عادي عندج تشيلين جنطه تقليد؟؟

[ice box]

رد : عادي عندج تشيلين جنطه تقليد؟؟

عادي اشتري تقليد مافيها شي
لاني كدا مره اشتري جنطه تقليد واشوف ناس يقولووون لابسين اصلي بس اهيا اهيا بالضبط
حرام اقط 500 دينار على جنطه وانا اشوف اهل العراق وفلسطين يموتون من اليوع

 

[عطر المدينه]

رد : عادي عندج تشيلين جنطه تقليد؟؟

ماشاء الله عليكم يالكويتيات رزه وشياكه مشهورات عندنا بالسعوديه ذوق ذوق مره

تقريبا عندنا عادي نلبس من الماركات العاديه ا مثل مانخو وزاره بس نادرا يلبسون من الماركات الغاليه لها ناس

 

[chica loca]

رد: رد : عادي عندج تشيلين جنطه تقليد؟؟

اي عادي اشتري تقليد ...

ولا اني اقط فلوس الدنيا عشان اكشخ....يعني ما اكشخ الا بجنطه او ساعه فيها مصروووووف 3 عائلات محتاجه...

اخاف الله يسألني في قبري مالك فيما أسرفته...اقوله جنطه ولا ساعه عشان اكشخ جدام الناس...اشتري بحدود المعقول بس ماشتري تقليد الصراحه لانه غالي فلوسه اعطيهم لناس محتاجه...

صج بتقولون الحمدلله كلنا نعطي ليش ماندلع عمرنا...اقول صح بس هم الله مايرضى في عائلات كاملة مصروفهم الشهري دينار تعرفون شنو الدينار ....يعني الجنطه اللي ب400 او 500 او 300 فيها 300 عايلة ...

لما اروح اشتري اي شي دايما اتذكر...مالك فيما أسرفته...الصرف بحدود المعقول ...

بعدين انا علي التزامات ...اروح اسدد التزاماتي ولا اكشخ جدام الناس وبعدين اقول المعاش مايكفي لازم يزيدون معاشي والوم الدولة لانهم مايزيدون المعاشات ...مو ذنب الدولة ان احنا شعب مسرف ونقط فلوسنا عالكشخه ..

اصرف على قد معاشي والتزاماتي ...

ان شاءالله عمري ماكشخت...

لله درك على هالرد

 

[مراسي الشوق]

امممممم شريت ثقليد قلت بجرب ويوم مسكتهااا حسيت انهاا ثقيله وكاهي مقطوطه بالكبت وقررت اذا ابي لازم اصليه لاني جربت التقليد وكلش ماعجبني

 

[ليتني مـآ كبرت]

بصراحة استغربت منكم أكتشفت ان ثقتكم تستمدونها من جنطة ماركة أو شوز ماركة !!!!!
يعني البنات اللي اشوفهم بالسوق و الدوام و الوحدة طاقة ثقتها السقف مو منها من جنطتها ؟؟

آنا الحمد لله لو ألبس خيشة ثقتي بنفسي عالية ما تتزعزع ..

بصراحة آنا طالبة جامعية حرام ألبس شي غالي حق الدوام و الكراف مع إن الحمد لله ربي مرهي علي ..

بس ما أشتري إلا من ناين ويست أو ريفر آيلاند أو ألدو يعني من هـ المحلات الرخيصة ..

آنا مو مع الأسراف الأسراف و لا مع البخل البخل يعني في بنات يشترون جنطة أم 3دنانير عاد مو لهالدرجة

و لا إني أشتري جنطة ب150 دينار و أقص على نفسي إنها ماركة يبا بالكويت أغلب البوتيكات خرطي مو الأفرع

الأصلية ..

نفس اللي تلبس هيرمز ومصدقة إنها أصلية يبا نعرف سعرها الأصلي فوق ال5 آلاف وتعالي نطري دورج ليما

يصنعونها لج !!!

بس الساعات أشتري شي أصلي بس الماركات المعقولة قيس .. ديكني .. جذي

 

[ليتني مـآ كبرت]

أعرف وحدة يوم كانت طالبة ماتلبس إلا بوطقة

و يوم توظفت تشيحطت آنا ما البس إلا ماركة آنا دفعت السعر الفلاني ع هـ الجنطة آنا و آنا

المشكلة بس جنطتها اللي تقدر تشتريها ماركة و إلا لبسها و بدلتها و عباياتها ووووو كله خرطي

و عيالها كلا من ماكس و رد تاغ

يعني واضح ميزانيتها ع قدها ما تقدر تلبس إلا جنطة ماركة يبا كملي كلا ماركة بس مو تفشلين عمرج

إن شاء الله تمر ع الموضوع و تقرا ردي

 

[دلع السلاطين]

انا عن نفسي جذي وجذي

تقليد واصلي
لكن التقليد الهاي كوالتي الي مايفرق عن لاصلي كلش

 

[الدلال]

ما احب التقليد والناس قناعات واذواق

 

[تفداج روحي]

رد : عادي عندج تشيلين جنطه تقليد؟؟

صاااااااااجين خواتي

اللي تبي الاناقه تلقاها مو بس بالماركات

الاناقه ذوووووق واصلا انا من عمر ما البس الماركات ومتعقده من عماتي واختي اذا مو ماركه ما يلبسون حتى لو مشوار مستوصف ما يعرفون يشترولهم جنطة عمليه

احسهم عقد لين عقدوني
والحمدلله دايما اقول الشي الحلو واقدر عليه عادي بس اني اعقد عمري عشان اشتري الغالي بس لان غالي لا يبا اتقي الله في نفسي احسن

واكبر دليل ان لبسي حلو وكشختي حلوه من غير ماركات ان اهما يسئلوني انتي من وين تطيحين على هالسوالف وانتي من وين ماخذه هالبدله ومن وين جنطتج وشحلاته بوكج واهو يمكن ما تعدى 20 بس مو ماركه وهم عجبهم

 

[carrot^cake]

ما البس تقليد
اذا ما قدرت على الاصلي ما البسه مو لازم
ولا اني البس تقليد

 

[روح مغليهآ]

لا والله اشتري اصليه ويكفي كد ومد لو تكرفينها 10 سنين تهبل

 

[^حلاوه^]

اهم شي يكون الواحد مقتنع بلي عنده صار عنده فلوس لايقصرعلى عمره ماصار موضروري وبالنهايه اهيا مسألة ذووق حتى لو جنطه بو 10 دنانيرر يمكن تطلع احلى من جنطه بو 200 دينار والقناعه كنز لايفنى


ويسلمووو حبوبه على هالموضوع ^_^

 

[شــغــب]

عآدي ماتسببلي بربلمّ

لانه اغلب الجنآط عندنآ تقلييدّ

وبعدين فيه جنآط مو ماركه جنأط عآديه عرفتيّ

حلوه وتهببلّ .. مو شرطّ آلبس ماركه

على حسبّ ذووق البنيهّ

شاكرتلج قلبيّ

 

[Petite]

" ليتني ماكبرت "

ردج وايد عجبني وانتي نفس طريقتي حتى انا طالبه


بالنسبة للساعات والجناط .. اثنينهم مستحيل ألبس تقليد .. يعني ألبس جنطه عاديه من ألدو - ناين وست - ريفر آيلاند - فورايفر 21 - روكو بروكو - قس - غاي لاروش ووايد محلات ماتحضرني حالياً بس عندهم موديلات حلوه وذربه ماتتعدى 100 دينار .. بس تقليد ؟؟ لا مستحيل !! وحتى بنت خالتي علمتها هالشغله وأمها جم مره اتييبلها جناط تقليد تقولها نفس الحجي اللي أقوله

وبعدين فيه ناس تلبس من راسها لريولها ماركات بس ذوق ماكو ؟؟ تلوع جبدج وانتي تشوفينها صراحه !!

بس اللي صج يرفع ضغطي اذا يت وحده ماسكه جنطه تقليد أشكرا من المباركية ورافعه الخشم !! أمبيه لألأ مستحيل


بالنسبه للساعات .. هم مستحيل آخذ تقليد شنو وين قاعدين !! عاد الساعه بالذات رزه أقط عليها اذا داشه خاطري ماعندي مشكله أدوخ على الساعات

 

[BaiTotia]

رد : عادي عندج تشيلين جنطه تقليد؟؟

لا ماحب تقليد

اللي ماعندوش مايلزموش

ألبسلي جنطة عادية أو ماركة رخيصة ولا تقليد حتى لو سوبر على قولتكم

ليش مثلا أشتريلي جنطة تقليد ب100 وألاقي ماركة رخيصة وحلوه بنفس هالسعر

وفي بنات يلبسون التقليد اللي كلش يبين من أول نظرة شكله يفشل مو حلو

 

[غير كل الناس]

شنطه عادي بس ساعه لا مستحيل الساعه لازم ماركه

 

[(ذوق)]

رد : عادي عندج تشيلين جنطه تقليد؟؟

ما البس تقليد

 

[مملوحة_الوصايف]

رد : رد: عادي عندج تشيلين جنطه تقليد؟؟

شوفي حبيبتى

آنا عن نفسي ما احب التقليد ولا احب اشيل بيدي مو عن شىء بس الاصلي سعره فيه

وفي ماركات رخيصه

عندج لويس فيتون الى اسمها نيفر فل على 207 وااااااايد عمليه حق الجامعه
الفيرو مارتيني 160 هم رزه
شروتي على 100 واااايد عمليه
موسكينو على 200
قوتشي عنده على 250
شوبارد 250 الخام وااااااااايد رزه بلبس


هذولالى جناطى يعنى ما احب اتعدى 250 اذا كثرت 300 اسعارهم واااااااايد مناسبه

ان شاءالله اكون فدتج

نفس الي كنت بقوووله وانا حدي 350 ما اشتري جناط على 500 او 600 مستحيل شدعوه حتى خاطري بالشانيل كنت باخذها خلاص ومزهبه فلووسها بعدين قلبي عورني لوووووووووول قلت والله مو لزوم عندي وايد ماركات غيرها وبسعرها باخذلي جنطتين :dddds:
او عموووما كل واحد او قناعته او مو سالفة ناس عندها وناس ما عندها يعني انا اعرف وحده معاشها فوووق ال1200 بس هم ما تشتري ماركات عادي

 

[Rurii]

.
.


مشالله الحين كلكم صرتوااا ما تلبسووون تقليد
ولا اللي يقولون بدال ما اشتريها سوبر بـ 100 ازيد عليها 100 واشتري اصليه !
هووو وبنات الكوويت اللي نصهم شارين شانيل
شانيل ولا عمرها كانت بـ 200 !! و الكبيره تووصل الـ 1000 !!
و مليبري 800 !
ال في اللي كل الشعب عنده اقل وحده 250 ! لا وبعد البنات مايخذونها يعني مانلبس رخيص وااي اي شي !
واهما اغلبهم تقليد


والله اذا تقليد سوبر ومايبن من امه اخذها ولا ليش اقط فلووسي

 

[مغرمه]

والله لما بلبس ماركه ماراح يجون الباباراتزي ويصورووني ويحطوني بأغلفة المجلاات يوقوولون مغرمه جنطتها الماركه الفلااانيه محد داري عني
لا والله مد رجولك على قد لحاافك
التقليد حلوووو سواء جنط ساعات او اكسسواريز
والوحده اهي اللي تزين الشي مو هو اللي يزينهاااا وانا اختج
ماراح اعذب نفسي واتعب ميزانيتي عشاااان النااس
المهم شكلي يكون كلااااس وذرب
واذا بشتري مااركه اشتري ماركه رخيصه ام 50 وحدهاااا 200
وسلااامتج