عرايس يـوم الفحص شنو كـان شعوركم وشلون ركبتو السياره مع اهلكم ههه و شصـااار خل نضحك /

[احلى اودي]

هههههههه احلى يوم بصراحه..
كان يوم تحليلي يوم الاربعا المهم الثلاثا بليل جاني اخوي اللي اصغر مني قالي باجر
الساعه 8 ونص الصبح انتي خالصه اابوي بيوديج تحليلين وتشوفين رجالج بس مو تقعدين تخزينه قعدت اضحك وهو يضحك علي المهم بليل احاول انام اتقلب اتقلب ماقدرت انام لين جا الفجر جعت بروح اكل عجزت اكل مع اني ميته جوع بس نفسي مسدوده من الخوف يوم اذن الفجر صليت ورحت تسبحت وقعدت اتمكيج على الخفيف حطيت مسكرا ضد الماي ههههههه لاني عارفه نفسي عند الابرة بتصير فضايح وبودره خفيفه وقلوس ولبست وخلصت من الساعه 5 الفجر ههههههه قسم بالله مرجوجه وقعدت على النت لين جت الساعه 8 الصبح وقمت لبست عبايتي ونقابي المهم دق علي ابوي قالي انزلي انا عند الباب ورحت يوم ركبت واسلم واقعد وابوي يحاول يكون الوضع عادي قدامي مايبي يحرجني ههههههههه وشغلت الردايو وحطيت على قناه القران وسكتنا نسمع القران لين وصلنا المهم احنا وصلنا قبله ودق عليه ابوي يساله وينه وا حنا وصلنا وعطوني وعبيت بياناتي والمهم وانا قاعده
الا مرني واحد قصير واسمر وبطه وحاله حاله انا تنحت (للمعلوميه انا ماشفته وبس هو شايفني بطاقتي عنده صارلها اسبوع )) المهم وادعي بقلبي لا يارب موهو
الحمدالله طلع مو هو خذيت شوي مرني واحد اسمر وطويل وضعيف قلت يمكن اهو لانه بالشرطه قلت هذا هو طاقته الشمس وطلع مو هو واخيرا مرني واحد مسرع ومستحي واخيرا طلع اهو بس قهر مايمديني اشوفه مرني طاير ههههه
المهم نادوني ودخلت احلل وقعدت ابجي ويجي ابوي ويحاول يسكتني ههههه واخيرا اسحبت مني الهنديه وانا اهاوشها وطلعت ههههه ويوم طلعت لقيته بوجهي ومبتسم عاد انا ودي اعرف هو سمع اللي صلر داخل ولا لا ههههههههه لانه قريب غرفه التحليل من استراحه الريجيل وبس والحمدالله امس كانت ملكتي الله يتمم علي يارب ويوفقني ..ادري طولت بس حبيت اشارككم..

 

[Blonde B]

واااي بنات ابوي يا عندي قالي نروح يوم الخميس قلت لا الخميس ما اقدر
عندي شغل بالدوام قلت خلها الاحد عاد حاجى الولد جان يقول لا الاربعا يعني باجر
الحين الثلاثا بليل قلت لاااا ما يمديني قالي بابا الساعه ٨ تكونين خالصه
عاد قعدت ٧ خذيت شور وتعطرت وحطيت مكياج خفيف ولبست حدي كاشخه
نزلت قعدت ع الايباد جتن ابوي يقول يالله ويطالعني بعيون يعني شهالكشخه لوووول
عاد وصلنا قبله ومن لقافتي قعدت باستراحه الرجال وابوي راح الحمام
انا شايفته ٣ مرات بس هو ما شافني ابد خخخخخ
وقاعده جان يدخل هو وعينه بعيني عاد انا تنحت لووووول
جان انزل راسي وتخيلوا هو واقف يطاالع ويخز. والا ابوي ياي جان يسلم عليه
ويو قعدو عاد يت المسؤوله تقولي الله يهداج هذا مكان الريايل
اهناك مكان النسا فشله وهو بس يخز هههههه
عاد بالتحليل نادو اسمه بعدين اسمي عاد انا حاله عنده الابره بجيييت هههه
والا يوم طلعت لقيته رايح ههه قلت اهم شي ما شافني ابجي خخخ
بس تم بحمد الله عاد ننطر النتايج عشان نملج

 

[طوووطه]

لووووول ايمو برنسس اهم شي قاعده باستراحه الريايل لووووووووول




بنات شنو امراض تمنع الزواج ومحد تعرفونه ماصار زواج بينهم ؟؟؟*

 

[حفيدة عائيشه]

الله يوفقكم يابنوتات ويرزقكم الذريه اللي تبركم اللهم امين
وعقبال مانجي انا والبنات ونكتب مواقفنا اللهم امين
​

 

[Babies setter]

امبيييييه مواقفكم مووو صج...
تضحك>>>الله لايبلانا مابي اضحك واصير اعبر منكم....
انا تحليل عادي ازلزل المستشفى بكبره امبيييه والله خاااايفة مادري شلون بسويه...
الله يوفقكم حبايبي ويستر عليكم...
والله يرزق خواتي المو متزوجات بالزوج الصاااالح...>>>>أكييييد الحييين كلكم رافعين ايدكم صوب القبلة و>>آميييييييين<<

 

[غلآوي .~]

أنا عن نفسي .. كآن يوم الفحص يوم الاحد الصبح وما كنت أدري .. المهم رحت الدوام متأخره عالساعه 8 وكان مآآلي خلق كلش .. وأول ما وصلت الدوام كأنت عندي كذا معامله لازم يبيلي وقت على ما اخلصهآ وكان صاحب المعامله موجود .. ودقت علي امي 5 مرات مو راده عليها وشوي إلا يدق أخوي انتي وينج ليش ما تردين قلت توني واصله وقاعده اشتغل .. قال يلا ردي البيت اليوم الفحص قلت شنووووو ؟؟ بعد ما استوعبت قلت اوكي اوكي .. وعلى حظي مسؤؤلي ماكان موجود عشان استأذن منه بالعاده يتأخر .. قلت استأذن من المشرفه الفنيه ويوم جيتها قلت بطلع عندي شغله ضروريه اخلصها وارد قالت مايصيرر قلت مجبوره اروح قالت خلاص حطي اذن خروج ..
أدري طولت عليكم .. المهم تجيكم السالفه < هههههه
وصلت البيت لقيت امي كاشخه حدها هههههه وانا ما زدت شي على شكلي رحت مثل ما انا .. يوم وصلت امي واخوي سبقوني دخلوا داخل الفحص .. انا واقفه برا ابيهم يجون يمي وامشي معاهم لما يوصلوني للاستراحه وأأشرلهم من برا ههههههه ... الا امي تجي دخلت معاها وطاحت عيني بعينه < يبوووووي انا منحرجه وعقبهاا دخلت عادي وكملت بياناتي ويوم دخلت غرفه الفحص معصبه عالسستر اقولها شوي شوي وخلصيني ههههه وطلعت لقيناه مخلص ورايح وناسي الورقه اللي يستلم فيها ورقه الفحص هههههه وجا بيتنا واخذهااا ;p

والسسسسسسموحه عالاإطـآلـه ..

موفقـــــــــــــــــــــــــآت

 

[غلآوي .~]

< تقرا اللي كتبته ... < تعبير مو سالفه هههههه ;p

 

[غلآوي .~]

لووووول ايمو برنسس اهم شي قاعده باستراحه الريايل لووووووووول




بنات شنو امراض تمنع الزواج ومحد تعرفونه ماصار زواج بينهم ؟؟؟*

مـرض الكبد الوبائي .. ومـرض إلايـدز .. ومـرض الثلاسيميآآ
والله يكفينااا ويكفيكم شـر الامرآآض


بس وحده من جمآعتنا سوت تحليل الزواج وقعد اسبوعين على ما طلع فحصهم .. وطلع بالرجال مرض بالكبد .. الله يشفيــه
ومآصآر نصيــب .. :eh_s(7):

 

[فيونكة_وردية]

ههههههههههههههه امبيييه اضحك والله لليووم يعاايرني فيهاا طااش ماا طاااش حدييييي
الصبح رحت مع امي واخوي واهو هناك انا طبعا ماشفته ولا اعرفه كاشخه بعباتي وجنطتي والبخور ومتعطره وخاتم ذهب << جنه درى عنه ههههههههههههه المهم وامشي بثقه شحلاتي ذاك اليوم معني كنت خايفه ومن الساعه 6 الصبح قاعده اول ما وصلنا وانا كاشخه لما راح سلم عليه اخوي تصرقعت حاشتني ام ركب ومع ريحت المستوصف بطني عورني بس شفته التفت علي نظارته شكبرها قزني قزز بعيونه جان انخش ورا عباة امي بسرعه هههههههههههههههه والله وامي تقرصني من تحت عبايتها هدييي عبااتي وثووول هديني بطييح هههههههههههههههههه قلت مابي ماابي رديني البيت مابي اتزوج خلااص وشوي وابجي غورقت عيوني من الخرعه وماسكه زندها حييل ومنخشه تحته ​

المهم قعدنا وبينا قاطع عشان نعبي الاوراق خطي مزفت ويرجف ويضحك حده كلمه فوق كلمه تحت كتبت مكان الجنس كويتيه والجنسيه انثى خبصت الدنياا خلصت المهم ولا الموظفه اللي مااتستحي تنادي ريلي بصووت دلع فلاااااااان قلت بقلبي وجععع (( من اولتها غيره )) والله قهرتني وبعدين نادتني فلانه من غير نفس جد عصبت عليها وخززييتها خزه اهي فهمت ومو عاجبها تتحلطم مع اللي يمهاا مالت قله ادب ورديت قعدت قالتلي اني غلطانه بمكان الجنس والجنسيه خخخخخخخخخخخخخخخخ من الربكه ورديت مكاني
ولا اشوفه يمشي والتفت على بو يعدل غترته دخل غرفه سحب الدم يااازينه والله قلبي رقعله هاللحظه بالضبط مادري شلون حسيت ههههههههههههه يه دوري وقمت وانا احس ريولي من الفشله مو شايلتني ومعنه عباتي مو ضيقه بس حسيته يطالع اشيائي مادريي شكو يمكن لاني عجميه واهو لاء يدور علامه الجوده والله احاول ادز جسمي لجدام عشان اخشش وعند الباب بغيت ازلق الارضيه رخام والكعب اللي لابسته سحب على الارض شوي لوووووول سويت سسلاايد معتبر علبالي لاحظ بس لما شالته بعدين قال مو صوب الكعب (( قليل ادب )) المهم سحبت مني دم ورديت البيت وتحوشني سخونه 3 ايااام والله يابنات والله 3 ايام حرارتي 39 مو راضيه تنزل وخالتي اخت امي مو ام ريلي تضغطني ضغاااط كل هذا من حبيييب القلب واااي احرااج ​

ووووبس النتييجه خذت 5 ايام حسبت فيها الدقايق والثواني وادعي وابجي بصلاتي شكيت انه فيني امراض الدنيا ههههههههههههههه والله ما انسى شعوري كل شوي اروح لامي يمه يمكن فيني مرض يمكن فيني شي هههههههه غثيتها و لما اطلعت النتيجه استاانست وملجت عقبها بسرعه
والحمدلله والله يتمم على خير للجميع يارب سووري طولت عليييكم ​

 

[غلآوي .~]

هههههههههههه فيونكـه , مووووفقه يآرب

 

[غمزه وإبتسامه]

اب اب اب

 

[a7la siorah]

أذكر هاليوووم كل ما يكلمني اخوي اقوله هآآآآآآ وطبعا متنحه

مادري ليش كنت خآيفه هالخوووف كله

ولمآ وصلنا لقيته مضبطني وكآتب بياناتي بس باقي توقيعي ^_~

يآحلوو هاليووم مع ان اخوي لي الحين يضغطني يقولي ليش اكلمج تقولي لي هآآ ههههههههههه

 

[فيونكة_وردية]

ههههههههههههههههههههههههههههههه نثيه غشييت عليج من الضحك فديتششش احلى شي الطيحه

 

[فيونكة_وردية]

هههههههههههه فيونكـه , مووووفقه يآرب

اجمعين ياقلبي جعلش تحيين :ggdw:

 

[اخت خالتهم]

لوووووووووووول بنات بدعـتووو والله
اب
اب

 

[غلآوي .~]

آب ’ آب ’ آب

 

[laila84]

انا كان فحصي اليوم ... لوووول دخت عليهم وحالتي حاله ... لووووول حدي افشل

 

[الامـــاسي]

قووه بنات انا واعتكم اذا سويت التحليل اقولكم وش صار معاي المهم دقوا على ابوي وقالوا جيب بنتك في مستوصفنا لان سيونا الاوراق عليه << تبعن انا عصبت لان منطقتهم بعيده شوي هههههه
يوم جاء التحليل لبسته وحطيته مكياج ناااعم وتبخرت ولبست عبايتي ونقابي ورحت معا ابوي اول ماوصلنا الا هو ويا ابوه قدامنا انا ارتبكت وخذيت فوق تحت وابي انحاش الا ابوه يلحقني وياديني يبي يسلم علي << لانه خال ابوي
واسلم وانا مرتبكه ويحلف علي اني اتغدا عنهم ولا اتقهوا وانا مرتبكه حيل الا ويجي ابوي وينقذني منه << والابوه حاط عذره انه عنده تحليل سكر يبي يعزم على الغدا هههههههههههههههههههههههههه

والمهم ويدخل هو وسوا التحليل ويجي دوري الا قالت الي تسوي التحليل وين بطاقتج وادق على ابوي ومارد علي الا هو يجي والا ابو الشباب يجي ويناديني وانا اسمع قلت يمكن ينادي احد غيري والا ابح صوته وهو ينادي الا السستر تقول يناديج واروح له والا يعطيني اياها وهو يتبسم وربي اني بقيت ابجي بس شوون جاتني ام الركب هههههههههههههههههههههههههههههههه يوم رحت له وبث ادري طولت عليكم

 

[احلى اودي]

ههههههههه لايوقف ام الركب جتنا كلنا
الله يوفقنا ويتتم علينا يارب
وترزق البنات اللي مو متزوجات بنصيب اللي يسعدها..

 

[اخت خالتهم]

الاماسي بدعتي هههههههههههه