طمنوني ولا تخلوني انا اختكم :(

[.. مـــلاكـ ..]

سلام عليكم

بنات

عفيه فهموني وطمنوني

انا حامل بالاسبوع الخامس
سويت تحليل هرموني علا كلام الدكتوور زين بس ماطلب اني اعيده مرة ثانيه
قالي تعالي بعد اسبوع
رحت له
قال في كيس حمل صغيرررررر بس فاضي
تعالي الاسبوع الياي ولازم يكون في جنين ونبض بعد! وقعد يسالني اساله مادري شلون حسيت في شي وكل ماساله يقول ماقدر افيدج الحين خير خير ....*

بنات انا سبق لي حالات اجهاض مايمديني اتهني بحملي الا يطيح الحمدلله علا كل شي

بس الللي مخوفني

صارلي جم يوم اختفت اعراض الحمل*
لاعوار بطن عوار الدورة
ولا دوخه
ولا لوعه
ولا قمت اروح اتبول وايد تكرمون



واالي معور قلبي كنت احلم احلام موزينه بعد هالاحلام كل شي اختفا من اعراض الحمل
احلم اني اطيح واحد يلحقني (


بنات عفيه لاتخلوني تعبت تعبت

صرت شماته للكل والكل يشفق علي
ليش احمل واجهض

طمنوني ؟؟؟؟ اللي فيني طبيعي ولا لا
شسوي انطر الموعد الياي؟؟؟ شسوي

 

[.. مـــلاكـ ..]

جسمي مطقق من كثر الابر
والحبووووب

اااااااااااااخ تععععععبت

 

[أم معاذ الكندري]

حبيبتي داومي ع قرأة سورة البقره
واذكار الصباح والمساء والرقيه الشرعيه
ولاتحاتين
ان شاءالله خير
والله يتمم عليج ياقلبي

 

[بيت التوت]

ملاك
منو ينتشمت بقضاء الله وقدره الا الناس الجهله
وااااااااااايد بنات قالولهم جيس حمل فاضي
والله تمم حملهم وولدو بخير سلامه
لاتروحين لاطباء ولا شي نطري جم شهر انسيهم وادعي ربج
انه يرزقج بالخلف الصالح
واعراض الحمل اللي اختفت منج ماتدرين يمكن منكثر خوفج وتفكيرج
ترا وااايد اتصير معاي هالحاله وتختفي اعراض الحمل من كثر خوفي
الله يرزقج ويتمم حملج يااااااااااااااارب

 

[_ظل الياسمين _]

وكلي علي الله وادعيه اهو الرزاق الكريم
والبشر اهل الشماته لاتعدينهم من البشر
وكل شكه ابره والم لج فيها اجر يرفع منزلتج
بالجنه باذن الله كل من الله خير بس احنا نجهل
الخير اللي يبيه لنا رب العالمين وياما حريم اجهضوا
مره وثلاث واربع وتالي اترسوا البيت عيال

 

[sosowaty]

دام تكرمين اتبولين وااايد هذا دليل انج حامل

ثانيا شهالدكتور الخربوطي ترا انا ما بين معاي الجنين و دقات القلب الا باسبوع الثامن

غيريه هذا يلعب باعصابج

و لا توسوسين وايد

 

[غرومه غنوجه]

هذول الي يتشمتون لا ذوق ولا ذمه ولا ضمير ولاتفكير ناقصين دين وعقل حمدالله وشكر
شلون يتشمتون على قضاء الله وقدره مالت عليهم اسمحيلي بس مايعجبني هل شي وانقهرت عليج والله

ثاني شي وايد قريت بالموقع ان البيبي مو مبين لان حجمه صغير يكون وينطرون بعد شهر يالله يبين ولا بعد فتره طويله شوي

انتي بس لاتوسوسين وقعدي قولي ربي لاتذرني فردا وانت خير الوارثين
واقري المعوذات وايه الكرسي والفاتحه والله يسهل
وحطي كل يوم سورة البقره فبيتج حاولي تسمعينها كثر ماتقدرين وتنتبهين معاها

وان شاء الله تحملين وربي يثبت حمالج وتحرقين قلوب الحساد حسبي الله عليهم

بعد عمري اتوكلي على الله والله يكون بعونج

وكل شي بيد الله وبامر الله كن فيكون

 

[فراأأأأأأوله 89]

اذا صرتي بالاسبوع الثامن روحي سوي سونار قبل الثامن لاتسوين شي
والله يرزقك

 

[أملي بعد الله]

اقري على عمرج حبيبتي وحصني روحج بأذكار الصباح والمساء
نصيحة نصيحة نصيحة لاااااااا تهملينهم كلش
اقري على بطنج كل يوم سورة الفاتحة وآية الكرسي
دام تحملين أحلام مو زينة هذا مؤشر خطر إنه ممكن أحد عاينج
وإنتي لا توسوسين ولا تفكرين وايد ترى ممكن اللي يصير لج أعراض طبيعية واللي تمرين فيه طبيعي بس التفكير يذبح

الله يتمم لج ياقلبي

 

[الشيخه غرور]

انتي لا حملتي لا تعلمين احد الا لما يثبت ع الاقل ٣ شهور

ومن احلامج باين نفس فيج مثل ماقالو البنات شغلي القران بيتج

واقري الكرسي وايه البقره وبإذن الله يثبت حملج وتولدين بالسلامه انشاالله

وغيري دكتورج شوفي لا تيأسين والله كريم انشاالله

 

[الشيخه غرور]

انتي لا حملتي لا تعلمين احد الا لما يثبت ع الاقل 3 شهور

ومن احلامج باين نفس فيج مثل ماقالو البنات شغلي القران بيتج

واقري الكرسي وايه البقره وبإذن الله يثبت حملج وتولدين بالسلامه انشاالله

وغيري دكتورج شوفي لا تيأسين والله كريم انشاالله

 

[روح الأحزان]

حبيبتي الله يطمن قلبج ويريحج وكل واحد تشمت بييله يووم

 

[أبكاني ذنبي]

مثل ماقالوا البنات


اذا حملتي لاتعلمين احد اقضوا حوائجكم بالكتمان بعض الناس

عيون خلق الله عليهم ولا يرحمووون ومن تشمت فيج ربي بجازيه

الدينا دووااره

واذ كان حمل عسى ربي يثبته ويبلغج اياه


بنت عمتي سقطت 3 مرات والحمدلله بعدها قام بثبت بعد ماداومت على سورة البقره

والحين عندها ماشاء الله 4

 

[••غـلآًهْـم••]

الله يفرح قلبج

بس السونار ليش استعجلتي عليه مبجر حيل ترا وطبيعي مايبين شي


واقري علي نفسسسسج

 

[روزسكاي]

نفس اللي قالته أخت ام معاذ كنت بقوله لك دوامي على سورة البقرة والاستغفار والدعاء

وقولي دائماً اللهم لا تذرني فردا وانت خير الوارثين وصدقيني انها راح تنفرج عليك

والله يعطيك انشاء لله كل خير ويرزقك بالذريه الصالحه

 

[ام الحلوااات]

اللـــه يـــثــبـــت حــمــلــج ويــتـــمــم عـــلــيـــج ويــكـــااافــــيـــج شـــــر الـــنــــاااس وعــيــونــهـــم
وكــلـــي امـــرج لــربــج وداااومـــــي عــلــى ســـوره الــبــقــره وعــلــى الاذكـــااار وارقـــــي نــفـــســـج بــااســتــمــرااار
والافــضــل تــعــتـــزلــيــن الــنــاس لــيــن يــثــبــت حــمــلــج​

 

[yoyo"s mam]

ياارب يثبت حملك حبيبتي
وحسبي الله على هذول اللي يتشمتون
كله بأمر الله
داومي عالاذكار والقران وربي ماينساك انشالله

 

[عهد الغرام]

حبيبتي. ربج إلي خلقه بيثبته لج ادعيه مايردج خائبه

 

[ام فافي]

ربي يرزقك ويثبت حملك ولي يتشمث الزمان دوار ما عليك من احد وارقي عمرك وثقي بالله

 

[ابدا يالغالي مانساك]

ذكرري الله انتي انسانه مومنه وبعدياا
ليش تهتمين بالي يتشمت هذا شي كااتبه لج ربج

وكلي امرج لله وعيشي حيااتج وبعدياا حيل مستعجله انتي الاسبوع الخاامس تسوي سونار

انا اذكر بين النبض بالاسبوع العاااااااشر

ذكري الله وكثري الاستغفار والدعاء وحافضي ع سورة البقرره

وطمنيناا عليج