عرايس يـوم الفحص شنو كـان شعوركم وشلون ركبتو السياره مع اهلكم ههه و شصـااار خل نضحك /

[اخت خالتهم]

فـديتكم بنات نوورتوووني بمروركم

خياله لووووول اهم شي ان صورتي قبل تحسسج اني حنونه عـاد احب اصـاااله .. بس تغيير مليت
وانتي اللي تهبلين

 

[الحــ كله ــلا]

انا ما صارت اكشنات لووول
وصلنا انا وابوي واهو كان ناطرنا
قعد ابوي يعبي البيانات واهو اساسا كان كاتب اسمي والبيانات بس ابوي عبا ملوت الامراض ما ادري شنو
وانا قاعده بالضبط حالي حال الكرسي حتى ما سلم علي
لووول يوم قلت حق ابوي بالسياره ما سلم علي ، جان يقول : يتجرأ يسلم عليج وانا موجود

عاد رحت حللت وطلعنا وابوي سلم عليه لان بيسافر شهر وبس

وما زلنا في انتظار النتايج
ادعولي يا الغاليين

 

[لهلووووووبااااا]

عيل والله لاخليكم اتخيلون موقفي
انا كنت رايحه مي امي واخوي لان ريلي رفيجه المهم
طبعا الوالده راكبه جدام ومحتاسه ومرتبكه وخايفه
أما انا طبعا قلت ما ابيه يشوف من اي شي حتى لوانقيطه ماابي
شنوسويت؟؟؟ لبست عباية راس الواسعه مالت العيايز عرفتوها؟؟
والبس قفازات سودا ونقاب ومنزله الملفع على عيوني
اول ماركبت السيارة من ورا والا اخوي يلتفت علي ويقول نعم اختي من حضرتج؟؟؟
جان افلها ضحك ويقولي الحمدلله وشكر ليش جذي مسويه قلت انا مرتاحه جذي جان يلتفت على امي ويقولها والله شكل الايه انقلبت انتي اللي بتسوين الفحص مو بنتج جان امي تبجي وتقول بس والله خايفه جان انبطها ضحك انا واخوي
جني طولت المهم طبعا ريلي كل دقيقتين يتصل انتو وينكم
اول ماوصلنا نزلنا انا واخوي وامي ليما الحين تقول وربي خايفه بيشوفنا الحين
شلون بمشي بعدين التفتت علي وتزفني تقول لا تضحكين وتسولفين بعدين يقول عنج خفيفه وامشي عدل جان يقول لها اخوي شدعوه يمه خليها المهم دخلنا انا ماشية ورافعه راسي وابي القطه ولو من بعيد وامي والله نكته تمشي لازقه بالطوفه ومنزله راسها هههههههههههههه
المهم وصلنا عند الاستقبال اخذ اخوي الاوراق وقعد اهو اللي يكتب البيانات جان يتصل عليه ريلي ويقول انت وينك تعال عندي مامدا اخوي يروح عنده الا السستر تنادي اسمه جان يفز قلبي وربي جذي:fun::fun:

ويروح يدخل ويسحبون دمه ياحياتي اول ماطلع شاف اخوي قعد يكلمه وزاوية عينه علينا الين يوم نادوني جان اطير عيونه ويقول ليش لابس جذي امبيه انا مت ضحك يوم قاله وبس سلامتكم ادري طولت هههههههههههههههه بس اللي يضحك وربي كان امي وشكلهاهههههههههههههههه​

 

[yam_yam]

لووووووووووووووول لا يوفق صراحه وناسه

 

[اخت خالتهم]

حيـاكم الله
الحـلا كله الله يرده بالسلامـه


لهلوبـا
لوووووووووول أهـم شي حرام عليج ما استانس الريـال

نورتـوا

 

[IPHONElady]

عقبالي ياااااااااااااارب بنات ادعولي

 

[a7la Maryooma]

لوووووووول حلوه مواقف البنات
اما انا واااااااااي هذاك اليوم حده موصج
تخيلو ماكليت ولا شي منسده نفسي من الخوف واررررررجف
ورحت مع خالي وخالتي والله ماطليت بوجهه بس تكرمون حفظت جوتيه خخخخ
راسي تحت موقاعد اطالع فوووق كلش معنه يصيرلنا من بعيد بس من زمان موشايفته عدل
ولا لما عطونا ورقة البيانات والله ارجف كتبت نصها وبليالله كتبت وتاخذ خالتي من ايدي الورقه والقلم وتكمل البيانات
ولما رحت بسحب دم اللي تسحبلي كويتيه خووش بنت تقولي وييييه هدي شوي مبين عليج واااايد متوتره وقامت تسولف معاي وتضحك تبي تلهيني
ياحلاتها فديتها
وبس عاد بعدين طلعنا وطبعن النتيجة ماطلعت بعد اسبوع بعد ست اشهر ولحد يسئلني ليش خخخخخخخخخ

 

[~فيونكا~]

هههههههههههههههههههههههههههههه يااااااي سبحان الله مرت بسرعه هاللحظه ---

أنا قوموني من النوم قالوو يلاااااااااا البسي بسرعه
قعدت ساعه بالحمام أطالع وجهي وعيوني المنفخه شيلي يرقع فيها
لبست ورحت مع أبوي الله يطول بعمره
گل ماقربنا قلبي طق طقق طقققققق طقققققققققق طقققققققققققققققققق ~

يوم دخلنا ولا اهو قاعد ينطر :$

أنا رحت سيييييييييييييييييدة على طول استراحة النساء << ماعندها خرابيط

ويوم البيانات وااااااي ابوي مات من الضحك كل البيانات إلي حطيتهم خطأ أبوي حبيبي قاعد يمي ويصحح وراي ههههههههه


و ورقة ملف الفحص للحين خاشتها وكاتبه تحتها تاريخ الملجه ذكرى

 

[اخت خالتهم]

فيونكا
لووووووووول انتي نفسي
لااا ويحطون الحالة الاجتماعية
بغيت اكتب متزوج ههههههههههه

 

[لهلووووووبااااا]

لوووووووووووووول افا عليج علشان يلعب فيه التفكير والشوق لي يوم العرس
ههههههههههههه احمد ربه شاف صورتي بالبطاقه هههههههههههههههههههههههههههههههههه

 

[براءهـ]

اففف انا كنت تعباااااااانه والناس مهتمه وانا كارهه نفسي
من التعب بس وودي احلل وافتك

والى اللحين النتيجه ماااطلعت ههههههههههه​

 

[C U T E]

ههههههههه انا كنت حدي حدي حدي متوووتررررره وامي وترتني زياده خخخخخخخ
لمهم ماصارت مواقف
بس يوم يييت اخذ النتيييجه بغييييييت اسوي دبل كيك عند باب العياده خخخخخخخخخخخخخخخخخ << مطيوورة عالنتيــجـه الحمدالله ماشافني خخ

الله ستر

 

[om fares]

up up up

 

[تعبت اداري...~]

‘
آهلين
ي سعدكم ربي ويوفقكم جميعاً يً حركات يً انتو:eh_s(9):
أيه صح صبآيآ ظبطوني وعلموني شيصير ب يوم الفحص مابي اروح وانا ي غافلين لكم الله
أدعولي عفيه ربي ييسر اموري جميعها ويتمم لي على خير يارب :eh_s(22):​

 

[شيخه كويتية]

انا كنت قاعده اكتب البيانات الي بالورقه بالكراسي ويمي كرسي
وابوي واقف بالكراسي الي جدامي

جان اهو يي سلم علي يبي يقعد يمي ابوي كان واقف قاله ها ها تعاال اقعد هني وين رايح

هههههههههههههههههههههههههههههههه
انا مت ضحك



بس خوش احساس

الحين ناطرين النتيجة


ادعولي :$ :$ :$

 

[عيون غلاي]

السلام عليكم ...


أمبيييه يوم الفحص مو صج !!!
دقوا على ابوي قالوله باجر الفحص انا لما قالتلي ماما كنت حدي متوتره و بالغصب نمت :eh_s(2):
المهم دق الحبيب الغالي على ابوي الصبح الساعه 9 و قاله لازم ناخذ ورقه من المحكمه عشان الفحص و انا نااايمه بالعسل و الا يقوموني و البس عبايتي بسرعه و ميك اب اسرع شي و انزل طبعا سحبت الماما معاي خوااافه بس وصلنا مستوصف مبارك الكبير حاشتني رجفه و ابي حمام و حالتي حاله واااي كنت خااايفه و امي واعليا تحاو تلطف الجو علي و على البنات اللي معاي بس نادوا اسمي و قعدت عالكرسي بجيت ههههههههههه:krkrkr: اخاف من الابره سحبوا دم و طلعنا كان الفحص يوم الاثنين و الخميس طلعت النتيجه الحمدلله و بعدها ملجت :$

سوري وايد قرقت ؛$​

 

[الزين عنواني]

الله يوفكم ودعولي حبايبي الله يرزقني

لا يوقف؟

 

[شمعة الامل]

ههههههههههههههه مواقفكم حدها حلوه

انا موقفي ماادري يضحك والا يبكي >>انتو احكمو

احنا من عاداتنا الولد مايشوف البنت الا اذا هو طلب لان باسم لله علينا احنا نقدر نشوفه بس هو مسكين مايقدر وبالنفس الوقت

لانه ولد عمي ويستحي يطلب من ابوي يشوفني

المهم ان يوم الفحص كانت علي الدوره وحدي تعبانه جاني اخوي الصباح الساعه 8 قال اليوم بنروح المستشفى عشان الفحص

انا حدي نسيت الموضوع المهم قلت مو اليوم لان حدي تعبانه قال يسلام رجلك اتصل وينتظرنا قلت قوله بسوي بس مو اليوم بعد الاسبوع > لان بالصراحه مايصير دوره وتحليل يوووه اموت المهم امي وصلت على صراخي انا واخوي

امي قالت عادي روحي انا قلت ماابي الا بعد اسبوع امي مافهمت ولا اخوي وكنت انتظر امي تفهم بس الله يهدي امي مخها وقته كان مقفل
المهم مع صراخ امي واخوي ساعه على راسي والمعرس شغال بالجوال على اخوي >> لانه المسكين يبي يشوفني

بكيت قلت ماني رايحه بطني يعورني قالي اخوي عادي واذا قلت يااهبل الدوره معاي افهم ماابي اروح عاد اخوي وجهه كذا @@

قال اها طيب كلم المعرس والفشله قال المدام تبي الفحص بعد اسبوع لان ماعليها صلاه انا والله كان ودي اذبحه مجنون ليه يقوله مايحتاج يقول السبب

ياليت المعرس فحص لا انتظرني لما رحت وراح وهناك بالمستشفى يووووه قمت كأني اول مرره البس عبايه كل شوي طاحيه >لان عباتي راس فدتيني لان جاني الستر ذاك اليوم حتى لابسه جونتيات قلت احسن عشان مايشوف شئ مني

طبعا اوراق البيانات ماكتبت لاني كنت ارجف خليت اخوي يكتب بدالي والمعرس طبعا شفته من فوق لتحت بس هو ماشافني
لان علي عبايه

الحين انا متزوجه اقوله شنو كان شعورك ذاك اليوم يقول والله كان ودي اروح انزل طرحتك بس ابي اشوف وجهك بس
بس نذل عرف موعد دورتي ويوم العرس ماطابق نفس موعد دوره لا غيره

 

[شيخه كويتية]

ههههههههه
اهم شي قالها ماعليها صلاة قمت الاحرااااج

الله يوفقج

 

[السجينة]

اب
اب