طلقني عن طريق الواتس اب

[الجمال العربي]

هذا خبل الله يعينج عليه واضح والله لايبلانا اذا تحسين انه موقد مسؤؤليه والاطفال معاه بيتعقدون لانه فيه ازواج الطلاق رحمه من وراهم مالت عليهم احسلج تقعدين عند اهلج وانتي معززه ومكرمه موواحد مهبول كل شوي بوزه مايل مايعرف الدين يطلق

والله يوفقج بواحد احسن منه <<<<< بنات مولاقيات احم


زوووووووووووووووووووووووووووووووووووووووووووووووووووووجوني

 

[آشوآآآق]

الله يعينج

 

[سميتكـ _ غلاي]

لاحول ولاقوة إلا بالله
إسألي شيخ

 

[الحوريه الساحره]

جزاكم الله خير
انا ماقلتله عن حافز لانه شي خاص فيني وماتوقعت انه بيتدخل بالشي هذا
وثانيآ لاني خفت انه يتهاون بالمصروف
والشي اللي قاهرني انه الموضوع مايوصل للطلاق بهالسهوله يعني هو مستسهل الطلاق على اتفه شي يلفظ الطلاق
عمومآ الله يدبرني على اللي فيه خير لي ولاطفالي سواءأ معاه او من دونه
ربي كريم

 

[لولو00]

صراحه انتي الغلطانه ....
وبرايي احد يصلح بينكم ... اذا الطلاق ما تم
الفلوووووووس وربي وسخ دنيا.....

 

[PuPa^^SWeeT]

هل اهو من قبل

تلفظ بكلمة طلاق بعد ؟؟؟




و على امور تافهة ؟؟؟

 

[أنهار الكويت]

الصراااحه مالومه يوم قال غشاشه .... لاتزعلييين من كلامي

لان السالفه مو سالفه فلووووس ... سالفة انج جذبين عليه وتسوين اشياء من وراه والمصيبه يسألج اكثر من مره وتنكرين!!! شلون تبينه يثق فيج

الرياييل يغكرون غير ماراح يقول فلوس ومادري شنو ... لااا راح يفكر ..ان اللي خشت عنه مره وسوت شي من وراه وتجذب بقوات عين ممكن وايد اشياااااء انا مخدوع فيها


راح يفكر مليون مره قبل لا يردج لان الصراحه مو شي هين... وصدقيني لو انه واثق فيج وعارف انج ماجذبين عليه كلش جان ماراح چيك من وراج.. بس لان مو مرتاح لج وحاس وعارف ان تجذببن عليه ولما چيك صدق ظنه ... فجذي وايد راح يصدق ضنونه فييييج


ومن كلامج مبين ان ريلج مو من النوع الطماع وياخذ اعانتج منج فمو مضطره على جذبتج عيل شتقولين على البنات اللي يشتغلون ومعاشاتهم فوق٧٠٠ وكله بطن زوجها مو بعد قاعده بالبيت لااا تكرف وتتعب بس هم مع هذا ما تجذب

بس انتي اللي مبين عليج طماعه تبين اعانه ومصرف ... الحين الحياه صعبه المرا والريال يتساعدون وانتي تجذبين عشان مصرف او عشان لا يتهاااون بالصرف على قولتج!!!!!


ولو مو مجذبه عليه ماظنتي كان راح يقطع المصرف

الصراحه انتي الغلطاااانه واهو ماطلقج عشان فلوووس اهو طلقج عشان مبدأ الجذب واللف والدوران والدليييييل قالج ياغشااااااشه

والا اذا كان مطلقج عشان شي ثاني جان قال كلمه ثانيه مثلا يابخيله او طماعه او موشايفه خير او او او

مااااا الووووومه والله

شلون يعيش مع وحده تخدعه والمصيبه يسألها ومصره على جذبتها والكصيبه الاكبر ان الامر مكشووووف يعني بس يسأل يعرف !!!

عيل بالامور الثانيه شلووون يفكر؟؟ شلون يثق

الله يعينه

 

[Flower20]

الله يهديكم ويصلح بينكم يا ربي

 

[احلا مجنونه]

انا انصحج اعتذري له انج خشيتي عنه الموضوع انتي غلطانه وكيفج

 

[الحوريه الساحره]

ايه هو طلق قبل هالمره بس مره كانت علي الدوره ومره ثانيه برضو تلفظ بالطلاق وسأل الشيخ وقال انها ماتقع
يعني هو يتلفظ فيه على اتفه. شي وهذي المشكله
واللي تقول اني غشاشه لا ياحبيبتي انا ماغشيته بشي يخصه هذا شي يخصني انا
بعدين انا كنت ناويه اقوله بس انت تريد وانا اريد والله يفعل مايريد

 

[أجمل إنسـآنـه ~]

طيب اختي شصار وياج ألححين,!<؛
يعني بيردج بتردينه والله يصلحح حالكم يارب,~<:!

 

[نـعـومـه]

حرام عليج كل هذا مايستدعي الطلاق

ليش تخشين عنه !!! كل هذا عشان يعطيج بعد !!!!! ليش الطمع

وهم زوجج المفروض مايوصلها للطلاق يعني الغلط من الطرفين منج لانج تخشين عنه ومن طمعج وغلط زوجج تسرع

الله يعينج

 

[الحوريه الساحره]

بنات انا عارفه اني غلطانه لاني ماقلتله بس الموضوع مايوصل للطلااااق خصوصأ انه فيه اطفال

 

[Ms Zara]

الله يهديكم ويهدي نفوسكم ..

والرسول يقول :اجرئكم على النار اجرئكم على الفتوى : بليــــــز لااحد يتهور

واذا همه حافز فهي من حقك انتي وماله فيها اي ريال

واعجبني فيك قوة شخصيتك ,,,, الله يصلح حالكم

 

[نوووران]

اصلا هو ليش مصر يسأل عن الاعانه وش يبي بالضبط ماله حق يسأل او يعرف الظاهر كان له نية معينة الله يكتبلك اللي فيه خير لكي ولأبنائك

 

[أنهار الكويت]

حبيبتي دامج زوجته مافي شي اسمه يخصج وشي يخصه

لاتعذرين حق نفسج بهالكلام

لو كان اهو خاش عنج شي ويخصه وسالتيه عنه وجذب هل بتسكتين له!!!!

يقدر عيل يتزوج ويقولج مو شغلج هذا شي يخصني مو لازم اقولج وناوي اقولج بس مو الحين بعدين!!!!

ويقدر يطق تذكرته ويسافر فجأه ويقولج هذا شي يخصني شكو انتي!!

وااايد شغلات تخص الريال بروحه هل نخليه يسويها من باب الخصوصيه لاااااا غلطااانه مافي شي اسمه خصوصيه بين الزوجين اهم شراااااكه بكل شي

وبعدين انا كلامي معاج عن مبدأ الجذب مو عن الفلوس نفسهاااا... دامج انتي قويه ومعترفه بخصوصيتج كان قلتي له من قبل لايسأل اصلن يافلاااان انا تمشيلي اعانه بالمبلغ الفلاني مو مضطره تجذبين دامه هالشي حقج


بس ريلج عصب على جذبج والدلييل قال غشاشه ماقال اي كلمه ثانيه تدل عن الفلوس والماديات

انتي لازم تفهمين زعل ريلج على شنو بالضبط وشنو اللي ضايقه(هل الجذبه تفسها او سالفه الفلوس) عشان تعرفين شلون تراضينه

ترى لا تلومينه اي ريال بمكااانه كان راح يكبرهااااا حيل لان راح يوسوسووووون ويقول بنفسه هذي يمكن وايد شغلات خاشتها عني ومجذبه فيها علي


لان لو انتي اطيحين عليه بجذبه قويه وكان ناااكر اكثر من مره كااان حتى انتي شكيتي فيه وماتقدرين تصدقين كلامه بسهوله راح يصير دايما فيه شك بينج وبين نفسج وماترتاااحين


حاولي تلاقين لج عذر ليش خشيتي عنه عشان يشيل سالفه الجذب من راسه ولاتهتز الثقه

الرياييل يعممووون بالمواضيع ما يخصصووون<<< فهمتي

 

[أنهار الكويت]

وبعدين عالخصوصيه انتي بكبرررررج تخصينه مو بعد فلوسج!!!

اي شي مرتبط فيج تاكدي انه من خصوصياااته

وعقب ما تتزوج البنت يصيرون الناس يقولون لها (مرت فلااان او زوجة فلااان) اكثر من بنت فلاااان

 

[أنهار الكويت]

وانتي كبرتي الموضوع فوق غلطج تسكرين التلفون بويهه شنو تبينه يسوي اكيد ينجن

بدل لا تمتصين غضبه تروحين تولعينه

اكيد بيقول كلام مو حاس فيه

 

[الحوريه الساحره]

انا عارفه اني غلطانه بس مو كثره هو

 

[[ نور عيني ]]

-


لاحول ولاقوه الا بالله ..
الصراااحه ما ادري شقول بس زوجج واضح انه عصبي حييييييل لازم تنتظرينه يهدى من الموضوع
ولا تستفزينه بموضوع الطلاق اذا انتي تبينه عشان ما يجيب العيد وفعلاً يطلقج ..
الله يهديج مفروض ما تجذبين عليه حراام الجذب اصلاً لازم تكونين واضحه معاه من البدايه وتقولين رايج الشخصي وانه حافز ما يستلم منها اي شيء ابداً لانه حقج من الدوله هو مو ملزوم ياخذه او حتى يستفسر عنه .. وهو ما راح سأل المكتب الا شاك في صحه كلامج ..

الله يهدي الامور بينكم ان شاءالله .. وترجعين له ولازم تتفقين معاه انه ما ياخذهاا .. =(