عسى ايدينج الشلل ياللي صورتي في برنامج خويلد

[الأماكن]

للأســــف ما شفت الحلقة ... بس قالوا لي عنها

الحين قاموا يتاجرون بكل شي ... حتى كلام رب العالمين بيطلعون منه فلوس و ثروووات

الحين اللي سمعته الدخلة على الشيخ بـــ3 دنانير ... غير كرتون الماي و الدهن و العسل و الخ الخ الخ

استغفر الله

والله ما عاد اصدق شي بهالدنيا

الله يستر بس علينا

احسن شي الواحد هو اللي يقرئ نفسه والله

 

[قطوة@@]

ماشفت الحلقه

 

[bent-oboha]

لا حول ولا قوة الا بالله

 

[حور الروقي]

احمدوووووووووووووووووووووووووووووووو ربكم على العاااااافيه بس



وانا ضد المتجاره بالرقيه


نسال الله العفو والعافيه

 

[مهـــا]

بنات مو اي شي يحطه خالد عبدالجليل نصدقه ؟
واللي قاله الشيخ اللي بالرقيه الشرعيه كان يقرا آيات فيها اسم الجني واذا كررها يحترق الجن او يطلع مايتحمل
وامي شرت ماي مقري وكله البطول مفتوحه وقاعد يقرا قدامنا على باقي البطول وينفث

احنا شفنا بعيونا ونعرف ايات القرآن الكريم الصحيحه

انا شفت بعيني وسمعت باذني الايات يوم وديت امي وشفتهم يوم يقرون الايات بصوت مسموع وينفثون
الحين يجي واحد مثل خالد عبدالجليل ويعلمنا الصح والغلط واحنا نتبعه مثل الامعات ؟
خلاص مذيع بنصدقه غصب هذا مذيييييييييييع يعرف الصح والغلط
وبعدين مابينو الحقيقه للشيخ خالد المذكور وهو افتا على اللي شافه وانا متأكده بيرد بكلامه اذا سمع الايات صح مو تزوير ؟؟؟؟

 

[أفرض هيبتي]

نو كومنت

 

[مهـــا]

للأســــف ما شفت الحلقة ... بس قالوا لي عنها

الحين قاموا يتاجرون بكل شي ... حتى كلام رب العالمين بيطلعون منه فلوس و ثروووات

الحين اللي سمعته الدخلة على الشيخ بـــ3 دنانير ... غير كرتون الماي و الدهن و العسل و الخ الخ الخ

استغفر الله

والله ما عاد اصدق شي بهالدنيا

الله يستر بس علينا

احسن شي الواحد هو اللي يقرئ نفسه والله

لاتسمعين الاشاعات انا رحت مع امي للشيخ الدخله ببلاش ولعلمج عطانا كرتون ماي مقري وزيت زيتون ببلاش عشان امي تتسبح فيه وطلب منا مانجي مره ثانيه لأن علاجنا بيدنا وطلب منا نقعد بعد جلسة الرقيه عشان يكلمنا بحضور محرم وصج دقينا على اخوي بعد ماطلعو الحريم وقعد يكلمنا وعيونه على اخوي

وعلمنا شلون نرقي نفسنا والحمدلله امي تشافت من اللي هي فيه جزاه الله خير وانا كنت غافله عن امور واجد نبنهني فيها
للعلم بنات هو موظف والمطاوعه اللي وياه موظفين ويصرفون على بيوت ومايقدر يشتري ماي بفلوسه حرام ويبيع الماي نفس سعر الجمعيه تبونه يوزع ببلاش ومايوكل عياله وبيته ؟ زين انه مفضي نفسه عشان يرقي الاوادم اللي غافله عن ربها
والناس زاد خيرها وزاد حسدها لاحول ولاقوة الا بالله

 

[a7la_7b]

الحمد لله الذي عافانا ممن ابتلاهم وفضلنا على كثير من خلقه تفضيلا

 

[LA TROO7]

مو كل شي يقوله خالد نصدقه

واحمدوو ربكم عالعافيه كثير ناس يروحون للرقيه محتاجين لهاا

وساحر على قولتهم هذي كلمه بايه كان يرددهاا

يعني مصدقين ان الناس كانوا يمثلون !!! الله يشافيهم من السحر والا غيرة
الرقيه الشرعيه مجااازة بسنه رسولنا الكريم
والافضل رقيا الشخص لنفسه

 

[منو انا]

انا ماشفت البرنامج ومشكووره ع النقل والله يهديهم

 

[nandeny]

لا حول ولا قوة الا بالله

 

[بنت بابا جابر]

الله يهديهم

 

[جوري_2000]

نعيش ونشوف اكثر من جذي وساعات الواحد الله يبارك له وتزيد فلوسه ومايشبع ويكون عذابه بالاخره كبير ,وعمر الرقية الشرعيه ما كانت بالضرب

 

[قـہۈه فـرنسيـہ™]

ياناس ياعالم انتوا شفيكم قعدتوا تعمون وتدعون احمدوا ربكم على العافية اللي أنتوا فيها أحمدوا ربكم اللي ماحدكم تروحون

لمقرئيين آنا كنت أروح مع رفيجتي حرام عليكم لاتعمون وما رحنا للشيخ الا واحنا منحديين خفنا عليها لاتموت انتوا ماشفتوا

ولا جربتوا نصيحة من أخت لخواتها أحمدوا ربكم على العافية مابي أفصل أكثر من جذيه بس اللي صورت البرنامج أقولها

مايجوز تصورين ناس بدون أذنهم أنتوا يابنات ترضون أحد يصوركم بدون أذن منكم خلكم حقانيين وقولوا الصج ترضون

وفتوى الشيخ خالد المذكور نتفق معاه في أمور ونختلف معاه في أمور ثانية اختلاف وجهات النظر أمر طبيعي لكن فتواه مو

قرآن منزل والله صدقوني لو ماشفت رفيجتي بعيني ينطق بلسانها جان ماصدقت وانا والله مالومكم أذا ماصدقتم لأني كنت مثلكم

بس اللي شفته بعيوني عساكم ماتشوفونه يارب

:hjy5jewf:

معاج قلبا وقالبا .... وأقوووول الجمله اللي هي عنوان الموووضوع ... بصراااحه حلقه تستفز فيه شي من الصحه اللي هو امتهان القرآن الكريم وكانت طريقة الشيخ غلط....لكن بنفس الوقت خالد قاعد يتمصخر على هالمسااكييييييييييين ...اللي ملبوسه واللي فيها مس !! ليييييييييييييش مافيه وحده صج داخلها جني !! ولا مسحووووووره ..؟ وفوووق هذا عيب مصورينهم وين قاعدين !


لكن سبحان الله ...ربي يمهل ولا يهمل ...

 

[*احلام*الدجى*]

قال صلي الله عليه وسلم : (( يدخل الجنة من أمتي سبعون ألفا بغير حساب هم الذين لا يسترقون ولا يتطيرون , ولا يكتوون , وعلى ربهم يتوكلون )) رواه مسلم .

(( هم الذين لا يسترقون)) أي: لا يطلبون من أحد إن يقرا عليهم إذا أصابهم شئ، لانهم معتمدون علي الله،

بنات ترى القران واحد سواء انتي قريتيه او احد قراه عليج

بعدين الحلقه انا احس فيها شوية تمثيل ليش كل الحريم متغطين بالله ؟؟؟

 

[M!sS MOnatOO]

؛


نتفق ان الرقية تحولت تجارة وان الشخص يرقي علي
نفسة احسن وأظمن

بس مايجوز يصور الناس من غير علمهم مايصير انتي قاعدة وياغافلين لكم الله
فجأة تطلع صورتج بالتلفزيون ويشوفونها كل الكويت ويقعد
خالد عبدالجليل يعلق عليهم

منو عطاك الحق تكشف سترهم اهو يدور الاثارة مو أكثر يقدر يناقش
هالموضوع من غير هالتصوير
استغرب من اللي صورهم من غير مايدرون شلون مارفعوا علية
قضية مومن حقه يفضحهم جذي






.

 

[ToOoTi]

ياناس ياعالم انتوا شفيكم قعدتوا تعمون وتدعون احمدوا ربكم على العافية اللي أنتوا فيها أحمدوا ربكم اللي ماحدكم تروحون

لمقرئيين آنا كنت أروح مع رفيجتي حرام عليكم لاتعمون وما رحنا للشيخ الا واحنا منحديين خفنا عليها لاتموت انتوا ماشفتوا

ولا جربتوا نصيحة من أخت لخواتها أحمدوا ربكم على العافية مابي أفصل أكثر من جذيه بس اللي صورت البرنامج أقولها

مايجوز تصورين ناس بدون أذنهم أنتوا يابنات ترضون أحد يصوركم بدون أذن منكم خلكم حقانيين وقولوا الصج ترضون

وفتوى الشيخ خالد المذكور نتفق معاه في أمور ونختلف معاه في أمور ثانية اختلاف وجهات النظر أمر طبيعي لكن فتواه مو

قرآن منزل والله صدقوني لو ماشفت رفيجتي بعيني ينطق بلسانها جان ماصدقت وانا والله مالومكم أذا ماصدقتم لأني كنت مثلكم

بس اللي شفته بعيوني عساكم ماتشوفونه يارب

انا وياج
انا لو من بمكان هالحريم الله يشافيهم ارفع قضية على المحامي شلون يصور حريم جذي بدون استئذان

 

[lovely jojo]

لا حول ولا قوة الا بالله

 

[نيولوفر]

مشكو و و رهـ

 

[واقعية حـلـم !]

أنا ما أثق بخالد عبد الجليل و لا أحترمه


و عيب عليهم يصورون الحريم بدون علمهم


و بالنسبة للرقية ما عندي علم بهالموضوووووع و ما راح أفتي و الله لا يحدنا عليهم إن شاء الله


و المقالة حلوة و واقعية و فيها مستوى عالي من الموضوعية و الوعي