طمنوني ولا تخلوني انا اختكم :(

[faty87]

بنات شنو هذا صارت موضة هني كل دكتور يقول كيس حمل فاضي
وكلش كلام خرابيط لا تردين
اخت زوجي حملت وراحت لمشفى هادي يقولها نفس الكلام
انا حملت بعدها بشهر ورحت لدار الشفا وجان الدكتورة تقللي نفس الكلام
وقالتلي تعالي بعد اسبوعين اشوفلك الجنين والحين صار 7 اسابيع حملي وانا مطولة بالي
لاني اعرف حكي خرابيط
وبعد دكتور اخت زوجي شنو يقولها الدكتور في كيس لكن الجنين مهو بالكيس
ولسا ما نزل عالكيس
عاد الجنين يتسوق برحم امه شنو هالحكي اللي ينن
انتظري وانا مثلك منتظرة لحين يبين نبض القلب
واهو مايبين لبعد ال 8 اسابيع
ولا تحاتين ترى صايرة موضة كيس حمل بدون جنين​

 

[(TigerWoman)]

كل يوم قبل لاتنامين حطي ايدج على راسج واقري 70 مره سورة الفاتحه باذن الله الاحلام المخيفه تروووح منج

ولا تستعيلين وتخلين الدكتور يعابل فييج خليج طبيعيه وان شاءالله فيه حمل باذن الله سبحانه

وربي يسهل امورج ويرزقج بالذريه الصالحه ان شاءالله ياااااااااااااااااارب​

واللي يتشمت فيج ربي يجازيه الله سبحانه يمهل ولا يهمل سبحان الله​

 

[بنت الثانوية]

fatyضحكتني راح يتسوق اب بطن امه هههههههههههههههههه

بس ان شاء الله ما فيج الا الخير

انا رحت يمكن بالإسبوع السادس .. تقول في جيس بس مافيه ياهل تعالي بعد اسبوعين

وما راحت بعد اسبوعين لهيت شوي ,, وراجعت بعد الشهر او الشهرين مو ذاكره بس كان قاعد يتحرك بالسونار

 

[.. مـــلاكـ ..]

حبايبي مشكورين وايد وايد
الله كريم واللي الله كاتبه بيصير

والله يتمم علي كل حامل
ويرزق كل وحدة تبي الحمل
ياااااارب






بنات انا اول ماحللت طلع خط خفييييييييييف
شنو يعني حمل متاخر ؟؟؟؟

 

[.. مـــلاكـ ..]

وشنو علاج التابعه
لازم اروح لشيخ
ولا انا اقرا علا عمري

والله مستمرة عاالاذكار وسورة البقرة والله كريم

 

[بنت الثانوية]

الله كريم استمري على الاذكار وسورة البقره ولاتتحركين هالأيام كلش من مكانج وراجعي بعد مو اقل من اسبوعين

 

[أإلع ـشق دلع ـهـأإ]

ملاك حبيبتي انا حااسه فيج والله

علاجج عندي والله سهل جدااا

انتي فييج التآبعه تعرفين شنو يعني التآبعه نوع من آنوآع الجن يتركز بالارحآم ويجي من سبت العييين يعني انتي جتج عيين قويه ومااعآلجتيهآ فتركزت عندج بالرحم والجني هذي وضيفته يقتل الآجنه تلقين مافيج شي فجاه يوقف النبض او تجهضين من غير سبب ؟؟

وآعرآضه الآحلآم المزعجه تحسين احد يطق بطنج تخلمين بشيآطين و و و و

بقولج انا حتني عيين والعيين وقفت حملي ورقيت نفسي حييل وعالجت نفسي بالقراااان وبعدها حملت بفضل ربي ومن حملت احلم احلام واحلامي تقولي ارقي نفسج لاني اهملت نفسي من تعب الوحاام

وسبحان الله وابوي حلم فيني والتفسير قالوله بنتك خلها تقرا ع نفسها اهي كانت تقرا ع نفسها والتابعه كل مره تحاول تجيها بس اهي تحصن نفسها خلها تقرا وتستمر

من قالي ابوي الكلام هذا خنقتني العبره وسجدت شكر لله لانه حفظني من الشيطين سبحان الله حفظت نفسي بس بشغلات بسيطه

بقولج شنو تسويين

علاجج سهل الجن ضعيف جدا جدا عند القراان

عليج بسورة البقره يوميا تقرينهاا لاا تهمليها اقريها يومياا وحتى اذا حملتي اقريها تحفظج

وجيبي ماي زمزم وزيت زيتون واقري عليهم ٧ مرات الفاتحه و٧ مرات الكرسي
واخر ايه من سورة البقره بدايتها " امن الرسول .." والمعوذات ٣ مرات.

وتقولين ايات العين والحسد تلقينها بقوقل

كل هذولا اقريهز بالماي الزمزم والزيت مع النفث فيهم

وكل ماعطشتي اشربيلج ماي زمزم ودهني بطنج وارحامج وظهرج وصدرج بالزييت المقري

واذا عندج مسك الطهاره الاسود زين ترا الجن مااتحب ريحته والرسول وصا النساء يتدهنون منه
دهني فيه ارحامج

والماي زمزم هذا جيبي بطل ماي صحه فاضي وصبي عليه ماي زممزم وحطي فيه ملج وماي ورد وخل وسكريه وافتحي فتحات صغيره عند الغطااء ومرتين باليوم رشي زوايا بيتج منه وفراشج بعد

واسمعي الرقيه الشرعيه نزليها بتلفونج في برنامج ام ستور برنامج الرقيه شرعيه

واسمعيها يوميا

وقولي اذكار الصباح والمساء لااااازم تقولينهم لااازم.

واكثري من الدعاااء

صدقيني اذا استمريتي بتحملين وبتفرحين بولدج

بس استمري استمري استمري

علااجج فقط القراااااااااااان

واسال الله ان يرزقج بالحمل ومايجي رمضان الا انتي حاامل ويثبته لج وتفرحين بشووفته

 

[Miss trfa]

حبيبتي ملاك ما عليج منهم

انا قالولي كيس فاضي بدون جنين ولاااا ازيدج مم الشعر بيت قالولي المفروض ان حجم الجيس ٨اسابيع وانتي واقف ع ٥ اسابيع وهذا حمل توقف نموه
روحي وتعالي بعد اسبوع نشوف اذا مافي تطور ولا بين الجنين يعني اجهاض خلاص

ولا كنت احس باي عرض من اعراض الحمل كلللللللش لا دوخه ولا صداع ولا ترجيع ولا شي نهااائي

السالفه ومافيها ان الحمل صار متاخر يعني قبل الدوره الثانيه بجم يوم عاااادي تصير واجد

انتي لا تحاتين ولا تفكرين والله بيفرجها
ولا توسوسين انا فيني وانا مافيني
وكلي امرج لله

ودايم رددي
فوضت امري لله والله بصير بالعباد


و طمنيني عليج امانه

 

[امـ خــزامـى]

حبيبتي تطمني
طبيعي ان الكيس صغير الشهر الاول والشهر الثاني يتكون الجنين
والدليل الوحم يبدا مع تكون الجنين
اخر الشهر الثاني يبدا التعب والغثيان


ارتاااااااحي ياقلبي وروقي ترى النفسيه الشينه ماتنفع للحامل

 

[rana91]

حبيبتي انا صار معي مثلك بالضبط. بعد الشهر اختفت كل الأعراض و بعد الشهر و نص ما في نبض بالجنين و بعد شهرين كمان ما في نبض بس خلصت الشهرين و داخلة بالثالث أجهضت فممكن يكون اللى ببطنك ميت لا سمح الله

 

[Koka_alotaibi]

حبيبتي انا علاج نفسج
اذا انتي في الاسبوع الخامس فتوووو الناس يبين شي حبيبتي
تخيلي انا في بداية الاسبوع الخامس سويت التحليل وطلع في حمل وفي بداية الاسبوع السابع شفت الجيس بس
وبدعها في اسبوعين يعني على نهاية الاسبوع التاسع شفت الجنين والنبض
عادي تطمني حبيبتي تو الناس يبين شي انتي توج محلله
على العموم التزمي بقرائة سورة البقره واخذيها نصيحه من اخت واذكار الصباح والمساء والرقيه واهم شي لاتهملين الاستغفار
وبالنسبه للاحلام انا نفسج كنت اتحلم واجد والحمدالله مافي الا العافيه بأذن الله بس هذا من اكثر التفكير والوسوسه واخذي الكلام من مجربه
واكيد لما ماقالتلج دكتورتج عيدي التحليل الا ان نسبتج حيل زينه
يعني ان شاء الله حمل مو ضعيف والله يرزقج وينولج الي في بالج حبيبتي ولايضيعلج تعب ولا مال
ولاتنسين حطي ايدج على بطنج واستودعي الله

ولاتنسينا من دعائج (((((

 

[.. مـــلاكـ ..]

قريت رد رد وحدة وحدة

حبايبي مشكورين علا وقفتكم ونصايحكم ودعائكم
الله كريم والله يسهل ان شالله

فديتكم والله

ناطرة الموعد الياي والله كريم