عرفت تقريري

[مرسى الورد]

ماعليه حبيبتي لاتنقهرين
الله يعوضج مو صحيح الكلام اللي يقولونه ولاتصدقين ان المعلمه التعيين الجديد ماتاخذ امتياز من اول سنه لا في ناس تاخذها لا وبعد امتياز مرتفع96٪ بس تكون قويه وتثبت نفسها بجدها واجتهادها وعطائها المتميز داخل الحصه مع حرصها الشديد بقبول اي تكليف من الاداره
بس فعلا في بعض المدارس اللي تتشدد بتقاريرها مع المعلمات الجدد منهم والقديمات بعد
بس اذا انتي فعلا حاسه انج قويه بمادتج العلميه وماعندج غيابات وعلاقتج ممتازه مع الاداره ولج انشطه مميزه قعدي قعده وديه مع رئيسة القسم
وشوفي وين نواحي القصور من حقج تعرفين

 

[طموحه بزياده]

يالله ماعليه

الله يوفقج وتاخذين امتيازات السنين الجايه


حاسه بشعورج اكيد قهر وكنتي متوقعه نتيجه افضل


ماعليه انتي خلي هدفج احتساب الاجر ثم تدريب نفسج وفهم الحياة العملية وانا ضد اتعب روحي عشان رضا الناظره وعشان تعطيني امتياز

مادري اشوف من نفسي بهتم بحصصي وبس لان مو كل الادارات يقدرون كل الاعمال

 

[هيبة ملك]

انا. خذيته. من. اول. سنه وقبل. كم. سنة. جتنا. ناظرة جديدة. وللاسف ماعطتني. حقي. من. يومها. حلفت. ما اسال. عن. تقريري. وانطر الاجر من. الله ..وماسوي. لهم. شي. واخذ طبيات. واستاذن. وارفض بعض طلباتهم. وعشت. مثل. غيري. ..لكن. بحصتي. ماخلي. عليها قاصر. وكانهانموذجية وكسرت عينهم. وخذيت. الامتياز. ولي. الحين. على هالحال 3سنوات. حصتي. وبس..بعض. الادارات. ماتستاهل. اللي. يخدمها

 

[بنات حواء2]

بنات اذا ابي اعرف تقديري شلون ؟؟ وين اسأل

 

[بنات حواء2]

اوافق اختي مريم ص في الراي لا تشتكين لان هشي للاسف ضدج مو معاج حتى لو كنتي مظلومه

 

[كويتيه cool]

والله عمري ما قلت لا حق الشغل الاداري وأي فعاليه بالمدرسه لازم اكون حاطه بصمه حتي قيمه الاسبوع عطيت الناظرة هديه فخمه وطالبتها من برا ويوم من الايام كان اشرافنا واختبار بالمدرسه فترتين و عطوني فترتين الوحيدة اللي بقسمي ،، وكان عندنا تصحيح الصف العاشر و بنفس اليوم تصحيح صف ١٢ بالقادسيه وما قلت لا اي شي اطلبوه مني سويته وفعلا ما سويت درس بس سويت معرض وكانت علي مستوي وحاطه اسمي أني مسويته بس ما بين بعينهم شي والحمدالله رئيسه القسم كل ما تدخل تقول حق الإبلات والله فلانه قويه بحصتها

 

[كويتيه cool]

بس اشلون ضدي خل اعرف

 

[رزه مرتزه]

حبيبتي انصح نفسي وانصحج اذا شي فووق طاقتج وشغل يضر حصتج وماله دخل بحصتج يحق لج ترفضين بأدب وخلي الرابط بينج وبين الاداره رئيسة القسم يعني ذاك اليوم الي كان عندكم فترنين وتصحيح وكنترول القادسيه كان كلمتيها وقلتي ما اقدرر

عالعموم شي وصاار بس مستقبلاً شي يضر صحتج ويرهقج وفوووق طاقتج ما فيها شي اذا قلنا لا احنا بالنهايه انساان مو ربووت حتى الربوت اذا على هالشغل بيطق وينفجرر

 

[متفائله بالحياة]

أنا مع اختي مريم ص ماأنصحج تشتكين وانتي ببداية
حياتج العملية , لو تكلمين الناظره أفضل على الأقل بتعرفين
بشنو قصرتي الوحده منا مو كامله للكمال لله سبحانه وممكن
بمناقشتج لها تتعرف عليج أكثر (لانه من كلامج اهيا ماتعرفج عدل )
وبهالطريقه باذن الله راح تنصفج هالسنه .
والأهم من هذا كله احنا ببداية سنه جديده انسي اللي صار ابدأيها بحماس جديد
وروح جديده ولااااا تخلين الاحباط والضيق يسيطر عليج خلاااص اطوي هالصفحه .
وعسى ربي مايضيع تعبج ويوفقج ويوفقنا أجمعين