عزيز قومٍ ذل

[FAROU7 ALSALI7]

شكرا يا بنات على تفاعلكم بس الظروف ما اسمحتلي اني ارد مبجر

حبيباتي والله لو بيدي اتم فبيتنا جان تميت بس للاسف انا ما احس بالامان فبيتنا لانه في اشياء اكبر ومثل ما قلت طلعت برضاهم وكان يوم المنى..اما امي واقفه مع اخوي لأني اساسا ما اعرفها عدل.هي تزوجت من كان عمري سنتين وكان يدي حارمنا منها ومانشوفها خير شر.. ما شفتها الا لما صار عمري 17 سنه .. و بصراحه شفت تعاملها مع اخوي غير حيل و ماتلقيني ويه و بس تبيني اصرف لي درجه فتحتلها حساب بروح و مو كافي!
وبيني وبينكم امي هي الي طاعنتني بيدي مو اخوي.. يعني هذا الي قهرني والله عقلي اكبر من عقلها و امي كلش متشببه حيل و كله سفرات وطلعات مع رفيجاتها
والحمدلله المكان الي انا فيه كله عوايل و سيكيوريتي وكاميرات بكل مكان وانا نظامي ما اطلع وايد بين هالكتب والتلفزيون واللاب

 

[لورا آشلي]

تبين الصراحه موضوعج جدا غريب و فيه حلقه مفقوده بسالفتج

يعني قبل كنتي تصرفين عليهم من وين ؟؟ ممكن تفهمينا

عشان نقدر نساعدج ؟؟

 

[FAROU7 ALSALI7]

كانت تسحب الوالده من حساب شئون القصر بما انه عندها التوكيل
و بس كملت ال21 قبل جم سنه
انتكس الوضع زياده

 

[سكوتي بذوقي]

لاحول ولا قوة إلا بالله

امك بدل ماتوقف معك توقف معاه

هو ولد مايضره شي ويقدر يصرف على نفسه

لكن انتي بنت البنت أهلها يحافظون عليها أكثر

بدل ماتردك للبيت وتقول له اطلع برا مع زوجتك تطلعين انتي برا

الله يصلح الحال يارب

ربي يرزقك بالزوج الصالح اللي يعوضك يارب

 

[المرتاحة]

لج الله حبيبتي

انا ما توقعت الموضوع جذي.!! امج الله يهداها جاسيه اذا كلامج صحيح

مشكلتج تحيير

 

[FAROU7 ALSALI7]

الله الهادي
على قولتهم
" و من هو غير الله لنا "

 

[يارب محتاجك انا]

الصرااحه كلام يقرقع بقلبي ابي اقووله سامحيني ان ما قلته غيري بيقوله و اصلاً انتي عارفتنه
اخـوچ نااااكر جمـيل فعلاً و لا احترم ولا قدر طيبج و مراكضج ورى حياته الجديده اسمحيلي هذا
مب رجـال و اغلب الذكـور في ذي الزمن چي مب فقط اخوج والله قلـبي معورنـي ع حالتج بس ربي
قاااادر مقتدر دااااومي ع قيام الليل و اهم المهم الي لابد انج تسوينه باقرب فرصه ( ردتج لبيت ابوج >>
ذي مب بيتم هم بس لآ لچ حق فيه ردي ليييه و اشتري طيب السمعه و الامـان و الزمنذي مثلج عااارف
الرياييل ما يحترمون وحده ابشقه لو ايش و كيف بدت هذا نمط تفكير المجتمعات الشرقيه و لا الومهم
لانه شبهه انتي طيبه و قلبچ حنييّن و ذي الناس ما تدري و لا راح اتقدر !! ارجع البيت و سوي فيه نظام شقة لج
براحتج و اذا امج ما فيها خير لج لا تتعبين نفسج عامليها بالحسنى و الاحترام لرضـى الله مع احترامي امج
ما قدرتج و لا احترمج و عاااادي كلوو حقج و قطت عالحديده المهم بريها لوجه الله و ارجعععي بيت ابوج باقرب فرصه
و اخوج هذا خل يولي و صدقيني ( كما تديت تداااان ) جذي ولا جذي الحق رااادج راااادج و هذا وعد الله للمحسنين

 

[سفيره الكويت]

حسبي الله ونعم الوكيل نصيحه تقربي من الله اكثر وقت المحن سمعي حبيبتي..!

افضل حل يكون عندج مصدر ثاني للدخل على الاقل يا تشتغلين بشركه وتحسنين مصدر الدخل عندج او تشوفين لج الزوج الصالح شخص

مطلق او شي لانه مستحيل بهالوضع ييلج اول مره بس شوفيلج واحد زين وتفاهمي معاه وخل يقدر ظروفج والله يوفقج ولا بصراحه

مع احترامي امج واخوج مجرمين على الاقل يرد لج اخوج جزء من المبلغ بس مايبين بعينه وانتي لانج اصيله وفيج الخير ماقصرتي

معاهم ولو فيهم خير سالو عنج ماخلوج تطلعين بشقه بروحج عموما خلج بعيد عنهم والله يوفقج بعيد عنهم وحاولي تزورينهم بالاعياد..!

 

[سفيره الكويت]

انا ودي تردين بيتكم على راي البنات بس المشكله اهلج مو هينين سنه ولا قالو لج ردي

 

[نور مغليها]

حبيبتي الله يعينج ويسَآعدج يارب

 

[*الهنوف*]

مادري لاتزعلين بس السالفه ملخبطه شوي
اخوج غالي عليج وصرفتي عليه وفجاه تغير
وطق يوصل لي انج ماتقزرين تمشين

في شي ضايع

امج الظاهر تبي تعيش عمرها وانتي يمكن غاثتها ففضلت انها تبعدج عنها باي طريقه
بس اخوج شغايته ياذيج؟؟؟؟؟ شنو سبب المشاكل اللي بينج وبين اخوج ليش فجاه تغير عليج

الخلاصه طلعتج من البيت اكبر غلطه بحياتج وشوفي نواتجها كاهي بينت وبتزيد
اولها مولاقيه مصروف وسيارتج عرضتيها للبيع
وباجر بتزيد المصايب ويمكن تطلع عنج سوالف موزينه ..فاهمه قصدي ..حتي لو المكان اللي انتي فيه امان وعوايل بس الناس بتقول هدت بيت اهلها وطلعت ليشششش؟

ردي بيت اهلج وعيشي لعمرج وتحاشيهم ووفري فلوس الاجار
قعدي بدارج ولا تخالطين اخوج
وباجر باذن الله تتزوجين وتفتكين
*

 

[*الهنوف*]

احنا انشالله معاج لين نلاقي لج حل لان للحين موعارفين السبب اللي يخليج تطلعين من البيت وتعيشين بروحج وانتي بهالعمر

 

[FAROU7 ALSALI7]

مادري لاتزعلين بس السالفه ملخبطه شوي
اخوج غالي عليج وصرفتي عليه وفجاه تغير
وطق يوصل لي انج ماتقزرين تمشين

في شي ضايع

امج الظاهر تبي تعيش عمرها وانتي يمكن غاثتها ففضلت انها تبعدج عنها باي طريقه
بس اخوج شغايته ياذيج؟؟؟؟؟ شنو سبب المشاكل اللي بينج وبين اخوج ليش فجاه تغير عليج

الخلاصه طلعتج من البيت اكبر غلطه بحياتج وشوفي نواتجها كاهي بينت وبتزيد
اولها مولاقيه مصروف وسيارتج عرضتيها للبيع
وباجر بتزيد المصايب ويمكن تطلع عنج سوالف موزينه ..فاهمه قصدي ..حتي لو المكان اللي انتي فيه امان وعوايل بس الناس بتقول هدت بيت اهلها وطلعت ليشششش؟

ردي بيت اهلج وعيشي لعمرج وتحاشيهم ووفري فلوس الاجار
قعدي بدارج ولا تخالطين اخوج
وباجر باذن الله تتزوجين وتفتكين
*

باختصار

تــزوج و تغير للاسف

 

[FAROU7 ALSALI7]

الود ودي يقولولي ردي
بس الوضع تغير معاهم
انا حتى يوم كنت فبيت اهلي يولنا خطاطيب و رفضوهم كلهم على اساس الوالده تقول بنتي مو للزواج بتدرس برا الكويت
وانا مادري شنو الهدف من هالحجي هذا كله

ولما افكر بوضعي الي كان بالبيت جسمي يكش اخوي مجرم مجرررم تكرمون حتى مفتاح حمام ما عندي مع انه عندي دور كامل بالبيت و البيت كبير و4 ادوار و الي يشوفنا برا يقولون هذيل عايشين احسن عيشه

والله يا بنات مادري شقولكم.. بس في مره حلّق شعري عالصفر.. وامي لما درت ضحكت و قالت ميانين وطنشت الموضوع .. وانا مو متحجبه ولا امي متحجبه.. متخيلين الوضع امانه؟ والله اضحك و ابجي بنفس الوقت... انا كرهت الرياييل بسبته و كنت ادرس هندسه بجامعه خاصه وغيرت تخصص و حولت حقوق! والله ودي اقدم على الشرطه بس مادري شلون طولي ما يساعد بس ان شا الله يستثنوني لانه ابوي شهيد

والي تعرف شي عن موضوع الشرطه و شلون اقدم تراسلني عالخاص امانه

 

[بنوته كيكه]

شوفي اختي فلوس تروح وتجي
شوفي سمعي نصحتي حولي تردين البيت وتسكنين عندهم بس خلي لج باب بروح
وقعدي علشان توفرين افلوس حق الجامعه وانشاءالله ربي يرزقج في الي عوض عليج

 

[سفيره الكويت]

ممكن سؤال وتجاوبين للامانه صاحبه الموضوع ؟

انتي بينج وبين اخوج شي ثاني يعني صايد عليج شي طايح عليج تكلمين مثلا ولا المساله بس من طالبتي بفلوسج سوالج هالحركات؟

واذا كان جذي !

لازم تتصرفين دوري لج دخل اخر على معاشج اشتغلي قضي وقت فراغج بوظيفه ثاني شغله يفضل انج تتزوجين بدال قعدتج بروحج

يعني بس اهم شي تدرسين الريال عدل قبل ماتاخذينه واذا على وضعج افضل طريقه تشوفين لج خطابه ويخطبونج ببيت اخوج وفهمي

اخوج انج بتزوجين بعدين طلعي معاه بشقه والله يوفقج وترى محد دايم لاحد الحين

 

[FAROU7 ALSALI7]

لا اختي مستحيل اكلم انا مستحيييييييييييييييل
ولا فبالي ولا احب حركات اليهال هذي ولا حتى اروح اماكن مختلطه وايد
حيل حيل بيتوتيه



بس اهم ما علي الحين اني اشتغل و فبالي اقدم عالشرطه والي تعرف شي.. شلون اقدم وغيره تساعدني عفيه

 

[قاهره عذالي]

سفيرة الكويت

لاتحطين ببالها انه الزواج هو الخلاص

الرجال اذا شاف ماوراها اهل ترا ماراح يرحمها

فما بالج بام واخو مثل هذول

مو طبيعين

الحين الرجال بروحه ماينقدر عليه وهم لحاله

اللي امها وابواها واخوانها معاها وواقفين معاها يالله يقدرون عليه ويالله يهاب البنت ويحترمها غصبن عنه

مو طيب

لا عشان هايب اهلها

اما اللي مثل حالتها لا تقولين زواج

انتي ماتدرين ترا اغلب رجال هالوقت وخصوصا بالكويت صعبين

لا وتقولين لها مطلق شدراج يمكن مو زين يمكن تقول ياليتني على هم اخوي وامي ولا واحد غريب باسم الزواج يهين ويطق

ترا الرجال مافيها خير

تستضعف لما تشوف الوحده اهلها ضايمينها ومايقدروونها ولا تسوى شي عندهم

يزيدها همها هم

ومثل ما يسوون يسوي فيها والعن

خلي الاخو على الصوب

كلش الام مو طبيعيه صراحه الله يعينها

انا ابي افهم

الحين الناس لما يشوفون انه في بنت اهلها ظالمينها ويعاملونها بطريقه مو طبيعيه

ليش لازم تفكر انه هالبنت هي المذنبه وهي السبب حتى لو ماعندها ذنب

 

[قاهره عذالي]

اختي صاحبة الموضوع

امج طاعنتج بسكين بايدج

وما قالت بنتي

شنو هالمجرمه هذي مو ام

لا وتدقين عليها وانتي بعيد

وهي ماتدق

حسبي الله عليها من ام حسابها عند الله عسير

لا تكلمينها خليها تولي هذي مو ام

نقول في اخوان ذكور واجد يتسلطون على خواتهم ويطقنوهم وياذونهم جذي بس لانها اخت

اما الام تبقى ام

خاصه انج تقولين ماعرفتيها الا بكبر

كلش ماعندها قلب هذي ولا عقل

الله يعينج

عيشي لنفسج ولاتفكرين باحد هذول مو اهل لا ترجين منهم قاطعيهم مره وحده حتى لو رجعتي البيت

اعتقد كبير وواسع دام اربع ادور ومحد راح يحاجيج فيه

والبنت اللي مثلج مستوره الله مايخليها

الحين اهم شي ركزي فيه دراستج

تخرجي واخذي الشهاده الجامعيه

وانسي سالفة الشرطه

ترا شكثر بنات تحسفوا

الداخليه وزاره مو حلوه للمراه

 

[سفيره الكويت]

لا اختي مستحيل اكلم انا مستحيييييييييييييييل
ولا فبالي ولا احب حركات اليهال هذي ولا حتى اروح اماكن مختلطه وايد
حيل حيل بيتوتيه



بس اهم ما علي الحين اني اشتغل و فبالي اقدم عالشرطه والي تعرف شي.. شلون اقدم وغيره تساعدني عفيه

انتي جامعيه تقولين؟ انزين شنو وضعج موظفه ولا شنو؟؟!

وشمعنه بتدشين الشرطه!!

:eh_s(10):