تتكلمين عنهم اقليه


الشاحن وما ادراك ما الشاحن .. ياحياتي انتي فعلااا شرهتج بهالموضوع مو بمحلها كلش
*انا وحده اداوم والشاحن لازم بجنطتي لان فوني بسرعه يخلص شاحنه ودايما استخدم البلاكات الفاضيه اشحن فوني فيها ماستخدم بلاك قاعدين يستخدمونه الدكاتره ومع العلم ان دكاتره التربيه ودكاترتي الانجليزي بعد يشوفوني بس مايقولون شي لان مااتوقع ان بلاك موصل فيه شاحن وفون مغلق راح يعيق العمليه التعليميه او انه نوع من انواع قله الذوق وعدم احترام الاخرين ! *

ياقلبي اتمنى تكون عندج سعه صدر انج تتقبلين رايي انتي لانج مو متقبله وضعج بالكليه او مالقيتي صداقات تناسبج صرتي تشوفين كل شي سلبي عندنا ومايعجبج .. كليتنا مو كامله اي نعم عندنا مشاكل لكن ماتوصل مرحله ان ينقال عنها ( بدون تربيه ) ياعمري التعميم لغه الحمقى وانتي ان شالله انج مو منهم بس العنوان انا اشوفه ظاااالم وماارضاه على مكان قضيت فيه احلى اربع سنوات من عمري .. مكان طور من شخصيتي كثييييير .. مكان تعرفت فيه على شخصيات كثيره مو اقليه مثل ماتفضلتي في قمه الذوق والهمه العاليه .. وعلى دكاتره ساعدوني وساهمو بتطوير شخصيتي ..*

شوفي ياعمري في مقوله تقول : ( نحن نرى الاشياء كما نحن ، لا كما هي ) لذلك الموضوع كله بايدج وبنظرتج انتي لو ماكبرتي الموضوع على بعض السلبيات اللي موجوده بكل الكليات مو بالتربيه بس والتفتي للإيجابيات صدقيني بتحبين الكليه والمكان*

انا الحين كل مااتذكر اني بتخرج تدمع عيوني ومايهون علي المكان *

وما اخفي عليج ان موضوعج زعلني وخلاني اشعر بالظلم .. انا اؤمن بحريه الرأي لكني ما اؤمن بانه من المنصف انج تصفين الكليه بهالصفه القويه لمجرد انج شفتي اشياء موجوده بكل مكان وبكل الكليات .*

نصيحه لاتضيعين احلى *سنين عمرج *دراستج بانج تكونين متشائمه لهالدرجه القويه !*

وبالنهايه اشكرج واتمنى انج تتقبلين كلامي بدون حساسيه :eh_s(7):

اشاركها الراي وكل كلية فيها الشين والزين

 

[ورور92]

أنا معاج في بعض الأشياء اللي قلتيها
و أنا مستجدة هذا ثاني كورس لي بالجامعة بس فعلا فعلا أحلى أيام عمري فيها
و انتي شفتي السلبيات و ما قلتي و لا إيجابية وحدة
مو معقولة التربية بلا تربية و انتي شكلج إنسانة راقية بتفكيرج بس هالوصف أو بالأخض هالكلمة عيب تنقال
عيييييييييييييب و ما في شئ كامل
و بعدين إذا انتي صارلت سنتين بالجامعة و ما عندي رفيجأت فأنا أقول لأنج بس شفتي السلبيات
يعني مو مقولة كلية تضم أكثر 1000 طالبة مو زينين و كلهم فيهم عذاريب علشان جذي ما قدرتي ترافجينهم
حبيبتي لا تفكرين بهالتفكير السلبي بهالطريقة
أنا معاج إن في بعض الأمور مش ؤلابد بس مو معناته أحرم عمري من الوناسة في أحلى سنيني علشان بعض البنات اللي تقولين عنهم أقلية
و بالتوفيق للكل

ما قلت ايجابية لان الهدف من الموضوع معالجة السلبيات مو التذكير بالايجابيات
وبوجهه نظري السلبيات اكثر .. والحدلله على النعمة ..

بس والله انا اجتماعية لكن ما ذميت البنات بالعكس و نعم فيهم .. لكن اكرر ان الشر يعم و الخير يخص
وهاذي الفئة تخرب على غيرها ..

وبالعكس لما كنت اروح شويخ امشي و يسلمون علي البنات ويضيق خلقي ليش كليتي مو هناك و طموحي مو هناك !

ومشكورة عالدعاء اللهم امين اجمعين :*

 

[ورور92]

أساساَ معروف كلية التربية ثلاث أرباع طالباتها من أي فئة !​

وهي اساساً و العلم عند الله تقصد بكلامها [ بلا تربية ] هالفئة اللي تدرس و تمثل جزء كبير من كلية التربية !​

بدليل قارنتها بالشويخ وبمدري شنو !​

وأنا بعد أطالبهـآآ باعتذار للي ذمتهم بموضوعهاا لإنها حيييييييييل حيل تطرّفت وبالغت بالوصف !!!​

وفجرت بالخصومة بعد ​

اذا انتِ مو حابة المكان ومو متأقلمة ماله أي داعي تتهكمين بهالشكل المُتعصب اللي مافيه ذرة إنصاف أو موضوعيه !!!​

كأن بنات الشويخ مثلاً مُنزهات ,​

وبعدين على سالفة المكياج ترى دخنا والله !​

يبا شخباري اللي تحط مكياج من ورا اهلها ​

ولنفرض ان فيه فئه تسويها , كيفهم ..​

شمعنى الحين لما ننتقد السفور و لا نجيب سيرة بعض الشغلات اللي مو عاجبتنا تقولون لنا [ حُرية شخصية , ] وذليتونا على هالسالفه ,​

لكن لما توصل انتقاداتكم للفئة الثانيه !!​

سبحان الله تتحول السالفه لـ هلاقة , و قلة تربية , ووقاحه وذمم وسيعه وصياعه ومدري شنو !!​

اقول , ترى الشرع مايعرف هذي منقبه وهذي بس محجبه !​

المنقبه لا حطت مكياج صارت صاييعه​

والمحجبه لا عادي تصير كيوت وسمبل لإن لايق عليها !!​

لا قلبي اذا بتشوفينها من ناحية الشرع , اثنينهم بنظر الدين [ متبرجاااااااااااااااااااااااااااااااات كـ تبرج الجاهلية الأولى ]​

سواء ام نقاب ولا المحجبه ولا السفور حتى !!​

[ ولا تقولين انا ما قصدت المُنقبة , ترى حتى عديم المفهومية بيلقطها وهي طايره من بين السطور ] ​

فـ لا تبالغين بالتصوير , لمجرد انج كارهه الناس اللي موجودين بالكُلية !!!​

أو مو متأقلمة وياهم !!!!​

سواء انتِ أو غيرج بالموضوع هذا ​

رديت مره ثانيه لإني حاسة إني كوني إحدى طالبات كلية التربية , انظلمنا بموضوعج هذا !​

,
_________________________







اتمنى ما يتفسر كلامي و يتأول على فهم البعض ! انا مسؤوولة عن كلامي لكن مو مسؤولة عن فهم البعض :eh_s(7):

وفي بنات بشويخ و بكل مكان غير شويخ الله يهديهم .. بس بصراحة بكيفان اكثثثثثرررررر
واحنا كليتنا لازم تكون بشكل اولى ارقى كلية .. ..

وانا ما قلت بنات شويخ منزهات لان مالي شغل فيهم ولا شفت منهم شي ولا ادرس عندهم ولا كليتي هناك ولا معظم وقتي فيها


وانا ما قلت شي غلط ولا بالغت فهذي الفئة تستحق المدح بنظرج مثلا ..؟؟

وبمسألة المكياج فأحنا مالنا شغل فيها لكن هالسلوكيات مو سلوكيات معلمة و مربية مستقبل
ولا حلوة جدام الوافدين و الكليات الثانية

واحنا مو موضوعنا الحجاب ولا السفور ولا المكياج !
لا تشوفين هالموضوع من هالنظرة فـ بليز لا ندخل المواضيع ببعض
ومالنا شغل بحجاب البنات الله يهديهم و يهدينا ..

وعفوا منو قالج اني كارهه الناس اللي بكليتي بالعكس !
بس اكرر انها فئة اكرهها و احس انها من الفضاء اصلا :bbbiu:

واذا انتي تبين غصب " تـَـقـَصْديني " ان عن المنقباآت فـ بقولج
حتى دكتوري قال الغالبية تلبسه للعادات والتقاليد مو للدين!

واللي تتحجب تحترم حجابها ما تشوهه !

وصح كلامج كلهم متبرجات :rerrerek: والله يهديهم ويهدينا

وان شالله حبيبتي ما من ظلم واتمنى محد يتحسس او يفكر او يأول كلامي على هواه
تقدرين تسأليني
وانا اللي بقلبي على لساني

مشكوووووووووووووورة وايد على صراحتج .. نورتي حبيبتي
حياج الله :eh_s(7):​

 

[ورور92]

اشاركها الراي وكل كلية فيها الشين والزين

اكيد , عدل كلامج :*

حياج الله و مشكورة على مرورج

 

[ورور92]

وييع خذيت فيها ماده وكرهتهااا

اما سالفة السواقين هذووول كل مكان طفاقة مو بس بالجامعات استغفر الله عليهم هالهنود كل واحد راكبلي باص اقصد جيب هههه ويسوق فيه ولا يبي يصفط جدااام بس عشان ينام او، ينزل يسولف مع ربعه
والطلبه مالهم مواقف

يعني انت سواق اسفط اي مكان روح برا بس الظاهر معازيبه معلمينه على جذي او قايلينله

اي والله باص


اي اكيد قايلينله !!! بس اتمنى يتغير شي لان الطلبة احق بالمسافط

ولا شفايدة السايق اذا ياخذ مسافط الطلبة و يزحمنا

ولا يـشــل السير عن البوابة عشان تنزل الطالبة و بعضهم الله يهديهم جنها توها تدري انها اوصلت !!!! تعطل السير كللللللللللللله على ما تنزل !!

بس الشرهه على الجامعة مافي تنظيم كللللللش:eh_s(4):

حياج الله حبيبتي .. نورتي و عسى الله يوفقج :yaaaaaarb: