ضاعت زين الليالي

[P!NKia]

ياحليله هانى
وان شالله اذا راح مصر ماتصيرله مشاكل ويتزوج حليمه ويرتاح ويفتك من شغله مع خالد
وان شالله ماتطفى الكهربا عليكم وتنزلين البارت

 

[P!NKia]

ياحليله هانى واخيرا فكر يتزوج
ويفتك من شغله مع خالد
بس يا راح مصر اكيد بيصيرله شي لانها اخر مهمه
وان شالله ماتطفى الكهربا عليكم وتنزلين البارت

 

[حرم القيصركمودس]

رد : ضاعت زين الليالي

يالله وينج جنة ماعندكم حمله ترشيد نفسنا

 

[دلوعة vvip]

لا ماعندنا ترشيد ولا رشود ورشودة عندنا اوليفر ولارا

 

[6amni bs]

رد : ضاعت زين الليالي

يعطيج العأأأأأأأأأأأفيه روايتج حلوووه وايد
ناطرييييييينج حبوبه

 

[دلوعة vvip]

ياحليله هانى واخيرا فكر يتزوج
ويفتك من شغله مع خالد
بس يا راح مصر اكيد بيصيرله شي لانها اخر مهمه
وان شالله ماتطفى الكهربا عليكم وتنزلين البارت

الله يعينا على الكهربا :jumpon:

الحين انزل البارت عسى ماتنقطع

ياحليله هانى
وان شالله اذا راح مصر ماتصيرله مشاكل ويتزوج حليمه ويرتاح ويفتك من شغله مع خالد
وان شالله ماتطفى الكهربا عليكم وتنزلين البارت

ان شاء الله

 

[دلوعة vvip]

رد: رد : ضاعت زين الليالي

يعطيج العأأأأأأأأأأأفيه روايتج حلوووه وايد
ناطرييييييينج حبوبه

عيونج الي حلوة
ان شاء الله:tek:

 

[دلوعة vvip]

البارت الثامن
بيت هاني الصبح

ماما خديجة : شرايج الاسبوع الياي ؟
غالية : خلاص الاسبوع الياي نشوفكم
ماما خديجة : تم
غالية : خلاص عيل مع السلامة
ماما خديجة مع السلامة

غالية اهية ام حليمة مو وايد كبير سمرة عيونها سودة شعرها طويل واهية طويله تزوجها خالد عن حب وكانت قاعده تكلم يدة هاني عن خطوبة هاني وحليمة والي راح يكون الاسبوع الياي

بابا صالح : ( توة طلع من دارة ) مستانسة شصار
ماما خديجة : دقيت على ام البنت الي هاني كلمنا عنها
بابا صالح بابتسامة ) وشنو صار

ماما خديجة: اتفقنا على الاسبوع الياي
بابا صالح : اي يوم
ماما خديجة: الاثنين
بابا صالح : الحمد لله والشكر لك يارب محد يصدق الفرحه الي انا فيها
ماما خديجة: انا بعد وربي الفرحه ملتني
بابا صالح: الحمد لله .... الا صح اهوة وينة الحين
ماما خديجة : اهوة الحين نايم في دارة
بابا صالح : زين عيل ماتبين تريقينا
ماما خديجة: امبله يالله امش
بابا صالح: يالله

بيت خالد
غالية : حليمة ...حليمة
حليمة : نعم يمة نعم
غالية : وينج
حليمة : لحظة لحظة انا بداري الحين اييلج


غرفة حليمة
حليمة :ابتسام امي تبيني اكلمج بعدين
ابتسام: ( صديقة حليمة ) زين سلمي عليها
حليمة : يوصل
ابتسام : باي

غالية دخلت على غرفة حليمة

غالية : وينج انتي صالي مدة اناديج
حليمة : كنت اكلم ابتسام سوري تاخرت
غالية : زين عيل شلونها زينة؟
حليمة : ايي الحمد لله زينة تبي تسافر
غالية : وين تبي تروح
حليمة : دبي اسبوع وترجع ....ايي وتسلم عليج
غالية : الله يردها بالسلامة
حليمة : زين يما شنو بغيتي
غالية : ايي بقولج شي
حليمة : شنو
غالية : خطبوج ناس
حليمة : منو اهمة
غالية : بيت ال (-----)
حليمة : ( عرفت ان هذا هاني ) ...ها ....؟ ...متى
غالية :الاسبوع الياي
حليمة : اي يوم ؟
غالية : الاثنين
حليمة : ساكتة
غالية : شفيج اذا ماعجبج الريال رفضي عادي الزواج قسمة ونصيب
حليمة : ادري ادري
غالية : عيل شفيج
حليمة : ماادري صراحه ماادري
غالية :متوترة
حليمة : ايي
غالية : ياروح امج انتي عادي مافيها شي
حليمة : ابتسمت
غالية : خلاص عيل بعد شوية نزلي
حليمة : ان شاء الله
غالية طلعت من الدار

حليمة : يعني يحليله هاني من صجه يصير خير ان شاء الله اتمنى انك فكرت بحل حق شغلك ... ابتسااااااام

حليمة : الوووووووووووووووووووووووووو
ابتسام : اذوني اذوني شفيج
حليمة : تدرين امي شبعت فيني
ابتسام :على الالو مالتج برج بيزا طاح
حليمة : بلا ملاقة
ابتسام : شدراني عنج زين قولي شعندج
حليمة : امي يت تقولي ان في ناس يبون يخطبوني
ابتسام : كللللووووووووووووش.... متى ووين ومنو
حليمة : يبون يخطبوني في مطعم برجر كينج شنو وين يعني الناس وين يخطبون البنات
ابتسام : ههههههه يالله قولي منو
حليمة : تتذكرين مرة كلمتج عن واحد يشتغل عند ابوي اسمة هاني
ابتسام : ايي
حليمة : هذا اهوة
ابتسام : اشهقت
حليمة : شفيج
ابتسام : اهوة ما .. يعني ... اهوة مع ابوج
حليمة : فهمت خلاص
ابتسام: وشنو راح تسوين ؟
حليمة :اهوة كلمني قبل
ابتسام : وشنو قال ؟
حليمة : قالي اكلمج بعدين
ابتسام : ها ؟
حليمة : ا ك ل م ج ب عديييين
ابتسام : من صجة يعني شنو اكلمج بعدين ؟
حليمة : يعني يمكن مافكر بهالشي
ابتسام : وانتي راح توافقين ؟
حليمة : ماادري خلى نشوف
ابتسام : مو تقولين كلمتي يعني ماتعرفين عنه
حليمة : انا مااكلم صبيان ويوم كلمتة بس قالي ترى بخطبج مااعرف عنه شي كل شي راح اعرفه يوم الخطوبة
ابتسام : زين عيل تمام الفال لي
حليمة : ان شاء الله
ابتسام : يالله عيل باي باي بروح انزل عند امي
حليمة : باي

الظهر
بيت سلمان
سلمان ( يتكلم بالموبايل ): انت متاكد
احمد ( يشتغل مع سلمان ): ايي مافي شي ضده
سلمان : وهذا هاني في علية شي
احمد : لا ملفاتهم نظيفه مافيها شي
سلمان : معقولة ؟
احمد : يمكن صج انت غلطان
سلمان : لا انا مو غلطان هذيله مو خوش ناس
احمد: سلمان خلاص الحين مافيهم شي
سلمان : لا لهم علاقة مع عاطف
احمد كيفك انت قاعد تشغل بالك
سلمان : خلاص باي
احمد : باي

اميرة : سلمان ... سلمان
سلمان : بنبرة عصبية ) شتبين ؟
اميرة : شفيك انت وايد معصب
سلمان : تعبان تعبان وايد
اميرة : حطو الغدا تعال اكل
سلمان : مو يوعان
اميرة : كيفك

بيت هاني
هاني قعد من النوم راح الصاله
ماما خديجة : هلا هاني حبيبي تعال اقعد
هاني : زين ان شاء الله
ماما خديجة : هاني
هاني : امري
ماما خديجة : تتذكر البنت الي كلمتني عنها ؟
هاني : ايي شفيها
ماما خديجة: دقيت على امها
هاني : وشنو قالت ؟
ماما خديجة : اتفقنا على الاسبوع الياي
هاني : بابستسامة ) متى ؟
ماما خديجة : يوم الاثنين
هاني :مشكورة ماقصرتي
ماماخديجة : العفو بس في بقلبي سؤال
هاني : انتي تامرين امر قولي سالي الي تبينة
ماماخديجة : يوم كلمت ام البنت اهية من كلامها خوش وحدة بس انت من وين عرفتهم
هاني : ها .......؟امم عرفتهم من هذا ... شسمة
بابا صالح: (توة طلع من الحمام عزكم الله) ... ها هاني شلونك ؟
هاني بقلبة : بعد جبدي يايدي سوبر مان انقذتني
هاني : هلا الحمد لله زين
بابا صالح:قالتلك يدتك ؟
هاني : ايي
بابا صالح : زين عيل ان شاء الله خير
هاني : ان شاء الله
رن تليفون هاني طالع الشاشة ولا خالد

هاني : لحظة شوي
باباصالح: الله معاك

هاني - الو
خالد : ها شصار معاك
هاني : على شنو ؟
خالد: يدتك داقة على غالية
هاني : ههه ايي يوم الاثنين الاسبوع الياي
خالد: ايي خير ان شاء الله
هاني :شفيك شنو صاير ؟
خالد : ها ....؟ تعال
هاني : عندكم البيت ؟
خالد: لا
هاني : عيل
خالد : ودي اروح البحر
هاني : تبي ايي عندك ؟
خالد: ياليت
هاني : زين يايك بس عندك شي تبي تقولة ؟
خالد: ايي عندي
هاني : زين عيل انطر ابدل واييلك
خالد: زين هاني لا تطول زين
هاني : زين

قام هاني بدل وراح له
خالد يطالع البحر وساكت ولا كلمة
هاني : سمعتني شنو قلت ؟
خالد: ها ؟
هاني : سمعتني شنو قلت قبل شوي
خالد: لا ماكنت معاك ......... هاني اذا تزوجت حليمة شنو راح يصير؟
هاني: ما فهمتك
خالد: ولا شي ولا شي ...هاك
طلع التذاكر وعطاها حق هاني
هاني : متى راح يكون السفر ؟
خالد: بعد ثلاث ايام
هاني : زين
وردة حالة الصمت
هاني : انا برد البيت وحليمة لا تخاف عليها اذا خذيتها ما راح تكون بخطر
خالد: هز راسة ادري يا هاني انا خايف عليها مني اخوانها شباب ريايل بس اهية بنت انت ماراح تكمل معاي بس ... انا راح اكون بروحي خوفي اتهور بحركة تضيع مستقبلها
هاني : ماادري شقولك صراحه
خالد: لاتقول شي روح ومابي اشوفك الى يوم الاثنين
هاني ضحك ) زين
خالد: الله معاك

رد هاني البيت لقى يدتة موجودة
هاني : سلام
ماما خديجة : وعليكم السلام
هاني : وين يدي
ماما خديجة كان تعبان ونام مبجر
هاني : اودي الطبيب ؟
ماما خديجة : قتله بس يقول مايبي
هاني : زين بقولج شي
ماما خديجة : قول
هاني : ربعي يبون يرحون البر ثلاث ايام ويرجعون وانا ناوي اروح معاهم
ماما خديجة : خلك اهني شلك فيهم انت اقعد معانا
هاني : لا موعن بس بغير جو وماراح يصير فيني شي صدقيني
ماماخديجة : خلاص عيل الله معاك
هاني: زين عيل ماتبون تتعشون
ماماخديجة : ايي والله
هاني : زين لحظة انادي الخدامة ولا تبين اعشيج برة
ماماخديجة : لا تعبانة مالي خلق
هاني : زين عيل


اذا قصير قولو

 

[دلوعة vvip]

نصيحة من بنت كويتية تحبكم موت
نصيحة :الي يبي يشتري بيت في لبنان لا يشتري الا اذا يبي يودي معاه محول كهربا وتنكر ماي ديرة شحلاتها مافيها ماي ولا كهربا اشترو جنريتر وحطو معاكم
واخذو بيت يم ستار بكس عشان ذا انطفت الكهربا تشبكون منه
جذي سفرتكم بروفيكت

 

[ام عيون قتالة]

لا يصير شي مو زين بليييييييييز

 

[ام عيون قتالة]

نصيحة من بنت كويتية تحبكم موت
نصيحة :الي يبي يشتري بيت في لبنان لا يشتري الا اذا يبي يودي معاه محول كهربا وتنكر ماي ديرة شحلاتها مافيها ماي ولا كهربا اشترو جنريتر وحطو معاكم
واخذو بيت يم ستار بكس عشان ذا انطفت الكهربا تشبكون منه
جذي سفرتكم بروفيكت

لووووووووووووول كاسرة خاطري حدج والله





تستاهلين ههههه

 

[الليدي ديانا]

كملي

 

[حرم القيصركمودس]

رد : ضاعت زين الليالي

كملي حبوبة ناطرتج يا قلبي

 

[P!NKia]

شكله بيصير له شي هانى
الله يستر عليه
وان شالله ماتنقطع الكهربا عليكم
ومبااارك عليكم الشهرر

 

[seniora]

القصه حدهاااا مو صج كملي

مشكووووووووره

 

[دلوعة vvip]

لووووووووووووول كاسرة خاطري حدج والله





تستاهلين ههههه

ييلج يوم ان شاء الله

 

[دلوعة vvip]

القصه حدهاااا مو صج كملي

مشكووووووووره

العفو

شكله بيصير له شي هانى
الله يستر عليه
وان شالله ماتنقطع الكهربا عليكم
ومبااارك عليكم الشهرر

علينا وعليج

كملي حبوبة ناطرتج يا قلبي

كملي

انشاء الله

اوكي

 

[دلوعة vvip]

البارت التاسع

بيت هاني
هاني : يالله مع السلامة انا رايح البر
ماماخديجة وباباصالح : الله معاك
ماما خديجة : دير بالك على نفسك
هاني : لا توصين حريص

طلع هاني من البيت
في السيارة
هاني : الوو
خالد: هاني ؟
هاني : ايي انا هاني ... انا رايح المطار الحين
خالد: زين زين اهوة متوقع وصولك
هاني : تمام عيل
خالد : دير بالك على نفسك يبة
هاني : مايصير الا الخير
خالد: عيل مع السلامة
هاني : باي
راح هاني المطار وركب الطيارة حق مصر

بيت سلمان
في الصاله
اميرة : سلمان
سلمان : نعم
اميرة : بكلمك قصر صوت التلفزيون
سلمان : مالي خلق الحين
اميرة :الموضوع يهمني وابيك تسمعه مني الحين
سلمان : اففف .. كا قصرنا الصوت ولا تدرين شلون نطفي التلفزيون مرة وحدة شرايج
اميرة : ترى انت وايد صاير عصبي هد نفسك
سلمان : ( بعصبية )) يعني شنو تبين اسوي شسويت غلط انا
اميرة : مايصير جذي انت كله معصب .. شغلك وايد ماثر عليك
سلمان : شقصدج انتي ماذيتني وبس
اميرة : تعبت مو قاعد تحترمني وكله تصرخ ومعصب
ولاهي بشغلك
سلمان : وانا قاعد اشتغل حق منو مو حقج انتي وعيالج ؟
اميرة : حتى لو لازم تحترمني انا مرتك ام عيالك
سلمان : اميرة سكتي ترى اذيتيني عبالي عندج سالفة
اميرة : يعني انت الحين مو مهتم كلشش
سلمان : افففف لوعتي جبدي
اميرة : هاذي حالتك انت ماينفع معاك كوني احترمك
سلمان : وين رايحة ؟
اميرة رايحة برة الصاله
سلمان : وين رايحة انتي ؟
اميرة : بعد ماتخلص من شغلك ويكون عندك استعداد لي ولعيالي تعال كلمني رايحة عند اهلي
سلمان : اميرة
ولحقها
سلمان : اميرة مايصير تروحين وانتي عندج بيت
اميرة : بصراخ ) بيت .. بيت ياسلمان بيت هذا مو بيت مو عيشة هاذي الابو مايدري شنو صاير فية و كل مااكلمك تعصب ومن شنو عاد ؟ من شغلك حتى مع الناس الي تشتغل معاهم اسمعك تصرخ
سلمان : هذا شغلي وانا اعرفه اكثر من اي احد ثاني
اميرة : يا شغلك يا انا وعيالي
وراحت اميرة دارها خذت اغراضها وراحت حق اهلها

بيت خالد غرفة حليمة
حليمة: امشي نطلع مليت
ابتسام : وين تبين نروح ؟
حليمة : اي مكان ملل زهقة
ابتسام : تبين نروح مجمع ؟
حليمة : زين وين ؟
ابتسام : ماادري ركبي السيارو ونشوف هالسيارة وين تودينه
حليمة : لووول زين نطري ابدل وانتي بدلي وتعالي بيتنا نطريني عند الباب
ابتسام : زين عيل ربع ساعه واكون عندج
حليمة : اوكي باي
ابتسام : باي


بيت خالد دار غالية
حليمة : وين احلى ام بالدنيا ؟
غالية : كاني قاعده اهني
حليمة : شفيج ... شكلج متضايقة
غالية : لا مافيني شي بس..
حليمة : بس شنو يمة شفيج قولي
غالية : كام قاعده اتخيلج متزوجة بيت ثاني بعيدة عني
حليمة : اذا تبين تبجين وتسوين عزا مابي اتزوج خلاص ارفضة وخلاص
غالية : لالا طول عمري انطر هاللحظة الي اشوفج عروس لما تصيرين ام راح تفهمين شعوري
حليمة : خلاص عيل لا تبجين واذا تزوجت ماراح اروح بعيد عنج
غالية : تنهدت .. يوم عرفت ابوج كان ماعنده هالشغلة كان ملاك بعيني بس بعدين ماادري شنو الي صار
غالية بجت
غالية : ادري ان الي خطبج يشتغل مع ابوج وخوفي يكون نفسة
حليمة : يمة لا تخافين خلاص ..... يمة الحين يوم الخطوبة يصير خير
غالية : اذا ماحبيتية مو عشان ابوج توافقين
حليمة : يمة راح اكون عادية مثل اي بنت في الخطوبة اذا عجبني اوافق واذا ماعجبني خلاص
غالية : الله يوفقج ويفرحني فيج
حليمة : ابتسمت
غالية : شنو بغيتي يوم يتيلي ؟
حليمة : ايي ويي نسيت ... بطلع مع ابتسام
غالية : وين تبون تروحون ؟
حليمة : ماادري اهية تبي تطلعني
غالية : الله معاج ديري بالج على نفسج
حليمة : زيين ان شاء الله

بيت سلمان
سلمان : يعني مافي شي غريب صار هالاسبوع ؟
احمد : سلمان ترى اذيتني
سلمان : يصرخ - يعني شنو اي ولا لا في شي على خالد وربعه ولالا شنو هذا احترم نفسك
احمد : بسك صراخ ترى الي قاعد تسوي غلط قاعد تضيع وقتك وفوق هذا ماعليهم شي
سلمان : انت مالك شغل قولي الي ابي وخلاص
احمد : سلمان اذا صار شي راح اقولك
سلمان : زين
احمد : سلمان
سلمان : شتبي
احمد : جرب تشغل نفسك في شي ثاني غير الشغل
سلمان: مثل شنو ؟
احمد: يعني انت متزوج وعندك عيال اشغل نفسك معاهم لا تهملهم
سلمان : تنهد ... وينك من قبل
احمد : ها شنو قلت
سلمان : ولا شي ... اذا عرفت شي عنهم قولي
احمد : لا حول ولا قوة الا بالله ولا جني قلت شي
سلمان : باي
احمد : الله معاك والله يهديك

في مصر عند هاني
تحديدا في الفندق

هاني : الوو
ماماخديجة : هلا هاني شلونك ؟
هاني : هلا فيج شلونج انتي انا الحمد لله
ماماخديجة : الحمد لله وصلت البر يمة ؟
هاني : ايي وصلت
ماما خديجة : ايي الحمد لله
هاني : تبين شي؟
ماما خديجة: لا يمة دير بالك على روحك
هاني : ان شاء الله
ماما خديجة: يالله عيل مع السلامة
هاني : مع السلامة

هاني راح حق المكان الي يتواجد فيه فوزي
هاني : فوزي موجود
محدت : وانت حضرتك مين .؟
هاني : انا هاني من الكويت
محدت : عايز ايه ؟
هاني : بكلم فوزي لو سمحت
مدحت : الباشا مش عايز يكلم حد
هاني : امم زين روح قولة وشوف اذا عايز ولا لا
مدحت : انت ماتفهمش هو مش عايز
هاني طلع 200 جنية تقريبا 200 كويتي
هاني : والحين ؟
محدت ضحك
مدحت : \استنة شوية

مدحت مجرد واحد يشتغل عند فوزي
مدحت : الباشا بيستناك
هاني : تمام
هاني بقلية : ماينفع الا جذي
دخل هاني لقى فوزي
قام فوزي سلم على هاني
فوزي :اهلا وسهلا
هاني : هلا
فوزي: الحاج خالد ازاي؟
هاني : ايي الحمد لله .. ممكن نبلش نتفق
فوزي: ايوة خلاص نبتدي شغل
هاني : اول شي بقولك ان ترى احنا ولا مرة تعاملنا برة الديرة
فوزي:ايوة حنا بردو
هاني : مدام احنا الاثنين مو مجربين هالشي فراح نكون هاديين
فوزي: حلوو كدة .. والسعر الزاي ؟
هاني : (ابتسم) يعجبك


اتفقو مع بعض على اشياء واايد
هاني تم اخر مهمة له
والي بقى بمخة
يوم الاثنين
يوم الاثنين
يوم الاثنين
يوم الاثنين
يوم الاثنين
يوم الاثنين
يوم الاثنين
يوم الاثنين
يوم الاثنين
يوم الاثنين
يوم الاثنين
يوم الاثنين
حليمة

القاكم على خير
وكل عام وانتو بخير

 

[حرم القيصركمودس]

رد : ضاعت زين الليالي

مشكورة دلوعه يالله

 

[P!NKia]

ناطرين شبيصير يوم الاثنين