عادي عندج تشيلين جنطه تقليد؟؟

[تفداج روحي]

بنات انا عندي استفسار

اشوف بالجامعه البنات كلهم شايلين جناط ماركه
شبت فيني يعني من صجهم كل ما نزلت جنطه راحو شروها؟؟ كل البنات بنات فلوووس؟؟ حيروووني

ولما تعرفت على المنتدى اللطيف اكتشفت الحقيقه
نص الكويت طايره بالتقليد وانا ياغافلين لكم الله

الحين اللي بعرفه
انتو جناطكم تقليد وساعاتكم تقليد؟؟؟؟ والا اصليه؟؟ وما تحسين بشعور غريب ان انتي شايله بيدج تقليد والا لابسه تقليد؟؟؟؟
انا غرامي بواكه ساعات جناط خواتم؟؟ وكلهم في منهم تقليد

 

[asOola_21]

انا وحده الصراحه ما احب البس تقليد .. عندي البس الماركات الرخيصه ولا البس تقليد :/ بس في بنات والله عادي يلبسون تقليد وترى صج نص الكويت تقلييييد

 

[moone GRL]

تقليد بس مو اي تقليد بعضهم يبين انهم لوعه

 

[ريـــم إلغـــلآ]

رد : عادي عندج تشيلين جنطه تقليد؟؟

رفع

 

[تفداج روحي]

رد : عادي عندج تشيلين جنطه تقليد؟؟

ابي احد يقنعني اشتري تقليد سوبر
اسوله انتي نفسي انا عندي البس ماركه رخيصه ولا اني اشيل شي تقليد

 

[غمـــ ^^ ـــازه]

انا كنت عادى البس تقليد بس من شريت اصلي حسيت بفرق

الحين التقليد لو شنو ماقرب صوبه كافي انه الاصليه تشيلينها وانتى واثقه

واذا على التقليد السوبر حرااااام اسعارهم من 100 واقل نطري شهر وزيدهم 100 واخذى اصليه

 

[بدوره 22]

شوفي انا شفت الاثنين واحب امسك والبس الاصلي مع ان مرات افكر واقول والله حرام هالكثر اقط فلوس على جناط وبدل وساعات

بس لمن ينفتح موضوع التقليد ... واشوف اغراضي اشوفهم بثقه والله ...

البسهم ونا واثقه

مع اني مثلج لمن دشيت المنتدى انصدمممممت

وعرفت ناس من بره المنتدى من اكبرها واسمنها والله ثم والله يلبسون تقليد سوبر على قولتهم نقط 400 دينار بس خمينا 4 جناط على قولتهم ما انلحق .. اذا همه يقولون ما انلحق عيل احنا شتقول!
بس والله لي الحين ما تجرات اشتري تقليد قاعده اشتري اصلي لي الحين والله .

 

[<miss botamba>]

لااا طبعاا

اشتري ماركه رخيصه على قدي او مو شرط اشتري اي شي عادي بس ما البس التقليد لان يبين وحتى لو تقليد الزين ما اشتريه لان حرام اقط 100 والا 80 وعلى تقليد اروح اشتري فيه ماركه رخيصه احسن عالاقل يكون اسمه ماركه

والحين واايد في ماركات مثل مولبري و انا سوي و جيمي شو تسوي تشكيلات سواء هدوم والا جناط حق محلات معينه بسعر يكون في متناول كل الناس

مثل H&M مره جيمي شو سوالهم هدوم وجناط وجواتي على 40 و 50 دينار واهوا بالاساس اسعاره بالبوتيك فوق ال 500 دينار
عندج بعد محل Target في امريكا مره انا سوي سوت لهم هدوم على تقريبا 30 دينار واهيا بالاساس بالبوتيك الهدوم فوق 100 دينار

فالواحد لازم يعرف ويكون اول باول على هالسوالف فيعرف يستثمر فلوسه بشي زين
مو بس اشوف الناس واقلد ولازم اكون مثلهم

لا المسأله فيها ذوق

يعني ممكن اتييج وحده لابسه ماركات من فوق لين تحت وماتدرين اهيا اصلي والا تقليد و يلوع الجبد
وممكن اتييج وحده لابسه من H&M او Zara وتحسينه ذوق ونزاكه

 

[يازمان العجايب]

لا ماشريت ولاراح اشتري
اذا ماعندي مولازم اشتري ماركات من محلات عاديه
يمكن في بنات عادي بس انا مستحييييييييييييييل

 

[iCe*]

رد : عادي عندج تشيلين جنطه تقليد؟؟

ماركه بس رخيصه نقدر نشتريها مو غاليه تحوسج
عاد والله لو تشترين ماركه محد بيصدقج وبيدفونج عين
يعني مثلا هرمز انا ميته عليها بس اكيد لو بشتريها تقليد وبعدين يعني الماركه مو هينه حتى تقليدها غالي فستخسرتها
انا مايبط جبدي الا اللي تبلسها وتقول ماركه ياخي مبين وانا اعرف اهلج حتى الي عندها دخل من مشغل او شي ماشرتها ماركه كلامي صح ولا شرايكم؟

 

[الجــادل]

رد : عادي عندج تشيلين جنطه تقليد؟؟

لا ما البس تقليد

شكو اقص على عمري عشان اتشيحط قدام الناس

ومره قريت فتوى ان حرموه

 

[مدام زيزو]

رد : عادي عندج تشيلين جنطه تقليد؟؟

ماحب البس التقليد لاني ماراح احس بالثقه بنفسي شحقه كاشخه والثقه نص الجمال

 

[حرم يوسف بيك]

رد : عادي عندج تشيلين جنطه تقليد؟؟

هلا حبيبتي شوفي انا مستحيل البس تقليد لاني ماحبه وماتحسين بثقه وانتي شايلتها نفس فخامة الاصليه الي مايقدر على الاصلي في مااركات حلووه واسعارها مناسبه محلات الاسطوره عندهم جناط حلوه واسعارها زينه طبعا اقصد السكند لاين

 

[LuLiTa]

مستحيييييييل البس تقليد ,,, شللي حادني ؟؟؟ و لا اهوو سالفة تقليد اعمى و بس ؟؟

الاصلي له زهوته و كشخته و اناقته ,, كافي جودته اللي اتخليه يظل معاااج عمر ,,, و التقليد مهما اتقطين عليه صدقيني ما تسوى سعرها و اول ما يصير فيها شي على طول بتقطينها الزبالة ,,,

 

[al-musk]

السالفه سالفه قناعه ..يعني في ناس ماتفرق معاهم وفي ناس لا ..انا ماجربتها ليلحين بس يقولون في تقليد درجة اول نفس المصنع ونفس الخام والجلود والكواليتي عالية فهم كلامهم مقنع...

 

[واقعية حـلـم !]

انا اخذ من الماركات الي ما اتعدى 200


بس ما احب التقليد


طلي على موضوعي انا و الماركات بتشوفين فيه آراء بنوتات حلوة

 

[Cool Teacher]

رد : عادي عندج تشيلين جنطه تقليد؟؟

اي عادي اشتري تقليد ...

ولا اني اقط فلوس الدنيا عشان اكشخ....يعني ما اكشخ الا بجنطه او ساعه فيها مصروووووف 3 عائلات محتاجه...

اخاف الله يسألني في قبري مالك فيما أسرفته...اقوله جنطه ولا ساعه عشان اكشخ جدام الناس...اشتري بحدود المعقول بس ماشتري تقليد الصراحه لانه غالي فلوسه اعطيهم لناس محتاجه...

صج بتقولون الحمدلله كلنا نعطي ليش ماندلع عمرنا...اقول صح بس هم الله مايرضى في عائلات كاملة مصروفهم الشهري دينار تعرفون شنو الدينار ....يعني الجنطه اللي ب400 او 500 او 300 فيها 300 عايلة ...

لما اروح اشتري اي شي دايما اتذكر...مالك فيما أسرفته...الصرف بحدود المعقول ...

بعدين انا علي التزامات ...اروح اسدد التزاماتي ولا اكشخ جدام الناس وبعدين اقول المعاش مايكفي لازم يزيدون معاشي والوم الدولة لانهم مايزيدون المعاشات ...مو ذنب الدولة ان احنا شعب مسرف ونقط فلوسنا عالكشخه ..

اصرف على قد معاشي والتزاماتي ...

ان شاءالله عمري ماكشخت...

 

[al.brnsesa]

هه ..!

امبي شهالتفكير

شالسالفه

يعني الحين تروحون الجمعيه ولا الصالون بجنطه وساعه ماركه .!

شوفي حبيبي انا عن نفسي اذا رحت مناسبه ولا حفله لازم كل شي راقي وللأمانه انا اقط على الساعات والجناط بالهبل بس للمناسبات وللشي الي يستاهل

بس هم لازم جناط عمليه بسيطه للجامعه ولا لأي شي

عادي البس تقليد بس مو اي تقليد لان الاصليه فوق 2000 فـ مو معقوله كل جناطي ماركه خير ان شاء الله ^ـ^

بس هم انا اضحك على البنات الي يقولون كل شي ماركه واهم اصلا ماعمرهم امسكوها حتى

< ما اقصد احد >

 

[احلى صغيرونة]

لا تستغربين حبيبتي اصلا الكويت بوتيكات الماركات الاصليه الحين قامو يبيعون تقليد يعني الصالحيه جم مره يصكرون بوتيكاتهم هناك ؟!!

الصراحه انا مره وحده لبست جنطه تقليد بعدين قمت اشتري جناط عمليه مو ماركه ولا شي لاني حسيت وانا شايله التقليد مو واثقه من عمري مادري ليش
بعدين قمت اشتري الماركات الرخيصه يعني غس و ليز كاليبورن و من هذيله و كل ماسافرت بره او احد من اهلي سافر بره اييبلي بربري بس لازم تكون مو نازله الكويت عشان مااحصل منها تقليد او ال في خو ال في اول باول ينزلون كولكشنها بالكويت فاخذ اللي بالكويت بس من برا عشان اظمن انها ماركه مو تقليد او فرزاجي او دكني من هالسوالف يعني الماركات الغلي من بره و الرخاص من الكويت بس للامانه ماحب اشتري جنطه اكثر من 300 دينار يعني هذا حدي ..

لا يغرووونج بنات الجامعه لابسين ماركات ترا اغلبهم تقليد بس درجه اولى على قولتهم او تلاقين خواتهم متزوجات فيشترون ماركات و عقب يعطونهم لخواتهم اللي بالجامعه

بس طبعا مو حق اي مكان نلبس الماركات مثلا رايحه الجمعيه ولا طبيب و لا جامعه لابسه ماركه ؟!! شدعوا عليج يعني رايحه ولابسه ماركه لبسيلج جنطه عمليه

 

[Queen_Angel]

ما اشتري تقليد عندي البس جنطة عملية ماركه عاادية ولا اخذ تقليد ,,

بعدين استغرب من اللي ياخذون تقليد على بو درجه اولى ب100 او اكثر ,, اصلا حرام هالسعر على تقليد زيدي عليه 50 واشتري اصليه,,