[ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

[Miss.blue berry]

رد : [ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

لاااااااااااااااااااا ليش ةقفتي كملي بعرف شنو يصير
امممممم انا اتوقع انه ريما توافق على حسييين !
و مممم شصار على رؤى ما كتبتيلنا عليها ؟!!!!
و ثينكيو حبي على البارت الحلوووو ~~
ويتنق الياي على نار ~~

 

[Dalal.E]

والله هذي قووويييه شكو شرطه ههههههههههههه!!! من صجها؟!

انزييين عندي سؤال!

ياربي ليش راشد كان بالسجن لي الحين مافهمت ؟؟؟؟؟

 

[سارووونه22]

مشكووووووووورة على بارتين لانه صارلي جم يوم مو داشة كان عندي ظروف بس كنت افكر برواية وااااااااااي صج مرت ابو روان تغث شكو تتصل بشرطة هذا مو بيتها بروحها اف اف اف حدددددددددددددها تغث
كتذكير للاخت Dalal.E اهوه كان مسجون عشان قضية رفيجة يعني شايل القضية من رفيجة عشان ابو رفيجه ريال كبير في العمر واذا ماكنت غلطانه

 

[بيـــشو17]

امبي مرت ابوها مو صج ياااهل ليش ادق على الشرطه ماكو شغل:rgewrg:
مشكوره البارت روووعه وناطرينج بالبارت الياي:balo::wqedqw:

يسلموووو:aha:

 

[مـ سهله ـو]

هاي


يعطيج الف عافيه


وان شاء الله هالابداع ما يوقف

بس حبيبتي ياليت لو تخلصين روايتج وما تطولين

لان الطلبات زادت ولازم نعطي فرصه للغير

 

[ام بشبش]

البارت روعه
وان شاءالله ريما يكون من نصيبها حسن


ومسكينه روان اعتقد الحين ابوها يطلق رجاء وترتاح من شرها

ويعطيج العافيه على البارت

 

[DALLY]

وااااي كرهت مرت ابو روان حدها شررريررره ومتسببه

اما ريما احتريت عليها انها تمت تكلم عمر بس شكله هذا حسن راح يكون مستقبلها

ناطررررينج حبوبه

 

[بيـــشو17]

نبي بارت بليييز:080402ask_prv:

 

[so_what]

waiting

 

[Dalal.E]

waaaaaaaaiiiiitiiiiiiiiiiiiiiing

sarooooooooona22 == eeh 9a7 nisait ;p



3aw'9eena ib 2 parts l2nich 6awaltay 2 days ;(

 

[m!ss nunu]

بناااات سوري لأني تأخرت عليكم
بس راح أنزل بارت ان شاء الله بالليل وبحاول أطوله قد ماقدر لأني لازم أخلص الرواية بأسرع وقت

 

[بيـــشو17]

اوكي حبيبتي ناطرينج بليل

 

[غــلآهاا غير]

حبيبتي الرواااايه رووعه تسلم ايدينج تووني طحت عليهاا لوول ناااطرينج

 

[DALLY]

ويتيييينغ

 

[m!ss nunu]

بنات انا قاعدة الحين اكتب البارت
يمكن اتأخر عليكم شوي
بس وعد مني اني ما انام قبل لا انزل البارت ان شاء الله حتى لو طولت شوي عليكم :eh_s(21):

 

[Miss.blue berry]

رد : [ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

اوكي ... ناطـــــــرينج عيل !

 

[m!ss nunu]

البارت الـ 15








.. بس رجاء نفذت تهديدها



رجاء: ألوووو الشرطة ،، حبيت أبلغ عن وحدة متهجمة علي في بيتي



الشرطي: اختي اذا حابة تقدمين بلاغ لازم تراجعينا بالقسم



رجاء: اوكي .. مشكور







.. في هالأثناء روان صعدت دارها



.. وبعدها بـ 5 دقايق تقريبا ابوها طق عليها باب الدار





أبو روان: روان يبه فجّي الباب





.. فجّت روان باب دارها واول ماشافت ابوها انهارت بالبجي

دخل ابوها الدار وسكر الباب وراه ، وحضنها



أبو روان: بس يبه لا تبجين ، شالي صار؟ ليش جذي صار بينكم؟



.. روان قالت لأبوها كل الي صار



أبو روان: خلاص حبيبتي انتي اهدي الحين .. وانا راح اشوف الموضوع



.. وطلع من دار روان





.. بعدها بشوي كانت روان تسمع صوت رجاء واهي تكلم ابوها ، كانت رجاء تناجر وتصرخ ، بس ماكانت تسمع صوت ابوها ، لكن شدها صوت اخوها الصغير يبجي ويقول لأبوه لا تصرخ على امي!! على الرغم من انها ماكانت تسمع صوت ابوها ، كان صوت رجاء اهو الي واضح وينسمع





.. بعدها بشوي هدأ الوضع ... لما رجاء خذت عباتها وراحت لقسم الشرطة





!! كل هذا وابو روان قاعد بمكانه ...







.. بعد ساعتين تقريبا رن جرس البيت

.. وبو روان الي فتح الباب



الشرطي: هذا بيت محمد صالح الـ .. ؟



أبو روان: اي نعم؟؟؟





.. مد الشرطي ورقة لأبو روان



فتحها بو روان وعرف انها استدعاء لروان من مركز الشرطة



بو روان: اوكي .. مشكور ، نغير هدومنا وجايين وراك



.. ومشى الشرطي





.. صعد أبو روان لدار روان .. ووقف عند الباب وناداها



أبو روان: روان غيري هدومج بنروح مركز الشرطة







.. "روان نزلت دموعها من القهر ، وهي تقول بقلبها " ضربني وبكى ، سبقني واشتكى



روان: ان شاء الله يبه





.. غيرت روان هدومها .. ولبست عباتها ونزلت



روان: انا جاهزة يبه



أبو روان: يالله عيل مشينا



.. روان كان مستغربة من برود ابوها !! سكوته الدائم عن حقها اهو الي وصّل رجاء لهالمرحلة ، كانت تفكر بالي قاعد يصير ومستنكرة كل شي ، شنو الي باقي يصير عشان يتحرك ابوها؟ شنو بيصير أكبر من انها تدش مخافر ؟ شنو بيصير يهين كرامتها اكثر من جذي؟؟ وفوق هذا للحين ابوها مانطق .. ماتكلم!! روان كانت تصارع القهر على أمل ان أبوها راح يبرد خاطرها وياخذ حقها بس شكله صبرها قرّب ينفذ









.. راحت روان مع ابوها للمخفر ، وعطت أقوالها للشرطية لأنه قضيتها تحولت للقسم النسائي .. روان ما انصدمت من اقوال رجاء الي كانت ثلاثة ارباعها جذب وتلفيق ، يا إن هالإنسانة ماتخاف الله!! لكن الي خفف على روان ان الشرطية تعاطفت معاها وكانت واقفة بصف روان ومصدقتها .. بس للأسف القضية مستحيل تتسكر بدون تنازل رجاء عنها ..



.. بعد كتابة المحضر .. طلعت روان من المخفر مع ابوها ورجعوا للبيت ، وطبعا رجاء كانت سابقتهم للبيت ، وقاعدة تطالع تلفزيون



.. صعدت روان دارها مع ابوها ، بدون اي اهتمام لوجود رجاء





.. بدار روان



أبو روان: روان يبه ، صبري علي شوي ، انا راح أطلقها ، بس انا ابيها اهي الي تطلب الطلاق من نفسها ، عشان ماتكون لها نفقة ولا نصيب بالبيت ، بس هالوضع ماراح يستمر ، صدقيني ماراح يستمر





.. روان ساكتة





أبو روان: يلا حبيبتي انا طالع



روان: ( ماصدق ان بس هذا الي طلع معاه!) اوكي





.. وطلع أبو روان من دارها



.. وروان انسدحت تفكر بكل الي صار ، ماراح تقول لراشد عن اي شي ، لأنها تدري انه راح يقلب الدنيا ويمكن يغلط في حق ابوها بعد وهي مو مستعدة انها تتضايق زود



ومن الضيق حاولت تنام .. لكن قهرها منعها وخلى النوم يجافيها .. كانت تضغط على فراشها من حرة قلبها وتبجي بقهر .. حقها ضاع وما أنوخذ، مثل كل مرة يضيع فيها حقها وتبجي بسكات



.. وظلت تقريبا على هالحال لمدة اسبوعين ، لا ليلها ليل ولا نهارها نهار ، وابوها تحرّك على عمره ولا في شي تغير

والمخفر مارجعوا استدعوا روان ، هذا معناته ان رجاء يا اما تنازلت ، او القضية طاحت من نفسها لأن رجاء ماراجعت المخفر مرة ثانية

.. والي فهمته روان ان كل الي سوته رجاء ،، عشان تثبت شي واحد بس

( انها انسانة مو هينة)

وتقدر تسوي أي شي اذا حطت انسان في بالها









.. في خلال هالفترة ريما قررت انها تكلم حسن ، لكنها حبت انه يرجع من نفسه يفتح الموضوع معاها

.. وفعلا هذا الي سواه حسن بطريقته







.. ريما تكلم حسن على المسنجر



HaAaSan:

ريّووم



ryoooma:

هلا؟



HaAaSan:

ممكن اتدقين دقة على موبايلي ، بس بسيّف رقمج ، وأوعدج مادق قبل ماتسمحين لي بهالشي



ryoooma:

امممم جم رقمك؟



HaAaSan:

... 3966



.. ريما دقت دقة على رقم حسن



HaAaSan:

اوكي الحين بسيفه ، ومتى ماسمحتي لي ادق راح ادق



ryoooma:

اممممم تقدر اتدق بأي وقت



HaAaSan:

:$ صج؟



ryoooma:

اي



HaAaSan:

أعتبر هذي موافقة يعني؟





ryoooma:

موافقة على اني اكلمك فترة قصيرة ، وبعدها نقرر



HaAaSan:



اي وهذا الي انا أبيه بعد ،، خلاص أول ما أطلع من البيت راح أدق عليج ان شاء الله



ryoooma:



اوكي





.. وتموا ريما وحسن يسولفون على المسنجر لغاية ما حسن كان بيفصل



HaAaSan:

يلا ريوم انا بفصل الحين ، وبقوم ابدل وبطلع رايح للشباب ، وبدق عليج بالطريج اوكي؟



ryoooma:

خلاص ماشي





.. وفصل حسن .. وفصلت ريما بعد .. وانسدحت على فراشها تنطره يدق ، وهي متوترة شوي



.. وبعد ربع ساعة دق حسن





ريما: ( بصوت هادي) ألووو



حسن: قوة ريما



ريما: هلا حسن .. الله يقويك



حسن: شلونج؟



ريما: الحمد لله بخير وانت شلونك؟



حسن: ماتحسين بالغباء الي احنا فيه؟



ريما (طقتها البوهة) ها؟؟؟



حسن: تونا نكلم بعض ع المسن والحين اسألج شلونج وتسأليني شلونك



ريما: هههههههههههههه مدري عنك دودهتني



حسن: يالله عرفيني عليج



ريما: صار لي دهر أكلمك على المسن ، يعني تعرف كل شي مهم عني



حسن: انزين قوليلي الاشياء الي مو مهمة



ريما: ماكو شي مو مهم ،، انا انسانة مهمة ههههههههههههههههه



حسن: ههههههههههه صج انج واثقة







.. وتمو ريما وحسن يسولفون شوي ، وأول ماوصل حسن لعند الشباب قال لها انه بيسكر



ريما: اوكي



حسن: انتبهي لنفسج



ريما: وانت بعد



حسن: ادق عليج لما أرجع؟



ريما: اي عادي



حسن: خلاص اوكي .. يالله مع السلامة



ريما: في أمان الله





.. سكرت ريما من عند حسن واهي مبتسمة .. صحيح مو أول مرة تكلم شخص ، لكن الجدية بعلاقتها هالمرة اهو الي مخليها مرتاحة ، ماحست بالطيش الي كانت تحسه قبل لما كانت تكلم ، حست شكثر اهي تغيرت وتعلمت من تجاربها .. بس كل الي تتمناه انه الفترة الي تكلم فيها حسن تعدي على خير ويكون قرارهم بالاخير اهو الصح





.. نروح لرؤى الي كان وضعها مستقر مع خالد والحمد لله ،، بإستثناء انه يحن على موضوع الزواج أكثر من قبل وهالشي كان يضايق رؤى ويضغط على نفسيتها ، واتصالات ام فهد بين فترة وفترة عشان تقنع رؤى انها تعطي فهد فرصة أخيرة عشان يصلح فيها الي اخترب ، ورؤى طبعا كانت ترفض بكل مرة







.. وبيوم رن موبايلها ، وأكتئبت لما شافت الرقم



رؤى: وليّــــــــــــــــــن هذا شيبي .. يا يدق يا يدز امه وبعدين يعني .. متى بيفكوني من شرهم







.. تمالكت اعصابها وردت عليه



رؤى: ( بصوت متنرفز ) ألووو



فهد: رؤى شلونج؟



رؤى: الحمد لله بخير



فهد: ان شاء الله كل أمورج تمام؟



رؤى: الحمد لله .. فهد وبعدين يعني؟ ليش داق؟؟؟



فهد: رؤى انا داق اقولج اني راح أتزوج



رؤى: ( استانست له ، لأنها مهما كان ماتقدر تكرهه حتى لو نفسها عافته) صجججججج؟ أأأأأأأألف مبرووووووك

فهد: (تضايق) الله يبارك فيج .. مستانسة؟



رؤى: وليييييييييش ما استانس؟؟؟؟ انا أتمنى لك كل خير



فهد: رؤى والله لو تقولين انج موافقة علي ومسامحتني من باجر اجيب اهلي ونخطبج



رؤى: فهد انت شفيك؟ توك تقول بتتزوج



فهد: بتزوج لأن هذي سنة الحياة ، بس لووووووو توافقين علي والله إني ما أتأخر عنج ولاشوي وأييج على طول



رؤى: اخترت البنت؟



فهد: اي



رؤى: واتفقت معاها على الزواج



فهد : اي



رؤى: فهد انت ماتستحي؟؟؟؟؟؟؟؟؟؟؟ موضوع زواجك خالص وجاي تقول لي هالكلام؟؟؟ شنووووو بيكون شعور البنت لووو عررفت؟؟؟ والله انا ماحب حتى احط نفسي بمكان هالبنت لأنه شعور خايس



.. فهد: بس يارؤى



رؤى: لا بس ولا شي .. الله يوفقك يافهد .. روح وتزوج وعيش حياتك .. صون البنت الي بتكون ان شاء الله زوجتك وام عيالك .. حرام تأذي بنت الناس .. وبليز كفاية لا عاد تدق علي ابد .. مع السلامة



.. وسكرت رؤى على طول قبل لا تسمع رد فهد



.. وقعدت تفكر .. تفكر بالشخص الي شاركها حياتها لسنين طويلة .. بالشخص الي رغم الي سواه فيها ماكرهته .. بالشخص الي اهي لو تزوج وكان مرتاح بتكون أسعد إنسانة لأن بالأول والأخير العشرة ماتهون .. ودعت له من كل قلبها





رؤى: يارب انك توفقه وتسعده









عند عليا كانت النفسية غير..


.. كانت عليا تعبانة نفسيا من موضوع ماجد ،، الي مارضى يتطور ولا يتغير

جربت تكون بالستايل الي يحبه ، لكن مثل ستايلها وايد بنات

جربت تكلمه بحدود الدراسة .. لكن خجلها كان يمنعها في كل مرة كانت تحاول فيها



وبدت تقتنع ان مالها نصيب في هالإنسان .. وابتدت مرحلة يديدة في انها تحاول تقتل المشاعر الي تحسها ناحيته وانجذابها له .. لأنه طريجها معاه كان شبه مسدود







.. بعد اسبوعين من كل هالأحداث




..ريما كانت تكلم حسن بالتلفون ،، حسن الي في خلال هالاسبوعين زرع مودة واحترام بقلب ريما ناحيته ، حسن الي شاف في ريما كل الصفات الي يتمناها في شريكة حياتها ، قلبه فز لها ، وبدون شعور حبها ،، حب صدقها وشفافيتها ، حب عفويتها ونعومتها ، وحب وجودها في حياته ، صحيح ريما مابدالته مشاعر الحب ، لكنها من كل قلبها تمنته





حسن: ريما انا قررت أكلم اهلي خلاص



ريما: بهالسرعة ياحسن؟



حسن: ريما انتي مارتحتي لي؟



ريما: امبلى



حسن: لو تقدمت لج ماتوافقين علي



ريما: امبلى حسن ، انت ريال ماتنعاب



حسن: عيل ليش نطولها وهي قصيرة؟ انا من الليلة ان شاء الله بكلم امي



ريما: الي تشوفه



حسن: ريما ممكن تدزين لي صورتج؟ انا متأكد انها بتطلب تشوفج



ريما: ( بدون تردد) ان شاء الله .. لما اسكر ان شاء الله من عندك ادز لك صورة



حسن: يالله ريّوم انا جذي جذاك بسكر الحين ، توني واصل البيت والدوام بهذلني اليوم



ريما: اوكي .. يعطيك العافية





حسن: الله يعافيج حبيبتي .. يالله مع السلامة





.. وبعد ماسكرت ريما من حسن ، دزت له صورة يديدة لها ، وهي بقلبها تدعي ان يتم موضوعهم على خيرر بدون أي عقبات او مشاكل










.. بجامعة عليا




كانت عليا بالباركات رايحة لسيارتها نهاية الدوام



.. ولفت نظرها الموقف الي هزها وصدمها



شافت ماجد لاحق بنتين لغاية سيارتهم وكان الكلام بصوت واضح ومسموع



ماجد: مها والله إني أحبج



.. البنات ساكتين



ماجد: بس تكفين ابي افهم انتي تبادليني المشاعر والا لا؟؟؟؟؟



هزت وحدة من البنات راسها بالنفي وركبو سيارتهم



وماجد بقى يطالعهم ليما حركوا السيارة



وبعدها قعد على الرصيف بالباركات وحط يده على راسه





.. عليا ماتدري شنو حست بهاللحظة .. يمكن كان ودها تبجي حزتها

بس على شنو تبجي؟ على نفسها والا على ماجد الي خاطره مكسور

الحين بس عرفت ليش ما التفت لها على الرغم من انه كان يحس بنظراتها له

ظلت تراقب ماجد بعيونها من بعيد ليما دمعت عينها .. وماحست بنفسها الا لما حست بحرارة الدمعة على خدها .. وقبل لا تمشي ماقالت غير كلمة وحدة





عليا: الحمد لله









... بعد هالأحداث بيومين



.. ريما بالها مشغول بحسن ،، حسن من يومين مادق عليها ولا كلمها ولا حتى دز لها مسج وهذي مو عوايده

اهي تعودت تكلمه كل يوم وباليوم تكلمه أكثر من مرة



قلبها قبضها وخافت تكون غلطت للمرة المليون بإختيارها ، والي خوفها اكثر انها عطته كل المعلومات الي تخصها ، حتى اسامي إخوانها وأماكن شغلهم قالت له عنهم



.. ولما تعبت من التفكير ، قررت تشبك ع النت يمكن تلاقيه شابك

.. وبالفعل هذا الي صار



.. شبكت ريما ولقت حسن اون لاين وتضايقت زود ، ترددت بين انها تكلمه وبين انها تطنش وجوده

لكنها قررت انها تكلمه





ryoooma:

حسن؟



HaAaSan:

هلا ريما



ryoooma:

حسن عسى ماشر؟؟















لهني البارت خلص

بنات ادري ان البارت مو طويل بنات ، بس البارت الياي ان شاء الله راح يكون اخر بارت

ماقدرت اضيف كل الاحداث بهالبارت



فبإذن الله البارت الياي راح يكون الأخير





ناطرة ردودكم​

 

[m!ss nunu]

بنات سوري لأني مارديت على وحدة وحدة فيكم

بس والله اني اراقب ردودكم كلكم واستانس حيل من تفاعلكم

شكرا لكل الي ردوّا على بارتي الأولي .. ولكل الي يتباعوني من البداية والبنات الي بدو يتابعوني من الأخير

وجودكم دعم لي .. ولو ماردودكم جان أبد ماواصلت

أحبكم :*

واليوم عيد ميلادي
يلااااااااااااااااااا الكل يقول لي كل عام وانتي بخير

 

[rayona]

Awal shaai kiL3am oo entay eb 2aLf 5aiir oo 3o8baaL BaLyoooooooooon Sena .. thaneyan allah y3een rawaan 3ala oboha oo mort obohaa oo hal fahad ma ymeeL 5la9 el bnya ma tabeee .. oo rema madri lish 7asa enah 7assan mra7 y56bha ymkin hawan lmn shaf 9ort.ha ow ymkin ahala mu ra'9een na6ra el part el 2a5er b3rf shnuu b9err feeeh .. Oo mashkoooraa wayed 3la el paarrrt el rw3aaaa ..

 

[Miss.blue berry]

رد : [ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

ثينـــــــــــــــــــكيو على البارت حيبتي ~~~