ضعفت 17 كيلو وحطيت صور كل شي ضعفني وقبل وبعد(احلى موضوع)

[كويتية هيبه]

ااخ ياحلو الضعف بس انا اشلون كنت دافنه نفسي بالحيا وااااي
بنات ... انا وزني كان 101 والحين 84 يعني نزلت 17 كيلو ماشاء الله  بفتره شهرين
وطولي 164
اول شي بقولكم قاعدتي بالريجيم : اهم شي الاراااااده لازم تكونين حابه وناويه تضعفين .. ثاني شي لازم تلاقينلج شي يسد الشهيه
الاراده يتني من كثر مايعيب علي ريلي بالقومه والقعده انبطت جبدي وقمت اشوف ناس ضعفو ماشاء الله الا انا ..
النظام الغذائي كان عباره عن اكل المشويات والمسلوق والسلطات يعني :
الفطور كان اما : كورن فلكس فتنس مع حليب خالي الدسم او بيضتين مسلوق مع عصير وسلطه
الغدا : أي شي مشوي مع سلطه او ساعات تونه بالماي
العشا : ساعات خيار بالروب وساعات بس تفاحه خضرا وساعات شوربه
شريت هذيله الكريمات شركتهم اتهبل معروفه انها زينه وكنت فترة العصر اخذ شاور واحط الكريم والبس شورت السونا والعب على الغزال مده نص ساعه تقريبا
هذا الشورت

http://www.q8yat.net/./files/wad83e4lqlvu51ilbrz5.jpg

بنات لا تقولون الكريمات ماتنفع لا تنفع .. والدليل قبل هالمره سويت ريجيم بدون كريمات وماضعفت هالكثر

وهذا يصغر ويشد الصدر وفعلا عجيييييييييييييييييييييييييييب حاسه بفرق حيييييل مع اني ماخلصت العلبه ليلحين
وترا اي واحد من هالكريمات شاريته ب 3 بس لا يقصون علكم

ثاني شي : اللي حيل ساعدني علي الريجيم حبيييييييييييب قلبي شاي بايوجي اشربه علي الريج

وقبل النوم اشرب هذي الاعشاب عشان تمشي بطني وقالولي انها تنحف

وهالشغلات يابنات كلللهم تلاقونهم عند ا ي كشك فيه فلبينيه ( سوالف الفلبينيات ) وماودي اكتب اماكن عشان محد يحطمني ويقول دعايه
شريت القهوه الخضره بس ماسوتلي شي

وصارلي ثالث يوم استخدم حبوب الترا سلم

وماشاء الله حييل سادين شهيتي لان بايوجي مادري ليش ماقام يسويلي شي ورفيجتي قالتلي كسريه بشي ثاني وبعدين رديله والحبوب شفت بالنت يمدحونهم ولقيت بالصدفه وحده كاتبه انها تبيعهم وطلبتهم ب 20 وقالتلي هذي اخر علبه وماعندي غيرهم

حبيت نفسي زياده وحبيت اللبس
كنت قبل ماادش اسال اللي بالمحل عندكم مقاسي ؟؟(
وكان الزمن حادني علي ايفانز :
اما الحين قمت البس حزم وادش المحلات اللي بخاطري واشتري حزم ماركه واااي صرت اموووت بنفسي وصار ويهي واااااايد احلى وااااااااااااااااااااايد وبستمر وبستمر باذن الله وماراح ارتاح الا لما ادش الستينات

هذا قميصي قبل الريجيم

وهذا الحين

والحين راح اغير ريجمي راح اشترك معاكم بريجيم التمر واللبن ومره دشتي وجذي

ماكو شي مستحيل واللي ضعفو مو احسن من عندنا احنا نقدر ونقدر بالاراده
لاحقين علي البلعه والاكل ماراح يطير وراح اسويلي يوم فري بالاسبوع عن خاطري


وعلي فكره مقاس ريلي تغير كان 41 والحين 39 واااااااااااااااااو
تبون اكثر من هالتشجيع شنو ؟؟؟


اذا الصور كبار عفيه صغروهم لايروح تعبي وماكتبت الموضوع الا لكم
بضعف وماني ناطره وزني يصير 3 ارقام ولا كبرت اصير عاله على اللي حواليني







تم تصغير الصور ومسح بعض اجزاء الجسم العاريه
مشرفه القسم
أحلى عيون​

 

[نونة المزيونة83]

رد : ضعفت 17 كيلو وحطيت صور كل شي ضعفني وقبل وبعد(احلى موضوع)

الف الف مبروووووووووووووك النزول

يارب تضعفين بصحة وعافية:ggdw:

 

[ام مهرة 2009]

ماشالله تبارك الرحمان

قللللللللللللللللللللللللللللللللللللللللللللللوش

زين ما سويتي وصاجه غاثنا الشحم غث

وعليج بالعافية الضعف واللبس والكشخة

ويامالج من الخير

بس حافظي على جهدج ولا تضيعينه

اهم شي فترة التثبيت

ابسئلج الرياضة توسينها بس النص ساعة مع الكريمات

انا مشكلتي الارداف والفخوذ تهقين بتنفعني الكريمات اشكثر اوقف عليهم تالي اقطهم اقول ما يسون شي

بس والله شجعتيني

:hjy5jewf:

 

[كويتية هيبه]

الله يبارك فيكم

اي ياحياتي طبعا ينفعونج
حطي الكريم علي المنطقه اللي تبينها مع اشويه مساج وعقب لبسي الشورت وتحركي او لعبي رياضه

انا العب علي الغزال اقل شي نص ساعه
عفيه ابي احد يصغرلي الصور
ضاق خلقي

 

[ام مهرة 2009]

حبيبتي

خلاص شكلي بشتري الكريمات

ويه والله ما اعرف بس ان شالله البنات يساعدونج

 

[ام مهرة 2009]

ايه بسألج

اشلون بالغمزات الي بالفخوذ ؟؟ راحو عقب الكريمات

انا ملوعين جبدي

 

[om-3abodey]

ماشاءالله بس حسافه الصور كبار جانزين احد يصغرهم

 

[طويت صفحة الماضي]

رد : ضعفت 17 كيلو وحطيت صور كل شي ضعفني وقبل وبعد(احلى موضوع)

مبروك حبيبتي وعقبال ماتكملين الاراده وتضعفين اكثر واكثر طبعا مع الاراده ماكو شي مستحيل

 

[عنيّد]

ع البركه حبوبه ، ربي يتمم عليج وتستمرين وتوصلين للي تبينه بصحه وعافيه يارب

سؤالي ... اشكثر صارلج مسويه رجيم عشان تنزلين 17 كيلو ؟ ^ـ^



## الصور كبااااااار حييييييل لدرجة اني موقادره اشوفهم ووايد مخلين الصفحه بطيئه

 

[كويتية هيبه]

صارلي شهرين بالضبط وتوني شايفه وزني اثاري ٨٢ الظاهر نزلت زياده من حبوب الترا سلم
وانشالله اتيينا وحده تصغرلنا الصور يااااارب

 

[فوفه 82]

رد : ضعفت 17 كيلو وحطيت صور كل شي ضعفني وقبل وبعد(احلى موضوع)

ماشاء الله الله يتمم عليج يارب
اي حسافه الصور وايد كبيره

 

[روح عاشقها]

ماشاءالله عليج
الله يتمم عليج وتوصلين للوزن اللي تبينه

 

[زهره الجلنار]

ماشاء الله تبارك الرحمن عسى الله يوفقج ويضعفج بصحه وعافيه

 

[كيكه توفي]

الله يتمم عليج

 

[واثقة بجمالها]

رد : ضعفت 17 كيلو وحطيت صور كل شي ضعفني وقبل وبعد(احلى موضوع)

الله يتم عليج مششاءالله تبارك الرحمن

 

[احلى.قمر]

ماشالله تبارك الرحمن الله يوفقج انشالله

 

[عربجيه]

تباركـ الرحمن

الله يتمم عليج

 

[على العهد باقون]

الف الف مبرووووووووووووووووووووووووووووووووووووووووووووووووو


وانا بعد مسوية رجيم والحمد لله نزلت 7 كيلو بالشهر هذا والحين بديت رجيم اخر


بس انصحج اخذي جبوب مكملات غذائية او استشيري طبيب عساس شعرج مايطيح ولا بشرتج تخرب ....


الله ويااااج واستمري الضعيفات مواحسن منا وحنا لانلبس ولاشي يلوق علينا

 

[أحلى عيون]

رد : ضعفت 17 كيلو وحطيت صور كل شي ضعفني وقبل وبعد(احلى موضوع)

اشكرج اختي الغاليه على اضافه تجربتج بالصور

وماشاء الله تبارك الرحمن عسى ان شاء الله يكون نزولج بصحه وعافيه

وتم تعديل الموضوع ليكون مناسب للاخوات

 

[amoOoNA Al_mazyoNa]

مااشااء الله.. الله يتمم عليج يارب وتوصلين للوزن اللي تبينه بصحة وعااافية يارب