طلقني بدون سبب ...

[حسبى الله ،،،]

السلام عليكم

بنات انا عضوة جديدة واختكم من الرياض...

شفت هالمنتدى طيب والعضوات الطيبات وقلت خليني افضفض الي بداخلي
من هم وظلم مايعلم به الا الله...


بنات انا تزوجت من شهرين بس وطلقت...

بس بدون اي سبب..


في بدايه زواجنا كان معيشني ملكه وكان مهتم فيني من حب واهتمام
ويقولي عاجبتني من راسك لين رجولك وحتي انه يقول اني احلى منه ويخاف بيوم اتركه لي هالسبب علما مايهمني برجال غير عواطفه اتجاهي وحنانه مايهمني مظاهر
المهم وكلام اذ.. انتو عارفينه وكل وعمرة ماحسسني انه معجب بي واني بعينه شي حلو بس تخيلو فجاة وحسيت كل هالكلام والحب مجرد كلام
لانه صارت بينا مشكله خفيفه وبعدها ماكلمني يومين للعلم مشكله تافه لانه يسهر وقت متاخر وياخذني من بيت اهلي اخر اليل غير سوالفه الي كنت اشوف رساىل مع بنات في الواتس اب وفيس بوك بس كلها تاريخها قبل لا يعرفني ويتزوجني بس عاتبته انه محتفظ فيها ومسحها وراضاني وانتهت سالفه بس بيوم صارت مشكله بسبب هالحركات وقلت لو ماتعدلت انا بطريق وانت بطريق بس قلتها وقلبي محروق مو من قلبي موهم بعدها صارله يومين مايكلمني وحاولت افهمه ونتفاهم مو راضي يتكلم وكان عند اهلي عشا نزلني وراح من ذاك اليوم اكلمه واتصل وارسل ع واتس اب رضيته بكل طريقه بكل وسيله ميستجاب معي حتي رساله صوتيه ارسلتها وكلام حلو يحن لصخر قلت بس لو يحبني مايتركني واحلف انه مو عشان هال مشكله التافه لو كل شخص سوا زيه كان ماشفنا ولا متزوج علي وجه الارض خاصه بعد توسلاتي محاولتي علي مشكله تافه هو مايرد

اكتشفت ماخذني تسليه لا اقل ولا اكثر ويوم مل مني تركني وانه مو قد زواج ويبي يسافر ويروح اي دوله مع شلته ويرجع لعلاقات محرمه ون مو قد بيت ولا نسل ولا زواج والله انقهرت

بعد شهر كلموا اهلي قال مايبها لانها قصيرة تخيلو وش عذرة انصدمت قلت يبي يتعذر ويحط فيني عذروب عشان قصر عشان يطلقني ويتركني
مع العلم بنات انا. طولي عاتي زي اي بنت يعني مو قزمه159 وزني52 هو كان يقولي جسمك كول وعاجبه
كل كلامه عن حبه لي كذب لانه الي يحب مايترك ويتخلي بسهوله

لحد الحين ي بنات عايشه بصدمه نفسيه صارلي ب العدة اسبوعين الحمد الله صحيح مو مثل اول طبت اول من الهم ماقوم من الفراش عايشه بنفسيه وهم واحس صدري يعورني بس صحيت لنفسي وقلت الي باعني برخيص ابيعه بتراب

صرت اقر قران وسورة البقرة واستغفر وذ جاتني عبرة ولا ظيقه اقول الدعاء واحس شي العبرة تخنقني تختفي ويقويني اكثر بس لأحد الحين اتذكرة وتذكر ذكرياتي معي بس لما اتذكر سلبياته اكرههه واقول مايستاهل وانسى ماعاد يهمني بس من اصحا من النوم اقول ليه طلقني من دون سبب واحس قلبي شوي يعورني

والله ادعي عليه كل يوم مع الاذان وفي صلاتي ان ربي ياخذ حقي منه

مشكله تفكيري بي مستقبل اقول اخذني بنت وشهر اوقل وطلقني
الحين فرصي بزوج اعزب معدومه
والغالب يجي متعدد الزوجات ولا عندة اولاد
وانا طول عمري احلم بشاب اكون انا وحيدة بحياته وبيت اولاد واسرة ماحد يشاركنا
ويعطيني الحب والحنان واهتمام
بس ذا رمي علي مسمي مطلقه وظيع فرص من ايديني

دايم ادعي ربي يعوضني خير منه مثل ماجابه يجيب غيرة
بس اتمنا وادعي ربي يكون مطلق منفصل ماعندة اولاد ويعوضني عن ظلمي وحزني
لان طول عمري احلم بزوج وذريه صالحه


وانا ي بنات ماعاتبته علي طلاقه وعندي رساله ودي اوصلها له مرة تجرح ويعرف قدر نفسه مثل ما اهاني
بس خايفه مترددة ارسلها يسوي فيني بلاء يمنع نصيبي ثاني وتردد ومارسلها اقول هالاشكال ما تخاف الله
بس قلت لاجاء نصيبي برسلها الا يقرها لو قراها والله يكرة نفسه بس ارد جزء من حقي بكلام
مرات اقول لا وش يفيد الله بياخذ حقي منه..


ذي قصتي بس والله ظلمني وعيشني بحاله مايعلم بها الا ربي
اصعب شي لما يتزوجني واكون بنت بكر وشهرين يرميني تحت اسم مطلقه بدون اي سبب

بنات ادخلو قولو اي شي..
بس مابي وحدة تدخل وتسكت لو اقلها بدعوة لي

الله يفرج همكم ومايوريكم مكروة....

 

[FDET NFSY]

ما ادري ششقول ما احب اطلع بدون لا اقولج


ادعي ربج وتحسبي واهو الله ما راح يوفقه اذا هذي سوالفه


ويمكن خيره لج والله راح يوفقج بللي احسن منه

 

[Pinky -cat]

زين انج طلعتي اللي بداخلج بقولج شي هاذا ابتلاء من الله وتفكير للذنوب ونصيب مكتوب لج ، ما عليه خلج قوية
وادعي عليه لين ربج يوريج حوبتج فيه ، وعسا ان تكرهوا شيئا وهو خير لكم ، ما يخاف ربه ومبين مو ولد حلال
ومو خوش واحد.


نصيبج راح يصيبج ذكري ربج ومرحلة وتمر وعلاجج بالوقت صدقيني وخلج قوية لا يكسرج اهوا يبي جذي

 

[حسبى الله ،،،]

الله يجزاكم خير....

 

[مسك أبيض]

الله يعوضك خير عنه ويرزقك اللي يسعدك يارب
اكثري من الاستغفار واشغلي حالك بعمل او دراسة او اي شي ينسيك التجربه اللي مريتي فيها ولا ترسلين له المسج قولي
ربي اني مسني الضر وانت ارحم الراحمين .

 

[نسمات 26]

هذي خيرة لج

يمكن لو تميتي معاه تتعذبين بسوالفه وحركاته وسفراته

قولي الحمدلله على كل حال

كل انسان له بلاء في هالدنيا

 

[كنوشة 2009]

الحمدالله على كل حال
لا ترسلين له الرسالة يكفي ان تتحسبين عليه
وربي العالمين ما ينسى عباده المظلومين
والله يعينج ويعوض عليج باللي احسن منه

 

[مؤمنه بربي]

ياحياااتي والله اني حاسه فيج اكيد تعلقتي فيه
وحبيتيه ودخل قلبج هذا شي طبييعي لانج بنت
وشفتي رجال حاطج فوق راسه ويحبج ويدلعج
اكيد بتتعلقين اذا بنات بس ملجه وخطبه ويتعلقون
انتي عشتي معاه ،... بس صدقيني خييره والله خيره
وعسى ان تكرهوا شيئاً وهو خيرا لكم ))
هذا ابتلاء سبحان الله والمفروض تسالون عنه اكثر واكثر قبل لا تتزوجين
هذا شكله بيلعب وبعدين احسن لج افترقتي عقب مايصير بينكم عيال صعبه
تخلينه يمكن بس ايام يدلعج بعدين يطقج ويروح لبنات انتي ماتدرين
بس المسأله كلها مسأله وقت لا اكثر يعدي الوقت بتنسينه وتنسين كل
ايامج معاه ولا تقولين انا مطلقه محد ياخذني ياحبيبتي
فيه بنات محد ياخذهم ولا يجيهم وهذا انا بنت واشوف المطلقات كل يوم
يتزوجون واسهل مني كبنت لان ينفتح لهم باب الناس تذكرهم فلانه
تطلقت فلانه تطلقت او كانت متزوجه فلان وبسرعه تضير تنذكر وتنخطب
اما فيه بنات محد درى عنهم ولا تزوجوا ،..
انا حبييت اواسيج ولا ابي اطول
عليج بس لاني والله حاسه بحجم المعاناه اللي انتي فيها
وحايه باحساسج بس استغفري وتحسبي وارضي بالله
ومره ثانيه اذا جاج احد استخيري ربج عشلن يقدملج الصالح
واسالوا عنه وافتحوا ملفاته بالمحاكم شوفوا صفحته بيضا
وشوفوا عنده سوالف بنات وشقق وخرابيط او لا
وخلي ابوج يقعد معاه ويشوفه رجل عند كلمته
ويفحصه عدل ويساله ويعرف اسلوبه وربج كريم

 

[وردة وطني]

حياتي
عسى ان تكرهو ي وهو خيراً لكم الله يمسح ع قلبج وربي بيرزقج اللي احسن منه احمدي ربج عرفتيه بااول حياتج وياه منصدمتي عقب عشره استشعريه انه خير ه لج واحمدي ربج واذ يعني مطلقه عاادي لاتنقهرين المطلقه حال حال اي وحده لاتضير نضرتج محدوده
الله يوفقج ويجبب الله احسن منه
عليج بالدعاء قيام الليل البقرره والاستغفاار والله يوفقج حياتي ( :

 

[حسبى الله ،،،]

والله كلامكم بلسم لجروح
الله يوفقكم ويسعدكم...

 

[هدوووشه]

ﻻحول وﻻ قوة الا بالله

الله يمسح على قلبك حبيبتي وياجرك على بلواك

ﻻ عاد تفكرين فيه كل ماجا ببالك قولي حسبي الله ونعم الوكيل حسبي الله لمن ظلمني

والله يااختي حاسة فيك لان ان بعد ابتليت نفسك الله يعووضني ويعوضك

لكن الخيره فما اختاره الله

نفسك ماقالو خواتي اكثري من ذكر الله وقراءة سورة البقره

مووفقه ياربي

 

[Combat]

انسيه انسيه
خلاص راح انتهى من حياتج حتى سالفة رسالة ومارسالة شيليها من راسك امسحي رقمة نهائي
اي رد فعل بينحسب لج او ضدج
وربي بيعوضج ولاتقولين رسالة بتقهره ومادري شنو ترى الرجاجيل دمهم جامد ومايحسون مثلنا
وممكن يرد يقول تركتها علشان سوالف بطاليه او يتهمج بشرفج وهني عاد صج الي مصيبه
وهذا حبيبتي ماتزعلين عليه هذا تسوين عرس لمن يطلقج
وشي اخير انتي تقولين انتي بالعدة يعني ممكن يراجعج
مادري بس انا لومكانج مارجعله لانه من اول موقف بان طبعة التعبان
الا لو انتي تبينه !

 

[Combat]

وبالنسبة لكونج مطلقة ترى الحين ماكو بيت مافيه مطلقة او مطلق كل بيت عادي الوضع ايزي صار
وياااااما مطلقات تزوجوا وعايشين احلى عيشة
والي يقولج المطلقة فرصها تقل لا والله هالشي مو صحيح
والله اعرف لج وحدة مطلقه مو بس مطلقة جان تهون لا مطلقة وعندها خمسة والله العظيم ان الخطاب يطقون بابها اكثر من البنات
ترى سبحان الله المطلقة رزقها ينفتح وتنرغب وايد

 

[حسبى الله ،،،]

مشاء الله كلامكم يرد الروح)..
الله يوفقن جميعا ويححقلكم ماتمناه أنفسكن

 

[Huda alotaibi]

وانا طول عمري احلم بشاب اكون انا وحيدة بحياته وبيت اولاد واسرة ماحد يشاركنا
ويعطيني الحب والحنان واهتمام


خيره فيما اختاره الله

 

[لقياك]

ياحياتي الله يعوضك باللي احسن منه ..
تحسبي عليه .. الله ياخذ حقك منه ان شاءالله .

 

[Mrs.H]

الإنسان اللي مو زين وعنده خرابيط بعدج عنه مكسب

 

[ماكدونلز]

عسى اللله يفرج همك

 

[يستفزني غلاك]

مايستااهلللج انسان موقد الزواج موكفو تتضايقين عشاانه
ابدي صفحه جديده صدقيني ربي بيرزقج بواحد احسسسسسن منه و الحمدلله انج ماابتلشتي بجاهل يربطج فيه
الحياه تجارب و هذي. تجربه وانتهت ،
خليج قويه و انسسسسسسيه والله موو كفو

 

[dalo0oa121]

الله يعوضج باللي اخير منه