[ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

[m!ss nunu]

7ram rwan allah y3enha 3la oboha sekana mortaa .. Oo ro2a t3jbnii oo ehya m9rfa 5aleed ma t36ii wyh a7ssan ... Oo y36ich el 3afya 3la ilpart na6riniich

الله يعافيج حبيبتي

بس حرام خالد يبي وحدة حق زواج

 

[Dalal.E]

waitiiiiing

 

[ام جوري89]

وي توني اطيح ع الروايه

تهبل والله :$

بآنتظآرج عآد

 

[m!ss nunu]

waitiiiiing

ان شاء الله .. دقايق بس .. المنتدى عل قلبي

 

[m!ss nunu]

وي توني اطيح ع الروايه

تهبل والله :$

بآنتظآرج عآد

انتي الي تهبلين ام جوري .. تسلمين

 

[m!ss nunu]

البارت السابع




روان : ( هذا شنو معناته يبه؟؟؟ شنوووو معناته؟؟ ) مشكور يبه



مانطرت رده وعلى طول دخلت البيت وانهارت بالبجي



خالاتها اخترعو وركضوو لها يبون يعرفون شصاير





خالتها (هاجر) : روان حبيبتي شفيج شصار؟؟؟؟؟؟؟



روان ماقدرت تكتم اكثر .. تعبت واهي حاطة بقلبها وبالعة القهر وساكتة



روان: (بصوت عالي واهي تبجي) شبيـــــــــــــــــصير يعني ياخالتي .. شنووووو كنتو تتوقعون انه بيصير؟ راح ايي ياخذني ويبوسني ويحضني ويراضيني؟ كنتو تتوقعون بيوقف بويه مرته ويأدبهاااا؟ كنتو متوقعين بيراضيني على حساب مرته وزعلها؟ انا ملّيــــــــــــــــــــــــــت طقت جبدي .. مابييييي ارجع هناك ولا ابي منه شي .. كل الي ابيه ابي ارتاح .. نفسيتي تعبت حسووو فيني





هاجر: خلاص حبيبتي قطعتي قلبي .. خلــــــــيه يولي اهو ومرته لا تضايقين روحج .. انتي هني معانا ، احنا اهلج ونحبج ونخاف عليج ومابنقصر معاج بشي ان شاء الله .. بس لا تسوين بعمرج جذي



روان: خالتي بليز خلوني بروحي انا تعبانة وايد

هاجر: لا حبيبتي شلون نخليج بروحج وانتي بهالحال

روان: انا بخير .. بس ابي اقعد بروحي شوي

هاجر: خلاص ياعمري ولايهمج .. احنا برة اي شي تحتاجين نادينا اوكي؟

روان: اوكي





طلعو خالات روان وتمت روان بروحها .. لامة مخدتها حيل وتبجي بحرقة قلب وقهر .. تلاقيها من وين والا وين .. كل الي تفكر فيه الحين انها تبي راشد .. تبي تكلمه .. محتاجته .. تبي تسمع صوته .. تبي تشكيله ويخفف عنها .. زاد عوار قلبها .. اصعب شعور هو شعور الحاجة لشخص ماتقدر انك توصل له .. كانت بتكتفي لو سمعت اي كلمة منه .. خلاص فراقه صار فوق طاقتها .. القوة الي كانت تتظاهر فيها تلاشت وبان ضعفها وحاجتها





روان: وينك ياراشد تعال شوف شصار فيني .. كنت انت الوحيد الي تجبر بخاطري وتشفي لي جروحي .. ابيك تكفى رد لي .. ماعدت اتحمل اي شي يصيدني وانت مو موجود .. انت قوتي تكفـــى ارجع





كانت ذيج الليلة بالنسبة لروان سيـئة بمعنى الكلمة .. كانت تبي الصبح يطلع بسرعة .. كأنها تحس ان اذا راح الليل بيروح معاه وجعها وحزنها









.. اليوم الثاني



.. ربى ورؤى في طريجهم للكراج بسيارة امهم

ربى: رؤى دقي على خالد وقوليله احنا في الطريج



رؤى: من خالد؟



ربى: الي دعمنا يالغبية شفيج



رؤى: اووهـ شدراني .. تبيني احفظ اسمه يعني .. زين هاتي تلفونج





.. خذت رؤى موبايل ربى ودقت على خالد

وخالد رد على طول جنه كان ينطر الاتصال



خالد: ( واهو مبتسم ) هلا رؤى



رؤى: (انصدمت .. شدراهـ ان انا الي بكلمه مو ربى بس ماحبت تحقق معاه) هلا خالد .. احنا في طريجنا للكراج



خالد: اوكي الحين انا طالع .. اي كراج وبأي منطقة



رؤى دلته الكراج



خالد: اوكي مسافة الطريج



.. وسكروو



رؤى: ربووي .. مادري ليش احس هالخالد غريب



ربى: ليش شقال؟



رؤى: اول مارد قال هلا رؤى!! شدراه اني انا الي بكلمه



ربى: خو عادي ، لأن انتي الي كلمتيه المرتين الي طافو ، فتوقع انج انتي الي بتكلمينه هالمرة بعد .. يعني عادي



رؤى: مادري شنو حاسة .. حتى لما دقيت عليه اول مرة سأل عن اسمي ، رغم ان اسمي مو مهم لأن اهو داعمج انتي مو انا و كله جنه يبي يسولف .. مادري شسالفته



ربى: لا تفكرين ولا تحطين شي في بالج .. يمكن مو قصده شي



رؤى: مادري .. يجوز





وصلو ربى ورؤى الكراج .. وخالد للحين ماوصل





رؤى: هذا شفيه مو قلنا له من امس ان 11 بنكون هني ليش ما يه



ربى: يمه بسم الله شفيج انتي شايشة على الريال .. خو تونا واصلين وسافطين





.. بعد 5 دقايق وصل خالد





رؤى: توه مشَرِّف حضرته



ربى : اوووف .. الله يعين الي يطيح بلسانج انتي





نزلو ربى ورؤى من سيارتهم .. ونزل خالد بعد





خالد: السلام عليكم



رؤى وربى: وعليكم السلام



خالد: ( وعيونه متعلقة برؤى) السموحة والله .. بس الشوارع حدها زحمة



ربى : لا عادي حصل خير



خالد: خلاص عيل .. خل نخلص سالفة الدفع وتشيكين ع السيارة اذا تمام عشان لا أأخركم زود بعد





ربى: اووكي







خالد دفع للكراج .. وربى استلمت سيارتها بعد ما تأكدت ان كل شي فيها تمام





ربى: مشكوور اخوي .. والله انك ماقصرت ، لو غيرك جان انحاش من البداية وفك روحه من هالسالفة



خالد: ولو اختي .. ماسويت شي وهذا حقكم وانا كنت غلطان



ربى: ع العموم مشكور مرة ثانية .. يالله مع السلامة



خالد: (بسرعة) لحظة



.. التفتو له ربى ورؤى .. وخالد قام يبولع بريجه ومنحرج حده



خالد: رؤى ممكن سؤال؟



رؤى: (مستغربة) اي تفضل



خالد: انتي مرتبطة؟



رؤى: (ويهها قام يقط ألوان) لا .. ليش السؤال؟



خالد: رؤى والله مادري شقولج .. بس انا من شفتج بيوم الحادث وانتي كلش ماغبتي عن بالي .. وانا والله يشهد نيتي شريفة .. انا ريال عمري 24 سنة وابي اتزوج .. بس ابي ع الاقل اكلم البنت الي بتزوجها مدة .. مو لازم تكون طويلة حتى لو كانت شهر بس ع الاقل اعرفها وتعرفني



رؤى سكتت .. انصدمت وانحرجت ومو عارفة شتقول .. بس اهي حاليا ماتبي هالشي .. ولا تفكر بالزواج .. تبي تتخرج وتدرس بالجامعة وتعيش حياتها .. مو مستعدة تتحمل مسؤولية كبيرة مثل الزواج حالياً





رؤى: آسفة خالد .. بس انا مافكر بالزواج الحين



خالد: تكفين فكري عدل والله اني شاريج



رؤى: آسفة خالد



خالد : ( بضيق ) اوكي الي تشوفينه .. وانا آسف على الأزعاج .. في أمان الله





ركب خالد سيارته وحرك .. ورؤى وربى نفس الشي .. وكل واحد افكاره قاعدة توديه وتييبه



ربى: رؤى ليش رفضتي؟ امبين عليه خوش ريال



رؤى: ربى انا مابي اتزوج الحين وانتي تدرين بهالشي



ربى: بس ع الاقل كلميه فترة يمكن تغيرين رايج



رؤى: مابي ربى



رؤى: انتي للحين تفكرين بفهد صح؟



رؤى: حتى لو كنت افكر فيه .. انا مابيه وعفته خلاص .. لو يموت ماراح ارجع له .. وانا ادري ان بيي يوم يبوس ريلي عشان ارد له وما راح ارد



ربى: مسكين خالد حسيته انحرج وتضايق



رؤى: مثل ما انا عجبته اكيد بيلاقي وحدة غيري تعجبه وتوافق .. بس انا مابي



ربى: على راحتج





بسيارة خالد كان الوضع غير .. كان حاس بضيق مو طبيعي .. هالبنت مابينه وبينها اي شي .. لا علاقة ولا اي شي .. يعني يقدر ينساها بسهولة .. بس ليش حاس ان ماراح يقدر ينساها وانه يبيها اهي بالذات .. مو عارف ليش هالشعور قاعد يلعب فيه ويخليه ضعيف .. بس اهي رفضته شنو يقدر يسوي اذا اهي ماتبيه؟



خالد: آآآآآهـ ياربي ساعدني .. يارب انت اعلم بنيتي انا ابي رؤى تكون زوجة لي .. مابي غير هالشي يااارب







مرت 3 اسابيع تقريبا على هالاحداث ومافي شي يديد .. روان للحين في بيت يدها .. وريما وفيصل سمن على عسل مع بعض وفيصل اعترف لها بحبه في خلال هالمدة القصيرة وهي بعد حست انها بادلته نفس المشاعر وتقريبا تخطت مرحلة عمر، خاصة ان الي عيشها فيه فيصل ماعاشت نصه ولا ربعه مع عمر .. ورؤى عايشة حياتها وتتجاهل كل ذكرياتها مع فهد وقاعدة تتحرر منها .. بس خالد الله وحده يعلم بحاله








البنات متيمعين في بيت عليا عشان تشرح لهم مادة الأكاونت (محاسبة) لأن عندهم اختبار اليوم الي بعده


عليا: لموي تعبتيني ترى .. اشرح لج تقولين فاهمة .. اعطيج تحلين ماتعرفين.. ترى بتسقطين اذا تميتي جذي



لمياء: وي فال الله ولا فالج .. علوي عفية تحمليني انا ترى اي شي فيه ارقام مخي مايستوعبه بسرعة شسوي



عليا: وانتي رؤوي؟ فاهمة؟



رؤى: اي فاهمة بس اول ماجوف ورقة الاختبار بنسى كل شي



عليا: لا تحطين هالشي في بالج .. انتي حفظي والباقي على الله .. عطيني دفترج بكتب لج مثال وحليه



رؤى تمد ايدها وتعطيها الدفتر



رؤى: هاج .. مو تعطيني صعب عاد



عليا: باجر قولي للأبلة ليش معطتنا صعب بعد ها



رؤى: لموي بتقعد وراي وبتغششني الي ماعرفه صح لموي؟



لمياء: لا يبه .. باجر اغششج غلط وانا الي احصل السب والزف



رؤى: انتي مامنج فايدة.. ريموو بتكون يمي بس قطيعة خطها صغير



ريما: افا عليج أكبره عشانج



روان: امبيييه شنو هذا .. انا اشك اني راح انجح بالمادة .. علوي صححي لي .. شكله حالة غلط



لمياء: مسكينة ابلة عليا قاعدة تفهم ناس قواطي عمرهم مابيفهمون ههههههههههههههههههههههههه



عليا: انا اشهد انكم قواطي



روان: اقوووووووول صححي لي احسن لج



عليا: الله يعيني عليكم







خلصو البنات مذاكرة وكل وحدة رجعت لبيتها


في بيت ريما .. كانت ريما قاعدة بالصالة تكلم فيصل .. ومحد في البيت غير اخوها الي قاعد بالميلس



ريما: اي ذاكرت زين .. مسكينة علوي رفيجتنا يننوها البنات .. اهي الي تشرح لهم وفوق هذا يزفونها



فيصل: هههههههههههههههههههه مسكينة



ريما: وانت شخبارك مع الجامعة؟



فيصل: الحمد لله كل شي تمام.. دام انتي معاي اكيد بكون مرتاح وشاد حيلي



ريما: (استحت) احم احم طبعا طبعا



فيصل: احلــى يالواااااثقة



ريما: ههههههههههههههههههه الثقة حلوة



فيصل: لا توصل لحد الغرور عاد



ريما: لا حرام عليك .. انا مو جذي



فيصل: ادري حبيبتي .. اتغشمر معاج .. انزين ريّوم انا الحين بسكره .. ببدل وبطلع من البيت وانا بالسيارة بدق عليج اوكي؟



ريما: اووكي ، بس وين بتروح؟



فيصل: بروح حق الربع



ريما: اوكي بتتأخر بالليل؟







.. بهاللحظة طلع اخوها من الميلس الي يفصل بينه وبين الصالة باب



نايف : (اخو ريما) ريما منو قاعدة تكلميـــن؟؟؟؟؟؟؟؟؟؟؟؟؟؟؟









لهني وخلص البارت



ناطرة ردودكم الحلوة :*​

 

[بيـــشو17]

امبي الله يستر راحت فيها ريما:s141::eh_s(11):
مشكوره عججججيب البارت:sfg::balo:

 

[m!ss nunu]

امبي الله يستر راحت فيها ريما:s141::eh_s(11):
مشكوره عججججيب البارت:sfg::balo:

العفو حبوبة ... :eh_s(17):

تهقين راحت فيها؟ :eh_s(10):

 

[Miss.blue berry]

رد : [ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

ثينكيو على البارت
لوو مسكينه ريما راحت فيها
امم حرام خالد مسكين كسر خاطري !

 

[m!ss nunu]

رد: رد : [ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

ثينكيو على البارت
لوو مسكينه ريما راحت فيها
امم حرام خالد مسكين كسر خاطري !

ولكم حبيبتي ...

وخالد صج مسكين

 

[**منال**]

نبي بارت بسرعه لا تطولين علينا حياتؤؤ

 

[m!ss nunu]

نبي بارت بسرعه لا تطولين علينا حياتؤؤ

:icon30: ان شاء الله حبيبتي .. الليلة احاول ابتدي فيه بإذن الله

 

[**منال**]

مشكؤؤؤؤره

ناطرينج

 

[m!ss nunu]

مشكؤؤؤؤره

ناطرينج

العفووو حبيبتي

 

[m!ss nunu]

بنات النت عندي ذابحني سامحوني اذا بتأخر عليكم شوي
بس بحيل الله باجر انزل البارت اليديد

 

[ام جوري89]

امبيييييييييييييه

الله يسسستر

يسلمممو حوؤبي ع البآرت :$:$

بآنتظآررج

 

[m!ss nunu]

امبيييييييييييييه

الله يسسستر

يسلمممو حوؤبي ع البآرت :$:$

بآنتظآررج

الله يسلمج حبوبة :*

 

[سارووونه22]

البارت روعة والله يستر من اخو ريما ومشكوووووووووورة ويعطيج العافية

 

[ام بشبش]

وعليا عليها روان مسكينه

والله يستر على على ريما اكيد راح اطلع جذبه هههههه بس كون يصدقها ان شاءالله

ومشكوره على البارت

 

[m!ss nunu]

البارت روعة والله يستر من اخو ريما ومشكوووووووووورة ويعطيج العافية

العفو حبيبتي .. والله يعافيج