عسى ايدينج الشلل ياللي صورتي في برنامج خويلد

[قطيووه^_^]

يعطيج العافيه

 

[$ بنت علمي $]

الحلقة كانت تخرع..........الله يهديهم.....ويعطيها العافيةاللي صورت

 

[المـــــها]

في ناس يعانون من المس و من السحر يكفينا الشر و يشافيهم
انتوا ما تدرون شنو المس ؟؟؟؟؟
ما شفتوا أحد مسحور بحياتكم ...!!!!!!

عشان جذي تقولون ما يحتاج

مالومكم لأن ما شفتوا بعينكم


بس السحر حقيقة و موجود و في ناس تعاني و انقلبت حياتها منه و امرضت و حالتها حاله لا فاد فيهم لا طب ولا علاج
و في ناس فيهم مس الله يرحم حالهم

شيسوون بهالحاله ؟؟؟؟؟؟؟؟




أنا أقول لاااااااااااااااااازم يروحون لشيخ له خبرة و ثقة و إيمانه بالله قوي و يخاف ربه بالناس اللي يجونه

الجن مو أي واحد يتعامل معاهم و يطلعهم من الناس !!!






و لـــــكـــــــــــــــن !!!!!!!!!!!!!!!!!!!





الشيخ اللي شفته بحلقة خالد عبدالجليل و طريقته !!!!!!!!!!!!!!!!!!!!!!!!!!!!!!!!!!!!!

مادري شلون يتمشى راهي و يتكي عالطوفه كأنه بفسحه !!!!!!!!!!!!!!!!!!!!!!!!!!!!!!!



ترى اللي فيها مس أو سحر و بيطلعونه مو جذي علاجهم
صح إن اللي تعاني من هالحالات ما تحس بنفسها و تناقز و تصارخ و إلخ ..... لكن الله يرحم بحالها و الله وحده العالم شنو فيها


ما أعتقد إن علاج هالحالات يكون جذي بشكل جماعي !!!!!!!!!!!!


مشكوره

 

[3emya_Berry]

الي ششفتاه بالبرنامج تخلف للاسشف للحين موجود بديرتنا الحبيبه وجهل من بعض الحريم استغفر الله
مشكورة صاحبه الموضوع تسلم ايدينج

 

[ام عزيزان3]

انا شفت الحلقه
والمقصود مو ان خالد يطنز عليهم ولا موعاجبته الرقيه بالقرآن
المقصود ان الجلسات هذي اول شي موبالدين((الجلسات الجماعيه الي المقري يقري علي مجموعه وتطيح وحده ولاتقعد تصرخ الكل يقعد يقلدها بدون شعور ))
الي عرفناه بالرقيه ان الشيخ يقري علي وحده وحده,,,مويحطهم يحشرهم بمكان ويمكن حتي الي فيها شي بسيط يتلبسها الجن من هالسالفه,,وتدخل صاحيه وتطلع ملبوسه
والمذكور انكر هالشي ان مايجوز ولاكان موجود ايام الرسول صلي الله عليه وسلم
وعلي فكره الجلسات هذي كثرت وايد واكثرهم الشيوخ مومعروفين((اما الشيوخ المعروفين بالرقيه مايسون الرقيه الجماعيه))

وبعدين شفيكم كليتوا البنيه الي صورت,,يعني الحين الي يقري ماشافها تصور مبين واضح ان يشوفها,,,والحريم ولاشعره تبين كلهم متلحفين
الي تقول خل يرفعون قضيه علي صورت,,اذا مبينه وحده بعينها خل ترفع قضيه

وبعدين كلمه والثانيه قلتوا خالد عبدالجليل نسي اهو منو وشنو كان,,,,تري يابنات مافي احد معصوم من الغلط وتخيلي نفسك مكانه او اخوج مكانه غلط واخذ جزاه تحاكمونه طول العمر ,,وخلاص اي شي يقوله حتي لو علي حق تصيرون ضده علشان الماضي تحكمون عليه
اذا رب العالمين يسامح ويغفر انتوا لا خلاص تحكمون عليه ان طول عمره مومسموح له يتكلم كلمه والثانيه تعايرون

 

[Confused Girl]

والمشكله ان وايد اشوف بنات بالمنتدى كل ما قروا مشكلة وحده <<< انصحوها وقالولها روحي حق شيخ يقرا عليج ..

 

[هنـــد]

عدل كلامج

في في ناس ترقى ثقه ومعروفين

 

[عهود الحب]

خويلد صج فصخ الحيا

هو من حلقة سلوى و هو منهبل

يبيله من يكسر راسه عدل


وانا يبط جبدي لما يقول مابي اعرض هالحلقة وعندي سبعين موضوع ينطرون اعرضهم

بس هددووووني جان اعاند

جم مرة كرر هالكلام ؟؟؟ بعدة حلقات !!!!


لوع جبودنا

وطاح سوقه من زمان


قبل كنت الوم الناس الي يهاجمونه اللحين اقول حسافة عليك خنت حيلي

يا ولد ديرة ما مثلها ديرة

صرت تلعب باعراض الناس و تصور حريمهم

وتسوي اكشن على حساب ناس مرضى


استغفر الله احسه مريض نفسي

وماعاد لنا نفس نتابعه

ملللللللليييييييق حده و خلاص ماعاد له لزمة بالواقع

 

[عاليه 305]

وأنا أضم صوتي لصوتكم وأقول تسلم إيدج ياللي صورتي

وأنا اعتبر البعض من يدعي إنه يرقي على هالصورة مرتزقة

ويضحكون على عقول الناس باسم الدين للأسف ..

تسلمين حبيبتي عالموضوع

 

[المحسودين]

اانا من الللي يحضر عند الشيخ والله ثم الله ما رأيت منه الا كل خير ونصح لللاخوات ولنا واللي عنده يعاملهم كأهله ويبكي من شدة ما يجدن اما هالكلام النصب والتبلي على تفاهات وتعرض والباقي يرددون بلا وعي

خليهم يتقون الله
وهذه اللي دخلت كالخفافيش وصورت اعراض النساء

بالله من يرضاها لأهله ؟!!

والا عاد كل شي فوضى

 

[المحسودين]

حسبي الله على كل من يتعرض للأعراض

 

[golden tears]

صح لسانج يالجوهره انا مع كلامها قلبا وقالبا

 

[golden tears]

السحر موجود والعين موجوده بس صارت شماعه الكل يعلق عليها احزانه وفشله وهمه عليها
واحنا الله خير مجتمع كتوم اي واحد يحزن او يفشل او يحس بضيقه لا تبكي لا تبين همك للناس لين الواحد ينفجر ويتغير حاله ولمن يتعب فلان صابته عين او مسحور
مو لازم نحزن ونبكي ونصرخ بعدين نستغفر الله ونتوضا ونقرا قران ونصلي ركعتين شكر لله على الخير بالرغم من المشاكل لا والف لا
روحوا للمنقذ الشيخ اللي يقرا بصوت عالي لا خشوع ولا سكينه ولازم يخوزز ويمسك الراس عساس يشوف اذا فيج شي واذا تاثرتي من القرايه استمري واذا ما تاثرتي ما فيج شي (خوش تشخيص) بذمتكم اي وحده تعبانه نفسيا وايمانها ضعيف واول مره تروح للمكان ما تتاثر واذا رجعت للبيت لقت المعامله الملوكيه في البيت لانها مريضه
بالنسبه لطريقه خالد بطرحه الموضوع جيده ولكن طريقته غلط لانه ما له اي حق يتطنز ويصور النساء مايجوز اللي سواه بس الحلو انه تطرق للمتاجره بالدين

 

[yam_yam]

والله احسن شي الواحد يرقي نفسه و خلاص
القران و الصلاة و الاذكار احسن شي

 

[ツ Βαbŷ Fąčę ツ]

مآشفت الحلقه ...

 

[نــوره]

آنآ خآبرهـ آلرآقي يرقي بنت وحدهـ مو جمآعي ..!

 

[مزونة]

الله يحسن جزاء المسلمين
والله والواحد مايدري شيقول بس مرات الواحد يضطر يروح لشيخ غصب عنة خاصة اذا كان السحر اوالعين متمكن منة

 

[انصاريه قمره]

ما اعتقد الريال ذكر اسامي الحريم وفضحهم ولا صورهم مفصخين وعفيا عليك يا ولد عبدالجليل طلعت خيااس هالاشكال الودره واللي بيقرى يقرى لوجه الله مو يبيع كرتون مااي بعشره واهو ماخذه بدينار وشي ياعل فلوس هالمساكين زقوووم بجبده مو كل من حط لحيه وقصر الدشداشه قلتوا عنه دين هذا لو دين على قولتكم جان ما تسندلي عالطووفه حاط ريل فوق وريل تحت يا مال ريلك الكسر ويقرى كلام الله لا خشووع ولا رهبه
ويمشي يكفخ بالخيازرين ويتفل

 

[( المـلاك )]

انا شفت البرنامج وانصـــــــــــــــــدمت وقلبي عورني عالحريم الي هناك لاحول ولاقوة إلا بالله
حتى بدين الله قاموا يتاجرون فيه حسبي ونعم الوكيل
بس في شغله ضحكتني بالحلقة لمن حطوا راعي البيت مسوي له بقاله ماخلى شي ماباعه فيها حتى البرقع يبيعه هههههههه والفازلين بعد حتى الفازلين بعد مقري عليه ولا اهم شي كراتين الماي لمن سألوه مقري عليهم قال اي مقري عليهم كلهم انزين شلون قال عادي اقرا وانفخ عليهم كلهم نفخه وحده!! حشى مارد مو ريال
وتنكر الماي الي قارين عليه يعني فعلا ناس متخلفه والحريم حمدالله والشكر حيل يشرووون وكل شي يصدقون

100 %

 

[سعيدة بحياتي]

الى اخواتي الحبيبات
لكل من تصر بأن عمل هؤلاء الدجالين والمشعوذين صحيح
اهديها فتوى وزارة الاوقاف والشئون الاسلامية بالكويت ​

فتوى رقم 8 / 2011م ​

لابأس من الاخذ بالرقية الشرعية , وتكون بقراءة القرآن الكريم , وبالادعية المأثورة , والاولى أن يرقي الانسان نفسه لأن النبي صلى الله عليه وسلم كان يرقي نفسه , ويجوز أن يرقيه غيره من أهل العلم والصلاح والتقوى اذ لابأس من أن يلجأ الى هؤلاء فيطلب منهم الدعاء له , وقراءة القرآن عليه , قال تعالى { وَنُنَزِّلُ مِنَ الْقُرْآنِ مَا هُوَ شِفَاءٌ وَرَحْمَةٌ لِّلْمُؤْمِنِينَ ۙ وَلَا يَزِيدُ الظَّالِمِينَ إِلَّا خَسَارًا }( الاسراء : 82 ) الا أن ذلك لايعني بحال أن يمتهن اناس مهما بلغوا من العلم والصلاح مهنة القراءة على المرضى , والرقي لهم بوسائل كالماء والزيت وغير ذلك مقابل أجر يتقاضونه منهم عليه فان ذلك ممنوع شرعا , لما يؤدي اليه من مفاسد لاتخفي على القاصي والداني , ومن تورط في مثل هذه الامور فعليه ان يبتعد عن هذا الامر , ويقلع عنها , ويستبدل به الوعظ والارشاد , وتعليم الناس امور دينهم , ودنياهم , والله تعالى اعلم , صلى الله على نبينا محمد وعلى آله وصحبه أجمعين .

الوكيل المساعد
لقطاع الافتاء والبحوث الشرعية
الشيخ د. عيسى العبيدلي ​