طلقني بدون سبب ...

[حسبى الله ،،،]

شلونج اليوم؟

الحمد الله بخير وصحه وعافيه:eh_s(7):



شكراام الولو ع كلام الطيب وعسا الله يفرج همك عاجلا غير اجلا ويسعدك يارب

وشكر كل بنت مرت بصفحتي وشاركتني بتخفيف عن مشكلتي


والله يارب يسعدنا وفقنا بدنيا والاخرة

 

[A p r i l]

صدقيني خيره دام الله فكج منه وما عندج منه عيال

خيرره .. احمدي ربج وخل ظنج بربج حسن انه راح يعوضج باللي احسن منه


رددي دووم حسبي الله ونعم الوكيل .. واللهم اجرني في مصبيتي واخلفني خيرا منهاا

وفي صلاتج ادعي ربج اذا لي حق ارجعه لي ..

وربي ماراح ينساج ويعوضج الاخير منه وافضل .. بس انتي خلي ثقتج بنفسج كبيره ولا تخلين هالتجربه تكسرج خلها تقويج وكملي حياتج ..

الله يوفقج ويعوضج خير يارب

 

[فطمطم]

الله يعوضك خير عنه ويرزقك اللي يسعدك يارب

 

[a77sas '3alee]

وَبَشِّرِ الصَّابِرِينَ * الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ * أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ

اللي صار فيج مو شويه ، الله يلوم اللي يلومج ، بس الحمد لله شوفي الاشياء الايجابيه بالموضوع ، في حريم الرياييل يعلقونهم بالمحاكم ، واذا كان عندها عيال ياخذ ضناها منها ويحرمها منه ، لا تيأسين وتبجين ، انتي احسن منه اهو عرف انه مو مقامه يقعد مع بنت محترمه نفسج فحشمج عن نفسه ، فكري بالأشياء الزينه ، ع الاقل عندج اهل وعزوه لج ، غيرج تطلقوا انقطوا بالشارع تكرمين ، اهلج واثقين فيج ترى مو سهله ، في ناس ماعندها ثقه ابناتها على طول ايشككون فيهم حشاج ، ماعليه حبيبتي صبر جميل والله المستعان كله اجر عند الله ، ترى ربنا اختارج من بين كل الناس عشان يبتليج بهالشي ويشوف صبرج ، انتي كوني قد الاختبار واحتسبي الاجر عند الله ، ومثل ما انتي تظنين بالله الله راح يعطيج ، في دعاء قاله ايوب رضي الله عنه ربي قد مسني الضرر وانت ارحم الراحمين ، ادعي بهالدعاء عسى الله يشرح صدرج ويزقج كل خير

 

[منيره آل ثاني]

أنسيه ولا اطرشين له مسجات
ترى الريال مو هامه شي بتالي لو طرشتيله مسج يمكن مابيحس بتأنيب
بالعكس بيقول تولي
وتحسبي الله وهو بياخذ حقج منه ثالث مثلث ايش تبين بعد
الله معاج

 

[Royof]

حبيبتي

الجنه محفوفه بالابتلاءات اللي يصبر ينولها .. ترا الطلاق و الزواج امور دنيويه ماراح تفيدنا بولا شي يوم الحساب ،، حاولي تشغلين اغلب وقتج بالذكر والقراءن

والله بترتاحين ،، والطلاق صار عادي في بنات يتطلقون من ثاني اسبوع مو لان فيهم شي لا الرجال يكون مو كفو زواج


الحمدالله طلاق مو تفقدين لج غالي ساعتها صج تتعبين ..



الله يمسح على قلبج

 

[Um Tuki]

ماراح اقول لج يمكن خيرة
لأن اكيد خيرة .. و ربج عارف الاحسن لج صدقيني
يمكن هالشي يكون خير لج و يفتح لج باب حلو

قولي دايما الحمدلله .. اشغلي نفسج بأي شي
ذكريه بالخير مهما يكون .. كوني افضل منه

و قولي حسبي الله ونعم الوكيل !

 

[حسبى الله ،،،]

مشكورات ي بنات الخليج

هالتفاعل وكلام واسلوب الحلو

عسا الله يبعد عنكم اي مكروة

ويفرج همي وهمكم ويعوضنا خير ويزقنا ازواج صالحين وذريه صالحه

 

[ريمة القحطاني]

هذا مايستاهل تحزنين علية احمدئ ربك كشفتية بدري قبل تتورطين بعيال هذا انسان وصخ دامة لة علاقات محرمة وبلاوي


وفية مطلقات كثير خطاطيبهم كثير مو معناتة مطلقة انتهت حياتك لا حبيبتي عادي اذا لك نصيب بتتزوجين ان شا اللله

فكري بحياة جديدة ولاتهملين نفسك ابدي صفحة جديدة

 

[RO0O7Y KUWAITYA]

لاحول ولاقوه الا بالله
والله ياااحبيبتي خيرره ثم خيره ثم خيره الله اعلم بعبيده
فكج من هالشخص اللي يمكن لو قعدتي عنده كبر الجرح ولا يقدر يندمل هالجرح
نصيييييييييييييييييييييييييييييييحه من اخت لاتدزين الرساله ان دزيتها هذا معنااتها ان هالشخص مهم بحيااااتج
هذا مفروض مااينذكر بحياااااتج نهائيها كوووني قووويه قووي عمررج ولاتضعفين هذا ابتلاء والله يرزقج بالزووج الصالح عاجلا يااارب غير اجل
وترى اهو الخسراان الله يعينه والله اهو المسكين انسان مبتلي الله يرفع منه
وشخبااااااري واااااااااااااااايد مطلقاات ياخذون ريال تكون اهيا اول بخته ياااقلبي هذا النصيب ربج اييبه
الله يوفقج يارب

 

[سعوديه 1]

الخير فيما اختاره الله ~


الله يهون عليج ويرزقك بالزوج الصالح اللى يسعدك وتكوني الوحيدة بحياتي ودايم استغفري بنيه هالشيء

والله الاستغفار يفتح ابوب ما كنا نشوفها ولا نتوقعها ومن تجارب لي . .

ولا تضايقي نفسك وعيشي حياتك الحمدالله ربي فكك منه لو هذي سوالفه وما جلستي سنين وجبتي عيال واكتشفتي حركاته هذي وقتها بتحترين صج وبتخسرين عمرك اللى قضيتيه معه ...


​

 

[صلو على رسول الله]

اسال الله العلي العظيم رب العرش العظيم ان يبدلك خيرا من هذا الزوج
انتي ما جلستي معاه الا شهرين و ان شا الله تنخطبين و تاخذين تاج راسه

و خيرة من الله افتكيتي منه لان راعي علاقات و اكيد مليان امراض جنسية و نفسية خليه بيتحسف عليج و بيشك في اي وحدة ياخذها

و المسج اللي عندج طرشيله خل يحس بقيمة نفسه الحقيقية اذا كان عنده قيمه اصلاااا

 

[صلو على رسول الله]

و انصحج اذا جلستي عند الحريم و اسالوج قولي انا طلبت الطلاق لانه راعي علاقات نسائية و مغازلجي خلي يعرفون انج مظلومة

 

[اسبانيه]

عسى الله يفرج همج ويعوضج باحسن ريال اللي يحطج بعيونه

 

[pretty_cat]

وااي حبيبتي والله حاسة فييج هالظالم اللي ما يخاف ربه ان شاء الله يشووف حوبتج و االله ينصرج عليه

انا اقووول دزيله المسج و بردي قلبج و ماراح يصير اكثر من اللي صار خلي كﻻمج يدور براسه و يانبه ضميره هاذا اذا عنده ضمير و ﻻ تخافين الله معاااج ماراح يضرج توكلي على الله

و دزي اللي بخاطرج كله و قعدي ادعي بالثلث الاخير من الليل و الله على ضمااانتي الله بطلعج و يفتحها عليج ....

ماتدرين يمكن الله يهديه و يردلج يعرف غلطه ترااا وايد تصير و انا شفت جدامي هالشي

انتي بس توكلي على الله و طلبي منه و الله بياخذ حقج و اكثر

 

[pretty_cat]

وااي حبيبتي والله حاسة فييج هالظالم اللي ما يخاف ربه ان شاء الله يشووف حوبتج و االله ينصرج عليه

انا اقووول دزيله المسج و بردي قلبج و ماراح يصير اكثر من اللي صار خلي كﻻمج يدور براسه و يانبه ضميره هاذا اذا عنده ضمير و ﻻ تخافين الله معاااج ماراح يضرج توكلي على الله

و دزي اللي بخاطرج كله و قعدي ادعي بالثلث الاخير من الليل و الله على ضمااانتي الله بطلعج و يفتحها عليج ....

ماتدرين يمكن الله يهديه و يردلج يعرف غلطه ترااا وايد تصير و انا شفت جدامي هالشي

انتي بس توكلي على الله و طلبي منه و الله بياخذ حقج و اكثر

 

[زهرة التولاي]

الله يعوضج بالي أحسن منه ياقلبي .. ولا تكرهو شيئاً وهو خيراً لكم .. وربي بيوريج فيه ودعوة المظلوم مستجابه .. كثري استغفار وكثري .. لاحول ولاقوة الا بالله .. انا لله وان إليه راجعون .. وربي ينصرج .. ويعوضج بالزوج الي تتمنينه ويبرد جبدج

 

[ملاااك نفسهـ]

الله يمسح ع قلبج ويشرح صدرج يارب .. ونصيحة لاتطرشين له الرسالة
وكرري هالدعاء اللهم انزع حبه من صدري كمانزعت الشرك من قلب عمر
واللهم ارزقني من حيث احتسب ومن حيث لااحتسب !
ولاتيأأأسين وتتشائمين رفيجة اختي مطلقة ماخذه لها اعزب والحين الحمدلله عايشة باحسن حال
والله يعوضج واهم شي اشغلي نفسج ووقتج لا تفكرين فيه صفحة وانطوت .

 

[الغريقه]

لا ترسلين له شيء تحسبي عليه وربي ليعطيه جزاه


مرده بيعرف حجم غلطته

وتذكري
عسى ان تكرهوا شيء يكن خيرا لكمً

اذا هو نساج ربي فوق ما ينساج

 

[الغريقه]

اي احد يسىلج عن سبب طلاقج قولي مأتم النصيب ديري بالج تقولين كلمه مو زينه لان هذي خصوصياتج والناس بتفهم على كيفها وتبخر الحجي ف قولي ما تم النصيب