طلعة الويك اند............وين؟؟

[سمسميه]

مشاركة: طلعة الويك اند............وين؟؟

اي والله صاجه يا نفيشه الواحد هالايام ماله نفس يطلع

 

[ريفيرا]

مشاركة: طلعة الويك اند............وين؟؟

سمسميه انا اليوم بروح الرايه مع اني مااحبه بس لان عندي عزيمه السبت ومحتاجه هدوم وانا بروح مع خواتي​

 

[سمسميه]

مشاركة: طلعة الويك اند............وين؟؟

ريفيرا اشصار عليج ؟شريتي بدله؟

 

[om-rashed]

مشاركة: طلعة الويك اند............وين؟؟

بالنسبه لى انا اروح يوم الاربعاء علاء الدين بالسالميه يم الفنار وهذا مقرر اسبوعى عيالى يحبونه والخميس نغير سوق شرق او معلم السالميه او الكوت اما الجمعه المارينا مع ابونا

 

[سمسميه]

مشاركة: طلعة الويك اند............وين؟؟

ام راشد انا بعد من رواد المارينا اليمعه اكيد متصادفين

 

[مستشاره قانونيه]

مشاركة: طلعة الويك اند............وين؟؟

والله بصراحه انا احب اطلع طول ايام الاسبوع مو بس بالويك اند واحلى شي طلعات الصبح هدووء

واحب اروح مرينا اقعد بستاربكس وبعدين ادخل سينما وختامها فرايديز و اشوي فراره عالبحر بالسياره

 

[سمسميه]

مشاركة: طلعة الويك اند............وين؟؟

مستشاره صاجه طلعات الصبح تهبل بس من توظفنا فقدناها!!

 

[مستشاره قانونيه]

مشاركة: طلعة الويك اند............وين؟؟

اي سمسيه اللي بالدومات مايقدرون يطلعون الصبح

بس انا بالكليه وقت الفراغات والبريك اطلع ههههه استغل الفرصه

 

[om-rashed]

مشاركة: طلعة الويك اند............وين؟؟

سمسميه اذا شفتى وحده بنت حلال عاجل معاها بنتين من عمر 11 و12 سنه وولدين من عمر 7سنوات و4سنوات ترى هذي اكيد انا وممكن اكون مع بعلى بروحنا واكثر شي تلاقينا فى الكوفى اللى آخر المارينا يم محل بوس اللى وانتى رايحه للكوفيهات اللى بره عرفتيه ؟؟؟؟؟؟ انشاء الله نتلاقى

 

[bambena]

مشاركة: طلعة الويك اند............وين؟؟

الله انا امنيتي اقعد الصبح بقهوه بس الدوام ):

 

[om-rashed]

مشاركة: طلعة الويك اند............وين؟؟

اايه والله بامبينا وتكونين مع اعز صديقاتج ] وعيالج رايحين المدارس ما تحاتين شى

 

[PiNkIsH]

مشاركة: طلعة الويك اند............وين؟؟

إي والله صح لسانج يا ام راشد انتي و بامبينا و انا بعد بس الدوام ذابحني ما اقدر اطلع منه كلش إله بالحسره

 

[om-rashed]

مشاركة: طلعة الويك اند............وين؟؟

صاجه حبيبتى بنكش والله يعينج على دوامج

 

[Amy Lee]

مشاركة: طلعة الويك اند............وين؟؟

الصراحه في خوش مكان حلو تودين الياهال له

معرض اسمه (( كي لا ننسى ))
صاير بالشويخ آخر خط البحر
صوب السفينه الي حرقوها العراقيين *ماريوت*
هذا حلو يعلم الياهال عن تاريخ الكويت من اول ما صارت لي اليوم
بس عجيب كله مجسمات صغار
وشغلات تينن
حتى حق الكبار حلو بعد
انا عن نفسي دشيته يمكن خمس مرات
وانصحكم تروحون له

 

[mrs_sugar]

مشاركة: طلعة الويك اند............وين؟؟

أمس بالليل رحنا سيتي سنتر اللي بالشويخ مع اليهال
خليت اليهال مه خدمهم يلعبون فوق و انا نزلت تحت شريت اغراض البيت و شوية خرابيط من عروضهم و بعدين لما اليهال تشلخوا من اللعب عشيتهم بليتل سيزر و ردينا البيت على ما وصلت الا الشباب في سابع نومة من السيارة الى الفراش

 

[al7reyaa]

مشاركة: طلعة الويك اند............وين؟؟

مس شوجر


واي انا كله رحلاتي جذي اذا مو ستي سنتر .........ز مركز سلطان الجمله والعشا بماكدونالدز

 

[جرح الليالي]

مشاركة: طلعة الويك اند............وين؟؟

الحرية عادي يالغالية حالي من حالج

مركز سلطان الجملة حق انجييل حق البيت ونرد نتعشى بالبيت

الويك اند بالبيت
وين اروح ماكو بس طلعة ويا صديقتي اتمشينا شوي

 

[al7reyaa]

مشاركة: طلعة الويك اند............وين؟؟

وعليه المنتدى جامع امهات حقيقيات رحلات وفر واقتصد

 

[جرح الليالي]

مشاركة: طلعة الويك اند............وين؟؟

ههههههههههههههههههههههههه

ههههههههههههههههههههههههه

يحليلج الحرية من طقتي

 

[al0thuraya0n]

مشاركة: طلعة الويك اند............وين؟؟

بصراحة كل مكان فى الويك اند زحمة وانا اكثر شي احبة الشالية