طلقني عن طريق الواتس اب

[F6oOomah]

هي صح انها غلطت لما كذبت عليه

لكن فيه رجاجيل شكثر مايعلمون حريمهم كم رواتبهم ! وعادي محد تكلم ولا احد غلطهم !

الحين جيتوا على هالمره لانها ماعلمت زوجها انها تستلم من حافز!

بعدين شالاصرار العجيب اللي عنده اللي خلاه يدق يسأل اذا هي تستلم او لا! لهالدرجه تهمه ال٢٠٠٠؟*

 

[[ نور عيني ]]

الفلوس اول وتالي وصخ دنيا .. لا تخلون حافز يفرق بينكم مو لهدرجه والللله ..

 

[بطة فوشيه]

سلام حبيبتي قطعتي قلبي بقصتك عالعموم دخلي فيها الرجال يادبونة والمفروض هو يعطيك مو ينقهر لماعرف انك تاخذين ادعي عليه وتحسبي الله يكون بعونك

 

[الحوريه الساحره]

حسبي الله وكفى
الرجال يقولون ه.و الخسران لانه مو كفو وكذا مره يقل ادبه
انا ماهمني بصراحه واطفالي مرتاحين في بيت ابوي والحمدلله
بس خايفه يتأثرون مدري ليه تفكيري كذا

 

[ليه الجفآ]

بصراحه بصراحه ولاتزعلين

انتي راكبج الغلط من راسج لرجولج

اول شي ليه مخبيه عليه ؟!

يعني بفهم ليه ..

طيب وخبيتي ... لما اكتشف كلمتين حلوين وتتقبلين اي شي يقوله

قالج خلاص مالج بلمصروف مني ... قولي اوكي ويسلم راسك

تردين عليه وغصب وغصب شنو هذي ليه هلاسلوب ..؟!

وعقبها طينتيها مره وحده ... تتصلين تقولين وين ورقتي شنو هذي

تشييش وتحدي له ..؟!! يعني انا مومهتمه وانطرها ..

امرج عجيب ..

وبعدين اللي تقول الرجال وهمهم الفلوس

اهي تاخذ وتخش ويوم قال ماكو مصروف تنجن خلاص اللي عندج له ولعياله

واللي عنده لج وله


كلمي شيخ عن الطلاق

والله يهديج

 

[a7la siorah]

الله يهدي سركم

 

[الحوريه الساحره]

الاخت اللي تقول اني مفروض اقوله يسلم راسك عشان قطعت المصروف لا حبيبتي
شرعآ هو ملزوم يصرف علي لو كان عندي مال قارون
وانا ماخبيت الموضوع عنه انا قلت اني سجلت بس لسى ماجاني القبول خلال شهر يقبلوني
بس هو تلقف واتصل عليهم وليش يتصل اساسآ بس اتوقع احد قايله والا هو ماله بهالاشياء

 

[Om zayd]

الله يهداج بس الجذب اهوا اللي يهدم العلاقه الزوجيه

 

[الشرازيه]

بصراحه من وجهه نظري
اثنينكم غلطانين هو في تهاونه وتهديده في الطلاق والطلاق مو لعبه ويبيله قرصه علي هالتهور حسسيه بالذنب اذا تهور مره ثانيه انكم بنفصلون للابد
والغلطج انه يوم عصب عليج وقال غشاشه وكذابه ما تعاملتي معه بذكااا وقلت له شنو مزعلك بالموضوع افلوس وجاتني بدل ما تزيدهاا تبي تاخذها اللي مثلك يزيدني ويهنيني ولا تخلي علي قاصر،، مو يعصب علشان افلوس واخذتها الله يسامح
الاسلوب هذا وبهدوو يخلي السالفه الكبيره صغيره


وعسي ربي يهديكم ويصلح بينكم

 

[مــســك]

الله يكتب الي فيه الخير ..

 

[الحوريه الساحره]

جزاكم الله خير
انا ماناقشته لاني توقعت انه بيجي يأخذني من عند اهلي وبضحك عليه بالكلام
لكن اللي صار انه بعد ماقفلت منه ارسل وقال انتي طالق

 

[أإلع ـشق دلع ـهـأإ]

بصراحه ولآ تزعلين مني بعتبرج نفس اختج وبقول الصج

الغلط منج انتي انآ اشوف زوجج مآغلط !!

شوفي اول شي تنزلج فلوس مآعلمتيه سآلج قلتي مآتنزلني فلوس ،،؟!

هذآ كذب ومحد يرضى مرته تجذب عليه !!!

وعصب لآ تلوومينه لآنه درآ ان مرته اللي اهي شريكته تجذب عليه !! وبكل ثقه ترآددينه !!

انتي اللي جذبتي وترآددينه !! مفروض ماتتكلمين من الفشله

وعصب وسكرتي بوجهه !! هذآ غلط بعد

ومآتحملتي رحتي دقيتي قلتي طلقني !!

برآيج انتي مآغلطتي ؟؟

مفروض تعتذرين سيده لانج غلطاانه

و٢٠٠٠ ريآل ما تسوي شي ليش خاشتها عن زوجج

مآتبين تساعدين زوجج يعني ؟؟ وماتبينه يصرف عليج ؟؟

اهو غصب عنه يصرف عليكم وماراح يقولج شيلي البيت كله وانتي اعندج الا ٢٠٠٠ ماتسوي شي

احنا موظفات ونساعد ازواجنا وفي بنات الكنت مع ازواجهم ماقالوا شي

نصيحه من اخت لا تتسرعين بالطلاق لاتقولين عايشه عند ابوي معزه محد يتحمل الطلاق باكر كلن بيلهى بدنياه وابوج بعد عمر طويل بيروح وبتقعدين بروحج بين بيت اخوانج وكل واحد يبي ياخذ راحته

وعيالج بتتعبين بتربيتهم وماراح تقدرين تكملين بدون زوج

الرجال ماراح يضيع بشهر يقدر يتزوج وييش حياته بتاكلينها انتي

دقي ع زوجج وتعذري منه وابدي بالصلح

والله يصلح بينكم

 

[عادت ذكرياتي]

الله يصلح ما بينكم يارب

 

[ام محمد النصار]

الله افرج همج​

 

[الحوريه الساحره]

حبيبتي كيف اعتذر منه وهو اللي مطلق
انا غلطت اوك بس مو كثر غلطه هو
ولاراح اذل نفسي او اهينها
عارفه بتقولون ليه طيب تكتبين مشكلتك وماتبغين الحل
بصراحه كل الردود ضدي مو معاي الا كذا وحده
انا ابغاه يرجع من نفسه ويتندم على اللي سواه بعدين يتفاهم معاي عن اللي يبيه

 

[الحوريه الساحره]

هماليل ياقلبي ماقصرتي
حاولت ارسلك خاص بس مشاركاتي قليله

 

[همآليل]

وصلت رسالتك .. ياروحي
والله يوفقكم ويجمع بينكم ..​

 

[غنوة ستايل]

ما ادري ياقلبي
بس مو زين جذي .. انتي من البدايه غلطتي شلون تاخذين فلوس وما تقولين له حتى لو اعانه ..
وهي جم كلها الفين ريال .. يعني اهوا بعد عينه فارغه على قولتهم . بس لازم تقولين له .. خاصه لما شفتيه سأل اكثر من مره !!

 

[الحوريه الساحره]

لا الحمدلله عينه مو فارغه بس هو يتكلم عن مبدا الكذب ليش كذبت من البدايه
واللي صار صار
بس للحين مالقيت حل يقنعني ويخليه هو اللي يجي من نفسه

 

[قلبهـ 86]

الله يصلح مابينكم