MaFaZ
New member
السلام عليكم حبيباتي بعد قصتي الاولى مذكرات مريم حبيت ارد بقصة تنسينا المود اللي عشناه بالقصة الاولى
هذي القصة تتكلم عن واقع مرير نعيشه في الكويت ... وصدقوني اغلب الاحداث حقيقة وانا شفتها عند ناس يعانون نفس هالحالة ..
القصة هذي يغلب عليها الجانب الكوميدي او نقدر نقول الهزلي بالرغم من احداثها الصعبة تابعوا معاي وان شاء الله القصة تعجبكم
البارت الاول
رقية : ربااااااااااااااااااااااااااااااااااااااااب .... ربااااااااااااااااااااااااااااااااااااااااااب
رباب : بس بس شالصراخ شفيج ؟؟ شصاير ؟؟
رقية : ها انتي اهني
رباب : لا هناك .. شفيج ؟؟
رقية : يه بعد تنكت اختي .. اقول جب جب وتعالي ساعديني ترا طاح حظي وانا اغسل بمكسرات ابوج ..
رباب: ماقدر بيدي شغل
رقية: يا سلام ؟؟ وشنو بيدج ان شاء الله
رباب: قاعده اسوي عشا حق اليهال .. وي ذكرتيني خل اروح البيض احترق شكله
رفية : (( تتحلطم )) والله حالة .. الله يرضى .. شبابي راح وانا افرك بهدومه . الله يرحمج يا يمه ارتحتي ..
بو محمد : رقيوووووووووووووووووو .. (( يناديها من الصالة ))
رقية: يبوووووووووووووووي وانا اقول طالعه على منو .. كاني ييت ..
====> دخلت رقية الصالة .. ابوها قاعد ومرته متسندة على جتفه تلعب باظافرها
رقية: هلا يبه ...
بو محمد : شنو قاعدة تسوين ؟؟
رقية: قاعدة اتشمس (( تقولها شوي شوي ))
بو محمد: شنو ؟؟
رقية: قاعده اغسل اغسل .. امر بغيت شي ؟؟
بو محمد: وين العشا ... وين اختج
رقية: اختي قاعده تسوي وانا اغسل هدوم .. مرت ابوي .. وين عيالج ؟؟
الهام : يا حظي عليج ما تعرفين تقولين اخواني .. بس انتي ما تحبينهم شلون بتقولين عنهم اخوانج
رقية : لا وييييي ..انا ماحبهم .. انا ماحب هالملائكة وعلى قولتج اخواني .. افا عليج ولا تزعلين وين اخواني ؟؟
الهام : بالدار يدرسون
رقية: غلط .. اخواني توهم رباب مسبحتهم واه مبالدار قاعدين يبدلون .. عشان يطلعون عشان يتعشون من العشا اللي رباب قاعده تسويه .. عشان ينامون وباجر ابوي يقعد يلبس المكسر اللي انا قاعده اغسله عشان يوديه مالمدرسة
بو محمد: رقيو ويهد .. شفيج ينيتي ؟؟
رقية: لا يبه ما ينيت . .بس خلني اتحلطم .. ما يصير ؟؟
بو محمد: ما يصير ...
رقية : اوكي ..
مشت عن ابوها وراحت
بو محمد: رقية وثول وين رايحة
رقية: يبه انا صج انثولت من دعاويك .. رايحة استعيل العشا
دخلت رقية المطبخ
رقية : افففففففففف واي اففففففففف متى ياربي الله يتوب علينا .. شباب ضاع .. شبابي راح
رباب: ههههههههههههههههههه اسمالله يا ام شباب ..
رقية: اي شفتي شلون .. ها خلصتي العشا ..
رباب : اي كاني بس ناطرة الماي يغلي عشان اسوي جاي ..
رقية: الناس تقدمت وقامت تستخدم هيتر واحنا لحد الحين بهالغوري المصدي .. اخ يا من يقضبني مرت ابوج امصع رقبتها ..
رباب: اف يا رقية مليت من هالعيشة .. تمنيت ايام المدرسة تطول ..
رقية: اي والله ربوب .. افييييييييييه على الاقل كنا نطلع برة اسوار سجن بو غريب
بو محمد : (( ينادي بصراخ )) وييييييييييييييييييين العشااااااااااااااااااااااااااااا
رقية: يبووووووووووووووووووووووووووي يالله يالله قبل لا يدش علينا يعضنا
*************
رقية عمرها 23 سنة واختها رباب 24 .. امها الله يرحمها كويتية وابوها بدون ... اهو عنده جنسية بس قاطها على امل ان يتجنس .. عسكري بالجيش .. بعد ما ماتت ام رباب تزوج على طول بزوجته الهام .. نسرة وشايفة عمرها .. يابت له محمد واحمد وسعد وجوري .. عايشين في دور ايجار في منطقة الاندلس ..
من تخرجت رقية ورباب من الثانوية قعدهم الابو في البيت .. حارمهم من شوفة خوالهم وخالاتهم .. ما يشوفونهم الا بالسنة حسنة .. وقاطع ريول اهل امهم من بيته .. بيت عم رقية ورباب بالفريج اللي وراهم ..
رقية تحب ولد جيرانهم (( زيد )) .. صارلها اربع سنوات عايشة بقصة حب معاه .. لكن امه مو راضية لانها بدون .. عايشة على الرسايل بالخش والدس واذا تبي تشوفه الله يعافي الفرع ..واذا ما عندها شغل بالفرع باقت من دفاتر احمد ومحمد او مقالمهم عشان جذي يطرشونها اهي والصبيان يشترون من مكتبة الشناكل اللي في الاندلس .. تروح اهي واخوانها مشي وبالطريج
شغل البيت من تنظيف وكنس وغسيل ملابس وكوي وتسبح اليهال وتدريسهم .. وترتيب وغسال حوش على رقية ورباب .. والاخت الهام حاطة ريل على ريل .. من يطلع بو محمد من البيت جابلت الشيشة .. ولا يولها رفيجاتها المتخلفات ..
******************
في يوم دخلت رقية البيت توها بتفصخ عباتها
رباب: رقيوووو تعالي بسرعه
وتلت رباب رقية للغرفة
رقية: شفيج ؟؟ الهامو ماتت ؟؟
رباب: لالالالالالا .. حسينو ولد خالي
رقية: شفيه ؟؟
رباب : بيسافر
رقية: ليش ؟؟
رباب : بيسافر مع خاله علاج
رقية: اوكي ؟؟ وبعدين
رباب: شنو وبعدين ؟؟ اقولج بيسافر علاج
رقية: اي اوكي مو اهو خاله
رباب: (( تطق راس رقية )) شغليه عدل ياربي ..
رقية: ايييييييييييييييييييييييييييييييه اي اوكي وشفيها
رباب: اف اف مو طبيعي غبائج
رقية: انزين انتي منو قالج
رباب: يعني منو ؟؟ خالتي امل دقت وقالتلي .. شسوي ياربي شسوي .. يعني هم بعد انطر كل هالمدة ماشوفه ولا اكلمه حرام يا ناس حرام .. حسبي الله عليك يا يبه جانك حارمنا من اهلنا
رقية: علينا ربابو ؟؟ علينا ؟؟ انتي اصلا ما دريتي عن هوا اهلج .. انتي تبين حسينو
رباب: اي اي ابي حسينو شفيها ولد خالي احبه ويحبني
رقية: انزين امل ما قالت لج شي ؟؟ خل تكلم ابوي وتعزمنا وتيي تاخذنا وشوفيه في بيتها
رباب: ما راح يوافق انا ادري الشهر اللي فات رحنالهم
رقية: ممممممممممممم صدقتي بو محمد عنيد وراسه يابس .. انزين خل نكلم الهامو ؟؟
رباب: شنقولها ؟؟ نبي ننروح نقابل حسينو ؟؟
رقية: لا خوووووووو .. فكري .. ممممممممممممم اي لقيتها
رباب : شنو ؟؟ قولي بسرعه
رقية: شرايج نقولها لا لا مو احنا شرايج نقول حق حمودو يحن عليهم نروح الالعاب
رباب: هذي فكرتج ؟؟ سكتي احسن لج لا اجرم فيج
رقية: نطري ياربي نطري .. نار وشرار ما تتحاجين
رباب: انا ؟؟ يالله كملي .. خنشوف اخرتها ويا افكارج ..
رقية: شوفي خو حمود عين السيح .. كلمته ما يثنيها ليه بغى شي يحن وغصبن عليهم يسوون .. ويوم الخميس الهامو اختها مسوية عشا .. فيحن عليها حمود اهي مالها خلق توديه عشان بتروح العشا وابوي خلقة ما يودي .. فاحنا ناخذهم وابوي يقطنا الالعاب وتواعدينا هناك .. شرايج فيني مو هينة مو ؟؟
رباب: انزين يالموهينة انتي شدراج عن عشا اخت الهام ؟؟
رقية: سمعتها تتكلم بالتلفون .. وسمعتها تقول حق ابوي ..
رباب: اها .. خلاص خل اكلم امل ..
رقية: وادعي جود الله يحنن قلب ابوج واييب لنا موبايلات قبل يوم الخميس ..
رباب: يارب . .انزين سمعي اخاف ابوي يقرر باجر يوديه مالالعاب
رقية: لا ماعتقد .. مدارس نسيتي ؟؟
رباب: اي صح .. ابوي دوام واهما مدارس .. خلاص بس انتي فري راس حمود .. انتي تقدرين له ..
رقية: وي فديته حمود اخوي .. تصدقين اهو واحمدو مادري شلون الهام امهم .. الا سعد مصيبة صابته .. الهام مصغرة
رباب: ههههههههههههههههههههههههههههههههه رقيو وعلى لا تدعين على اخوج
رقية: ههههههههههههههههههههههههههههههه اف قاهرني .. يلاحقني ويراقبني جنه استخبارات .. نفس عيون امه تتلاقط يسوي مسح على كل الموجودين في المكتبة وان جك زيد موجود يقول كل يوم نشوف زيد .. وي فديت زيد حسرة علينا وين كل يوم .. انا وياه جنه بنغالي وسيلانية .. يتني حموضة من الخرعه اخاف احد يشوفنا بالفرع مادري متى خالتي ام عيد توافق
رباب: خالتج ؟؟؟ يحليلج ونتي عايشة ياحلامج الوردية .. صارلها اربع سنين ترفض عيوز النار وتسمينها خالتي ؟؟
رقية: اف .. شسوي .. محد يختار اهله ولا وضعه .. يعني امي الله يرحمها من متى متوفية .. لحد يراضي يجنسنا لحد راضي يطل يويوهنا .. معلقين لا طايلين ارض ولا سما .. حتى الزواج مستعرين منا الاوادم مع انا مافينا شي ينعاب اصل وفصل وجمال
رباب: قولي مال ؟؟ عشان اضحك
رقية: لا مال ماكو .. اهو نص دينار خاشته بدرجي كل يوم اطل عليها اصبح وامسي وادعيله بالتكاثر ..
رباب تحب ولد خالها حسين .. خالتها الصغيرة امل تساعدها انها تشوفه .. واذا راحت تزور اهل امها تشوفه وتسولف معاه .. حاول اكثر من مرة يعطيها تلفون بس ما تاخذه تخاف من اهام لانها تفتش باغراضهم .. وخافت اذا جكتها الهام تنام براس بو محمد وتخليه يرفض حسين اذا تقدم لها .. رباب وحسين يحبون بعض من واهما صغار .. وكبروا مع بعض .. ورباب نطرت حسين لين يتوظف .. وتوه توظف ولا بيسافر مرافقة مريض ..
رباب ورقية ناطرين ابوهم يشتري لهم موبايل واعدهم من زمان وناطرينه يوفي بوعده .. لانه لا رباب ولا رقية قادرين يكلمون اللي يحبونهم عدل
زيد عمره 26 سنة اكبر من رقية ب 3 سنوات .. اخوانه اللي اكبر منه عيد و حزام تزوجوا .. وظل اهو رافض ان يتزوج لان يبي رقية .. واخوه فيصل اللي اصغره تزوج واهو بعده.. كل ما يفاتح امه بالموضوع تسوي سالفة وترفض زواج زيد برقية وكل مرة عذرها انها بدون وانهم ماهم من مواخيذنا .. بالرغم من ان ام عيد تعرف اهل رقية عدل وتعرف عماتها ويدتها .. ورقية ورباب كانوا ملكات جمال .. البياض والشعر الناعم والعيون الوساع .. والخشم المسلب والحلج الناعم .. والجسم والطول .. يعني ما كان ناقصهم شي .. بس كان ناقصهم الحظ و
البخت ..
في يوم نادت الهام رقية ورباب .. ابوهم كان متسطح بداره ..
الهام: تعالوا تعالوا .. اليوم بختكم قام
رقية: خير يا مرت ابوي
رباب: شنو ابوي شرالنا تلفون
الهام: ممممممم ذابحج التلفون .. لا ما شرالج تلفون (( نزرت بويه رباب )
رقية: عيل فزنا بالمليون ؟؟
الهام : احلى واحلى .. وانا قلت هالفرصة الذهبية بنات ريلي اولى فيها
رقية: حسرتي .. اكيد بلوة
الهام: بلوة في عينج صج منتو كفو نعمة
رباب: طولي بالج يا مرت ابوي خير شصاير قولي فهمينا نورينا
الهام: اخوي غازي
رباب: شفيه
الهام: عزم يتزوج
رقية : مبروك
الهام: ايييييي وانا قلت ماكو غير يارقية يا رباب ينفعون حق اخوي ومنا وفينا وبنات انا خابزتكم لا لكم ولا عليكم اللهم روحاتكم الزايدة للفرع (( تنغز على رقية ))
رقية: شنوووووووووو ؟؟؟؟؟؟؟؟؟؟؟ظ لا لا لا انا مابي اتزوج
رباب: ولا انا
الهام: ليش شايفين لكم شوفة ؟؟
رقية: شالحجي ؟؟ من وين نشوف لنا شوفة ؟؟ من المدعاب ؟؟
الهام: عيل اخوي غازل الف من تتمناه شنو فيه عيب ولا ناقص
رباب: مافيه يا مرت ابوي مافيه شي .. كامل والكمال لله .. بس غازي عمره 40 سنة
رقية: ويشرب .. يالله من فضلك
الهام : وشنو يعني ... غيريه على ايدج
رقية: لالالا لا اغيره ولا يغيرني خليني في بيت ابوي اغسلج واخم لج وانظف لج
الهام : ونتي ؟؟
رباب: انا .. انا مابي اتزوج .. ما اقدر على فراق اختي ..
الهام: لا يا عيوني انا هالكلام ما يمشي عندي .. ليه مت ىقاعدين على قلبي
رقية: واي .. لا مستحيل .. الهام شفيج ؟؟ احنا مؤذينج بشنو .. اول شي البيت مو ملك .. اجار .. ثاني شي انا ورباب قاعدين بمحكر حمام .. دار متر بمتر وما اشتكينا .. ونشتغل ونكرف لج ولا اقدعها خدامة .. غير نفس رباب بالاكل .. وافرك بمكسرات ابوي وصراويله ليل ونهار بعد شتبين اكثر من جذي ..
قعد بو محمد على صوتهم
بو محمد شصاير شفيكم .. الله يلعنكم ما تخلون الواحد ينام
رباب: مشكور يبه ..
بو مححمد: شفيهم هذول بعد ؟؟ (( يكلم الهام ))
الهام : مافيهم شي ..
اهني عرفوا ان الهام ما تبي تقول حق اببوهم انهم رفضوا لان بو محمد يعرف اهل الهام عدل ..
رقية: لا اكو يا مرت ابوي... يبه انته تدري ان غازي خاطبنا
بو محمد شنو ؟؟ ==> يطالع الهام .. شالحجي ؟؟
الهام: (( توهقت )) لا اهو قال دورولي مرة وانا قلت ماكو احسن من بنات بو محمد جناين لامي ..
بو محمد: امج على عيني وراسي بس اخوج سكير عربيد البطل ما يتركه جنه ممية
رقية: هههههههههههههههههههههههههههههههههههههههههههههههههههههههههههههه
باب: هههههههههههههههههههههههههههههههههههههههههههههههههههههههههههههههه
بو محمد : (( خزهم وكستوا ))
رقية: ×
رباب: ×
بو محمد: اي بس بناتي لا .. انا بناتي ما يتزوجون ايا كان .. انا بناتي لازم يتزوجون كويتي .. ولد اصل وفصل ..
الهام : شقصدك يعني ..
واهني قامت رقية واختها وراحوا الدار .. وخلوا الهام تتناشب مع بو محمد ..
رقية: طاع هذي من صجها ؟؟ غازي .. قطيعه خلصوا الرياييل .. اعنس ولا اخذه اصلا اهو من يجبل صوب بيتنا ادري ان ياي من ريحته
رباب: اي على قولتج .. قطيعه بو ريحة .. استغفر الله ..
رقية: ولا تخيلي ان ام الهام خالتج ام ريلج .. واي واي مستحيل
رباب: اي امبيه تطلع دبل الهام بكل شي .. اشوه ابوي فكنا من غازي وشر غازي .. يمكن هذي الميزة الوحيدة في ابوي ان يوقف بويه الهام بهالسوالف
رقية: اي الحمدلله .. بس جان زين يعجل بالموبايل ودي اكلم زيدان حبيب ئلبي
حذفت رباب رقية بالمخدة .. وتموا يضحكون ويسولفون ويتحلمون احلام وردية .. شلون رباب تتزوج حسين وشلون رقية تتزوج زيد ..
هذي القصة تتكلم عن واقع مرير نعيشه في الكويت ... وصدقوني اغلب الاحداث حقيقة وانا شفتها عند ناس يعانون نفس هالحالة ..
القصة هذي يغلب عليها الجانب الكوميدي او نقدر نقول الهزلي بالرغم من احداثها الصعبة تابعوا معاي وان شاء الله القصة تعجبكم
البارت الاول
رقية : ربااااااااااااااااااااااااااااااااااااااااب .... ربااااااااااااااااااااااااااااااااااااااااااب
رباب : بس بس شالصراخ شفيج ؟؟ شصاير ؟؟
رقية : ها انتي اهني
رباب : لا هناك .. شفيج ؟؟
رقية : يه بعد تنكت اختي .. اقول جب جب وتعالي ساعديني ترا طاح حظي وانا اغسل بمكسرات ابوج ..
رباب: ماقدر بيدي شغل
رقية: يا سلام ؟؟ وشنو بيدج ان شاء الله
رباب: قاعده اسوي عشا حق اليهال .. وي ذكرتيني خل اروح البيض احترق شكله
رفية : (( تتحلطم )) والله حالة .. الله يرضى .. شبابي راح وانا افرك بهدومه . الله يرحمج يا يمه ارتحتي ..
بو محمد : رقيوووووووووووووووووو .. (( يناديها من الصالة ))
رقية: يبوووووووووووووووي وانا اقول طالعه على منو .. كاني ييت ..
====> دخلت رقية الصالة .. ابوها قاعد ومرته متسندة على جتفه تلعب باظافرها
رقية: هلا يبه ...
بو محمد : شنو قاعدة تسوين ؟؟
رقية: قاعدة اتشمس (( تقولها شوي شوي ))
بو محمد: شنو ؟؟
رقية: قاعده اغسل اغسل .. امر بغيت شي ؟؟
بو محمد: وين العشا ... وين اختج
رقية: اختي قاعده تسوي وانا اغسل هدوم .. مرت ابوي .. وين عيالج ؟؟
الهام : يا حظي عليج ما تعرفين تقولين اخواني .. بس انتي ما تحبينهم شلون بتقولين عنهم اخوانج
رقية : لا وييييي ..انا ماحبهم .. انا ماحب هالملائكة وعلى قولتج اخواني .. افا عليج ولا تزعلين وين اخواني ؟؟
الهام : بالدار يدرسون
رقية: غلط .. اخواني توهم رباب مسبحتهم واه مبالدار قاعدين يبدلون .. عشان يطلعون عشان يتعشون من العشا اللي رباب قاعده تسويه .. عشان ينامون وباجر ابوي يقعد يلبس المكسر اللي انا قاعده اغسله عشان يوديه مالمدرسة
بو محمد: رقيو ويهد .. شفيج ينيتي ؟؟
رقية: لا يبه ما ينيت . .بس خلني اتحلطم .. ما يصير ؟؟
بو محمد: ما يصير ...
رقية : اوكي ..
مشت عن ابوها وراحت
بو محمد: رقية وثول وين رايحة
رقية: يبه انا صج انثولت من دعاويك .. رايحة استعيل العشا
دخلت رقية المطبخ
رقية : افففففففففف واي اففففففففف متى ياربي الله يتوب علينا .. شباب ضاع .. شبابي راح
رباب: ههههههههههههههههههه اسمالله يا ام شباب ..
رقية: اي شفتي شلون .. ها خلصتي العشا ..
رباب : اي كاني بس ناطرة الماي يغلي عشان اسوي جاي ..
رقية: الناس تقدمت وقامت تستخدم هيتر واحنا لحد الحين بهالغوري المصدي .. اخ يا من يقضبني مرت ابوج امصع رقبتها ..
رباب: اف يا رقية مليت من هالعيشة .. تمنيت ايام المدرسة تطول ..
رقية: اي والله ربوب .. افييييييييييه على الاقل كنا نطلع برة اسوار سجن بو غريب
بو محمد : (( ينادي بصراخ )) وييييييييييييييييييين العشااااااااااااااااااااااااااااا
رقية: يبووووووووووووووووووووووووووي يالله يالله قبل لا يدش علينا يعضنا
*************
رقية عمرها 23 سنة واختها رباب 24 .. امها الله يرحمها كويتية وابوها بدون ... اهو عنده جنسية بس قاطها على امل ان يتجنس .. عسكري بالجيش .. بعد ما ماتت ام رباب تزوج على طول بزوجته الهام .. نسرة وشايفة عمرها .. يابت له محمد واحمد وسعد وجوري .. عايشين في دور ايجار في منطقة الاندلس ..
من تخرجت رقية ورباب من الثانوية قعدهم الابو في البيت .. حارمهم من شوفة خوالهم وخالاتهم .. ما يشوفونهم الا بالسنة حسنة .. وقاطع ريول اهل امهم من بيته .. بيت عم رقية ورباب بالفريج اللي وراهم ..
رقية تحب ولد جيرانهم (( زيد )) .. صارلها اربع سنوات عايشة بقصة حب معاه .. لكن امه مو راضية لانها بدون .. عايشة على الرسايل بالخش والدس واذا تبي تشوفه الله يعافي الفرع ..واذا ما عندها شغل بالفرع باقت من دفاتر احمد ومحمد او مقالمهم عشان جذي يطرشونها اهي والصبيان يشترون من مكتبة الشناكل اللي في الاندلس .. تروح اهي واخوانها مشي وبالطريج
شغل البيت من تنظيف وكنس وغسيل ملابس وكوي وتسبح اليهال وتدريسهم .. وترتيب وغسال حوش على رقية ورباب .. والاخت الهام حاطة ريل على ريل .. من يطلع بو محمد من البيت جابلت الشيشة .. ولا يولها رفيجاتها المتخلفات ..
******************
في يوم دخلت رقية البيت توها بتفصخ عباتها
رباب: رقيوووو تعالي بسرعه
وتلت رباب رقية للغرفة
رقية: شفيج ؟؟ الهامو ماتت ؟؟
رباب: لالالالالالا .. حسينو ولد خالي
رقية: شفيه ؟؟
رباب : بيسافر
رقية: ليش ؟؟
رباب : بيسافر مع خاله علاج
رقية: اوكي ؟؟ وبعدين
رباب: شنو وبعدين ؟؟ اقولج بيسافر علاج
رقية: اي اوكي مو اهو خاله
رباب: (( تطق راس رقية )) شغليه عدل ياربي ..
رقية: ايييييييييييييييييييييييييييييييه اي اوكي وشفيها
رباب: اف اف مو طبيعي غبائج
رقية: انزين انتي منو قالج
رباب: يعني منو ؟؟ خالتي امل دقت وقالتلي .. شسوي ياربي شسوي .. يعني هم بعد انطر كل هالمدة ماشوفه ولا اكلمه حرام يا ناس حرام .. حسبي الله عليك يا يبه جانك حارمنا من اهلنا
رقية: علينا ربابو ؟؟ علينا ؟؟ انتي اصلا ما دريتي عن هوا اهلج .. انتي تبين حسينو
رباب: اي اي ابي حسينو شفيها ولد خالي احبه ويحبني
رقية: انزين امل ما قالت لج شي ؟؟ خل تكلم ابوي وتعزمنا وتيي تاخذنا وشوفيه في بيتها
رباب: ما راح يوافق انا ادري الشهر اللي فات رحنالهم
رقية: ممممممممممممم صدقتي بو محمد عنيد وراسه يابس .. انزين خل نكلم الهامو ؟؟
رباب: شنقولها ؟؟ نبي ننروح نقابل حسينو ؟؟
رقية: لا خوووووووو .. فكري .. ممممممممممممم اي لقيتها
رباب : شنو ؟؟ قولي بسرعه
رقية: شرايج نقولها لا لا مو احنا شرايج نقول حق حمودو يحن عليهم نروح الالعاب
رباب: هذي فكرتج ؟؟ سكتي احسن لج لا اجرم فيج
رقية: نطري ياربي نطري .. نار وشرار ما تتحاجين
رباب: انا ؟؟ يالله كملي .. خنشوف اخرتها ويا افكارج ..
رقية: شوفي خو حمود عين السيح .. كلمته ما يثنيها ليه بغى شي يحن وغصبن عليهم يسوون .. ويوم الخميس الهامو اختها مسوية عشا .. فيحن عليها حمود اهي مالها خلق توديه عشان بتروح العشا وابوي خلقة ما يودي .. فاحنا ناخذهم وابوي يقطنا الالعاب وتواعدينا هناك .. شرايج فيني مو هينة مو ؟؟
رباب: انزين يالموهينة انتي شدراج عن عشا اخت الهام ؟؟
رقية: سمعتها تتكلم بالتلفون .. وسمعتها تقول حق ابوي ..
رباب: اها .. خلاص خل اكلم امل ..
رقية: وادعي جود الله يحنن قلب ابوج واييب لنا موبايلات قبل يوم الخميس ..
رباب: يارب . .انزين سمعي اخاف ابوي يقرر باجر يوديه مالالعاب
رقية: لا ماعتقد .. مدارس نسيتي ؟؟
رباب: اي صح .. ابوي دوام واهما مدارس .. خلاص بس انتي فري راس حمود .. انتي تقدرين له ..
رقية: وي فديته حمود اخوي .. تصدقين اهو واحمدو مادري شلون الهام امهم .. الا سعد مصيبة صابته .. الهام مصغرة
رباب: ههههههههههههههههههههههههههههههههه رقيو وعلى لا تدعين على اخوج
رقية: ههههههههههههههههههههههههههههههه اف قاهرني .. يلاحقني ويراقبني جنه استخبارات .. نفس عيون امه تتلاقط يسوي مسح على كل الموجودين في المكتبة وان جك زيد موجود يقول كل يوم نشوف زيد .. وي فديت زيد حسرة علينا وين كل يوم .. انا وياه جنه بنغالي وسيلانية .. يتني حموضة من الخرعه اخاف احد يشوفنا بالفرع مادري متى خالتي ام عيد توافق
رباب: خالتج ؟؟؟ يحليلج ونتي عايشة ياحلامج الوردية .. صارلها اربع سنين ترفض عيوز النار وتسمينها خالتي ؟؟
رقية: اف .. شسوي .. محد يختار اهله ولا وضعه .. يعني امي الله يرحمها من متى متوفية .. لحد يراضي يجنسنا لحد راضي يطل يويوهنا .. معلقين لا طايلين ارض ولا سما .. حتى الزواج مستعرين منا الاوادم مع انا مافينا شي ينعاب اصل وفصل وجمال
رباب: قولي مال ؟؟ عشان اضحك
رقية: لا مال ماكو .. اهو نص دينار خاشته بدرجي كل يوم اطل عليها اصبح وامسي وادعيله بالتكاثر ..
رباب تحب ولد خالها حسين .. خالتها الصغيرة امل تساعدها انها تشوفه .. واذا راحت تزور اهل امها تشوفه وتسولف معاه .. حاول اكثر من مرة يعطيها تلفون بس ما تاخذه تخاف من اهام لانها تفتش باغراضهم .. وخافت اذا جكتها الهام تنام براس بو محمد وتخليه يرفض حسين اذا تقدم لها .. رباب وحسين يحبون بعض من واهما صغار .. وكبروا مع بعض .. ورباب نطرت حسين لين يتوظف .. وتوه توظف ولا بيسافر مرافقة مريض ..
رباب ورقية ناطرين ابوهم يشتري لهم موبايل واعدهم من زمان وناطرينه يوفي بوعده .. لانه لا رباب ولا رقية قادرين يكلمون اللي يحبونهم عدل
زيد عمره 26 سنة اكبر من رقية ب 3 سنوات .. اخوانه اللي اكبر منه عيد و حزام تزوجوا .. وظل اهو رافض ان يتزوج لان يبي رقية .. واخوه فيصل اللي اصغره تزوج واهو بعده.. كل ما يفاتح امه بالموضوع تسوي سالفة وترفض زواج زيد برقية وكل مرة عذرها انها بدون وانهم ماهم من مواخيذنا .. بالرغم من ان ام عيد تعرف اهل رقية عدل وتعرف عماتها ويدتها .. ورقية ورباب كانوا ملكات جمال .. البياض والشعر الناعم والعيون الوساع .. والخشم المسلب والحلج الناعم .. والجسم والطول .. يعني ما كان ناقصهم شي .. بس كان ناقصهم الحظ و
البخت ..
في يوم نادت الهام رقية ورباب .. ابوهم كان متسطح بداره ..
الهام: تعالوا تعالوا .. اليوم بختكم قام
رقية: خير يا مرت ابوي
رباب: شنو ابوي شرالنا تلفون
الهام: ممممممم ذابحج التلفون .. لا ما شرالج تلفون (( نزرت بويه رباب )
رقية: عيل فزنا بالمليون ؟؟
الهام : احلى واحلى .. وانا قلت هالفرصة الذهبية بنات ريلي اولى فيها
رقية: حسرتي .. اكيد بلوة
الهام: بلوة في عينج صج منتو كفو نعمة
رباب: طولي بالج يا مرت ابوي خير شصاير قولي فهمينا نورينا
الهام: اخوي غازي
رباب: شفيه
الهام: عزم يتزوج
رقية : مبروك
الهام: ايييييي وانا قلت ماكو غير يارقية يا رباب ينفعون حق اخوي ومنا وفينا وبنات انا خابزتكم لا لكم ولا عليكم اللهم روحاتكم الزايدة للفرع (( تنغز على رقية ))
رقية: شنوووووووووو ؟؟؟؟؟؟؟؟؟؟؟ظ لا لا لا انا مابي اتزوج
رباب: ولا انا
الهام: ليش شايفين لكم شوفة ؟؟
رقية: شالحجي ؟؟ من وين نشوف لنا شوفة ؟؟ من المدعاب ؟؟
الهام: عيل اخوي غازل الف من تتمناه شنو فيه عيب ولا ناقص
رباب: مافيه يا مرت ابوي مافيه شي .. كامل والكمال لله .. بس غازي عمره 40 سنة
رقية: ويشرب .. يالله من فضلك
الهام : وشنو يعني ... غيريه على ايدج
رقية: لالالا لا اغيره ولا يغيرني خليني في بيت ابوي اغسلج واخم لج وانظف لج
الهام : ونتي ؟؟
رباب: انا .. انا مابي اتزوج .. ما اقدر على فراق اختي ..
الهام: لا يا عيوني انا هالكلام ما يمشي عندي .. ليه مت ىقاعدين على قلبي
رقية: واي .. لا مستحيل .. الهام شفيج ؟؟ احنا مؤذينج بشنو .. اول شي البيت مو ملك .. اجار .. ثاني شي انا ورباب قاعدين بمحكر حمام .. دار متر بمتر وما اشتكينا .. ونشتغل ونكرف لج ولا اقدعها خدامة .. غير نفس رباب بالاكل .. وافرك بمكسرات ابوي وصراويله ليل ونهار بعد شتبين اكثر من جذي ..
قعد بو محمد على صوتهم
بو محمد شصاير شفيكم .. الله يلعنكم ما تخلون الواحد ينام
رباب: مشكور يبه ..
بو مححمد: شفيهم هذول بعد ؟؟ (( يكلم الهام ))
الهام : مافيهم شي ..
اهني عرفوا ان الهام ما تبي تقول حق اببوهم انهم رفضوا لان بو محمد يعرف اهل الهام عدل ..
رقية: لا اكو يا مرت ابوي... يبه انته تدري ان غازي خاطبنا
بو محمد شنو ؟؟ ==> يطالع الهام .. شالحجي ؟؟
الهام: (( توهقت )) لا اهو قال دورولي مرة وانا قلت ماكو احسن من بنات بو محمد جناين لامي ..
بو محمد: امج على عيني وراسي بس اخوج سكير عربيد البطل ما يتركه جنه ممية
رقية: هههههههههههههههههههههههههههههههههههههههههههههههههههههههههههههه
باب: هههههههههههههههههههههههههههههههههههههههههههههههههههههههههههههههه
بو محمد : (( خزهم وكستوا ))
رقية: ×
رباب: ×
بو محمد: اي بس بناتي لا .. انا بناتي ما يتزوجون ايا كان .. انا بناتي لازم يتزوجون كويتي .. ولد اصل وفصل ..
الهام : شقصدك يعني ..
واهني قامت رقية واختها وراحوا الدار .. وخلوا الهام تتناشب مع بو محمد ..
رقية: طاع هذي من صجها ؟؟ غازي .. قطيعه خلصوا الرياييل .. اعنس ولا اخذه اصلا اهو من يجبل صوب بيتنا ادري ان ياي من ريحته
رباب: اي على قولتج .. قطيعه بو ريحة .. استغفر الله ..
رقية: ولا تخيلي ان ام الهام خالتج ام ريلج .. واي واي مستحيل
رباب: اي امبيه تطلع دبل الهام بكل شي .. اشوه ابوي فكنا من غازي وشر غازي .. يمكن هذي الميزة الوحيدة في ابوي ان يوقف بويه الهام بهالسوالف
رقية: اي الحمدلله .. بس جان زين يعجل بالموبايل ودي اكلم زيدان حبيب ئلبي
حذفت رباب رقية بالمخدة .. وتموا يضحكون ويسولفون ويتحلمون احلام وردية .. شلون رباب تتزوج حسين وشلون رقية تتزوج زيد ..
