طلعة الويك اند............وين؟؟

[شهدQ]

مشاركة: طلعة الويك اند............وين؟؟

الجو مايساعد

 

[كويتية كول]

مشاركة: طلعة الويك اند............وين؟؟

والله انا الاربعاء كنت فيلا فيروز
الخميس رحت مغل محل بعدين رحت اشتري حلو من امبرس خبركم مااقدر اقعد بدون حلو
الجمعه زوارة بيت اهل الريل حمولتي والليل معزومة بيت خالتي اخت الوالده

 

[دناديش]

مشاركة: طلعة الويك اند............وين؟؟

الاربعا نودي اليهال يحبون سوق شرق
الخميس نتيمع عند اهلي غدا بعدين العصاري يروح فيهم السايق الشاليه احنا نروح اليمعه هناك غدا مع خالتي ونحدر المغرب روتين يملل ماكو شي بالكويت والجو يلوع الجبد

 

[LATOFA]

مشاركة: طلعة الويك اند............وين؟؟

لووووووووووووول انا كله قاعده بالبيت ) ومجابله النت

 

[الحياة]

مشاركة: طلعة الويك اند............وين؟؟

انا من ناحية الطلعات كلللش مو ذاك الزود بالطلعات...

ايام قبل كانت الطلعه اجبارية يوم الاربعه وناسة حدها
بس الحين صارت لنا ظروف .. وماقمنا نطلع واايد..
ومتى مااكون فاضية اطلع اروح السوق واتمشى والحين بالعطله خبركم فاضية لا دوام لا شي

فطايحتله ريوق بره والحين توني مشتركة بنادي ، يعني مقزرتها بنادي واسوقه وريوق..

 

[عنفوان الجامعه]

مشاركة: طلعة الويك اند............وين؟؟

الاسطوره فعلا بالسفر ناخذ راحتنا حتى نفسية الزوج تختلف
بالكويت الله لايوريك ما غير خز مخازز وخاصه من البناااات الصبيك

اللي تبي احلا كابتشينو تشرب في فندق ريجنسي مع كيكة بلاك فورست

تعطيك جو اخر

طلعاااتي اغلبها للمجمعات المسكره مثل الرايه ومجمع العوضي اليديد عشاااان الجو

وفعلا الوحده تبي تحس انها غير بهالطعااات

 

[ام الخييير]

مشاركة: طلعة الويك اند............وين؟؟

بنات مجمع العوضي شنو في وايد اسمع عنه بس ما رحتله؟
انا صراحة كله بالبحر ويا العيال يا يم الجزيرة يا يم المرينا توه الشاطئ مسوينه اخذ الجاي وعشاي واقعد من 9 الى 12 اونس شي حق اليهال وبس وسلامتكم

 

[New Mum]

والله الجو اييب اليهد استغفر الله كلش مو مال طلعه اصلا وين تروحين ماكو مكان ايونس ... الويك اند الخميس زواره والحين خالتي مسافرين فحد الغلقه الله يردهم بالسلامه

 

[موني موني]

الاربعاء شبه زوارة والخميس زواره من الغدا لي العشا والجمعة اذا في مشروع طلعة يكون يا عشا بره او سينما

 

[supermarket]

بنات وين بتطلعون هالويك اند


خلصوا الاماكن

 

[همسات ليالي]

والله صج ما اكو مكان تروحين له الا السوق

والا مواجيب واهل

نبي شي يديد

 

[ضحى الكويت]

مساء الخير عليكم اشلونكم شخباركم اى والله هالموضوع وايد مهم انا بالنسبه لى مو قاعده اشوف فى اماكن الواحد يستانس فيها الا المطاعم الكويت مشهوره بالمطاعم والقهاوى بس اذا فى شى يديد ولى يعافيكم قولولنا خلونا اشوى انتنفس عن نفسى كله بالبيت مليت استغفر الله .

 

[ضحى الكويت]

وين البنات ماكو احد

 

[المرام]

أنا بقولكم مكان روعة وهادى فيه حمام سباحه كبير ونظيف ودخلته الحمام بدينار والوقت مفتوح والمكان كلة خضرة وهادى وهو :كلاسيكال بالأحمدى تقريبا ورا مركز سلطان بمسافة والجو أبرد فيه لان فيه نهر!!!!!!!!!!
اى فيه نهر مسوين فيه وجسور وشلال وألعاب كهربائيه من ورا وفية مطعم ,وبس
أتمنى ان يعجبكم المكان , وأى سؤال عليه على الخاص لأنى من طبعى ما أرد على الموضوع مره ثانيه ,وشكرا:eh_s(17):

 

[ليمونه]

امبييييييييييييه بناااااااااااااات شنو هذا شوقتوني على شوكلت بااااااااااااااار


حرام عليكم عاد مسويه رجيم دشتي عذاااااااااااااااااااااب

 

[ذكريات]

كان المفروض اليوم اروح مطعم جيزكيك فاكتوري

الله وكيلكم صار لي شهرين اسمع انه بيوديني ريلي و يوم قرر خلاص اليوم

طلع حق رفيجه راحوا يشترون شي من محل قبل لا يصكر

يعني حبكت تروحون اليوم مع انه يقدرون باجر بس مو قادرين لازم اليوم

و كالعادة قعدت بالبيت بروحي طوووووووووووووووول الويك اند

 

[النويرة]

ممكن وحدة منكم تتكرم وتتلطف علي لاني ما ادل واضيع في منطقتنا
تتكرم وتدلني بالضبط على مطعم لاونتر
ابي شرح بالتفصيل الممل وشكرا

 

[كاكاوة سايحة]

عاد آنا إلي ما أعرف أدلي بس معقولة ماتدلينه ؟؟؟على البحر بين فدركرز و أبل بيز ...يعني مسكي سوق شرق خليه يسارج و أمشي سيده راح إييلج الأكوابارك و الأبراج بعدين راح تييلج إشارة إمشي سيده (راح تشوفين الثلاث مطاعم أبل بيز و لانوتر و فدركرز على يسارج ) راح تييلج إشاره ثانية إخذي الحاره إلي كلش على اليسار و لفي فوق تحت (جنه بعد في يو تيرن قبل لا توصلين الاشارة) المهم تلفين فوق تحت و تمشين لما توصلين المطعم.

آنا مادري وين أطلع أخاف أروح مكان تنطفي الكهربا

 

[كاكاوة سايحة]

كان المفروض اليوم اروح مطعم جيزكيك فاكتوري

الله وكيلكم صار لي شهرين اسمع انه بيوديني ريلي و يوم قرر خلاص اليوم

طلع حق رفيجه راحوا يشترون شي من محل قبل لا يصكر

يعني حبكت تروحون اليوم مع انه يقدرون باجر بس مو قادرين لازم اليوم

و كالعادة قعدت بالبيت بروحي طوووووووووووووووول الويك اند

أول مرة أسمع في جيزكيك فاكتوري وين صاير هذا؟

 

[زيـنـه]

جيز كيك فاكتوري خبري فيه بامريكا .. فتح بالكويت ؟ ؟؟