عرايس ما بعد الولاده ، تعالي وشدي الهمه معانا

[للحين ناطره]

قوة نفوسات الحمدلله طلعت من نفاسي اول هالاسبوع وارتحت من النفسية التعبانة وعقبالكم
اشتقت لكم وحبيت اسلم

مبرووووووووووووووووك
وطالعه من الشر

الفال لكل النفوسات

 

[للحين ناطره]

شنو التحاميل هذي يعني تنظف الرحم بعد الاربعين والا شنو

تحاميل تحطينها باخر الاربعين
تنشف وتنظف

 

[om__jana]

التحميله اسمها lemoxin

 

[مروووم]

مروم يبيلج شاي اعشاب
وتمرة معفوسه
وقشر قهوة
دشي موضوعي وشوفي الي ناقصج
وحمدالله ع سلامتج ي قلبي ومبروك مايبتي

والماي اساس الحياة ولازم تشربين ي قلبي بس مو ع معدة فاضيه
واذا ترضعين لازم ماي لان جسمج يفقد سوائل واايد

ام جنا الصينيات انا مجربتهم حلوين
ويمدحون الرداده ام علي بس للامانه ماجربتها
وااي شوقتيني بكرة بدق بسوي

يسلموا حبيبتي جعله بميزان حسناتج

اي انا بنت خالتي معطتي اعشاب شاي وكل يوم اسوي واشرب منه
والحسو طبعايومي
واللهوم كل يومين اكله مع عصيده اخلطه

 

[صمــت_ALsHfaaH]

قووووه بنااات

طبعا أنا جديده هووون والده صار لي 10 أيام

طبعا ماجهزت ولاشي لطلعتي من الأربعين

وميزانيتي أصلا مو ذاك الزود بس حاطه فبالي جم شغله وبقولكم عليها

بشتري من مركز شوق كريم العنود يهببببببل وبودره ناسيه اسمها بس أهي دائريه سودا وهم من عندهم

برنامج النفاس بسويه عند أم أي أحب شغلهم

والبجامات في محل اسمه الحسناء قبال أجيال تهبببل بجاماتهم ورخيصصصصه ماتتعدئ 5 ومؤ من النوع إلي يختربون بالعكس

قمصان النوم بطلب كذا واحد من النت عاجبيني

الجناط والكعووبه عندي شكثر ومحد شافهم علي

والبدل ؤتنانير وهالسوالف عندي كؤوووم شريتهم قبل حمال بشهر ولا لبستهم كلش

وأبيلي عبايه وملفع ذربين

ودي بعياده لتبييض الأسنان ويكون تبييضهم حلوو وجم سعرها ياليت تفيدوني ؟


أادرررري قرقت شكثرر

 

[dandooosh]

توفه مبروك
دندوش انا جربت الحمام المغربي عندهم عجبني وكنت قبل مجربه عند مس ون بس ماعجبني. انا ماحب اقعد بغرفه كلها بخار اختنق

أنا قبل كل أسمع عنهم انهم مو شي والموظفات هناك مصريات واسعارهم غالية على ولا شي
بس وحدة هني بالمنتدى تكلمت عن بيرم الرموش وان يطول شهور
ف رحت قبل سنة وسويته عندهم ب30 دينار قالت لي بيطول معاج 6 شهور بس انا ما قعد معاي شهرين ورجعوا نفس قبل ،،، بس الصراحة كان حلو وقالت لي لا تستخدمين مزيل مكياج فيه زيت أو غسول للوجه فيه زيت لان بيخربهم ،، وانا التزمت وطول المدة ما حطيت ماسكارا ماشالله كان حلو :eh_s(15):

 

[Mednight Rain]

بيرم الرموش مايطيحهم ؟؟ وهل هو حلال اسويهم ؟؟

 

[toofaa79]

مشكورين بنات والشر مايجيجكم
والي اسالت عن التبييض انا جربت عيادة بيرفكت دنتل كير بشارع البلاجات تنضيفهم وتبييضهم رووووعه انا بنفسي جربتة التظيف توني سويتة ب 30 والتبييض ترا مو زين تسوينة دايم لانة تقريبا يزيلون طبقة من الاسنان فعشان جذي مرة بس تسوينة لان بعدين يضعفون اسنانج قبل 4 سنين سويتة عندهم ب 120 الحين مادري اذا نفس السعر

 

[toofaa79]

بنات انصحكم بالليزر روعه ثقة طول الوقت وراحه خصوصا بمنطقة الاباط والبكيني بصراحه انا احب اكون على طوووول من غير شعر والبس على راحتي

 

[صمــت_ALsHfaaH]

مشكوره تفاحه حبيبتي

مادري ودي اسوي تبييض لو مره إذا ماعليج أمر أبي رقمهم

وبسالج بعد عن الليزر أنا ولا مره جربته وبخاطري أجربه هالمره برتاح من منطقه البكيني

جم شهر تكونين مرتاحه بعد الليزر وبعضهم يقولون كذا جلسه

 

[.:lady bug :.]

ليمونه ونعناعه الله يسهل عليج حبيبتي

فواليت اشلون قرشته وايد اصغيرة

ام جنا جاري البحث والاقصي من هالتحاميل
صمت الشفايف
حمدالله ع سلامتج ي قلبي ومبروك مايبتي
ويمكن البنات اذكروا ببدايه الموضوع

 

[.:lady bug :.]

تفاحه ي حياتي مشكوورة

وبنات شريت غسول بالي سيكرت
صراحه روعه الي مكتوب عليه وتجارب البنات
بالنت اتونس
قالي الصيدلي الي بالبيرق اخذي معاهم تحاميل gf
تضيق
ومعلومه عن هالتحاميل صج اتضيق بس تر تخرب بعدين
وتسبب رخاوة ديروا بالكم
خذيت البيتادين هم منه

 

[صمــت_ALsHfaaH]

الله يسلمج ويبارك فيج يألغاليه

واااائ متى نتحرحر من هالسجن ونكشخ ونرجع لأنوثتنا < أحس اين واحد من ربع زوجي بهالحاله


لوووووول

 

[>>روضـة الحسـن<<]

اي والله متى نتحررررر من هالسجن
زهقت مليت تعبت يارب تركض الايام ركض

 

[>>روضـة الحسـن<<]

مرحبا صمت الشفايف
شنو كريم العنود ومن وين وبجم

ليمون ونعناع بجم ست شانيل

 

[.:lady bug :.]

اي والله الله يسهل

 

[ليمون ونعناع]

والله انا خذيتهم ب ١١٣
انتي تقدرين تاخذين اللي محتاجته بس
كل واحد ينباع بروحه

 

[صمــت_ALsHfaaH]

>روضـة الحسـن<<, post: 24760196, member: 27766"]مرحبا صمت الشفايف
شنو كريم العنود ومن وين وبجم

ليمون ونعناع بجم ست شانيل

مررراحب فديتج

كريم أساس بس مو طبيعي أخذه من معرض الروضان من مركز شوق

وسعره مو متأكده بين 25 أو 30 بس يهبل ويطوول معاج ماينمسح أو يطلع خطوط

 

[خوخة الكويت]

السلام عليكم .

شلونكم شخباركم ؟!!

اول شي مشكورة يا حياتي ليدي ع التجمع الحلو توني أطيح عليه ^^

صراحة خوش خوش تجمع انا حامل الحين بالسابع يصير أشارك وياكم والا راحت علي

لان صراحة مع ان ما قريته كله بس وايد استفدت و حابة اشارككم و افيد واستفيد ^_^

و اشكر كل الخوات اللي فادونا بهالموضوع و يعطيكم الف عافية ....

 

[om__jana]

دندوش يعني تنصحين اسوي بيرم للرموش عندهم؟؟وشلون طريقته؟عشان انا بسوي عندهم حمام مغربي اذا زين اسوي مره وحده وانا رايحه
تفاحه انا مسويه ليزر للاندر ارم والبكيني عند طيبه كلنك هالكلام من قبل 3سنين. الاادرارم نماقام يطلعلي الا شعرتين او ثلاا ث.بس البكيني ليلحين يطلع والاااكن ماللي ماكان فيها شعر قام يطلع فيها قررت اروح رويال حياه اسوي دقيت قبل جم يوم اسألها اذا والده طبيعي متى اقدر اسوي قالتلي بعد الاربعين او بعد شهرين من الولاده.
انتوا شرايكم متى الوحده تقدر تسوي؟