عادي عندج تشيلين جنطه تقليد؟؟

[قنوت]

شكو اقط فلوسي على جناط

خو انا مو ماكلتها

المهم تكون ذربة وحلوة واكثر من 15 20 دينار مستحييل مستحيييل ثمن مستحيييل ادفع فجنطة او شوز


شحقة يعني حرام والله ناس مو لاقية تاكل وانا اقط فلوسي وتعبي فجناط


والحمدلله كشيخه والكل ينهبل على ذوقي

المبدأ اهو ان انتي تشترين بذكاء وبمنطق تحطين اقل سعر في احسن جودة

 

[معلمة شيسمونه]

من صجج

هذا اسعد يوم بحياتي لوووووووووووووووووووووووول

حبيبتي انا على طول اغير واقط يعني الجنطه بس تلوع جبدي منها اقطها

حرام اقط جنطه اصليه ينحرق قلبي ويشيب شعري

اشتري تقليد بس التقليد الذرب
ما اقولج تقليد ابو طقه ابو 7 دنانير

لا في الحين حتى محلاااااااااااااات هنود صاروا يبيعون جنط جلدها يهبببببببببببببببببببببببببل وما يفرق
وشفت بنات يبيعونهم هني بالمنتدى على 50 وانا اخذتهم والله
ب 35
وتهبل وكلمن سالني عنها


يعني عينج ميزانج انتي تقدرين تميزين الجنطه الحلوه واللي فعلا تستاهل تشترينها

وبالنسبة لي
ما تفرق معاي لو تقليد اهم شي نوعيتها وشكلها وشكثر بتعمر يعني ما تكون اي شي

وعاااااااااااااااجبتني

وبس مالي شغل باحد والله

 

[معلمة شيسمونه]

حبيبتي اسمحيلي بس كلنا نعرف الله و نخاف الله و الي مقتدره و عنها خير و ما عليها قاصر

شنو المشكله لي شرت ماركه و قطت على عمرها؟؟

الي تشتري ماركه و ساعات الحين بتصير ما تعرف الله و فسق و مادري شنو الحمد الله و الشكر والله

الي عنده خير و ما عليه قاصر يشتري

و الي ما عنده يشتري على قده

اما الي تقولين ياخذون قرض و يشترون هذول مو اوادم هذول مو صاحيه و ما عنده سالفه

الصراحة و ناس يبون يكشخون لان فيهم نقص و بيفرضون نفسهم

اما الفسق و الوباء لا الصراحة ما اسمح لج اسفه بس اذا انتي ما تشترين و

ما تحبين تقطين على هالسوالف اكيد عندج ميول بشي ثاني تحبين تصرفين عليه مثل سفر او مواعين او الخ

في ناس ميولها الماركات فمافيها شي حبيبتي و شكرا

كلامج صح والله
بس في ناس تهول بعمرها على قولتج تاخذ قرض وفعلا

لكــــــــــــــن هي سالت عادي نلبس تقليد

اي عادي نلبس تقليد مافيها شي اهم شي الجوده والشكل يكون ذرب وانيق

هذه الزبده

انا اشتري تقليد
واشتري ماركه

لانه في شغلات مو حلوه تقليد بس مو لازم كلللللللللللللللللللل لبسي يكون ماركه

عندي ساعات ماركه
وعندي ساعات تقليد

والله اذكر بنات الجامعه الكل يسالني عن ساعتي التقليد محد سالني عن ساعتي الماركه ؟؟

وفعلا جناطي الماركه مميزه ما انكر وعلى قولتهم تتكلم من حلاتها

بس هم عندي جناط تقليد يهبلون والكل يقولي من وين يبتيهم

المساله مسالة ذوق

بس ما نقدر نقول فسق لا

انا شريت لامي جنطه ماركه اصليه لكن سعرها رخيص تصدقين عاد

لانها ماركه يديده توها طالعه واشوفها عاديه وفي تقليد احلى منها بمليون مره


يعني ما نبي نخرع البنت ونقولها لااااااااااازم ماركه
لا مو شرط صراحه


في وحده من التاجرات تبيع ملابس تقليد ماركات
على 70 و 80 ليش ان شاء الله

علشان تقليد ماركات
لا يكون خيوطهم ذهب

اخذي الموديل من النت واشتري الخام وطيري على البلوكات خيطيه ما يتعدى 35 دينار


يعني فكري وخططي ونفذي بس

سلامتج

 

[فانيلا حلوه]

فجاه كل البنات يلبسوووون ماركه على منو تجذبون والله ثم والله محد امربح الهنود الا انتم كل ما تروحين سوق في 100 محل تقليد ما سالتم نفسكم هذولا ليش واااجد لانه شافوكم تشتروووون جناااااط تقليد بالهبل


اتقووا الله بانفسكم وبلا جذذذذذب

 

[miss.lulu]

لا والف لا شنطة عادية مو ماركة اصليه افضل من تقليد ماركة

 

[ماني من الناس]

اذا الوحده تستمد ثقتها من جنطه فاهي ماعندها ثقه من الاساسً اصلا

الواثقه من نفسها لو تلبس خيشه تشوف نفسها جميله الجميلات مو محتاجه جنطه عشان تزيد جمالي او فستان من محل معين اهو اللي بيبهر الناس فيني


الجمال برشاقتج ونضارتج لو تلبسين ابيض ف ابيض بتطلعين قمر

احنا اللي نصنع الجنطه مو الجنطه اللي تصنع شخصيتنا وتكون ثقتنا


والحلو حلو الكشخه لابتقدم ولا تاخر

مثال وحده حلوه ولابسه فستان ابيض مافيه شي ولاماركه ومهتمه بجسمها والثانيه عاديه ولابسه ملون وتبرق وجنطه شكبرها واكسسوارات الخ

اللي بتلفت النظر اللي قالبها حلو مو الثانيه


فعشان جي القالب غالب


انا شخصيا ماخذيت تقليد واخذ ماركات عاديه سعرها مناسب واي شي يعجبني اخذه ماشوف المحل شنو اسمه


ماتفرق عندي ان شالله تصميم محلي

المهم الوحده مهتمه بنفسها والقالب غالب

 

[حوريه عسل]

مع أني بصراحه البس تقليد بس شكلي بقطع عنه عقب ما شفت الردود .. اكتشفت ان صج لها علاقته بالثقة بالنفس يعني اشتري ماركه على قدي ولا أصيله تكسر الظهر