عزيز قومٍ ذل

[FAROU7 ALSALI7]

السلام عليكم

بغيت اطرح مشكلتي وان شا الله القى الحل منكم وادعولي عسى الله يسهل و ادري فيكم ما تقصرون

باختصار انا بنت بالعشرينات كنت عايشه عيشه زينه وعندي خير و كنت اصرف على البيت و على اخوي ومرته و امي ..وما اقص عليكم عرس اخوي كان يومين (يوم رياييل و يوم حريم) بالرايه و قطيت عليه اكثر من 50 الف ! لحد يقولي خبله لانه والله من غلاته اخوي الوحيد واصغر مني ..غير سفراته مع مرته و خدم و غيره من سوالف ..صارت بيني و بين اهلي خلافات كبيرة لانه اخوي ماخذ ورثي وصارفه على مرته وامي واقفه معاه لانها ما شا الله ماقصرت كانت تاخذ بالالاف و ما كنت اتكلم لانها امي
اما سالفه اخوي كانت قاهرتني و خاصه لما كمل ال21 واستلم ورثه.. الي شي طبيعي يكون ضعف ورثي!
امي رفضت رفض تام انه يردلي فلس واحد
لدرجه انه لما طالبته بحقي وصل الموضوع لي الطق و الله كنت يومها اتشهد لاني جد بغيت اموت
وانا بنت يتيمه و مالي احد لا عمام و لا خوال

عزمت يومها اهد البيت و اطلع اسكن بروحي(برضاهم)بدون ورثي وعايشه على راتب التأمينات بعد ماتكررت سالفه الطق وانطعنت بايدي

وانا طالبه و وراي دراسه بالجامعه والمفروض متخرجه من قبل 3 سنين لكن مشاكل البيت وايد و كنت ما اداوم بسبتها لاني مرات ماقدر امشي من الطق الي اكلته

الحال الي وصلتله الحين
اني صفيت هالشهر على دينار واحد بس- لاني قادره ادفع ايجار الشقه ولا شي
ولا حتى سيارتي راضيه تنباع! .. حتى اكل رفيجاتي يصرفون علي! و كل ما كلمت امي تقول مالج فلوس عندنا و لا تطالبين ولدي تكسرين رجولته و شخصيته
والله اني اكتبلكم و انا ابجي يعني والله مادري شسوي مسدوده من كل صوب والحمدلله
والله اني ادعي ربي ليل نهار
بس مستحيل اوصلها قضايا عليهم
وانا الحين صارلي سنه ساكنه بره وما سأل عني هالنكار بس انا الي ادق على امي اسأل عنه و امي الله يهداها بس عايشه عيشة مراهقات !

المهم يا بنات انا بس قلت افضفض لكم وآسفه اذا غثيتكم
وبس ابي منكم تدعون عسى ربي يفرجها علينا و عليكم

 

[دلع العتبان]

ياقلبي والله انا مااعرف ظروفج والله يعنيج بس شلون عايشه بروحج والله مااتامنين يطب عليج حرامي لاسمح الله

انا اقول اسكني مع اهلج وتحملي شتسووين والافلوس بطقاق اهم شي الامان والله

الله يعينج

 

[دلع العتبان]

عسى الله يرزقج ولد الحلال حياتي عاجلا امين

 

[نور الكويت ~]

الله يعينج ياقلبي بس صعبه طلعتك من البيت ردي لبيت اهلك والبنت من غير اهلها
ومن غير سمعتها ماتسوي شي راجعي نفسك اله يهديك​

 

[nanoo2]

الله يستر عليك ... حبيبتي مثل ماقالو الاخوات ردي بيت اهلك والله فيه بنات عايشات عيشه اصعب من عشتك ببيوت اهاليهم وممنوع عليهم اي شي حتى طلعه مايطلعون وصابرات ..طلعت البنت من بيت اهلها مو زينه اصبري وتحملي ونشالله يجيك ولد الحلال الي يعزك ويتر عليك ويكرمكي .

 

[كلي لحبيبي]

حبيبتي الي رزقج من قبل قادر يرزقج الحين ويوريج حوبتج فخوج ومرته وامج بطرفة
بس انتي ان شالله مأجوره لانج كنتي تصرفين على يتيم وحقج موضايع ان شالله

الزمي الاستغفار خليه على طول بلسانج صدقني بتحول اوضاعج
وبعدين اذا مالجأتي لربج بالظروف هذي متى راح تلجإين له ؟؟ منو عندج غيره اصلن !!



الله يصبرج ويعوضج خير ويرزقج بالزوج الصالح الي يصونج

 

[khawla&tito]

الله يفرج همج وينصرج يارب

 

[AL-DMERA]

شنو سبب أمج إنهاآ واقفه مع أخوج !!؟
وليش ورثج قبل أخذه أخوج بالغصب ولا بطيب منج !!؟
الحل إنج تردين لبيت أهلج دامج ماتبين الطق والمشآكل لاتتكلمين بموضوع الفلوس بس عالاقل مسكن تسكنين فيه ,,
وخليج متواصله مع أمج وبري فيهاآ والزمي الاستغفااار ,,
إذا سالفة الفلوس والورث تجيب المشاآكل لاتتكلمين فيهاآ وادعي ربج ينصرج واهو القادر إنها يردها لج بدون ماتتعبين
كل شيء بيده سبحأآنه ,,
وخليج عادي مع اهلج وردي علاقتج معاهم وخاصتاآ اخووج وكأن شيء ماصاآر ,,
وورثج راآح تردلج بإذنه سبحاآآآآنه ,,

 

[قاهره عذالي]

هذول الاهل

اذا صرتي طيبه معاهم

وفديتيهم بروحج

مايبونج ويسكنونج ويذلونج يعتبرون طيبتج ضعف وسكانه لا يقدرون ولا يقولون بنتنا

خاصه ان كنتي بنت

بس اذا ولد قدروج

الله يعينج وضعج صعب

الحين ورثج عندج؟؟؟؟؟

والا هو سرق ورثج؟؟؟؟؟ مافهمت

عن اي حق تطالبين

 

[قاهره عذالي]

مثل ماقالوا البنات ارجعي بيت اهلج

وخلااااااص

لاتكلمين اخوج ولا مرته ولا تعاملين معاهم ولا حتى تاكلين معاهم

وامج صراحه موقفها سلبي اللي حتى انتي تسالين هي ماتسال

اعتبري اللي بالبيت اجناب مالهم حق عليج وعيشي كانج لحالج

 

[روح مغليهاM]

الله يفرج همك وينصرك ويرزقك بالزوج الصالح يارب

 

[قموشه21]

شنو سبب أمج إنهاآ واقفه مع أخوج !!؟
وليش ورثج قبل أخذه أخوج بالغصب ولا بطيب منج !!؟
الحل إنج تردين لبيت أهلج دامج ماتبين الطق والمشآكل لاتتكلمين بموضوع الفلوس بس عالاقل مسكن تسكنين فيه ,,
وخليج متواصله مع أمج وبري فيهاآ والزمي الاستغفااار ,,
إذا سالفة الفلوس والورث تجيب المشاآكل لاتتكلمين فيهاآ وادعي ربج ينصرج واهو القادر إنها يردها لج بدون ماتتعبين
كل شيء بيده سبحأآنه ,,
وخليج عادي مع اهلج وردي علاقتج معاهم وخاصتاآ اخووج وكأن شيء ماصاآر ,,
وورثج راآح تردلج بإذنه سبحاآآآآنه ,,

< معاها قلبــأ وقالبــااا

 

[المرتاحة]

الله يكون بعونج ما عندي شي اقوله

بس حاولي انج تتقربين من امج

والبيت اللي ساكنه فيه امج واخوج همن اهو بيتج قعدي فيه ولو تقدرين تقسمينه وتصير لج شقه مستقله فيه يكون احسن علشان تفتكين من المشاكل اذا اخوج مشكلجي

 

[Nor3eni]

البنت مالها الا بيت اهلهااا ..
مو حلوة تسكنين بشقه وبروحج ؟؟!

 

[غير كل الناس]

الفلوس وصخ دنيا

الله لايبارك فيها فرقت اخوان وشتت عوايل

 

[شقـــرديه]

واااي حاالتج صعببه حيييل
نصيييحه مني ردي بيييتكم وفلووس التامينات خليهم لج ولاتكلمينهم مثل ماهذا بيتهم بييتج اذا خذا ورثج البيت لج نصيب فيه
وخلج عايشه مستقله جنج بشقه بس على الاقل جدام الناس وحتى لو يا احد وخطبج ماتدرين يمكن اييلج ولد الحلال وترتاحين

 

[بنت الاحلام]

الله يفرجها عليج يا قلبي وساعدج ياررررررررب

 

[Unusual]

ردي بيت اهلك ، مثل ماامك واخوك لهم حق فيه ، انتي بعد لك حق فيه ،،
ارجعي لبيتك معززة مكرمة ،،

والمفروض انتي من البداااية ماصرفتي فلوسلك ع اخوك وغيييره ،، حتى لو انك بتساعديه ساعديه بالمعقول
هذا هوو اللحين مافكر في تضحياتك ..

ردي البيت ،، ووفري فلوس الايجار والأكل لك وكملي جامعتك ووان شاءالله ربي يرزقك بوظيفة تغنيك عن منة خلقه ..
ووولا تفتحي معاهم سالفة الورث ،، اذا لك حق لسه مااخذتيه من مال ابوك ان شاآءالله تقدري تاخذيه ..

اما اللي صرفتيه عليهم ف اطلبي من الله العوض .. وربنا يوفقك ويستر عليك ..

 

[ســتارز]

انتي الحين جربتي السكن بروحج ومشاكله خلاص قومي لبقي اغراضج وردي بيتج

ياقلبي البنت مو مثل الولد حتى لو شنو اهي درجة الخلافات مالازم تهد البيت وتطلع

ردي وطنشي تعليقاتهم وعيشي معاهم والله يهدي النفوس

 

[Tom ♥ Jerry]

.


مآدري شقول انربط لساني ! معقوله جذي يصير بالدنيا :|

حبيبتي مهما يكون هذول آهلج باجر يسألون عنج الناس
شنو يقولون بنت ساكنه بروحها بشقه

لا تقولين ظروف ، مهما يصير البنت ما تسكن بروحها
لو متزوجه أوكي | بس بنت بروحج صعبه

انا اقول أول حل آنج تردين بيت ابوج ! لازم لازم تردين !
مآ تبين تشوفينهم أوكي قعدي بروحج بالدار
الهي بـ النت روايات قصص كتب سوي اعمال يدوية اي شي
بس المهم ما تقعدين بروحج @@ !

هاذا شي الشي الثاني انسي سالفه الورث الي صار صار
قولي بس حسبي الله و نعم الوكيل
و وكلي أمرج لله اشتغلي و صرفي على نفسج و بس !

و عليج بالدعاء و الصبر