عرايس ما بعد الولاده ، تعالي وشدي الهمه معانا

[.:lady bug :.]

اي حدها بس ان شاء الله تضبط معاي
وكريم بيبي فيس حلو
والكل ايقول وجهي متفتح
عاد بحطه ع رقبتي واشوف

 

[الغضى]

كريم بيبي فيس من وين تطلبونه؟؟ من أي تاجرة؟؟

 

[Violetta]

من تاجره جنه اسمها. فيه B k مادري miss BK

 

[بخـــارى]

الله يجزاكم خير خوش موضوع

 

[.:lady bug :.]

اجمعين ي قلبي وحياج

اي بيبي فيس من التاجرة bk

 

[ملح الدنيا فيني]

http://www.q8yat.com/t871872.html

 

[.:lady bug :.]

روعه ملووحه
مشكوورة نورتي ي قلبي

 

[.:lady bug :.]

بنات نسيت اقولكم عن شغله
لازم اتغيرون استايلاتكم عقب الاربعين

يعني مو بس اتغيرين شكلج
لا هم غيري استايل لبسج وتسريحات شعرج
وغيري غرفه النوم والحمام
الستايل
يعني
غيري الالوان الي تلبسينهم الى الوان حلوة وفرايحيه
لاتاخذين مثل الالوان الي قبل تلبسينهم
خذيلج لون معين ماكنتي تلبسينه
او نوعي الالوان بس تكون الوان انتي تحسين انج مو مكثرة منهم من قبل
يعني شي جديد
فهمتوا
لاتنسون اكسسوارات للشعر
الله يخلي لنا الهنديات الي يفترون ع البيون خمي منهم
واخذي لج شغلات ممية من كليرز و اكسسوريز

غرفه النوم
حاولي اتغيرين الاثاث او تصبغين
غيري الفراش واشتري اكسسوارت ع لون الفراش
وشموع حلوة طبعا ماكو احلا من اشموع سنتر بوينت روعه
حاولي تجددين بغرفتج ع قد ماتقدرين عرفتي

الحمام اشتري طقم جديد من سنتر بوينت او هوم سويت او قصر الراقي
او اي مكان
واشتري صابون الي ريحتهم حلوة والوانهم احلا
رتبي شكله و اشتري مجموعه من بودي شوب
او باث اند بودي او زهور الريف
او بيت الصابون اللبناني
ورتبيهم بالحمام
بعد لازم تهتمين فيه بيت الراحه هذا

وبيت الصابون البناني عندهم صابون ع اشكال
وريحتهم روعه
بس زينه للحمام حلوين

واشتروا فواحه سنعه حطوها بغرفه القعدة عساس
ع طول ريحتها حلوة
جربت صراحه فواحه الشايع الي فيها عوادة
صراحه شي خيتل روعه بمعنى الكلمه
ع طول ريحه الغرفه روعه

وهم غيري بستايل مكياجج عند ريلج
ع طول قلوس ومسكرة وكحل
خلي شكلج وااو
خليج انثى
مو تطفرينه بكشتج وويهج التعبان وتتعذرين باليهال
ادري عندي يهال و يتعبون
بس اهتمي بنفسج لايطفر منج حتى انتي لمن تهتمين بنفسج وتطالعين عمرج بالمنظرة ترتاحين نفسيا
وان صرتي كشه وويهج تعبان بتطفرين من عمرج لازم ترضين نفسج عساس الكل يتقبلج
وتحبين نفسج وتحبين تهتمين بنفسج ودايمن قولي لنفسج انا اهتم بنفسي مو عشان ابو عيالي لا عشان ارضي نفسي
جذي تكون عندج ثقه بنفسج وبانوثتج والريال ايموت بالمرة الي كلها ثقه وتحب تهتم بروحها وبشكلها
وحطي صبغ اظافر ع طول
اشتري اسلامي عساس اتشيلينه بالليل

 

[.:lady bug :.]

صرت لكم فوزيه الدريع ي عيوني
اشتبون بعد
هههههههههههه
ولاتنسون اكسسوارت الايد الناعمه الي هابين فيها
واعرف بنات مايلبسون دبل غريبه
لازم الوحدة تلبس دبله حلوة
اصلن حلات الايد بالدبله تحلي ايدج
ومادري شلون البنات مايلبسونها
اصلن شلون تفصخينها
مستحيل الدبله تتحرك من الايد
وين قاعدين

 

[NODA 2]

يحلوج يا ليدي و يحلو كلامج
شكلي بروح باجر السوق اكمل شغلي و برد بيتي يوم الاحد بس توني كملت اليوم 21 يوم وااااااااااااااااااااي باقيلي 19 يوم راح ابجي

 

[NODA 2]

والله التجهيز حق طلعت النفاس يبيله ميزانيه:eh_s(4):
وهذا وانا مخلصه شغلات قبل الولاده احس بعد يبيلي واااايد اشياء
ماكو إلا امر البيرق واخلص شغلي عالسريع

 

[.:lady bug :.]

اكييد يبيله ميزانيه والا انا ليش اعيد واقول جهزوا
وانتوا حمل عساس تستفيدون من المعاشات الي تنزل ونخربط فيها
واحنا حمل
وشنو بقالج خل انساعدج
و
21 الحمدالله غدا شرج
وتردين بيتج ليش انتي وينج
اذا عند امج كمليها لين اتخلصين شلج اتردين
انتي وويهج الاصفر وتعبانه وشعرج المبهذل
واااي
صج بيت الاهل راحه الله يخليهم لنا

 

[الغضى]

ليدي
ماقصرتي حبيبتي صاجه والله فوزيه دريع,,,,,,,,,,
وان شاء الله بس أولد وبعد ال 20 ان شاء الله طيران للسوق.

 

[.:lady bug :.]

العفو حبيباتي
ودي اطلع السوق زهقت

 

[NODA 2]

شلونكم بنات
والله ليدي الي جابرني ارد بيتي اليهال راح استخف منهم مو قادره اسيطر عليهم في بيت اهلي و عندي امتحانات فاينل مو قادره ادرس عنده اهلي كله قاعده مع امي ما احب اخليها بروحها
و رحت البيرق والحمدالله تقريبا خلصت شغلي بس باقلي جم شغله بسيطه انا كنت بالحمال مجهزه نص شغلي ورحت اليوم مع اختي خذيتلي عطور ورشوش و شموع و مممممم ووايد اشياء والحمدالله جذي خلصت بس باقيلي الصالون
والله مشكور ليدي لو ما انتي كاتبه الشغلات الي حق التجهز ولا انا جان نسيت

 

[.:lady bug :.]

حبيبتي الله يخليلج الوالدة ويطول ابعمرها يارب
والله يوفقج بامتحاناتج ويهدي عيالج وعيالنا
زين خلصتي شغلج الحمدلله ان شاء الله تطلعين احلا عروس يا رب

والعفو ي الغاليه ماسويت شي تستاهلون عيوني
ي عيوني
هع

 

[NODA 2]

تسلمين يا ليدي

 

[للحين ناطره]

مرحبا
انا اليوم العاشر بالنفاس
اممممممم
انا مخلصه العطور (عندي مجموعه من بودي شوب+سيت غيس+سيت غوتجي+سينما+فيروز)
جناط خلصتهم بس ابي اشوفلي جنطه سوده
شوزات خالصه
قمصان نوم خالصه
بجايم ولبس بيت خالصه
باجيلي اشويه ميك اب خفايف مو وايد
والبدل لان المقاس يفرق
شنو باجيلي بنات ذكروني بالمشتريات؟؟

اي النيو لوك الشخصي
بصبغ شعري لون واحد بني فاااااااااااتح
امممم ماراح اقص شعري بس ترتيب للقصه
انا القص اروح لسلمى بالشركه الكويتيه للتجميل
بس الصبغ محتاره مادري وين اروح؟؟

 

[om__jana]

انا لي 13يوم. بنات متى يطيب الخياط صار يحكحك ويقز
انا ناطره بعد العشرين اروح اشتري
في احد منكم سوت كاسات هوى ؟شلون طريقتهم؟ يعور؟ انا راسي كله مصدع اعتقد حايشني هوى. ما ينفع البندول اكلت مرتين امس وليلحين صداع

 

[Violetta]

ليدي اليوم طلبت كريم البيبيفيس و معاه مرطب الشفايف و مسكره الرموش
و نشوف نجربهم