طلقني بدون سبب ...

[تحت ظلك]

تدرين ان انفصالك عنه خيرة!
ليش زعلانة؟!
مافي صفة يستاهل تضلين معاه
احمدي الله وكل أقدار ربي فيها خير
اكثري من حسبي الله ونعم الوكيل
وتأكدي ان الفرج قريب.

 

[لهفه لقاء]

ليشش متضايققه
ططلاقك منه خيررره
و عسسى الله يرزقكك و يعوضك ب اللي احسسن منه

 

[Bnt-USA]

اييييييييي والله على قولتج مو قد مسووليه ولا نسل و لا عايله

قولي الحمدلله انك مو حامل

و يارب يرزقج باحسن منه

لانج طيبه ووالله يعطي الواحد على نيته وهذا اختبار

ولا يهمج مسمى مطلقه ترى شكثر بنات تطلقو والله رزقهم ويعضهم عافو الزواج وعاشو عيشه راحة وعزوبيه مع نفسهم


باجر ربج بيوريج فيه

اجل يقول قصيره !!!! عشتووو شبع شهرين غير الملجة وبعدها استوعب على مخه !!!




عسى الله يبرد قلبج و يفرج همج

 

[سكره في زمن مر]

ياحياتي عسى الله يعوضك باللي ابرك منه وصدقيني كلما تذكرتيه قولي الحمدلله والله خيره وهذا مقدر ومكتوب لاتضيقين عمرك تخيلي لكم سنين وعند عيال منه وطلقك كذا كيف بيكون شعورك بالعكس انتي افتكيتي منه بأقل الخسائر وعلى فكره هو خسرك مو انتي وتجربه تعلمين منها وياما حريم تطلقو ومعها عيال وتزوجت واعزب بعد ماله دخل ويام بنات بعمر الزهور أخذت شايب ولا على حريم ماله دخل ياعمري ولاتدعين عليه ولاشي الله فوق لاتخافين وفوق هذا راعي خرابيط وبنات المفروض تحمدين ربك ليل نهار وترى الزواج مو كل شي أعيني نفسك بالاستغفار تراه *** وربي كلما تذكرتيه استغفري وربي تحسين براحه نفسيه ربي يسعدك ووفقك يااااارب

 

[mnoooll]

انسسسسسيه اعتبريه نار واصبح رماااااااااااد

عورتي قلبي حسبي الله على كل ظالم


اسمعيني غيري من نفسك للاحسن


وحلو لجوءءك لله ادعي واستغفري بس حاولي ماتتذكريه ابداً مايسوى


والله لو اهتميتي بنفسك والكل يلاحظ انتعاشك وحلاوتك وانبساطك وبيجيه خبر انك ولا مهتمه


واذا احد جابلك سيرته قولي ........ ومات قولي بكل ثقه خلي الخبر يوصل له انه ولا يهمك


صدقيني لما يشوف ويسمع من الناس انك مبسوطه ولا همك فيه وربي يتمنى يرجعك كلهم كذا نبعد يبونا نقرب يكرهونا




اذكري الله وشششششيليه من مخك حتى لو رجع ارفضيه رفض تاااااااااام


انتبهي الي باعك مره يبيعك الف


وانامتاكده من كثر ماتدعين عليه بيجي ويتمنى رضاك بس ارفضيه


وهذا ابتلاء والله بيرزقك افضل منه واحسسسن منه واحمدي ربك طلعتي منهالوحدك مو بطفل

 

[كويتيه مذهله 87]

الله بعوضج يارب ويفرج همج خيره لج

 

[_n0sh]

.,

حبيبتي انتي هل الفتره مجروحه وعسى اللله يعينج
والله هل ناس لي مو كفو زواج شششكو تاخذ بنات ناس حسبي الله ونعم الوكيل
الحل حبيبتي
سوي دليت حق أي شي له بحياتج مسج له ولإ رقم ولإ حتى بعقلج دليت
وخذيها مني كل يوم قولي حسبي الله ونعم الوكيل ودنيا تدووور ربي ما يخلي حوبتج
وعسى الله يعوضج خيير يارب

 

[Canon~]

الله يعوضك بالزوج الصالح عاجلا غير اجل

 

[حسبى الله ،،،]

الله يسعد كل من مرت منها
ويوفقها بدنيا والاخرة

مشكورين م قصرتو لاني فعلا ناسيه كلشي ونه مو كفو اعيش معه ولا افكر وحط هالانسان ببالي دقيقه الحمد الله صارلي لي فترة تقريبا عشرين يوم ونسيته لن الي يظلمك ماتذكرينه ب الخير

وذا قدر مكتوب لي ماضي انتهي
اخذت منها الخبرة والتجربه والله يرزقني برجل صالح الي يخاف الله حتي صارت حكمه كافيه لي من تجربه الي السابقه
وجعلها اخر ابلااءت لي واخر احزاني

ثقتي ب الله قويه انه مثل ماظلمت وحزنت بيعوضني خير
الله يعوض كل مطلقه بذات الي انظلمت من طرف الرجل ويعوضها خير....

والله يخلي كل متزوجه لزوجها ويسخر لها والله يرزقكم كلكم بذريه الطيبه
ولا يحرمكم...

 

[انسانة1]

حبيبتي اذا جد تبين تعيشين مرتاحه انسيه حتى لا تفكرين تدعين عليه لانك بكذا تخلينه جزء من حياتك وصدقيني رب العالمين مايضيع عنده حق
الجأي لرب العالمين عشان ترتاحين وثقي ان راحتك بتكون بين ايدينه ودوم خلك قريبه منه
دوم قولي الحمدلله لان رب العالمين يحبك وبعده عنك
حطي نقطة عالسطر وابدأي حياتك بكل تفاصيلها من جديد
والحين التفكير صار واعي وناضج بين الرجال والنساء
ماعاد فيه تفكير منفصله وغير منفصله او عندها اولاد وماعندها اولاد
بالعكس اللي قاعده اسمعه واشوفه حولي ان نصيب المنفصلات يجي اروع بكثير من حتى كثير عزباوات
تقائلي خير وصدقيني دوم بتلقينه
وارتاحي وتطمني وتاكدي دام رب العالمين موجود احنا بخير
وربي يشرح صدرك ويوفقك ويحقق لك اكثر من اللي تتمنينه

 

[aauu-]

حسبي اللَّـَـَـَـْـْہ ونعم الوكيل
حَقِج عند ربج مايضيع كلش
ويمكن ر​بِّــي يحبج سحبج منه قبل لاتحملين وخاش لج الاحسن
عسى ر​بِّــي يفرج همج ويرزقج مْـنَ حيث لاتحتسبين

 

[فخر البداوه]

قلبي لا ضييييقين خلقج الله يحبببج ويحب لج الخير ويبعد عنج الشرررر ماتدرين يمكن كل هذا خيرررره لج دائماً صلي شكر لله بعدج عن هذا الشر

 

[ام الولو]

اختي انتي افتكيتي منه شوفيني انا يبت اليهال وفتحت البيت وصرفت عليه ابي الستر وابيه يعقل اخر شي عقب 11 سنه زواج ضرب فيني على الطوفه وعلقني لا مطلقه ولا متزوجه ومو قادره شلون اتصرف الحين .... وكل يوم قاهرني حسبي الله عليه ... يا ريتني بمكانج ما يبت اليهال ولا صرفت عليه ولا ارتبطت معاه اكثر طلع مريض نفسي ومجرم وراعي مشاكل اكبر مما تصورت يعني انا ام اعيالك وصاينتك تخيلي اتهمني بكل شي بالشرف وكلمت اهلي اخواني كلمه وحده يردونها لي صبري صبري ومستعينه بربي حتى تالي الليل اقعد واطلب ربي حسبي الله ونعم الوكيل والاذان وبين الاذان والاقامه اطلبي ربج حسبي الله ونعم الوكيل يالله رضاك وجنة الفردوس .... حبيبتي ارتاحي انتي احسن من غيرج بوااااااااايد ناس عندها يهال وماكله التبن حشاج رفيجتي ماخذه زوجها عن قصة حب عقب اربع اسنين يجيب الحريم لي دارها بفراشها وما تقدر اتكلم تقول ورحت بيت اهلي شيسوولي اهلي؟؟؟ على الاقل الحين اليهال يشوفون ابوهم ما ابيهم ينعقدون وعلي بالدعاء عسى ربي يصلح الامور ...

ترا انتي بنعمه قومي اسجدي لربج سجدة الشكر
وموضوع مطلقه صار عادي مو مثل قبل بالعكس العين الحاره ما تكون عليج ودايما ادعي بالزوج الصالح
وهذا الي عندي ربي بيطيحه بشر اعماله بس ابن آدم عجول وربي يمهل ولا يهمل ، ترا نفس الي عندج راعي سوالف وخرابيط بالبدايه تعبت لانها صدمه لي

استعيني بالله فرغي نفسج لله سبحانه اشتاقي للجنه ولا يهزج اهوا كل واحد وصحيفته اشتغلي لصحيفتج عيشي حياتج استمتعي بوقتج ابحثي عن السعاده لو انها لحظيه دوري على نكت بالانسغرام وضحكي وضحكي ترا هذا عامل نفسي ممتاز يرفع ماده بالجسم يخليج مرتاحه والهم يجيب عوار القلب والشيب واهوا مستانس ولا هامه يمعوووودده بالطقااااااق
ترا كلنا نحلم بالزوج الي يصونا ويحمينا ويحبنا ونستقر بس شنسوي اذا الرياييل مينن بهالزمن مو فاهمين صح للدنيا

اشتغلي مع ربج بالاذكارات ترا فيها تفريج للهم وجلب الرزق والتحصينات كوني بجوار ربج كوني بجوار الرامي

 

[ام الولو]

على فكره ربي اهدا لج هالبلاء ف لا اتضيعين الاجر فيه بالرداء الحظ هذا نصيبج مكتوب رفعت الاقلام وجفت الصحف لا اتفكرين بشي ربي كاتبه لج هذا ترا يسبب لج مرض امراض بعد
بس الصراحه اقولج انتي ربي فكككج من ضيم ضيييييم

روحي سااافري استانسي استمتعي بوقتج الجميل وهالايام الجو حلو ووو 16/ديسمبر في يوم استقلال البحرين روحي شوفي وناستهم روحي جزيرة امواج بتشوفين الفعاليات هناك ترا الكل شايل هموم بس مستانسين
اي شي راسليني او كتبيلي اهني انا بحاول اتابعج

 

[*ريمي*]

الله يفرج همج يارب ..
وترا في بنات متطلقات ياخذون عزوبي وهم في بنات عندهم عيال وياخذون عزوبي لاتفكرين بلسلبيات الله يختبر ايمانج وقوتج وصبرج
لاتنسين الدعاء لله

 

[Ēŋѕαnħ ツ]

ياحبيبتي مين بهالدنيا ما أنظلم
كل إنسان له قصه مع الظلم
أنا أنفصلت مرتين قبل الدخله مرررتين تخيلي راح شبابي بين ملكه و إنفصال و تعععب
تقربي من الله و أستغفري و صلي قيام الليل
الله يفرج همك و همي و هم كل مسسسلم

 

[حسبى الله ،،،]

تسلموا والله

وكل انسان بي هالدنيا ياخذ نصيبه وحمد الله يارب

لما نطالع مصايب ناس تهون علينا مصايبنا وكل انسان معرض لبلاء في اي شي
علينا الصبر ورضي ب القدر ومكتوب الله كاتبلي هالشي وراح يصيرلي ونا راضيه ب الي قدرة لي ربي

وماعرف وش بيصير لكن متفاىله باذن ربي
ولحزن والهم بغير من القدر شي بعيش حياتي ودام انا مع ربي اكيد بكون سعيدة
وماخاب من التجا اليه سبحانه
والله يوفقن وياكن كلامكم عسل وربي وخفف عني اشياء

هاي صفحتي باذن واحد اني ابشركن بي علومي الي تريح الخاطر
دعواتكن لي

اختكم

 

[Ēŋѕαnħ ツ]

تسلموا والله

وكل انسان بي هالدنيا ياخذ نصيبه وحمد الله يارب

لما نطالع مصايب ناس تهون علينا مصايبنا وكل انسان معرض لبلاء في اي شي
علينا الصبر ورضي ب القدر ومكتوب الله كاتبلي هالشي وراح يصيرلي ونا راضيه ب الي قدرة لي ربي

وماعرف وش بيصير لكن متفاىله باذن ربي
ولحزن والهم بغير من القدر شي بعيش حياتي ودام انا مع ربي اكيد بكون سعيدة
وماخاب من التجا اليه سبحانه
والله يوفقن وياكن كلامكم عسل وربي وخفف عني اشياء

هاي صفحتي باذن واحد اني ابشركن بي علومي الي تريح الخاطر
دعواتكن لي

اختكم

إن شا الله ياحبيبتي الله يعوضك بالأفضل صدقيني
بس أعطي الله مايحب يعطيك ماتحبين
صلي قيام الليل و أدعي أدعي أدعي لا تيأسي أبداً
الله يوفقك و يفرحنا فيك ياعسسسل
:eh_s(7):

 

[ام الولو]

شلونج اليوم؟

 

[هدوووشه]

الحمدلله على كل حال وان شاء الله ارتحتي ؟
ام اللولو كلامك حيييييييل مريح جزاك ربي كل خير