[ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

[DALLY]

يعطيج العافيه

روان ماعندي توقع

بس اشدعوه عليها ريما مبين ان مايبيها

ورؤى زين سوووت يوم انها ماردت على اتصالات فهد

ومنورينا بطلات الروايه حياكم

 

[m!ss nunu]

يعطيج العافيه

روان ماعندي توقع

بس اشدعوه عليها ريما مبين ان مايبيها

ورؤى زين سوووت يوم انها ماردت على اتصالات فهد

ومنورينا بطلات الروايه حياكم

الله يعافيج حبيبتي
وعلى ريما .. ترى صدقيني الحب أعمى وهذا عيب الحب

 

[بندول للصداع]

يعطيج العافيه
بصراحه قصة روعه :ggdw:
ناطرين التكمله

 

[m!ss nunu]

يعطيج العافيه
بصراحه قصة روعه :ggdw:
ناطرين التكمله

تسلمين حبوبة .. والله يعافيج

 

[Dnoona]

رووووعه
و رؤى كسرت خآطري حييل
يعطيج العآفيه
نآطره التكمله

 

[m!ss nunu]

رووووعه
و رؤى كسرت خآطري حييل
يعطيج العآفيه
نآطره التكمله

الله يعافيج عيوني

وان شاء الله باجر انزل البارت اليديد

 

[Dalal.E]

gooowa amoora

anaa itha ma5ab '6ani atwa8a3 rawan itkalim 3omar ;p

 

[الاحاسيس المبهمه]

نااااااااااطريينج ...

وحيااتي رووئئئئئ

شووفي مس نوونووو انااا عندي كذاا روايه مواعده ناس فيهااا بالجمعييه ناوييه اطقهم فشرايج أواعد إلي برواايتج بعد واطيييحله طرااقااات فييييهم @! ماا ايوون إلا بالعين الحمراا حلااياا الوييييه ^_^

 

[m!ss nunu]

gooowa amoora

anaa itha ma5ab '6ani atwa8a3 rawan itkalim 3omar ;p

الله يقويج دلولة
اممممممممممممممممم شوي وانزل البارت وتعرفين :eh_s(6):

 

[m!ss nunu]

نااااااااااطريينج ...

وحيااتي رووئئئئئ

شووفي مس نوونووو انااا عندي كذاا روايه مواعده ناس فيهااا بالجمعييه ناوييه اطقهم فشرايج أواعد إلي برواايتج بعد واطيييحله طرااقااات فييييهم @! ماا ايوون إلا بالعين الحمراا حلااياا الوييييه ^_^

الاحاسيس ... عندج اياهم حبوبة لا تقصرين فيهم :tomato2:

 

[m!ss nunu]

البارت الرابع



راشد: ( وهو خانقته العبرة) روّون حياتي مشتاق لج

روان: ( وهي تحاول توقف بجي عشان ماتضايقه زود) وانا اكثر حبيبي .. خفت افقدك رشود .. كلام الناس مارحمني

راشد: ادري .. ادري ياكثر الكلام الي انقال عني .. روان سامحيني تكفين .. سامحيني .. كان لازم اسوي جذي ، انتي تدرين ان سلمان رفيج عمري لو ماشلت عنه هالقضية جان ابوه صار فيه شي .. جان ماتحمل .. روان سامحيني لأني ابتعدت عنج وعيشتج طول هالنص سنة بهم و ظنون توديج وتييبج .. روان انتي تدرين ان المخدرات مو لي صح؟ انتي تدرين انا مو جذي صح؟

روان:ادري ياراشد ادري.. اوووش .. خلاص حبيبي مابي اعرف اي شي الحين .. لما تطلع ان شاء الله نتكلم عن كل شي .. كل الي ابي اعرفه انت شلونك .. تاكل عدل؟ تنام عدل؟

راشد: شقولج ياروان .. اجذب عليج اذا قلت لج ان كل شي تمام ..

روان: يطقونك؟

راشد: انا تعبان ياروان .. كل شي فيني تعبان .. جسمي تكسر من الطق والجلد .. نفسيتي تعبت من الاهانات .. انا يمكن ظلمت نفسي وظلمتج بالي سويته .. لكن الله يعلم اني ماسويت هالشي الا عشان الريال الكبير

روان: ( تبجي بدون صوت) الله يردك لي ان شاء الله .. عشاني تحمل .. لا تضعف

راشد: اوعدج اني اتحمل .. روان حبيبتي انا مضطر اسكر .. لا تدقين على هالرقم .. لأن رقم واحد من الشباب الي معاي وتهريب .. كل ماشفت اني اقدر راح ادق ان شاء الله .. أحبج

روان: وانا بعد أحبك .. دير بالك على نفسك

راشد: ان شاء الله .. وانتي بعد تحملي بروحي (يعني بنفسها) .. مع السلامة





سكرت روان من عند راشد وقعدت تبجي من كل قلبها .. تبجي من شوقها له .. تبجي على الشخص الي تحبه وقاعد يتعذب .. تبجي من خوفها

عليه .. تبجي من خوفها انها تفقده .. وتبجي من حاجتها له

قعدت تتذكر شلون مرت عليها هالنص سنة .. لما اختفى بدون مقدمات .. ولما الناس قامت تتكلم وتقول انه سافر تايلند يخربط .. لما بدت تصدق كلام الناس لأن ماكانت تشوف لهالغياب مبرر .. كانت تذبل تدريجياً .. اهلها من صوب وحبيب عمرها الي هذا اول مرة من سنتين تفارقه فيها .. او بالأحرى يفارقها فيها

لما ياها الاتصال من رفيجه سلمان وقال لها كل شي .. ، على كثر ماتضايقت لما عرفت الي صار بحبيب قلبها على كثر ما ارتاحت انها عرفت مكانه .. وان هو ماتخلى عنها ولا خانها مثل ماكان الكل يقول .. وارتاحت زود لما قال لها سلمان ان المدة الي راح يقضيها راشد بالسجن ماراح تزيد ان شاء الله عن السنة





مسحت روان دموعها وحاولت تنام .. لكن هي وين والنوم وين .. صوت حبيبها هيّج كل مشاعرها .. زاد شوقها له .. وزادت لهفتها عليه



روان: راشد مشتاااقة لك موت





الاماكن كلها مشتاقه لك
والعيون اللي انرسم فيها خيالك ..
والحنين اللي ترك روحي وجا لك
ماهو انا بس حبيبي الاماكن كلها مشتاقه لك

*** *** *** ***

كل شئ حولي ,, يذكرني بشئ !
حتى صوتي وضحكتي لك فيها شئ ..
لو تغيب الدنيا عمرك ماتغيب
شوف حالي آآهـ من تطري عليّ !
الأماكن كلها مشتاقة لك









مرت فترة بدون احداث يديدة .. رؤى تتناسى فهد وتتجنبه كل ماشافته بالفريج .. وريما حاولت تداوي جروحها وتكون قوية .. وروان كاتمة سر راشد وماقالت لرفيجاتها عن شي .. ولما كانو يسألوها عنه كانت تجاوب ووتتصرف كأنه موجود .. اما لمياء وعليا فكانو على حطة الإيد وكانو يحاولون قد مايقدرون يواسون رفيجاتهم ويونسونهم لو بشي بسيط








في يوم من الايام ..وبالتحديد في المدرسة ريما كانت قاعدة تسولف مع زميلتها فاطمة الي معاها بالصف

فاطمة: ريمو في واحد من اهلنا الي يصيرون لنا من بعيد يقول وده يتعرف على وحدة تناسبه وبعدها يتزوجها ان شاء الله .. طريتي علي .. وكلمته عنج وتحمس وايد وقال شوفي شنو رايها وخبريني .. انتي مابحياتج احد؟



ريما: (تذكرت عمر وتضايقت) لا مابحياتي احد

فاطمة: انزين شرايج؟ تبين تكلمينه ؟ يمكن سبحان الله تعجبون بعض وبعدين يصير نصيب

ريما: مادري شقولج .. خليني افكر

فاطمة: اي من حقج حبيبتي .. اذا قررتي خبريني

ريما: ان شاء الله







وبعد نهاية الدوام

ريما: لموي بكلمج في موضوع .. ابي رايج

لمياء: الله يستر .. شصاير؟




ريما قالت لـ لمياء السالفة


لمياء: لا ريما .. انتي توج طالعة من تجربة ماظن له داعي هالشي .. تركي عنج هالخرابيط ولا تجازفين بمشاعرج للمرة الثانية

ريما: بس لمياء عمر (غصت واهي تقول اسمه) غير والي تكلمت عنه فاطمة غير .. انا وعمر ماكان بينا تكافء ابداً وهو بديرة وانا بديرة وكلش الوضع ماكان سهل بينا .. اما هالشخص فأنا احس انه غير .. وبعدين لمياء انا احس ابي مشاعري تستقر .. أبي احب شخص ادري ان ممكن اتزوجه .. ابي احس بكل الاحاسيس الي ماحسسني اياها عمر وحسيتها بروحي من ناحيته .. ودي بعلاقة ناجحة



لمياء: وانتي شدراج علاقتج بهالانسان بتكون ناجحة؟

ريما: مادري بس انا ارتحت للموضوع

لمياء: ريما .. انا ما انصحج .. وانتي كبيرة وتفهمين .. بس لا تضرين روحج أكثر

ريما: ان شاء الله ماكو مضرة .. انا بفكر عدل قبل لا اخذ قراري

لمياء: ان شاء الله خير







بعد مارجعو البنات كل وحدة لبيتها ..


ريما في دارها قاعدة تفكر بالموضوع الي كلمتها عنه فاطمة .. وقعدت تتذكر عمر الي صار لها جم شهر مادقت عليه بعد الي صار

بس هي للحين تحس انها تحبه .. لكن خلاص ماتقدر تحطم حياتها اكثر من جذي ولا تقدر تذل نفسها اكثر

هي لازم تعيش وتثبت لنفسها انها خوش بنت وماتنعاب وان الي سواه فيها عمر لأنه اهو قليل اصل مو لـ عيب فيها وان عندها قلب الكل يتمنى يكون له مكان فيه.



خذت تلفونها ودقت على فاطمة



ريما: هلا فطوم

فاطمة: هلا ريّوم

ريما: فاطمة شسمه الشخص الي كلمتيني عنه؟

فاطمة: اسمه فيصل .. ليش حبيبتي؟

ريما: فاطمة انا موافقة اكلمه

فاطمة: (ابتسمت) ان شاء الله خير .. انا راح اقول له واعطيه رقمج

ريما: ( بتوتر) فطوم اكيد الولد زين؟ مو لعّاب؟

فاطمة: شوفي ريّوم انا علاقتي معاه اكثر شي مسن .. اهو صج من أهلنا البعاد بس مانتشاوف وايد .. فمن علاقتي فيه بالمسن حسيته خوش واحد .. بس ريّوم ترى من الحين اقولج انا مو ضامنة فيصل 100% يعني انا وهو مثل الاخوان .. لكن ترى ماعرف شلون ممكن تكون علاقته في حبيبته او زوجته في المستقبل .. انتي فكرتي عدل؟

ريما: اي فطوم .. خلاص انا موافقة

فاطمة: خلاص حبيبتي الي تشوفينه .. انا اكلمه وارد لج خبر

ريما: اوكي انطرج .. مع السلامة





سكرت ريما وهي تدعي في قلبها ان يكون اختيارها هالمرة صحيح .. وانها تقدر تفتح مع نفسها صفحة يديدة وتعيش حياة مستقرة





اليوم الي بعدهـ كان ويك اند والبنات قررو يطلعون يغيرون جو ..

كلهم بالسيارة مع ربى اخت رؤى الي كانت موصلتهم للسينما




عليا: بنات خل ندش فلم رومانس



لمياء: اوووف علوي ياملقج مال اول الرومانس شخباري



ريما: اي انا بعد ودي برومانس



روان: انا بعد



رؤى: انا اي شي .. يعني عادي



لمياء: اذا تبون رومانس شرط يكون هندي



رؤى: اوووووف انتي شنو ماتملين من مجابل هالافلام الهندية



لمياء: لا وي .. ياحلووو افلامهم



رؤى: ربى مابتدشين معانا فلم؟



ربى: لا انا بفتر بالسوق وبعدين بقعد في كوستا



رؤى: اووكي



وصلو البنات السينما .. ودخلو فلم هندي من اختيار لمياء وعلى ضمانها لأن هددوها تدفع قيمة التذاكر اذا طلع مو حلو خخخخخخخخخخخخخ



في الفلم .. ريما حاطة راسها على جتف لمياء وداشين جو

ريما: لموووي متى ايي اليوم الي في شخص يحبني بهالطريقة ويضحي عشاني جذي



لمياء: ريمو جبي .. هذا فلم عبالج اكو ريال جذي



عليا: سكتي انتي وياها خلونا نطالع بهدوء




بعد ماخلص الفلم .. وطلعو البنات من السينما رايحين يتعشون



ريما: لمياء انا قلت لفاطمة اني موافقة على فيصل



لمياء:فيصل منو؟



ريما: اوو لمياء .. فيصل الي قالت لي عنه وقلت لها بفكر



لمياء: ريما فكرتي عدل؟



ريما: اي فكرت .. انتي بس ادعي لي



لمياء: الله يوفقج ان شاء الله وما تتأذين مرة ثانية






تعشو البنات .. وسولفو وضحكو .. وفي الطريج واهم رادّين


.. بالسيارة رن موبايل ريما ، وكان رقم غريب


ريما: ألوو

الطرف الثاني: مساء الخير

ريما: مساء النور .. من معاي؟

فيصل: شلونج ريما .. معاج فيصل

ريما: (ارتبكت) هلا فيصل .. انا بخير الحمد لله .. انت شلونك




البنات التلفتو عليها .. شدتهم المكالمة وكانو مستغربين ..من هالفيصل؟ باستثناء لمياء الي كانت تدري



فيصل: الحمد لله تمام .. شكلج طالعة؟؟؟

ريما: اي والله طالعة مع ربعي والحين رادة

فيصل: خلاص عيل .. ممكن اكلمج بعدين؟

ريما: اي عادي

فيصل: خلاص عيل ديري بالج على نفسج

ريما وي ياحليله) ان شاء الله .. مع السلامة







سكرت ريما .. وطالعت البنات الي ألف سؤال بعينهم .. اخترعت منهم وارتبكت



ريما: وي بسم الله شفيكم اتطالعوني جذي



رؤى: ريمو خلصينا منو فيصل



عليا: هاااااااا ريمو من ورانا



روان: كليتو البنية شفيكم شوي شوي عاد .. ها ريمو منو هذا يالخايسة هههههههههههههه



ريما: لموي بتقول لكم انا وصلت البيت





ريما انزلت بيتهم .. ولمياء قالت للبنات السالفة



رؤى: ريما ولا تيوز .. ولا تتعظ من الي يصير معاها .. دايم تبي تسوي الي براسها



عليا: واعليا ريما قاست مع الي مايتسمى عمر



روان: ان شاء الله يكون اختيارها صحيح هالمرة



البنات : ان شاء الله




بعد ماوصلت ربى كل البنات .. كانو ربى ورؤى في طريجهم بالبيت .. وفجأة واهم على الدوار .. كانت السيارة الي يمهم منحرفة عن مسارها ودعمت بسيارة ربى من الجنب الي كانت قاعدة فيه رؤى


ربى: يمه قلبي بغى يوقف .. رؤوي تعورتي؟

رؤى: لا عادي بس احس ريلي تيبست من الخرعة

ربى: عمى بعين العدو شفيه هذا مايشوف .. شوفيه انحاش والا سفط على جنب ؟

رؤى: لالا كاهو سافط وواقف عند السيارة ينطرنا جنه .. روحي سفطي يمه



سفطت ربى يم السيارة الي دعمتها ونزلت مع رؤى



خالد ( الي دعمهم) السموووحة السمووحة والله ماحطيت بالي .. عسى محد فيكم تعور؟

ربى: لا الحمد لله .. بس السيارة انخفست شوي

خالد: ماعليه اختي في الحديد ولا فيكم وانا مستعد اصلحها لكم .. تفضلي هذا كرتي وانا حاضر بالي تامرون عليه

ربى : خلاص اوكي وحصل خير





كل واحد ركب سيارته .. وخالد عيونه معلقة بـ رؤى شوي وياكلها بالنظرات

رؤى: وي شفيه هذا يطالعني جذي

ربى : شدراني .. يمكن عجبتيه

رؤى: خيولي زين







.. بسيارة خالد

خالد سرحان بـ رؤى .. سبحان الي خلقها صج حلوة .. حسافة مو اهي الي كانت تسوق جان ع الاقل سمعت صوتها لما بكلمها وجان اهي الي عطيتها الكرت .. اففف حسااافة

بس سبحان الله كل شي فيها نفس ما احب .. ياحلووها









بدار ريمـا .. ريما قاعدة تنطر اتصال فيصل


ريما: اففف وينه هذا ليش مادق .. لالا ريمو ثقلي شفيج خلج ثقل .. العقل زين



دقايق ورن موبايل ريم



ريما: هلا فيصل



فيصل: هلا بهالصوت .. ها ريّوم انتي بالبيت؟



ريما: (من اولها ريّوم) اي رديت من شوي



فيصل: وين كنتي رايحة؟



ريما: السينما مع رفيجاتي وعقبها تعشينا



فيصل: وعسى استانستي ؟



ريما: اي الحمد لله



فيصل: زين ريّوم سولفيلي عن نفسج .. وانا بعد راح اسولف لج واقولج كل الي ودج اتعرفينه



ريما: انت ابتدي اول



فيصل: انا فيصل الـ ... ,, عمري 21 سنة .. أدرس ادارة اعمال بجامعة البحرين سنة ثالثة .. اصلي من المحرق وساكن بالمحرق بعد اممم عندي اختين و اثنين اخوان ، امممم شنو ودج تعرفين بعد



ريما: بس هذا يكفي .. الا اذا انت في اشياء بحياتك ودك سولفها لي من نفسك



فيصل: انا حياتي كتاب مفتوح .. يعني ماعندي شي اخشه .. بس يمكن ودج تعرفين اذا انا كنت على علاقة من قبل او كنت احب



ريما: امممم اي تقدر تقول ان خاطري اعرف



فيصل: اي كانت بحياتي وحدة .. بس اختلفنا على وايد امور وماقدرنا نستمر مع بعض .. تقدرين اتقولين ماكنا نناسب بعض



ريما: اهااا .. اووكي



فيصل: وانتي؟



ريما: (تبلعمت) وانا شنو؟



فيصل: حبيتي من قبل؟



ريما: بصراحة اي .. بس هم ماكانت علاقة ناجحة وماكان في تناسب بينا



فيصل: من اي ناحية؟



ريما: هو سعودي واغلب الظن اهلي ماكانو راح يوافقون اني اخذ واحد من برة واعيش بديرة غير .. وانا ظليت معاه تقريبا 3 سنوات .. لكن في الاخير انتهى كل شي لأن المشاكل كثرت بينا (ماحبت تقول له ان عمر هو الي تركها) وبس



فيصل: والحين ماعدتي تحملين مشاعر ناحيته؟



ريما: ( تضايقت لأنها للحين تحس انها تحب عمر لكن ماتبي تقول اي وتخرب على نفسها حياة يديدة) لا طبعا .. صار ماضي وماعاد يعنيلي شي





وتمووو ريما وفيصل يسولفون لوقت متأخر .. تقريبا تكلمو عن كل شي .. وتقدرون تقولون ارتاحو لبعض





فيصل: اوووولـه طول هالساعات كنا نتكلم مع بعض كلش ماحسيت بالوقت



ريما: اي والله ولا انا



فيصل: يالله عيل خل ننام .. شيقعدنا باجر



ريما: اي وانت صاج



فيصل: يالله عيل تغطي زين وتيك كير ها



ريما: وانت بعد



فيصل: تصبحين على الف خير كتكووتة



ريما: هههههههه وانت من اهله كتكووت







سكرت ريما من عند فيصل وهي تبتسم وحاسة براحة ونوع من السعادة .. كانت فاقدة هالاحساس من مدة طويلة ومشتاقة لهالشعور



ريما: ياحليله



غمضت ريما عيونها .. وكلها أمل ان الايام الياية تحمل لها السعادة والراحة والحب الي تتمناهـ




يالله بنات ناطرة ردودكم
​

 

[MeeMeeYoo_2]

انشالله حظها يطلع احسن


ثنكيووووو

 

[DALLY]

يعطيج الف عافيه عالبارت


زين سووت ريما بس اتمنى العلاقه ماتكون فاشله

وروان كسرت خاطري مسكينه الله يصبرها

 

[Miss.blue berry]

رد : [ صـديقـاتي والقـدر ] روايتي الأولى والواقعيـة[ روآيه مسمُوح بهآ ]

ثييينكيو حبيبتي على الباارت الروعه

 

[ام بشبش]

القصه حلوه
وان شاءالله يكون فيصل زين وابن حلال ويعوضها عن عمر

 

[الزهر الابيض]

القصة وااايد حللوة ..عجبتني الصراحة

واسلوبج حلوو وراقي بالكتابة

ونبي بااااااارت .. ناطرينج حبيبتي

 

[الاحاسيس المبهمه]

واااااااااي يحلييييييييييله حبيييته ... خل اتزوجه بداالهااا ^_^ لوووووووول

اتغشمر اتغشمر موومن صجي ترىى لاتعب علييناا الحيين ...

 

[Dnoona]

يحليله فصووول << من آولها دلع لووول
يعطيج العافيه
ونآطره البآرت اليآي

 

[m!ss nunu]

انشالله حظها يطلع احسن


ثنكيووووو

العفو حبوبة وتسلمين ع المتابعة

 

[m!ss nunu]

يعطيج الف عافيه عالبارت


زين سووت ريما بس اتمنى العلاقه ماتكون فاشله

وروان كسرت خاطري مسكينه الله يصبرها

الله يعافيج حبيبتي .. :aha: