عرفت تقريري

[مريم ص]

انا رئيسة قسم. و سويت لمعلماتي من بداية السنه اجتماع مهني عرضت لهم بنود التقارير
عشان كل وحده اتحسب لنفسها اشلون توصل للامتياز
وفي نهاية السنه في مدرسات اعرفوا تقاريرهم و ازعلوا علي
فقلت لهم يطلبون من الناظره ان يشوفون تقاريرهم و اذا انا قصرت عليكم بالبنود الخاصه فيني تعالوا كلموني
اكثر النواقص تكون بالاشياء الادارية و الحضور و الغياب و هذا مالي شغل فيه

ملاحظة الناظره اهي اللي تقرر الدرجات احنا بس انوضح دور كل معلمة و انجازاتها

 

[كويتيه cool]

الناظره انا مو محتكه فيها وايد ويمكن حتى ما تعرفني لان دشت علي مره وحده بس و غير جذي اقعدت ثلث ساعه لان دشت على ثلاث ابلات بنفس الحصه واليوم

والموجهه نفس الشي

يعني كل شي بايد رئيسه القسم اهي عارفه وشايفه

وانا ما قصرت بالاداره كل شي سويته الى درجه اخاف اخذ عرضي ويتورطون ان مافي احد يسد حصصي غياب ماعندي بس طبيتين و استئذان يمكن 5 مرات بالسنه وكان ضروري غصب علي

والمراقبه اكثر ابله خذيت وبشهاده اللي كانت تحط الجدول

حتى ابلات مو من قسمي عارفيني ان عمري ما قلت لا

 

[نماين]

مالك الا رئيسة القسم تواجهينها
و طبعا باسلوب حلووو
عشان ماتحقد عليك
وحتى الموجهه و الناظرة قولي لهم ابي امتياز شنو اسوي عشان اخذه ؟؟

 

[ملامح بريئة]

ماينفع السكوت عند الحريم واجري من رب العالمين ماخذته علي حصصي مو علي الشغل اللي فوق طاقتي والله قاعدة اكتب وانا معصبة انا من اول سنة ماخذة امتياز غصبن عليهم مدام مااغيب ليش ما اخذ الحجة علي اللي تغيب وعندها سلبيات بالشرح وضبط الصف لكن اذا صرت متمكنة بشهادة الرئيسة لان الرئيسة كل الاعتماد للناظرة والموجهة عليها ليش ما اخذ واذا فيني عيوب وماعطتني ليش ما نمتني مهنيا انا الحريم ما ينفع اللي اللي تسال عن التقرير ويموتون قهر كانه من جيبهم لا والله اللي تسكت يضيع حقها نصيحة واجهي واذا اطلبوا شي اضافي قولي خلو اللي تعطونهم تقارير يشتغلون وناشبي الموجهة والناظرة باسلوب طبعا عشان يحسبولك الف حساب وانتي تعرفين الامتياز بالهلوزارة الزفت لازم ٢ ورا بعض حق اي ترقية او اي شي ويارب ينصرك عليهم ويعوضك

 

[فلامانجو]

كويتية كول
انا نفس ضعج بالضبط ويمكن اكثر بعد
ماخليت شي للمدرسةماسويته حتى تاخير مااتاخر كنت!
وكرفوني كرف للقسم واخر شي لما عرفت تقديري اخر السنه بجيت لاني حتي وانا مريضه وعندي تقرير طبي مااتحرك من فراشي والله داومت وتعبت واخرها ماقدروا مجهودي
ولعلمج ترى خلصت السنه والناظرة ولامره دخلت علي!
وانا قررت مااعطي من عمري لان في النهايه راح يعطونج على مزاجهم عشان جذي بشد حيلي بحصصي وبس اما اكرف لهم لا والله

 

[zqertya]

اكيد انتي ادرسين بنات صح ؟؟

في مدارس سياستهم ان اليديده ماتاخذ امتياز بس الحمدالله انا خذيت بس طبعا ما يحطون لج فوق ال 94 يعني انا صارلي 3 سنين اتوقع كله حاطن لي 92 ولا 91 جذي جنه مو قاعده تتعبين اقولج شغله وتاخذين عليها يمكن 98 هههه في حالتين اذا كنتي واافده واذا دفعتي فلوس او سويتي شي على حسابج مثلا صبغتي ممر ولا سويتي شي في فلووس مادري بس ادارتنا احسها تمشي بهالاسلوب وطحي مع الناظره خلج جريئه وملسونه تاخذين حقج وزود

انزين اشدعوه خلي واسطتج اطلع تقديري

 

[sasa1234]

وانا ما قصرت بالاداره كل شي سويته الى درجه اخاف اخذ عرضي ويتورطون ان مافي احد يسد حصصي غياب ماعندي بس طبيتين و استئذان يمكن 5 مرات بالسنه وكان ضروري غصب علي

والمراقبه اكثر ابله خذيت وبشهاده اللي كانت تحط الجدول

حتى ابلات مو من قسمي عارفيني ان عمري ما قلت لا

4 استئذانات بالشهر من حقج ولج يومين عرضي كل كورس وطبيات 15 يوم بالسنه ما تنقص من تقديرج وترى الامتياز بمزاجهم وانتي جربتي
وليش تاخذين مراقبه اكثر من غيرج حالج حالهم نفس الشهاده نفس التعب

 

[كويتيه cool]

ومنو قال ما دفعت من جيبي يوم المعلم والعيد الوطني ومعرض الاغذيه و تكريم المتفوقات والبرامج الاذاعيه دائماً اسويها علي مستوى والفعاليات الثانيه اول وحده ادفع

وعمري ما تأخرت اول وحده ايي المدرسه

زقرتيه قلت حق عمتي تكلم الواسطه عشان تطلع تقديري أنا والله ما شفت المرأ اللي طلعت التقرير ولا رحت بنفسي الوزاره

الحين اللي قاهرتي اللي يقاعد يلومني أنا خبيت عمري بالفعاليات وادفع ما اقول لا ولما يعطوني مراقبه واحتياط وتدريس حصص غيري ما اقول لا

 

[PuPa^^SWeeT]

مو علشان انتي اغفلتي نقاط ولا ما اغفلتي



اهي سياسة معرووفة

ما تاخذيت امتياز من اول السنة




وبالعكس اول سنة لازم ترتاحيين و تبسطين امورج و تهتمين بس بحصتج


ثاني سنة ابدي بشغل الورش و هالامور



علشان تفرق وياهم مستواج

 

[randomy]

عيشي حياتج


التدريس ماوراه الا الهم

انا وحده خذيت امتياز من اول سنة ...والحين هذا رايي بالتدريس

 

[zqertya]

حبيبتي لو شنو تسوين ماتاخذين غير اللي بمزاجهم والله انا رفيجيت لما قتلها سويت جذي وجذي قالتلي ليش كل هذا هي من توظفت ماسوت ولا ورشه تخيلي وكانت تغيب يعني تاخذ تقريبا كل طبياتها والاستذانات وكاهي الحمدالله صارت رئسية قسم معاشا ماشي وترقياتها ماشيه وكل سنه امتياز تقولي ليش اتعبين نفسج كاافي عطي صحتج حقها وخلاص ليش الزياده وبالنهايه هو بيحطون على مزاجهم حبيبتي اكثر من تعب الاوبريت والناظره بغت تموت لو مو مشاركين فيه لان مدرستها تاخذ تميز وكل المدرسات ارفضوا الا انا ورفيجتي والله تعبه مو طبيعي جم شهر بس على 10 سنين تدريس واخر شي قالت لنا ماراح احسبه لكم لان تاخذون عليه فلوس طبعا عقب ماخلصت المصلحه وهي من الاول قالت راح احسبه لكم بالتقرير قصت علينا



وانتي لج الحق 15 يوم طبيه اذا تعديتي ال 15 يوم هني مايصير تاخذين امتياز عرفتي بس اذا غبتي عادي لو 10 ايام من حقج الامتياز انا اول سنتين بس 4 مرات غايبه تخيلي وطبعا وقت الاوبريت داومت متواصل ولا مره غبت عشان التدريب بس لما شفتهم جذي العام غبت يمكن 8 ايام وانا مو متحسفه وهالسنه ماااني مسويه ولا شي لان تعبي كله راح هدر وغير الشغلات اللي احرموني منها وهي من حقي حسبي الله عليهم وانا مثلج ولا مره قلت لا ودايم اخذ شغل اكثر من المطلوب مني شرايج مره درست 4 مراحل لانه عندنا نقص بالمعلمات وشرايج اني شلت جدول ابله ثانيه بروحي وتعدين نصابي بالجدول عن 16 حصه بالاسبوع وترا فيها زياده بس اذا عندج ناظره حقانيه ادز تقرير بالهشي والله من قهري سولفت واايد بس مو كفووووووووو والله التربيه مو كفوووووووووووووووو عشان جذي بعطي حصتي احلل معاشي وابري ذمتي جدام رب العالمين وعشان يوفقني والاشياء الثانيه ماراح اسويها وبغيب وباخذ كل استاذاناتي وانا اخر السنه من القهر قلت حق الناظره انا عمري ماقتلكم لا واخر شي تبدون السيئ علي انا جذي اشكرا بس اللي مايخاف الله عديم احساس مايهمه الحجي فماقمت احتك فيها وايد



اقووول ترقياتج مااااااشيه وماعاااااااشج مااااااااااشي وبالطقاق لاتسوين زوود

 

[كويتيه cool]

الله كريم

 

[الاخلاص]

لاتسكتين نصيحه مني روحي المنطقه باجر واخذي تظلم عبره لهم عشان يعرفون ان في حق مايضيع

 

[مريم ص]

نصيحتي لج لا تروحين المنطقه ولا تشتكين
روحي كلمي الناظره بكل هدوء من باب انج بتعرفين ليش ما خذيتي امتياز عشان تتفادين الاغلاط
ترى اذا رحتي المنطقه بتحط عليج الناظره لانج تعديتي السلم الوظيفي و تخطيتيها
و بتحاسبج عقبها على كل اصغيره و كبيرة
انا رئيسة قسم و عارفه هالسوالف و ياما مرت علي معلمات يروحون يشتكون عند التوجيه او المراقب و تقلب السالفه على روسهم

 

[^^ام الزين^^]

لا لا خلج بعيده عالشكاوي توج بأول مشوارج المهني حرام تبدينه بشكاوي
وجدامج السنين وبتاخذين الامتياز ان شاءالله
بس الافضل انج في بدايه السنه مثل ما قالت وحده من الخوات تروحين للناظره وتفهمين منها شنو السبب اللي خلاها ما تعطيج امتياز ما تدرين يمكن اهيا تشوف شغلات وجوانب انتي غافله عنها
ومنها تشوفج مهتمه بتقديرج عشان السنه الجايه ان شاءالله تعملج مية حساب قبل تحطلج التقدير
بس عندي سؤال من وين بالضبط طلعتي تقديرج اللي بيعرف تقريره من وين يجيبه عشان اشوفلي واسطه تطلعها لي
الوزاره والا المنطقه واي مكان بالضبط اي قسم اقصد

 

[كويتيه cool]

اللي اعرفه اذا كلمت الموجهه وعرفت الاسباب الناظره اهني تخاف و تحسب حساب

بعدين مثل ما قلت لكم مو محتكه بالناظره نهائيا ولا ابي احتك فيها

بس ليش كل شي بايد الناظره يعني!

انا ما رحت وحده من اهلنا عطيتها رقمي المدني وضبطتني بالوزاره عشان اعرف

 

[^^ام الزين^^]

صدقيني كل شي بإيد الناظره ولازم تعرفج وتشوفج تشتغلين وتكونين جدام عيونها على طول

 

[كويتيه cool]

وليش يعني الموجهه ورئيسه القسم ما شافو وما قالو لها !

 

[^^ام الزين^^]

كويتيه حبيبتي صدقيني اذا الناظره راضيه عنج خلاص الدنيا كلها بترضى عنج من رئيسة قسم وموجهه
اذكر لما كنت ميداني كانوا المدرسات ما يحاتون الموجهه كثر الناظره لما اسألهم ليش يقولون كل شي بإيد الناظره بالنهايه
لأنرالموجهه ما عليها من أي شي بالمدرسه اهم شي عندها تدريسج وبس
تلقين الموجهه عجبها تدريسج وعطتج درجه حلوه بس الناظره ما عطتج الدرجه كامله لأن الناظره عندها بنود كثيره تحاسبج عليها
من غيابات من شغل اداري من درس على مستوى المنطقه ومن دفع فلوس وانشطه وحملات والخ على حسب ناظرتج شنو المهم عندها
عندج انا الحين الحمدلله نقلت من مدرستي اللي كنت فيها وان شاءالله هالسنه بداوم بمدرستي الجديده وثلاث ارباع مدرسات المدرسه مقدمين نقل
اول شي الامتياز اغسلي ايدج تاخذينه اذا مو مسويه شي على مستوى المنطقه عشان يطلع اسم الناظره بالمنطقه ان مدرستها سوت
وثاني شي تبي كل مدرسه تضع بصمتها بالمدرسه يعني اصبغي جيبي حطي وادفعي الى ماله نهايه ذيج الساعه تعالي تكلمي عن الامتياز

 

[^^ام الزين^^]

وخليني اوضحلج الحسبه شلون
يقولون ٤٠ بإيد الموجهه و٤٠ بإيد الناظره و٢٠ بإيد رئيسة قسمج
وان شاءالله اني افدتج بشي