صوص الجيرمن كيك

[bambena]

بنات اللي تعرف وصفه الصوص مال الجيرمن كيك تقولي بليز لان ناويه اسويها باجر الجمعه ومشكورين

 

[جارة القمر]

مشاركة: صوص الجيرمن كيك

bambena


حبيبتي

أنا من شفت المووضع وأنا أدورلج حتي رفيحاتي دقيت سألته

وسامحيني ما حصلت الوصفة

 

[bambena]

مشاركة: صوص الجيرمن كيك

يابعد عمري جارونه مشكوره

 

[* الحبيبــــة *]

مشاركة: صوص الجيرمن كيك

آن عندي الطريقة

المقادير :كوب حليب مركز غير محلى
كوب سكر
3 صفار بيضات
نص كوب زبدة
م ص فانيليا سائلة
1 و ثلث كوب جوزهند مبشور
كوب جوز مكسر


الطريقة :

اخلطي جميع المكونات ماعدا الجوز و جوز الهند في جدر على نار متوسطة لمدة 10 دايق لما يثخن ثم ضيفي الجوز و الناريل و خلى الصلصة تبرد و تصير قابلة للدهن



تطلع مثل الجاهزة و الله ..
لما اتيين تزينينها ذوبي كاكاو و حطيه بجيس و غظي الجيس عند الحافة قظة صغيرة و سوي خطوط على الكيكة كلها من فوق و عالجوانب إذا تقدرين ..

و أس سؤال آن حاضرة

 

[* الحبيبــــة *]

مشاركة: صوص الجيرمن كيك

نسيت أقولج هالخلطة تحشين فيها الكيكة بعد..

آن أسوي الكيكة 3 طبقات بين كل طبقة و الثانية أحط شوي من الخلطة و بعدين أغطي الكيكة بكبرها باللي بقى من الخلطة

 

[bambena]

مشاركة: صوص الجيرمن كيك

الحبيبه شلون احشيها الكيكه تصير سايحه مايختلط مع بعض ؟؟

 

[* الحبيبــــة *]

مشاركة: صوص الجيرمن كيك

الحبيبه شلون احشيها الكيكه تصير سايحه مايختلط مع بعض ؟؟

بعد ماتستوي الكيكة خليها تبرد و بعدين قصيها بالعرض بالنص.. راح يصير عندج طبقتين ..عدل؟
حطي الحشوة بالنص و بعدين وزعي باجي الصلصة من برا

أتمنى يكون شرحي واضح


و هذي بعد صورة توضيحية

 

[bnt q8 in usa]

مشاركة: صوص الجيرمن كيك

مشكوره الحبيبه ماقصرتي

 

[جارة القمر]

مشاركة: صوص الجيرمن كيك

* الحبيبــــة *


ممكن تردين تشرحين الطريقة مره ثانيه ما فهمته

ومشكووووووره

 

[miss fabulosity]

مشاركة: صوص الجيرمن كيك

بغيت اعرف ياحلوه حليب مركز غير محلى تقصدين نستله ولا غيره

 

[* الحبيبــــة *]

مشاركة: صوص الجيرمن كيك

bnt q8 in usa العفو حبيبتي

وسومه لا مو نستله أقصد حليب مركز و لكن غير محلى تلقينه بالجمعية صوب نستله و أبوقوس و هالسولف

جارة القمر ولايهمج راح أكتب الطريقة مرة ثانيه

 

[* الحبيبــــة *]

مشاركة: صوص الجيرمن كيك

الطريقة و المقادير مرة ثانية

لازم أول تجهزين الكيكة( chocolate German cake ) تلقينها جاهزة بالجمعيات في علب.. تسوينها مثل ماهو مكتوب عالعلبة و تخلينعا تبرد.

مقادير الصوص :

كوب حليب مركز غير محلى
كوب سكر
3 صفار بيضات
نص كوب زبدة
م ص فانيليا سائلة
1 و ثلث كوب جوزهند مبشور
كوب جوز مكسر


الطريقة :

جيبي جدر و حطي فيه الحليب مركز غير محلى والسكر وصفار البيض و الزبدة والفانيليا وخلطي بالملعقة الخشب لمدة 10 دقائق على نار متوسطة لما يصير الصوص ثقيل و بعدين طفي النار و ضيفي الجوز و جوز الهند المبشور ( ملاحظه لون الصوص يكون ذهبي نف الصورة في ردي السابق بالضبط )

قصي الكيكة بالعرض بالنص راح يكون عندج طبقتين حطي قليل من الصوص بوسط الطبقتين جنج قاعده تحشينها ..
صكي الكيكه و غطيها من فوق و على الجوانب بباقي الصوص..

بانسبه للتزيين : ذوبي كاكاو و حطيه بجيس و قظي الجيس عند حافتة قظة صغيرة و رعصيه علشان يطلع الكاكاو و ترسمين فيه (مثل القمع يعني.. بس خلو القظة صغييرة )
سوي خطوط على الكيكة كلها من فوق و عالجوانب إذا تقدرين ..
و بس سلامتكم ..


واللي عندها أي استفسار هم آن حاضرة

 

[miss fabulosity]

مشاركة: صوص الجيرمن كيك

مشكوره يالحبيبه وماقصرتى بس ماعليه تحملينى شوى انا متغربه فى المانيه وماعندنا الا نستله فقلت يمكن اقدر استخدمه بالمقابل استغنى عن كوب السكر بس ماادرى يطلع نفس الطعم ولا لا
اشرايج

 

[BlUe SkY GuRl]

مشاركة: صوص الجيرمن كيك

مشكوره الحبيبه عالوصفه

 

[نفنوف كشكش]

مشاركة: صوص الجيرمن كيك

بالظبط نفس ماتفظلت الحبيبه .......مشكووره

الحليب اهوا نفس كرنيشن

 

[NaBiLa]

مشاركة: صوص الجيرمن كيك

أنا مالي شغل بالموضوع بس وايد استفدت من المعلومات
مشكورين وايييييييييد

 

[bambena]

مشاركة: صوص الجيرمن كيك

مشكوووووووووره الحبيبه بعد عمري وايد فدتيني ماقصرتي

 

[mrmr mrmora]

مشاركة: صوص الجيرمن كيك

مشكوره الحبيبه

ما شاء الله شرحج مبسط وحلو

الله يوفقج

 

[عروبه]

مشاركة: صوص الجيرمن كيك

الف شكر لج الحبيبة على الوصفة
يا قلبى والله نفسى اعملها
ولقيت الوصفة

 

[الفراشة]

مشاركة: صوص الجيرمن كيك

مشكورة حبيبة وتسلمين واللة عطيتينى معلومة جد يدة شكراااا وجزاة اللة خير راعية السؤال ويكتب لك الخير يارب ياحبيبة واللة انك حبيبة